صفحة القصة
عند محمد اللي وصل للبحر خرج تكى مع اللوطو و عقلو مازال ماستوعبش الهدرة اللي قالت رهف
بقا كيخمم و يخمم لوقت طويل
محمد: آش دوزتي باش قدرتي تفرطي بروحك آش عشتي باش قدرتي تعطي حاجة بحال هاذي آش دارو ليك اااخخ. ارهف اااخ. آش ذاك الشي اللي قلتي ليا ولاكن كانواعدك غادي نصلح كل شي و نخليك تيقي فيا و باللي ماشي كامل الناس بحال بحال كانواعدك غادي نبغيك لدرجة كبيرة غاتخليك تنساي استغلال الدنيا ليك كانواعدك
...زاد قعد شويا ممبعد رجع للدار كان وقت لعشاء كانت الطبلة محطوطة ولاكن حتى حد مكاين
ذوك لولاد راه محمد عطاهم دار بوحدهم.
رهف اللي كانت فبيتها ناعسا بعدما دات دواء ديال النعاس حيت قتلها التخمام. و بغات تنعس اما. نور فراحت لقبر والديها من فرط التخمام حتى هي كانت باغيا تنعس.
محمد طلع لبيت نور مالقاهاش توجه لغرفة رهف و بقا واقف واش يدخل ولا لا. يدخل ولا. لا. فاللخر زعم و. دق الباب مارجعتلوش. عاود دق. والو. فتح الباب ودخل لقاها قاعدة قدام الناموسية و راسها فوق لفراش كانت ناعسة. و واحد الكاس ديال الماء فالارض و دواء ديال النعاس
محمد: عاود تاني شربتيهم بفففف. غايهلكوك
توجه جيهتها رفدها و قادها فالناموسية غطاها باسها فجبهتها. و خرج. راح عند الخدامة سولها على نور قالت ليه. عاد دابا خرجت راحت للمقبرة و قالت ليه بلاما يتبعها حيت بغات تنعس خرج قبالا متوجه للمقبرة
نرجعو عند ايهم اللي حتى هو توجه للمقبرة بعدما خبرو. الڨارد اللي دارو يراقب نور
عند نور اللي كي العادة وصلت للمقبرة و دخلت في وسط قبور والديها و نعست فاتت مدة لحقها ايهم. لقاها كي العادة ناعسا فوق التربة فهاذ البرد نحى الشوميز ديالو غطاها بيه و قعد فالارض جبدها عندو حطلها راسها فوق صدرو و عنقها بيد باش ماطيحش حيت كان قاعد. و يد حطها فشعرها كايلعبلها فيه
ايهم : سمحيلي احبيبتي سمحيلي انا السباب سمحي ليا والله غير ندمت على كل حاجة درتها فيك كانتمنا تسمحيلي للمرة الألف سمحيلي و الله كنت غبي و مقدرتش جوهرة بحالك. و سمحيلي حيت ماخبرتكش باللي رجعت ليا الذاكرة حيت كنت خايف تبعدي مني اذا عرفتيني ر جعتها والله حتى سنين هاذي و انا. كانتعذب على بعدك رجعيلي الله يخليك و كانواعدك. ماعمر تقيسك شي حاجة غادي نعوضك. و غادي نعالجك من السم اللي كاتتجرعيه غادي تتعالجي و تبعدي عليه
نرجعو. عند محمد اللي وصل للمقبرة توجه عندها و هو يشوف شي حد تما مع قرب عقلو باللي ايهم سمعو يهدر بوحدو. و هي ناعسة جاه فضول يسمع ذيك الهدرة قرب جيهتهم غير بالشوية باش مايشوفوش ايهم و بقا كايسمع
كان كايسمعلو اش كايقول بان ليه كايدوي من قلبو. حيت هي اصلا ناعسا حس بيه صح ندم و كايطلب فالسماحة و فاش سمعو قال غانعالجك من السم ستغرب من آش غايعالجها آش من سم
ايهم: ذاك الهيروين اللي كاتتجرعي منو راه غايدمرلك الجسد ديالك و ذاك الدخان راه غايهلكك. ا حبيبتي الله يخليك القبليني مرة خرا باش نعالجك منو.
محمد تصدم من هدرتو. آش من هيروين مافاق لعمرو حتى لقا. رجليه دايينو عند. ايهم.
محمد: آش من هيروين كاتدوي نت آش كاتخرف
ايهم :( ستغرب منو و منين خرجلو) آش كادير هنا
محمد : كاندوي معاك آش من هيروين
ايهم: راها كاتتعاطا الهيروين و كاتتكيف من فوق
محمد تشوكا
محمد: آش كاتخرف من إيماتا كاتتعاطاه
ايهم: فاش كانت فالحبس و انا ماعنديش بزاف من اللي عرفت فاش كنت فاقد الذاكرة
محمد: علاش ماقلتيش ليا و كيفاش حتى قاتلك ليك و ماقالتهاش ليا
ايهم؛ لا ماقالتهاليش انا اللي عرفتها
محمد: كيفاش
ايهم: فاش عرفت باللي فقدت الذاكرة كنت حاب نعرف الماضي و ماكانش اللي كان باغي يخبرني بيه أيا. مالقيت غير نور الحل الوحيد ليا. شربتها واحد الدواء ايخليها تحكيلي كل شي. و فاش كانت كاتحكيلي آش عشنا انا و هي و آش درت ليها رجعتلي الذاكرة خرجت للدوش ندوش باش منغيبش و فاش رجعت لقيتها كاتتجرع فالهيروين
محمد: و هي عارفاك عارف باللي عارفها كاتتعاطا الهيروين
ايهم: لا حيت ذاك الدوا. فاش ترجع للوعي ديالها غاتنسى كل شي
محمد:( عرفو نفس الدوا اللي عطاه لرهف) اراها ليا
ايهم: غاتفيق خليه تنعس و ترتاح
قرب عندها. و هزها.
ايهم ستغرب علاش مافاقتش
توجه جيهت اللوطو. و ايهم تابعو
ايهم: علاش مافاقتش فاش بعدتيها على قبر والديها
محمد: حيت كاتنعس مع الاشخاص اللي كاترتاحلهم و انا كاترتاح ليا بالاضافة لقبر والديها
وصلو للوطو
ايهم: نوصلكم حيت نت رافدها غاتفيق كون تحطها
محمد: ( خزر فيه و عاود دار فتح الباب الوراني) واخا
محمد ركب اللور. و ايهم القدام. و شدو طريق الدار
ايهم: واش غاديرها فاش توصل للدار غاتفيق
محمد: لا مغاديش تفيق حيت غاتنعس معايا
ايهم. تصدم و تبدلو ملامح وجهو و تزير الشي اللي لاحظو محمد. للحظة جابلو الضحكة
محمد عرف غير من هدرة ايهم مع نور و التصرف اللي دارو معاها و فاش بقى هو للبرد و غطاها هي باللي فعلا ندم. و كايبغيها.
ايهم كلمة مازادهاش الطريق كلو. وهو مزير كون صاب كون قتل محمد
مسافة الطريق كانو وصلو. للدار هبط محمد و حتى ايهم
توجه محمد جيهت الباب قبل ما يروح دار عند ايهم
محمد : روح فاللوطو ديالي و ماتخافش راها كثر من ختي
و دخل للدار. اما ايهم هدرت محمد لحال يلا طمأناتو نوعا ما. و فرح فاش تحسنت علاقتهم واخا غير شويا حيت محمد كان غا يكون حاجز بينو. و بين نور
ايهم ركب اللوطو ديال محمد و توجه. لدارو.
اما محمد توجه لبيت نور و نعسو كي العادة. اما عند رهف. فما فاقت حتى لذيك 4 ديال الصباح لقات روحها فوق الناموسية. و مغطية ستغربت حيت هي كانت فالارض. كاتحس بالصداع فراسها. عاودت شربت 2 حبات من ذاك الدوا. و بعد مدة رجعت للنعاس
بعد ليل طويل فاق محمد و فيق حتى نور معاه. توجه لبيتو. دوش و لبس حوايجو و هبط الطبلة يستناهم يجيو. و نور ستغربت كيفاش حتى جابها محمد و شنو وقع. مع جات نايضة شافت واحد الشوميز رفداتو جاتها ريحت ايهم قرباتو لنيفها شمشمت كانت بالصح ديال ايهم ولاكن شنو كادير هنا عندها كاين ان فالموضوع
دخلت دوشت و خرجت لبست حوايجها و هبطت لتحت. لقات محمد كايتسنا فيهم. توجهت للطبلة و قعدت متقابلة معاه
نور: كيفاش حتى جبتيني هنا و شنو وقع فالمقبرة واش ايهم كان ثما
محمد: وي كان ثما لقيتو معاك
نور:( بقلق) واش دابزتو. عاود تاني
محمد: لا مادابزناش راه هو اللي وصلنا هنا و مشا
نور: واش بالصح
محمد: وي و دابا بغيت نسولك و بغيتك تجاوبيني بلا كذب عنداك تكذبي عليا
نور: لا مغانكذبش
محمد: جاوني واحد لخبار باللي كاتتعاطاي الهيروين
نور: ( تصمرت في پلاستها ما عرفت واش تقول) ها ا. ان. ان ا. انا اا لا
محمد:( لاحظ توترها و تأكد من هدرت ايهم) علاش كتقفقفي
نور: ا ا لا مكانقفقفش عادي
محمد: متأكدة مكاتكذبيش عليا
نور: لا مكانكذبش
محمد : اوكي واخا تيقتك حيت ما شفت حتى شي حاجة بعيني و دابا فين رهف
نور: معرفتش اتكون ناعسا انمشي نشوفها
محمد: لا نتي غير فطري دابا انا اللي غانمشي نشوفها
نور: واخا
محمد: بداي فطري ماتستنايناش
ناس توجه لغرفة رهف
دق ماردتش عليه. فتح الباب دخل
لقاها عاود تاني ناعسا فالارض ولاكن هاذ المرة كانت ناعسا على ظهرها مكسلا رجليها و. فاتحة يديها راسها مفيكسي فالسقف قرب عندها كيهز فيها
محمد: فيقي آش هاذ الحالة دايرة فراسك فيقي اوووف ارهف آش هاذ الزبل كاتاخذي
رفدها دخلها للحمام. حطها و طلق عليها الماء بارد باش تصحصح. ناضت مفزوعة خلعها. بفعلتو
رهف: ااااماما. آش كادير
محمد: كنفيق فيك
رهف: واش هاكذا كايفيق بنادم
محمد: (متبسم) من الصباح و انا كنفيق فيك مابغيتيش تفيقي ليا و دابا انخليك تتدوشي و تهبطي تفطري اوكي
خرج توجه لبيت نور باغي يفتشها ولاكن مع جايدخل و هو يبدل الطريق.
محمد : آش هاذ الطريقة البذيئة. بفففف آش غاندير معاك دابا. انور. كيفاش نبعدك على ذاك السم اللي كاتتعاطايه.
قلب طريقو للتحت جات عندو الخدامة خبراتو باللي نور راحت للشركة
زاد فطريقو للطبلة كايتسنا رهف تهبط بعد فترة هبطت و قعدو يفطرو فصمت حتى كملو ماكلتهم
محمد: واش رايك انخرجو نتساراو شويا
رهف: اوكي انخرجو
محمد: اوكي نوضي
خرجو ركبو اللوطو
محمد: فين بغيتي نمشيو
رهف : فينما بغيتي معرفتش
محمد : واخا انمشيو لبحر
رهف : اوكي
توجهو للبحر كان هادء و فارغ نوعا ما ماكانوش بزاف ديال الناس تقنتو فواحد القنت مقابلين لبحر
محمد: حكيلي على حياتك شويا
رهف:( كانت كاتشوف فلبحر دارت شافت فيه و رجعت تشوف جيهت البحر) عادي بحالي بحال الناس حياة و عشتها و صافي
محمد: فين عائلتك واش متوفيين حيت قتلي ليا تخلاو عليا وانا مفهمتش
رهف:( عاودت دارتش شافت جيهتو و دموع تحجرو فعينها قبل مايطيحو دورت وجهها لجيهت البحر) انا اللي ميتا ماشي هوما
محمد: شوفي فيا عادي اذا بكيتي غاترتاحي خليهم ينزلو
رهف مع سمعت هدرتو خانوها دموعها و بدات كانبكي بالصوت
محمد جبدها عندو و عنقها
محمد: فرغي ليا قلبك
رهف: مكاين حتى فايدة
محمد: لا غاترتاحي غادي نحاول نحللك مشاكلك و اذا مقدرتش غانتقاسمها معاك
رهف: علاش كادير معايا بحال هك
محمد: هكك حيت نتي حاجة مهمة بالنسبة ليا و من مسؤوليتي
رهف:( كتمسح فدموعها) لا مكاين حتى شي حاجة مهمة عادي آجي نمشيو من هنا
محمد: واخا على راحتك غاتحكيلي مع الوقت
ناضو بجوج توجهو جيهت اللوطو
محمد: آش بان ليك نتساراو شويا على رجلينا و نبدلو الجو
رهف : اوكي
نرجعو عند نور اللي توجهت للشركة تقابل خدمتها و مرة مرة تفكر ف ايهم و مرة ف محمد اللي عرفها كاتتعاطا الهيروين و آش ادير دابا كل شي تخلط عليها
اما ايهم ف حتى هو بعدما فاق صبح دوش و لبس حوايجو و توجه للشركة ديالو يقابلها و مرة مرة كيخمم بالخطوة المقبلة. و آش آيدير.
نرجعو عند محمد و رهف اللي بقاو كايتساراو من پلاصة لبلاصة. حتى لواحد اللحظة وقفت نور مفيكسيا كاتشوف جيهت واحد لولد للحظة تخلطو عليها الاحاسيس ديال العتاب و الشوق و الحب الشي اللي لاحظو محمد
محمد: مالك اش شفتي
رهف: ا ا أمير
محمد: (تصدم حيت شاف فعينها نظرات الحب و الشوق هدر بخوف من جوابها) واش مازال كاتبغيه
رهف :( الدموع شلال من عينها)اه مازال گانبغيه و غانبقا نبغيه حتى نموة توحشتو و بغيت نمشي نحظنو و نزير عليه و نقول ليه علاش تخلا عليا
محمد صدماتو شوكاتو بجوابها قتلاتو
عند ايهم اللي عيا مايخمم فنور رفد روحو و دا واحد النسخة من وراق زواجهم. و توجه عندها للشركة سقسا على المكتب ديالها فين جا قالتلو الموظفة يستنى
غفلها و طلع بالزربة حيت عارف مغايخليوهش يدخل عندها حيت كل شي بالموعد
توجه للمكتب ديالها حبساتو السيكرتيرة ماداهاش فيها و دخل
ايهم: بغيت ندوي معاك
دخلت السيكرتيرة و صدرتها نور
نور: آش بغيت
ايهم: بغيت ندير الحل معاك كرهت من هاذ العيشة
نور: آش من حل راه صافي كل واحد فينا يمشي فطريق
ايهم: مستحيل نتي ديالي و مراتي ماتنسايش
نور: غانطلقو اصلا نت ستغليتني و مثلت عليا باللي فاقد الذاكرة و خليتني نسيني لوراق بزز مني
ايهم :(عطاها ذيك النسخة) مغاديش تقدري ترفعي دعوت طلاق ضدي حتى يفوتو 10 سنين على زواجنا و فهاذ 10 سنين مغاتقدريش تبعدي مني
قرات ذوك لوراق و هي تتصدم من الشروط يعني دابا مستحيل تبعد منو حتى يفوتو 10 سنين
نور: آش هاذ الشي آش هاذ الفعلة. علاش كادير ليا بحال هگ علاش ا ايهم
ايهم:( قرب عندها) شوفي ا نور. انا والله حتى كانبغيك مغانقدرش نبعد منك افهميني راه ندمت ندمت انور ندمت بزاف على فعايلي الخايبين معاك حني عليا غير شويا
نور: مغانقدرش نعيش معاك ماشي بيدي ولاكن فعايلك لقدم هوما اللي مخليينني نبعد منك
ايهم:( زاد قرب عندها) غادي نصلح كل شي و غانعوضك
نور: بعد عليا راه حتى قربك كايخوفني
ايهم : علاش كاتخافي مني
نور: حيت كانتفكر ذيك الوحشية ديالك نهار غتاصبتني و عذبتني هذا هو الشي اللي مخليني نخاف من قربك شفتي واخة نحب نبقا معاك مكانقدرش الروح ديالي كترفضك
ايهم:( ضميرو كيأنبو كياكل فيه الندم) عارف روحي اذيتك ولاكن حاولي. تنساي خلينا نبداو من جديد
نور: مستحيل مغانقدرش نعاودو.
ايهم: علاش كاديري بحال هك علاش كل ما نحاول نقربلك بخطوة كاتبعدي ب عشرة
نور: ممكن ماشي ذنبك ولاكن انا عانيت بزاف ف حياتي و تصدمت. بزاف و من اقرب الناس ليا و الصدمات اللي تلقيتهم من عندك كانو. النهاية ديالي صافي معادش نتيق فالبشر
ايهم: حاولي تتقبليني مرة خرا و غانعوضك
نور: منقدرش
ايهم: غادي تطريني نجبرك تعيشي معايا انور حيت ماكاين حتى حل آخر
نور: كتهددني
ايهم: مكانهددكش كنخبرك و صافي حيت مستحيل نعيش بلا بيك. نتي الهواء اللي كانتنفسو. مغانقدرش نبعد عليك
نور : صافي خرج من حياتي و نساني
ايهم : هاني رايح دابا ولاكن غانرجع غانخليك تخممي مزيان. الحبيبة ديالي
كمل هدرتو و خرج خلا نور فدوامة. من التفكير
نرجعو عند. محمد و رهف
محمد: (كيضحك كي لمهبول بعدم تصديق) هههه واش داوية منيتك كيفاش هاذي كاتبغيه
رهف: كانبغيه ولاكن خفت نمشي عندو و يجري عليا كيفما دار من قبل
محمد: صافي باراكا راكي كاتقتليني بهدرتك (اشار لقلبو) رحمي هاذ القلب راه كايبغيك
رهف: ك كي كيفاش كاتبغيني
محمد: والو ماهدرتش دابا سيري عندو ولا عرفتي شنو والله ماغانخليك ليه غاتبقاي معايا نتي ديالي وحدي اذا مابغيتينيش بالعقل غاتبغيني بالسيف عليك ولا عرفتي ماتبغينيش ڨاع المهم انا كانبغيك. و نتي ديالي
جرها من يدها و هي كاتجبد فيدها توجهو للوطو ذيك 10 دقايق كانو لحقو طريق كلو و هوما متناقرين
رهف: طلق طلق مني كاتوجعني
محمد:( زاد زيرلها على يدها كثر و كثر) على الله تحسي بالوجع اللي ف قلبي
رهف:( تحجرو دموع فعينها من قوت مامزيرلها على يدها) طلق طلق راني مكنحسش بيدي طلق
وصلو للوطو ركبها و طلع من الجهة الثانية
رهف: (شدت فيدها و كاتبكي)خليني نمشي مابغيتش نبقا معاك متوحش
محمد:(كلامها مابغاش يتحيد من راسو باقي كيتردد ماعارفش. آش كادير هدر بغضب) سكتتتييي مابغيتش نسمع حسك نخمدي
رهف:( خلعها دارت جيهت السجاج و كاتبكي شادة فيدها اللي رجعت كلها زرقة و زروقية دايرة على يدها بحال الساعة) حڨار
محمد شعل اللوطو و قلع مدة و هو سايڨ طريق كلو و رهف كاتبكي و شادة فيدها حبس جنب الطريق
محمد: دوري عندي أراي نشوف يدك صافي سكتي
رهف: لا رد
محمد:( بعصبية) رهاااف دوري عندي ولا غانقتل ديلمك واحد مايجيبلك لخبار
رهف خلعها و دارت عندو
محمد: اراي يدك
رهف:: شنو بغيتي بعد مني
محمد: رهااف ماتقودينيش كثر مانا مقود ارااي يدك مانعاودش الهدرة زوج مرات
رهف خلعها عاود تاني. و عطاتو يدها
محمد تخلع الاثار ديال يدو مطبوعين فيدها و كلها زرقة مكانش عارف لهاذ الدرجة وجعها
محمد: سمحي ليا ماقصدتش هاذ الشي
رهف:( بغضب و علات صوتها) كاتضربني و كاتقول ليا سمحي ليا ماقصدتش واش كتتحكم ليا ف حياتي ولا شنو و حتى ماخليتنيش نمشي عند امير
محمد:( مع هو مخربق فاش جبدت سيرت امير مافاقش لروحو كيفاش حتى عطاها كف و كيهدر بعصبية عقلو غير فالهدرة اللي قالتها فاش شافت امير) أمير أمير أمير أمير باراكااا اه كانتحكم ليك ف حياتك و فيك ياك انا اللي خرجتك من الحبس و دابا نتي قاعدا عندنا و عايشا بسبابنا و من خيرنا يعني اي حاجة نقولهالك ديريها نتي ماعندكش الحق فحياتك
رهف شدت بيدها پلاصت الضربة. ماتوقعتهاش منو. صدمها و جرحها بزاف بهدرتو. حست بالإهانة
عند نور. بعدما مشا ايهم حتى هي خرجت توجهت للبحر كتخمم فايهم و فآش تدير. هو صح ندم و باينة عليه ولاكن مغاتقدرش ترجعلو عاود تاني
بعد تخمام. و تخمام. توجهت للدار
عند. محمد. و رهف
محمد حتى طفرها عاد عاق لراسو شنو دار
محمد : سمحيلي ارهف والله ماكنت فالوعي ديالي سمحيلي
رهف: لا رد
محمد : رهف والله حتى كانبغيك وفاش شفتك كاتدوي على ذاك الزامل ديال امير مقدرتش نسيطر على روحي
رهف: لا رد
محمد: دوي معايا الله يخليك ماتتجاهلينيش كاتقتليني بحال هك
رهف باقا على نفس الحالة شادة پلاصت الضربة و هدرت محمد كاتتعاود فراسها حيت جرحها بزاف
رهف: بغيت نرجع للدار
محمد : سمحيلي ارهف والله حتى ندمت
رهف: الصمت
محمد:(خبط يدو مع الذولو)واخا
كلمة مازادهاش. توجه جيهت الدار. مسافت الطريق كان وصل. هبطت رهف بلا ماتهدر. دخلت للدار و محمد قلب الطريق حتى هو. مادخلش للدار ندم على الهدرة اللي قالها لرهف و على الضربة عارف روحو جرحها. ولاكن مكانش فالعقل ديالو.
نرجعو عند رهف اللي قررت قرار و غاتنفذو. طلت لبيتها جابت ستيلو. و واحد الورقة كتبت رسالة و داتها لبيت نور حطتها. و خرجت من الدار. مادات معاها حتى حاجة من غير ساكها اللي اصلا كان معلق فالخسر ديالها مغاتقدرش. تبقا فهاذ الدار مستحيل بالنسبة ليها حيت منبعد هدرت محمد حست بحال يلا راهي مثقلا عليهم ولاكن هاذي هي الدنيا مغاتقدرش تبقى مازال ولا حتى تشوف محمد اللي جرحها بزاف بهدرتو
واخا ماعندها فين تمشي ولا حتى انسان تروح عندو. الحاجة الوحيدة اللي عرفتها هي انها تروح
نرجعو عند نور اللي وصلت للدار طلعت لبيتها و هي تلمح ذيك الورقة مع الدخلة رفدتها و كاتقرا و عينها كايتوسعو من الصدمة
المكتوب فالورقة
حبيبتي و ختي و اي حاجة عندي فالدنيا حبيت نشكركم بزاف على الشي اللي درتوه معايا خاصة نتي ماعمري في حياتي غاننساك و خيرك كبير عليا بزاف وقفتي معايا فالوقت اللي الدنيا كلها و بيما فيها حبابي زعما عائلتي تخلاو عليا ولاكن دابا صافي. مغانقدرش نزيد نثقل عليكم كثر ماأنا مثقلا. شكرا شكرا شكرا بزاف. و للمرة الألف شكرا ماغاننساكمش رهف.
مع كملت الورقة حست بالدنيا دارت فيها كيفاش رهف تخلات عليها كيفاش مشات
مابان قدامها غير محمد عيطتلو. غير صونا رفد عليها
نور: آجي دابا دابا. آجي للدار كانتسناك
محمد:( خلعاتو) شنو كاين آش صاري
نور: ماشي ديال الفون آجي بالزربة
قطع عليها و توجه قبالا للدار
مسافت الطريق كان وصل هبط من اللوطو و دخل للدار تعرضتلو نور اللي صدماتو بهدرتها
محمد؛ شنو وقع واشبيك خلعتيني عليك
نور: رهف خرجت من الدار
محمد : كيفاش خرجت وين راحت
نور؛(عطاتو الرسالة) خلات الدار قاتلك كثرت علينا
محمد شد عليها الرسالة. وقراها و هو يتصدم عارف باللي هو السبب و عارف روحو جرحها ولاكن متوقعهاش تخلي الدار و تروح
نور: فين اتكون مشات راه قريب يطيح الليل دابا آش غادير بوحدها. ياربي سترها ياربي حفظها ااووف ارهف آش هاذ الفعلة
محمد:(جبد التيليفون ايشوف فين الموقع ديالها حيت نهار عطاهم التيليفونات خدم اشارة التعقب) صافي تهدني دابا نعرف فين مشات
نور: كيفاش. اتعرف بالسلامة
محمد: التيليفونات ديالكم متعقبهم من نهار عطاتهوملكم مروة
نور: هاذ الشي كا يعني كاتراقبنا. آش هاذ لفعايل
محمد: راه غير لحمايتكم ماشي وقت هاذ الهدرة بلاتي بلاتي هالإشارة فين كاينة لقيتها
نرجعو عند رهف اللي بقات كاتمشي من زنقة لزنقة و ماعارفاش فين آتمشي. ولا شنو دير. حتى عيات. و هي تجلس فواحد الجردة كتخمم فموصيبتها. و شنو هو الحل
حتى سمعت شي حد كايدوي معاها.
الشخص: واش كاديري هنا بوحدك
رهف:( باستغراب) واش كاتعرفني
الشخص: لا مكانعرفكش ولاكن شنو كاديري هنا بوحدك. راه هاذ الجردة خطيرة عليك. فهاذ الوقت راه هنا كايتجمعو غير السراقين و اللي غايأذيوك
رهف: شكرا اخويا. واخا غانمشي
الشخص: فين غاتمشي اذا حبيتي نوصلك. فينما بغيتي
رهف: لا شكرا غا نمشي وحدي بلاما نعذبك معايا
الشخص: كيفما بغيتي اختي ولاكن غير زربي حيت راه الليل دابا اذا بغيتي شي حاجة قوليها دابا قبلما يفوت الفوت
رهف:(بعد تفكير) الصراحة ماعندي فين نمشي ماعندي حد نمشي عندو
الشخص: بغيتي نعاونك. فشي حاجة
رهف: بغيت شي عنوان ديال شي فندق نقضي فيه الليل حتى الغدا
الشخص: اذا بغيتي نديك معايا للدار عند الوليدة بقاي حتى غدا
رهف: ولاكن...
الشخص: شوفي اختي ماعندك لاش تخافي مني والله مابغيتلك الأذية
رهف:( ماعندها حتى حل آخر حتى لفلوس ماعندهاش اللي يقدوها لليلة فالاوتيل) واخا
المهم. ركبت معاه و داها معاه للدارهم و فعلا ماكلخلهاش كانت موجودة العائلة ديالو اللي ستقبلوها مزيان . عاد رتاحت
عند محمد و نور
نور: فين كاينة دابة فين طلعتلك الاشارة
محمد:(بستغراب) واش متأكدة انها مشات
مور: وي مشات
محمد:(توجه جيهت بيت رهف و نور تبعاتو) الاشارة هنا الفوق فبيتها
نور:( دخلو للبيت) ميمكنش
محمد.:( خبط فالحيط بعصبية و رفد تيليفون رهف اللي كان ف البيت) الفون ديالها هنا ماداتوش
نور: تفوه واش هاذ الزهر. فين غانلقاوها دابا. ولاكن علاش مشات اه ربي علاش
محمد : بسبتي
نور: كيفاش!
محمد:( حكالها شنو وقع بينهم) والله ماكنت فعقلي فاش قلت. ذيك الهدرة
نور: علاش امحمد علاش جرحتيها بفعلتك علاش
محمد: غادي نلقاوها و غانصلح الامور
نور: راه الليل دابا الليل
محمد : غانخرج نقلب عليها
نور: وي حتى انا حيت ماخصناش نضيعو الوقت انا غانقلب باللوطو ديالي ونت باللوطو ديالك
محمد : وي يالله
خرجو بجوج كل واحد توجه للوطو ديالو و خرجو كيقلبو من شارع لشارع.
طبعا الڨارد ديال ايهم وصللو لخبر باللي نور خرجت و بدورو لحق على نور
عند النور اللي كانت سايڨة كتقلب على رهف حتى خرجلها ايهم من حيث لا تحتسب وقفلها باللوطو ديالو فنص الطريق خرج و توجه عندها
نور: اش هاذ لفعايل واش هبلتي
ايهم: مالك راه غير بغيت ندوي معاك
نور: ماشي وقتك دابا
ايهم: ماتحسيش يكون هذا هو الوقت اللي نتي بحاجة ليا فيه
نور: حيد من الطريق و خليني نمشي
ايهم: واخا قولي لي فين غاتمشي عاد غانخليك
نور:( عارفاتو مغايخليهاش تمشي) كانقلب على رهف حيت خرجت من الدار ودابا واش ممكن تحيد اللوطو ديالك من الطريق
ايهم: و علاش محمد كايقلب معاك عليها
نور: ونت منين عرفتيه كايقلب عليها
ايهم : ذاك الشي ساهل. احبيبتي ولاكن قولي علاش كيقلب عليها
نور:( بعصبية) حيت كايبغيها رتاحيتي دابا. بعد من طريقي انا كنقلك البنت مفقودة و نت معطلني
ايهم:( تبسملها و توجه جيهت لوطوه و عطاها بوسة فالهوا_) مووح احياتي خدمتيني. بكلامك و دابا سيري للدار و ماتتقلقيش انا غانلقاها
ركب لوطوه و و كسيريلا و فوت واحد النمرة. ولاكن ماهزوش عليه عاود و عاود عاد هزو.
محمد: شكون نت شنو بغيتي
ايهم: انا ايهم و بغيت ندوي معاك بخصوص رهف راها عندي
محمد: ( تبدلو ملامحو لفرحة و استغراب) كيفاش راها عندك
ايهم: آجي لعندي لهاذ العنوان*""""" و غاتعرف.
محمد : واخا هاني جاي
الشخص اللي دا رهف هو ايهم. فاش شافها قاعدا فذيك الجردة. عرفها و راح يسولها مالها و فهم لبلان داها معاه
بعد مدة تلاقاو
محمد: فين رهف. و كيفاش حتى راهي عندك
ايهم: ( حكالو كيفاش لقاها). ودابا ماتخافش راهي فالدار مع الوليدة ديالي
محمد:( رتاح نسبيا و ايهم قدر يدخل قلبو بهاذ الفعلة) ماعمري مغاننسالك هاذ الفعلة غانرجعهالك وقت ماحتجتيني
ايهم: الصراحة نت عارفني شنو باغي
محمد:( عارفو كايدوي على نور) شنو باغي
ايهم: باغي مراتي
محمد:( تصدم و تعصب) اش من مراتك و شكون هاذي واش مازالك كاتتفلا على نور
ايهم: تهدن اصاحبي تهدن راه نور هي مراتي
محمد :( تصدم مرة خرا) كيفاش مراتك
ايهم:( حكالو كيفاش حتى تزوجها و حتى الشروط قالهوملو) دير راسك فبلاصتي انا راني كنعشق نور مستعد ندير اي حاجة على قبلها مغانقدرش نتخلى عليها
محمد:( تعصب من ايهم على فعلتو ولاكن شويا شويا تهدن حيت حتى هو غلط مع رهف و حتى هو يقدر يدير نفس الفعلة مع رهف كون يطر) شنو باغي مني
ايهم: تحاول معاها ترجع عندي و ماتوقفش فطريقي حيت اي حاجة غانديرها غاتكون لصالح نور و بلا ماننساو قضية الهيروين خاصنا نتعاونو عاد نقدرو نبعدوها عليه
محمد: واخا كانواعدك مغاديش نوقف فطريقك ولاكن اذا تأذات شعرة وحدة من. نور غادي نندمك و دابا ديني عند رهف
ايهم: واخا متافقين ودابا عيط لنور طمأنها على رهف حيت كانت مقلقة
محمد: وي نسيتها
محمد عيط لنور قاللها لقاها و توجهو لدار والدين ايهم كلو واحد فلوطوه. محمد تابع ايهم
وصلو للدار دخل ايهم خرجها بحجت باغي يدوي معاها
ولاكن ماقاللهاش باللي محمد كاين على برا.
مع شافت محمد جات راح تدخل وهو يشدها. محمد شكر ايهم. ركبها اللوطو بزز و مشاو و رهف مصدعتلو راسو حتى وقف فواحد الجنب من الطريق
رهف: شنو باغي مني ياك هاني خرجت من دارك و بعدتك
محمد : تهدني ارهف و سمحيلي مكنتش فعقلي
رهف: لا مابغيتش واش كاتضربني و كاتقول لي سمحيلي لا ماشي برايك
محمد:( عطاها حنكو_) اوكي ضربي رجعي ضربتك و غانحلو هاذ المشكل
رهف: لا مغايتحلش حيت نتا جرحتني و لجراح مكايبراوش
محمد: بالصح انا نحبك ارهف نحبك(علاصوتو) نحاااابااااك ارهاااااف نحباااااااك (خرج راسو من الزجاج كيغوت) كاااانبغيييها يااااااناس نحبهااااا داتليي قلبييي و سكناااااتوووو. (خفض صوتو) ولاكن هي قلبها عند واحد آخر
رهف:( صدمها جبداتو حتى دخل راسو) شوهتينا مالك
محمد:( بحزن) علاش كاتبغيه علاش راه رخيس مايستاهلكش
رهف: شكون هو
محمد: كاتتفلاي عليا ذاك الزامل ديال امير غانقتلو
رهف عاد فهمت شدت وجه محمد بيدها بجوج و قربت شفايفها لشفايفو و دخلت فقبلة كتحمل فطياتها بزاف ديال الاجوبة و الاسئلة و بزاف ديال المشاعر. قبلة اللي خلات محمد يتصدم و ماعارفش راسو واش كايحلم ولا بالصح ولاكن مادامتش الصدمة ديالو بزاف باغي يعيش اللحظة واخا تكون حلمة. ولا يكون كايتخيل دار يدو مور راس رهف مطبعها كثر و كثر لشفايفو كايلتاهمهم مابعدو حتى تقطع فيهم النفس
بقاو مدة ساكتين عاد نطق محمد
محمد: واش هاذ الشي بالصح وقع واش فعلا بستيني آش كا يعني هاذ الشي
رهف حشمت عاد عاقت
محمد: فهميني آش كا يعني هاذ الشي بغيت نفهم واش شفقة من عندك حيت انا كانبغيك و نتي كاتبغي ذاك الزامل
رهف: مكانبغيهش
محمد:( بعصبية)كيفاش مكاتبغيهش ونتي غير قبيلا كنتي هابلة عليه و باغيا تمشي عندو باغيا تهبليني
رهف: راه خويا هذاك خويا حتى هو سميتو امير
محمد :( تخلطو عليه المشاعر) واش كاتحكي بالصح
رهف: ايه بالصح خويا هذاك. را...
ماحست براسها غير فوسط الحظن ديالو مزير عليها باغي يدخلها فضلوعو
محمد : كانبغيك احبيبتي و السمحيلي على قبيلا
رهف: راك خنقتني بعد مني راه سامحتك صافي
محمد:( بعدها منو باسها فجبهتها) كانبغيك
رهف: حتى انا
محمد: نتي شنو
رهف: حتى انا كانبغي راسي هههه
محمد :( خزرها واحد الخزرة) باغاني نقجك
رهف: هههههه حتى انا كانبغيك
محمد عاود عنقها
محمد : علاش ماقلتيهاش ليا من قبل
رهف: حيت مكنتش كانتيق
محمد:(فهمها باللي بسبب الماضي ديالها و مابغاش يجبدلها) فرحتيني بزاف نتي راكي جوهرة جوهرة احبيبتي كانبغيك
رهف:( تبسمتلو) حتى انا
محمد:( خنزرها) ونتي شنو
رهف: ههههه كانبغي.... ييك ههه
محمد: هههه ودابا انمشيو عند نور حيت اتكون مقلقة
رهف: وي توحشتها
محمد: آخر مرة تعاودي تخرجي من الدار اوكي حيت مغاديش تدوز بخير
رهف : ولاكن كيفاش حتى لقيتني
محمد : هذاك الولد اللي لقاك راه ايهم
رهف؛ واش ديال نور
محمد : وي هو
المهم قلبو الطريق للدار مع الدخلة تعرضتلهم نور سوطاو على بعضاهم كايتعانقو و رهف كاتبكي
نور: علاش خليتيني و مشيتي
رهف:سمحيلي احبيبتي آخر مرة
نور: آخر مرة ديري بحال هاذ لفعلة
رهف: وي كانواعدك
نور: دابا طلعي تنعسي باش ترتاحي شويا
رهف: وي حتى انا عييت
المهم كل واحد توجه لبيتو
عند نور اللي مع دخلت للبيت تبعها محمد
محمد: بغيت ندوي معاك بخصوص راجلك
نور:( تصدمت منين عرف) شكون قالها لك
محمد: ايهم راجلك.
نور: شوف والله ما.....
محمد:( قاطعها) بلاما تشرحي عارف باللي تزوجك بالحيلة. ولاكن بغيتك تعرفي باللي رآه راجلك هذاك و خاصك تسمحيلو و ترجعيلو. حيت باينة عليه باللي ندم بزاف و باينة باللي كايبغيك و ماتنسايش كامل كانغلطو و كنظن رآه دار المستحيل باش ترجعيلو غادي تخسريه كون تفرطي فيه و أنا عارفك باللي مازالك كاتبغيه.
نور: لا مكانب....
محمد: بلاما تكذبي على راسك رآه حبك ليه باين من عينك و نتي كاتتعذبي أنا عارفك انور و قاريك و حتى هو كايتعذب. رحميه و رحمي راسك خممي فهدرتي مزيان حيت غادي يضيع من يدك و رآه سمعت باللي الأم ديالو باغا تزوجو. بزز منو
نور:( مع قال باغا تزوجو تفتحو عينها على وسعهم ) كيفاش و أنا شنو
محمد: احم. احم راكي فضحتي روحك
نور:( عاد عاقت) ااا لا لا ماشي هكك
محمد: هههههه. راه باينة من عينك و دابا آجي تنعسي
جرها اللفراش و نعسو كي العادة
صبح الصباح و بدأ يوم جديد على ابطالنا.
عند نور و محمد و رهف
اللي مجموعين بكلهم فالطبلة كايفطرو فجو. من الضحك حتى كملو و خرجت نور توجهت اللبحر هبطت من اللوطو. و توجهت لواحد القنت فارغ حيت باغيا تخمم فهدرت محمد اللي قدرت تدخل لعقلها خاصت فاش جات من عند سندها فالحياة اللي عارفاتو ماغاديش يبغيلها الشر و بم انو قاللها غادي تضيعيه يعني عندو الحق و خاصها تسمحلو بعد تخمام و تخمام قررت تسمحلو و تحاول ترجعلو حيت فعلا باينة عليه ندم و كايبغيها و حتى هي كاتبغيه و الشي اللي صار بينهم كان من تخطيط القدر اللي لعب لعبتو بيهم و فحبهم البريئ. ولاكن صافي دابا خاص تبني حياتها من الدارة وجديد و تتجمع بايهم اللي هو عشقها الاول و اللخر. و اكيد مغاديش تفرط فيه خاصة بعدما عرفت باللي مو باغا تزوجو
نور: دابا غانصبر حتى يجي عندي و يعاود يطلبني باش نرجعلو عاد غانقبل ماغاديش نفرط فيك
مع كملت هدرتها حست بشي يد تحطت فكتفها مع درات لقاتو. ايهم اللي وصللو الڨارد ديالو خبارها. و تبعها
ايهم: و حتى انا مغاديش نتخلا عليك واش تقبلي ترجعي ليا و كانواعدك ماعمرك غادي تندمي اذا رجعتيلي غادي نعوضك
نور: آش كادير هنا
ايهم: جيت عندك ودابا قولي ليا واش اتقبلي ترجعيلي ولا لا
نور: اه قابلة
ايهم: ممكن تعاودي حيت مسمعتش مليح
نور: اه قابلة
ايهم: واش بالصح انا كانسمع ولا
نور: اه بالصح
ايهم: خايف نكون غير كانحلم. و غانفرح غير على والو كيف العادة و نلقاها حلمة
نور: ( قرساتو فيدو) لا هاذ المرة مكاتحلمش
ايهم: (شد بلاست الضربة) والله حتى حسيت بيها يعني بالصح رجعتيلي
ناض عنقها و كايدور بيها و هوما كايضحكو.
نور: هههه صافي هبطني.
ايهم: حبيبتي والله حتى فرحتيني ولاكن ماعمرني فقدت الامل فيك و باللي غاترجعيلي و اخيرا كانبغييك احبيبتي
نور : حتى انا كانبغيك
ايهم: احح ربي شحال و أنا كانتسنى فهاذ الكلمة من فمك
نور: ايوا هانت سمعتيها و دابا خليني نمشي
ايهم: فين غاتمشي راه پلاصتك معايا من اليوم و طالع مغاديش نتفرق معاك
نور: عندي الخدمة فالشركة
ايهم: انروحو بجوج
نور: هههه ولاكن
ايهم: مكائن ماولاكن. انروحو بجوج حيت توحشتك بزاااف احبيبتي بزاااف
نور: حتى انا توحشتك
ايهم: ولاكن ماكنتيش باغيا ترحمينا شويا
نور: هاكذا جات ماعندنا مانديرو
ايهم: ايه معليش غادي نصلحو كل شي
نور: بإذن الله
ايهم: أن شاء الله
نور: ولاكن واعدني ماعمرك ماتآذيني
ايهم: أن شاء الله نموت قبل مانأذيك الحبيبة ديالي راه كنت حمار فالماضي ولاكن دابا راكي نتي عينيا و لهواء اللي كانتنفسو
نور: ربي يخليك ليا
ايهم: حتى نتي ا حياتي
تسريع الأحداث. بالضبط بعد مرور 4 اشهر. اللي. فيهم تبدلو بزاف ديال لحوايج أولهم محمد اللي خطب رهف و حتى ايهم دار خطوبة رسمية لنور
و نور اللي دخلوها تتعالج من الإدمان ديالها الشي اللي كان صعيب عليها شهرين و هي كاتتعذب و كانو حابسينها فواحد البيت رابطينلها رجليها و يديها فوق البياص حيت مع بدأت فلعلاج و حبيولها الهيروين. كانت غاتقدر تآذي روحها و الدايرين بيها بعد جهد جهيد و طبعا ايهم اللي مفرقهاش ولو لدقيقة كان غير كايغيب مرة على مرة لمدة قصيرة يقضي صوالحو ويرجع همل خدمتو و همل نفسو و همل كل شي حتى خرجت نور طبعا حتى محمد و رهف اللي وقفو معاها حتى والدين ايهم اللي حكالهم ايهم حكايتها معاه و خبرهم باللي هي مرتو كانو كايجيو يزوروها. و تقبلها طبعا
الحاضر
ابطالنا كلهم مجموعين فواحد الغابة كايفوجو و ضاحكين
حتى وقع مالم يكن فالحسبان. هجمو عليهم واحد الرجال مسلحين تيراو فمحمد و ايهم مع جاو يتيريو فنور و هي تتصدالها رهف و جات فيها الرصاصة رجع المكان بركة من الدماء طاحت نور على ركابها فاشلة كاتحاول تستوعب شنو طرا و باللي فقدت اعز ماتملك فالحياة
ذوك الرجال ركبو اللوطو و مشاو
تصدمت صدمت عمرها و هي كاتشوف اعز ماتملك ف الدنيا جثث هامدة فالارض و الدم معبي الدنيا طاحت دمعة حارة من عينها اه طاحت دمعة مور دمعة حتى رجعو عينها شلال طلعت يديها اللي كايرجفو لعينها مسحت الدمعة و شافت يدها اه بالصح هاذو دموع دموع اللي تحرمت منهم من هي وصغيرة رجعو دابا ولاكن على حساب شكون على حساب حبابها رجعت كي المهبولة كاتبكي و تعيط كيفاش وقع هاذ الشي و كيفاش حتى تصدات عليها رهف الضربة هاذي قاستها بزاف
نور: اااااااعع. لالااااااااا لااااا مايييمكننننش. هاذ الشي لالا مايمكنش ياربي لا ماشي حتى تقادت حياتي. لااااا.
قربت عند رهف كانو عينها محلولين و يدها فالضربة
نور: ( كاتبكي و كترجف) رهف حبيبتي نوضي علاش. علااااااش ارهف ماخليتينيش نموت علاش ( شافت عند ايهم و محمد) ايهم محمد نوضووو الله يخليكم نوضو.
طاحت دمعة سخونة على خد رهف رفدت يدها حطتهم فوق ذيك الدمعة. و هدرت
رهف: نور واش نتي كاتبكي
نور: اه كانبكي نوضي الله يخليك
رهف: بما انكي كاتبكي واخا غانوض
ناضت رهف وقفت على رجليها خلات نور مصدومة
نور: واش نتي بخير متأذيتيش
رهف:( دارت عند ايهم و محمد) نوضو نوضو راهي كاتبكي هههههه
ناض محمد و ايهم كايضحكو حيت وأخيرا قدرو يردو الدموع لنور
محمد: ههه نجحنا
ايهم: و أخيييرااا حبيبتي كاتبكي
نور باقي مصدومة ما فهمت والو
نور: ممكن تفهموني
رهف: راه غير مثلنا عليك باش تقدري ترجعي الدموع كان خاص تتصدمي حيت الطبيب قللنا بما انك فقدتي قدرة البكاء بسبب صدمة غايرجعولك الدموع بسبب صدمة كبر منها
ايهم: وحنا مالقينا غير هاذ التمثيلية و نجحات
نور: والدم و ذاك الرصاص و شكون ذوك الرجال
محمد: (دخل يدو تحت الشوميز و جبد واحد الشكارة صغيرة ديال الدم و راهولها ) راه الدم كنا دايريينو
ايهم: والقرطاس و السلاح ماشي حقيقيين
رهف: و ذوك الرجال هاهوما (اشارت لواحد الجيهة كانو جايين نفس ذوك لولاد و لبنات اللي كانت عاونتهم و عطاوهم دار و خدمة)
نور: (بعصبية و كاتبكي) باغيييين تهبلوووني. آااش هاذ الفعلة واش بهاذ الطريقة اعباد الله بهاذ الطريقة راه كنت غادا. نموت
قرب عندها ايهم عنقها و نور كاتبعدو عليها
ايهم: حبيبتي سمحيلنا ولاكن هاذي كانت الطريقة الوحيدة و المضمونة اللي تخليك تسترجعي قدرة لبكاء
بقاو مدة معاها عاد هدنوها و قدرت تستوعب الواقع و حتى هي فرحت. بزاف حيت قدرت تبكي و شكرو ذوك لولاد بزاف على خدمتهم ولاكن بالنسبة ليهم و برايهم راه واخا يديرو اللي يديرو ماغاديش يقدرو يوفيوها حقها و يردولها خيرها
تفرقو لولاد مشاو و رهف ركبت مع محمد و ايهم ركب مع نور و توجهو للدار. نور. حتى ايهم هاذ اليامات كايبات معاهم
بلاما ننسى راه ذوك الآثار ديال الضرب و لحروق اللي كانو فنور و رهف حيدوهم.
مسافة الطريق كانو وصلوو للدار هبطو. و دخلو للدار. محمد و رهف توجهو لبيوتهم باش يدوشو و يحيدو ذاك الدم
و نور و ايهم توجهو لبيت نور كيت باقيين فيها بجوج
دخل ايهم دوش و خرج و موراه دخلت نور حتى هي دوشت وخرجت
ايهم: حبيبتي انا فرحتلك بزاف حيت قدرتي تبكي
نور: حتى انا فرحت بزااف شكرااا حيت عاونتونيى
ايهم: راه هذا واجب احياتي
نور: آجي نهبطو لتحت راه ايكونو محمد و نور كايستناو فينا
ايهم: اوكي آحي
هبطو لتحت لقاوهم فالصالون. قاعدين حتى هوما دخلو و قعدو
محمد: ضاع النهار ضاع ههههه آش رايكم نعاودو نخرجو نفوجو شويا
ايهم: انشوفو مع لبنات
رهف: انا ماعنديش مشكل
نور: حتى انا. ولاكن هاذ المرة انمشيو للملاهي
ايهم: هههه. واخا احبيبتي
محمد: هيا نوضو
المهم عاود تاني خرجو توجهو للملاهي مسافة الطريق كانو وصلو. دخلو او بداو لبنات من لعبة لختها جارين معاهم محمد و ايهم فينما طلعو. جوزو وقيتة زوينة بالضحك و الڨسرة حتى عياو عاد قررو يرجعو للدار
و فهاذ الفترة اللي هوما كايلعبو و يضحكو كان واحد العينين مترقبينهم بحقد و كره لبعض منهم و بحب للبعض الآخر كايخططو لدمار هاذ العلاقات
ركبو اللوطو توجهو لواحد للريسطو تعشاو و شدو طريق الدار و نفس الاعين مترقبينهم و تابعينهم فينما مشاو
مسافة الطريق كانو وصلو للدار
نور: انا ليوم بغيت ننعس كنحس برغبة فالنعاس
محمد: واخا غانجي ننعسو
ايهم و رهف ماحملوش الوضع من الغيرة هههه
نور: واخا آجي
جرت محمد من يدو للبيت لفوق و طلعو كي العادة نعسو. واحد الشوية و هو يدخل عليهم ايهم راح من الجنب لاخر ديال لفراش و قعد بحال ماقاعد محمد و شد نور اللي كانت ناعسة من يدها
محمد جابلو الضحكة عارفو غار. على نور. ولاكن ماهدرش زادو قعدو شويا. حتى سمعو. للباب عاودت تفتحت كانت رهف.
طلقو. ب ثلاثتهم واحد الضحكة. و هوما عارفين باللي هذا غار على هذا. ايهم اللي غار على نور و رهف اللي غارت على محمد و حتى محمد على رهف
الكل: ههههههه
محمد : آش باغا احبيبتي ههه
رهف: باغيا ننعس
محمد: واخا سيري لبيتك
رهف : بغيت ننعس هنا
ايهم: هههههه شوفي شي پلاصة ونعسي راه البيت واسع
محمد:هههههه ربي ينجينا
توجهت رهف لجهة الفوتاي و تكسلت.
بعد مدة نعسو كلهم
فات الليل و طلع الصباح.
و لاكن الغريب و لأول مرة هو انو نور فاقت هي اللولة. قبل من محمد و هي فالعادة مكاتفيقش اذا مابعدهاش عليه او حتى يروح الحال يعني حتى اذا مابعدش عليها مغاتفيقش حتى يوصل نص النهار ولا كثر
ستغربت من هاذ الشي ولاكن ماخممتش بزاف لقاتهم كامل ناعسين فبيتها عرفتهم من الغيرة ضحكة ضحكة خفيفة باش ماتفيقهمش مع جات تهبط من لفراش فاق ايهم
ايهم: حبيبتي صباح الخير
نور: صباح النور
زاد فاق محمد و حتى رهف
تصبحو على بعضاهم وخرجو محمد و رهف لبيوتهم
المهم كل واحد قضى حاجتو و دوشو ووهبطو تجمعو فالطبلة كايفطرو حتى كملو. ناض ايهم و نور خرجو. وصلها للشركة ديالها عاد راح للشركة ديالو.
اما عند محمد و رهف فقررو يخرجو يتمشاو شويا و خرجو تايتمشاو على رجليهم و نفس لعيون مترقبينهم. كان أمير اللي تابعهم. فاش شافهم لبارح و شاف رهف مع محمد كان باغي يقتلو حيت بعد ذاك الشي اللي دار لرهف و بعدما دخلها للحبس حس باللي فعلا كايبغيها و ندم على شنو دار فيها و راح للحبس بعد 6سنين من دخولها ليه ولاكن عرف باللي خرجت التصدم كيفاش حتى قدرت تخرج قلب عليها ولاكن مالقاهاش فامريكا و عليها دخل للجزائر على امل يلقاها ولاكن مالقاهاش حتى للبارح فاش شافهم و كانت باينة عليها فرحانة مع محمد و هو عرف باللي تخطبو. ولاكن قرر يرجع رهف بأي طريقة
عند رهف و محمد اللي تمشاو و بعدو على الدار و وصلو لواحد الجردة
رهف : بغيت نروح للحمام
محمد : ههه واخا كاين هنا فهاذ الجيهة سيري و ماتتعطليش ها انا هنا كانتسناك
رهف: اوكي مغانتعطلش
هي راحت للحمام قضات حاجتها و رجعت و هي تتصدم امير. مع محمد حيت برجليها فشلو تخبعت مور واحد الشجرة و بقات كاتيمع شنو كايقولو
فالوقت اللي راحت استغل امير الفرصة و توجه عند محمد يعمرلو راسو من جيهتها وقف عليه كي عزرائيل
امير: بغيت ندوي معاك بخصوص رهف
محمد: شكون نت و وين كاتعرف رهف
امير : انا حبيبها السابق امير
محمد مع سمع امير ناض شنق عليه
محمد: شنو بغيتي الزامل. اولد القحبة جيتي حتى لعندي برجلك
امير: تهدن اصاحبي مالك تعصبتي دابة نحكيلك شي حاجات و غانتفاهمو غاتندم كون ماتسمعهمش
محمد :( هدن من روحو بالسيف و طلقو) شنو بغيتي دوي هانا كانسمع
امير : شوف راها هاذيك كانت معايا من قبل غير على قبل لفلوس راها سلمتلي حتى شرفها راها متقوبة انا تقبتها و دابا راها جايا غير باش تسرقلك فلوسك وصافي حيت طماعة و خانزة كاتعطي كرها.....
محمد صافي ماقدرش يزيد يسمع مازال كيفاش كايتجرأ يدوي بهاذ الطريقة على حبيبتو و على البنت الشريفة العفيفة اللي ملكتلو قلبو
عند رهف صافي قلبها باغي يحبس دموعها شلال كاتقول مع راسها غادي يتخلى عليها محمد خاصة فاش عرفها مثقوبة
رهف: صافي خلاص كل شي ولاكن انا عارفة راسي. واه نتي عارفة راسك ارهف نتي ماشي طماعة و ماشي بغيتي محمد على قبل لفلوس حتى من امير ف الاول بغيتيه يقلبك صح غلطتي فاش سلمتيه راسك ولاكن هو اللي تفلا عليك ولاكن مغانخليهش يتهمني بهاذ الشي و نسكت لا اصلا انا مفارقة مفارقة مع محمد
مسحت دموعها توجهة جيهتهم
اما محمد سوطا على امير كايضرب فيها
محمد: اولد القحبة يالكلب كيفاش تتجرأ تهدر على بنات الناس بهاذ الطريقة يالقواد اليوم نيك القحة مك
امير: هاذيك راهي قحبة قحبة عاهرة
رهف:(كتحس بالخناجر كايتخشاو فقلبها) العاهرة هي مك يالكلب كيفاش كاتتاهمني بهاذ الشي الحقير ياك نت اللي تفليتي عليا و قتلتيلي ولدي فكرشي (دموعها طاحو) ضربتيني حتى قتلتبه ليا فكرشي و دابا كاتتاهمني بالعاهرة و الطماعة
محمد فاش شافها فذيك الحالة كترجف و كاتبكي
بعد على امير و توجه عندها بخوف
مع شافتو رهف قالت صافي هاذي هي النهاية اللهم تمشي بلاما يقولهالها
رهف:( نحات خاتم خطبتها و دارتهولو فيدو خلاتو مصدوم) شوف انا عارفاك غاتتخلى عليا دابا خاصة فاش عرفتيني ماشي بنت ولاكن حاجة وحدة اللي بغيتك تعرفها هي انو انا بالصح غلطت معاه ولاكن عمري كنت طماعة ولا عاهرة ولا(سكتت شويا عاد هدرت) ولا قحبة
محمد: آش كاتخرفي راه هاذ الشي مايهمنيش انا بغيتك نتي مكايهمنيش الشي لاخر
من إيمتا كان الحب كايتبنى على حساب هاذ الشي
من ايماتا كان الحب كايبدا. ولا كايخلاص على قبل هاذ التفاهة
من ايماتا كانو العلاقات كايتقطعو بسبب انكي تكوني عذرا ولا. لا. من ايماتا. ارهف من ايماتا.
رهف دموعها شلال ماتوقعتش محمد يرد معاها. متوقعاتوش انو مايتخلاش عليها
محمد: ذوقاش غاتفهمي باللي انا بغيتك بغيت روحك الطاهرة و انا عارفك شنو كاتسواي واخة تكوني عاهرة فالماضي مكايهمنيش ماضيك اهم شي هو الحاضر و المستقبل ديالنا ارهف مكايهمنيش الماضي فهميها خليها حلقة فوذنك
امير بقى كايشوف مصدوم. و كايلعن فراسو من الداخل حيت تاهم رهف فشرفها بدل ما يحاول تخليها تسمحلو جاي كيلطخلها فالشرف ديالها آش هاذ الطريقة البذيئة توجه جيهتهم
امير: رهف سمحيلي عفاك
محمد : شنو باغي القواد. باغي نقتلك
امير: صبر صبر والله حتى ندمت على شنو درت معاها فالماضي و حتى دابا راه غير كنت كانكذب عليها سمحيلي عفاك ارهف
رهف غير كاتبكي
رفدها محمد و مشى. خلا امير بلاكة كايندب و و يحسر على رهف حيت خسرها صافي و تعطل بزاف باش جايصلح الخطأ ديالو ولاكن دابا ماعندوش الحق باش يدمرلها حياتها مرة خرا خاصة فاش شاف محمد و العشق ديالو لرهف عرف باللي واخا يحاول و يحاول مغاديرش يقدر يبعد رهف على محمد
نرجعو عند رهف اللي تصدمت فاش رفدها محمد ولاكن حست بالفرحة و لأول مرة فحياتها كتحس بالامان الحقيقي و فعلا دابا فظهرها راجل و اللي تعتامد عليه و تكمل معاه حياتها حاوطاتو بيديها معنقاه و مزيرة عليه
ماوقفو حتى بعدو على ذيك الجردة حبس طاكسي و صلهم للدار طريق كلو و هوما ساكتي و رهف كتنخصص من لبكا عنقها بيد حتى وصلو للدار هبطو توجهو الجردة قعدها و قعد مقابلها
محمد: آش ذيك المهزلة درتي آش ذيك الفعلة بأي حق كاتنحي الخاتم ديالي من يدك بأي حق( عاود جبد الخاتم و لبسهولها) عنداك تعاودي تنحيه مرة خرا من يدك و ديجا انا قررت نتزوجو حيت نتي صافي باغيا تهبليني آش يضمنلي مغاتتخلايش عليا
رهف: (بحزن) اها راه كان كايحساب ليا غاتتخلى عليا فاش تعرفني ماشي بنت
محمد: مازلنا فهاذ الموضوع قتلك مكايهمنيش هاذ الشي
رهف: كانبغيك
عنقاتو و حتى هو بادلها العناق
محمد: انا راه مهوس بيك تخطيت الحب احبيبتي انا كانعشقك ا عشقي
رهف:( باستو فرقبتو) ربي يخليك ليا
محمد: ( بورشاتو بعدها عليه) آش باغا نديرو ليلة الدخلة اليوم ولا مال مك
رهف:( حشمها) ااا لا اش..
محمد: ههههه ماعنديش مشكل انا احبيبتي العكس غانفرح ههه
رهف. خبات وجهها بيدها زعما زعما حشمت. هههه
محمد: عرفتي شنو دابا غاتطلعي تدوشي وترتاحي شويا
رهف: واخا
محمد: قبل ماننسا وجدي راسك لعرسنا بعد سمانتين
رهف: شنو ولاكن.
محمد: ماكاين ماولاكن بعد سمانتين يعني بعد سمانتين حيت ماكاين حتى حاجة تضمنلي باللي تبقاي معايا و ماتعاوديش تنحي ذاك الخاتم بسبب افكارك الغبية واخا ا حبيبتي متافقين
رهف:( مالقات ماتقول) اوكي واخا متافقين
المهم فات النهار بكلو عند نور و ايهم كل واحد فخدمتو حتى لعشية مشا جابها و رجعو للدار
هدرو فموضوع العرس و حتى ايهم قالك بغا يدير العرس تافقو يديرو بجوج.
المهم فاتت سمانتين بالزربة غير فالتوجاد و اليوم هو نهار العرس
و عرايسنا بجوج عند لكوافورا قادتهم مزيان كلو وحدة فيهم كاتقول للثانية بعدي جاو زلات. و حتى من ايهم و محمد جاو پڨاڨيص فوتو العرس ديالهم من احسن مايكون من داك الشي الرفيع حتى اللعشية عاد تفرقت الجوقة.
و توجهو العرسان للوتال يقضيو ليلتهم. عند محمد و. رهف جوزوها مايتخافش عليهم
اما عند نور و ايهم خلاتو يبوس و يعنق ولاكن فاش حيدلها حوايجها هربت منو رجعت بيها الذاكرة لنهار غتاصبها
نور: (بخوف) مغانقدرش سمحلي ولاكن مقدرتش
ايهم :( فهمها و عرفها باللي تفكرت ذيك الليلة تجرح من ردت فعلها حيت ضميرو كيأنبو) كيفما بغيتي الغزالة ديالي ماشي بالزز مغانقيسكش اذا مارضيتيش سمحيلي ربي يخليك
نور: نت اللي سمحلي مقدرتش نعطيك حقوقك عليا
ايهم: راه بسبابي هاذ الشي احياتي. و دابة آجي نقلك
جرها عندو و لبسها حوايجها باسها فحبهتها
نور: عرفتي هاذ اليامات كنحس بواحد للشعور غريب
ايهم: اش من شعور
نور : بحال ايلا كايجيني النعاس
ايهم: ايوا حاولي تنعسي حيت الطبيب كان قالي ذاك النهار اذا قدرتي تبكي غاتقدري تنعسي
نور: واش بالصح وزعما غانقدر
ايهم: وي احياتي حاولي آجي نتكاو هنا على الله تنعسي
نور: واخة
تكسلو فلفراش بجوجهم معانقين بعضاعم وايهف كايلعبلها بشعرها. فاتت واحد المدة و هي تنعس
ايهم فاش شافها نعست فرح بزاف فعلا ماغلطش الطبيب زاد زيرها عندو و نعس حتى هو
مافاقو ابطالنا حتى للصبح جابولهم لفطور لعندهم حتى رهف و محمد داولهم لفطور.
بعدما فطرو تافقو يرجعو للدار و ذاك الشي اللي داروه نيت.
رجعو للدار حيت محمد و رهف غايسافرو قالك بغاو يبقاو بوحدهم.
عند نور و رهف
رهف: كيفاش دوزتو ليلتكم
نور: عادي و صافي
رهف: كيفاش عادي راه هاذيك ليلة لعمر
نور: والو مادرنا حتى حاجة
رهف: كيفاش
نور: مقدرتش كانتفكر الماضي فاش غتاصبني كانخافو
رهف: واش قلتيهالو
نور: وي قلتهالو
رهف: اتكوني جرحتيه انا عارفاك ماشي بإرادتك ولاكن خاصك تواجهي الماضي و ماتهربيش منو و ايهم باينة عليه ندم مسكين و فاش رفضتيه اكيد غا يكون تجرح
نور:( بحزن) وي عارفة اختي ولاكن ماشي بيدي
رهف: رهف راه راجلك هذاك حاولي على قبل حبكم
نور: وي غانحاول. و نتي كيفاش دوزتيها
رهف: ههه انا محمد ربي يخليهولي عاملني بحنانة كبيرة عرفتي ڨاع ماحسسني باللي ماشي بنت واخة كنت خايفة بزاف
نور: وي والله حتى محمد عندك الزهر فيه ربي يخليكم لبعضاكم
رهف: ان شاء الله
نور: امين عرفتي شنو درت لبارح
رهف: شنو
نور: راه رقدت وليت كانقدر نرقد و كنحس بالنعاس
رهف:( بفرحة) ياااي و اخيرا حبيبتي الحمد لله اللي فرج عليك
نور: وي ربي ما فيه غير الخير
المهم محمد. و رهف سافرو
و بقات نور. و ايهم اللي باينة فيه مهموم و رافد حمل ثقيل على ظهرو. حيت نور بردة فعلها اللي دارتها و فاش خافت منو كره روحو و ضميرو ماشي مرتاح من جيهت نور حيت عارفها مازال مانساتش
كان جالس فالصالون قاعد مهموم و كيخمم. حتى جات عندو نور اللي عرفاتو فاش كيخمم
نور: حياتي مالك بحال هاكذا آش مقلقك
ايهم:( متبسم) حتى شي حاجة الحبيبة ديالي غير كنت كنخمم فالخدمة و صافي
نور: ( عرفاتو كيكذب مابغاش يبينلها) واخا احبيبي واش مغاتروحش للخدمة
ايهم: وي غادي نروح دابا نيت و نتي
نور: مابغيتش نروح ليوم بغيت نبقى فالدار
ايهم: واخا حتى انا غادي نبقى معاك
نور: لا غير روح بغيت نبقى بوحدي
ايهم:( جرحاتو عاوظ تاني فهم باللي مابغاتش تشوفو ناض يروح) واخا هاني رايح
نور: بالسلامة احبيبي
باسها فجبهتها و راح. خرج
نور: ههههه عارفة راسي قسحت معاك ولاكن غادي نعوضك غادي نحاول
ناضت عطات الخدامات عطلة مشاو و دارت واحد الاتصال جابلولها شي قضية ستناتهم حتى جابولها. دخلوهملها و ناضت
كانو نبابل و ورد بزاااف مفتوح ( فهمتوني ورد مفتوح يعني ماشي وردة وردة ورقة ورقة ديال الورقة فهمو وحدكم ساهلة هههه) طلعت لبيتها عمرتها نبابل و ورد و شموع جات فنة زوينة بزاف الارضية ديال البيت مكاتبانش من كثرت النبابل
عاودت هبطت لتحت. دارت طريق ديال الورد من الباب ديال الدار حتى للصالة مونجي و من ثم زادت دارت طريق من الورد حتى لبيتهم لفوق
و عاودت هبطت للكوزينة قادت لعشاء طفات عليه و طلعت لبيتها دوشت مزيان و دهنت لحمها بليكرام و خرجت نشفت شعرها و خلاتو مطلوق و لبست نويزات زوينة و زادت بينوارها من الفوق و دارت غوجلافر ف فمها و لاينار و غيسيل لعينها جات فنة
رفدت تيليفونها و عيطت ل ايهم اللي كان فالشركة مرة يخدم و مرة يخمم فيها حتى صونا التيليفون ديالو طلعتلو فوطوها رفد
ايهم : ا حبيبتي
نور:( بخوف و رهبة) لحق لحق ا ايهم لحق
كملت هدرتها و قطعت عليه و هي كاتضحك
ايهم:( كان قاعد ناض بقلق و خوف) شنو واقع انور مالكي..
هبط يجري للوطو ديالو قبالة للدار طريق ديال ساعة دارها فنص ساعة
عند نور اللي هبطت للكوزينة دات الماكلة للطبلة. و وزعت فيها شويا ورد و شعلت جوج شموع
جات فنة
مع كملت سمعت للباب تفتح. عرفاتو هو. و ضحكت عليه عارفة روحها خلعاتو وصل بلخف توجهت عندو
عند ايهم اللي فتح الباب و هو يتصدم من الورد اللي كان فالارض مع دخل مخلوع على نور حتى لقاها فوجهو بذاك المنظر نسا علاواش جاء. نسا حتى راسو. كيف لا وهو كايشوف أجمل نساء الارض بالنسبة ليه واقفة بحلتها قدامو. بحال لقمر توجه جيهتها بخطى ثابتة حتى مابقا يفصل بيناتهم مسافة سنتمتر واحد.
ايهم:( نطق بزز مفيكسي عينيه مرة فعينها مرة فشفايفها) اش هاذ الشي
نور ماهدرتش معاه لسقت شفايفها مع شفايفو. و حاوطتلو عنقو بيدها و حتى هو ماضيعهاش غرس يدو فشعرها من اللور مطبعها عندو كثر و كثر و يد دارها فوجهها غطسو فالقبلة اللي كانت رافدة فطياتها بزاف ديال الحب و العشق و الوفاء و بزاف ديال المشاعر و الاحاسيس ما بعدو على بعضاهم غير بالزز
بلا هدرة شداتو نور من يدو باستها و شافت فعينو تبسمتلو و جراتو جيهت الطبلة جرتلو الكرسي قعد و قعدت مقابلاتو كاتحط فالماكلة
و هو مترقبها غير بنظراتو مازال مستوعبش عقلو هاذ الشي و اصلا ماعارفش علاش هاذ الشي كامل ماعارفش شنو يدير الحاجة الوحيدة اللي قدر يديرها هي انو يعيش اللحظة معاها كيفما كانت و يستنى مصيرو من عندها. و غايقبل بيه كيفما كان ماهي اميرتو و محبوبتو. و معشوقتو
ماينكرش باللي باغيها و مشهيها و كون كان الامر بيدو. كون كان مضيعش ولا ثانية. و كان غايمارس معاها طقوس الحب بكل جدارة. ولاكن ماشي بيدو
نور: حياتي كول
ايهم: (باقي تالف) تلفتيلي العاقبة مافياش الجوع
نور:( تبسمتلو) ماباغيش
ايهم: وي
ناضت عندو شداتو من يدو
نور:(جراتو للبيت) آجي معايا
ايهم كايمشي معاها و كايشوف ذاك طريق ديال الورد و الشموع. حتى دخلو للبيت وهو يتصدم من البيت و كيش وجدتها
ايهم:خاصك تفهميني ضاروري آش هاذ الشي و آش كايعني باش نعرف نتصرف
نور: بغيت ننساو كل شي وقع معانا ف الماضي كيفما كان و نبداو من اللول انا والله حتى نحبك نحبك نحبك نعشقك ا عشقي ا حبيبي و نور حياتي ا راجلي اشريك حياتي نحبك
ايهم:( كيحس بقلبو كيفرفر من الفرحة ذوباتو بكلامها و بمظهرها هبلانو عنقها لعندو و زير عليها عرفها باللي باغيا تحاول تعطيه حقوقو ) نتي راكي الهواء اللي كانتنفسو نتي راكي الشمس اللي منورا حياتي نتي وتيني و شرايين قلبي بلابيك انا غادي نضيع ا حبيبتي احياتي و كل مانملك ف الدنيا نتي أجمل حاجة وقعت ف حياتي
نور: الحمد لله الي دخلت لحياتي ا ايهم ربي يخليك ليا
باستو فشفايفو و جراتو لفراش و بداو بوس فيا نبوس فيك و حنا واش دخلنا فيهم
المهم عاش اجمل ليلة فحياتهم بجوج واخة نور خافت ف الاول ولاكن ايهم عاملها بحنية ولطافة كبيرة حتى نساها فكل شي نسات حتى روحها
تسريع الاحداث
بعد ذيك الليلة كل شي تحل فحياتهم و زادو تقربو كثر و كثر لبعضاهم دابا نور حاملة فشهرها الرابع حيت طولت باش رفدت ب بنت
و حتى رهف حاملة بولد فشهرها الثامن
محمد قلب على والديها وقدر يقنعهم يرجعو لرهف و ذاك الشي اللي وقع رهف تحسنت علاقتها بوالديها وهي دابا عايشة مع محمد فدارهم بوحدهم. اما نور و ايهم عايشين فدار نور بطلب من نور طبعا
المهم حبيباتي وصلنا لنهاية القصة عارفة زربت فيها شويا ولاكن عندي مشاكل هاذ اليامات و مابغيتش نخليكم معلقين
نتمنى تكون عجبتكم و ستمتعتو معايا. ملتقانا فقصة خرا اللي قريب غانحطها ان شاء الله
🇩🇿Fatima Ben Moussa🇩🇿
اختكم من الجزائر الشقيقة
ბالنهايةბ
