صفحة القصة
وهو يحس بشي حاجة جبدها وبقا كيشوف شنو هدشي
ذياب: مذكرة؟
حلها و هي طيح منها صورة لشامة مع ماماها ستغرب
هو اصلا سكران مواعيش حط المذكرة و هز صورة شافها وبتاسم:كنتي زوينة حتى ونتي برهوشة و مزال برهوشة
تنهد و حط تصويرة ونعس ...
💋اصبحنا واصبح الملك لله 💋
فاق وراسو كيضرو شاف فالسقف وتنهد عرف راسو نعس فبيتها ناض و هي طيح ليه صورة هزها و رجع حطها يلاه بغا يخرج و هو يشوفها رجع هزها و خرج طلع لبيتو حل الباب و دخل لحها فوق سريرو ودخل لدوش وطلق عليه الماء و صورتها وهي معنقها بين عينيه مبغاتش تحيد ليه قلبو كيتحرق فش كيتفركها علاش دارت هكا كان كيفكر يصارحها و ترجع المياة لمجاريها علاش دارت هكا 💔 سؤال كيتكرر فذهنو ..دوش و هو مرفوع خرج لبس حوايجو دوز ابيل :الو وي وجدتو الطيارة اه ساعة نكون فالمطار مزيان..
قطع للاتصال و رجع كيكمل لبيس حوايجو دخل دريسينغ خدا ساعة من نوع روليكس فالاسود لبسها ورش من العطر ديالو خرج و گلس كيقاد صدايف كمامو وهو يشوفو هزو وحلو
بدا كيقرا محدو كيقدر و كتغير تعبير وجهو
قرا كولشي حتى اخر نهار كانت كتبات فيه شامة نهار عتارفات بحبها ليه
سد المذكر و مزال مقادرش يفهم محدها كتبغيه علاش هربات منو و شكون هذاك لي عنقاتو واش هربات معاه بزااف ديال الاسئلة كيضورو فراسو..
رجع گلس و هو شارد
ذياب:غادي لقاك وسعتها غادي نعرف جميع الاجوبة لاسئلتي
وقف و خرج هابط مع دروج حتى كيسمع صوت الغوات
جاي من الجناح الثاني
طلع كيجري شافها خارجة :مالكي مالكي شنو واقع
سلوى:الحاج جاتو جلطة ضاروري نعيطو لطبيب
ذياب : شنوووو كتسناي يلاه سيري
مشات سلوى تتجري
دخل لقا باباه كيتنفس بصعوبة وكيدوي بهمس : ولدي ولدي
شاف فيه ذياب وقرب ليه : نعام ابابا انا معاك
همس ليه : ولدي خاصك تعرف بلي كنتي ديما نور عينيا نت وختك كنت ديما كنبغيكم ولدي ولدي هي هي هيي....ماات
ذياب:باباااااااااا
كان الحاج الله يرحمو لفض انفاسو الاخيرة ومات
ذياب مزال ممستوعبش كيفاش باباه مات الطبيب اكد ليه صحتو مزيانة
ولكن بزاف ديال الاسئلة فراسو
ذياب وقف و مشا كيجري شافها جايا طالعة : مسيو انا عيط ل...قاطعها ذياب : ماات
سلوى:شنوووو
ذياب ضرب فيها وطلع لبيتو حلو وضرب بالباب بجهد طاح الارض
تيغوت بأخرى جهدو هرس كوولشي هز واحد الفاز و ضرب ديك التلفازة حتى تشخشخات كاملة تنفس بعمق و بدا كيغوت و يبكي دياب الراجل الغامض و القاصح رجع طفل صغير كيبكي على موت الاب ديالو لي طول عمرو كان سند وودرع و ملجأ كيتخبى فيه ...
تفكر فصغرو مرة كان طيحو العود و اب ذياب قتل العود شيء لي عصب ذياب ولكن سعتها قال ليه محدي عايش لي أذاك غادي يكون مصيرو بحال هد العود ذياب خدا جبروتو وقوتو و غموضو و اي حاجة فيه من تربية الاب ديالو
سمع صوت لومبيلونس
هبط خاصو يكون واقف على جنازة الاب ديالو طبعا الاخبار نتاشرات بسرعة وحتلات جميع صحف
اب ذياب اغلو ملك شركات تصدير و توريد الازياء توفي اليوم
عنواني لي حتلات اغلب الصحف و القنوات التيليفزوينية
شافو دخل وسد الباب گلس حداه و حط يدو على كتفو: ميبقاش فيك الحال كولنا ليها الموت علينا حق راه غسلوه مع اذان العصر غادي يدفنوه شوف خلا ليك هادي جابها المحامي قبيلات قال لي كان الله يرحمو وصاه مني يموت يجيبها ليك
ذياب: شنو هدشي؟؟
مروان: رسالة ولا وصية معرفتش محليتهاش نت لي خاصك تحلها
ذياب هز راسو بواخا و خداها
حل الضرف و بدا كيقرا
"ولدي ذياب مني غادي تكون كتقرا هد رسالة غادي نكون انا مية و مبقاش لي الوجود ولدي الدنيا بحال شي متاهة حنا ديما تالفين فيها درت بزاف ديال الاخطأ فحياتي اولهم انني قتلت بنتي بيدي واللي كان كيعدبني حياتي كاملة عدم رغبتي بالتنازل على السلطة خلاوني نضحي بالبنتي و نقتلها عمري كنت ولا غادي نكون اب مزيان ولكن نت اولدي غادي تكون اب صالح انا متأكد من هدشي غادي تكون العكس ديالي ولدي عمرك تخلا على الحوايج لي كتبغي على قبل السلطة و المال والجاه
ولدي عمرك تخلي الانسانة لي كتبغي تمشي من بين يديك وعمرك تسمح فالبنت لي بغا قلبك انا عارف غادي يجي نهار لي تنسااه فيه الماضي ديالك و غاتجي هاديك لي تنسيك فيه "
سد الرسالة ورجع شاف فيه : بابا مات ولكن قدم لي خدمة كبيرة بهاد رسالة
حطها وخرج
هزها مروان وبدا كيقراها مينكش حرك فيه شي حاجة
حط الرسالة و خرج شافو مشا معاهم و موكب تابعو مشاو المقبرة و ذياب واقف و الصحافة كتصور دفنوه و بداو كيقراو عليه القرآن..
سلاو و كولشي خرج مشا الا ذياب و مروان بقا كيشوف فقبر باباه حط يدو كيدوزها على ثراب اخر شخص فعائلتو هاهوا كيدفنو اليوم..
دور راسو بانت ليه سيارة من نوع مرسيديس وقفات و هبطات منها امرأة تكون ف خمسينيات لبسة عباية فالاسود و شال فالاسود وكعب ماشي عالي بزاف و ملامحها صارمة شافها ورجع دور راسو
قربات حدا القبر و شافت فيه : الله يرحمو
ذياب مجاوبهاش وقف و تم غادي حتى وقفاتو: مزال مقصح راسك راه كنبقى عمتك وخت باباك انا عارفة بلي درت خطأ فش عاونت خويا و بنتو فالخطة ديالهم ولكن كنتي ديما نت و باباك عزاز علي بصح طمع طاعون و طمع ديالي خلاني ن....
بتاسم بستهزاء ووضار شاف فيها: شكري الله انك عمتي و كنعزك بما ان الواليد منعني المرة الاولى نقتلك فمكاينش لي غادي يمعني دابا خوك دفناه مكاينش دابا لي غادي يوقف فوجهي نصيحة رجعي منين جيتي
لاح ليها هد جوج كلمات و خلاها واقفة طلع فلوطو ديالو و مروان تابعو وخرجو من المقبارة
غير شافتهم مشاو وهي تهبط من سيارة تتمشا بشوية حتى وصلات حداها :مامي مالو مشا معصب اووف شوفي طالوني توسخ اووف شهاد الغيس و الحالة ياربي مامي ذياب مسولش علي مااامي هيههووو
فاقت من شرودها و شافت فيها : علاش هبطي من لوطو
شافت فيها و غوبشات :اووف مامي راه شفتهم مشاو وهبط ونتي بقيتي هنا مفهمتش ياك قلتي لي غادي يتزوج بي وعلاش مشا دابا بلا ميشوفني
حطات يدها على شعرها : متخافيش الحبيبة ديال ماماها ذياب غادي يتزوج بيك طااال زمان ولا قصاار الا متزوجش بيك راه مسميتيش عاالية
مشاو وركبو فلوطو : ديني لدار عائلة اوغلو
شافت فيها و الضحكة واصلة لودنها: يييي مامي فيلا ديال دياب
عالية:اه ابنتي دارك جديدة خويا وبنتو كانو طامعين فالفيلات والشركات ولكن معرفوش يخططو مزيان كان ممكن كولشي يولي ديالهم ههههههههههه ولكن فش دخلوني فالخطة عرفت كيفاش نخليهم يخصرو انا لي فضحتهم و دابا محد خويا العزيز مات و مبقا حتى عائق قدامي ذياب غادي يكون ليك ابنتي الغزالة ههههههههههه
بدات تتصفق بيديها :ييييي دياب ديال سحر و سحر لديااب
عالية:هههه تماما ابنتي
💕فاقت على صوت الضجيج ديال نيويورك
شامة تتكسل و ظهرها كيضرها و تشنج فرقبتها
كارينا: راه ممزيانش ليك تنعسي ونتي حاملة بديك الوضعية
بتاسمات شامة وشافت فيها :مممم من ايمتا وليتي طبيبة ديال النساء
كارينا:هههه قريتها شحال هادي فالانترنيت
شامة : اييي عنقي على كل ليوم غادي نمشي ندير الاجهاض
كارينا : متأكدة
شامة: اه هد الفلوس لي عندي غادي ندير بيهم اجهاض انا لبارح قلبت على شي عيادة ولقيتها قريبة من هنا خديت موعد لبارح بليل ليوم غادي نمشي من دابا سااعة
كارينا: الله يكون فعونك ولكن من الاحسن زعما بغيت نقول ...
شامة: مافياش لي يعاود يجبد ديك الصفحة قديمة و طويتها
كارينا: لي بغيتي
تمشات ودخلات لدوش
خرجات حلات شنطات ديالهم جبدات بودي فالاحمر حيت تحرك البرد شوية و سروال وسبرديلا فالابيض لبساتهم وهزات صاكها حسبات الفلوس و خرجات شافتها حتى هي لبسات : فين غادية ؟
كارينا: اوى الالة ماشي غير نتي لي خديتي موعد ديري الاجهاض البارح تانا قلبت على شي خدمة فشي مطعم وراه لقيت واحد معرفتش واش غادي يقبلوني ولا مهم غادي نمشي نشوف انا و زهري
شامة : انشاء الله غادي تقبلي انا نسالي من هد الموضوع ونشوف شي خدمة يلاه مشينا
كارينا:يلاه احبيبة
خرجو وسدو الباب كارينا مدات لشامة ضوبل ديال سوارت دار فحالة رجعات قبل منها هبطو و تفارقو قدام باب العمارة
شامة مشات لعيادة و كارينا لمطعم
شامة كانت غادة فطريق حتى تتشوف بنت صغيرة فشاريع تتطلب وحالتها حالة حوايجها مقطعين و وجها عامر بالحموم شافت فيها وقلبها ضرها عليها شافت فصاكها متقدرش تعطيها واخا غير دولار هي حاسبا الفلوس على قد كلفة الاجهاض
شافت البنت وقفات تتمشا و هازة طاستها جاها فضول شافت ساعتها مزال الحال على موعد طبيبة تبعاتها شافتها طالعة لشي مستشفى دخلات تابعاها شوية شافتها مشات تتحاول طل على شي واحد من زاجة ولكن مقدراش توصل زاجة بعيدة عليها وهي تتنقز تمشات شامة بشوية و هزاتها شافت إمرأة تكون فالثلاتينات دايرين ليها سيروم و قرعو ليها شافتها البنت وبدات تتبكي و تقيس وجها من زاجة شامة مقدراتش تحمل رغم انها مفاهماش شنو واقع ولكن المشهد جاب ليها البكيااا💔...
هبطاتها و شافت فيها : علاش تتبكي
شامة: غير شي حاجة دخلات لي فعيني
البنت بتاسمات و مسحات ليها وجها: ماما تتقول البنات زوينات مخاصهمش يبكيو
شامة:هههه ماما عندها الحق فيناهي ماماك
اشرات ليها لغرفة لي كانو كيطلو عليها:هاديك لي ناعسة تماك هي ماما
شامة: واش بصح ماماك شنو سميتك ؟
هزات ليها راسها بأه : سميتي لوجين اه ماما
شامة:سميتك زوينة بزااف ماماك مريضة
لوجين:اه مريضة قالو لي عندها سرطان وبلي غادي تبقا هنا
شامة مسحات دموعها:وباباك فيناهوا
هبطات راسها للاسفل: معرفتش ماما تتقول لي مات
شامة هزات ليها راسها و شافت فعويناتها:تتبغي ماماك بزاف.
هزات راسها بأه و تضحك:اه بزاف هادي ماما وانا كل نهار كنجي عندها بلا خبار خالتي وشوفي (كتوريها طاسة لي تتجمع فيها الفلوس) انا كنجمع بزااف ديال الفلوس باش ماما داوا خالتي تتقول بلي هي غادي تجيب الفلوس ولكن رجلها وقتما شاف عندها الفلوس كيضربها و ياخدهم ليها داكشي علاش كنعاون ماما.
شامة بلا متحس بدات تتبكي گلسات فوق الكرسي وبدات تتبكي شافت فيها و عنقاتها
شامة جبدات الفلوس لي كانت غدير بيهم اجهاض و مداتهم ليها :هادو عطيهم لخالتك ووتهلاي فماماك (باستها) ومعمرك تبكي كيف تتقول مامام البنات زوينين مكيبكيوش
لوجين:شكرا
دارت ليها شامة براسها ماشي مشكل وخرجات من مستشفى شافت فسماء و بتاسمات : شكرا اسي ربي شكرا حيت سيفطي لي هد البنت الصغيرة فطريقي كإشارة بلي كنت غندير اكبر خطيئة فحياتي كون طيحتي بنتي و لا ولدي انا درت خطأ و حملت مستحيل نزيد ندير خطأ ثاني و نقتل روح بريئة معندها حتى دخل ..
رجعات تتشما دخلات لعمارة و جبدات سوارت حلات ودخلات شقة
حطات صاكها وخدات باليزتهم كتستف الحوايج فبيتهم قادات كولشي وعاودات مسحات الماعن من الغبرية شافت ثلاجة كتصفر
و ريحت نعمة مكاينة فدار
شافت بصطامها يلاه فيه دولارات قلال ميجيبو ليها حتى ثمن ديال لسوب ..
جاها جوع حاوطات كريشتها بيديها : غير صبر اولدي شوية صبر...
بغات تلف الوقت خدمات تلفازة و متجي غير فقناة ديال الطبخ خخخخ وطباخ تبارك الله عليه غير الشهيوات شامة بقات كتشوف وساارحة فديك الماكلا و كتبلع فريقها مرة مرة و ريوگها سايلين محساتش بالوقت نهائيا و هي حاضية داك بوكريشة لي فتلفازة كيطيب تشوفوه تحلفو عليه الشاف موحا ديال المغرب خخخخ
شافت ساعة تعطلات. وكريشتها تتغني بالجوع ...
فمكان ثاني
وصلو لقدام الفيلا هبطات تتنقز و ماماها تابعاها..يلاه بغاو يدخلو وهوما يوقفهم عبد النور : بلاتي الالة فين مدرمين داخلين
عالية طلعات فيه عينيها و خنزرات:حيد من قدامي اهاد الخدام جيت لدار ولد خويا
عبد النور:شكون هد ولد خوك وواصلا عمري شفتك هنا
عالية : طال زمان حتى ولا الخدام يتراد معايا
يلاه رفعات يدها ضربو و هي تحس بشي واحد شد ليها يدها ضارت و هي تشوفو موراها :طلق يدي
طلق يدها: عمي عبد النور غير سير نت
عبد النور:واخا اولدي
مشا وخنزر فيها: حمدي الله ذياب مشافكش شتي هد سيد لي كنتي غضربيه راه كثر من ربعين سنة وهو خدام هنا معمر شي حد قلل عليه الاحترام
عالية:وانا راه كثر من خمسين سنة و انا عايشة عمر شي حد تجاوب معايا من الخدم
مروان:علاش جيتي راه سمعتي الهدرة ديال دياب
عاليا:غير كان مقلق دابا ندوي معاه غادي يخليني فافيلا ديالو
مروان طلع و هبط فسحر لي حالا فمها فيه : وشكون هادي
عاليا:بنتي
مروان: بيناتكم دخلي
دخل وخلاهم موراه
سحر:ماما شكون هد الوسيم اووف شبان ليك تزوجيني بيه بلاش داك دياب فيه شك بزاف
محسات غير بعالية قرصاتها حتى لحمها زراق :ششششش وليك يابنت الزلط واش انا جبتك طيحي ذياب و لا جبتك تعزلي لي فالرجالة شوفي وليك والله و مطيحيه و تزوجي بيه حتى تنسااي داك تشوبينغ ديالك و دوك زواقات ووسفرات حيت بااك باااح دار فايييط هذا اخر امل لينا سمعتي ولا ديك الرفاهية لي كنا فيه غادي تمشي و نرجعو مزلوطين
سحر :نووووو مامي متقوليش لي منبقاش نديرو شوبينغ و نمشي نسااافر هئ هئ هئ نووو
عاليا:سكتي بركة اوى لبغيتي هدشي خاصك تزوجي بيه
سحر :صافي امامي انا غنخليه يتزوج بي مهم ندير شوبينغ و نسافر
عاليا:يلاه زيدي قدامي خلاص
دخلو غير شافهم ووناض دفع الطابلا اما مروان كان متوقع هد ردة الفعل بقا فبلاصة متكي
ذياب:اش جاية ديري هنا؟
عاليا:ولدي دياب غير غادي نگلسو شي يامات وونمشيو
ذياب:على قلات الاوطيلات شفتوني حال هنا دار الضيافة ولا دار المسنين
عاليا:ولدي راه حالتنا المدية مبقاتش ميسرا بزاف باش نمشي لاوطيل كيف كتعرفك راجلي انا و....
قاطعها ذياب بحدة : واش جيتي نصدق عليك سمحي لي نقوليك وجهك مدايزاش فيه غير تفضلي من دون مطرود
عاليا بدات كدرف دموع تماسيح و مسح جوخ : هئ هئ هئ عفاك اولدي سمح لي ولكن عفاك غير شهر و نمشيو والله شهر واحد ونمشيو
ذياب : شهر 30 يوم 720 ساعة غادي تقودو من هنا
عاليا : اه اولدي
ذياب طلع و خلاهم واقفات شاف فيهم مروان و تبعو طلع شوية جات سلوى توريهم فين ينعسو
فبيتو، دخل وحط شي ملفات متعلقين بشريكو جديد لي حس بيه كيلعب مور ظهرو كيراجعهم بتدقيق
مروان: علاش خليتي هد سوسات هنا
ذياب بقا كيشوف فالملفات : انا عارف علاش بيني و بينها شي حسابات عطيتها فرصة فالمقبارة تمشي و لكن راسها قاصح وانا قصح منها..
مروان: واخا بيناتنا عشرة طويلة مزال مقدرتش نفهمك ووشامة مبقيتيش غادي تمشي لامركيا تقلب عليها
ذياب: شامة (قالها بشوية كيستمتع بنطق اسمها) غادي نجيبها لعندي بطريقتي
مروان:كيفاش
ذياب هز الملفات و خرج :من بعد غادي تفهم
مروان: هاحنا غادي نشوفو ناض خرج ....
#نيويورك ..هزات عويناتها لي كيلمعو فش سمعات صوت الباب تحل
كارينا دخلات وفيديها صااشياات بزاف ديال صااشيات
مشات شامة تتجري عندها:جيتي
كارينا:اه كيبقيتي لباس ياكما كضرك كرشك بسباب الاجهاض
شامة شافت فيها وبتاسمات: مدرتوش
كارينا مصدومة:بصح
جراتها شامة و گلسو مجموعات على طابلة عاودات ليها شامة فش تفارقو و تلاقات بلوجين وباش حسات وقتها
كارينا:والا سولك فين باباه شنو غادي تقولي ليه؟
شامة هزات طاسة من دوك طاسات كان فيها اندومي :مممم ريحتو تتحمق
خدات خشاتو فالفمها وشافت فيها : غادي نقوليه مات
كارينا: احسن حاجة درتي كون قتلتيه غادي غير تندمي خليه ربي بغاه
شامة كتافات تهز راسها بأه
قدات ليها كارنيا الماكلا فوق الطابلا و جابت طباسل تتخوي فيهم و تقاد ليها : عرفتي المحل زوين بزااف تلاقيت مع بزاف ديال الناس من باكستان و افغانستان وحتى الهند سمعت منهم بلي مرة مرة كيجي عندهم شي مشهور شي فنان من الفنانة العالميين كياكلو تماك اووف الخدمة بززاف لحسن حظي كانت وحدة من البنات لي كيغسلو الماعن خرجات و فش مشيت لقيتهم واحلين فالماعن غير دخلتي شاف ديالهم كان ايطير بالفرحة هههه و دخلني نيشان لبسني طابليا و بديت الخدمة و فش كنت غادي نخرج قال لي بلي شاط ليهم الماكلا و عطاني هدشي مسكين و جبتو ليك
شامة گاع متتسمع هدرتها مركزة غير مع الماكلا
شافت فيها كارينا فهمات هدشي بسباب الحمل ديالها..خلاتها تتاكل وناضت دوش تحيد عليها العيا
دوشات وخرجات لقاتها كلات كولشي و تكات تتفرج شافتها شامة و عاااد سرات معاها بلي كلات كولشي : كارينا انا انا سمحي لي والله معرفت كيفاش حتى كليت كولشي
كارينا:ههههه اويلي مالكي خايفة اصلا كليت فالمحل هدشي راه قلت ليك جبتو ليك غير نتي
شامة حشمات من راسها: شكرا ليك احبيبة
تكات كارينا حداها و حطات يدها على كريشاها:شنو غتسميها الا كان ولد
شامة:الا كان ولد نزار كتعجبني هد سمية
كارينا:والا كانت بنت
شامة:ههه على سمية ماما الله يرحمها
كارينا:الله يرحمها..
شامة: يلاه سيري تنعسي غتكوني عيتي بالخدمة
كارينا:ويييه هاني غنمشي نعس شوية غذا خدامة بكري حيت قالو لي عندهم شي حفلة
شامة:حفلة ديالاش
كارينا:يمكن عيد ميلاد ولا خطبة والله معرفت
شامة:غادي يكون گاطو ياكي
كارينا:غالبا
شامة تتمص شفايفها :عفاك الا شاط جيبي لي شوية
كارينا:واخا كوني هانية يلاه تصبحي على خير
ناضت تتكسل اما شامة بقات بلاصت حاطة يدها على كريشتها هزات تيلفون تتقلب على شي خدمة
شامة : مممم مكتبة كتقلب على شي بنت تقابل ليهم بدوام جزئي ولكن الخلاص ماشي شي حاجة هدشي ميكفيش حتى فثمن البيتزا لالالا مصالحاش شنو هدشي باغين مربية تقابل ليهم بنتهم ممم وااو والثمن صرحة هدشي مغري انا ناخد رقمهم
خدات رقم وصونات لصاحب الاعلان ولكن بلا نتيجة حتى حد مكيجااو
بقات تتصوني شحال
شامة شافت فساعة وقت متأخر:يمكن نعسو حتى غذا نعاود نصوني ولا بلاتي كاين العنوان هنا انا غادي نشمي عندهم لدارهم حسن منها نبان ليهم جدية فالخدمة هذا احسن حل..
ضحكات بسعادة و ناضت تنعس ..
#فالمغرب
كان متكي و كاس فيدو و گالس على كرسي داير بحال الارجوحة بقا سااهي فنقطة وحدة و مذكرات بين يديه لحد الان قاريهم كثر من عشرة ديال المرات كيقرا و يعاود يقراهم راسو غادي ينفااجر جغم من كااس ديالو وحطو ناض وقف ودخل يدوش..
حلات الباب بشوية ضارت شافت مها كدير ليها بيديهاا دخلي دخلي هزات راسها بواخا دخلات وسدات الباب شافت راسها فالمراية لي مقابلة معاها
لبساا كسيوا فالاسود مخططا بالابيض ومكيااج ساارخ :احححح ليوم يثقبني هههه (ضحكات بميااعة)
خرج من دوش لاوي الفوطة على نصو و شعرو كيتسقطر بالماء شافها قدامو كيف مكوز وكتقاد عكر تخيلها شامة نهار شافها فالكميرات بتاسم و قرب ليها وحاوط يديه على خصرها خشا وجهو فعنقها بدا كيستنشق عطرها ماشي نفسو عطر ديالها هو عارف ريحتها و حافظها مزيان واخا يكون سكران غادي يميزها من بين الف بنت دفعها حتى كانت غادي تجي على وجها
سحر :هئ هئ هئ بشوية عليك مالك دفعتيني هكاا
ذياب همس بشوية: ماشي نفس ريحتها (دفعها ) نوضي قودي عليا خرجي اخر مرة نشوفك فبيتي ولا قسما بالله لا نتي لديك الباطرونة ديال مك حتى ندوز عليكم كاملات بسيف واحد يلاه قودي خرجي
يلاه بغات تنوض حتى تتحس بيه حل الباب ولاحها وسدو على وجها
ناضت تتمشا و تبكي
حل الباب و هو يغوت :واااععععععع
سحر:هئ هئ هئ مالك تتغوت خلعتيني
مروان:راه نتي لي خلعتيني مالكي اختي على داك العكر كي الجوكير
سحر : هئ هئ انا عكر
مروان دار كاميرا الامامي لتيليفونو ووراها وجها خخخخخ وهي تخلع : هئ هئ هئ كولشي بسبابو هو لي شدني فش كنت كنقاد العكر ديالي
مروان:شكون ذياب
سحر:هداك لي حمق
مروان: سيري سيري وسحي وجهك بركة متخلعي فعباد الله اتلقايها جرا عليك غير بداك العكر كي الجوكير بقا ليك غير نشغلو ليك لاي لاي و تكمل القضية سيري سيري
سحر :هاهي غادية
مشات وهو كيضحك:فكراتني غا فديك كارينا
بتاسمات فش تفكرها فين غتكون دابا
شاف تيليفونو كيصوني:الو وي حبيبة حتى انا توحشتك اه قريب وي
دخل وسد الباب..
هبطات وهي تجرها من يدها:اجي اديك الزغبية علاش هابطة وشنو هد الحالة ومالكي على هد تعكيرة بسمي الله حماراحيم ...
سحر :هئ هئ هئ مامي راه جرا عليا قال لي قودي علي و متجيش عندي تقولي في الجدام امامي هئ هئ هئ
عاليا:صافي صافي سكتي دابا لقا شي طريقة خراا
سحر:هئ هئ هئ دابا صافي الشوبينغ ضاااع 😢💔
عاليا: لالا مضاعش مزال لقا شي طريقة قولي لي شنو قاليك بالحرف الواحد
سحر : قال ماشي نفس ريحتها و من بعد قال لي تقودي علي نتي ومك الباطرونة
عاليا:كيفاش ماشي نفس ريحتها
سحر:معرفتش اماما
عاليا:ولكن انا غادي نعرف بلاتي بلاتي نفكر (بانت ليها سلوى هابطة) حم حم بنتي بنتي
سلوى شافت فيه:وي مدام
عاليا:صرحة في سكر واخا تعبريه لي
سلوى:اه اوك
گلسات وعاليا مدات ليها يدها تتعبر ليها
عاليا:واش ولدي ذياب معندوش خطيبتو
سلوى:صرحة مسيو دياب كيجيب بزاف ديال البنات و لكن كدوز مدة كيمشيو
عاليا:واخر وحدة شكون
سلوى:كارو جرا عليها وكان معصب منها بزاف معرفتش شنو دارت ليه
عاليا: اه صافي و مكانتش شي وحدين خرين عايشين هنا
سلوى: لا كارو اخر وحدة جاب و كانو جوج بنات خدامات هنا و لكن مفهمتش حتى هوما مشاو
عاليا:اه صافي كارو قلتي لي فناهي بيتها
سلوى:كانت تتنعس فبيت سي دياب مي فالاونة الاخيرة هبطات تتنعس فبيت الثاني فالجناح الثالت
عاليا:اه هههه مزيان مزيان
سلوى:علاش تتسولي
عاليا:غير فضول وصافي مهم شكرا ابنتي
سلوى : اوك
ناضت و هزات دوك المعدات وخلاتهم
سحر : شنو غادي نديرو دابا امامي
عاليا:غادي نطلعو نقلبو بيتها واش فيه ريحتها
سحر :يلاه
#نيويورك
❤فاقت ومعدتها كتلعي ناضت تتجري لحمام دخلات ووبدات كترض وترض وشوية ترض مصارنها..
خرجات و شافت وجها فالمراية صفففر هزات صاك ديال الميكاب دارت ميكب شوية تقيل يلاه رجع وجها للونو طبيعي لبسات كسيوا فالمخمري و معاه جاكيط فالاسود شافت الساعة هذا هو الوقت هزات كتبات العنوان وشافت شي ورقة معلقا فالباب كانت كارينا خلات ليها وقة فيها مشات لخدمة ..
خرجات و تمشات على رجليها حتى فين كيشدو طوبيس و هبطات فالمحطة الثانية متبعة GPS
حتى وصلات قدام الفيلا كانت جات بعيدة على وسط المدينة
شامة:اه هي هااادي
صونات وهي تخرج ليها الخدامة
شامة:حم حم انا جيت على قبل اعلان المربية
الخدامة:اه تفضلي نيت مول ضار كاين
شامة:اه شكرا ليك
دخلات و هي تتشوف فالحديقة فيها تماثيل بزاف
دخلات وهي مستغربة من هد الضلام شافت بنت صغرة كتلعب فالحديقة الخلفية ديال الدار ولكن البنت مألوفة ليها معقلاتش فين شافتها
شامة دوات معاها بالانجليزية ولكن مفهمات فيها والو...
شوية البنت دوات بالداريجة وهي تصدم شامة بقات غير مصدومة ...
#المغرب
دخل لشريكا وكولشي واقف كيضرب ليه تحية
ذياب موجه هدرتو لسكرتيرا ديالو: نضمي لي اجتماع مع جميع اعضاء الشركة من هنا خمس دقائق
هزات راسها بواخا
دخل ولاح دوك الملفات رجع كيدقق فيهم و يشوف
ذياب:من الاول مرتاحيتش ليك ولكن ماشي دياب لي غادي تلعب معاه من بعد غادي نعرف شكون نت وعلاش دخلتي شركتي و نت ناوي على الشر هاحنا غادي نشوفو
دقات السكرتيراا و دخلات
ذياب:وي
شافت فيها وكلها تترعد عمرها شافتو هكاا معصب:مسيو انا نضموتو و راه كيوجد القاعة شوية غاد يطلعو كاملين سيفط ليهم ايميلات بجتماع طارئ
ذياب:اوك سيري
هزات راسها باوكي و سدات الباب..
هز ملف اخر بسيفي ديالو الحقيقي غير هذاك لي دخل بيه شركة اول مرة
ذياب:ممممم بزناز تاجر فأعضاء البشر ممم معروف بمنضم مزاد العاهرات مصطفى العلامي مممم وشنو علاقتك بي اسي مصطفى مزاد العاهرات مزااد (سكت شوية و تفكر هدرات شامة فالمدكرة ) شامة ولكن هو شنو علاقتو بيها بقا كيفرك اول صفحات الكتاب على حساب كلام شامة تعرضات لاول خيانة من طرف شخص لي بغاتو طول مراهقتها وكانت سميتو مصطفى اذن هذا نفسو ...
بقا شحال كيربط الاحداث بنفسها ولكن السؤال علاش ختافا دابا وعلاش ...شوية تفكر ان حتى شامة ختافات واش اختفاء شامة عندو شي علاقة مع مصطفى ؟ سؤال لي حيرو
ناض و توجه لقاعات الاجتماعات دخل ووقفو كاملين ضرب بالملفات حتى طاحو قراعي ديال الماء : شنو مخدددم معايا انا شنوو رباعة الاغبياء والحوالا دخل شرا اسهم من احدا شركاتي و مشا يبعهم لعدو ديالي باش يقدر يدخل لشريكتي بحال سوسة ونتوما ولا على بالكم دويو(كيدوي ويغوت ويضرب القراعي لي فوق الطاولة) اقسم بالله ويتكرر هدشي حتى نخرجكم كاملين هانا دويت
خرج وردخ الباب بجهد ..
شي كيشوف فشي وكلهم مصدومين و ساكتين اول مرة يوقع هدشي ذياب مبقاش فيه الاسهم حيت فش عرضهم مصطفى للبيع فالبورصة فورا شراهم ذياب ولكن بقات فيه شمتهم دخل بيناتهم و دار مابغا ومن فوق عرض اسهم مهمة من شركات اوغلو للبيع شيء لي خلا دياب يتعصب
#نيويورك
شامة:واش نتي مغربية
البنت هزات راسها باه :انا من كازا ونتي
شامة بقات غير كتشوف :شنو سميتك
سمعات صوتو من خلفها: سميتها مريم
ضارت شامة وهي مصدومة :نتاااا
شاف فيها وكيدقق فتفاصيلها :اه انا
شامة وقفاات و بقات شحال وهي ساكت:مصطفى شنو كدير هنا
مصطفى بتاسم و تم جاي جيهتها محدو كيقرب و هي تترجف خايفة منو شافو ولا قريب ليها ماليناتهم والو وهب تسد عويناتها
ضحك على براءتها ووداز من جنبها بقات سادة عينيها شوية سمعات صوتو موراها ضارت لقااتو كيدوي مع بنتو باسها و سيفطها لداخل
مصطفى گلس و هو كيشوف فيها مزال مصدومة كونط خطط هو يجيبها لعندو گاع متصدق ليه ولكن هي جات برجليها : كتقلبي على خدمة
شامة : بتأكيد مكنتش عارفة نت مول الفيلا و نت لي باغي مربية لبنتك كون كنت عارفا منجيش و دابا نيت مزال الحال
بغات تخرج و هو يوقفها بهدرتو: بلاتي اشامة مفهمتش فين المشكل لخدمتي عندي ياك خدمة خدمة ماشي شي حاجة حراام
شامة:فلوسك كاملين حرام بنسبة لي
مصطفى:انا على قبلك خرجت من داك العالم و خويت المغرب فش عرفتك هنا انا جيت تبعتك
شامة:باش عرفتيني هنا ؟
مصطفى بتاسم و هو كيتفكر البنت لي سيفطها عمر تخدم فالفيلا ديال ذياب على اساس انها فوم دو ميناج تتجي مرة مرة : غير عرفت بصدفة وصافي مهم انا هنا و انا عارفك كتبغيني ومستااعد ندير اي حاجة و نبقا بجنبك و نتزوجو لبغيتي
شامة:ههه كضحك علي نت بذات ا مصطفى عمري مزال نسمح ليك على داكشي لي درتي لي
مصطفى قرب ليها وبغا يشد يدها وهي تهرب ليه يدها ضغط على يديه و كمل هدرتو: شامة تيقيني انا ندمت على اي حاجة و على داك العالم و ندمت على اي لحظة ضيعتها ومكنتش فجنبك ندمت ندم شديد و صورتك ونتي واقفة وكيعطيو فيك ثمن كتحرقني و بخصوص فش اخر مرة شفتي في ديك النظرة من عيونك باش قتلتيني الف مرة انا عرفت احاسيسي متأخر بزاف سمحي لي عفاك
شامة بعدات عليه :معمك توقع مني نسمح ليك
خرجات و هي معصبة وتتبكي
متتبكيش على حبها ليه لا تتبكي على قدرها وزهرها المنحوس لي جابها لعندو مرة ثانية
خرجات و شقات الطريق على رجليها مرة اخرى كتفشل هاهي ملقاتش خدمة ولات تحشم تشوف فوجه كارينا بقات تتمشا وتسول المطاعم والكفيتيريات و القهاوي وحتى مالين البوتيكات الا بغاو بنت تعاونهم والو وتقول واش لقات وياحسرة هادي نيويورك بلاد البورصا والاقتصاد و الخدامي طرررر... تعصبات وعيات و جاها وجع خفيف تحت بطنها گلسات فواحد الجريدة تتشوف ناس و شوية بانت ليها واحد الكروسة مقابلة معاها كيبيعو غزل البنات خخخخ تشهاتو شافت فجيبها دولارات معدودات الا شراتو معليها غير تكمل الطريق لدار برجليها
بلعات ريقها تموت ودوقو ناضت كتجري :عمي عفاك صايب لي وحدة
الراجل شاف فيها وبتاسم:هاكي ابنتي ولد ولا بنت ؟
شامة بعدم فهم: شنو
الراجل ضحك و عاود سولها:الجنين ولد ولا بنت
شامة:باش عرفتيها
رجع ضحك :مراتي فاش كانت حاملة كانت بحالك تماما
شامة:هههه زعما باينة علي لهاد درجة
شافتو صايب ليها ثلاثة :لالالا غير وحدة ماشي ثلاثة
مدهم ليها : عتبريهم هدية مني
شامة :شكرا ليك
جبدات تخلص ليه وهو رفض رجعات شكراتو و گلسات تتاكل فديك الصوف خخخخ حتى لوثات حوايجها و فمها و يديها كاملين شافت حالتها خخخ
ملاحضاتش الاعين لي مراقبها وهو كيشوفها كي كتاكل والابتسامة على شفايفو:غادي تسمحي لي وترجعي لي
وقفات فاش كملاتهم و تمشات لمحطات الحافلة طلعات فطوبس لي غيديرها الحي فين ساكنة ...
#المغرب
من بعد مخرج من شركتو مشا لفيلا دخل و هي تبان ليه عاليا گالسة و تتشوف فبنتها لي شافت دياب و هي تنوض تعوج جايا جيهتو شافها وضرب فيها وداز طلع
رجعات سحر تتشم حوايجها:مامي علاش مداهاش في ياك درت الريحة لي قلتي لي وعلاش متسوقش لي
عاليا:والله ابنتي معرفت هد ريحة لي لقينا فديك البيت ديال ديك كارو كيف قالت سلوى.
سحر:هئ هئ هئ مامي شوبينغ باااح
عاليا:لالة زينة و زادها زين الحمام وترزمي و حزمي معايا نفكرو فخطة خرا ونساي علي هد شوبينغ شوية
گلسات حاطة رجل فوق رجل تتفكر شنو دير شوية وهي تسمع صوت التصفار هابط مع دروج وهي تبتااسم بشر
مروان كان هابط غير شافهم و هو يقلب ضورة
عاليا:اجي اجي اولدي فين غادي
مروان:لا اخالتي غير نسيت بزطامي فبيتي و طالع نجيبو
سحر:انا نجيبو ليك
مروان:هههه لالالا بلا منعدبك حشومة انا نطلع نجيبو راسي
عاليا: غير اجي اولدي گلس معانا شويا ندردشوو.
مروان:فش غادي ندردشو مثلا
عاليا: على ولد خويا مسكين
مروان: ذياب؟
عاليا:اه ذياب كي شتي دابا مسكين فاش مات باه وليت نحسبو ولدي و خاصني نزوجو كي شتي هو وبنتي يجيو موااااتيين تبارك الله بنتي زينة و هو ميلقاش حسن من غيرنا
مروان كيشوف فيها وشاداه ضحكة : اه تبارك الله
عاليا:اوى گلت بلا منزرب نت صاحبو وغادي تكون عارف عليه كولشي قول لي اولدي واش هو عندو شي وحدة فحياتو
مروان: وحدة؟لالالالالالالالالا
عاليا فرحات :بصح اذن هو ممرطابتش
مروان: راه ماشي وحدة هوما بزااااف
عاليا:شنوووو
مروان غلبات عليه ضحكة:هدشي لي عطا الله بنتك هزها الما وضربها الضوء
عاليا: لالالا غير كضحك ياك
مروان:نوووو متيقتيش سوليه يلاه بسلامة
ناض و مشا غادي يطرق بضحك ضار شافها مصدومة و تتحسب فيديها شحال زعما يكونو خخخخخخ
سحر : مامي واش تشوبينغ مبقاش
عاليا ناضت تتنتفها : واش انا كنشوف ليك كي ديري ليها ونتي حاضية لي شوبينغ ابنت الهم نتي هي ليلى حديوي اجي لهنا
ناضت سحر تتجري خخخخخخ طلعات لبيتها
عاليا گلسات تتخم اش ديري وكلام مروان بلي ماشي وحدة هوما بزاف كيتكرر ليها فراسها شافتوو هابط و مقاد هاز تيليفون فيدو كيخربق فيه :ولدي ولدي ذياب
ضار شاف فيها و دار ليها بعنيه زعما اش كاين
عاليا:حم حم ولدي كي شتي بغيت زعما نقوليك...قاطعها
ذياب:دخلي فالموضوع
عاليا:شتي بنتي سحر قنطااات مسكينة فدار و بغات تخرج تفوج و قلت زعما نت ولد خالها مافيها باس تخرجها و ...
ذياب : نخرجها ؟ لا واش منيتك؟ ياك قلتي مبقيتوش ميسرين و معندكمش و منعرف شنو دابا بنتك باغا تفوج لبغات تفوج خرجيها نتي
عاليا بقات مصدومة تتشوف فيه بحالا ضربها ضوء
ضرب فيها وخرج ردخ الباب :لالالا باينة معمرا ليه شي وحدة العين خاصني لقا شي حل ..
بقات تتفكر ..
خرج من فيلا و دوز ابيل : الو وي عرفتوها فين كاينة بضبط شنوو مزال معرفتوش وعلاش انا القوادة كنخلصكم باش تاكلو وتنعسو مرة جايا متكونش عندي عنوانها غير ترحمو على رواحكم مجموعة اغبياء
مجموعة اغبياء ضرب بتيليفون وديمارا بجهد ..
#نيويورك ...(كامل الحوارات لي فنيويورك راه بالانجليزية فقط لتوضيح)
وصلات لحي هبطات وهوما يبانو ليها شي دراري مجموعين على شكل مجموعات ومخدمين اغاني كارديبي و نيكي مناج روابا ديال امريكا وكيديرو دانص ديال شوارع خخخخ و كلهم غير الزين على خوه و متفرقش بين البنات ووالدراري كلهم كيشطحو وكيديرو نوبة كل شوية واحد فيهم يدخل الوسط يرقص و شامة كتشوف فيهم من بعيد و مراقباهم
شوية القائد ديالهم بدل الاغنية وردها اغنية رومنسية و بداو اعضاء الفرقة كيغوتو و يقولو ليه لا رد لينا الهيب هوب وراب شاف فشامة وجبدها لوسطهم و ناس كيشوفو فيها كيف ضهشروها واخا الحي صغير ولكن عامر بناس جيران و ووحيدن خرين مارين وناس كيضوورو
شامة معرفات باش تبلات حسات لقات راسها وسطهم و لخر كيضورها و كيرقصها على گانتو خخخخ وهي غا تابعاه ومخرجا فين عينيها خخخخخ وناس عجبهم الرقص و بداو يجبدو تيليفوناتهم كيصوروهم و يديرو ليهم فيديووات ...
وشي كيلوح ليهم الفلوس و اعضاء الفرقة عجبهم الحال وبداو كيصفقو ليهم و يدورو على ناس لي واقفين كيتفرجو كيجمعو من عندهم الفلوس خخخخ بحالا دايرين الحلقة فجامع الفنا
شامة حسات بالدوخة خصوصا كثر عليها ضوران خخخ مني بداو وهو كيضورها بحال طرومبياا خخخخخخ
وقفو مع نهاية الاغنية و هي شوية وتقياا قائد الفرقة بتاسم و رجع تحنا كيشكر ناس لي وقفو كيصفقو ليهم خخ شامة حسات بدوخة وهي تمشي كتجري اقرب بركاصة تتقراا
تقيات وعاد رجعات ليها روح ضارت لقاتهم كلهم موراها خلعوها
عاد وا معاها القائد ديال الفرقة :شكرا ليك على رقصة و سمحي لي حيت معلمتكش و هادي اول مرة كنجمعو هد القدر الكبير ديال الفلوس بسبابك
مد ليها واحد المبلغ شافتو وهي مصدومة خداتهم و شكراتو و رجعات تمشات طلعات لشقتهم حلاتهما و بدات تتنقز
شامة:غنمشي نتقدااا نجيب نديرو شي حاجة زوينة العشااء
مشات كطير دوشات ووبدلات حوايجها شورط جينز ازرق و شوميز وشعرها جمعاتو الفوق وخرجات تتشوف الفلوس لي فيدها وصلات لواحد المحل بحال مرجان غير هوو صغير تماما بحال بيم لكنتو كتعرفوه
دخلات خدات سلة وتتحط فيها وكتشوف ناس كيشوفو فيها و كينعتو جيهتها مفهمات والو بدات تتشك فراسها واش فيها شي حاجة وتتشوف فحوايجها خخخ
شوية تتحس بشي يد تتجرها من شوميز ديالها كانت بنت صغيرة
تحنات لمستواها : نعام احبيبة
قربات ليها البنت وبااستها على خدها : رقصك زوين بزاف
شامة بقات غير مبلقا فيها عينيها اوااه هادو فين شافوها كتشطح يمكن فش كانت كتشطح فصباح فشاريع مع ديك الفرقة ولكن واش كااملين لي فالبيم شافوها جاتها غريبة
مشات تخلص و البنت لي تتخلص تتشوف فيها وضحك خخخخ
شامة تتشوف فيها بستغراب:شحال عفاك
البنت: 17 دولار
شامة بتاسمات و رجعات حطات ليها الفلوس وجمعات ديك التقضية فصاشيات وخرجات كتمشي فزنقة وناس كيشوفو فيها
كيحو منها نص
وصلات لعيمارا فين ساكنة وطلعات تلاقات مع وحد جارة ديالهم شافتها وهي تجبد تيليفون تتصور معاها وشامة مزال مصدومة خخخخخ
دخلات لدار و مفاهمة والو حطات الماكلا و بدات كطيب ليبات و تقاد لصوص
بقات ملهية مع الماكلا حتى وصلات العشية سمعات صوت الباب كيتحل وهي طل كانت كارينا طبعا
كارينا جات تتجري عندها خخخخ: ويلي ويلي زغبية تشهرتي
شامة:كيفاش مفهمتش
كارينا:شوفي شوفي توندوص الامريكي
شامة:مالو
كرينا:غا شوفيه
مشاو كييطرو هزو تيلفون ودخلو يشوفو وهي تصدم لقات فيديو ليها تتشطح مع داك العزي خخخخ والمشكل الاكبر الفيديو داار ضجة و جامع اكبر عدد لايكات ومشاهدات على يوتيب بقات مصدومة
ناضت كارينا تتنقز :ناااري تخيلي معايا يعيطو ليك
شامة:حماقيتي باش يجي لي دياب حتى هنا و يخرجي يدبحني كي بغيتيني نشطح وانا واحلة فروحي
كارينا:وغير قلت ليك تخيلي مهم معلينا هدشي راه شائع هنا مهم تتبان تحت الاضواء شوية خخخ اجي شدرتي فالخدمة
شامة:نااري منقولش ليك تصدمت
كارينا:شوقع
عااودات ليها شامة شنو وقع ليها وفاش لقات مصطفى
كارينا:وااو هدشي ديال الافلام فش كيختافي شرير وكيرجع يضهر خخخ
بقات كارينا تتشم :مممم ريحة تتشهي شنو درتي لينا بالعشا
شامة : عطاني داك دري الفلوس فش شطحت معاه و جبت تقديا مهم درت ليباط
كارينا:وااو كيحمقوني خصوصا لي كطيبي نتي حتى انا جبت ليك هادي
حطات ليها كرطونة صغيرة حلاتها شامة لقات لطاخت خخخخ فرحات : من عيد ميلاد لي عاوتي لي عليه البارح
كارينا:اه شاط ليهم وخديتها فش خرجت كنت غنساها غير واحد البنت حتى هي مغربية خدامة تماك هي لي لحقاتها لي
شامة:شكراا ليك بزاف
مشات تتجري جابت كانيطا ديال كوكا و فرشيطا تتاكل وتخشي فالفمها خخخ
كارينا مراقبها ..شوية ختافات الابتاسمة من وجها:شامة انا ..
شامة: مالكي احبيبة شوقع ليك
كارينا: خرجت من الخدمة
شامة:علاش
كارينا:المعلم حاول يتحرش بي و انا صرفقتو و جرا علي
شامة:غير صرفقتيه؟
كارينا: زدت فيه ياك
شامة:كان عليك تهرسي ليه عضامو ماشي غير تسرفيه
كارينا:خخخخخ ضحكتيني والله فكرتيني غا فمرو...مكملاتهاش سكتات
شامة بتاسمات و رجعات سدات ديك الكرطونة:مروان تانا توحشتو كيفوج علينا خخخخ
كارينا: توحشتو..وعلاش مكليتيش
شامة:الله يجعل البركة تگهمت وليت كناكل بزاف
كارينا حطات يدها على كرشها:حيت الوحم صعيب ماما فش كانت حاملة بيا خخخخ كانت تتوحم على الفاخر
شامة:ههههه خنفوسة الرماد خخخخ
كارينا:هههه ناري متفكرنيش ونتي على شنو كانت تتوحم ماماك
شامة شافت فيها ورجعات ضحكات:معرفتش والله عمرني سولتها
كارينا:ممم غتكوز توحمات على الهندية خخخخ
شامة:هههه لا على الملج نووضي الله يمسخك خخخ
#المغرب
وصل للمطار و شاف رجالو واقفين : ياك قلت ليك ماشي ضروري منهم غير سيفطهم بغيت غير بيلوط و مضيفة تخدمنا فطيارة لا غير
مساعد ديالو:واخا اسيدي
مروان هاز تيليفون فيدو كيتفرج : وصرحة هد شامة وصدقات موهبة ضائعة شوف شوف خخخخ
شد ذياب تيليفون وضرب بيه : دوك الفخاض لي عاجبينها انا غادي نوريها غا بلاتي تا نوصل تماك يلاه زيد اهاد زبي تحرك
مروان:اوووه امريكا كنا فالفاصل و دابا عدنا الفيديرالية الامركيا كتسناني يا صاحبي
ذياب:مفهمتش علاش خدمتي هد الخدمة فالاول
مروان:شي حاجة مغاديش تفهمها حيت كيعجبني شي حاجة سميتها المطاردة و العصابات ووتشد المجرم تشق تحط المينوط على يديه ووتكتفوو و هووب تزتو بالسجن
ذياب :لالالا خرجو عليك المسلسلات
مروان: وشتي راه قلت ليك مغاديش تفهم ويلاه علاش نت مولوع بالبورصة وعالم الاعمال وداكشي ديال مابيعات اسهم شكرات مناقصات وكل واحد وميولات اصاط
ذياب: شكرا على المحاضرة دابا مسموح ليك تنعس
سمعو القبطان كيعلمهم بلي الطائرة غادي تقلع خخخ
الفيديو ديال شامة فاليوتيب كان سبب لي خلا دياب يعرف بلاصتها من خلال شخص لي لاح الفيديو وفور علمه بمكانها وجد طائرتو و مشا لعندها
واحد عاليا هي ووبنتها مزال فالفيلا كيتسناو دياب يدخل خخخ معارفينش بلي بااح خوا المغرب
#نيويورك
كانو متكياات حاطين قدامهم الگرية كيتفرجو فالفيلم بوليسي مخلط مع الاكشن خخخ شامة فش تتوصل لقطات يدال العنف تتسد عينيها:كارينا عفاك عفاك بدليه ولدي غيخرج مسكين بزناز لبقيت على هد الحال
كارينا: خخخخ واخا واخا هانا غندير ليك فيلم كوميدي يخرج ليك بحال مروان ههههه ...عاد عاقت على راسها شنو قالت طول الوقت تتفكر فيه بحال شي هوس بنسبة ليها شافت فيها شامة فهماتها مكاين لاش تهدر قلبات القناة ودارت امبسي ثري خخخخ لقات سبونج بوب وبدات تتغني معاه شامة
من يسكن في اقاعي البحار ويحبه الناس ؟ سبووونج بوب سكوير بااانتس 🎶🎶🎶🎶
خخخخخخ شامة تتموت على هد سبونج بوب بقات ساهية تتفرج و مخرجا عينيها تتحقق فيهم وحتى كارينا بحالها:شوفي شوفي هد مستر شفيق كيشبه لديك كارو خخخخ مرات ذياب زرقة بحالو خخخخخ
شامة :هههه وشوفي داك مستر سلطة جاني بحال عثمان كوزان لي فسامحيني خخخخخخ
بداو كيضحكو و كيشبهو كل شخصية بشخصية من الواقع خخخخ
محسو براسهم غير نسعو و حطو راسهم على بعضياتهم و تلفازة خدامة شاعلة ...
#مغرب
طلعات سحر كضور فالبيوت بأمر من عاليا كتقلب فالبيوت و المجور
اما عاليا فبقات تتقلب تحت دخلات بيت شامة لقاتو مفيهش شي حاجة مهمة
خرجات كضور فصالة شوية سمعات صوت الكعب عالي كانت سلوى نازلة مع دروج وهي تخبا تحت دروج ..
گلسات شوية وهي تقيس شي حاجة هزاتها وهي تشوف :شنو هدشي تصاور الايكو ديال من ؟
بقات كتقلب فيهم و فالتاريخ قبل غير بأيام قلال و الجنين عندو 4 ديال اسابيع ستغربات ديالمن ضرها راسها دارت صورة فجيبها ورخرجات فاش شافت بنتها هبطا
عاليا:لقيتي شي حاجة
سحر:والو امامي
#نيويورك
حسات بثقل على كرشها حلات عويناتها هي تشوفها ناعسة على كرشها ربما يأثر ليها هدشي على البيبي ديالها كحزات بشوية من تحتها
وناضت قداتها فوق الكنابي وطفات تلفازة و مشات لغرفة نومها نعسات تقادات فنعسة
شافت الدينا بدات تصبح ولكن فيها نعاس رجعات تخشات و تغطات بالملايا سخونة ووالجوو بارد و شتاا كتصب
شامة: هد نيويورك حال واحوال بحال مزاج دياب ااااه دياب توحشتك فين غتكون
سدات عويناتها وهي تتشوف فنافدة و الف سؤال فبالها..
وصل و هبطو
مروان كيتكسل : وااعععع اصاط هد نيويورك كيف خليتها كيف لقيتها ناري هد الجو فكرني غير فكابيتشينو سخونة على صباح
ذياب: همك غا فكرشك
مروان: يلاه نفطرو كنعرف واحد المحل زوين
ذياب:يلاه
مشاو ركبو فلوطو و تاجهو لواحد المحل فوسط المدينة گلسو و حطو ليهم الماكلة
مروان معروف فداك المحل من الزبائن القدام ديالهم ...
گلسو كيفطرو ومروان كيدوي مع مول المحل تقرقيب ناب خخخخ
ذياب غير كيشوف فيهم كيشك هذا صاحبو ولا ولية خخخخ
مروان شاف فيه كيف كيشوف فيه و ضحك: اخويا توحشتك نيويورك غا كنسول على الاخباار وصافي
ذياب:ونوض تگعد مزال كنقلب على عنوانها
مروان:يلاه من نهار شفتك ونت تابع هد شامة
ذياب:نوض نوض
وقفو وتمو غاديين
وصلو لواحد الشاريع وبدا مروان كيسول على داك الحي
حتى وصل ليه
#عند_شامة
حسات بشي تقرقيب فالكوزينة ناضت لقات كارينا تتوجد الفطور
شامة كتكسل:اييييه ريحتو زوينة
كارينا:البيض بصوصيص كيفطرو بيه بزاف هنا شفتهم فمحل لي كنت خدامة فيه فكرتيني خاصني خدمة غنمشي نقلب ثاني
شامة گلسات و خدات كاس ديال الحليب و حاطا قبالتها البيض و الخبز تتاكل : تانا غادي نقلب ياختي عييت منسمع نيويورك مدينة الاحلام و الخدمة و فش جينا حتى خدمة بسيطة ملقيناهاش و زيدي عليها كون ما سام ضبر لينا فدار كون بقينا فزنقة
كارينا خدات كاس قهوى و تقابلات معاها : وييييه هادي هي الحيااة اجي داك سام مبقاش تاصل بيك
شامة بستغراب والله معرفت و زيدي عليها مبقاش عندنا تقدية داكشي لي جبتو البارح كليناه كامل
كارينا:ويييه لقيتيني كنفكر شنو نطيبو لغداء
سمعو صوت الباب شي حد كيدق
كارينا:شكون غيكون؟
شامة:والله معرفت يمكن غيث عمت سام
كارينا: اه غتكون غير هي انا نمشي نحل ليها
وصلو لواحد الشاريع و بدا مروان كيسول على داك الحي لي بانت فيه شامة حتى وصل ليه غير شافو و هو يبدا يضحك
ذياب:مالك تتفرنس؟
مروان:قسما بالله مغادي تيقني الا عاودت ليك قصتي مع هد الحي
ذياب: غادي تيقني الا قلت ليك والله مباغي نعرفها
مروان: يا رجل محدك حلفتي خاصك تعرفها
ذياب: مروان داوي بصح والله مناوي نعرفها
مروان: غادي ضحكك
ذياب:حياتك كاملا ضحك اساط
مروان: تخيل معايا مع من وفين
ذياب:فين ومع من
مروان:خخخخخ تحت ديك الشجرة فين كيبول داك الكلب
ذياب ضور وجهو بان ليه واحد الكليب صغير كيبول تحت واحد شجرة
ذياب:دابا اول مرة مارستي هنا تحت ديك شجرة؟
مروان: كي جاك مكان استراتيجي
ذياب: لا والله حتى بزاف
مروان: وعرفتي شكون كانت معايا
ذياب:شكون
مروان:خخخخخخخ استادة ديال السبور خخخخ ناري كانت كبر مني ب سنواااات اعشيري الميمات فيهم البنة بحق مغامرتش و رميت فيها
ذياب: وفين رميتي
مروان: تحت ديك شجرة
ذياب دور راسو و شاف فالبلاصة : دابا ولادك كيبول عليهم داك الكلب؟
مروان تشتت بضحك: واععععع ولادي سقاهم بالبول
ذياب بزز منو ضحك خخخخخخ علام هد مروان خخخخخ
ذياب:صافي واو ضحكنا و عرفت قصتك مع هد الحي يلاه نقلبو على العمارة
تمشااو و بان ليهم نفس الفرقة
مشا مروان سولهم على البنت ولكن قالو ليه بلي معرفوش
مروان رجع عند ذياب لي كان واقف وداير يديه فجيبو و لبس كويرا سوداء حيت البرد بزاف و كاشكول على عنقو و قفازات فيديه : امضرا شنو قال ليك
مروان: قال ليا بلي مكيعرفوهاش غير كانت دايزة من هنا
يلاه بغا يضور و هو يحس بشي حد موراه كانت بنت صغيرة: واش تتقلبو على هد البنت (وراتهم صورة ليها مع شامة لي صورات معاها فدروج ديال العمارة )
مروان تحنا لعندها : اه كتعرفيها
البنت: اه راه جارتنا
مروان:بصح مممم ممكن الاميرة صغيرة توريني دارها
بنت بتاسمات : اه نوريكم يلاه
مروان شاف فدياب:يلاه لقيناها
تمشاو مور البنت ...
#كارينا و شامة
كارينا : اه غتكون غير هي انا نمشي نحل ليها
مشات كارينا تحل الباب
اما شامة فبقات بلاصتها تتاكل
شوية سمعات كارينا شهقات حطات داك الخبز و ناضت تتجري شافتهم قدامها وهي تشهق
شامة: نتااااا
بتاسم و جاوبها : هذا انا
شامة:هههه والله كيف كيقول المثل ذكر الكلب و جبد زرواطا يلااه ذكرتك دابا
سام صغر عويناتو:دابا انا كلب و خاصني زرواطا؟
شامة ضحكات منيتها :ههههه لالالا حاشة مممم وانما عمرك طويل يلاه ذكرناك و نت تبان
سام: اجي بعدا دكرتوني بشي حاجة زوينة ولا غير النميمة
نقزات كارينا: لالا غير بالخير دخلو دخلو بعدا متبقاوش فالباب..
حمزة:حم حم راني هنا
شامة: اه والله مرديت ليك البال دخلو مرحبا
دخل سام و تابعو حمزة گلسو و سام كيشوف فشامة بحال شي واحد عطشان لشي حاجة وانما هذا شوق خخخ
شامة: اوى شنو سر الغبور لا اتصال لا والو
سام: هذا هو سر خخخ
وقف سام و تحنى ليهم : كنقدم ليكم مدير شركة تصميم صوفيا اباريل جديد ساام ههههه
شامة:واش تخرجتي
سام:راه قلت ليك اخر عام عندي و تخرجت داباا غادي نتولا الشركة ديال تصميم ديال بابا و نشاء الله غادي نكبرها
شامة:انشاء الله سعداتك
سام:اول متخرجي غادي دوزي سطاج معانا و الخدمة معانا
شامة:هههه حتى نقرا ربعة سنين بعدا
سام: غادي دوز فلمح البصر بعدا اموركم كي دايرة
شامة: صرحة درتي في خير فش عاونتيني بالاباختومون و حتى عمتك ضريفة بزاف
سام: ههه عمتي غيث مكاينش بحالها
شامة:فعلا امرأة طيبة ،بلاتي نوض نوجد ليكم شي حاجة تشربوها
سام: ماشي ضروري ..
كارينا ناضت : لالا غنقاد ليكم قهوى
ناضت كارينا تقاد القهوى وهي تشوف حمزة داخل حط شي ساشيات و خرج
كارينا تعجبات شهادشي حلاتهم لقاتهم جايبين التقديا ديال شهر خخخ المونة ديال سنة بقات غا كتشوف متنكرش فرحات حيت اصلا يلاه كانو كيفكرو فغداء وها ربي جاب ليهم الغذاء والعشاء و الفطور ديال شهر
خدات ديك التقضية تتستف و تقادهم فالكوزينة
فصالون ..
سام: اجي بعدا تمشي معايا
شامة:فين
سام:واحد البلاصة زوينة كنت جيت ليها واحد المرا يلاه
شامة: ولكن...قاطعها: مكاين ما ولكن يلاه
شدها من يدها و جرها وخدا الكويرا ديالها فالاسود جلداا و لبسها ليها مع طاگية من ثلج جرها وخرجو فتح الاسنسور ..
#تحت كان ذياب و مروان واقفين كيتسناو الاسنسور يهبط
ذياب :اوووف عصبني هد نمي يلاه نستعملو دروج
مروان:والله مافيا لي يضرب مئة درجة
ذياب:زيد بلا عگز ..
جرو طالعين فاللحظة لي طلعو تحل الاسنسور و خرجات شامة و سام
مروان من الفوق:ها الاسنسور تحل
رجعو هبطو وطلعو فالاسنسور
شامة وسام خرجو من العمارة و تمشاو وسام كيشوف فيها كيف كتبتاسم و حنيكاتها حووومر و شفايفها وردية وعويناتها الكوحل
تشها غير تشوف فيها ..
وصلو لواحد البلاصة مكانتش بعيدة على العمارة
#فالشقة كانت كارينا تتقطع الخضراء باش تنصب الغذاء و حمزة حداها كيعاونها فالتوجااد ..سمعو صوت الباب
كارينا:سير شوف بليز غتكون غير شامة و سام نساو شي حاجة
حمزة حط السكين و غسل يدو: وي باينة غيكونو هوما انا غادي نشوف
خرج و مشا حل الباب
شاف فيه مروان و ذياب
حمزة:وي شحب الخاطر
مروان: عفاك واش نت ساكن هنا
حمزة:علاش هد سؤال
مروان: كنقلبو غير على ..قاطعو دياب
ذياب: واش نت ساكن هنا بوحدك
حمزة طلع فيهم و هبط خخخ كيبانو بحال شي مافية دورها فراسو يمكن حمزة فخاطرو: هادو شفارة وباغيين يشفرو البنات مممم
ذياب:مالك ساكت؟
حمزة: انا ساكن هنا انا و مراتي علاش هد سؤال
ذياب: اوك صافي شكرا
رجعو هبطو مروان هدشي مدخلش ليه لراسو : بلاتي ادياب
تحنى عند البنت صغيرة : واخا تعطيني تيليفون شوية الاميرة
البنت بتاسمات ليه ومداتو خداه كيشوف فالدروج لي فصورة و الدروج فين واقفين : لا هادي هي نفسها العمارة و هنا فين كاينة شامة و كارينا و هدا عندو شي دافع لي مخليه يكدب
مروان : وشنو المعمول
ذياب: شنو فنضرك اسي المحقق
مروان: غنتسناوهم حتى يخرجو على خاطرهم
ذياب: تماما
خرجو و گلسو فلوطو مقابلة مع العمارة
#شامة و سام
وصلو لواحد البلاصة مكانتش بعيدة على العمارة قريبة منها فيها ارجوحات و اميرات ديزني مرسومين فالحيوط و فالجانب الاخر مطعم ديال ماكدو و الجانب ثاني كاينين محلات ديال حوايج دراري صغار
مشاو گلسو فالارجوحة و كيزيطو و سام سااهي
شامة:هيهو واش جينا نسهاو
سام:عرفتي واحد نهار ماما و بابا دابزو و انا بقيت كنسمع غواتهم و ساد ودنياا و مخشي تحت سريري عييت منسمع صداعهم خرجت كنتسلت و حليت الباب وخرجات كنجري ساعتها كنا مستقرين هنا فنيويورك و كانت عائلتنا كاملا هنا داكشي علاش عمتي هنا خرجت من دار كنجري و جيت لهاد البلاصة وگلست تماما فبلاصتك كنزيط و كان لهيه (كيأشر لمطعم ديال ماكدو) كان واحد المصنع قديم خاص بالشكلاط كانت كطل منو واحد البنت صغيرة دائما و كانت تتجي و تجيب لي لوح شكلاط كناكلوه و كنزيطو بحال دابا حنا
خشا سام يدو فجيبو و جبد ميلكا (شكلاط )و مدها ليها شامة اصلا تتوحم شداتها وبدات تتاكل و تبنن و سام كيضحك
سام:عرفتي كانت كتاكل بنفس طريقتك عندكم قواسم متشابهة
شامة:هههه بصح
سام:وي بصح هدشي لي كيعجبني فيك كانت صغيرة بزاف
شامة:شحال يكون فعمرها
سام: يمكن ديك خمس سنين معقلتش كنت مزال صغير شوية و اصلا هي تلقايها نسات كولشي
شامة بقات ساااهية
مد يدو كيمسح ليها فمها. بتاسمات ليه ...
بقات شامة تتزيط و هي مستمتعة كانت عزيزة عليها زعلولة من صغرها و شعرها كيطير مع الهواء و سام كيشوف فيها و كيبتاسم ..شوية حسات بدوخة : سام يلاه نمشيو
سام:يلاه
شامة: كنحس براسي كيفتل
سام:واش مريضة عندك شي حاجة
شامة:ههه لا والو غير زعلولة لي ضوخاتني
سام:ههه اه يلاه نمشيو
شامة ناضت و هي تحس بدوخة كانت غطيح ولكن سام شدها فأخر لحظة
سام:شامة واش متأكدة بلي نتي بيخير الا بغيتي نمشي عند طبيب يشوف مالك
شامة:ههه والله حتى بيخير غير يمكن العيا و صافي فايت لي تعرضت ...(قاطعها سام): لرصاص انا عارف عليك كولشي اشامة ادق تفاصيلك
شامة سكتات تتشوف فعويناتو الخضرين و البريق لي خارج منهم : كيفاش تتعرف علي كولشي نسيت نيت مسولتكش
سام شد ليها يدها : حيت كنبغي نعرف كولشي على ناس لي عزاز علي
شامة: وانا من ضمن دوك ناس لي عزاز عليك
سام: وكون مكنتيش من ضمنهم مكنش غادي نجمع عليك معلومات و نعرف عليك كولشي اولا لا؟
شامة:صافي قنعتيني
سام:ههه هدشي لي بغيت يلاه نمشيو
شامة:لدار ياك
سام:بلاصة حسن من دار
شد ليها يدها و قطعو طريق لماكدو
شامة:واش غندخلو لماكدو
سام:شحال هادي مجيت ليه عندي فيه دكريات زوينة مع عائلتي
شامة: اوك
طلعو لمطعم و لقاو ناس بزاف و زحاام على جهد خخخخ
سام:لالا ميمكنش مكايناش شي طاولة خاوية غادي نطرو ناخدوه لدار
شامة:حسن نيت ناكلو مع كارينا وحمزة
سام:اوك
ضموندضاا سام على ربعة ديال همبرغر و فريت و كانيطات ديال كوكا
وخرجو و شامة تتشم ريحت همبرغر و كرشها تتغني باغا تاكلوو
شامة:سام حل ديك ساشية
سام:اينا ساشية؟
شامة: لي فيها همبرغر
سام:علاش
شامة:عفاك حل ساشياا
سام هز راسو بأه و حلهم خدات همبرغر ديالها و كانيط و خخخخ و حلاتو غادة و كتاكل و سام غير حال فمو فيها
سام : شامة غير بشوية عليك
شامة : في جووع
سام : واخا ولكن حيدي بعدا الكغيط خخخخ
بقا غادي و كيضحك عليها و هي اصلا ممسوقاش ليه غير كتخشي فالفمها و تابعاه ..
#ذياب و مروان
كانو فلوطو مراقبين العمارة شوية شافو حمزة هابط و كارينا معاه ولكن مغطية وجها دايرة كاشكول و قبعة خخخخ بحال دوك المشاهير ديال امريكا فش كيخرجو
مروان: هاهوا داك خينا خرج و لكن شكون هاديك لي معاه
ذياب:معرفتش
طلع و هبط فيها فورمتها ماشي ديال شامة متسوقش خخخخ سيد حافظ لطاي ديالها مزيان
مروان بقا متبع ليهم العين : والله تا كارينا هاديك
ذياب:باش عرفتيها
مروان: عرفتها مالي عور بلاتي غنتبعها و نشوف شكون داك خينا لي معاها
هبط من لوطو و سدها و دار كاشكول على عنقو وقطع شاريع كيجري خخخ تابعهم
حمزة و كارينا كانو هابطين بعدما حمزة عرض على كارنيا يشربو قهوى فالكافي فاش تقادا ليهم الغاز خخخخ
فدار
مروان بقا تابعهم وحريص ميتلفهومش
شافو شد ليها يدها ودخلو لكافي
طلع الكاشكول وغطا نص وجهو خخخ تشوفو تقول شي ارهابي خخخ گلس و بقا مقابل معاهم و هي عاطياه بظهر حيدات جاكيط و طاح شعرها الاشقر
مروان بتاسم:كنت عارفها هي نعرفها من بين الف درية خخخخ
بتاسم و ناض وقف عليهم كي ملاك الموت
كارينا هزات راسها و هي تشوفو وجها ولا كي مطيشة شوية ولا كي الحامض خخخ
مروان جر الكرسي و گلس :ممكن نشرب معاكم القهوى
حمزة كيشوف فيه مفاهم والو خخخ
مروان شاف فكارينا لي مصدومة و سد ليها فمها : سدي فمك الموت كضور (غمزها)
كارينا:مروان
مروان: اه حمد لله حيت تفكرتيني هاتي شنو عندك علاش هربتو
قاطعو حمزة : شوف اصاط كون شكون ما بغيتي تكون ولكن ماشي من حق...قاطعو مروان : ششششش سكت فش كيدويو الكبار صغار كيسكتو
حمزة ناض : اشمن صغار
مروان بتاسم و شاف فكارينا: نتي سباب فهادشي لي غادي يوقع
ناض و قلب ديك الطبل و ضرب الكرسي برجلو حتى طار رجع شاف فيها و عطاه واحد الكروشي طاح حمزة فالبلاصة كارنيا بقات غير مصدومة مخرجا عينيها
كارينا:مروان شدرتي لسيد
مروان شدها من يدها و خرجها: لي كان خاصو يدار حمدي الله ماشي من نوع لي كيضرب البنات
خرج و جارها و هي مفاهمة والو ولا حتى منين خرج ولا باش عرفها هي هنا
ضور لدياب : وي انا غنمشي لدار حتى تلحق علي
قطع الاتصال و شاف لوطو وقفات ليهم نزل منها واحد من رجالو مد ليه لوطو طلع وجر كارينا طلعها من بعد كسيرا لدارو
سام: وبركة البقرة راه كلتي همبرغر ديالك وديالي و ها ديال كارينا تا هو خودي شرفي حتى هذا و هنيني
شامة:بصح عطيه لي
سام :هاكي كولي غير متكمليش بي
شامة:ههاهاها ضحكتيني
بقات تتاكل وتخشي فمها غير شافتو وهي توحل ليها
شامة: كح كح كح كح
سام :مالكي هاكي هاكي دوزي بكوكا
خداتها تتشرب وتتشوف فيه قدامها و مربع يديه غير شافتو بحالا شافت الموت شخصيا
شامة كتأشر لدياب بيديها :سام سام سام هو هو هو
ذياب شاف وجها و كيفاش مخلوعة منو شداتو ضحكة
قرب ضار سام و هو يشوفو ذياب هذا الاخير حتى هو عرفو تفكر نهار وكلو قتلة ديال الكلاب فش عنق شامة فالكلية بالمغرب خخخ
قرب و شامة كلها تترجف و تترجع لور شافتو بغا يشدها و هي تسد عويناتها كتسناه يجمع معاها بشي صقلة حتى تتسمع صوت الكروشيات ضارت لقات سام مضارب هو ودياب
شامة طلقات ديك كوكا و عطات رجليها لريح غير تتجي
معارفاش فين مهم تهرب منهم
بقات تتجري ضارت لقات سام مزال مضارب مع ذياب بقات تتجري حتى حسات براسها تلفات عليهم ضارت بانو ليها غير العمارات و البنايات ضايرين بيها وهي وسط نيويورك شافت جنابها مبان ليها تا حد
وهي تبدا تمشا و محاوطة كريشتها و كلها تترعد فش تتفكرو كيف كان واقف قدامها قلبها كيضرب فالمئة هي عارفة مزيان العواقب و بلي مافيهاش شك غادي ينحرها نحير جمل
بقات غادة و تتمشا و بلا متحس طاحو دموعها سخونين على خدها
خايفة منو بزااف
شوية كسيرات شي لوطو قدامها
علات راسها ووهي تشوفو
حل الباب و نزل عندها: علاش هد دموع فعينيك ...
#ذياب ناض فش لقا ناس كيفكوهم
سام:قسما بالله وتقيسها حتى نقتلك
ذياب: انا لي غنقتلك ازامل
سام:زامل نونونو حشومة
ذياب ستفزو عطاه كروشي تاني حتى طاح
شاف جنابهم ملقاهاش
ذياب: شامة فيناهي
سام عاد عاق ناض وقف و بداو كيقلبو عليها .
#مروان و كارينا وصلو لباختومون ديالو
هبط و جرها موراه
كارينا: مروان واش ذياب هنا
مروان: اه غيكون شد صحبتك
كارينا:عنداك يدير ليها شي حاجة
مروان گلس وخدا كاس ديال ويسكي كيرشف منو : شكون عرف دابا يمكن راه قطعها طريفات صغار
كارينا گلسات تتبكي: هئ هئ هئ لالالا عفاك هي مدارت والو حرام عليكم كنا باغين غير نبداو حياتنا بعاد عليكم و على داك العذاب لي كنا عيشينو
مروان تعصب ضرب بالكاس و ناض وقف: اشمن عداب ؟ واش كنا كنعدبوكم و انا مفراسيش؟
كارينا وقفات و مسحات دموعها و شافت فوجهو:نت كتعدبني و كتخليني نعيش العذار كل نهار و كل ساعة وكل دقيقة و كل ثانية بهدرتك لي كيف سم على قلبي ا مروان نت واحد الاناني متتراعيش لمشاعر ديالي مكتهتمش انا ختك؟ انا ختك صغيرة و ديك صحبتك لي نهار و مطال و نت وياها فتيليفون حبيبة شنو هذا ماشي العذاب نفسي هدشي شكتسميه
مروان بقا غير كيشوف فيها
كارنيا زادت قربات ليه : وشامة لي دايرها صاحبك بحال العاهرة ديالو ياك هو مزوج علاش مزال مخليها عندو و كل ليلة كيطلبها ياكما سحاب ليه راسو سلطان سلميان القانوني كل ليلة تجي عندو مالها جارية عندو
مروان شداتو ضحكة خخخخ
كارينا: نتوما انانيين بزاف سحاب ليكم حنا معندناش النفس والكرامة بصح حنا فقراء و لكن كرامتنا غاليا علينا
مروان:شنو دخل دابا الفقر و الغنى فموضوعنا
كارينا: دخلوووو اه دخلو كون كنت غنية كون حتى انا ...سكتات
مروان بتاسم:كون بغيتيك ياك؟
كارينا مسحات دموعها لي خانوها ثاني و هبطو : اه تماما
ضارت و عطاتو بظهر گلسات تتبكي
گلس جنبها و جرها لعندو: هاديك ختي
كارينا هزات فيه راسها :كيفاش
مروان:هاديك لي كنضل ندوي معاها و نقوليها حبيبة هاديك ختي روما عايشة فأوستراليا و هي الوحيدة لي عندي بعد ماما و بابا و انا كنبغيك ا كارينا واخا تكوني كيما كنتي كنبغيك
كارينا بقات مصدومة فيه و مبلقا عينيها كيفاش تيبغيها و هو كيقول ليها ختي صغيرة : وعلاش تتقول لي ختي صغيرة
مروان بتاسم :خهخخخ راني عايق الهبيلة غير كنبغي نشد فيك و صافي
كارينا دفعاتو : تشد في مالي حيط 😐
مروان:هههه لا نتي كارينا كابوور ديالي
كارينا: اه تيقتك
مروان جرها :دابا قولي لي تبغي تزوجي بي
كارنيا بقات مصدومة:شنوو
مروان:مالكي واش مباغاش تزوجي بي
كارينا: لا زعماوبغيت نقول واش ...
خخخخ بقات غير دخل و تخرج فالهدرة
مروان:كااالم كاالم تهدني و دوي
كارينا:هههه اه
مروان عنقها :متبقايش ديري لي قال ليك راسك و تهربي
كارينا:معرفتش سحاب لي مكتبغينيش
مروان : مممم سحاب فسماء اجي شكون داك ميخي لي كان معاك
كارينا ضربات راسها ضربة خفيفة:وليلي نسيتو مسكين غيكون مقصح علاش ضربتيه دري ضريف
مروان:ضريف فاش سولاناه فالاول بقا علي عايش مع مراتي
كارينا: هذاك صاحب سام
مروان:شكون هد سام
كارينا: صديق شامة
مروان:شنووووووووو
كارينا:علاش مالك
مروان: ليوم دياب تفور عليهم كسكسو خخخخ
كارينا: راه شامة ..(سكتات هي مخسهاش يمكن مبغاش تقولها مكاين لاش تفضحها)
مروان: مال شامة
كارينا: زعما هي تتعتابرو غير صديق يعني ذياب بلا ميفكر لبعيد
مروان: خخخخ ذياب يفكر لبعيد نتي متتعرفيهش مزيان
كارينا: اه مزوج و مزال تابع البنت
مروان: ماشي سوقنا حياتو هاديك
كارينا: حتى صاحبتي حياتها هاديك
مروان : واش دابا غنبقاو داويين غير على شامة وذياب مكايناش شي حاجة سميتها انا وياك؟
كارينا: اه كاينة
بقا معانقها
#حل الباب ونزل عندها: علاش دموع فعينيك
شامة هزات فيه راسها: مااسوقكش امصطفى عطيني غا شبع تيسااع
مصطفى: شامة عطيني غير فرصة انا عارف بلي نتي مجروحة مني و بلي مكنتش داك الراجل لي كنتي متعلقة بيه و صدمتك في ولكن تيقيني انا مستعد نبداو حياتنا من جديد انا و ياك و بنتي
شامة تتشوف فيه و كتشوف راسها معندها فين تمشي و من فوق ولدها لي فكرشها
شاف فيه : انا غنمشي معاك ياك كنتي باغي مربية لبنتك واخا انا موافقة ولكن ويااااك تحاول تحط عليا يدك او تشوف في شوفة ناقصة
مصطفى:عمري شفت فيك شوفة ناقصة و عمري غنشوفها
شامة: مهم انا....
سكتات شوية و كملات هدرتها : يلاه
مصطفى ضحك و حل ليها الباب :تفضلي
هزات براسها : واخا
طلعات و گلسات طلع مصطفى و ديمارا ..
داز الوقت و وصل الليل عيااو بقوة تقلاب مخلاو فين قلبو
سام كيلهث:عييت
ذياب:فين غتكون مشات فين
سام: هي مكتعرف حتى واحد هنا
بقا گالس كيشوف فيه كيف خايف عليها و كيف معصب : مالك على حالتك ياك نت مزوج و كتعتابرها غير عاهرة ديالك
سام باقي مكملش هدرتو حتى حس بكروشي زعزع ليه لفيشوووغ ديال وجهو خخخخ
ذياب: باش تعلم تقول عليها عاهرتي
سام ناض و مسح دم لي على جنب شفايفو و بتاسم بستهزاء : تيقتك
دياب اصلا طلع ليه دم و زاد عصبو سام بهدرتو
ضور ابيل لمروان لي كان عايش الغرام خخخخ
شاف فيها لقاها نعسات قادها على الاريكة و ناض مشا لبالكون: الو وي كيفاش واش هربات فش شافتك
دياب كيدوي معاه فتيليفون: كي سمعتي دابا تحرك و دير شي حاجة
مروان: نت خليها تهرب منك و قول مروان تحرك دير شي حاجة
ذياب بعصبية ودوا من تحت سنانو : مروان
مروان:يلعن ابو مروان مزيانة هادي هانا غادي ندوي مع دراري يشوفو كي يديرو يلقاوها و زبي عييت منك مالك على حالتك شدها و عاود ليها اش كاين وهنينا و شدها عندك محدك باغيها
ذياب:غادي نشدها سواء طال زمان ولا قصاار
قطع الاتصال و شاف فسام :حمد الله انني مقتلتكش وحنى فهاد الوضع بسبابك
سام شاف فيه و ضغط على يدو:كان خاصني نعاونها سمعتي كان خاصني نعتقها منك نت سحاب ليك غير نت لي عندك نفود و تقدر دير لي بغيتي
ذياب شدو من كول ديال قاميجتو و دوى من تحت سنانو : نت معااارف والو سمعتي معارف والو اذن بقا بعيد علينا
دفعو و تم غادي
سام:انااا عارف كولشي و هذا وعد من سام غادي لقاها قبل منك مني طيح فيدي متحلمش تعاود تقيسها ولا تشوفها
بتاسم ذياب بستهزاء: حتى توصل ليها قبل مني
مشا و خلاه سام غادي يحماق مافيهاش تاصل بحمزة : الو فينك
حمزة: فسبيطار تهرست من يدي
سام:علاش شنو وقع ليك و كارينا فيناهيا
حمزة عاود ليه كولشي
سام: وااو ونت خليتيه يديها وراني محزم غير بالبودنجال
قطع عليه و لاح تيليفون : غادي لقاك اشامة غادي لقاك فين غتكوني فين
#عند شامة
كانت كضور فالفيلا و مريم تابعاها وكضحك فرحانة بزاف : واش بصح نتي غتكوني ماما
ضارت شامة شافت فيها بتاسمات و هبطات لمستواها و رضات ليها شعرهت وراء ودنيها: لا ابنتي انا غير مربيتك ماشي ماماك ولكن شكون قاليك هد الهدرة
مريم غوبشات و شافت فيها:بابا قال لي غادي نجيب ليك ام بلاصت ماماك
شامة شافتها بدات تجمع شفايفها باش تبكي : لا انا زعما تقدري تقولي مممم ماماك ثانية شبان ليك
بتاسمات مريم و عنقاتها و شامة ضحكات على عفويتها هزاتها و هي تحس بوجع خفيف تحت كرشها و هي ترجع تحطها : حم حم حبيبة اجي وريني بيتك
مريم:يلاه اماماتي نطلعو
طلعو فدروج وشامة تتشوف فالفيلا زوينة بزاف و اثاتها غزالين
دخلات لبيت صغير و مزوج بأميرات ديزني خخخ و نونوسات
شامة:هذا بيتك الاميرة ياك
مريم:اه هذا بيتي اماماتي وهذا دوش و هادو فين كاينين حوايجي
شامة:مزيان و بيتي انا
مريم ببراءة:ياك نتي غتنعسي مع بابا
شامة شافت فيها وملقات متقول: لا احبيبة غنعس بوحدي
سمعات صوتو من موراها:بيتك جنب بيت مريم
ضارت شافتو متكي على الباب و داير يديه فجيبو
مصطفى: مريم عجباتك ماماتك
مريم:اه بزاف بابا شوف تتشبه لماما فشعرها ههه
بدات تتقيس ليها شعرها وشامة مسايراها
ناضت وودازت فيه و دخلات لبيت لي وراها على الاقل هنا مغاديش يوصل ليها ذياب
دخلات دوش و تحيد عليها العيا
طلقات رشاشة و حيدات حوايجها و تتحس بالماء سخون هابط ليها مع دراعها و ظهرها احساس زوين حطات يديها على كرشها : ماماك بجنبك متخافش مغاديش يوصل لينا انا غادي نحميك بأي طريقة واخا نعرف نموت وتبقا نت بيخير اولدي
خرجات من دوش و لوات عليها الفوطو
حسات بالباب تحل
ضارت لقاتو دخل
شامة: مصصططفىى شكدير خرج خرج
مصطفى غادي و كيقرب هو اصلا سكران ونصو ميت عليه كيتمشا بحال زومبي
شامة خافت كتشوفو كيقرب منها وهي كلها تترعد شافت جنابها بان ليها واحد الڤاز هزاتو وعطاتو لراس
طااح مصطفى كوما و دم هابط ليه مع جبهتو
اما شامة طلقات داك الڤاز و گلسات تخشات فواحد الركنة و بدات تتدعي الله ميكونش مات و كتاكل ضفارها
سمعات صوت البكا ضارت لقات مريم واقفة تتبكي و تتشوف باباها هابط ليه دم مع جبهتو
قربات بشوية و بدات تتحرك فيه و لكن مصطفى فااقد الوعي بدات تتحرك فيه مريم و شامة دخلات فصدمة كتشوف الدم ضاير بيه و مكيتحرش و ضرباتو لراس صافي مات مافيهاش
ناضت شافت راسها ملبسا والو هزات شورط و تيشورط ديالو لبساتهم شافت فمريم لي طايحة تتبكي و تفيق باباها
وخرجات كلها تترجف : درت دررىتت غللطط كببيير فشش جيت مكانش مكانش مكانش عليا نجي 💔😢
خرجات تتبكي و تشهق وقلبها غادي يوقف كلوا تفكرات انه ممكن يكون ميت كانت هربانة من ذياب صدقات غدخل الحبس
بقات غادة مع الطريق و ضايرين بيها غير الشجاري والغابات بحكم الفيلا جات فتيكساس خارج امريكا و نيويورك تيكساس معروفة بقطاع طرق و المنحرفين و المجرمين يعني توقعي فأي لحظة تموت
بقات كضور فجنابها كلما سمعات صوت الذئاب و عوءها هي دابا فموقف لا تحسد عليه
بدات تتزرب فالمشي فش حسات بشي حد تابعها كلها تترعد وكلها تترجف لحمها تشوك عليها بدات تتسمع صوت الخطوات كيقرب و قلبها كيضرب فالمئة 💔
فش كتسمع صوت الخطوات قراب ليها
بدات تتجري و شادة فكرشها عاطياها حريق بزاف أسفل بطنها
شامة:ولدي عفاك صبر معايا غير صبر
بقات تتجري و تقول مجريت حتى حسات براسها خرجات لطريق رئيسية وقفات دايرة اوطو صطوب ليل هذا فيناهوما سيارات بعدا بقات غادة حتى كتشوف شي ضوء ديال شي سيارة دارت اوطو صطوب و هو يوقف ليها واحد خينا كرشو مدليا وسنتو كتزعزع مع كل حرف كيخرج من فمو
(الحوار بالانجليزية طبعا ) : شحال بغيتي
شامة مفهماتش كيفاش شحال بغات تفكرات نهار نعسات مع ذياب و قال ليها شحال بغيتي زعما داكشي لي فبالها بقات ساكت هذاك راجل زاد زعزعها بهدرتو مرة اخرى: واش نتي صمكة راه قلت ليك بشحال دوزي معايا ليلة
شامة شافت دنيا خاوية ولبقات فهاد الغابة مغتصبحش حية : 50 دولار
شاف فيها وبدا كيضحك: ههاهاهااا اول مرة فحياتي غادي نحوي بالرخيص
شامة شافت فيه و هي كتفكر بشي طريقة تهرب منو
شافت بلي قربو لواحد ساحة الاستراحات و هي اصلا باغة تقياا : وقف وقف نزل لحمام
شاف فيها و حل ليها الباب
هبطات شامة و مشات لحمام ستفرغات و شافت وجها فديك المراية المهرسة الى جزءين
غسلات وجها و خرجات شافتو كيكمي و متكي على سيارتو لي كيف سيارات ديباناج
ضارت بشوية من مور الحمام و عطات رجليها لريح ..
عطات رجيلات لريح وقفات و هي تلفض انفاسها اخيرا وصلات لنيويورك
شافت فجيبها وتفكرات سوارت الشقة خلاتهم فجاكيطها لي عند مصطفى
شامة : ماشي مشكل لمشيت غلقا كارنيا
خخخ مسكينة معارفاش بلي كيتسناها
#ذياب علم جميع رجالو يقلبو حيت ذياب عندو اصلا فروع شركات فأمريكا ولكن مخليهم المدراء كيسيروهم دوز ابيل لمروان لي هو الاخر مزال موصلش لشي حاجة
سام علم باباه و كلف حتى هو رجالو يقلبو
ذياب شاف فيه گالس و دافن راسو بين رجليه كيلعب برجليه فثلج
ناض وقف و شافو غادي
سام: فين غادي
ذياب: شامة معندها فين تمشي عاجلا ام اجلا غادي ترجع لهاد شقة
سام بقا شحال كلامو صحيح مليون بالمئة غادي ترجع لشقة
مشا تبعو كيجري
طلعو فدروج و دخلو
گلس ذياب و هو يشوف تيشورط ديالها طايحة فالارض هزها وشمها ستنشقها بطريقة كتعبر على الحب لي مخبيه فقلبو ليها وعلى كمية الشوق لي كيحس بيها تجاهها
شاف فيه :مالك كتشمو فيه شي حاجة
ذياب: مسوقكش
سام دار ليه براسو عاودها لمخك و گلس حط رجل على رجل .
#شامة وصلا لساحة لي جنب العمارة فين ساكنة بدات كضحك فرحات
شامة: اكيد دابا دياب مغاديش يقلب علي فالشقة مغاديش طيح ليه على بالو هادي احسن بلاصة نتخبا فيها
مشات تتخبا و طلعات فدروج شافت الضوء شاعل اكيد كارينا كاينا فدار
دقاات ووهو يتحل الباب
وطفا ضوء
شامة:شكون هنا كارينا
حسات بيد قاصحة شدات فدراعها بدات تتخاف و تنفس بصعوبة
شوية بان ليها انعكاس راجل فالحيط
شعل ضوء : مرحبااا بلالة شامة
يتبع...
