صفحة القصة
عاود بغا يصوني لقا تيليفون طافي
مروان: تفو تفو هدشي كامل مني باينة تقلقات دابا ولكن انا علاش علاش سمحت فكولشي و جيت عند غزل كنجري علاش ؟!!....بقا واقف كيطل عليها وهو كيتفكر دوك الليام
شحال كان كيموت عليها لدرجة وشم سميتها مور عنقو
حط يدو و طلع شعرو و بدا كيتحسس داك الوشم ، كان باغيها من قلبو و كان مستعد يحرق اليابس و الاخضر على قبلها ولكن صدها ورفضها ليه كان السبب وراء التحاقو بالفدرالية وعمر وقتو كل مرة فين و كل مرة فين مكلفينو بمهمة
نهار شد الكونجي رفض يبقا فأمريكا وهبط عند صاحبو..
نهار شاف كارينا حس بشي حاجة فشكل تجاهها تتخليه ميبعدش عليها💔..ولكن دابا علاش رجع ثاني الحب الاول علاش ؟!...
بقا كيفكر حتى سمع صوت الطبيبة : يمكن ليك دخل عندها دابا وتقدرو تخرجو ماشي شي حاجة غير جروح خفاف
هز راسو بواخا دخل عندها و گلس جنبها شدات ليه يدو وجراتو حطات راسها على صدرو: عييت بليز ديني لدار نرتاح
مروان هز راسو بواخا بغا ينوض يجيب ليها الكرسي متحرك يهزها وهي تشد ليه يدو:اجي فين غادي
مروان: نجيب ليك كرسي متحرك
غزل: هزني عفاك من صغري مكنحملش الكرسي متحرك
مروان: واخا
هزها و تمو خارجين داز على الاستقبال و خلص تكاليف و خرجها ركبو فلوطو و كسيراا وهي حاطة راسها على كتفو...
#المغرب ...
سطاسيونا جنب الحي وكولشي كيشوف فهاد لوطو اول مرة يشوفو شي حديدة بحال هادي هبط و سد الباب
المرأة 1: شوفي شوفي شكون هدا ياختي كيبان بحال داك الممثلين ديال تركيا
المرأة2: ويييه اختي عند من يكون جاي؟
المرأة 1: ويلي شوفي راه غادي لدار ديال لطيفة الله يرحمها
المرأة 2: اه البارح راه بنتها رجعات قالت كانت مسافرة ولكن بيتي و بينك شكيييييت اختي هدشي كامل سفار
المرأة 1 : وهدا بعدا شكون
المرأة 2: غير سكتي خلينا نتبعوه نشوفو شنو غيوقع
وصل جنب الباب و دق
شامة كانت الفوق يلاه فاقت وكرشها كتغرغر بالجووع...
سمعات دقان و قلبها كيضرب فالمئة طلات بان ليها كيدق
وهي تشد فقلبها ورجعات رضات الخامية : لا ميمكنش باش عرفني هنا ناري ميمتي اووف باينة غادي يقتلني ياااربي تعاوني
لبسات بينوار و جمعات شعرها على جنب
وهبطات حلات الباب و هو يهز عينيه فيها و دخل سد الباب
شامة بدات تتلعب بصباعها و تتسنا شي تسرفيقة لي يهرس ليها لفيشوغ ديال وجها...
سدات عويناتها فاش شافتو هز يدو
حتى حسات بيه كيرض ليها شعرها للخلف : هكا مزيان
شامة شافت فيه مصدومة غمزها و هزها طالعين الفوق:فين بيتك؟
ورات ليه الغرفة و دخلها
هبط عينيه على الطابلة لي كلات البارح هز الحليب وقرا تاريخ : من زهرك مخاصرش
سيري لبسي حوايجك
شامة تخربقات و هدشي جديد عليها هزات راسها بواخا و خدات كسيوا فاللبلون كاصي و مشات تلبسها
هو گلس فوق سريرها و جبد من جيبو صورة الايكو
وتفكر شنو وقع فدارو ..⏳
فش خرجات عاليا داوها البوليس
رجع گلس و شد تصويرة الايكو و هي دخل سحر مشات ليه :نت واحد حقير و ولد الحرام علاش دخلتي مامي لحبس هئ هئ على قبل ديك المتشردة الخدامة و بنت الحرام و جايبة كرش من زنقة و ...(عاود جمع معاها بصقلة): كنضن ديك التسرفيقة ديال قبيلات مفهماتكش هاديك الالة راها ....
هاديك الالة راها مراتي سمعتي؟ مراتي وام ولدي
سحر طاحت مصدومة : كيفاش مراااتتكك؟؟
ذياب بتاسم و رجع گلس حاط رجل فوق رجل : كي سمعتي دابا غادي تنوضي تجمعي قشاوشك و تبعي مك
سحر بدات تتمسح خناينها طالعة مع دروج تجمع حوايجها هي و مها..
بينما ذياب ناض و خرج غادي عند شامة
⏳نعود للحاضر⏳
خشا ديك الصورة فجيبو وهو كيشوفها خارجة و كيف جاتها كسيوا ملبوسة و زوينة بزااف 💕
ردات شعرها الاسود لور و خلات رقبتها ظاهرة لي عاطياها جمالية فشكل بتاسم و جرها وطبع قبلة على عنقها: كتسطيني ريحتك شنو سر؟
شامة طلعات معاها تبوريشة خخخخ معرفات شنو تقدم ولا شنو توخر...
كتافات غير تبتاسم و خايفة من سؤال الا سولها اش جابها لهنا و علاش خرجات اسئلة لي بايخة وهو عارف الجواب مزياان
ذياب محس براسو غير كيجرها لعندو و كيطلعها و يهبطها الحمل خلاها تزياان كثر وكثر : گلسي نديرو بناقص من هد الفطور حنى
جرها وگلسها فحظنو يلاه قرب يبوسها و هي توقفو: في الجوع والله
شاف فيها شوية وهو يبدا يضحك من قلبو وكأنها اول مرة يضحك من خالص فؤاده ، شامة سهات و هي كتشوف فيه خخخخ ..: يلاه
شامة:فين
ذياب صغر عويناتو و حك نيفو مع نيفها بطريقة طفولية : مبقاش فيك جوع؟
شامة: (ضحكات ) اه ههه في جوع
خرجها و شاف باليزتها رجع هزها و خرج وهي ساكت مبغاتش تسولو فين غاديين ولا علاش هد تغيير هكا عاجبها ...بقاو مسافة طريق وصلو لاحد المطاعم الفاخرة گلسات و عمرو ليهم طبلة وشامة مقصراتش خخخ لي تحط قدامها تاكلو لدرجة هي براسها مبقاتش قادة تفهم منين تتجيها هد الشراهة فالاكل 🌸💕 ...
اما هو بقا مراقبها كيف كتاكل و كيضحك مرة مرة على براءتها وطفوليتها وكيمسح ليها فمها
وناس فالمطعم حاضيينهم عاجبهم هد الانسجام و تفاهم لي بيناتهم : مسيو لتاقط ليكم شي صورة؟
ذياب هاز فيه راسو و شاف فيها وهز راسو فواخاا.
شامة بقات فبلاصتها و مصور بغا يصورهم و هو يوقف : بلاتي..
هز راسو و شاف فيها : بغيتي العراضة اجي لهنا
شامة هزات راسها فين ناض و شد يدها و گلسها فخضنو و يدو على كرشها شامة ستغربات ولكن صافي متسوقاتش حط يدو على كريشتها ووحدة على خصرهاا..و هي فوق رجليه و مبتاسمة المصور لتاقط ليهم الصورة و مدها ليهم
شامة شداتها وبدات كضحك: وااو جات كيووت
عجباتها ذياب شاف الفرحة فعينيها خلص المصور و كملو فطورهم و طول ماهوما گالسين وهي كضحك ..
#نيويورك🥀
وصلو لفيلا وهبط هازها
كارينا كانت فصالة كتسناا غير الباب يتحل بقاات مشوشة عليه بزااف و مخلوعة عليه حيت خرج بلا ميعلمها
،تحل الباب و هي تهز راسها شافتو هازها و خاشية راسها فصدرو
كارينا وقفات و صفاء مشات تتجري عندهم :مالكي احبيبة مالكي
مروان:ماشي شي حاجة غير تعرضات لسرقة و صافي
حطها فوق الكناابي..وهز راسو شاف فيها كيف مصدومة
مروان:كارينا
شاف فيه و طلعات دخلات لبيتهم و گلسات تتبكي شداتها ترويعة دخلات لحمام و بدات ترض..
دخل لبيت و بدا كيقلب عليها سمع صوت الماء مطلوق فالدروش عرفها فالحمام گلس وبقا كيتسناها تخرج
خرجات كتلهت ناض مشا لعندها: مالكي؟
كارينا دفعاتو : مماليش كون قلتي لي راها ست الحسن و النسب كتسناك مكنتش يمكن نتقلق اولا لا؟
مروان مسح على وجهو بعصبية: وصافي اكارينا مخاصنيش صداع الراس
كارينا:صداع راس كيجيك غير فش كندوي انا و كنهدر على حقي
ضربات فيه وخلاتو خرجات ومشات لبيت ضيااف سدات الباب و گلسات تتبكي : هئ هئ هئ الله ياخد فيك الحق غير حيت انا معندي لي يدافع علي داير في هكاا هئ هئ
نعسات على يدها و هي تتشهق و تبكي
مروان بقا فبيت شوية وتنهد ميقدرش يخاصمها حل الباب يهبط عندها وهو يلقاها فوجهو: غزل ياك كنتي مريضة؟
غزل بتاسمات و مدات ليه الكاس : غير ضربة خفيفة و قلت نشربو كاس انا و ولد خالتي ماشي من حقي؟
تنهد مروان و شد داك الكاس و دخل و هي تابعها وسد الباب
گلس و گلسات جنبو هازة رجل فوق رجل حتى ظهرو فخاضها كاملين و نص صدرها باين
غزل خوات ليه فالكاس و خوات فكاس ديالها: عقلتي داك نهار فش كنت خارجة مع صحاباتي و تبسل علي واحد الشمكار شحال ضربتيه وبقينا ليل كامل فكوميسارية؟
مروان تكرشخ بضحك و شرب داك الكاس فدقة وحدة : زيدي صبي
هزات راسها بواخا و خوات ليه ثاني: اول مرة تلاقيتها ضربتها بلوطو ديالي كان شعرها مغرطي نص وجها عرفتي اول مرة شفتها حسيت بشعور غريب
غزل وركات على الكااس: عقلتي نهار مشينا نخيمو فالمستنقع و تلفنا على المجموعة ديالنا و بقينا ليل كامل كنضوورو فالغابة
مروان زاد شرب داك الكاس: فش اول مرة فاقت ،كان داز اسبوع وكل نهار فداك الاسبوع كنت كنبقا سهران ليل كامل معاها عرفتي...(سكت شوية و عاد كمل) حسيت بالحب الحقيقي معاها..
غزل وجها ولا حمر مروان ولا غير كيهتر غير هو ضرب نص القرعة هزات راسها و شافت فيه: وانا شنو ؟؟
مروان هز راسو وشاف فيها وحط يدو على خدها ودوى و لساانو ثقيل : غزل كنتي ماضي ديالي مراتي هي الحاضر ديالي ..
غزل جاها كلامو كي السم على قلبها حيت بنادم فش كيكون فحالة سكر تيكون صريح فكولشي و احاسيسو صادقة ...
ضرباتها الفيقة و شافت الساعة منتصف الليل
كارينا : ميمكنش نبقا مقلقة منو ، هو راجلي و ديالي و اصلا هو غير عاونها حيت كانت محتاجة مساعدة خاصني نتصالح معاه ..
وقفات وطلعات مع دروج
غزل شافتو تكا على سرير وطلعات فوق منو
حلات الباب و هي تشوفهم كيف ناعسين
سمعات كيقول كنبغيك كنبغيك
شهقات و حطات يدها على فمها و رجعات تتمسح دموعها 💔...
وخرجات تتجري
بينما كان مروان تينطق بسميتها مور كلمة كنبغيك ...
غزل سمعاتها خرجات و عاد ناضت من فوقو و لبسات بينوارها وبتاسمات
وخرجات من بيتو بينما هو تقاد فالنعسة و نعس..
خرجات من البيت تتبكي و تشهق 💔
هبطات مع ردوج بغات تخرج ولكن الليل دابا رجعات مسحات دموعها خدات نفس و طلعات فدروج
دخلات لبيت و جمعات حوايجها وخدات باسبورها وهبطاتهم لبيت ضياف لبساات حوايجها وصورتهم بين عينيها كيف ناعسة عليه وملبساا والو تترجع تبكي معمرها تصورات نهايتهم تكون هكاا 💔
🥀لأقول لك ما هو الحب🌸
ان تخاصم النوم 🌸
وألا تستطيع الاتساع في اي مكان 🌸
والاشتياق..،عندما تفكر انها ستكون مع شخص آخر 🌸..هو الاحتراق مثل الشرارة في جو مثل الجليد 🌸 ..
#المغرب
خرجو من ريسطو و ركبو فلوطو
غاديين فطريق ماشي نفس طريق الفيلا مغاير وصلو قدام فيلا خرا جنب البحر و زوينة على اللولة هبط و هو يحل ليه عبد النور
شامة:واش تحولتي؟
ذياب شاف فيها وباس يدها: تحولنا
شامة بقات ساكت مفاهمة والو هبطو و شد يدها وطلعو
الفيلا من داخل تصميمها زوين و حتى طريقة الهندسة زوينة 💕..بقات ساهية فيها ذياب بتاسم حيت عجباتها الفلا شد يدها وطلعها فدروج
وغادي بيها لبيتهم حلها و هي تشوف فيها مجهزة بكولشي حتى حوايجها فبلاصتهم ذياب وصاا واحد من رجالو يدي الفاليزا بينما هوما فالمطعم و يستفهم بغا كولشي يكون موجود وعلى حقو وطريقو
بقات ساهية فهادشي لي قدامها عجبها بزااف وشافت سرير كان كبير الغرفة عكس ما مضى غرفتو السابقة كان غالب عليها الاسود و الاثاث كولهم بدوق رجولي عكس دابا الغرفة فيها لمسة انثوية ذياب حرص على اذق حاجة باش كولشي يعجبها : عجباتك؟
شافت فيه وضحكات: زوينة حسن من القديمة ولكن (قالتها بتلعثم)فيناهي عمتك وبنت عمتك؟
ذياب حيد فيستا و عطاها بظهر: سالات زيارتهم لي مشااو
شامة هزات راسها بأه و يلاه بغات تگلس وهو يشد ليها يدها: مبغيتيش تشوفي بيتو
شامة هزات راسها بشنو بتاسم و جرها خرجو من غرفتهم و دخلو لبيت جنب غرفتهم تماما كلو باللون الابيض و مزوق بشكال هندية زوينة و فيه نافدة صغيرى كطل على البحر و سرير صغير ديال لبيبي صغار..
شامة العرق كيتقطر ليها من جبهتها : نت نتااا عارف ياك نتااا عارف كولشي
ذياب دار يديه فجيبو و مشا جيهت ديك النافدة و حلها كيطل على البحر و الهواء كيدخل مجهد شوية جبد سيجارة من جيبو و شعلها و بدا كيدخن حتى حس بيديها حيدو السيجارة من فمو: هذ السم من الاحسن تبعد عليه
ذياب شاف فيها و دار ليها براسو واخا ولاحو من شرجم : شامة انا (بقا ساكت شوية)
شامة:شنو؟ انا عارفة راسي غلطت فش خبيت حملي ولكن قسما بالله حتى خفتك تقتلني انا وياه حيت باينة (قالتها بشوية) مغاديش تبغي ولد من عاهرتك
قبل متكملها شد ليها ذياب يدها: شششش نتي مراتي اشامة مرااااتي ماشي عاهرتي
شامة تصدمات حسات بالوقت وقف كيفاش مراتو وبلا خبارها ؟ : ههه ذياب واش كضحك علي؟
بتاسم و شدها من يدها وخرجها من بيت وغادي بيها لبيتو: نتي عمرك كنتي عاهرة بنسبة لي راني ماشي ولد الحرام و ماشي اناني و عاجبني انني نعدبك شامة ربما الا عرفتي اسبابي غادي تفهمي كولشي نهار شفتك عرفتك غادي ترجعي عندي مكيهمش هدشي مهم ...قاطعاتو : من ايمتاا وانا مراتك؟
بتاسم و باس ليها يدها: من اول نهار سيفطك معاد
شامة حلات عينيها على جهدهم : كنتي عارفين مع معاد و مسيفطني هو و...قاطعها مرة خرى و بتاسم : شامة انا عارف كولشي و حتى دوك الوراق انا لي عطيتهم ليك بإرادتي و حطيت فيهم جهاز تعقب باش نوصل لمعاد و حتى بابا انا لي طلب منو يقول ليه سميت نهاد باش تعرفي كلمة سر الخزنة و نهار وقعتي على العقد ديال الخدمة كان اخر ورقة فالعقد ديال زواجناا و وقعتي عليه بإرادتك و...(قاطعاتو ثاني ة هي مزال مصدومة ) والحمل؟
بتاسم : الحمل عرفت قبل منك
شامة و هي مخرجا عينيها : من الاول كنتي عارفني حاملة
ضحك منيتو: راني فش كنعس معاك طول ديك المدة كنت عارفك حاملة و نهار ديتك عند طبيبة اكدات لي الموضوع و فش قالت لي انك طلبتي منها تخبي علي قلت ليها توافق على طلبك
شامة لحمها تشوك حيت كان هو اللعب الرابح فهاد اللعبة ...
او بمعنى اصح المتحكم ..: ولكن نت كنتي عارفني حاملة علاش ضربتيني داك نهار و (بدات تتلعب بصبيعاتها بتوتر ) فهمها شنو بغات تقصد ضحك وهز ليها راسها: حيت تتستاهلي ديك الضربة والا عاودتي هربتي غادي نعاود نصرفقك مرة ثانية
شامة هزات راسها بلا خخخخ بحال شي بنيتااا صغيورة جابت ليه ضحكة خخخ
زاد خشاها فيه و هي تترجع تفكر انها طول هد المدة كانت مراتو وحلال عليه وولدها ماشي ولد الحرام ومجابتوش من علاقة غير شرعية هو راجلها حلالها زادت تخشات فيه فرحااات بزاف 🥀💕..
حتى هو عرفها غادي تفرح الا عرفات الحقيقة
ذياب اول مرة غادي يخدم بنصيحة صاحبو و سد الماضي ديالو بأخر حاجة هي عمتو لي سلا معاها كولشي و تخلص من الماضي ديالو..
دابا هو عايش الحاضر مع البنت لي باغي و لي كيبغي ...
شامة عاد سرات معاها كارو خخخخ هزات راسها فيه وغوبشات: وديك عود ند ديال كارو شنو علاقتها بيك ؟
ذياب رجع دوز يدو على شعرها: دابا هدشي لي مهم غير ديك كارو
هزات راسها بأه: اه شنو علاقتك بيها واش حتى هي مراتك؟
ذياب طبع على راسها قبلة سخونة و رجع كيدوز يدو على شعرها: مجرد تمثيلية باش نربيك و نحيد فيك داك الكدوب ديالك
شامة صغرات عويناتها وهي تتلعب بصبعها فوق صدرو : شنو غنسميوه
ذياب : ارتان
شامة ناضت : باش عرفتيه ولد؟
ذياب:احساس الابوة احبيبة و مزال طبيبة كتسنانا احبيبة
شامة هزات راسها باه وهي فرحانة
خرجو من الغرفة و هبطو شدو طريق لعيادة عند طبيبة طريق كامل و شامة كضحك و تغني و توقف طل و ذياب غير كيشوف فيها
مد ليها لكارط بونكي شداتها وهي تتشوف فيه زعما شنو هدشي: باش تاخدي لي بغيتي
شامة:شحال فيها؟
ذياب:لي غادي يكفيك
شامة:شكرا
خشاتها فصاكها ورجعات جهدات الموسيقى
طريق كاملة وهي كضحك فرحانة حسات بدنيا ضحكات ليها مرة ثانية
ذياب: غادي تكملي قرايتك اشامة
شامة شافت فيه و عجبها كيفاش مهتم بيها و كيفاش كيفكر ليها : ممم زعما غتخليني نكملها؟
ذياب بقا سايق و فنفس الوقت كيجاوبها: طبعا عقلتي على اول مرة جيتي الفيلا
شامة:فش جيت مع ماما الله يرحمها
ذياب:عقلتي فش دخلتي لبيت غزلان؟
شامة بقات تتفكر وحشمات:بش عرفتيها
ذياب:ماشي مهم باش عرفتها المهم عقلتي على هدرتك؟
شامة بقات تتفكر حاط صبعها على راسها و داير فمها على شكل بوسة خخخ
ذياب رجع شاف فيها :نهار ندير الفلوس وندير مستقبلي غنشري اي حاجة تحرمت منها دابا وهذا وعد على نفسي
شامة طرطقات فيه عينيها: اه وعد قطعتو على نفسي
ذياب:خاصك توفي بيه اولا لا؟
شامة:اه ، شكرا
ذياب: يو ويلكوم..
وصلو لعيادة و هبطو دخلو
شافتهم طبيبة وبتاسمات دخلو ويدو فيدها نعساتها على البيااص و طلعات ليها الكسيوى حتى بانت كريشتها ودارت ليها واحد السائل لزج و بدات كدوز الالة على كريشتها و خدامة التلفازة و بان ليهم الجنين
ذياب شد فيدها و السعادة باينة من عويناتو وشامة ماشي اقل منو، غير البارح تتفكر شنو دير وباش غادي تفكها مع طبيبة خخخ و اليوم هي مع رجلها و مرتاحة هكا دنيا وربي كيفرج الهم على بني ادم من حيت لا يحتسب فقط الصبرو الثقة بالله
#نيويورك
هبطات و شافت الفيلا من برا و شرجم بيتهم باينة باقي نااعس
شافت الدنياا خاوية و ناس قلال طاكسي واقف كيتسناها مشات حطات باليزتها ومشات مطار
مدات ليهم كارط گيشي ديالو و قطعات ورقة طيارة لباكستان
ورجعات گلسات تتسناا الطيارة
شدات ترويعة مرة اخرى ومشات تتجري الحمام
بينما هو باقي ناعس ضرباتو الفيقة وحط يدو على جنبو الايسر ملقا حد هو ملف كيلقاها ناعسة جنبو
حل عين و ساد عين
مروان:اووف مزال مقلقة
ناض و مشا لدوش غسل وجهو و قضا حاجتو وخرج كيحك كرشو
هبط غادي لعندها دق الباب حتى حد مكيجاوبو حلو وبان ليه سرير فاش كانت ناعسة خاوي شاف دوش يمكن كاينة تما..
رجع خرج طالع لبيتو سمع تيليفونو كيصوني
مروان كيتكسل و مزال فيه نعاس: الو صباح الخير ازامل شنو باغي
ذياب: كبيرهم يلاه فقتي
مروان: متفكرنيش راني مخاصم مع كارينا غير خليها على الله شفت الاخبار واش دخلتي عمتك لحبس المسخوط
ذياب:خلاصات ثمن داكشي القديم
مروان:مزيان مني خدمتي بنصيحتي و نسيتي الماضي شامة دابا ولات عارفة كولشي يااك؟
ذياب:اه و نزيدك غنولي اب عما قريب
مروان:ههههه وايلي متقولهاش واش ولد
ذياب: اه ارتان
مروان: يكبر فعزكم تهلا فيها راها غير ضحية و عوضها عما فات اصاط يلاه تلاح نمشي نصالح مراتي
قطع عليه و يلاه غيحط تيليفون بان ليه مساج من البنك بلي سحب مبلغ كبير (خخخ ورقة طيارة راه ماشي رخيصة)
دخل شاف فاش سرف هدشي لقاها ورقة طيارة ومساج تسيفط غير بنص ساعة: لالالالالالالالالا ميمكنش زعمااا داكشي لي فبالي لا امبوسيبل
هبط كيقلب فالبيت ملقا والو رجع طلع كيقلب فالحوايج ملقاش حوايجها خرج بالبيجامة ديال نعاس وركب فلوطو ومشا لمطار كيطير
وصل وبقا كيسول تما اشمن طائرة خرجات رجع كيقلب شوية تفكر فين تيرات تيكيت
مشا و سول على اشمن بلد قالو ليه باكستان و هو يتصدم : رجعات عند عائلتها بهاد البصاطة اكارينا علاش
طاح فالارض و ناس كاملين كيشوفو فيه اول لباسو ديال نعاس و كيفاش منهار
بقا شحال عاد ناض مشا لدار و بدل حوايجو كان خارج حتى كيصوني ليه تيليفون
مروان:وي
بقا شحال و هو يضرب بتيليفون وطلع كيجري لبيتها حلو بجهد
لقاها يلاه خرجات من دوش شافتو وضحكات : صباح نور
مروان مشا جيهتها و شد من دراعها وهو مورك عليها:قولي لي علاش درتي هكاا
غزل تتبلع ريقها:شنو درت
مروان زاد برك و شدها من شعرها
غزل:عفااك رخي مني..
مروان:شوفي ابنت القحبة بلا منزيد معاك الهدرة
عطاها واحد صقلة حتى زعزع ليها جمجمة ديال راسها
شافت فيه عرافة مزيان بلي غيصفيها ليها
مروان:علاش درتي ديك الخطة الحقيرة نتي عطيتيه الفلوس باش يضربك؟ ياك ابنت القحبة
غزل: ماماك ماماك هي سباب والله ماماك امروان
مروان بستغراب:مالها؟
غزل:هي لي طلبات مني نفارقك على مراتك حيت ماشي من مستوانا و حيت هي غير متشردة و ...(قبل متكملها زادها صقلة خرى حتى زرق ليها شفايفها و دم هبط ليها من جنب فمها)..:هاديك شرف منك المطوطة يا القحبة و ياااااويلك ابنت القحبة وضوري بيها ثاني حتى تشوفي شي حاجة متعجبكش
لاحها على الحيط وزاد خرج..🥀
وهو غادي تلقا مع مو
صفاء: صباح الخير اولدي
مروان : فيناهو الخير فينااهوااا
خرج و ردخ الباب
وتم غادي لمطار..
قطع تيكيت لباكستاان
#المغرب
وصلات طيارة لمطار كازا و هبطات هد المرة بوراقها وبجنسية امريكاا و بكنية رموان
كارينا هبطات جارا باليزتها و غادة خارجة من مطار
شدات طاكسي : فيلات لي خارج كازا عفااك
مول طاكسي دار ليها واخا
حلات صاكها و خلصاتو و شدات تيكيت ديال الطيارة ديال باكستان و قطعات و حلات شرجم و لحت الوراق مقطعين من نافدة
ورجعات دارت نظاظرها و بتاسمات هكا غادي ضيعو و مغاديش يقدر يوصل ليها
مروان سحاب ليه كارينا رجعات لبلادها ولكن هي رجعات للمغرب
وصلات لفيلات و لقات الفيلا خاوية
عرفات من العساس لي خلاه دياب فالفيلا بلي تحولو لفيلا خرا
طلبات رقم هاتفهم و عطاه ليها و رجعات صونات ليهم
شامة كانت رجعات من عيادة وگلسات كتاكل الكرز مشهيااه
و ذياب مشا لشاريكة عندو اجتمااع مهم
شامة سمعات تيليفون كيصوني و جاوبات: الو
كارينا:الو شامة
شامة:اه انا شكون نتي
كارينا:انا كاريناا
شامة:شنووو
كارينا: فينك نجي عندك قالو لي تحولتي من الفيلا القديمة و...
قبل متكمل هدرتها
شامة عطاتها العنوان
شدات طاكسي و جات عندها خرجات عندها ودخلاتها حيت الحراس مسمحوش ليها دخل...
شامة:فيناهو مروان؟
كارينا غير سمعات سميتو بدات تتبكي ثاني و تهرنن
شامة مفهمات والو
شامة: قولي لي مالكي
عاودات ليها شنو وقع و شنو شافت
شامة:ويلي ويلي بحالو بحال صاحبو تريكة مسگيا بمغرفة وحدة
كارينا:هئ هئ هئ قولي لي بعدا شنو درتي واش سام جا
شامة: سام اخر مرة دويت معاه قال لب غيلقا طريقة بش يجي ولكن (وقفات وناضت وكارينا تابعاها لبيت ولدها لي قادو دياب )
كارينا : ديالمن هذا
شامة حطات يدها على كريشتها: حيت هنا اكارينا ولا عندي سبب قوي من اسبابي باش نبقا معاه مغاديش نكر الحب لي كنعيشو معاه ولي كنحس بيه انا كنبغيه عرفتي (عاودات ليها كولشي )
كارينا:نت دابا مراتو و هو فرحان بهاد الولد ياك؟
شامة هزات راسها بفخر: من اللول كنت مراتو و ولدي ماشي ولد الحرام اكارينا هو راجلي انا من الاول
كارينا بتاسمات ومشات عنقاتها : عرفتي فرحت ليك بزااف والله حيت هكا بعدة وحدة فينا مرتاحة فحياتها
شامة رجعات عنقاتها وگلسو: كارينا مروان ماشي هكا انا عارفاه ماشي فعايلو اكارينا انا متأكدة غادي يتبعك و غادي يجي و يرجع معاه
كارينا غوبشات و دلات قنوفتها التحتانية: مغاديش يجي حيت ميمكنش
شامة ناضت وقفات: ويلي المسخوطة ياكما فوتي فيهم شي دقة
كارينا:ولاااا اصاحبتي غير انا تلفتو
شامة هزات حاجبها : كيفاش تلفتيه ثاني
كارينا عاودات ليها شنو دارت شامة غوبشات : دابا هو فراسو بلي نتي فباكستاان ماشي فالمغرب ياك؟
كارينا: وي تماما
شامة : موووشكيلا
كارينا: غير سكتي راني واصلة في العظم شنو هدشي كتاكلي بعدا؟
شامة: غير الكرز
كارينا:دوقيني
شامة:اجي دابا نقولها لسلوى تجيبو لينا
كارينا: سلوى مزال خدامة هنا مولات الكفأت ؟ خخخخ
شامة: اه مزال
كارينا:ياك هي ممرضة الحاج و الحاج مات؟
شامة: ذياب خلاها تهتم بي حيت حاملة
كارينا:اه بصح
شامة عيطات لسلوى حطات ليهم الكرز
شامة:شكرا
سلوى: ماشي مشكل بصحتكم
مشات خرجات
سمعات تيليفونها كيصوني:الو وي فاق من الغيبوبة هههه مزيااان انا جايا دابا
خرجات من الفيلا و شدات طاكسي
وصلات لواحد الشقة وسط المدينة و هي تحلها بساروت بانت ليها البنت لي مقابلاه
سلوى:فاق
هزات راسها بأه
سلوى: صافي سيري
دخلات عندو : على سلامتك
دوى بخشونة:مدي لي ديك المراية
سلوى:خويا راه مزال الحال و...
قاطعها:مدي لي زبل
سلوى:نتااا ... ..
سلوى:نتاااا غادي تسطيني ا خويا واش لهاد درجة الانتقام عامي ليك عينيك اخويا....
ناض و ضرب بديك المراية تا ولات كلها طريفات صغاار
سلوى تنهدات عارفة خووها مزيان و بلي لي فراسو فراسو ..ومغادي يتبدل والو
عطاها بظهر كيشوف فالزنقة ووجهو كامل مضور عليه الفاصمة و غير عينيه لي كيف صقر لي كيباانة من تحت الفاصمة ونطق بالبحة رجولية : سباايدر عمرو خلا شي حاجة و مكملهاش
سلوى تنهدات و تحنات تتجمع داك زاج : خويا عفاك خلينا نمشيو من هناا خلاص راه لي كان سباب رئيسي فموت مراتك وولدك مات انا قتلتو بيديا بهاد اليدين (تتوريه يديها) كنت كنعطيه السم البطيء بلاصت دواه كان كيتعدب باش يموت ا معاد ..
بتاسم بشر و ضار عندهاا: داك شارف كان سبب رئيسي فموت مراتي و ولدي ولكن دابا غادي نخليه يحس بالعداب لي داز علي غادي نحرمو من مراتو وولدو ولكن انا غادي نزيد فعذابو غادي نخليه حتى يحس بطعم الابوة و نخليه يولف ولدو و باااح طارو من بين يديه ذيااااب اغلو غادي ندوقك من العذاب لي دوقني منو باك ههههههههههه (كيضحك بهستيرية ) ...
سلوى بقات غير تتشوف فيه وحاضياه كيفاش غادي تقدر تعارضو وهي عارفاه شحال تعدب باش ياخد الثار ديالو
خوها معاد (سبايدر) لي عتق حياتها من الموت بين السنة اللهب و النيراان كيفاش تقدر تقول ليه لا و مديرش لي طلب منها وهو لي عتق ليها حياتها كيفاش💔🥀...
رجع شاف فيها: سلوى شامة شحال بقا ليها باش تولد؟
سلوى:معرفتش انا يلاه عرفت ليوم فصباح ذياب وصاني نقيص ليها ضغط و نحرص على ماكلتها يمكن شهر ونص ولا شي حاجة بحال هكا
معاد ضحك بستهزاء: مزيان عتاني بيها حيت من بعد هد فترة استراحة غادي تشوف الجحيم...
رجع تكا فوق السرسر : سلوى حيدي الفاصمة على وجهي
سلوى تنهدات و قربات ليه خدات مقص صغير و بدات تتقطع الفاصمة حتى حيداتها ليه من على وجهو .
وهو مغمض عيينيه: سلوى
سلوى شافت فيه وشهقاات: خويا راه متقدرش تفرق بيناتكم والله نت نسخة طبق الاصل عليه صرحة كانت فكرة ذكية منك
معاد ناض و مشا لحمام وقف قبالت المراية وشاف فوجهو بتاسم بشر بدا كيقيص وجهو: هدشي لي كنت بااغي هدشي
معاد متقدروش مزال تفرقو بينو و بين ذياب حيت فش خرجاتو سلوى من الديبو لي تحرق كان وجهو تشوه و فش تعافا و بغاو يديرو ليه العملية طلب من ختو دير ليه نفس وجه ذيااب
معاد رجع شاف فيها
معاد رجع شاف فيها وبتاسم: فش قريتك الطب مكنتش غالط مزيان
سلوى:فضلك علي كثير
معاد:نتي ختي صغيرة وهدشي عادي اسلوى عمر واجباتي تجاهك كانت فضل
سلوى بتاسمات وعنقااتو...
#نيويورك
دخلات صفاء شافتها طايحة على الارض مشات تتجري عندها: مالكي غزل غزل
غزل طلعات راسها وشافت فيها:هو عرررف كوولشي اخالتي مروان ضااع من بين يديناا اخالتي
صفاء ولات صفراا و جميع الالوان دازو فوجهاا..
كهدا كتعرفو ان مول النية كيغلب فقط دير نيتك و بات مع الحية و هكاا كارينا ربحات و صفاء بلاصت ما ترحب بولدها و اختياارو هي حاولات تفرقو على البنت لي كيبغي ..🌸
مروان كان غادي لمطار قطع لباكستان حتى دور ليه ذياب و قال ليه بلي كارينا عندهم ماشي فباكستاان
تعصب كثر وكثر حيت كان غير غادي يضيع الوقت و ميلقاهاش..
قطع و خدا تيكيت المغرب ثاني...
#المغرب
كان متكي فوق سرير و هي ناعسة جنبو وكيلعب بخصلات شعرها و مرة مرة كتعلا وتبوسو فحنكو وطبعا كيغفلها ويخطف منها شي بيسات ليبيتيز وداكشي خخخخخ ارنابات و داكشي ..
ذياب: عرفتي فش اول شفتك
شامة هزات راسها وشافت فيه:اه مالي كي جيتك
ذياب: جيتيني بنت مشعككة و خيبوعة
شامة دلات قنوفتها التحتانية بغنجرة زعما تقلقت :كداب اصلا داك نهار قاديت راسي بحالا عندي عيد و زيد بعدا انا زوينة و شعري ممشعككش رطب يلاااه
خخخخخخخ تفرشخ عليها ذياب بضحك هو بلعاني كيفقصها عارفها مع فترة الحمل تتصرف هكا و تقلق دغياا و لكن تغوبيشتها تتجيب ليه ضحكة
حط يدو على كريشتها و بدا كيدوزها بشوية بحالا كيدير ليها مساااج وحتى هي ستحلاتها خخخ كترتاح فش كيدير ليها هكا
ذياب جبد بواطة من جنب الابجورة و مدها ليها شداتها و ستغربات حلاتها لقاتهم سوارت 🔑
شامة: ديالاش هد سوارت ؟
ذياب: سوارت ديال داركم
شامة بتاسمات:واش داري انا وماما ياك؟
ذياب:اه شريتها من لي شراها و دابا ديالك و بسميتك و ليوم علمتهم يديرو تصليحات
شامة وقفات وتلاحت عليه تتعنقو وصدرها فايض فوق صدرو خصوصا دابا المحلبات عامرات بالحليب خخخ
ذياب سد عويناتو بشوية:متبقايش تنقزي هكا راعي لبيبي لي فكرشك
شامة غوبشات ورجعات كضحك: ولدنا مغادي توقع ليه والو واصلا راه قوي بحال باباه مممم (تحنات تتبوسو بشوية) توحشتك
ذياب: توحشتيني راه خرجت ساعة و رجعت ومن صباح وانا معاك
شامة حيدات تيشورط و بقات
بسوتيانات و شورط ديال تيشورط : مكيهمش مهم كنتوحشك وصاافي
ذياب عارفها ماشي لخاطرها الحمل هو سبب ولكن تا هو هدشي عاجبو مكرهاش تبقا هكا ديما خخخخ شكون كره الرطوبية
بتاسم و جرها و خشاها تحتو و هو فوقها هبط بكامل جسمو كيلعب ليها فودنيها بلسانو و هي كتضحك جاب ليها الهرة بدات كضحك و تاخد الوسادات و ضربو بيهم و ريش طااير خخخ
دازت من جنب بيتهم وبانو ليها بتاسمات حيت على الاقل صحبتها فرحانة 🌸
على الاقل صحبتها فرحانة 🌸
توحشاتو بزااف طاحت دمعة من عينيها : زعما انا وجهي ديال التعاسة تفو علياا تفووو تستاهلي اكارينا تستااهلي هئ هئ 😢💔..
بقات تتشهق و تبكي دخلات لبيتها وشافت من شرفة البيت بقات كتشوف فالسمااء كيف زرقة وصاافية جاب ليها الله غير موسم الفريز خخخخ
رجعات تكات ثاني و هي تتفكرو وكيفاش شافتو معاها كانت غبية بزااف فش طلقات اللعب وخلاتو على راحتو بقات تتفكر حتى داتها عينيها و نعساات
مر الوقت و وصل الليل🌚
عمرات الطابلة بالماكلا بجميع الانواع واشهى الاطبااق
شامة وذياب فجيهة و شادة يدو بيدها و مرة مرة كتحرها فوق مولا سلطان حتى كتهيجو و تبدا ضحك خخخخ لالالا السيدة شداتها الدودة خخخخ
بينما كارينا طايحة فطبصيلها تتاكل بيديها ورجليها شافت جنبها بان ليها طبسيل خاوي هزات راسها وشافت فشامة: شامة ديالمن هد تبصيل
شامة: ااا هداك هداك ديال ديال مم(بدات تتلعثم و تخربق فالهدرة )حتى قاطعها ذيااب
ذياب:ديال واحد ضيف جاي عندنا اليوم
كارينا شافت فيه بستغراب : ضيف شكون هد ضيف؟
ذياب يلاه بغا يدوي سمعو صوت جرس الباب : هذا هو ضيف يمكن وصل
شافو الخدامة مشات تحل الباب
وكارينا كتشوف بعويناتها شكون هد ضيف خخخخخ حتى تتصدم بكحل العفطة لي هربات منو تابعها تا هنا جاي بلا باليزة بلا شانطة جاي بيديه طوال خخخ
شاد فيدو باسبور ديالو و يد الخرا بوكي ديال الورد و علبة شكلاط...
كارينا غوبشات و گلسات تتاكل وتشوف فشامة عرفاتها هي مولات الفعلة وباينة دياب لي علمو خخخخ
سلم عليهم و جا تا لعندها يلاه بغا يتحنى يبوسها هربات منو: بعد مني لهيه ياكما تغالط ليك مع غزل
مروان تنهد وهمس بشوية : اللهما طولك ياااروح
كارينا:شتو شتو راه باينة سبني فخاطرو هئ هئ حقير لاش تابعني
مروان صغر عويناتو:والله مسبيتك قسما بالله غير قلت اللهما طولك يا روح علاش غادي نسبك الله يهديك
كارينا:متيقتكش
مروان حط بوكي د الفلوغ و شكلاط و جبد طبسيلو : كبي لي اختي شامة من ديك الشربة لي حداك نجيو نتصالحو مع بنادم ينفخ علي ريشو خليك ليهلا يتصالح معاك ناكل بعدا من زك الصباح مكلينا
شامة وذياب الدموع كيهبو ليهم من قوة الضحك اما كارينا بقات مخنزرة فيه :كول شكون شدك مضروب على كرشك تفو عليك حقير وقليل ذوق تفو تفو
مروان:خليك عايري تماك لمكنتيش اتاكلي داك روز و الايس كريم عطيهم لي ونوضي نعسي و كملي السبان فنعاسك
كارينا عاد مزادت تعصبات :والله ضد فيك غادي نبقا ناكل تا غذا يلاه و موت بسم
بقات تتاكل و هو حاضيها بتاسم عارفها هبيلة ومقطعة الوراق خخخخ
خدا الشربة وبدا كيشربها و كياكل الروز مع لصوص
كارينا كلات الايس كريم وشافت فشكلاط لي حاطو جنب بوكي فلوغ ريوگها سالو شافتو ملهي مع الشربة و شامة وذياب حتى هوما ملهيين مع بعضهم
مدات يدها بشوية يلاه بغات تهز الباكية د الشكلاط وهو يضرب ليها يدها وهرباتها لعندها
مروان:نونونو ماشيغي شكلاط شكون جابو؟؟ ممم اناااا اذن الغزالا ماليكش شكلاط محدك مباغاش تصالحي معايا
كارينا غوبشات فيه و ناضت طالعة لبيتها وتتلعنو فخاطرها خخخ...
ذياب ناض و شد شامة من خصرها طالعين لبيتهم
شافهم مروان وغوبش: اييييه مسكين شي يخشي فالغار يدفى و شي يشد فيه و ينعس اييييه يااا دنيا
ذياب:هههه نوض صالح مراتك اعاديم الاحاسيس و ذوق(كيقلد كارنيا كيف قالتها خخخخخ)
شامة ضرباتو على كتفو: تف تف تف ماابتستحو يااا جماعة
ذياب:هااوحدة ثانية عندي يلاه غنهرب بمراتي تصبح على خير
خشا يد تحت فخاضها ويد على خصرها و هزها و هي محاوطة عنقو خخخ
طالعين مع دروج
مروان شافهم و رجع خدا ديك باكية الشكلاط: والله يا مك تا ناكلك فوق طوطو د كارينا هانا فين قلتها وغادي نديرها
ناض و خدا ديك الباكية د شكلا خخخخ مروان ناوي على خزيت..
طلع مع الدروج و مشا البيت لي مقابلة مع بيتها
اما هي بقات حاضية من فتحة الساروت شكون داز و شكون طلع خخخ حتى بان ليها كيفتح الغرفة لي مقابلة معاها وقفات تتنقزوتشطح وتراكي خخخخ رجعات طل عليه لقاتو حتى هو كيشطح ويراكي بقات كضحك عليه ودوك الحركات لي كيدير جاب ليها الموت ديال الضحك بقات تتضحك تا دفعات الباب
بقات تتضحك تا دفعات الباب و خرجات عندو
مروان قاد السروال وقاميجتو وشاف فيها: حم حم حم مممالكي شنو كتجسي علي ؟
كارينا: ههه منيتكككككك لا غير كنت دايزة و تعكلت و دخلت فالباب صافي
مروان:اوك بونوي
كارينا:بونوي
مروان واقف كيشوف فيها دخل وهي واقفة كتشوف فيه يدخل
مروان بدا يدير ليها براسو دخلي و هي الاخيرة تدير ليه براسها دخل خخخ : دخل نت
مروان: لا دخلي نتي اللولة
كارينا: لا نت اللول
مروان: شبان ليك ندخلو فدقة
كارينا:واخا نحسب حد 3 و ندخلو
مروان:صافي مشات
دخلو وحسبو حد 3 وسدو البيبان
خخخخخخ دخل مروان وطاح كيضحك و حتى هي
ناضت دخلات لدوش و طلقات رشاشة كدوش و الماء سخون هابط مع لحمها خدات باندوش ديال فريز دارتو لحمها حتى ولات ريحتها كاملا فريز
خرجات لبسات كسيوا سميطات قصيرة و بينوار ديالها بحال سوميج دو نوي غير هو ممشبكش هبطات مع دروج ومشات لكوزينة و خدات كاس ديال العصير و طريف ديال الكيك بشكلاط و گلسات كتاكل حتى حسات بيديها محاوطينها
گلسات كتاكل حتى حسات بيديها محاوطينها
ضارت لقاتوو خاشي راسو فعنقها مقدراتش تقوليه بعد علي هي براسها باغاه بقات شادة ديك الفخوشيت فيدها و تترعد و مسمتعة بهمسااتو و طريقة قبلاتو لعنقها وكيفاش كيبوسها و كيلحس ليها عنقها وشفايفها و هابط مع عنقها وحاط يدو على صدرها كيقيسو بحنية وطريقة تتخليه تزيد تبغيه بلا متحس حيد ليها فخوشيت من يها و هزها خفيفة بحال ريشة و طالع بيها فدروج وصلو لبيتهم و حلها برجليه ودخلها حطها فوق سرير و بدا كيحيد قاميجتو و حل ليها بينوارها
يلاه بغا ينصل ليها حوايجها وهي توقفو: بلاتي امروان
مروان مستغرب : شنو حبيبة
وقفات و سدات بينوارها : خرج
مروان:شنووو حتى سخن الموطور الموصيباا
كارينا ربعات يديها: واخا حتى يديماري الموطور ماشي غير يسخن يلاه طرطق خرج خرج مروان😑: هاهوا خارج
كارينا ربعات يدها وهي كتشوفو كيطلع شورط خخخخ ناض خرج و ردخ الباب
كارينا:ردخو راك نتي لي شاري الفيلا
مروان: صاحبي شاريها ماشي صاحبتك
كارينا:صاحبي مراتو
مروان: وحتى انا صاحبو يعني صاحب راجل صحبتك و واقيلا ماشي شغلك
ردخ الباب ثاني و عاود ردخو: يلاه موتي بسم
سدات الباب ورجعات نعسات خخخخ
نعسات وبدات كدوز يديها على كرشها وصدرها.
ياااجدعات كارينا ليوم تكفت خخخخ حتى هي سخناات
اما مروان مشا يضرب خماسية فدوش
خرج و هو لبس بينوارو و تخشا ينعس : وهانت اسي مروان تزوجي و مزال تتكفت
شداتو ضحكة و نعس
💕طابت ليلتهم 💕...
على رصيف الانتظار، جالس رجل عجوز يهمس للعابرين ،حذاري ان تخونو من تحبون من اعماق قلوبكم 💕🌸...
فالحب كلمات و ليس حرفان دعونا من مشاعر المراهقين و انظرو الى حب الشيوخ و الكبار حب ازلي و حب شامل و صدق و ثقة 💕...
💕اصبحنا و اصبح الملك لله
فاقت وشافتو خرج و خلا ليها رسالة بلي غادي يتعطل شوية
بتاسمات وناضت دوشات و قدات راسها شافت الجو زوين اليوم تفطر فالجردة لبساات وخرجات تلاقات مع كارينا خارجة من بيتها
شامة: صباحو حبيبة
كارينا: صباح نور شامووتي
مروان: صباح نور البنات
شامة: صباح نور مروان
مروان شاف فكارينا وهي تخرج ليه لسانها خخخخ وهبطات خلاتو واقف
هبطو لجردة و گلسو كيفطرو
مروان : ختي شامة عطيني داك الجبن لي جنبك
يلاه بغات تهزو و هي تهزو كارينا: لي بغا جبن يشريه
مروان: الخرا لا؟
كارينا:لخرا طليه على لخنفرة و تعاوديه من جيهة الخرا
مروان: قودي لا؟
كارينا:قولها لختك مع خويا
مروان:انكن صواحب يوسف !
كارينا: فمن رماه في الجب ؟! نحن ام انتم؟!
مروان: انا حمار لي گالس معاك
كارينا خدات كاس القهوى و شربات بشوية: خخخخ اذا اعطيت قيمة كبيرة للحمار حسب نفسه حصان عربي اصيل😉
مروان: ها الحمار نايض
ناض مروان و كارينا بقات تتاكل
شامة تكرشخااات بضحك هخخخخخ
شامة:نااري ياختي حمار گاااع
كارينا:وريه وريه الحبيبة والا عمى يهبط لك سروال وطبونك يكويه
شامة وقفات : طبوني يكويه اراجلي خخخخخخ
ناضت و خلاتها كضحك 😂😂😂😂
لالالا كارينا هرباتو لي الخوت
طلع مروان شوية بدا كيضحك هبيلة و قالو ليها تزوجي هي هادي
طلع لبيتو و بقا كيطل من طراس وهي تبان ليه كارينا بدات تنصل حوايجها وليبوديگار حالين فيها فمهم و ريوگهم سايلة خخخخ
و كارينا بقات بدوبيااس كتعوم
مروان هبط طاير
حتى وقف عند راسها:طلعي
كارينا:مطالعاش
مروان:طلعي گلت ليك
كارينا:گلت ليك مطالعاش
مروان: واخا
حيد تيشورط و نقز
خخخخخخ هزها وهي كتفرتك من بين يديه حتى طلعو و لاح عليها الفوطة
كارينا:حقير علاش مخليتينش نعوم
مروان : على زين لباسك
كارينا (بدلع): كي جاك لباسي محترم
مروان:ههههههأميرة بحجابي و أنيقة بجلبابي و مستورة بخماري شخصيا كدوي
مروان: هههههه أميرة بحجابي و انيقة بجلبابي و مستورة بخماري شخصيا كدوي ياكي
كاربنا: اه كيجيتك
مروان تحنى هزها: نتي ممعاكش الهدرة حتى نطلعو و نتفاهمو
هزها وحطها على دراعو غادي بيها حتى وصلها لبيتهم حطها و گلس مقابل ليها : شوفي انا بصح غلط فش مفهمتش اللعبة من الاول و كنت غبي و ....(قاطعاتو كارينا): كيفاش اللعبة من الاول شرح لي مفهمتش اشمن لعبة
مروان: ماما بغيت نقول دار لعبة مع غزل بنت خالتي باش تقدر تبعدني عليك و نتفارقو تيقيني بلي والله مكانت فنيتي انني نغدرك او انني نسمح فيك داك ليلة كنت سكران وماشي فوعيي ومعرفتش شنو وقع اخر حاجة عقلت عليها انني نعست و صافي وخليت غزل مزال معايا فبيت و شي حاجة خرا موقعاتش
كارينا: وماماك
مروان تنهد: ماما معرفتش باش نبرر تصرفها حيت انا براسي معجبنيش و عمرو يعجبني تصرفها حيت حاولات تفرقني عليك و تشتت شملنا وضمر علاقتي معاك معرفتش شنو سبب و معرفتش باش نبرر و نخليها بريءة فنظرك صدقيني انا براسي كنحاول منبقاش نتفكر داك الموضوع بالاضافة معرفتش كنفكر نستقرو هنا و نبعدو عليهم باش نبقاو مرتاحين فحياتنا شبان ليك ؟
كارينا حطات راسها على صدرو : سمح لي حيت شكيت فيك ولكن ديك عود ند غا بلاتي عليها والله تا ...(يلاه بغات دوي و هو يوقفها بقبلة )
كارينا و هي تتبعد عليه:توحشتك والله واخا هربت منك ولكن كنتي فقلبي و عمر غادي نقدر نسااك
مروان بتاسم و جرها خشاها فصدرو وحط راسها على قلبو
#عند_شامة
كانت ناعسة على ظهرها و شادة لابتوب فيدها تتفرج فدراري صغار خخخخ و كتخيل راسها وولدها بين يديها
حتى سمعات تيليفون عرفاتو ذياب :الو حياتي تعطلتي
ذياب:حبيبة سمحي لي عندي اجتماع ليوم مع الوفد الايطالي غير تعشااي و نعسي وردي البال لولدنا انا غادي نتعطل واخاا
شامة:ممم واخا احياتي اوغوفواغ
ذياب: بلاتي والبوسة ديالي ؟
شامة بتاسمات و حشمات و حنيكاتها توردو خخخخ: موووااححححح
ذياب:كنبغيك
شامة:حتى انا
قطعات وبقات تتفرج...
#التحت حلات ليه الباب الخلفي ديال الفيلا و كلها تترعد : معاد علاش جيتي عرفتي الا شافك شي واحد موووصيبة
معاد دفعها و دخل: حيدي من طريقي جيت نشوف ولدي و مراتي
سلوى:كيفاش مراتك وولدك واش هبلتي
معاد : بغيت نقول مرات ذياب وولدو خخخخخخ
ضرب فيها وطلع بسرعة
شامة كانت نااعسة حتى تتحس بيدين حرشين فوق كريشتها و تيبركو حتى ضروها
حلات عويناتها بان ليها قدامها: ذياب
بتاسم بشر و طلع يدو مع كرشها لصدرها:حبيبة توحشتك
شامة نااضت و شافت فيه: ياك قلتي لي غادي تعطل ليوم بليل
حط يدو على فخاضها : على قبلك غادي نخلي اي حاجة و نجي عندك
شامة بتاسمات ليه و جراتو من يدو : اجي معايا نوريك محدك جيتي بكري
ناضت و جراتو من يدو و هو تابعها مفاهم والو دخلو لبيت ولدهم لي قادو دياب و وراتو صوة ليهم بجوج (فالمطعم لبقيتو عقلتو فش تصورو) : كي جاتك
ورك على يدو حتى عروقو برزو: زوينة يلاه نعسو
شامة شافت فيه ببرودة: واش معجباتكش
خلاها بلاكة و مشاا ..
شامة : مالو ثاني اووف معمرو غادي يتبدل ياربي سلامة
خرجات ودخلات لقاتو نعس على سرير و عطاها بظهر تنهدات و مشات تحل الباب ديال البالكون حتى تتسمع صوتو لي زعزعها:فين غادة
شامة ضارت وشافت فيه: بغيت يضربني شوية ديال البرد
خرجات يلاه وقفات كتستنشق الهواء حتى تتحس بيه موراها حاط يدو على كتفها: تقلقتي مني سمحي لي
شامة بتاسم و تكات على صدرو وحطات يدو على كرشها: تيقني مستعدة نتحم مزاجك المتقلب غير كون ديما فجنبي وصاافي
حط يدو على كرشهاا و يد على خسرها🖤...
وتنهد حس بيها عياات ووبغات تنعس هزها وحطها فسرير و بقا كيشوف فيها: معاد عمرو نسا الماضي اشامة كنت باغي نساه معاك ولكن فش طلعتي مرات العدو ديالي و حاملة بولدو
تنهد ورجع تكا على الكرسي كيسترجع الذكرياات وفاش شراها و كيفاش كانت خايفة
و كترعد..و فش داها لدارو ..
رجع خرج فش سمع صوت سلوى
معاد:شنو كاين
سلوى: ذياب جاا خرج يلاه
معاد: مممم النسخة الاصلية جاات مزيان
رجع شاف فيها كيف نااعسة و غاارقة فنومهاا ..
ذياب طلع مع دروج بالخف
مشا نيشاان لبيتها حل الباب و لقاها ناعسة دخل و حيد الفيستاا ديالوو وبدل حوايجو باسها و رجع خرج
مشا المكتب ديالو و دوز ابيل لمروان خخخخ لي كان فبيتو عايش الحب مع كارينا لي خيرا تصالحو سيد تيحبها
مروان كان مضوخ بنعاس شاف المتصل ذياب : الو زامل ياكما غالط فالنمرة راني غير حداك
ذياب:عارف يا ابو الزوامل هبط لمكتب عندي ضروري سمعتي؟
مروان: اوك .
قطع عليه و هبط عندو
حل الباب و دخل وسدو موراه ...
خرج من الفيلا وركب فلوطو ديالو هبط المراية ديال سيارتو وشاف فوجهو : هذ الوجه غادي نقدر نأدي بيه ذياب كثر ما كيتصور و هد الوجه غادي يكون سلاحي القوي ضدو ولي غيشتت ليك ديك الامبراطوية لي فرحان بيها و غادي نضمر ليك عائلتك كي ضمرتي عائلتي (بتاسم بشر وهو كيدوز يدو على لحيتو )
💕اصبح الصباح
فاقت شامة على مذاعبات ذياب خخخخ
شامة : مممم ما سر وراء هد حنان
ذياب: من حقي ندلل مراتي و ولدي اولا لا؟
شامة: اه من حقك ولكن حتى لبارح معجبكش الحال فش شفتي تصويرة مفهمتش علاش 😑
ذياب: عندي ليك مفاجأة
شامة ناضت تتنقز : بصح شناهية ؟
ذياب:اجي
شد ليها يدها وخرجها مشاو لجريدة ديال الفيلا كانت خيمة صغيرة خخخخ على شكل قلعات الاميرات وباردة من داخل حيت فيها الكليمات من داخل
و سرير مطاط و لبيسين قبالتهم
شافتو وهي تبدا تغوت عجبها بزااف 😍💕
شوية خرج من جيبو بواطة فيها خاتم و عقد و حلاقات دياالو كلهم على شكل نصف قمر و نصف شمس (🌗) ووسطهم نجمة
ذياب:فهمتي معنى هد سنسلة؟
شامة: مممم زوينة ديكور زوين
ذياب: هد القمر نتي و شمس انا و النجمة صغيرة لي وسطهم ولدنا لي جااي حنى بحال هكا ملتاحمين فيما بيناتنا
شامة بتاسمات و عنقاتو فرحاتها هد الهدية
شوية سمعات صوتهم موراهم : اوى الالة شامة الله يبارك فعمرك راك بدلتي لينا سيد فورماتيتيه منوضني مع نصاصات ليل باش فش نفيق نمشي نقلب على الخيمة و نفيقو صاايغ من نعاس يقاد ليك الطقم
شامة حشمات: الله يخليه لي
عنقاتو و حط يدو على طرمتها المبجلة خخخخ
كارينا:جاااك كيوووت بب (ضربات مروان) تعلم رومانسية من صاحبك قليل دوق 😑
مروان:هااااه صاحبي كيدلل مراتو حيت حاملة 😑اما نتي باش حاملة ؟
كارينا: داكشي ديال الله اصلا يلاه تزوجنا.
مروان عنقها : على خاطرك احبيبة
كارينا بتاسمات و بصح نيت حتى هي علاش متحملش وتفرح راجلها
دوزو نهارهم كاامل على الضحك و نشاط و تغداو فالجريدة كلاو حتى شبعو و العومان و شامة هي و دياب مكاين الله يعطيك صحيحتك لبيتيز اشكال و انواع تحت الماء خخخخ
خرجو من الماء و طلعو الفيلا شامة عيااات نعسان فالبلاصة اما ذياب خرج مشا لمكتب ديالو بقا كيخربق فالبيسي ديالو شوية ضور ثاني لمروان : طلع عندي
طلع مروان و لقاه خاشي وجهو فالبيسي
مروان: امضرا عرفتي شكون مول الفعلة؟؟
ذياب: كاين احتمال واحد ولكن متتأكدش منو
مروان: هدشي خطير حيت باين فالكميرات بلي نسخة عليك حتى البنية الجسدية خادمها مزيان طبق الاصل عليك زيد عليها كون مشفتيهش البارح من الكاميرات كان ممكن يأدينا و يأدي شامة
ذياب رد راسو للخلف كيفكر فهادشي شكون يقدر يكون مصطفى ؟ مستحيل حيت بنفسو تأكد بلي مبقاش رجع دخل للمغرب ، سعيد؟ لا حيت عثرو عليه مقتول بطريقة وحشية
معاد تحرق ..! وقف عند هد نقطة معااد تحرق ولكن ممتأكدش بلي مات
رجع خدم الفيديوات وجهد الصوت ولكن صوت مخرشش مخدامش
ذياب: مروان شوف لي هد الفيديوات واش تقدري تقاد صوت
مروان:غادي نسيفطهم للمختبر فأمريكا غادي يصلحوهم و نشوفو شكون
ذياب هز راسو بواخا وعطاه بظهر كيتفكر ليلة البارح
⏳ذياب فش قال لشامة غيتعطل و خاصها تاكل وتنعس
بغا يشوفها من الكاميرات و هو يبان ليه معاد كيف طلع مع دروج و كي دخل عند شامة ولكن فش خرج مقدرش يشوف شكون معاه مع الضلام ...طبعا ذياب معارفش بلي معاد
كان فبيت مضلمة و قدامو صورهم ذياب وشامة و خصوصا ذياب داير عليه دائرة حمراء
شد سهم و شير عليه : غادي دوز الليام اسي ذياب و مغاديش تعرفني حتى لحظة الحاسمة و غادي نخليك دوق العداب على فراق ولدك و مراتك عقل على هدرتي اسي ذياب عقل ماشي سباايدر لي كيقول شي حاجة و مكينفدهاش سبايدر كيدير لي كيقول (شير بالسهم على ذياب) ولي مكيقولش ههههههههههه (ضحك بشر)
ورجع تكا على الاريكة و بقا حاضي صورتها (صورة نهاد)
للحظة تخيلها شامة فاش كانت ناعسة وقف و مشا لنافدة كيطل
الغرفة كانت سوداء و مغطي جميع المرايات لي فالفيلا باش ميشوفش فوجهو لي كيشمأز منو حيت كيفكرو فالعدو اللدود ديالو 💔 ديااب...
تكا على الحيط : غادي نسرق منك حياتك و حياة ناس لي غاليين عليك اذياب غير تسناا
معاد بش ياخد شكل ديال ذياب ماشي غير نسخ وجهو لا بالعكس نسخ حتى البنية الجسدية ديالو هدشي مكانش صعيب عليه بالنسبة لمعاد كان جسدو قريب لبنية الجسدية ديال ذياب
شيء لي سهل عليك مراحل عدة..
🌗مرة الليل ووصل الصباح🌗
عندما لا تجد يدا تمسك بها عند سقوطك...إمسك بيدك الاخرى و انهض ...كفاك شكوى!!...
اعتمد على نفسك و اهزمك اعدائك و اقهرهم بالبتسامة النصر 💕..
بعد مرور 7 اشهر
طول هد شهور معاد كان كيف العنكوبت لي مخبي في الشبكة ديالو 🕸🕷
فاقت و شافتو جنبها متكي و كيلعب بصبو فوق كرشها المنفوخة
شامة: بقا ليه شهر يجي
ذياب: كنتسنااه بفارغ الصبر
شامة حطات يدها فوق كرشها: بغيتو يكون كيشبه ليك
ذياب: ههه متخافيش غادي يطلع لي ونتي طول فترة الوحم تتبقا مخشيا فياا
شامة حبات لور شوية وشافت فيه: وعلا من غتوحم الا متوحمتش عليك 😍💕
ذياب: كنبغيك
شامة: حتى انا مور منولد غادي نرجع للكلية ياك؟
ذياب: اه ضروري واعدتك
شامة: كارينا مجاتش
ذياب سمع الخدامة كدق جابت ليها الفطور ناض و خدا البلاطو ورجع دخل لعندها مد ليها البلاطو و بدا كيخشي ليها فالفمها: كارينا قال لي مروان مشغولة مع حصص اليوغا للبيبي ديالها
شامة : هههه ويييه انا گاع مستعملت دوك الحصص مملين
ذياب : اوى هي تتلقا فيهم راحتها
شامة:توحشت هبالها من نهار تحولو من عندنا حسيت بالفيلا فقدات روحها ولا لا؟
ذياب: ضحوكيين ولكن متخافيش راه غير دابا مروان مخربق مع شي خدمة و حتى مع كارينا و الحمل داكشي علاش احبيبة
شامة : واخا تعاوني نتمشاا شوية
ذياب: اجي
وقفات و يد شاد بيها يدها و يد مور خصرها
خرجو كيضورو فالجردة بما ان المشي مفيد ليها وللجنين
فبلاصة خرا
كانت يلاه داخلا من صالة الرياضة و كلها عرقانة كريشتها باينة شوية وصاك الرياضة على ضهرها داخلا تتعيط الخدامة لي جات تتجري مدات ليها القرعة ديال العصير ديالها: تفضلي امدام
شدات القرعة وبدات تتشرب : شكرا احبيبة
خداتها وگلسات تتشرب و ترد انفاسها : اووووف الصالة كانت عامرة و بنتي عياات مسكينة (حطات يديداتها على كريشتها )
كارينا فشهرها الثاني قبل بشهرين عرفات راسهاا حاملة فرحات فوق القياص اما مروان خلااص غادي يطير سيد 💕
وعلاش لا و مراتو حاملة بثمرة حبهم ...
هزات راسها و شافتو دخل
كارينا: مروان على سلامتك
مروان : الله يسلمك اوووف عييت اخيرا عرفنا شكون مور هدشي
كارينا تقادات فالگلسة : اوووف اخيرا عرفتي مبقيتش قادة نمشي عند شامة ديما كنتحجج ليها بشي حاجة ولا كنكدب عليها غير منمشيش عندها كنخاف منتحكمش فراسي ونقول ليها حياتك نتي و البيبي ديالك فخطر 💔
صرحة الكبدة صعيبة دابا حسيت بيها (حطات يدها على كرشها) الولاد بحال القلب ديالنا الا وقع ليه شي حاجة كنموتو فداخل ديالنا
مروان: بصح ذياب طول هد شهور مقدرش يغمض ليه جفن قبل ميلقا هد ولد الحرام لي كيهدد ليه حياتو وحياة ولدو ومراتو
كارينا:اه مسكين شفتو فاش جا داك نهار
تنهدات كارينا بحسرة شوية قوساات حجبانها : اجي نت لبارح شتك ساليتي الغراض و قلبتي وجهك لجيهة الاخرى
مروان ناض و شاف فيها : اه سمحي لي كان خاصني نوقف نعطيك التحية و نبقى نطلع ونزل ونقول الله يبارك فطبون لالة مراتي برعاتني الله يطول ف عمر لالة على هد الحوية الغزالة و يبقى نرشك بالماء ورد
كارينا: ياك واخا عنداك تجي ثاني
قوسات جبناها و عاطاتو بظهر خخخخخخ
ناض و طلع مع دروج كتعصبو وهو مسكين واحد غير مع هد سبايدر لي داير ليه القوق و ذياب من جيهة
شامة كانت گالسة مع ذياب فالجريدة و تتشوف فيه كيف مهموم هي عارفاه مخبي عليها ولكن متقدرش ضغط عليه باش يقول ليها
شامة: ذياب نعاود ليك واحد البلان كان وقع لي فش كنت فالباك
ذياب شاف فيها و باسها:عاودي
شامة : هخخخخخ مهم مضحكش واحد المرا كانت خدامة عندها ماما سافرات لروسيا و فش كانت ماما كدوي معاها كدوزها لي وكنت عزيزة عليها فيما نهدرو معاها تتقول لي
ابنتي حبيبتي غنجيب ليك واحد الكسيواا من زارا بطالونها..
فش جات و بقينا نتعشاو معاهم
فرحت و سلمت على غير العادة تعشيت وبقيت متربصة تبان الكسيواا ...حق ربي لا ملي لبستو ضحكة صافي .كبر مني و كسيوا صفرة و صباط كي ديال علال القادوس جيت بحال شي حمقة موضرة فالشماعلية
المشكل ماشي هنا ...المشكل هو الواليدة لي كتحلف وتعاود انه جاني زوين وانه حنا ولاد اليوم مكنعرفوش . ومن نيتها كنقول ليا خبيه تالنهار الكبير و عاد لبسيها 😂😂😂😂😂
ذياب : خخخخخخخخ لالالا بزاف والله
شامة بتاسمات ليه على الاقل ضحك شوية 💕😍..
ومبقاش مغوبش جراتو و حطات راسها على صدرو : حبيبي لي تقالت عليك خفافت علي متنساش الزواج من اسس ديالو الثقة متخبي علي والو قول لي شنو كاين
ذياب بتاسم وباسها: غير رتاحي و ردي البال لولدنا و لراسك مبغبتش يقيسكم حتى مكروه نموت انا وونتوما تبقاو بيخير فقط بغيتك تعتاني بولدنا اشامة (حط يدها على قلبو ) قلبي كان بسميتك و غيبقا بسمك نتي بوحدك نهار تشوفي راسك مطرة تختاري بيني و بين ولدنا ختاري ولدنا واخا؟
شامة سدات ليه فمو: عمرك تقول هكا سمعتي نت و ولدي فكفة وحدة معمري نسمح فيكم بجوجكم عويناتي بجوج لي كنشوف بيهم
ذياب بتاسم و عنقهاا💕
نهار على نهار و ذياب كيزيد يتعلق بيها و يبغيها💕
كان فاغرفة ديالو المعتادة و الضلام ضااير بيه من يوم يومو والضلام رفيقو وصديقو ...
سلوى: معاد فاش كتفكر
معاد: كنفكر ناخد ليه بلاصتو
سلوى:كيفاش اخويا
معاد: نقتل ذياب و ناخد بلاصتو مراتو تولي مراتي وولدو يكون ولدي
سلوى صعرات و مشات عندو : كيفاش تتقول هكا ياك قلتي لي غادي تقتل شامة وولدها
معاد ضار وشاف فيها: نتي عارفة طول هد الاشهر كنحاول نوقع ذياب فالفخاخ ديالي و لكن هو ديما فأخر لحظة كيعتق الموقف انا (ضار و عطاها بظهر) شكيت شي واحد كيتجسس علياا
سلوى: فاش شاك ؟
معاد: معرفتش
سلوى: واش بصح غتبدل الخطة
معاد: اه انا خسرت ولدي و مراتي و غادي يرجعو لي عن طريق شامة وولدها هوما سرقو حياتي وانا غنعيش حياتهم
سلوى تنهدات: واخا اخويا لي بغيتي
معاد: اوك سيري ليوم بليل غادي نسيفط ليك المخطط
سلوى:واخاا
خرجات و هو لبس نفس ملابس ذيااب ومشط شعرو و خرج: ليوم غنشوف مراتي وولدي
وضحك بشر...
شامة كانت ناعسة حتى حساات بوجع خفيف شوية رجع وجع قوي كثر وكثر حتى بدات تتشهق بالبكاء و الغوات:ذيااااااب ذياااااااب
كان هو فالمكتب مع مروان سمع غواتها وطلع كيجري عندها دخل وهو يتصدم من لي قدامو...
يتبع...
