صفحة القصة
دخل الطبيب باش يفحصو
ظلام: وي الحمدلله على سلامتك
ايهم:( فخاطرو مالها هاذي واش تعميت ولا لبارح كانت كلها مشحمة واليوم شيانت ولا ياكمل كنت فغيبوبة) شحال وانا مغيب
الدكتور: هاذي غير يوماين
ايهم: (ستغرب كيفاش حتى نور كانت سمينة ودابا فيومين شيانت مستحيل) نقدر نخرج
الدكتور : (ستغرب كيفاش حتى ماكاينش نتائج سلبية حيت الضربة خايبة) لا حتى نعاودولك الفحوصات
ايهم: انا بخير
الدكتور: ممكن تعاود لي كيفاش حتى وقع لك الحادث
ايهم: (شد فراسو كيحس بالصداع) ماشفيتش مزيانو راه كنت مع نور فواحد الواد ممبعد طاح واحد الولد آخر حاجة تفكرتها هي فاش ركبت اللوطو
ظلام ستغربت من هاذ الهدرة
ظلام: ولاكن راه هاذ القضية دازت من شحال هاذي
الدكتور: ممكن تتفضلو معايا برا. نهدرو
عبد الرحمان: وي تفضل
المهم خرجو توجهو للمكتب ديال طبيب
الدكتور : بنتي ممكن تفهميني شنو كنتو كاتدويو
ظلام: وي راه للحادث اللي وقعلو ماشي هكك. راه بالصح كنا فنفس الواد. وولاكن. لللي قالك. قبيلا راه حادثة قدييمة.
الدكتور: ماأكدة
ظلام : وي متأكدة
الدكتور: اللي خفنا منو طحنا فيه. راه تعرض لفقدان ذاكرة نصفيي. يعني نسى جزء من حياتو
صدمهم بهاذ الهدرة
عبد الرحمان : كيفاش وآش هو الحل
الدكتور : للأسف مكانش حتى حل بيغير تحاولو تذكروه بالامور الزوينة اللي عاشها و تحاولو ما امكن ماتعصبوهش و الاهم هو انو تبداولو منين ماهو دابا يعني تخليو الامور كيفما هي فراسو
فبحال هاذ الحالات حساسة ممكن اذا حاولتو تذكروه ولا حاول يتذكر تتعرض للخطر
صدمة مور صدمة. آش هاذ الشي دابا
عاودو توجهو عند ايهم
بعد 5 ايام
اليوم ايخرج ايهم من الكنينيك.
خرجو متوجهين للوطو. دخل ايهم و عيشة و عبد الرحمان اما نور مابغاتش. مع جاو يروحو و هو يهدر معاها ايهم
ايهم : غدوا مع 8 اتكوني فالشركة
نور صدمها بهاذ الشي
نور: واخا
المهم هوما راحو و نور ركبت اللوطو ديالها متوجها للدار و الف سؤال و سؤال فبالها. كيفاش اتتصرف دابا. شنو ادير مع هاذ المصيبة. و على حساب هدرتو ذاكرتو حبست عند الواد. يعني فالمرحلة اللي كان كايخدع فيها و يوهمها بالحب آش هاذ المصيبة عاود تاني. اتعيش نفس الشي مرة خرا.
ظلام:(خبطت يدها مع الپولو) آش هاذ الزهر آش هاذ القدر آااخ ربي آش اندير دابا.
توجهة للدار طلعت قبالة لبيتها دوشت و لبست حوايجها و هبطت كلات و رجعت للبيت. عيطت ل مروى طلبت منها تجيبلها موطو
و ستنشقت من الهيروين و تكيفت عاد راحت اللفراش
تكسلت كتفكر فالجاي
فات الليل و طلع الصبح
ناصت دوشت و لبست حوايجها و هبطت فطرت
خرجت لقات الموطور ديالها برا شدت الطريق قبالة للشركة. طلعت قبالة للمكتب ماهدرت مع حتى واحد
دخلت للمكتب لقات المكتب ديالها مازال فالمكتب ديال ايهم ستغربت و توجهت لجيهتو قعدت حتى دخل ايهم
ايهم: (توجه جيهتها) صباح الخير
ظلام: صباح النور
وقفها و طبعها بالشويا لسقت مع الحيط
ايهم: ايوا فين البوسة ديالي
ماجات فين تهدر كان نقض على شفايفها
اما ظلام كتحس بالصداع فراسها زيرت على القبضة تع يدها بغضب باغيا تبعد عليه باقا متحكمة فراسها بزز
و اخيرا بعد منها
نور: تحسنتي شويا
ايهم:(فخاطرو كلو بسبابك ابنت القحبة) الحمدلله مزيان
نور : الحمدلله
ايهم: مالو لبسك مبدل (ضربها ضربة خفيفة لترمتها) ترماحطك باينة من هاذ السروال مزير (شدها من صدرها). و مالة هاذا خارج لبرا (شدها من كرشها) و مالو هاذا دخل كي درتي ليها فيوماين والله حتى ضرني راسي نعرف
ظلام:( ستغربت من الجرأة ديالو و كيفاش كيتلمس فيها) هكك رقدت و نضت لقيت روحي هگ
ايهم: آش كاتخربقي ديجا عرفتي شنو بغيت
ظلام: شنو
ايهم: غانغتاصب مك آش هاذ اللبس مخليا الماطريال ديالك بارز (أشار لديالو) هذا ايخرج من عقلو. الليل كلو و انا كانحلم بحال يلا كنت داير معاك علاقة فلفراش ولاكن الغريب كنتي سمينة ماشي هك
ظلام:(ستغربت من قلة لحيا اللي ولات فيه و فهمت باللي كان كايتفكر فاش غتاصبها) آش كاتخربق واش هاذ قلة لحيا
ايهم: مال مك راه عادي هاذ الشي عادي غادي يوقع عاجلا ام آجلا و غادي نذوق الحلوا
ظلام: كتحلم
ايهم: غانشوفو أ. لحبيبة ديالي آجي دابا عرفتي شنو كانحس بعضام ظهري مكسرين اديريلي ماساج
نور: شنوو سير تقود
جرها عندو. بالزربة و عضها من شنوفتها حتى سال الدم
ايهم: هاذي باش تتعلمي تهدري معاية ا حبيبتي ودابة آجي ديريلي ماساج و هذا امر ولا نسيتي انك تنفذي كل مطالبي
ظلام:( كتحس بحال يلا باغيا تخنقو). ولاكن حنى فالشركة دابا مانقدروش.
ايهم: ماتخميش فهاذ الشي دابا اتروحي تجيبي الزيت دالماساج من التحت و ترجي. بالزربة.
ظلام:( اصلا باغيا تخرج باش تستنشق الهيروين. رفدت ساكها و خرجت). اوكي
توجهت للحمام ستنشقت منو حيت حاسة بالصداع فراسها و راحت جابت الزيت و رجعت عندو
ايهم: عام باش ترجعي
خرج عند السيكرتيرة قاللها مادخل حتى حد و دخل توجه جيهت الفوتاي نحى الشوميز و تكسل على كرشو
ايهم : آجي دابا. احبي
توجهت جيهتو قعدت واقفة و تحنات دارت شويا زيت فظهرو و بدات تمسد ليه
ايهم: مالك واقفة على راسي كي عزرائيل
ظلام: باغيا ندي روحك بيدي
ايهم: انا اللي غانغتاصبك كون ماتسڨميش روحك عرفتي قعدي فوق ظهري من تحت اترتاحي و حتى انا انرتاح
ظلام: انا مرتاحة هگ
ايهم: ولاكن انا مامرتاحش قعدي امر هذا
ظلام:( بلاحول طلعت و قعدت ) رتاحيتي دابا
ايهم : انرتاح ماللي نلعبو شي ماتش انا وياك
ظلام: آش كتخرف آش من ماتش
ايهم: ماشي ذاك الماتش دالكرة اللي فبالك. هذا ديالنا خاص احبي خاص كايتلعب فوق لفراش
ظلام:(عاد فهمت) مكبوت
ايهم: فاش تيغي انفرغ فيك الكبت ديالي و دابا مسديلي مزيان
ظلام: الصمت
ايهم: ااحح لمك غادي نغتاصبك باغا تهبليني آجي نتزوجو. آش رايك
ظلام: بركا ماتخرف عليا. و دابا ساليت ( هبطت من فوقو)
ايهم: معامن تشاورتي باش تهبطي و تحبسي
ظلام: صافي ساليت
ايهم: دابا اترجعي كيفما كنتي و ترجعي لخدمتك دابا
ظلام: لا مابغيتش براكا عليك
ايهم: متأكدة
ظلام: (بتحدي) متأكدة
جبدها فوق الفوتاي هي تحت و هو لفوق و نقض على شفايفها كايبوس و يمص و ممبعد هبط لرقبتها و طلع يدو لصدرها تيبعبص
ظلام كاتدفع فيه كون ما ذاك الهيروين اللي تجرعاتو كون راهي فقدت السيطرة على روحها. و دارتلو الشوهة
ظلام: (كتحاول تبعدو عليها بالهدرة) آش هاذ الحقارة باغي تستغلني ووتتكرفس عليا راني زعما كانبغيك ونت كاتبغيني بعد مني مالك
ايهم:(فخاطرو والله كون ماشي الخطة ديالي كون غتاصبت مك ولاكن غانصبر العاهرة راه ماشي انا راه المعلم اللي كايطلبك.) سمحي ليا راه غير جهلت و صافي
بعد عليها
ايهم: تقلقتي مني. ا حبيبتي
ظلام: لا متقلقتش صافي ولاكن آخر مرة
ايهم:( فخاطرو آش غاندير دابا راه بغيتك بغيت نغتاصبك) ربي يخليك ليا
ظلام: حتى نت
ايهم: آجي نروحو نتغداو
ظلام: اوكي
لبس الشوميز ديالو و هبطو ركبو فاللوطو و راحو للريسطو طلب شنو بغا و كايستناها تطلب و تشوهو عاود تاني بذيك الطريقة اللي كتاكل بيها
ولاكن هاذ المرة ستغرب منها حيت ماطلبتش بزاف و كتاكل برزانة.
كملو غداهم. و رجعو للشاركة
ظلام: اذا ممكن انروح للدار
ايهم: اوكي روحي
ظلام: شكرا
توجهت للموطو تاعها ركبت و راحت للشركة ديالها تقابلها شويا.
شرحتلها مروى كل شيء على الشركة. بقات ثما حتى لعشية عاد رجعت للدار
اما ايهم ممبعدما مشات نور طلع للمكتب ديالو يقابل خدمتو ولاكن تصدم فاش شاف التواريخ مبدلين و متقدمين ب 5 سنين.
ضرو راسو و تخلطو عليه الاحداث. مدة و هو يخمم
ايهم: واش ممكن نكون فقدت الذاكرة من بعد الحادث مايمكنش
ناض قبالة توجه اللكنينيك عند الطبيب اللي كان مشرف عليه
و طبيب اكدلو باللي فقد الذاكرة و نسا من حياتو 5 سنين. اول حاجة جاتو فراسو هي نور. شد فراسو بيديه من الصداع. عاد عرف علاش تبدلت نور و كيفاش حتى فقدت الوزن. ولاكن آش وقع فهاذ 5 سنين آش دار فيهم و واش دار مع نور فهاذ 5 سنين.
زاد عليه. واحد الصداع فضيع. واحد اللحضة طاح فالارض و غيب
نقلوه مباشرة لغرفة يفحصوه ولاكن مالقاو فيه والو غير غيب
بعد 3 ساعات بدا يفيق لقى روحو فلكنينيك و عيشة و عبد الرحمان معاه.
طمأنهم عليه و سقساهم على شنو وقع فهاذ 5 سنين ولاكن تلاعبولو فالاجابة حيت خطر عليه لوكان يذكروه خاص يتفكر وحدو
و ناض. واخا حاولو يشدوه ولاكن والو باغي يعرف آش وقع توجه للدارو دوش غير للجسد ديالو حيت الجرح اللي فراسو مازال مابرا. خرج لبس حوايجو و راح تكسل كيخمم كيفاش يعرف ماجات فبالو غير واحد الفكرة و هي اللي غاتخليه يعرف كل شي. قعد مدة عاد. نعس
اما عند نور حتى هي بعدما رجعت للدار جمعت شويا مع رهف و الذراري ممبعد طلعت لبيتها. تجرعت من الهيروين و تكيفت. و حتى هي كتخمم في مصيبتها
اما عند رهف. ف فهاذ الايام محمد كل يوم معيطلها و كايجمعو. مع بعض رهف اللي ولات كيعجبها محمد و كاترتاحلو. اما محمد و رجع كايبغيها.
بعد ليل طويل صبح الحال. كيف العادة. نور هي اللي كتسبق للشركة. مدة عاد جا ايهم
ايهم: صباح النور
ظلام : صباح النور
ايهم: بغيت ندوي معاك فواحد الموضوع
ظلام: وي تفضل
ايهم: ماشي هنا آجي نخرجو
ظلام: اوكي
هبطو ركبو فاللوطو طريق كلو ماهدروش حتى وصلو دار ايهم
ظلام حست بالرهبة فاش شافتو جابها هنا تفكرة ذيك الليلة المشؤمة كتحس بالجسد ديالها كايرجف و هي كاتشوف فيه و فهاذ الدار
و الف سؤال فراسها. و المصيبة. هي زعما واش ناوي يعاود نفس الشي اللي دارو قبل 5 سنين
. هبط من اللوطو. و فاش شافها ماهبطتش توجه جيهتها فتحلها لبال ستغرب من حالتها يديها كايرجفو. و عينيها مفيكسيين فالدار و وجهها تبدل لونو بقا كايقوللها مالك. و هبطي ولاكن والو مجاوباتوش.
هبطها من اللوطو.
مع هبطها عاد رجعت لعقلها
ظلام:( بخوف و شعور مختلط) آش باغي دير فين جايبني خليني نروح
ايهم: مالكي هاذي داري انهدرو و انرجعو. آجي
شدها من يدها و جرها مدخلها. و هي فحالة صدمة ماقادراش حتى تهدر
ظلام:(كتجبد فيدها باغاتتفك من يدو) طلق طلق مني الله يخليك خليني نروح عنداك الدير داك الشي عاود تاني عنداك
ايهم: واش هي الحاجة اللي درتها باش نعاودها
ظلام: (بخوف كترجف) طلق مني الله يخليك باغا نمشي. ماحبيتش ندخل لهاذ الدار كنكرهها الله يخليك ماتأذينيش مغاديش نتحمل مرا خرا
ايهم:( وقف وقفها مقابلا معاه شدها من وجهها بيدو كيهدنها) تيقيني مغاديش نأذيك غادي ندويو و نخليك تروحي كنواعدك
ظلام : مكانتيقش فيك خلينو نروح تعيش بعدني
عاود شدها من يدها مدخلها
ايهم: غادي نهدرو و نرجعو
ظلام: لا مابغيتش طلقني
دخلو للدار داها للكوز ينة و سد موراه الباب
جاب واحد الكاس فرغ. فيه الماء. خشى يدو فجيبو جبد واحد لباطة تع الدوا بلاما تشوفو و دار حبة داخل الماء عاود خباها و توجه عندها
ايهم: تهدني هاكي شربي
ظلام: لا عافاك مابغيتش بغيت نروح
ايهم: اوكي هاكي شربي باش تتهدني وانمشيو
ظلام: بالصح اتخليني نمشي
ايهم: وي انخليك
شدت من عندو ذاك الكاس شرباتو دقة وحدة
ظلام: هاني شربتو دابا خرجني من هنا
ايهم: اوكي آجي
فتح الباب ديال الكوزينة و سبقها متوجه للباب ديال برا زعما. حتى عيطتلو نور اللي كتحس روحها مرفوعة بحال يلا ماشي. فهاذ العالم
نور: (كتضحك) ايهم آجي فين غادي
ايهم:( عرف الحبة عطات المفعول و دابا آتحكيلو كل شي ) لا احبيبة انا هنا آجي نجلسو فالصالون
ظلام: اااحح على حبيبة كي خارجة من فمك اوكي كيفما بغيتي ا عمري
توجهو للصالون و قعدو
ايهم: دابا انسقسيك و نتي اتجاوبيني اوكي
نور: اوكي
ايهم: دابا انا فاقد الذاكرة ياك و رجعت للور ب 5 سنين
ظلام: وي
ايهم : دابا اتحكيلي كل شي اللي وقع بيننا انا و ياك من نهار. كنا فالواد و سوطيتي نقضتي ذاك الولد
.ظلام: اوكي انحكيلك
ايهم: يالله دوي
ظلام: ممبعد ذاك نهار ولينت نت ديما مخرجني و كاتتهلا فيا و تعاملني مزيان حيت زعما اصدقاء ممبعد عتارفنا بحبنا. و كنا فرحانين (دلات شنايفها بحزن) حتى لنهار اللي جبتيني هنا لهاذ الدار و طلعتيني لفوق لبيتك آجي نديك فين ديتني
جراتو م طلعاتو لفوق لبيتو و قعدو فوق لفراش
ايهم: شنو وقع منبعد ماجينا هنا
ظلام: عطيتيني واحد لوراق طلبتي مني نسينييهم و حتى بصمت عليهم. و بلا مانقراهم. ممبعد قلتيلي مبروك عليك تزوجنا وانا فرحت بزاااف
ايهم تصدم. حيت عارفها مكاتكذبش بسبب ذيك الحبة
ايهم: ممبعد شنو وقع
ظلام: ممبعد درنا ذاك الشي اللي كايديروه لمزوجين
ايهم: اش درنا
ظلام: لبسالة
ايهم: واش نعست معاك
نور: وي و فاش كملنا و طرطقنا البوشونة عاود تاني رجعتي نعستي معايا ولاكن بوحشية (كتهدر و توريلو بيدها) كتصربني هنا و هنا و جبتي السبتة كاتشحطني لترمتي حتى ولات كلها دموم ماحسيتيش بيا كنتي باغيني نبكي و انا ماعنديش الدموع عذبتني مزيان و انا كانبكي الدم فالداخل ديالي (بحزن) مارحمتنيش
ايهم: (حاس بالصداع فراسو)انا درت هاذ الشي
نور : وي
ايهم: ايه و ممبعد شنو وقع
ظلام: فاش كملتي مني و ديت ذ اك الشي اللي بغيت قلتلي باللي ذوك لوراق اللي وقعت عليهم كانو موافقة ليا باللي انا سراقة و عندي علاقة فالكوكايين و بزاف حاجات خايبين و. ممبعد. تزوجتي و جابوني ليڨارد ديالك فذيك الحالة شفتك و نت كتتزوج و ممبعد قلتي لي ياتقبلي تكوني عبدة عندي ياندخلك للحبس.
ايهم: و ممبعد
ظلام: انا رحت سلمت نفسي
ايهم:كيفااش سلمتي نفسك و دخلتي للحبس على حاجة مادرتيهاش
ظلام: وي 5 سنين وانا بالحبس
رعد حس بواحد الصداع فراسو و حس بالدوخة
ايهم: بقاي هنا هانا جاي
رفد روحو بالزربة. غلق الباب ديال بالزربة باش ماتخرجش نور حيت فهاذ الحالة هي ماشي فالوعي ديالها
توجه للحمام دخل تحت الرشاش بحوايجو و طلق عليه الماء بارد ماباغيش يغيب ماهمو. لا. الجرح اللي فراسو. لا والو. الحاجة الوحيدة اللي باغيها هي مايغيبش
نرجعو عند نور اللي بقات في پلاستها ممبعد. بدات تخربش فساكها. حتى لقات ذاك الهيروين و ذاك الدخان.
ظلام:( ببهللة) نتوما هنا هههههه
رفدتهم وخرجت للبالكو شغلت ڨارو و كاتتكيف. و وجدت ذيك الغبرة. كتستنشق و تعاود فيها.
اما عند ايهم فبعد مدة رجع للوعي ديالو. خرج لاوي عليه الفوطة فنصو التحتاني وخرج للبيت فاش مالقاش نور تخلع توجه جيهت الباب لقاه مغلوق دور راسو. ف البيت بانلو البالكو. خرج. و هو يتصدم من المنظر ديال نور كتكمي و تستنشق الهيروين فنفس الوقت راح عندها طيرهوملها من يدها
ايهم: آش كاديري
ظلام: اييه. مالك خليني نتمتع راه هاذوك الحب الحب لالا حتى نت الحب ههههه
ايهم: من ذوقاش و نتي كاتكمي و كاتتجرعي هاذ الزبل
ظلام: 5 سنين هاذي فاش كنت فالحبس
ايهم: كيفاش جوزتي 5 سنين واش اذاوك حكيلي آش دارولك
ظلام: كانو كايضربوني ف الصباح و فلعشية كيعذبوني غير حيت رفضت نروح معاهم عند الرجال اللي فالحبس باش يديرو معانا لبسالة
ايهم: واش كايمارسو فلفراش معاهم
ظلام: وي
ايهم: ونتي قاسك شي حد ولا لا
ظلام : هههههه غير نت ف الدنيا كلها اللي قاسني ولو بحتى. بوسة. حيت كنت كانبغيك و كان يحساب ليا كاتبغيني
.ايهم: وانا ظهرت مكانبغيكش غير تفليت عليك هههههه
ظلام: عجبك الحال فاش تفليتي عليا
ايهم: وي عجبني بزااف ونتي باقا كاتبغيني ولا صافي
ظلام: اممم. لا باقي كانبغيك
ايهم: ههههه اذا انقدر نتفلى عليك مرا خرا
ظلام: معرفتش يمكن
ايهم: عرفتي شنو نتي غبية واللي جا يكلخلك
ظلام: واش بالصح
ايهم: وي
ظلام: واش خاصني نتبدل
ايهم: ولاكن نتي بريئة و عفوية وخاصكش تتبدلي
ظلام: اوكي مغانتبدلش
ايهم: هههههه. عرفتي شنو. انا بغيت تعطيني شي بوسة من ذوك شوارب
ظلام: اوكي خوذ
نقض على شفايفها كيمص و يبوس وحد المدة عاد بعد
ايهم: الطعم ديال شنايفك كيسطيني
ظلام: بالصح؟
ايهم: وي بالصح و دابة بغيتك تقولي ليا شحال كاتبغيني
ظلام : كانبغيك بزاف لدرجة ڨاع الشي اللي درتيه معايا سامحتك عليه
ايهم: واش انا كنت سيء معاك بزاف
ظلام: وي بزاف جرحتني بزاف
ايهم: واش فاش كنتي فالحبس اذاوك بزاف
ظلام : وي بزاف حڨروني و ضربوني و حرقوني باقي فيا الاثر ديال الضرب
ايهم: فين كاينين
ظلام: فكرشي و فظهري
ايهم : حيدي البودي ديالك و وريني
ظلام: اوكي
نحات تريكوها و وراتو ظهرها و عاودت دارت وراتو كرشها تحت صدرها كان كلو اثار ديال حريق
قعد ايهم و قعدها عله خشا راسو فظهرها كيفوت خدو على ذوك الاثار و كايبوس فيهم. عاد قلبها و خشا راسو تحت صدرها نفس الشي كايبوس و يحنن عليها
ظلام: هههههه كتهر فيا بعد ههههه. ايهااام. بعااد ههههه.
ايهم: واش بالصح هههههه. آجي هنا.
رجع كيهر فيها بيدو وهي كاتضحك واحد المدة عاد حبس
ايهم : بقاي على طول كاتضحكي
ظلام: واخا حتى نت بقا كاتضحك بحال ما كنت كاتضحك قبيلا
ايهم: عرفتي علاش كنت كنضحك
ظلام: حيت انا غبية واللي جا ايتفلى عليا هههههه
ايهم:( زيرها عندو) كنت كنضحك على الغباء ديالي و كيفاش حتى قدرت نتفلا عليك و نآذيك ا الملاك ديالي نتي بريئة بزاف و نية
ظلام: لا انا ماشي مليحة حيت ڨاع الناس اللي بغيتهم ف حياتي كاين منهم اللي تخلاو عليا بحال ماما و بابا و كاين منهم اللي ستغلوني و اذاوني بحالك. و بحال عمي و مرتو
ايهم: عارف روحي اذيتك و ستغليت طيبتك سمحي ليا بزاف. و دابا قولي لي اش ذيك اللوطو و الدار اللي ساكنة فيه
ظلام:( حكاتلو على عمها و مرتو) يعني املاكي هاذوك
ايهم: وشنو ذوك الذراري و ذوك العصافير ديال ذاك النهار
ظلام:( حكاتلو على رونق و فاش تلاقاتها و على الذراري باللي بغات تعاونهم و حكاتلو باللي حررت العصافير) هاذي هي
ايهم: هههههه دابة. نتي وليتي غنية كثر مني هههه ولاكن باقي قلبك بحال ماكان. لفلوس ماحولوكش فعلا ضيعتك ولاكن غانرجغك ودابا. الحبيبة ديالي. والله اونلقاك كاتاخذي هاذ السموم غانقتلك نتي ديالي نور ديال ايهم
ظلام: ظلام انا ظلام
ايهم: واخة ظلام ديالي. غانعوضك
ايهم: ودابة قولي ليا علاش رجعتي تخدمني عندي واخا كنتي قادرة ماترجعيش
ظلام : حيت خفت عليك تتأذى حيت طبيب حذرنا
ايهم: ولاكن بعد ڨاع واش درت فيك
ظلام: حيت كانبغيك
ايهم: سمحي ليا بزاف انور فعلا خسرتك ولاكن كانواعدك غادي نرجعو و دابا قولي ليا ش كون ذاك لولد اللي قلتي ليا غاتكملي معاه حياتك باش نقتلو
ظلام: لا كنت غاكانتفلا عليك باش تبعد مني
ايهم : علاش بغيتي تبعديني عليك
ظلام : حيت مكنقدرش نقرب منك. كنرهب منك كانخاف. فاش تقرب مني ولا نشوفك كانتفكر ذاك النهار اللي غتاصبتني فيه و فاش ضربتني عنداك تعاود تضربي ولا تتعدى عليا عنداك
ايهم: لا مستحيل نعاود نغلط مرا خرا و نآذيك
ظلام: اوكي تيقتك
ايهم : آش نديرو دابا
ظلام: معرفتش
ايهم: اتبقاي معايا ولا نرجعك
ظلام: انبقى معاك حيت كاتعاملني مزيان بقا ديما كاتعاملني هگ
ايهم: وي كانواعدك ولاكن المشكل هو. نتي فاش ايزول عليك المفعول غادي تنفري مني و غاتنساي كل شي وقع بيننا اليوم ولاكن انا ماغاننساش و كل شي مسجل فراسي و ف الكاميرات اعترافك كلو عندي
ظلام: لا ماغاننساش
ايهم: غاتنساي هههههه
ظلام: هههههه. دابا. نت اللي غاتعتارف ليا
ظلام اشارت للعظلات السداسية ديالو
ظلام: هاذو زوينين اتخليني نمسهم
ايهم: وي ا حبيبتي كلي ديالك
حطط يدها كتتلمسهم
ظلام: فايت شي حد قاسهم من غيري
ايهم: وي. قبل ماتدخلي نتي ل حياتي
ظلام: شكون قاسهم غانقتلو
ايهم: كاين بزاف ديال لبنات قبلك
ظلام:( بحزن) يعني مكاتبغينيش كاتخليهم يمسوك
ايهم: لا ا حبيبتي نتي اول بنت حبيتها في حياتو هاذوك كانو غير ديال ليلة وحدة
ظلام : ولاكن نت تزوجتي شفتك بعيني ونت كاتبغيها هي
ايهم: لا طلقتها احياتي. مكانبغيهاش انا كانبغيك غير نتي
ظلام: اذا غاتتزوجني انا
ايهم: وي غانتزوجك ا حبيبتي و غانجيبو ذراري صغيورين
ظلام:( لفرحة) بالصح كانبغي الذراري (دلات شنايفها بحزن) ولاكن مغانقدرش نتزوجك
ايهم: علاش
ظلام: حيت انا ماشي بنت ضيعت شرفي
ايهم: ا نور. ا حبيبتي ا لحبيبة ديالي انا اللي رديتك مرا احبي انا الي نعست معاك و مكانش اشرف منك اوكي
ظلام: لا ولاكن مكانش خاص حتى واحد يقيسني حتى نتزوج وانا دابا بحال العاهرات
ايهم: شوفي انور اتعصبيني دابا.
ايهم: عنداك تعاودي تقولي على راسك بحال هاذ الشي والله ماعمرني لقيت شي بنت طاهرة بحالك
ظلام: ولاكن اتوعدني ما عمرك تخلي شي بنت تقرب لك لشفايفك ولا تبوسك ولا تلمسك كل شي ديالي اوكي
ايهم: كانواعدك ( اشار. للمعلم) وحتى هذا ديالك احبي ولا نسيتيه
ظلام: هههه باسل
ايهم: ههههه توحشتك اعمري توحشتك(غمزة) مغاتخليناش نلعبو شي ماتش والله حتى الشوفة فيك كيقيم بوحدو. راني صابر غابزز
ظلام: بدينا عاود تاني و (بحزن) اصلا انا دابا كلي مشوهة مغاتقدرش حتى تشوف فيا خيابيت و حتى ترمتي تشوهت
ايهم: ولاكن انا كاتعجبيني كيفما كنتي كانبغيك واخة تتشوهي بكلك اصلا انا كنفكر نشوهلك وجهك باش حتى حد ما يشوف فيك اوتبقاي ديالي بوحدي
ظلام: ولاكن انا ماعاجبنيش نكون بحال هگ ماشي زوين
ايهم: احبيبتي والله حتى زوين ولاكن اذا بغيتي انحيدوهملك. و ترجعي بحال ماكنتي
ظلام: وي بغييت نحيدهم دابا آجي نحيدوهم
ايهم: احبيبة راه ماشي دابا حيت مغانقدرش حيت نتي ماشي فالوعي ديالك خلي حتى نتصالحو. عاد نحيدهم احبي انجيبلك مختصين من برا لبلاد حسن
ظلام: ولاكن..
ايهم : صافي سكتي دابا (دار يدو فصدرها) مالو هذا باقي صغير
ظلام: مكاتحشمش راه كبير مكاتشوفش
ايهم: راني شفتو من قبل كان صغير و حتى دابا صغير و نتي كاتلبسي سوتفال ولا سوتران ولا معرفت كي كايقولولو المهم كاتلبسي من هاذاك اللي فيه الپونج
ظلام: ههههههههههه ماشي هاكذاك سميتو
حيدها من حجرو. و قعدها فالارض
ايهم: شفتي كي كاتعذبي فيا على آخر يامي نرجع نبرد بالماء بارد دابا قعدي هنا آنمشي ندوش و نرجع.
ظلام: ولاكن عاد دوشتي
ايهم: وعلاش نتي خليتيني بحالي دايا نرجع عنداك شنو ديري
خرج بالزربة متوجه للدوش مع قريب يوصل و هو يرجع للبالكون. رفد ذيك لباطة ديال الهيروين و ذاك الدخان . خبعهم. و عاود خرج للدوش طلق عليه الماء بارد
ايهم: آ ش هاذ الحالة وصلت ليها راه مغاديش نزيد نصبر عليك ولاكن نستاهل. انا اللي ماقدرتكش من الاول
كمل دوش و خرج لبس حوايجو. و خرج عندها. لقاها كيفما خلاها
ايهم: آجي الحبيبة ديالي آجي علاش باقي مالبستيش و مخليا ذاك الخير مكشوف
توجه عندها لبسها ذاك التريكو
ايهم: ودابة وقت باش نعطيك الحبة الثانية
ظلام : آش من حبة
ايهم: باش ترجعي لعقلك و نمشيو من هنا واخا ماسخيتش بيك
ظلام: فين انمشيو
ايهم: اجي احبيبة اجي
نقض على شفايفها و حتى هي ندامجت معاه. مدة عاد بعد عليها
ايهم: اجي قبل. ما نغتاصبك
عطاها ساكها و
جرها من يدها لتحت للكوزينا دارلها واحد الحبة خرا فالكاس باش ترجع لعقلها غاتنسا كل شي وقع بينهم بحال يلا مازال فالكوزينة
ايهم: اعرفي باللي كانبغيك انور كنعشقك و دابة شربي
ظلام: اوكي
شدت ذاك الكاس شرباتو
و توجهو جيهت الباب خارجين
ظلام:( رجعت لعقلها) فين غادي بيا
ايهم: انرجعو منين جينا
ظلام: وي رجعني. خرجني من هاذ الدار كانكرهو
ايهم: علاش كاتكرهيه و نتي اول مرة اجي ليه
ظلام: هكك آجي نخرجو
توجهت جيهت الباب ديال برا ماحبست حتى وصلت للوطو. دارت كاتشوف فهاذ الدار بكره. الشي اللي لاحظو. ايهم
طلعو فاللوطو. و نور مازال كاتشوف فالدار كسيرا ايهم متوجه للشركة
ايهم: مالك وجهك تبدل لونو
ظلام: لا والو
ايهم: انمشيو للشركة حيت عندنا خدمة عرفتي علاش. جبتك هنا.
ظلام: لا علاش
ايهم: غير باش نقولك باللي عرفت باللي فقدت الذاكرة جزئية و بغيتك تقوليلي آش وقع فهاذ 5 سنين حيت مانيش عاقل على والو باغي نتفكر
ظلام: (بخوف) لا عنداك تحاول تتذكر عنداك تبزز على روحك. غاترجعلك بوحدها غابالشوية
ايهم : علاش خايفة عليا
ظلام: (باغيا تنسيه فالموضوع باش مايبقاش يحاول يتفكر و. يآذي روحو ولاكن اللي ماعارفاهش باللي رجعت ليه الذاكرة) غير حيت كانبغيك. و زايدون نت راك داير فيا خير كبير بغيت نرجعلك غير شويا من الخير ديالك
ايهم:(كيضحك على روحو فالداخل ديالو عارفها كاتحاول تنسيه باش مايتآذاش واخا ڨاع ذاك الشي اللي دوزو عليها) آش درتلك آش من خير
ظلام: راه بسبابك انا عايشة دابا راك عتقتيني من ذوك الناس اللي كانو باغيين يتعداو عليا و يقتلوني
ايهم: بالصح
ظلام: وي.
ايهم: كانبغيك انور
ظلام: حتى انا
ايهم: ماشي كثر مني
ظلام: عارفاك سمع بغيت فاش نوصلو للشركة نروح للدار
ايهم: كيفما بغيتي احياتي
بعد مدة وصلو للشركة ايهم دخل
و نور توجهت للشركة ديالها. كملت النهار عادي ممبعد توجهت للدار
لقات ذراري كامل مجموعين قعدو يجمعو.
و تعشاو. مجموعين عاد كل واحد توجه لبيتو ينعس. من
غير نور اللي توجهت للساك ديالها باش تجبد الهيروين والدخان
ولاكن مالقاتهمش مافكرتش
بزاف ف الموضوع و مشات لواحد لمجر. فتحاتو
جبدت علبة خرا فيها الهيروين و الدخان
تجرعت منو و خرجت للبالكون تتكيف
قعدت كتخمم فالشي اللي وقع معاها ليوم و ايهم و كيف ولات كتقدر تقعد معاه يعني الخوف ديالها من جيهتو نقص نوعا ما
اما ايهم فمنبد. ما وصلو للشركة ودع نور و ستناها حتى مشات عاد طلع للمكتب ديالو كيخمم فيها و اول حاجة قرر يديرها هي ايرجعلها سميتها
المهم من بعد ليل طويل
كي العادة دوشت نور و لبست حوايجها. و توجهت للشركة
و حتى ايهم نفس الشيء. توجه للشركة طلع مباشرة للمكتب لقا نور كي العادة
كانت قاعدة فالمكتب ديالها حتى جا ايهم توجه جيهتها باسها. فخدودها بزوج
ايهم: صباح النور احبيبتي
ظلام: صباح النور كيف صبحتي بخير و الجرح اللي فراسك مزيان
ايهم: فاش كانشوفك كانولي مزيان
دار شاف فيها من فوق حتى للتحت
ايهم:( بغضب) آش هاذ الشراوط لابسة جيتي بيهم هگ صافي طوالو ليك الرجلين
ظلام: مالك راه غير حوايج عادي
ايهم:( خبط يدو فالمكتب) كاتزيدي تدوي من فوق مخليا الزوامل ينهشو فلحمك و زايدون جايا فالموطو من فوق و حتى صدرك خارج و السوتران مفصل كايبان باغيا تهبليني
ظلام: ولاكن راه عادي انا هگ كنلبس
ايهم: عرفتي شنو والله ماراكي خارجة من المكتب ليوم بهاذ اللبس و مرة خرا تزيدي تلبسي بحال هگ اناكلك فهمتي
ظلام: صافي تهدن فهمت ولاكن علاش كادير بحال هگ راه عادي
ايهم: نتي ديالي نحبك يا ربك ماتفهميش.( هاذي تع نحبك يا ربك تاعنا كايقولوها بزاف الجزائريين) راني كانغير من الهوا اللي كاتتنفسيه ماتهبلينيش
ظلام:( دورت وجهها الجنب و ضحكت ضحكة سخرية حيت فبالها كايمثل عليها باش يقدر يتفلا عليها) واخا مغاديش نلبس مرة خرا بحال هگ
ايهم:( شافها فاش ضحكت و غارفها كيفاش خممت) حسن نيت و دابة بغيت ندوي معاك فواحد الموضوع ماعاجبنيش
ظلام: آش هو
ايهم : لقيت سميتك مكتوبة ظلام ماشي نور آش هاذ التخربيق
ظلام: لا والو ماشي حاجة مهمة
ايهم: كيفاش ماشي مهمة ماعجبنيش اترديه نور اوكي
ظلام: ولاكن راه عاجبني اسم ظلام
ايهم: مكاتبغينيش
ظلام: كانبغيك
ايهم: اذا اتبدليه و دابا نيت انمشيو ولاكن قبل حتى يجيبولك حوايج
دار واحد الاتصال باش يحيبولها لحوايج فاتت مدة كانو جابوهم ناضت نور شدتهم على البنت كان سروال عريض و ليكات عريضة
دارت عند ايهم
ظلام: اش هاذ لخناشي
ايهم اللي كان مركز نظرو. فترمتها اللي كان باينين منها واحد الاثار ديال الضرب
الضرب حيت الشورت قصير
ايهم: راه زوينين لبسيهم يالله للحمام
ظلام: صبرك ياربي
دخلت للحمام لبستهم و خرجت واخا ستيل ديالهم عريض ولاكن جاوعا فنة
ايهم: آش اندير فيك انا دابا انلبسك خنشة نيت
ظلام: راه قلتلك ماشي زوينين
.ايهم: لا راكي كتحمقي احبيبتي مابغيت حتى شي قواد. يخزر فيك. (شدلها يدها) واعديني انور معمرك ماتتخلاي عليا واعديني ماهما صار بيننا معمرك تتخلاي عليا
ظلام:(كتتهرب منو) آجي آجي نمشيو دابا
ايهم:( عارفها مابغاتش توعدو حيت هي اصلا معاه غير حيت فاقد الذاكرة دارلها يدها على على صدرو جيهت قلبو) هذا كاينبض ليك انور مكاتحسيش بيه تيقيني والله حتى كانبغيك
ظلام: (بقات مدة و هي كتتحسس النبض ديالو شي حاجة كاتقوللها بالصح كايبغيها ولاكن الف حاجة كاتقوللها كايتفلا) وي تايقا فيك آحي نمشيو دابا
حيدت يدها و سبقاتو جيهت الباب هبطو. و توجهو للوطو. قبالة داها تبدل سميتها ماستغرقش وقت بزاف حيت ستخدم فلوسو. و منبعد. عاودو رجعو للوطو
ايهم: نور ديالي هاكذا حسن راه حيت نتي فعلا نور النور اللي نور ليا حياتي
ظلام: شكرا
ايهم :( كاتتعامل معاه بارد هاذ الشي كايقتلو ولاكن يستاهل) واخا حبيبتي فين بغيتي نمشيو دابا
ظلام: فيا الجوع
ايهم: اوكي انمشيو. للريسطوو
ظلام: اوكي
المهم توجهو للريسطو طلب ايهم على ذوقو قعدو فالطبلة حتى جابولهم الماكلة
نور تخلعت فالماكلة اللي حطهالها كانت نفس الماكلة اللي طلبتها اول مرة فاش خرجو بجوج و ايهم اللي تخلع فيها ذاك نهار حيت اتاكل ڨاع ذاك الشي و زايدون الطريقة اللي كتاكل بيها بحال الجيعانين
نور: آش ڨاع هاذ الشي شكون اياكلو كلو
ايهم: نتي احبيبتي
نور : ولاكن منقدرش راه بزاف
حيدت ڨاع ذ اك الشي من قدامها لزاتو للجنب و قربت غير واحد. الطبسي فيه غير شويا ماكلة مكاتشبع حتى النملة و رفدت الموس و الفرشيطة كتاكل برزانة
ايهم بقا غير كايخزر فيها بحسرة حيت هو السبب قتل فيها ڨاع الاحاسيس حتى من الماكلة اكثر حاجة كاتبغيها قتللها حبها ليها و حتى من عفويتها حيدها ليها ولاكن آيرجعها كيفما كانت ايدير المستحيل على قبل هاذ الشي رسم ابتسامة على وجهو. و هدر
ايهم: آش هاذ لبروتوكول
حيدلها ذيك لفرشيطة و لموس و خطهم فجنب و حيد. حتى ديالو. و قربلها ذوك شهيوات
ايهم: ودابة. اناكلو انا ونتي بطريقتنا. كولي اذا كاتبغيني
بدا ياكل بيدو و بحالها. فاش كلاو اول مرة نور بقات كاتخزرلو و كاتقول آش هاذ التغيير.
ايهم: كولي
رفد واحد اللقمة وكلهالها.
ظلام: صبار
ايهم : كولي ولا انتشوهو
نور: نت اللي غاتتشوه
ايهم: خليني نتشوه و كولي
بقا كايوكلها حتى ولات كتاكل حتى هي و فاش كاتحبس كايخشيلها. نور للحظة نسات كل شي وعاشت معاه اللحظة.
بقاو كياكلو و يضحكو. هو كايوكلها. و هي كاتوكلو. و كايضحكو
بعدما كملو ماكلتهم خرجو و هوما كايضحكو
نور:(كتضحك و شادة فكرشها) عندي بزاف ماكليتش بحال هگا
ايهم: هههه ايوا من اليوم غاتاكلي و غاترجعي كيفما كنتي من قبل دبدوبتي
نور: ولاكن كيفاش عرفت بالي كنت سمينة من قبل
ايهم:( عاد نتبه لهدرتو) اا لا انا غير قلتها ولاكن علاش نتي كنتي سمينة
نور:( ضحكة حسرة فكرها فجروحها) لمشحمة هه آجي نمشيو آجي
ايهم:( عارفها تفكرة) خصارة راحتلي ماشفتكش كنت غانبغيك كثر من دابة
نور : آجي آجي نمشيو
ايهم: عرفتي فين غانمشيو
نور: فين
ايهم: للملاهي
نور:(عينيها رجعو قلوبة هدرة بفرحة و حماس) قطار الموت يااس كانبغيه
ايهم: واخا آنمشيو آجي
نور:( ضربتها بجريةللوطو) زرب زرب
ايهم : هاني جاي ههههه
نور: كاتتماطل بلعاني
ايهم : لا مكانتماطلش. هههه.
طلعو للوطو. و توجهو للملاهي
نور: زيد فالسرعة زيد
ايهم: واخة شدي روحك مزيان
نور: فتح فتح هذا(اشارتلو للسقف ديال اللوطو) فتاح
ايهم:( فتحهولها) عنداك غير يديك الريح.
نور:( وقفت فوق الكوسانة و خرجت نصها الفوقاني لبرا) خاف على روحك
بقاو غاديين و كايدويو مرة على مرة حتى حبس ايهم اللوطو جنب الطريق فواحد لپلاصة خاوية فتح الباب و خرج
نور: علاش حبستي هنا
ايهم : هبطي من ثم و خرجي يالله
نور: علاش شنو بغيتي آجي نمشيو
ايهم:( فتح الباب و خرجها من اللوطو) خرجي صافي
نور: و..
ماجات فين تكمل هدرتها حتى كان ايهم ركع على ركبتو و جبد واحد الخاتم من جيبو
ايهم: تقبلي تتزوجي بيا و تكملي حياتك معايا
نور صدمها بهاذ الفعلة مكانتش متوقعتها منو عقلها تشوش واش زعما هاذي بداية خطتو باش يعاود مرة خرا يعذبها
ايهم: (عارفها فاش كتخمم) نور حياتي مغاتقبليش مالكي
نور: لا ولاكن..
ايهم:( باغي يديرها تحت اسمو بأي طريقة باغي يضمنها مغاتتخلاش عليه فاش تفيقلو باللي رجع الذاكرة ناض و شد راسو بيدو كايمثل عليها) كنت عارفك كنت عارفك انور مكاتبغينيش ااخ راسي
نور:(بخوف) مالك مالك ا. ايهم انا مارفضتش
ايهم: ولاكن موافقتيش
نور: انا موافقة
نحى يدو من راسو و عنقها عندو
ايهم: كنت عارفك غاتوافقي كانبغيك انور كانعشقك
نور: مالك ا ايهم عاد كنتي كاتتوجع
ايهم : صافي نتي هي دوايا. جيبي يدك
عطاتو يدها و لبسها الخاتم
ايهم: دابا نتي ديالي
نور: ( فخاطرها راك غير كاتتفلا عليا. و تبسمتلو) وي و حتى نت
ايهم: و دايا آجي نمشيو
ركبو للوطو و توجهو للملاهي مع الدخلة شافت نور لحية بابا
نور:( اشارتلو ليها) جيبلي هاذيك
ايهم: ههههه راك كبيرة زعما واخا بقاي هنا هاني راجع بالزربة
نور : زرب زرب
راح ايهم وفاش رجع تصدم. لقاها معانقة واحد الولد و هو باسها فخدودها و الصدمة الكبراى حتى نور متعلقة فيه. و رجعتلو القبلة.و فالخدود
رما من يدو ذاك الشي و توجه جيهتهم ساعر الدخان كاخرج من راسو فاش قرب يوصل و هو يتصدم عاود تاني من هدرتهم. حبيبي و حبيبتي
اما عند نور بعدما مشا ايهم بقات واقفة كاتتسناه حتى خرجلها محمد من حيث لا تدري فرحت بزاف و تعانقو و تسالمو
محمد: توحشتك توحشتك الحبيبة ديالي
نور: حتى انا ا حبيبي توحشتك طولتي عليا بزاف
محمد: غير مع الخدمة شدتني و صافي
نور: كيفاش حتى شفتني و آش كادير هنا
محمد: شفتك قبيلة فاش كنت جاي فالطريق شفتك مع واحد الولد ركبتو اللوطو. عيطتلك ولاكن ماسمعتيش تبعتكم حيت توحشتك مقدرتش نصبر عليك
نور: علاش ماقلتيهاش ليا قبل ما تجي كنت جيت ديتك من المطار
محمد: بغيت نديرهالك مفاج...
قبل ما يكمل كانت جاتو ضربة لوجهو من عند ايهم مع الضربة على غفلة رجع للور
مع جا يرجعهالو دخلت نور الوسط
نور:( بعصبية) ايهم آش كادير آش هاذ التصرف
ايهم:(بغضب). انا اللي آش كاندير ياك دابا انا الغالط ولا نتي اللي كاتقحبني مع ولد القحبة ه...
قبل ما يكمل هدرتو كانت جاتو ضربة من عند محمد الي حتى هو رجع للور
محمد:( بغضب) اللي كاتتقحب هي مك ماشي نور فهمتي الخامج ماتدويش معاها بحال هگا و صوتك مايعلاش عليها فهمتي و الا غاشهد على روحك
نور: محمد صافي ايهم تهدنو
ايهم:(رجعلو الضربة و كيهدر بغضب ) ماشي نت اللي تعلمني كيفاش نهدر الشماتة سمعتي و نور غانهدر معاها كيفما بغيت الزامل
محمد:( رجعلو الضربة كيهدر بغضب ) قلت لمك اولد القحبة صوتك ماتعليهش على اميرتي يالكلب
ايهم. جعر من. كلمت اميرتي. مع جاو يتضاربو و هي. تقاطعهم نور بكلامها
نور:( بصوت عالي و عصبية) صافي سكتو بركاو من الصداع و لمدابزة
محمد: غير على قبلك ا لحبيبة ديالي والا كنت غانقتلو ليوم
ايهم: لحبيبة ديالك هي ختك يالقواد انا اللي غانقتلك
عاود تاني مع جاو يتقاجو وهي تدخل نور فوسطهم
نور: صافي الله يخليكم صافي شوهتونا
شدوها بجوج من يدها. و هدرو دقة وحدة
محمد*ايهم: آجي نمشيو من هنا
نور: هااا
محمد*ايهم: طلق منها
نور: صافي بجوجكم غا نمشي وحدي طلقوني
نحات يدها من يدهم
و جرت محمد للجنب
نور: تهدن الله يخليك ستناني هنا هاني جاية
محمد: شكون هاذ الكلب
نور: تعيش بقا هنا دابا نرجع
رجعت عند ايهم حتى هو جراتو للجنب
نور: مالك ا ايهم علاش ضربتيه
ايهم: (بغضب) شكون هاذ الزامل اللي معنقاه و كاتتباوسو و من فوق كاتتعنبو
نور: صافي تهدن راه ولد عمي هذا ا ايهم. غدوا انحكيلك تهدن
جابت مدة عاد قنعاتو. و تهدن. ماخلاها تمشي حتى غفرلها ربي ذنوب
خلات ايهم فحالة. الف سؤال فراسو. و توجهت عند محمد
نور: آجي نمشيو من هنا
محمد: شكون هاذ الشماتا
نور: آجي حتى من بعد و نحكيلك
محمد: آجي حتى للداو و ندويو مزيان
توجهو للوطو ديال محمد و شدو طريق لدار نور
مسافة الطريق كانو وصلو
توجهو للداخل تلاقاتلهم رهف اللي تقابلت عينها مع عين محمد سلمت عليهم و توجهو للصالو. قعدو و محمد محيدش عينو على رهف اللي حتى هي كانت كاترمي عينها جيهتو و تحيدهم
محمد : و دابا شكون ذاك ايهم
نور: لا حتى حد غا صديق و صافي
محمد:( عارف كاين شي موضوع كبير من موراه ولاكن غايعرف بطريقتو). واخا واخا كيفما بغيتي
قاطعتهم الخدامة : الطبلة واجدة اختي
نور: واش كلهم مجموعين
الخدامة : وي كامل غانتوما
نور: شكرا هانا جايين
محمد: شكون هوما اللي مجموعين
نور: غاواحد الأصدقاء عايشين معانا(حكاتلو حكايتهم و باللي جابتهم)
محمد:( بعصبية شاف فرهف و عاود شاف فنور) يعني عايشين مع ذراري ياك. يعني انا. جبتلكم الخدامين كلهم بنات و نتوما. دخلتولي ذراري للدار. واخة انور واخا
نور: مالك تعصبتي راه عادي
محمد: غايخرجو مغايبقاوش هنا
نور: ولاكن كيفا..
محمد: غايخرجو هي غايخرجو
نور: يعني انرجعوهم للزنقة
محمد: ياك دابا هوما خدامين اذا انشوفلهم شي دار خرا ينتاقلولها لولاد و لبنات خليهم اذا بغاو و ماتناقشينيش آخر هدرة
نور: صافي واخة آجيو دابا نتعشاو
المهم توجهو الطبلة و تعارفو مع محمد و قعدو تعاشاو ممبعد تفرقو كل واحد فين مشا
من غير. محمد اللي توجه لعند نور دق ف الباب و دخل
محمد: آجي تنعسي
نور: لا مابغيتش نبرزتك معايا غير سير تنعس مرتاح
محمد: (توجه جيهت لفراش قعد وتكي و جبد نور عندو حطت راسها فوق رجلو) نعسي دابا
نور: شكرا هههههه ولاكن غدا فيقني بكري
محمد: اوكي غير نعسي اميرتي
مع غمضت عينها و هي تنعس و حتى محمد نعس
نمشيو عند رهف اللي ستغربت كيفاش حتى ماحوسش عليها محمد و ماعطاهاش اهمية يعني اكيد غير كايتفلا عليها لعنت راسها كيفاش تاقت فيه و حباتو و مشات شربت 2 كاشيات تع الرقاد و رقدت
اما عند ايهم ف النعاس ماجاهش من قوت التفكير من الموقف اللي وقع معاه. مانعس حتى لقى الحل
بعد ليل طويل صبح الحال
عند نور و محمد اللي فاق و فيقها كيفما قاتلو.
قضات صوالحها. و تجرعت من الهيروين. و توجهت للشركة. من غير العادة هاذ نهار لقات ايهم سبقها. و كايستنا فيها و باين عليه معصب
ايهم : ايوا شرفتينا
نور : قول غا صباح الخير
ايهم: منين غايجي الخير معاك
نور: مالك ا ايهم
ايهم: نتي مكاتبغينيش
نور: آش هاذ الهدرة كانبغيك
ايهم:(عطاها واحد لورا) اذا كنتي كاتبغيني وقعي على هاذ لوراق
نور: اش هاذ لوراق
ايهم: ديال زواجنا انتزوجو اتولي ديالي
نور:( صدمها) ولاكن ماشي بهاذ الطريقة
ايهم : مكاتبغينيش كنت عارفها( عاود تاني كيمثل عليها شد فراسو) نتي مكاتبغينيش آش هاذ لحياة صافي مغانتحملش( هبط على ركابيه) صافي
نور:( زربت عندو بخوف) ايهم مالك نوض
ايهم: راسي راسي غايتفجر صافي انور نتي حرة دابا ف حياتك تهلاي فروحك و زوريني فلقبر
نور: لالا. ا. ايهم. لا. نوض ماديرش. هك. ربي يخليك.صافي غانوقع غانوقع عطيني لوراق
ناضت بالزربة كترعش جابت ستيلو و سينيات على ذوك لوراق
نور: صافي هاني دابا مراتك نوض
ايهم:( كيشطح من الداخل ديالو ولاكن مابغاش يبينلها باللي كيمثل) عاونيني نوض
عاوناتو. نور و قعداتو فوق لفوتاي و جابتلو كاس ماء
نور: نتا مليح دبا ريحت ؟
ايهم: وي شويا دابا حنا متزوجين و نتي ديالي. انا مليح ودابا. آش قضيت ولد عمك تاني و كيفاش حتى كاتتسالمو بلبوسان فلخدود
نور: واخا غانشرحلك
حكاتلو على محمد و كيفاش كان كايساندها فاش كانت صغيرة و حتى لدابا و شرحتلو العلاقة المتينة اللي ماتجمعهم
نور: راه كثر من خويا هو الانسان الوحيد اللي وقف فجنبي و ساندني و ماتخلاش عليا
ايهم:( تعصب من علاقتهم ديال البوسان و التعناق و ذوك لكلام ديال حبيبي و اميرتي ولاكن فنفس الوقت فرح حيت على الاقل كاين فجنبها فرد من افراد عائلتها اللي ساعدها وساندها و مغايقدرس يفرقهم) ولاكن خاصك تنقسي من ذوك التصرفات و لكلام معاه راك مراتي دابا
نور: واخا واخا
ايهم: اتنتاقلي تسكني معايا دابا
نور: لا منقدرش حيت قضية زواج هاذي جات على غفلة و مستحيل نقدر نخير محمد ايتعصب
ايهم؛ واخا انا متفهمك غانتسنا. حتى تتوضح الامور
نور: واخا
نرجعو عند محمد اللي منبعدما خرجت نور توجه للصالون كايتسنى رهف تهبط باش يدوي معانا ستنى ستنى ولاكن والو ماهبطتش
توجه لبيتها دق ولاكن ماجاوباتوش فتح الباب
ودخل ل ناعسة على كرشها. و كل رجل وين لوحتها كانت لابسة شورت قصير ديال نعاس
و بوستي من فوق كان ظهرها معري
جاتو الضحكة عليا واحد الشويا وهو يلمح ذوك الكاشيات ديال نعاس
كان باين باللي شربت منهم.
اصلا هو عارفها كاتفيق بكري.
توجه جيهتها طلع فوق الناموسية على و قعد على ركابيه مقابلها
محمد:( كايفيقها). فيقي رهف فيقي النعاسة
والو مابغاتش تفيق
حط يدو فوق فخضها كيهز بحنية
محمد: رهف حبيبتي فيقي
مع رهف كانت ناعسة عندبالها كاتحلم رفدت يدها حطاتها فوق يد محمد كتتلمس فيها ممبعد شدتها وزيرت عليها. دون وعي
محمد: حبيبتي واش شربتي دواء ديال النعاس
رهف: ( بصوت ناعس فبالها كاتحلم) وي شربت جوج
محمد: شنو جوج علاش واش هبلتي
رهف: حيت نت كنتي ناعس مع نور
محمد جابتلو الضحكة عرفها ناعسا جبد تيليفونو بالزربة كيفيلمي فيها
محمد: علاش غرتي عليا
رهف: غانقتلك نت ديالي
محمد: علاش نتي كاتبغيني
رهف: كانبغيك موت انا كانبغيك
محمد:( عينو رجعو قلوبة) الغيارة ديالي انا مكانبغيكش
مع قال مكانبغيكش حلت عينها على وسعهم و فاقت من الحلمة او من النعسة هههههه كتحس بيدها مزيرة على شي حاجة تشوكات. و تخلعت يدها رجعت كاترجف ماقدرتش تنحيها
رهف:( بخوف) ياربي واش انا كانحلم ولا بالصح ياربي ولا جن هذا مسلمين مكتفين
محمد شايد الضحكة غابزز نحا يدو من يدها و دار يد فكتفها و يد ففخضها و قلبها على ظهرها رهف تشوكات
محمد : راه هذا انا مكاتحلميش غافيقي من النعاس
رهف: آش كادير هنا
رفدت يدها و محمد متبعها بعينيه جرت ليزار عليها
محمد بحال يلا شاف شي حاجة فكرشها
محمد : راه شفتك شفتك مزيان غير بلاما تغطي ولاكن آش ذاك الشي فكرشك
رهف عرفاتو كايدوي على اثر لحريق
رهف : لا والو ماكاي...
قبل ماتكمل هدرتها كان جر عليها ليزار و هو يتصدم من ذوك الآثار باينين ديال حريق
محمد: آش هاذ الشي كيفاش حتى تحرقتي
رهف: غالماء سخون نكب عليا
محمد: بلاتي بلاتي هاذو. راهم باينين باللي شي حد حرقك ماشي ماء دوي بلاكذوب
رهف: لا والو
محمد: ( بعصبية) دوي ارهف متعصبينيش
رهف:( بخلعة) راه غاحرقوني لبنات فالحبس
محمد: كيفاش شكون بنات لقحاب اللي دارولك بحال هگ عطيني سمياتهم
رهف: صافي راه فاتت
حط يدو على كرشها كيمشيها بحنية على ذوك الآثار رهف بورشها و حس بيها
محمد: كايوجعوك
رهف: منيتك راهم غا اثار مكايضروش
محمد: ولاكن وجعوك غاندمهم
رهف: صافي صافي راها عندها كثر من 6 سنين مني تحرقت
جبدها عندو و عنقها
محمد: من اليوم مكانش اللي غايتجرء عليك
رهف حست بالامان فالحضن ديالو. زادت عنقاتو
قعدو مدة معنقين عاد بعد عليها
محمد: دابا نوضي بدلي حوايجك وهبطي تفطري باغي ندوي معاك
رهف: فاش اتدوي
محمد: بدلي حوايجك ممبعد نوضي
رهف: اوكي
قعدت كاتستناه يخرج و هو كايستنلها تنوض تبدل
محمد: يالله نوضي بدلي
رهف : خرج برا واش باغيني نبدل. معاك
محمد:( عاد عاق) واخا واخا هاني سابقك لتحت
ناضت دوشت و بدلت حوايجها و هبطت لتحت لقات محمد كايستنى فيها فوق الطبلة
محمد: آجي تفطري
رهف:اوكي
قعدت فوق الطبلة كتفطر و محمد مترقبها بعينو
حتى كملت
محمد: بصحتك
رهف: يسلمك
ناض وقف
محمد: آجي نمشيو للصالة دابا بغيت ندوي معاك
رهف: اوكي
توجهو للصالون و قعدو
محمد: دابا بغيتك تحكيلي على نور آش وقع معاها و شكون سبتها و آش دارو لها
رهف:( تبدلو ملامح وجهها).معرفتش
محمد: علاش كاتكذبي ماتوقعتهاش منك راه نور حكاتلي لبارح و بغيت نعاود نسمع منك ولاكن كذبتي عليا
رهف: لا لا والله حتى مابغيت نكذب عليك ولاكن واش بالصح نور حكاتلك على ايهم
محمد :( فاش سمع كلمت ايهم عرف وتاكد باللي رهف عارفة و عرف باللي ذاك الولد هو سبتها) وي حكاتلي عليه وبغيتك نتي تعاودي تحكيلي باش نتأكد
رهف: (بشك) بالصح متأكد انها حكاتلك
محمد : وي واش بانتلك كانكذب
رهف: واخا اش بغيتي نحكيلك
محمد : من نهار بداو المشاكل مع نور
رهف: اوكي المشاكل ديالها بداو من نهار. تسرقو لفلوس فالشركة اللي كانت كاتخدم فيها نور و تاهمو نور بالسرقة و فاش شافها ايهم طلب منها اا طلب منها
محمد : آش طلب منها
رهف:( حشمت تقولو) اا ياك راها حكاتلك نور عيب نحكيلك انا
محمد:( دخللو اللوش. عارف القضية معقدة آش غايدير دابا لازم يخليها تحكيلو كل شي) حكي عادي
رهف: حشومة
ناض خبط يدو فالطبلة و خرج
عارف كاين ان ف الموضوع لازم يخليها تحكيلو ولاكن كيفاش. خرج دار واحد الاتصال مع شي حد و حكالو شنو باغي و هو نصحو بواحد الدواء. و عطاه سميتو. خرج قبالة يجيبو. مع عندو لمعارف و لفلوس قدر يجيبو بسهولة و رجع عند رهف
عرفتوه نفسو اللي ستخدمو ايهم لنور
سول عليها قالولو راها فبيتها راح الكوزينة جاب كاس عصير دار فيه واحد الحبة و طلع عندها دق و دخل
محمد: حبيبتي سمحي ليا قبيلة كنت معصب
رهف: لا عادي
محمد: جبتلك هاذ كاس العصير تشربي
رهف: عدبتي راسك
محمد: ما فيها والو هاكي
شدت ذاك الكاس شربت منو شويا مع جات تحبس شدلها ذاك الكاس و كمل شربهولها
رهف: مالك حبستي فيا النفس
محمد: والو احبيبة غير سمحي ليا
رهف: اوكي ما فيها والو
محمد:(باغي يشوف لا خدم فيها) كاتبغيني
رهف: وي كانبغيك (عطاتو بوسة ف الهواء) مووح
محمد:( جابتلو الضحكة عرفها ماشي فالوعي ديالها) كاتعطيهالي فالهواء آجي لمك
جرها عندو و دخلو فقبلة حارة متبادلة من الطرفين
مدة عاد بعد عليها
محمد: ااححح شحال لذيذة مكنتش عارف شنايفك لذاذ اما مكنتش نفلتك احبيبتي
رهف: حتى نت شنايفك لذاذ خير من ديال هذاك الخامج ديال امير
محمد شوكاتو شكون هاذ امير ثاني
رهف: هذاك اللي تفلا عليا و دخلني للحبس
محمد: اه ذاك الزامل خلي حتى لمن بعد و ندويو عليه و دابا بغيتك تحكيلي على حكايت نور من نهار تاهموها بالسرقة حتى لليوم حكيلي كل شي بالتفصيل اوكي
رهف: اوكي ( حكاتلو على ايهم و فاش تاهمها و فاش شافها و طلب منها ذيك الليلة و رفضاتو و على التفلية ديالو باللي كايبغيها المهم كل شي حكاتلو كل شي حتى فاش غتاصبها بوحشية و ضربها و على الوشم و على دابا و انها رجعت تخدم فالشركة ديالو باش مايتآذاش و على فاش دخلت للحبس والضرب اللي ضربوها فالحبس) و حتى انها رجعت كاتت......(قبل ماتكمل قطعها جات راح تقولو على الهيروين و الدخان)
محمد كلما كاتحكي و هو كايتخنق.
محمد: صااااافي سكتييي آش هاذ الشي اليوم غانقتلو عطيني العنوان ديال الشركة ا رهف
قلب البيت سفاه على علام رهف شوكاها مالقات مادير توجهت عندو و عنقاتو
رهف: تهدن امحمد العنوان هو ***""""****
محمد. مافاقش كيفاش دار حتى دفعها جات طايحة على جبهتها. تجرحت
عاد رجع لعقلو قرب عندها
رهف:( كاتبكي) بعد مني الحڨار شنو درتلك باش تضربني علاش كلكم بحال بحال
محمد: سمحيلي احبيبتي والله ماقصدت
عنقها بزز منها
رهف: بعد مني انا بغيت نور عيطلها نور مكاتآذينيش نت حڤار
محمد: سمحيلي احبيبتي سمحيلي مغانعاودش نأذيك مرة خرا
رهف: واش بالصح
محمد: وي والله
رهف: واخة سامحتك
محمد: ربي يخليك ليا
ناض جاب علبة الإسعاف و ضمدلها جرحها و حاب كاس ديال الماء دارلها فيه واحد الحبة ديال دواء تع النعاس و شربهولها مدة و هي تنعس قادها في پلاصاها غطاها باسها فجبهتها و عيط على الخدامة قاللها ترتب البيت و ترجعو كيفما كان. و وصاها فاش تفيق رهف مايقولولها حتى حاجة حتى يرجع هو. و خرج. ركب اللوطو. ديالو. و توجه قبالة للشركة ديال ايهم ناوي اليوم يقتلو. شحن عليه بالمعقول. فكرة انو نور عانات كامل هاذ الشي وحدها كاتقتلو. كيفاش حتى تعاني كلشي بوحدها و كيفاش حتى نعادمت الرحمة فقلب ايهم و عاملها بذيك الطريقة البذيئة
مسافة الطريق كان وصل
وصل للشركة سقسى على المكتب ديالو و طلع بالزربة الموظفة ماتقولو ممنوع ولاكن معامن كاتدوي
عند ايهم و نور كانو فالمكتب مقابلين الخدمة حتى تفتحت الباب اولا نقولو تفرعت بجوجهم دارو عندو نور تخلعت
نور: محمد اش جاي كادير هنا
محمد: جيت نصفي لحسابات مع هاذ ولد القحبة اللي كايترجل على لعيالات
توجه جيهتو عطاه ضربة و وقفو شدو من الكول ديالو. و حتى ايهم شدو ولاكن ماعرفش علاش هاذ التصرف ديال محمد
محمد: تعديتي على نور و ستغليتها و عذبتها كاتترجل على لعيالات اليوم غانقتلك
زادلو ضربة
ايهم مع فهم علاش جاعندو مالقا مايدير حيت فعلا يستاهل الموت
بقا محمد كايضرب فيه و ايهم مكايحاولش يدافع على روحو ولا يضربو
تدخلت نور شدت محمد من يدو كاتحاول تبعدو على ايهم. وستغربت علاش مكايحاولش يدافع على راسو.
نور: محمد تهدن راه مريض
محمد: باقا كاتدافعي عليه و رجعتي للپلاصة اللي نذليتي فيها على جال قواد بحال هذا اليوم غانقتلو غايخلص كل شي دارو معاك
نور: ولاكن راه مريض و فاقد الذاكرة
بعد نور عليه ورجع عند ايهم كايضرب فيه
محمد: مالك واش تقضاولك ولا كاتضرب غير لعيالات يالكلب واش مابقاتش فيك نور فاش كنتي كاتضرب فيها الحقير
ايهم: راه ندمت حق الله غير ندمت و طلبت منها السماحة والله حتى كانبغيها.
نور :(صدمها بكلامو) آش كاتدوي واش كاتتفلا عليا واش رجعت ليك الذاكرة
ايهم: سمحيلي انور والله حتى كانبغيك و ندمت بزاف
محمد. رجع كايضربو عاود تاني دخلت نور فوسطهم شافت عند محمد
نور: الله يعيشك ا. محمد بعد عليه اذا كنتي كاتبغيني
قاطعهم الامن ديال الشركة زربو عند محمد شدوه مع جا. يضربهم طلقو منو
ايهم: طلقو منو. و خرجو
كلمة مازادوهاش طلقوه و خرجو.
ايهم : سمحي ليا انور تعيشي سمحيلي
محمد: الزامل مازال كاتدوي مكاتحشمش
نور: صافي امحمد آجي نمشيو من هنا راه هاذ الصفحة اليوم غاتتطوا
ايهم : حتى حاجة مغاتتطوا نتي ديالي والله حتى كانبغيك
محمد: هاذي آخر مرة نشوفك كادور فساحتنا ولا المرة الجاية مغانصمنلكش تعيش
توجهت نور رفدت صوالحها و رجعت عند محمد و خرجو من الشركة متوجهين للدار و كل واحد فاش كايخمم اما محمد قرر مايسقسي نور على حتى حاجة و يخليها فراحتها وصلو للدار نور راحت لبيتها قبالا جبدت الهيروين والدخان و خرجت للبالكون تجرعت الهيروين و شغلت الدخان كاتكمي و تخمم فايهم اللي رجعتلو الذاكرة و كذب عليها لا و تزوجها من فوق
اما محمد توجه قبالا عند رهف يطل عليها لقاها باقا ناعسا توجه عندها باسها فجبهتها و هبط باسها فعينيها بجوج و باسها فنيفها و فخدودها و هبط باسها فشفايفها جبد شفتها التحتانية كيمص فيها مدة و نتاقل للفوقانية حتى هي عطاها حقها عاد بعد
محمد : سمحي ليا احبيبتي سمحي ليا بزاف ماكنتش قاصد نأذيك والله حتى گانبغيك عندك واحد شفايف كايسطيو ماعمرني جربت بحالهم اااحح ايماتا نتزوجو. غاناكلك احبيبتي ماعرفتش آش درتي ليا باش بغيتك لهاذ الدرجة واخا كنت. كاندوي معاك غير فالتيليفون ولاكن انا من اول نظرة تغرمت بيك و حبيتك هههه آش درتي فيا على آخر يامي نرجع ندوي وحدي هبلتيني توحشتك نوضي
رفد يدو كيهز فيها باش تفيق
محمد : رهف حبيبتي فيقي توحشتك توحشت نشوف عيونك فيقي رهااف فيقي
والو مابغاتش تفيق تكى قدامها و دخل يد. من تحتها جبدها عندو معنقها. و دورلها. وجهها قابلو. مع وجهو. كايتمنظر. و دار يدو الاخرا فشعرها كايلعب فيه. و كيخمم مرة ف نور. و مرة ف رهف. و آش عانات حتى هي هو عارف باللي بسبب رجل و هو اللي دخلها و لاكن معارفش التفاصيل خاصو يعرف
نرجعو عند ايهم اللي منبعدما مشاو نور ومحمد حتى هو رفد روحو و خرج كيخمم فمشكلتو. و آش يدير دابا. و لاكن زواجهم و الشروط اللي حطهم فوراق. زواج فمصلحتو حيت مغايقدروش يبعدو عليه نور ولا يطلقو و حتى اذا مابغاتش ترجعلو. ولا. وقفو. فطريقو غايديها بزز حيت فشروط الزواج مغايطلقوش واخا يبغيو بزوجهم الطلاق و حتى مغايبعدوش على بعض وفحالت شي حد بعد من الاخر غايقدر الطرف الثاني يجيب البوليس و يرجعو. ولا يبقى معاه. و هاذ الشروط كايخدمو ل 10 سنين الاولى من الزواج . ولاكن ايهم حاليا مكايخممش يديها بزز. باغيها ترجعلو بإرادتها ولاكن اذا ماقدرش غايديها بزز. على الاقل تبقى تحت عينو و غايقدر يخليها تسمحلو.
نرجعو. عند محمد و رهف اللي فات وقت طويل و مازالو. على نفس الوضعية عاد بدات رهف كاتفيق كتحس بروحها مزيرة و كتحس بوخز خفيف فجبهتها جيهت الجرحة فتحت عينها جاو قبالا فعين محمد تخلعت. رجعت كتقفقف
رهف: آش كادير هنا كيفاش حتى جيتي عندي
محمد: حبيبتي قبيلة فاش جبتلك العصير و جيت خارج طحتي على جبهتك و غيبتي و انا بقيت معاك حيت خفت على حبيبتي
رهف : ماعقلتش على الطيحة
محمد: عادي غير من الضربة
رهف : اوكي و دابا بعد مني خليني ننوض
محمد: ماعجبكش الحال فاش نتي معايا
رهف: ( مالقات ماتقول) ا لالا راه ماجاياش
محمد: مكاتبغينيش
رهف: راه الحب ماعندو مايدير مغاينفعناش
محمد: الحب راه هو كل شي و غانتزوجو و نجيبو لوليدات
رهف : نت غاتتزوج. مع البنت اللي توالمك . ولاكن انا لا
محمد: ولاكن انا بغيتك نتي
رهف: نت معارفش الماضي ديالي
محمد : الماضي ديالك مكايهمنيش المهم هو مستقبلنا
رهف: ماشي كامل الماضي كانقدرو نتفاداواه فالمستقبل
محمد : غانتفاداوه
رهف: ولاكن انا ضربتي لطختلي الحاضر و المستقبل الماضي ديالي مكايناسبكش
محمد : ولاكن انا بغيت المستقبل ديالي معاك. مايهمنيش ماضيك
رهف: نت مفاهمش الموضوع
محمد : ماباغيش نفهم باغيك نتي معايا
رهف: (بحسرة)صعيبة هاذي
محمد: علاش صعيبة
رهف: مغانقدرش نفهمك
محمد : بلاما تفهميني المهم هو تكوني معايا
رهف: مغانقدرش انا مقدرتلي نعيشها بوحدي. كون تعرف الماضي ديالي غاترفضني
محمد: مغانرفضكش انا باغيك
رهف:(بحزن) الماضي مكايرحمش. راه بسبابو تخلاو عليا والديا
محمد: ولاكن انا ماشي والديك شنو ذنبي اذا والديك ماقدروكش و ماداروش القيمة لجوهرة بحالك
رهف: ( ابتسامة يئس) نت انسان مليح بزاف و نية ولاكن فالمقابل بفلوسك و اللي بحالك مگيهمهمش الحب راه غير للعلاقات العابرة. بلاما نجرحو بعضانا و اذا كنتي باغي تستغلني راه ماعندك ماتربح و اذا كنت باغي مني غير شي ليلة غانعطيها لك بإرادتي ولاكن بلاما تتلاعب بالمشاعر ديالي و بلاما توهمني بحاجة بعيدة عليا و كبر مني
محمد :( صدماتو بهدرتها تلفتلو الهدرة) آش كاتقولي آش كاتعني آش من ليلة آش كاتخرفي
رهف: كيفما سمعتي بلاما دور فالهدرة راه فهمت كل شيء غانعطيك اللي بغيتي بإرادتي على الاقل مانتجرحش فاللخر و غادي نرجعلك يالوكان شويا من الخير اللي درتيه فيا
محمد تشوكا مالقا مايجاوبها. بعد عليها و ناض خرج ماكانش كايتخيل منها هاذ الشي مكانش كيتوقع منها تخمم فيه بذيك الطريقة
توجه للوطو ديالو. قبالا للبحر
اما رهف. ضحكت على روحها و كيفاش حتى خلات روحها تحب من جديد كيفاش حتى تيقت راجل عاود تاني راه الرجال كايبغو غير يستغلو لبنات اللي بحالها اللي ما عندهم لاحنين لارحيم. اكيد باغي يقضي غرضو بيها و يلوحها
يتبع...
