صفحة القصة
انمشيو عند محمد و رهف اللي هبطو للصالون قعدو فصمت واحد ماهدر مع التاني لمدة عاد هدر محمد
محمد:(بهدوء) شكون هو
رهف:( بتوتر) شكون
محمد:(بعصبية و علا صوتو) ماتتغابايش عليا. شكون هو الزامل ولد القحبة اللي دوات علي نور
رهف:( خلعها رجعت كتقفقف) م ممم م كا نع رفوش
محمد: (نتابه لهدرتو معاها). سمحي ليا مقصدتش نعلي صوتي عليك
رهف:( كتقفقف) ا اا لا. عا. ا دي
محمد: شوفي انا كانبغي نور بزاف كثر مما كاتتصوري خسرتها من قبل ولاكن مابغيتهاش تضيع دابة الله يخليك عاونيني و قوليلي شكون هو و واش دارلها
رهف:(بتوتر) ماعارفاش مكانعرفوش
محمد :(تعصب عارفها عارفة ولاكن ماباغاش تقول خبط بيدو على الفوتاي و خرج) غانعرفو
مع خرج طلعت رهف بالجرية عند نور
رهف:( كدق فالباب. رهف كتعيطلها ظلام حيت نور قالتهالها و كتعصب عليها من اللي كطعيطلها نور ) ظلام حلي ظلام
بقات مدة علد حلتلها. نور. جراتها عندها رهف و عنقتها
رهف: (كاتبكي) عاود تاني كاتتناولي ذاك السم علاش اظلام. علاش
ظلام:(كتهدنها) صافي ا رهف هدرنا فهاذ الموضوع من قبل
رهف: آش هدرنا. راه گاتقتلي فروحك بيدك. ا ظلام كتجري روحك للهلاك.
ظلام: صافي بدلي علينا الموضوع فين محمد
رهف: راه خرج سقساني على شكون هو اللي وصلك لهاذ الحالة كان معصب
ظلام: قلتي ليه
رهف: لا ماقلتهاش ليه
ظلام: احسن شي
رهف: كان مقلق عليك بزاف باينة عليه كايبغيك
ظلام: وي حتى انا گانبغيه
رهف: اذا بيناتكم شي علاقة و آتتزوجو
ظلام:( ضحكت فعز حزنها). هههههه هبلتي نتي. راه حبنا أخوي يعني بحال الخوت
رهف: مگايبانش ليا هكگ. اللي يشوفو يقول عليه باللي يحبك
ظلام: لا. اصلا عاجباتو. واحد البنت
رهف: شكون هي
ظلام: نتي
رهف: هههه. والله تاضحكتيني
ظلام: والله حتى عجبتيه هو اللي قالهالي
رهف: ولاكن نتي راك عارفة حكايتي
ظلام: خليها للوقت
رهف: مستحيل هاذ الشي. المهم دابة رتحتي شويا
ظلام: ذاك اللي كاتقولي عليه السم كايرجعني طايرة فوق السحاب كاننسا كل شي
رهف: غاتندمي على هاذ الشي اللي كاديريه لراسك
ظلام: عرفتي شنو آجي نروحو نشريو شي لبسات نروحو بيهم غدا للجزائر
رهف: كاتتهربي واخة عليك
ظلام:(جرتها من يدها للتحت) اوكي صافي
مع وصلو لتحت لقاو محمد داخل. آشارلها. بيدو. زعما تبعيني. و توجه للصالون
جلسو كلهم فالصالون
محمد : أولا سمحي ليا حيت عليت صوتي عليك
نور: لا عادي
محمد: و دابة اتحكيلي على شكون هو اللي دار فيك لعمايل و شنو هو الشي اللي خلاك ترجعي هك
ظلام: حتى واحد قبيلا هدرت برك
محمد:(توجه جيهتها و قعد فجنبها و عنقها بيد هدر بهدوء) ماتخافي من حتى واحد دابا راكي مع خوك ماتخافيش و قولي ليا كل شي بلا كذب
ظلام: شوف ماشي دابة الله يخليك
محمد: متأكدة
ظلام : وي متأكدة
محمد: ولاكن اتواعديني باللي آتحكيلي مرة خرا
ظلام: اوكي كنواعدك
محمد:( باسها فجبهتها) اوكي حبيبتي
ظلام:( حتى هي باستو فجبهتو) الله يخليك ليا
محمد:( تبسم) ايوا. ودابا اتمشي تخليني سخيتي بيا
ظلام : ماشي لخاطري راك عارف لازم نرجع
محمد: واخا و دابة سمعيني مزيان و ماتقاطعينيش انعطيك واحد النمرة ديال واحد البنت فاش توصلي بخير و سلامة للجزائر اتعيطيلها و هي اللي اتوفرلك كل شي من الخدم اللي ينظفولك الدار و حتى اتوريك النظام اللي كاتمشي عليه الشركة حاليا باش تقدري تسيريها بنفسك كيما بغيتي. و بنسبة لدارك فامن النهار اللي خرجتي منو مكانش اللي يقدر يدخللو حيت راكي عارفة باللي كايتفتحو ابوابو غير بنبرة صوتك و عينيك واخة
ظلام: واخا. ولاكن بغيت رهف ترجع تدخل و تخرج كيفما بغات للدار
محمد:( عاد دار جيهتها شافها نساوها باللي كاينة مسكينة هههه) وي غتقدر قولي للبنت و غاتريڨلك حتى هاذي
ظلام: ربي يحفظك
محمد: اييوا. دابا آنمشيو نتعشاو. حيت فيا الجوع ههههه
ظلام: حتى انا هههه. و نتي ارهف
رهف: وي حتى انا
محمد: ههههه. اوكي نوضو.
توجهو للطبلة و تعاشاو. فجو من الضحك من بعد رجعو للصالون
ظلام : انتوحشك
محمد: حتى انا انتوحشك ولاكن غير انكمل شي صوالح هنا. آنجي للجزائر
ظلام : واخة كملهم بالخف هههه
محمد: هههه واخا
ظلام: رهف مالك غير ساكتا دوي معانا
محمد : حشاميا ههه
رهف. حشمت
ظلام: خلي عليك البنت
محمد: مكاندير ليها حتى شي
ظلام:( وقفت و غمزت ل محمد) هاني طالعة ذرك نرجع
محمد:(عرفها باغيا تخليهم بوحدهم) اوكي
رهف: آنمشي معاك
ظلام: لا دقيقة و نجي
المهم نور طلعت و محمد و رهف قعدو ساكتين واحد المدة
محمد : سمحي ليا. مرة خرا على قبيل
رهف: لا عادي
محمد : اتعرفيني على راسك
رهف: انا. رهف
محمد :( عارف اسمها) اسمك زوين بحالك
رهف:( حشمت) عينيك اللي زوينين
محمد: فين شفتيهم و نتي ڨاع ماشفتي جيهتي تبغي تشوفيهم؟؟
رهف: ها اا
محمد: ماتحشميش باغيا تشوفيهم
رهف:(إيوا مالو هذا) لا ا خويا
محمد: دابة انا خوك اييوا. ماشي خوك انا اوكي (ناض بخفة توجه جيهتها خبطلها زوج خبطات فراسها بصبعو السبابة) خليها فراسك احبيبتي انا ماشي خوك
رهف:( فاجأها بتصرفو ماتوقعاتوش قعدت بلاكة كاتشوف في وجهو و فمها مفتوح) هاا
محمد: سدي فمك الموت گادور. (غمزلها و رجع جلس. في پلاصتو مفيكسي عينو في وجهها كيحفض فيه)
رهف:(توترة من نظراتو ليها حتى توسوست من روحها زعما فاش كايشوف زعما شي بقعة فوجهها رفدت يدها مسحت بيه وجهها و شافت فيدها و هدرت بصوت منخفض) ايوا ماكان حتى حاجة فوجهي
محمد:( سمعها) راها كاين عندك واحد البقعة (اشارلها بيدو لوجهها) جنب فمك
رهف. مسحت جنب فمها. ماكاين حتى شي في وجهها غير هو كايتفلا عليها
محمد: لالا. ماشي ثما فالجنب لاخر
عاودت مسحت جنب فمها
محمد:( شداتو الضحكة) لا للفوق شويا
رهف: هنا( مسحت عاود تاني)
محمد: هههههه. صافي صافي مشات
رهف:( تبسمتلو) شكرا ايوا. دابة انمشي عند ظلام
محمد: (تبدلو ملامح وجهو هدر بهدوء) سميتها نور نور ماشي ظلام واخا
مع جات تجاوبو و هي تجي نور قاطعتهم
ظلام: سمحو ليا. طولت عليكم
محمد: (تبسم) لا ڨاع ماطولتي
ظلام:(تبسمتلو) ايوا. دابا. ارهف سيري تنعسي. غدوة شادين طريق
محمد: و نتي مغاتنعسيش
ظلام: راك عارفني مكاننعسش بالليل
محمد: وي ولاكن اذا شفيتي ذوك اليامات فاش كنتي بوحدك فالدار. فاش كنت كانجي عندك كنتي كاتنعسي بين يدي
ظلام: ماعرفتش يمكن حيت كانرتاح معاك بحال مكانرتاح فوق قبر والديا يمكن حيت نت كنتي كاتحميني
محمد: ايوا آجي انشوفو ختي اذا. باقا كاترتاحلي ولا. لا
ظلام: لا بلاش
محمد: ماشي لخاطرك
جرها من يدهي جارها للفوق و اشار لرهف بيدو. زعما تبعينا
حتى هي تبعتهم لبيت نور
توجه لفراش قعد متكي و اشا لنور. زعما آجي تبسمت و حتى هي طلعت فوق لفراش حطت راسها على رجلو. و هو دار يدو كايلعبلها على شعرها
اما رهف فبقات واقفة مترقبتهم علاقتهم مع بعض و احترامهم لبعض عجبها بزاف
نور: زعما اننعس
محمد: هاذ الشي راجع ل إذا مازال كاترتاحي معايا
نور: (غمضت عينها) نت عارف كانرتاحلك
محمد: آنشوفو
فاتو 5 دقايق
محمد:(بأسف) مكانظنش مازلتي ترتاحي ليا حيت بكري غير كنتي كاتحطي راسك عليا كاتنعسي
نور: الصمت
محمد: مالك انور جاوبي
شاف جيهت وجهها و ترسمت إبتسامة كبيرة على وجهو.
رهف:( ستغربة و فرحت فنفس الوقت) نعست شنو درتي ليها. راه 5 سنين ماتغمضو عينيها
محمد: السحر ا حبيبتي السحر
رهف تبسمت
محمد : (غمزلها) ياكما غرتي
رهف: علاش حتى نغير
محمد : بلاما تغيري الحب راها ختي هاذي ختي و نتي فين اتنعسي
رهف: اننعس فوق الفوتاي
محمد: اوكي نعسي راه كبير غاترتاحي فيه
رهف: (متبسمة) شكرا بزاف حيت خرجتوني من الحبس
محمد: عمرك تعاوديها من النهار اللي دخلتي حياتي رجعتي من مسؤليتي و اي حاجة بغيتيها قوليها ليا اوكي
رهف:( متبسمة) ربي يخليك
محمد : أيخليني ليك احبي ههه
رهف: باسل
محمد: واخة لموك كون مانور اللي ناعسة عندي كنت انوريلك لبسالة
رهف: آنمشي ننعس
محمد: سيري
المهم رهف مشات تكات فوق الفوتاي حتى نعست و محمد متبعها بعينيه بقى مرة يشوف فيها مرة في نور. حتى نعس. على حالتو
بعد ليل طويل صبح الصباح
ناض محمد هو اللول. و موراه رهف
رهف: صباح الخير
محمد: صباح النور
رهف : نور مافاقتش
محمد : مغاديش تنعس حتى نبعد عليها
رهف: والله حتى فرحت فاش نعست
محمد: كون ما طيارتكم كون خليتها تزيد تنعس
رهف: ايه ماعليش
رفدلها راسها و حطو فوق لمخدة.
مع. حطها. و هي. تغوبش وجهها و فتحت عينها
ظلام: (متبسمة) كنت ناعسة
محمد: وي كنتي ناعسة و دابة نوضي. و وجدو روحكم حيت وقت
ظلام: اوكي
ناض محمد خرج من البيت. خلاهم يقضيو صوالحهم و مشى حتى هو لبيتو دوش لبس حوايجو و سبقهم للطبلة
اما لبنات فدوشو ولبسو حوايجهم و نور حطت فواحد لڤاليز صغيرة اللبسات اللي كان شراهملها محمد و لاكن المشكل كيفاش الدير للغبرة ديالها
نور: رهف سبقيني لتحت دابة نجي
رهف: واخا
هبطت رهف للتحت. توجهت للطبلة
انا نور جبدا لباطة اللي فيها الغبرة ستنشقت منها. و داتها للحمام. فرغتها فتوالات و طلقت الماء. اما ذيك لباطة دارتها فواحد. الساشي. هي و پاكي تع الدخان و لوحتهم فلكنيس
جرت ڤاليزتها. و هبطت عندهم. فطرو فجو من الضحك. من بعد مشاو وصلهم محمد للماطار توادعو. مع توصيات محمد لنور. و مشاو ركبو طيارتهم.
مسافت. الطريق. و مرحبا بكم. في أرض الجزائر
مع هبطو. و هو يضربهم نسيم الهوا. ستنشقو منو. بجوجهم
رهف: الله على ريحت لبلاد
ظلام : مكاينش بحالها.
دات نور ڤاليزتها و كملو الإجرائات و خرجو.
مع الخرجت تعرضتلهم واحد البنت
البنت: (شافت فيهم بجوج) آنسة نور آنسة رهف انا مروى من طرف السي محمد كانظن قالك عليا
ظلام:(عرفتها ولاكن ماتوقعتهاش تجي هنا حيت محمد كان قاللها اتعيطيلها) ولاكن هو قال ليا حتى تعيطيلها
مروى: وي حتى انا قالها ليا ولاكن لبارح قالي انستقبلكم فالمطار للأمن ديالكم
ظلام: واخا. نمشيو
مروى : (جرتلها لڤاليز ديالها) اوكي تفضلو معايا للوطو
ظلام: اوكي ولاكن هاتي الڤاليز بلاما نعييك
مروى: (تبسمتلها) لا هاذا الواجب ديالي
ركبت مروى للقدام و نور و رهف للور شدو طريق القصر نيشان بلاما تسقسيها فين جاي حيت قاللها محمد كل شيء
مع وصلو للباب البرانية هبطو. توجهت نور لجيهتو قالت. فتح و هو يتفتح و دخلو ب 3. دارت نفس الشي مع الباب الدخلاني
رهف: والله حتى زوينة هاذ الميزة. اللي فالبيبان و دارك واو بحال القصر. كبيير هههه
ظلام: كبير ولاكن خاوي هههه على الله تونسيني
رهف: ههههه
مروى: آنسة نور اذا ممكن تفتحي الباب الخارجي للخدم حيت قلتها ليهم قبل ما نجيو و دابا هوما برا.
ظلام: اوكي
خرجت نور و تبعتها حتى مروى و رهف فتحت الباب و دخلو 10 بنات
ظلام: (ستغربت 10 بنات بزاف) هاذو كامل
مروى: السي محمد هو اللي آمرني بهاذ الشي 8 منهم ايتكلفو بالتنظيف و الطياب و جوج ايهتمو بالحديقة
ظلام:( بستغراب) ولاكن هاذي خدمت الرجال
مروى: السي محمد هو اللي آمرني مايدخل حتى راجل للداخل واخا يكون شيخ كبير
ظلام و رهف ستغربو
مروى:(شافت عند ذوك لبنات و هدرت بجدية) تقدرو تشوفو شغلكم
المهم. تفرقو لبنات. كل وحدة فين مشات
مروى: آنسة نور...
قاطعتها نور
ظلام: بلا آنسة عيطي ليا غير ظلام حيت ظلام
مروى:( ستغربت) ولاكن اآنسة
ظلام: ماكاين ماولاكن عيطي لي ظلام
مروى: اوكي كيفما بغيتي. حبيت نقولك بخصوص البيبات ديال القصر قالي السي محمد باللي بغياي تبدلي شي حاجة
ظلام: وي بغيت حتى رهف تفتحهم
مروى: هي اللولة ولاكن خاص تكوني حاضرة حيت لازم توافقي بصوتك و حتى عينيك
ظلام: واخا
فتحت مروا واحد الساك كبير شويا كانت رافداتو معاها و جبدت منو. واحد. الپيسي و زوج تيليفونات
مروى : قبل ماننسى السي محمد وصاني نعطيكم هاذ التيليفونات (عطات واحد لرهف) هذا ليك.ا آنسة ( عطات الثاني لنور) و هذا ليك
رهف:(بفرحة) شكرا
ظلام: ( متبسمة) مانسى حتى حاجة
المهم راحو قضاو امر البيبان. و ممبعد مشات مروى
ظلام: شنو رايك نخرجو ندورو. شويا
رهف: وي حتى انا بغيت ندور فبلادي توحشتها
ظلام: اوكي اياي نروحو. انمشيو نشريو. لحوايج حيت ماعندناش
رهف: اوكي ايوا. ممبعد خاصني نمشي نقلب على شي خدمة...
قاطعتها نور
ظلام: شوفي لوكان تعاودي هاذ الهدرة والله حتى نتعصب منك
رهف: ولاكن بزاف هاذ الشي
ظلام: اييييه. مالك ارهف راه نتي ختي ختي كاتفهمي نتي راكي ختي ختي اللي ماولدتهاليش ماما و جزء مني عمرك تعاودي هاذ الهدرة
رهف:( جاتها البكية و عنقت نور) الله يخليك ليا
ظلام: صافي دابا يالله نمشيو.
رهف: اوكي
ظلام: آنمشيو فاللوطو راه محمد مانسى حتى حاجة
رهف: ههههه ذاك محمد وحدو
ظلام: هههههه اممم كايعجبك
رهف: وامالك اختي
ظلام: هههه ايوا بلا كذوب
رهف: هههه. والله. هو حتى زوين و عقليتو. زوينة الله يبارك. ربي يجيبلو بنت لحلال
ظلام: ونتي علاش لا
رهف:( بحسرة) وا مالك اختي راكي عارفة حكايتي انا و زايدون من فوق راني مثقوبة
ظلام : ايوا حتى انا بو مثقوب
بجوج:( طلقو واحد الضحكة كايقولو كثرة الهم كتضحك) هههههههههههههه
رهف: لعبت بينا الدنيا اختي جرجرتنا
ظلام: والله حتى سكتنا هاذ الدنيا و مرمدتنا
رهف: ماعليش هاذا. هو القدر. مكتوب عليا.
نطقو بجوج دقة وحدة:( رهف كتقصد نور بهدرتها و حتى نور كتقصد رهف) الحاجة الوحيدة اللي عطاتهالي الدنيا هي نتي.
ظلام: ههههههه
رهف: ههههههه. نتي راه عطاتك حتى محمد
ظلام: حتى نتي عطاتهولك ماقبلتيهش هههههه
رهف: ههههه. آجي آجي نمشيو.
ظلام: ركبي ركبي
رهف: آجي واش كاتعرفي تسوقي بعدا
ظلام: وي راه عندي الپارمي و كنت كا نكري طوموبيل و كانسوق ساعة على ساعة
رهف : ولاكن ذوقاش درتيه ونتي كنتي صغيرة كيفاش حتى عطاوهولك
ظلام: كنت 17 جمعت كامل لفلوس ديال الخدمة. خلستو الدوبل و نتي عارفة هاذ لبلاد كل شي بلفلوس و اللي عندو. لفلوس ايفرشولو طريق بالورد
رهف: والله حتى عندك الحق ولاكن واش الپارمي ديالك. عندك
ظلام: هههه كتسولي بزاف. وي راه فاللوطو. محمد. مانساهش
بجوج: ههههههههه
رهف: آخر سؤال ههه
ظلام: ههه. قولي
رهف: ولاكن عندك بزاف ماسقتيش اتكوني نسيتي
ظلام: كاين جوج ديال لحوايج مكاينساهمش الانسان فاش يتعلمهم
رهف : شنو هوما
ظلام: (دارت يدها على شكل مسدس). استعمال المسدس. مغاتنسايش كيفاش كاتيري و كيفاش كاتستعمليه. و ثاني حاجة. السوڨان. مغاتنسايهش
رهف: اذا يالله نمشيو
ركبو اللوطو. و مشاو. مسافت الطريق كانو. وصلو للمحلات النسائية. ستاسيونات نور اللوطو. و دخلو. للمعرض.
ذيك الساعة و هوما ثما شراو كل شي. من الملابس الداخلية حتى للسپابط و الماكياج خلصت نور بلاكارت. ديالها. كانت خدمتهالها مروى بامر من محمد. طبعا
رفدو معاهم واحد الزوج موظفات. حتى للوطو. شكروهم و. ركبو اللوطو عاود تاني
مع ركبت نور بانلها واحد المتجر ديال العصافير فالاقفاص عاودت هبطت
رهف: فين غادا
ظلام : آجي آجي شوفي واحد العصافير محبوسين
رهف:( هبطت حتى هي) مساكن حبسوهم فالاقفاص بحال الحبس
ظلام: آجي نروحو لذاك المحل
توجهو لجيهتو. تعارضلهم واحد الراجل
ظلام : السلام عليكم
الراجل: وعليكم السلام
ظلام: واش هاذ العصافير كاتبيع فيهم
الراجل : وي كانبيعهم
ظلام: شحال من واحد كاين
الراجل: كلهم
ظلام: وي
الراجل: كاين. 400
ظلام: آتبيعهوملي كلهم
الراجل:( ماصدقهاش) كاتفلاي؟
ظلام: لا اخويا انشريهم عليك كلهم
الراجل:( فرح سعداتو) واخا. انبيعهم لك
ظلام: ولاكن اذا تقدر. توصلهوملي. للدار نعطيك العنوان
الراجل: هي اللولة
ظلام عطاتو الكارطة ديالعا باش يخلص
الراجل: لا كانخلص نقدا كاش
ظلام،: اوكي قولي الثمن ديالهم و فاش تجيبهم لي للدار انخلصك كاش
الراجل : واخا
المهم قاللها الثمن و عطاتو العنوان و مشات
عاودو ركبو اللوطو
رهف: غاليين بزاف اختي
نور: فنظرك. واش الحرية عندها ثمن؟ واش فنظرك السجن پلاصة شابة ؟ خاصة انك تكوني مظلومة. يعني حابسينك غير حيت روحك بريئة!؟
رهف: لا والله فلوس الدنيا كلها مايعادلوش الحرية و انا ونتي عارفين هاذ الشي مزيان
ظلام: وي اختي ايوا دابة فيا الجوع هههه
رهف: حتى انا
ظلام: آجي نمشيو لشي ريسطو ناكلو
رهف : اوكي
مع جات تسوق و هو يسوني الفون ديالها رفداتو و خبطت راسها بيدها
ظلام: هاذا رقم من برا لبلاد راه محمد هذا نسيناه
رفدت عليه
محمد: ايوا. نسيتي خوك
ظلام: هههه. والله حتى سمح ليا
محمد: هههه ماعليش ماعليش. ايوا وصلتو بخير
ظلام: الحمد لله بيخير
محمد: تلاقيتو بمروى قادتلكم اموركم
ظلام: وي قادتلنا كل شي.
محمد: مزيان ايوا فينكم دابا عارفك مغاتكونيش فالدار
ظلام: هههه وي والله حتى خرجنا
محمد: هههه. عارفك. و رهف مزيان؟
ظلام: حتى هي مزيان(شافت فرهف) هاهو مسلم عليك
رهف: حتى نتي سلمي عليه
ظلام: راها مسلمة عليك
محمد: الله يسلمها اذا. غانخليكم دابا حتى لمنبعد و نهدرو
ظلام : اوكي بالسلامة
كوپات عليه و توجهو للريسطو. دخلو و قعدو فالطبلة جات عندهم واحد البنت
البنت:( متبسمة و ظريفة) مرحبا بيكم عندنا شنو تطلبو
ظلام: (رجعتلها التبسيمة) بغيت طاجين الحوت ونتي ارهف
رهف: حتى انا جيبيلي بحالها
البنت: هي اللولة
المهم راحت جابتلهم الطلب و بداو ياكلو
رهف: لذيذ بزاف
ظلام: عندي بزاف ماكليتوش
كملو مكلتهم حتى شافو. ذيك البنت اللي جابتلهم الطلب. مع واحد الكليان كيبهدلو فيها غير حيت طاحلها كاس ديال العصير و دفق فوق رجلو
الراجل: شنو هاذ قلة المسؤلية آش هاذ لعباد موظفين هنا
البنت: سمح ليا اسيدي الله يخليك
الراجل: آش من مستوا نتي.( قرب رجلو جيهتها) غاتمسحيها دابة
البنت:( كاتبكي) ولاكن اسيدي..
قاطعها مول الريسطو
مول الريسطو : آش كاين هنا
الراجل: آش هاذ المستوا مخدمين عندكم شوف شنو دارتلي
البنت: والله مابلعاني غير حيت يدي فاشلين طيحتو
مول الريسطو: مسحي ليه سباطو و عتاذري. ولا خرجي عليا من هنا
البنت:( كاتبكي) الله يخليك ماجريش عليا
هبطت لرجلو مع جات تحط يدها تمسح و هي تحس بواحد اليد جبدتها كانت نور
ظلام: آش هاذ المستوا من الحقارة اللي وصلتو ليه حاڨرين على البنت غير حيت كتخدم. بدراعها و بعرق جبينها والله حتى كنشمائز منكم
الراجل: ونتي شنو دخلك فهاذ الشي
ظلام: ايوا دخلتني الباب واش مازال باغي تمسح ليك سباطك
الراجل: غاتمسحو بزز منها
رهف: حقير
الراجل : ونتي مالك
رهف : باغي تعرف مالي (رفدت واحد الكاس آخر ديال العصير و رماتولو على وجهو)
تصدم منها خلاتو بلاكة.
مول الريسطو : آش هاذ الشي درتي
ظلام: باغي تعرف شنو دارت ( رفدت واحد الكاس آخر ديال الما كان فوق الطبلة و فرغتهولو على وجهو) هاشنو دارت شفتي.
فتحت ساكها جبدت منو واحد لفلوس رماتهوملو في وجهو. و شدت ذيك البنت من يدها و خرجو
البنت: (كاتبكي) ختي شنو درتي كون غير خليتيني مسحتها ليه راه مولفين بهاذ الشي و دابة راحت خدمتي
ظلام: ايوا مالك اختي راه هانوك
البنت: راه لازم نخدم باش نعيشو انا خوتي
ظلام: دابة تهدني وآجي نروحو لشي جيهة نقعدو. و نهدرو
راحو لواحد الحديقة قريبة من الريسطو. و قعدو. خلاوها حتى تهدنت
ظلام: ودابة قولي لي ختي علامن خدامة نتي
البنت: انا راه عايشت مع خوتي اللي عطاتهوملي الدنيا
رهف: كيفاش
البنت: شوفي اختي راه حنى ولاد الميتم و فاش درنا 18 خرجونا منو للزنقة و نتي عارفة الزنقة كيف دايرة
ظلام: شحال نتوما و فين عايشين
البنت: راحنا 12 اختي 7 بنات. كانو معايا فالميتم و 5 ولاد بعثهوملنا سيدي ربي فاش كانو بغاو يتعداو علينا واحد الدراري عتقونا هوما راه حتى هوما. ولاد الميتم ولاكن مكانوش معانا فنفس الميتم اصلا هوما كبار. علينا. و فاش عرفونا من الميتم جمعونا من الزنقة واخة كلنا فقراء ولاكن كايحميونا لقيناهم رجال وقفو معانا و كانعيشو كيف كيف دابا. و كل واحد فينا فاش كايخدم على الله ناكلو و نشربو
رهف كاتبكي على حالتهم
و حتى نور تأثرت ولاكن نور مكاتبكيش
ظلام: فين كاتسكنو
البنت: غير هنا ماشي بعيد
ظلام: ممكن تدينا لداركم
البنت: اوكي اختي دابا غايكونو خوتي كلهم ثما
المهم داتهم فين كايسكنو ماشي بعيد بزاف. كانت واحد الخربة ساكنين فيها غير على الله ماطاحتش عليهم
دخلت البنت للدار حكاتلهم شنو صرالها و على نور و رهف اللي وقفو معاها خرجو كلهم مجموعين
البنت: هاهوما
ظلام: السلام عليكم
رجعولها مجموعين: وعليكم السلام
ظلام: بغيت ندوي معاكم اذا ممكن
نطق واحد. الولد: شنو بغيتي
ظلام: ماتفهمونيش غلط ولاكن بغيتكم تعاونوني فشي حاجة. اذا ممكن شوفو دابا انا عاد جيت للجزائر و عايشين بوحدنا انا و صاحبتي و دارنا كبيرة خصني اللي يعاونني فيها
الولد: و شنو بغيتي منا
ظلام: بغيتكم تعاونوني فيها و انخلصكم يعني اتخدمو. معايا.
الولد: واش كلنا
ظلام: وي كلكم و انخلصكم مزيان واخا
الولد: انتشاورو. و نردولك لخبر
ظلام: واخا. انعطيك العنوان ديالي اوكي
الولد: اوكي
ظلام: اذا غدوا انتلاقاو
الولد: نشاءالله
المهم توادعو. بعدما شكروها على الوقفة ديالها. مع ختهم و مشات. نور لحقت. رهف للدار. و قلبت الطريق للقبر ديال والديها.
انمشيو. عند. ايهم نسيتوه
حتى هو رجع للجزائر. و باقي كيقلب عليها. ولاكن اليوم هو اليوم الموعود. عيطلو واحد من رجالو اللي كلفو باش يبقى فالمقبرة حيت اكيد اذا رجعت للجزائر اتجي تزور قبر والديها
كان جالس فالمكتب ديالو حتى صونا الفون ديالو هز و دارو فوذنو
الڨارد: السي ايهم راه جات واحد البنت لذوك لقبور اللي قلتيلي نعسهم هي كتشبه لذيك البنت اللي فالصورة من وجهها ولاكن هاذي ماشي سمينة
قطع عليها بلاما يجاوبو. و خرج زرافة مباشرة للمقبرة. باغي يشوف بعينيه.
عند نور اللي قعدة في وسط قبور والديها كتهدر معاهم و تحكيلهم شنو عاشت و شنو سرا معاها واحد. المدة عاد ناضت باش تروح
عند ايهم اللي وصل للمقبرة و توجه جيهت ذوك لقبور كيشوف فواحد البنت عاطياه بالظهر شعرها بحال شعر نور ولاكن لاطاي ديالها لا ماشي هي و حتى طريقة اللبس ماشي هي نور مكاتلبسش بحال هاكذا كتستر روحها واخة كانت سمينة
بقا واقف في پلاصتو. هاذي نور لا ماشي نور نور لا ماشي نور ولاكن قلبو كايقولو هاذي نور. و بحال يلا شايفها من قبل. غمض عينو. كايحاول يتفكر فين فين شاف هاذ الجسد و الشعر فين فين عاد لقاها فاش كان كايتسنى. نور فباب الحبس تخرج خرجت هاذي اه هي و كانت مغطية وجهها
باقي حاصل واش هي نور. ولا. لا. خاصو يقطع الشك
بقى هاكذاك حتى شافها ناضت باغا تروح. تخبى مور واحد الشجرة و بقى يشوف. فيها. حتى دارت. و هو يتصدم. اه. هاذي هي نور. نور ديالو ولاكن تبدلت بزاف رجعت رقيقة و زادت زيانت
آش غايدير دابا يروح عندها ولا شنو.
يواجهها. ولا مازال. باغي يعنقها باغي يطلب منها السماح باغيها تسمحلو. باغي بزاف ديال الصوالح
اما نور توجهت للوطو ديالها فتحت الباب و جبدت پاكيت ديال الدخان و البريكة و عاود غلقت الباب تكات على اللوطو. و شعلت واحد كاتكمي.
عند ايهم اللي ستغرب من اللوطو اللي توجهتلها واحد الشويا. و هو. تصدم فاش شافها جبدت الدخان و كاتكمي فيه. آش كادير هاذي كاتكمي
ماحسش بروحو. حتى لقا رجليه داينو جيهتها
اما نور كانت كملت الڨارو ديالها مع الدورة و هي تتصدم آخر شخص كانت متوقعا تشوفو
جات عينها فعينو هذا كيخزر فهاذا. نور كتحس بحال يلا المشاعر تخلطو عليها. جزء منها حاب يروح يعنق ايهم و جزء. باغي يعاتبو. علا فعايلو معاها. و جزء كيرجف من الخوف منو كيسترجع الطريقة الوحشية اللي تعامل معاها بيها و جزء باغي يشوهلو وجهو. و ينتاقم. منو و يعذبو. بحال ماعذبها و جزء باغي يهرب و يبعد منو. ماباغيش يشوفو. مرا. خرا.
مافيقها. من تخمامها. غير ايهم اللي رجع كيقرب جيهتها.
و قبل مايوصللها ركبت فاللوطو ديالها و. عفطت عفطة وحدة باغية تهرب منو.
و حتى ايهم ركب. اللوطو. ديالو. و تبعها.
و فعقولهم. بجوج. الف نسؤال و سؤال
عفطت نور عفطة وحدة و هو تابعها حتى وصلت للدارها حبست قدام الباب جوست هبطت من اللوطو و دخلت للدار
حتى ايهم اللي وصل و هبط من اللوطو ولاكن ماوصلهاش توجه جيهت الباب يفتحو ولاكن من الشوفة اللولة عرف باللي مغاديش يتفتحلو. حيت كاين شي حاجة اللي يتفتح بيها
خبط يدو معاه بغضب
ايهم :آش هاذ الحالة وصلنالها آش كاديري انور فهاذ الدار آش هاذ التغيير و واش هاذ اللوطو تاني و كاتكمي من الفوق
زفر بغضب و رجع للوطو تاعو هز التيليفون. و عيط لذاك الڨارد اللي كان عاس المقبرة عطاه العنوان ديال دار نور وقالو. يجي يراقبها.
بقى مدة و هو فاللوطو. مراقب الڤيلا. على الله يدخل ولا يخرج شي حد ولاكن والو مع جا. اللڨارد عطاه التعليمات و مشى.
اما نور دخلت للدار حاسة بالصداع فراسها. و وتيرة التنفس عندها مخلطة. خاصها تتجرع من الهيروين طلعت قبالة لبيتها. جبدت باكيت الدخان و قدات كاتكمي. واحد. من مور آخر واحد من مور آخر حتى خلاصت الباكي رماتها بغضب خاصها الهيروين خاسها تتجرع منو.
رفدت روحها و راحت دات واحد لفلوس و خرجت ركبت اللوطو و توجهت قبالة للبار المكان اللي ضامنة باللي آتلقى اللي بغات ثما.
نرجعو عند الڨارد اللي مع شافها خرجت تبعها مباشرة. و عيط على ايهم اللي حتى خرج للطريق تابعهم
وصلت للبار دخلت تعارضلها واحد الراجل قالتلو. شنو بغات مع جبدتلو لفلوس عطاها اللي بغات. راحت قبالة قعدت. فواحد الطبلة. و ستنشقت منو عاد حست بالراحة جمعت ذاك الشي و خباتو مزيان فصاكها عاد خرجت متوجهة للوطو مع جات تركب و هي تجبدها. واحد اليد. دارت لقاتو. ايهم. عاود تاني رجعولها نفس الاحاسيس
ايهم:(جبدها عندو عنقها بغضب.) آش كاديري هنا آش هاذ دايرة فراسك علاش كاتكمي
ظلام:( كاتحاول تبعدو عليها ولاكن ماقدرتش كان قوي عليها) بعد مني طلقني عطيني التيساع
ايهم:( مجرد ماعنقها تهدن نوعا ما) توحشتك. انور توحشتك خليني معنقك عفاك غير نشبع منك شويا حياتي ضاعت بلا بيك
ظلام: ولاكن انا متوحشتكش حياتي تقادت بلا بيك بعد عليا مكانحملكش
بعد عليها و بقى كيخزر فيها
ايهم: سمحي ليا عفاك انور والله حتى كانبغيك
ظلام: ياك قتلك ذاك النهار باللي سامحتك صافي خرج من حياتي
ايهم: ولاكن. انا كانبغيك بغيتك ترجعي ليا
ظلام:( طلقت واحد الضحكة. كتحس بالصداع فراسها زادت بعدت عليه) ههههههه. واش منيتك باغي نبجع ليك اتقولي اجي نجي اتقولي روحي نروح بعد عليا مكانحملكش(علات صوتها) آخر مرة نشوفك في طريقي بعد مني
خلاتو واقف و ركبت فاللوطو ديالها. و مشات
توجهت قبالة للدار
اما ايهم ف وصى الڨارد يرجع يراقبها و توجه للبار
مع دخلت للدار تعرضتلها رهف
رهف: مالك اختي
ظلام: الله يخليك ارهف دابة خليني بحالي حتى من بعد و نحكيلك
رهف: واخة جوزي غير تتعشاي
ظلام : لا اختي تعشاي نتي و سيري تنعسي ماتستناينيش
كملت هدرتها و طلعت لبيتها كتحس بالصداع فراسها ماعارفاش علاش فينما كاتشوفو ولا يقرب لها تتدهور حالتها علاش باغيا تعنقو و تشم ريحتو و فنفس الوقت باغيا تبعد منو. حيت كاتخافو كترهبو. علاش هاذ. التناقض. معاه. عاود تاني.
قعدت فكرة تديهاوفكرة تجيبها. حتى طاح الظلام
انمشيو. عند رهف اللي تعشات و طلعت لبيتها مع حطت راسها فوق لمخدة تنعس بدا كايصوني الفون ديالها
رهف: شكون آيصوني ليا زعما
رفدت تيليفون و جاوبت
رهف: شكون معايا
محمد: مكاين لا السلام. لا والو
رهف:( عرفاتو من صوتو) اه سمحوليا معرفتش نمرتك
محمد: ماعليش واش حوالك لاباس
رهف: الحمدلله ونت
محمد: مع. سمعت صوتك الحمدلله
رهف:( فخاطرها مالوو هذا) الحمدلله شنو بغيتي
محمد: بغيتك نتي
رهف: شنو بغيتي مني
محمد: انقولك الصراحة عجبتيني و دخلتي لقلبي بغيتك تكوني معايا
رهف:( صدمها بهدرتو ماتوقعتهاش منو) شوف انا راه..
محمد: مابغيتكش تردي دابا خوذي وقتك اوكي
رهف: شوف نت راك معارفش الماضي ديالي
محمد: انا مكايهمنيش الماضي ديالك كاتهميني نتي و المستقبل ديالنا اوكي و دابا انخليك تخممي على راحتك ولاكن نتمنى ماترفضيش اوكي و ماتخممي فحتى حاجة حاليا حتى نجي نهدرو
رهف: اوكي تصبح بخير
محمد: ونتي من اهلو اكبدتي
قطعت. عليه. و بقات كتخمم مدة حتى نعست
نرجعو عند نور اللي التخمام كلالها مخها باغيا تهرب مباغاش تخمم. المكان الوحيد اللي اتقدر تهربلو دابا هو المقبرة عند والديها. ماخممتش ناضت توجهت قبالة للوطو شدت طريق المقبرة
عاود. تاني تبعها الڨارد و خبر ايهم اللي بدورو تيعهم
عند نور كي العادة وصلت للمقبرة قبالة عند قبور والديها دخلت في وسطهم و رقدت
عند ايهم اللي وصل للمقبرة توجه لعاندها. تصدم من حالتها. قرب عندها باغي يفيقها
ايهم : نور. نور فيقي يالله نمشيو من. هنا.
رجع كيهز و يفيق فيها ولاكن والو. مافاقتش
ايهم: نور. مالك. انور فيقي
تخلع عليها.
تفقدلها التنفس ديالها عادي كتتنفس.
هبط هزها فيديه باغي يديها للكنينيك
مع هزها و هي تفيق لقات روحها مهزوزة. شافت فيه و نترت منو. و الصداع داير كراعو فراسها
ظلام:( بارهاق و تعب صافي كرهت من المشاكل) عاود تاني تبعتني حتى هنا والله حتى حرام عليك راه انا لحم و لعظم. رحمني صافي كرهت عييت من هاذ الشي
ايهم :(بحزن من حالتها)سمحي ليا غير تقلقت عليك
ظلام: الله يخليك خليني ننعس راه كرهت من الدنيا هاذي ارحموني بزاف عليا هاذ الشي
ايهم: بشرط
ظلام : شنو بغيتي تاني
ايهم : انبقى معاك هنا(اشار لصدرو جيهت قلبو) اتنعسي على هذا على الله تحسي بيا و غدوا. اتخليني نهدر معاك
ظلام:(غمضت عينيها و زيرتهم و عاودت فتحتهم) مغانقدرش ننعس فاش تكون نت مكانرتاحلكش نت مصدر خوف و خيانة و غدر بالنسبة ليا
ايهم:( تجرح من هدرتها ولاكن رجعها لقلبو. اصلا هو سباب) غاجربي
جرها من يدها توجه لوسط ذوك لقبور تكسل فالارض و جرها حتى هي تكسلت و حطلها راسها فوق صدرو
ايهم: معارفاش شحال تعذبت فغيابك و شحال كنتعذب دابا من كرهك ليا عارفك كاتكرهيني
عند نور اللي ماعجبهاش الموقف هذا مع حطلها راسها فوق صدرو رجعت كتسمع نبضات قلبو غمضت عينيها و هي كاتسمعو يهدر
ظلام: (لا اراديا) اه كانكرهك گانكرهك بكل حب
مع كملت هدرتها نتاقلت لعالم الاحلام
ايهم: غادي نرحع حبك ليا كانواعدك. نتي غير سمحي ليا و رجعيلي انور والله حتى كانبغيك
شاف جيهت وجهها لقاها مغمضة عينيها عرفها نعست حيت عارف باللي كاترتاح. فقبر والديها
ايهم: سمحي ليا حيت خنت الثقة ديالك سمحي ليا حيت نتي فهاذ الحالة بسبابي كيفاش كاترتاحي جنب الموتى. كيفاش كاتنعسي برا فلخلا. بلا خوف كيفاش انور كيفاس قادرة على هاذ البرد كلو. و حاملة تنعسي على تراب و لحجر كيفاش و فهاذ المقبرة. الحمدلله مين جات مقبرة محمية و عليها العساسين و حتى مضوية. واخا هكك. راه كاين خطر كبير هنا. انور
عنقها بيدو لقى يدها باردين حيت كانت بلباس النعاس . قلب عينو كيتفحص. الجسد ديالها لابسة. بوستي خفيف نص صدرها برا طاحت عينو على ذاك لوشام و هو يتفكر نهار داها باش يعذبها و يستمتع بوجعها. ولاكن حتى ذاك نهار مابينتلوش وجعها. و صدماتو حيت هي مرا و كان لازم ماتصدر على الاقل انين الالم هو اللي راجل و كان غايتوعت. ولاكن اللي ماعارفوش هو انو. بينما كان باغي يشوف دموعها هي كانت كاتبكي الدم و ماعارفش باللي. اكثر مخلوق صبرا على وجه الارض هي المرأة
هبط عينو التحت كان ذاك البوستي طلعلها كانت سرتها باينة
و كانت لابسة غير شورت قصيير فخاضها ورجليها عريانين و حافية فرجليها مالابساش سپاط.
ايهم: آش هاذ الحالة انور
بعد عليها غير شويا
كان لابس لباس رسمي نحى الڤيستا البرانية و زاد نحى الشوميز قعد غير بالتريكو تپو.
غطالها رجليها مزيان. بلاڤاست
و عاود رجعها فوق صدرو بحال ايلا ناعسين معانقين و زاد غطاها من فوق بذيك الشوميز. و عنقها عندو. مزير على يديه بحال باغي يدخلها فضلوعو اصلا هو موحشها وهي قدامو بذاك المنظر صابر غير بالزز كيحس بالسخونية طالعة معاه من صبع رجلو لصغير حتى لراسو
الليل كلو وهو فايق مستمتع بكل لحظة و هي معاه حيت عارف من اللي تفيق غاتنفر منو. و تبعدو عليها.
بقى حتى للصباح طلعت الشمس
عاد بدات كاتفيق كتحس. براسها فرحانة و ناشطة كيما كل مرة تنعس فيها.
ولاكن حاسة راسها مزيرة و مربوطة فتحت عينيها عاد تفكرة لبارح طلعت راسها عندو لقاتو فايق كايخزر فيها متبسم
ايهم : صباح النور حبيبتي
بعدت عليه و ناضت بالزربة و حتى هو ناض
ايهم:(بخوف) مالك واش نتي. بخير
ظلام: آش بغيتي مني
ايهم: راكي وعدتيني لبارح باللي انهدرو.
ظلام: (بهدوء) واخا. انهدرو ولاكن ماشي دابة خاصني نرجع للدار
ايهم: اتوعديني باللي نهدرو
ظلام: واخا كانواعدك دابا باغا نروح
ايهم: اوكي انوصلك
ظلام: لا مابغيتش اللوطو ديالي هنا
ايهم: الله يخليك خليني نوصلك و فاللوطو ديالك ماتكبريش الموضوع
ظلام : اوكي
ايهم : تفضلي
سبقاتو. وهو موراها ماطاحت عينو غير فترمتها مع شورت قصير يادوب مغطيلها نص ترمتها
كان باقي اثار الضرب نفسو. الضرب اللي ضربها هو
لولهة رجعت بيه الذاكرة. لذاك نهار فاش كانت كاتترجى و تطلب و ترغب فيه يرحمها
ولاكن والو الغرور ديالو كان عامي ليه على عينيه غمض عينو بغصة و عاود فتحهم و هو كايتعذب فالداخل ديالو
زاد طلع عينو شوية مع البوستي طالع باين منو اثر لحروق فالجسد ديالها ظهرها و ترمتها مشوهين و هو سبابها
مافيقو من التخمام غير وصولهم للوطو.
سبقها ركب هو يسوق. اما هي فاش شافتو ركب ثما خالتو. ماهدرتش معاه اصلا باغيا تتفاداه
حتى هو ماعجبوش الحال فاش ركبت اللور
المهم
توجه جيهت دارها طريق ديال نص ساعة دار فيها ساعتين
سمعت لفون ديالها كايصوني
عطاهولها ايهم بلامايهدرو. حيت كان للقدام. شداتو عليه. و هزت. كانت رهف
رهف: فين نتي اختي تشوشت عليك من الصبح و انا كنعيطلك
ظلام: هاني جايا ماتتقلقيش
رهف: اوكي اختي وبلاما ننسى راه جا ذاك الراجل اللي خبرتيه يجيبلك العصافير و حتى ذوك الناس اللي قلتيلهم اتخدميهم. راني دخلتهم للجردا. اما ذاك مول العصافير قالك ايستنى برا.
نور: اوكي احسن مادرتي هانا قريب نوصل.
مدة وهوما يوصلو حبس قدام قدام الباب لكبير هبطت نور وهو يبانلها ذاك الراجل فالشاحنة ديالو.
توجهت جيهت الباب فتحت و دخلت بلاما دور عند ايهم
اما ايهم هبط تابعها باغي يدخل و هو يتغلق الباب فوجها. زفر بغضب و رجع للور عيط على الڨارد يجيبلو اللوطو و تكى على اللوطو ديال نور و بقى يشوف جيهت الڤيلا ديالها. كانت كبيرة بزاف و زوينة. ضرو راسو باغي يعرف ديالمن هاذ الدار ة اش كادير نور هنا و بزاف ديال الاسئلة
اما نور دخلت قبالا. طلعت لبيتها دوشت دوش خفيف مكاملاش 5 دقايق و لبست سروال جينز و شوميز من فوقو. و دات. واحد. لفلوس. و هبطت للجردة لقلت فما رهف سلمت عليها و سلمت على لجماعة.
ظلام: سمحولي انمشي ندخل واحد العصافير و نرجع
رهف: حتى انا انعاونك
ظلام : اوكي
لولاد: حتى حنا انعاونوك
ظلام:( متبسة) اوكي شكرا الله يخليكم
توجهو كلهم لبرا فتحت نور الباب و خرجو. ايهم تصدم منهم شكون هاذو. و آش كايديرو هنا و تعصب من ذوك لولاد اللي كانو تما. يعني ولاد عايشين معاها. زير القبضة تع يديه و خبطها مع اللوطو. ولاكن آش عندو مايدير بقى واقف في پلاصتو.
اما نور و لوخرين توجهو جيهت ذيك الشاحنة تعاونو على ذوك الاقفاص كاتو على قدهم. عطاتو لفلوس و عاودو دخلو فمرة وحدة و تغلق لباب. راحو للجردة
رهف: آش آديري بيهم
ظلام: انطلقهم
نطق واحد لولد سميتو يوسف
يوسف: (بستغراب) شريتيهم باش تطلقيهم
ظلام: وي
البنت :( سميتها سوسن) واش ڨاع ذوك لفلوس اللي خسرتيهم باش تطلقيهم
ظلام: (توجهت جيهت واحد لقفص و فتحاتو بداو كايخرجو و هوما كا يزقزقو) الحرية هاذي من حقهم مامنحقناش نحبسوهم ظلما فتحو معايا الا بغيتو خلوهم يروحو
فاش دارت هاذ التصرف دخلت لقلبهم. و حتى هوما فتحو على لوخرين و تعمر المكان بيهم و اخيرا تحررو كل مجموعة منين دازت كان منظرهم زوين بزاف
عند ايهم لللي جابلو الڨارد اللوطو و توجه جيهتها ركب مع جا يكسيريلي و هو يشوف ذوك العصافير اللي دخلوهم كايخرجو.
فهم باللي شراتهم باش تحررهم تبسم و راح لدارو
انرجعو عند ظلام اللي يعدما طارو العصافير قعدو فالجردة
ظلام : ممكن تعرفوني على راسكم
هدرت ذيك البنت اللي تلاقاتها فالمطعم سميتها رونق
رونق: انا رونق (بدات تعرفها عليهم) هاذا يوسف و هاذي عبير. هاذي احلام هذا ياسين هذي اريج هاذي كوثر هاذي شيرين و هاذي سوسن. و هاذا مراد. هذا حمزاء و هذا ريان
ظلام: الله يبارك متشرفين. انا ظلام و هاذي رهف
ظلام: ستناوني هانا راجعا
طلعت لبيتها جابت واحد لفلوس و رجعت
ظلام: شوفو الصراحة انا بحالي بحالكم يتيمة و بغيت يكونو عندي خوت بحالكم انكونو خوت متاحدين هاذا يسند هذا و بغيتكم تعيشو معايا هنا آش قلتو
ستغربو بزاف منها و من هاذا الشي
يوسف: كاتتفلاي علينا
ياسين: زعما جايبانا على قبل الخدمة زعما
ظلام: انا السبب حتى جراو على رونق من الخدمة بغيت نعوضها
رونق: ولاكن اختي رآه ماشي نتي السبب و زايدون كيفاش بغيتينا نبقاو هنا
حمزاء: أجي من اللخر شنو بغيتي منا
ريان: رانا عايشين و شايفين غير ماكان لاه تدخلي و تخرجي فالهدرة
سوسن: تهدنو الخوت تهدنو.
كوثر: والله تازوينة هاذي قالك بحال خوتها
رهف: مالكم كاتعايرو فيها غير حيت بغات تعاونكم
مراد: ولاكن اختي واش هاذ الشي جاك عادي واش زعما هاذي ملاك باش قالك تلمنا من الزنقة و تعييشنا فهاذ لقصر بحال خوتها
عبير: واش كايحسابلك حنا جهالة نتيقو بحال هاذ الشي
رهف: راهي كثر من الملاك راه بسبابها انا هنا دابا كون ماهي كون راني نتراما فلحبس
ظلام: اذا بغيتو. تبقاو بقاو اذا مابغيتوش مغاديش نشدكم و ( حطتلهم ذوك لفلوس,) هاذو لفلوس تقاضاو ماخصكم بيهم و اذا بقيتو مرحبا بيكم خوتي أتجي مروى توضفكم فالشركة على الله يتقاد وضعكم و تبنيو حياتكم و دابا سمحو ليا
عاودت طلعت رهف لبيتها عيطت لمروى باش تجي عندها و دخلت للدوش تدوشت و خرجت لبست حوايجها و نشفت شعرها و. تكات فوق لفراش على ماتجي مروى
انرجعو. عند لولاد
ياسين: نوضو نمشيو من هنا
رهف: والله حتى تندمو قعدو خمو شويا مع بعضياتكم ماتتسرعوش. رآه الفرصة كاتجي مرة وحدة خاصنا نستغلوها و مانخلوهاش تضيع
هانا داخلا انخليكم تخممو
مشات رهف
عبير: آش نديرو دابة واش نتيقوها
يوسف: آش نتيقو راهي كاتتفلى
رونق: والله حتى. انا بانتلي بنت مزيانا و باغيا تعاوننا خلونا نبقاو و نشوفو آش غايوقع فالتالي و زايدون رآه حتى ماخاصرين والو
سوسن: وي عندك الحق
المهم بعد مناقشة كبيرة قررو يبقاو و يشوفو آش غايوقع
رجعت عندهم رهف و فرحت بزاف من اللي بقاو و حتى ظلام فرحت
بعد مدة جات مروى عند ظلام طلبت منها تعطل البرنامج ديال البيبان حيت ماساكناش بوحدها و طلبت منها توظف الذراري و وظفتهم على حساب المستوى الدراسي ديالهم اتسطاجيهم عاد يتوظفو.
نرجعو عند ظلام كانت فبيتها حتى سمعت الفون ديالها كايصوني
هزت بلاما تشوف
ظلام: وي شكون معايا
ايهم: انا انور واش نسيتي على آش تافقنا
ظلام: منين جبتي نمرتي
ايهم: خلينا من هاذا الموضوع رآه ديتو ليوم و دابا خاصنا نتقابلو. و نديرو الحل
ظلام: وي انتقابلو حتى انا بغيت ندير الحد لهاذ المهزلة
ايهم: اوكي خرجي انا برا كانتسناك
ظلام: واخا هاني جايا
قطعت عليه و هبطت للتحت قبالا حيت باغيا تدير الحد للموضوع
خرجت لبرا لقاتو فاللوطو. توجهت عندو. ركبت اللور بلا هدرة وحتى هوا ماهدرش
قبل مايقلع عاودت هبطت نور بلا هدرة دخلت للدارا
أما ايهم ستغرب من هاذ الفعلة شويا وهو يتصدم
خرجت نور باللوطو ديالها.
هبط توجه عندها للوطو من زجاج
ايهم: اش هاذا الشي ياك كنتي معايا فاللوطو
ظلام: وانا فين عارفا فين غادي بيا رآه مكانش الثيقة فالبشار مغاديش ننعس. مع الحية فبيت واحد و نثيق فيها و ممبعد نقول قرستني
ايهم:( جرحاتو بهدرتها ردها لقلبو ) واخة انا انسبقك و نتي تبعيني
طلعت الزجاج بلاما تهدر معاه
توجه للوطو ديالو و كسيريلا و نور تبعاتو كان كايخرج خارج لمدينة عرفاتو فين باغي يروح
زادت فالسرعة. و سبقاتو.
مسافت الطريق كانو لحقو. لنفس الواد اللي كانت نور جابتو ليه
هبطو من اللوطو توجه عندها ايهم
ايهم: آجي نجلسو
توجهو. لواحد المقعد و قعدو.
ظلام: شنو بغيتي مني
ايهم: انعاودها للمرة الألف بغيتك تسمحي ليا و نرجعو لبعض
ظلام: ههه والله حتى ضحكتيني
ايهم: علاش مابغيتيش تحسي بيا
ظلام: علاش انا شكون حس بيا واش حسيتي بيا نت
ايهم: رآه غلطت ا نور والله حتى ندمت
ظلام: صافي سالينا مغانقدروش نرجعو مستحيل
ايهم: واش مكاتبغينيش صافي نسيتيني
ظلام: رآه الحب هو اللي خرج ليا على حياتي
ايهم: غانصلح كل شي عارفك مازال كاتبغيني
ظلام: عرفتي فاش يتهرس الكأس غادي تقدر تجمعو وتلسقو ولاكن ايبقاو فيه الاثار حتى حاجة مكاترجع كيفما كانت
ايهم: مغاديش نرجعو كيفما كنا غانرجعو حسن
ظلام: مستحيل حيت نت دمرتني و دمرت كل شي فيا
ايهم: مغاديش نقدر نعيش بلابيك انور راكي نتي لهواء اللي كانتنفسو
ظلام: شفتي القرعة ديال الريحة فاش تتهرس غادي تشم ريحتها بزاف ولاكن لآخر مرة. هاذا الشي هو اللي وقع بيناتنا.
وقف و وقفها مقابلها معاه جبدها عندو و عنقها طبع قبلة في رقبتها
نور بورشها
بعد عليها شويا و عاود نقض على شفايفها واحد اللحظة نساجمات معاه دون إرادتها. بقاو مدة عاد عاقت براسها و طبعاتو. عليها
ظلام: آش كادير بعد مني مكانحملكش كرهتك و كانشمائز منك اصلا انا نسيتك وكملت حياتي و لقيت شريك حياتي اللي انكمل معاه حياتي
ايهم طاحت عليه الهدرة بحال الساعقة من جيها كلامها ديال مكاتحملوش و كاتشمائز منو و دابا كاتقولو لقيت اللي نكمل. معاه حياتي خرج من عقلو. بحال يلا خشاتلو موس فالقلب
ايهم:( بغضب و عصبية شد فراسو بزوج يديه) باغيا تهبليني باغاتقتليني راني كانبغييك. كانبغييك. انور كاتفهمي نتيي ديالي ديالي. ماتنسايش هاذ الهدرة. نور ديال ايهم و ايهم ديال نور. ماتنسااايهاش. نتي ديااالي. إلى. مالا نهاية حتى بعد الموت نتي ديال ايهم روحك كانعشقها. كانبغييك عنداك تنساي
توجه للوطو ديالو. و كسيريلا و الغضب عامي على عينيه. كايسوق ڤيتاس. واحد اللحظة فقد السيطرة على اللوطو. و دخل بيها ف واحد. الشجرة كانت ضربة خايبة مع خبطت مع الشجرة تنقلبت
أما نور قعدت مصدومة من ردت الفعل ديالو
بقات مدة و هي كتخمم خوات عقلها من التخمام و ركبت اللوطو ديالها و شدت الطريق الرجعة. بقات غادا مع الطريق حتى بدأت كاتشوف الدخان من بعيد كلما كتقرب كاتوضاحلها الصورة كثر كتشوف واحد المنظر كاتدعي الله مايكونش ذاك الشي اللي فبالها. ولاكن اللي خافتو طاحت فيه نفسها اللوطو ديال ايهم حست بحال يلا قلبها تسقف هبطت من اللوطو كاترجف متوجها جيهت السائق كادير خطوة للقدام زوج للور حتى وصلت
كانت اللوطو مقلوبة هبطت راسها غير بالشوية و هي تتصدم من المنظر اللي قاعدة كاتشوف فيه. ايهم اللي كان مدلي راسو. عامر دم وجهو مكايبانش من كثرة الدم اللي مغطي ليه راسو و وجهو
حست بلمواس تخشاو فقلبها
ظلام:( بزز باش كتهدر) ا ا يه م ايهم نوض براكا من اللعب السامط
ظلام: ايهم خرج.
قربت يديها اللي كترجف جيهت وجهو مسحتلو على وجهو وعاودت ردت يدها مليانة دم
ظلام: ( عيطت لربي ليخلقها) ايييييهااام لااااااا. مستحيييييل هاذ الشششي
شدت فراسها وناضت بعدت على اللوطو غمضت عينيها كاتحاول تستوعب
ظلام: ياربي. ياربي. آش غاندير ياربي عاونني. ( بدات كتظرب وجهها بيدها) فيقي فيقي نور. خاصك تتصرفي
عاودت رجعت عندو. كاتحاول تفتح الباب ولاكن مابغاش.
دخلت يدها من جيهت الزجاج اللي كان مهرس فتحتها من الداخل.
و قربت عندو كاتحاول تجبدو. مع هو ثقيل بزز باش جبداتو. حتى خرجاتو من اللوطو عاد سحباتو شويا و بدأت كتخبط ليه فوجهو كان شبه مغمي أو شبه ميت
ظلام: ايهم فيق
ايهم:( بسيف كيهدر. و بكلمات متقاطعة) عاد غانساليو صافي غاترتاحي مني
ظلام: (دارت يدها ففمو) شششت مغاديش يطرا ليك والو
ايهم: ( كيهدر بزز)سمحي ليا انور ظلمتك بزاف ودابا ربي كياخضلك حقك مني رآه كان لابد مانتعاقب
ظلام: انا مسامحاك مغايوقع ليك والو
ايهم: كاتبغيني؟ ياك نتي كاتبغيني نور ديال ايهم
ظلام:( قلبها كايتقطع فعلا كاتبغيه) كانبغييك نور ديال ايهم و ايهم ديال نور مغاديش تتخلى عليا واعدني
ايهم: كنت عارفك كاتبغيني. واعديني اترجعي ليا فالحياة الثانية
ظلام: ( كتبكي الدم) مغاديش تموت واعدني
ايهم: صافي رآها جات واعديني اترجعي سميت نور نور ديالي
ظلام: صافي كانواعدك كانواعدك سكت
ايهم:.......
ظلام: ايييهااام لاااا. فيييق. ياربي آش غاندير.
توجهت للوطو ديالها قربتها لعندو. و فتحت الباب الوراني وهبطت كاتتقاتل معاه حتى دخلاتو. للوطو غلقت الباب و عفطت عفطة وحدة للكنينيك.
والندم كياكل فيها حيت كتلوم راسها هي السبب كون مادواتش معاه بحال هكك ڨاع مايوصلو لهاذ الشي.
قلبها كايتقطع فعلا كاتبغيه
المنظر ديال الدم مابغاش يروحلها من عينيها.
ماحبست حتى وصلت لكنينيك
هبطت من اللوطو. بالزربطة
ظلام:لحقونييي عتقووه عتقوه
فتحت الباب وهوما يجيو ممرضين داروه فالنقالة و دخلوه مباشرة لغرفة العمليات
فاتو ساعات و ساعات. وهو فغرفة العمليات و نور كتتقطع عليه و على الحالتو.
واحد الشوية وهوما يجيو جيهتها واحد الراجل و مرتو. عرفتهم من الشوفة اللولة. حيت اللي عيطتلهم والدين ايهم كان باين عليهم الخوف من عينيهم توجهو قبالة للجيهت نور حيت ثما فين قاللهم الاستقبال
ام ايهم. سميتها عيشة و باباه سميتو. عبد الرحمان
توجهت عند نور والدموع فعينها
عيشة: بنتي واش نتي اللي عيطتيلي واش ولدي بخير
ظلام : اه انا هي و غايكون بخير نشاء الله نتي غير دعيلو
عبد الرحمان: شحال وهو داخل
ظلام: شي 6 ساعات
عيشة: 6 ديال الساعات وماخبرتو ناش من قبل
بدات كاتبكي و هوما كايهدنو فيها غابزز
فاتت مدة عاد تفتحت باب الغرفة
خرج منها طبيب توجهو عندو
ظلام: واش حالتو
عيشة: مالو ولدي
عبد الرحمان: كيفاش بقا ادكتور
الدكتور: (باسف) حنى درنا اللي علينا و الباقي فيد الله نتوما غير دعيو معاه تعرض لحادث خطير و الضربة اللي فراسو كانت خايبة
عيشة: (كاتبكي) الله على ولدي مسكين
ظلام: ذوقاش يقدر يفطن
الدكتور: هاذ الشي راجع لنتائج الضربة حيت ممكن يدخل فغيبوبة و ممكن يفقد الذاكرة ممكن مايفيقش. نتوما دعيولو. و الباقي على الله
عبد الرحمان: ممكن نديه يعالج برا لبلاد
الدكتور: هاذ الشي خطر على حياتو.
راح الدكتور خلاهم فحالة يرثا لها صدمهم بهدرتو
نقلوه لغرفة خرا
الليل كلو. و هوما فلكنينيك واحد فيهم مقدرش يتحرك ولا يخرج
جات عندها رهف كاتحاول تقنعها ترجع للدار ترتاح ولاكن والو.
صبح الصباح وزاد فات النهار ولاكن والو مفاقش
حالتهم حالة خاصة نور اللي بدأت تلوم روحها
كايقولو دابا يفيق دابا يفيق ولاكن والو. زاد فات الليل. حتى للصبح كانو كلهم فلبيت كايستناوه على احر من الجمر باش يفيق و اخيرا. بدا كايحرك صباعتيه و كايحاول يفتح عينو. مع فتحهم توجهو بثلاثة عندو و الفرحة باينة من وجوههم
عيشة: ولدي فقتي واش نت بيخير
عبد الرحمان: ولدي باش كتحس واش نت بخير
ايهم: ( بزز باش كايهدر)الحمد لله بخير مااتقلقوش
واحد اللحظة وهو يلمح نور. بقى كايشوف فيها بصدمة كايحاول يتيق آش كايشوف واش بالصح هاذي نور
ايهم: نور!
يتبع..
