صفحة القصة
شامة:نتاااا
شاف فيها و غوبش: شوية نولي كي الگديد وانا كنتسناك هنا علاش تعطلتي
شامة:يلاه سالات الحصة و استاد شدني عطاني دروس لي مكنتش حاظرة فيهم وعلاش تتسناني بعدا
لبس نظاظرو و مد ليها يدو: امير الكلية باغي يشرب معاك قهوى شبان ليك ؟
شامة:وانا الا مبغيتش
سام:على قبل صديقك جديد
شامة :على قبل صديقي وقتاش ولينا اصدقاء
سام:واقيلا من 8 ديال صباح
شامة بتاسم:واخا اصلا خرجت بلا فطور
مشاو هبطو لكافيتيريا و كولشي مراقبهم
شامة:علاش كيشوفو فينا
سام:حيت مولفين كيشوفوني مع بزاف ديال البنات و جاتهم غريبة يشوفوني مع بنت وحدة
شامة:ههههه هي نت ابو البنات
سام:هههه شي حاجة بحال هكاك
شامة:الله يعطينا وجهك
سام:معندك مديري بوجهي دابا عندك مديري غير بشي توسط و كابيتشينو
شامة: هادي عندك فيها الحق في جوع نيت
حط ليهم سرباي الفطور و مشاا
طاحت شامة عمية فداكشي خخخ
وسام غير كيشوف فيها : بشوية عليك
شامة عاد نتابهات لراسها :والله معرفت في جوع غير طبيعي
سام: هههه غير كولي بصحتك...
شامة بتاسمات ورجعات تتقطع التوسط وتاكل .
فاقت على صوت التصفار و الغنى ديال سيهم مروان خخخخ
شافتوو دخل عندها و حط ليها الفطور:واش مزالة مريضة
كارينا رجعات لصقات تكات و شافت فيه مطولة شوفة:قول لي علاش نت حنين بزاف
مروان:حيت ماما رباتني هكا نكون حنين مع الجنس اللطيف خخخ
كارينا:مكرهتش نبوس هد ماماك
مروان:مستحيل
كارينا:علاش
مروان:ماتت قبل 4 سنين
كارينا:سمح لي انا...قاطعها : عادي الموت علينا حق وصافي ..بتاسم و رجع خربق ليها وجها بشكلاط
كارينا:ايي
مروان:كولي يلاه
كارينا:هاهي غادي تااكل..بقات تتشوف في واش تشجع وتسولو ولا تسكت صراع بين قلبها و عقلها واش تسولو ولا لا اه لا، اه لا ، اه لا ،اه لا
اخيرا تشجعات:كاينة شي بنت فحياتك
مروان هز راسو مستغرب من هد سؤال :صرحة كاينة
حسات بحالا سطل ديال ماء مثلج تخوى عليها..:مزيان سعداتها
مروان بتاسم و هو كيمسح ليها فمها:انا لي سعداتي هههه
شوية سمع تيليفون كيصوني :سمحي لي غادي نجاوب ونجي
هز تيليفون و جاوب:الو الحب ..
خرج وسد الباب
بلا متحس طاحو دموعها :هئ هئ هئ مزيان كنستااهل انا لي كنتيق بزاف
بقات تتبكي و تاكل و وتنخصص وقفاات دخلات دوش دوشااات و لبسات حوايجها خرجات البلاطو..وشافت دنيا خاوية
كارينا هزات البوت ديالها ولبساتو ولاحت على كتافها شال كبيتشو و كسيوى اصلا كانت لبساها قصيرة و مزيرة ليها على مؤخرتها و شعرها مطلوق..
هزات صاك شافت الباب محلول مشات خرجات
طالقة رجليها كضور وهي براسها معارفاش فين غادة ولكن مني جات مخرجات على الاقل تشم غير الهواء و تبدل الجو ..بقات غادة مع الرومباا وناس كيدوزو من حداها و كيشوفو فيها باينة عليها شي وحدة غريبة
بقات غادة حتى خرجات فوسط المدينة خخخخ و كازا كي كتعرفو مدينة كبيرة تبعد جوج خطوات تلف معرفات مزال انا طريق تشد ولا انا طريق جابتها بقات كتقفقف و هي تتشوف سيارات غاديين جايين خخخ موقف متحسدش عليه
تخيلي راسك فوسط شارع من شوارع نيويورك و غادي تفهمي احساس كارينا حاليا معارفة فين تمشي حتى تتحس بيد على كتفها ...
🌺خرجو من كافيتيريا وهي تشوفو قدامها كي عزرائيل
شامة تتقفقف :ذياااابببب
ذياب شدها من يدها و جرها
لحسن الحظ سام دخل الحمام و شامة سبقاتو خرجات كون لقاه معاها كانت ليوم اخر نهار ليها خخخخخ
شدها من يدها جارها مخرجها..
شافت فيه كي معصب
شامة:طلق مني
ذياب دوى من تحت سنانو و هو معصب
كثر من ساعة وهو كيتسناها فسيارتو وعارفة غادي تخرج من حصة قبل ساعة :فين كنتي و مع من
شامة بدات تتقفقف : كنت مع واحد البنت تتقرا معايا غير شربنا قهوى
ذياب:علاش معندناش القهوى فدار؟
شامة:مااشي سووقك اذياب نت ماشي راجلي وماشي بابا وماشي خويا باش تحكم في فهمتي ولا نزيد نفهمك نت معندك حتى حق علي انا حرة ديال راسي
ذياب مسح على راسو بعصبية: انا عندي عليك حقوق سواء تقبلتيها ولا لا ودابا غادي تزيدي قدامي
شامة شافت كولشي كيشوف فيهم محملاتش راسها على هد شوهة طلعات فسيارة وهي حانية راسها
ضار شاف فيهم كولهم كيشوفو فيهم:مالكم
خخخخ كلهم حناو راسهم
طلع لوطو وشاف فيها كيف مغوبشة جابت ليه ضحكة : غادي نوصلك لفيلا وغادي نمشي لشركة
هزات راسها بواخا دقائق وصلو للفيلا هبطات و ردخات بالباب و هو يوقفها:بلاتي
ضارت شافت فيه:شنو
ذياب:متبقايش تخرجي من دار قبل منفيق انا
شامة:واخا
كملات طريقها دخلات بانت ليها دنيا هادية : زعما باقي مفاقوش
شافت ساعتها 12 و نص :بزاف على نعاس
شافت الماعن لي حطات مزال فبلاصتهم حطات صاكها و رجعات تتهز الماعن ...
شافتو هابط مع دروج و كيصفر شافها و شما عندها:صباااحو شاامو
شامة:صباح نور بلاه فقتو
مروان: لا كارينا فاقت قبيلات ديت ليها فطور يمكن كدوش
شامة:سير شوفها
مروان:هاهوا غادي
خرج و مشا لبيت شافو خاوي و بلاطو ديال الفطور مزال على سرير و بيجامتها لي كانت ناعسة بيها فوق سرير كيف حيداتها
مشا لدوش لقاه خاوي رجع خرج
لقا شامة يلاه تتغسل الماعن :شامة كارينا مكايناش فبيتها
شامة:كيفاش
مروان:بلاتي نشوف جردة و بيوت لفوق
خرج و هو يتلاقا سلوى : سلوى مشفتيش كارينا
سلوى: ديك الخدامة لا مشفتهاش
ضرب فيها و بغا يخرج شوية رجع عندها: ماسميتهاش الخدامة سميتها كارينا
سلوى بقات غير كتشوف فيه
خرج كيجري وتبعاتو شامة
مروان:طلعي طلعي بزربة غتكون خرجات
شامة:اه راه سباطها مكاينش
مروان نقز وگلس فبلاصت القيادة بما ان السيارة من نوع ديكابوتابل خخخ
طلعات شامة حداه و فرانا بجهد و رجع خرج كي العجاجة و شامة متتحملش سرعة الفائقة بقات غير تتقوليه وقف وقف ..
مروان:ماشي وقت الفوبيا ديالك اشامة راه الا شدوها البوليس غادي ترجها القنصولية لباكستان
شامة شافت فيه و هي مطولة جاها فشكل رجع شاف فيها:ديري حزام الامان
شامة هزات راسها بواخا و دارتو
♦وصل لشركة شافو واقف كيتسنااه
دخل و تبعو گلس دياب على الكرسي و دار رجل فوق رجل : ممكن تشرح لي شنو هي الخطة لي كنتي داير نت وديك خيتي
الراجل بدا كيقفقف : سي ذياب صدقني مكانت عندي حتى علاقة معاها هي هدداتني الا مسيفطهاش ليك غادي تقتل لي ولدي الوحيد و كيف كتعرف وكالة ديالي هي باب رزقي و ولدي ..قاطعو دياب : هد الديسك الحافي مغاديش يمشي معايا هد المرة غادي ندوزها ليك مرة جايا ديك الوكالة غادي تسد ونت عارف العواقب تكون عدو ديالي
راجل دار ليه براسو واخا
رجع خرج و سد الباب و دياب رجع راسو للخلف و كيتفكر هد صباح وشحال خاف عليها فش تعطلات شوية سمع صوت الباب تحل كانت سكرتيراا..: مسيو ذياب الاجتماع بدا وليوم غادي يجي شخص جديد لي شرا الاسهم ديال شريكنا لي باعهم
وقف ذياب ودار يديه فجيبو وخرج..
مشا لقاعة الاجتماعات و فراسو الف سؤال وسؤال شكون هذا..
🏮حسات بشي يد على كتفها ضارت و شافت فيه وهي مخلوعة
حيد نضاضرو وشاف فيها كيتفكر فين شافها:ممم نتي ماشي ديك صحبت شامة لي كانت معاها لبارح
كارينا شافت فيه عاد دوات بلونگلي :واش كدوي بلونگلي
بتاسم و جاوبها:اه انا سام صديق شامة صحبتك ياك ؟
كارينا فرحات دارت ليه براسها اه
سام:هذا صاحبي حمزة
كارينا مدات يدها سلمات عليهم
حمزة:(دوى بلونگلي)واش تلفتي
كارينا:اه وصرحة معقلتش على الفيلا عفاك الا كان ممكن ديوني عند شامة
سام برك على يدو فاش تفرك فاش جرها دياب و داها..:انا غادي نصوني عليها و تجي تديك
كارينا:شكرا ليكم
سام دار لحمزة بعينيه زعما ديها
حمزة:لحسن حظك طحتي فينا يلاه حتى تجي صحبتك
كارينا :شكرا
حمزة: انا حمزة و نتي
كارينا:كارينا
حمزة:كارينا كبوور هههههه
كارينا:كارنيا مهراتي
حمزة:ممم متشرفين انا حمزة كناني خخخخ
كارينا: متشرفين ا حمزة
دخلو سيارة و گلسو وحمزة غير كيشوف فيها:واش نتي مغربية
كارينا دارت ليه براسها لا
حمزة:وايلي روسية؟
كارينا:ههههه لا باكستانياا
حمزة:ممم اه متشرفين
كارينا: مزال شامة مغادي تجي
حمزة شاف سام كيدوي فتيليفون:غيكون علمها سام
كارينا:اه واخا
شاف تيليفونو كيصوني كانت هاندة :الو هاندة شنو انا مع سام اه كنا غاديين لنادي و لكن غنتعطلو شوية غير تسناينا
قطع عليها و رد تيليفون جيبو : كتسناي غير ساام
كارينا شاف فيه:هادي حبيبتك
حمزة:لا غير صديقة
كارينا:اه واخا
🌺شامة و مروان بعدما علمها سام بلي لقا صحبتها فرحات و عطاتو العنوان لمروان لي فرانا دغيا و توجه للعنوان ..وقف سيارتو و هبط و شامة هبطات
مروان موجه هدرتو لسام:فيناهي؟
سام:هاهي فسيارة
مروان مشا غير شافتو كارنيا و هي تهبط حسات بالامان جنبو مشات عنقاتو و ناس كيشوفو فيهم معنقين وسط الشارع هخخخ و سيارات دايزين شي غادي شي جاي وحمزة غير حاضي هد ديكور شامة تتشوف صحبتها لي طاحت فشباك العشق الممنوع 💔...
سام شاف شامة و مشا لعندها شد من يدها: لباس عليك انا شفتو فصباح ولكن كنتو طلعتو فلوطو
شامة:عادي ولفت تعامل ديالو و نكون عاهرتو
سام برك على يدو :متقوليش هكا على راسك
شامة:الحقيقة مرة
سام:غادي نخرجك من هدشي غير صبري
شامة: شنو درتي مزال
سام:دويت مع بابا وكيوجد ليكم باسبورات مهم ماشي بسمياتكم الحقيقة باش معمرو يلقاكم
شامة:شكرا ليك
سام: (طلع ليها راسها) متخافيش غادي نعاونك حتى تخلصي من هد الشخص المريض
شامة:علاش كدير هدشي كامل
سام:ممم ماشي من حق صديقك يعاونك
شامة: صديقي لي عرفتو من 8 دصباح؟
سام:ههههههه اه
شامة بتاسمات و رجعات شافت صحبتها جايا جيهتها عنقااتها بحال شي توؤم خخخخ:خفت بزاف اشامة خفت بزاف
شامة شافت فيها وبتاسمات:متخافيش محدي معاك
كارينا:خفت نطيح فيد البوليسي
شامة: قريب غادي نتهناو من هدشي غير صبري..
كارينا شافت فيها بمعنى كيفاش ولكن شامة تجاهلات شوفاتها..
سمعو صوتو من الخلف:يلاه نمشيو
ضار مروان و شاف فدراري :شكرا ادراري عذبناكم معانا
سام:ماشي مشكل
رجع سام ركب و كسيراا..
وشامة و كارينا رجعو ركبو فسيارة مروان
♦دخل دياب للقاعة شاف جميع الشركاء مجموعين گلس فالكرسي و شاف فيهم : فيناهو شريكنا جديد
هانا ...ضارو وشافوه
وقفو كاملين من غير ذياب لي بقا هادء فبلاصتو:كنبغي نعلمك اننا فهاد شركة خاصك تبع قوانين بزاف من اهمهم خاصك دخل قبل مندخل انا
بتاسم ليه و رجع گلس فالكرسي :كنعتادر على تأخير
ذياب:ماشي مشكل مرحبا بيك معنى شنو كانت سميتك
شاف فيه و بتاسم بغرور:مصطفى
ذياب : متشرفين ذياب اغلو
مصطفى: عارف متشرفين
كملو اجتماعهم وهوما كيدويو على الاسهم و البورصا و المناقصات جداد..
وصلو للدار وهبطو وشامة معنقا كارينا
مروان ضرب بواحد الكاس حتى تشخشخ:بغيت غير نفهم فين كان كيقول ليك داك المخ الغبي ديالك تمشي واش عندك شي عقل غير فتاردي ملقاوكش دوك دراري فين كنتي غادي تخرجي ؟ دوي واش نتي عندك شي عقل راه كازا هادي سمعتي راه كازا عامرة بشماكريا كون طاح فيك شي بزناز ولا شي شمكار شكون كان غادي يعتقك بغيتي تخرجي قوليها لي نخرجك مال راسك قاصح مالكي كديري غير لي عجبك؟
شامة بقات غير كتشوف فيه تقلب 180 درجة مبقاش داك مروان ضحوكي ولا واحد اخر ..
مروان:دوي مالكي ساكت
شامة:مروان تحكم فراسك شي شوية
مروان:شامة خليك بعيدة
شامة:كيفاش خليني بعيدة واقيلا هادي راه صحبتي
مروان:هد صحبتك الغبية راه كانت غادي تلف اليوم
شامة:انا عارفة حجم الخطورة ولكن هدشي مكيعنيش انك دير هد الحالة
مروان:وشنو ياكما بغيتيني نفرح؟
شامة:مروان
مروان:اشمن مروان ولا نمي
كارينا غا ساكت تتشوف فيه من مور شامة و مخبية موراها
شامة: مروان
خرج مروان وزدح بالباب
رجعات شامة گلسات
شافتها كارينا مشات تتجري جابت ليها كاس ديال الماء
كارنيا:شامة نتي بيخير
شامة:انا انا ...
شوية بدات تتسد عينيها و تحلهم بزز
كارينا:هئ هئ هئ هدشي كامل بسبابي بسبااابي انا سباب انا انا شاامة عافاك شنو وقع ليك شاامة فيقي فيقي عفاك مروان مروان اه مروان
خرجات كارينا تتجري شافت سيارة مروان مكايناش اذن خرج
رجعات تتجري لقاتها مزال فبلاصتها مشات تترش ليها وجها بالما
شوية سمعاتو دخل شاف فيه :سي ذياب سي ذياب شامة شامة معرفتش مالها
ذياب مشا كيجري هزها و خرج و كارينا تابعها
ذياب مشا كيجري هزها وخرج وكارينا تابعاه..ركبو فسيارتو و كسيرا لاقرب كلينيك ..دخلو وستقبلو الاطباء فالاستقبال بما انه معروف عندهم تماك دخل و دخلو شامة لداخل اما ذياب بقا برى هو و كارينا على اعصابهم
⚱لداخل كانت ناعسة على البياص و طبيبة جنبها كدوز ليها على كرشتها بتاسمات ووهي تتسمع دقات قلبو
مسحات ليها السائل لي على كرشها و رجعات غطات ليها كريشتها و خرجو تصاور الايكو ديال الجنين ..حسات بيها بدات تتفيق:على سلامتك كوني هانية نتي دابا بيخير
شامة شدات فراسها فيها دوخة و نفسها مروعة..:عفاك ادكتورة شنو عندي
مدات ليها تصويرة الايكو و هي مبتاسمة:صرحة انا كنعرف مسيو ذياب من خلال مؤتمراتو صحافية غادي يكون اب مزيان لولدكم ياك نتي مراتو
شامة:ههه اشمن ولد واقيلا راك غالطة انا اصلا ...(سكتات شوية تتفكر دوك الليالي لي دوزات معاه و شحال من مرة نعساات معاه )
شامة:هئ هئ هئ هئ عفاك نتي مرى بحالي بحالك عاونيني نطيحو عفاك
طبيبة بعدات عليها شوية :سمحي لي منقدرش نقتلو انا طبيبة ماشي گزارة ولا قتالة منقدرش ندير ليك اجهاض
شامة:هئ هئ واخا واخا ولكن عفاك متقولي ليه والو عفاك مبغيتوش يعرف واش انا حاملة راه غادي يقتلني انا و الولد
طبيبة:ولكن علاش غادي يقتلك ياك هذا ولدو و نتي مراتو
شامة خشات راسها فحضنها و دفنات وجها بين يديها:انا ماشي مراتو انا غير خدامة عندو فالفيلا ديالو و انا ..
سكتات الطبيبة فهمات من خلال كلامها انها ممزوجاش بيه تأسفات لحالتها فالاخير كضل حتى هي مرى و غادي تفهمها..:انا غادي نعاونك بطريقة وحدة
شامة شافت فيها و كلها تترعد:شناهي؟
طبيبة :انا غادي نقوليه غير مشكل فمعدتك و بلي نقص فالفيتامين هدشي لي نقدر ندير
شامة وقفات تتبوس فيها:شكرا شكرا بزااااف 😢😢
طبيبة:حاولي تلقاي شي حل
شامة:كنواعدك غادي لقا شي حل شكرا ليك بزاف عمري نساا خيرك
طبيبة شدات ليها يدها:تهلاي فراسك وفالبيبي حيت دابا هذا اسبوعك 4
شامة:شنووو اسبوعي رابع
طبيبة:اه كملتي 4 اسابيع الاول
شامة حطات يدها على كرشها اسابيع و هو فكرشها طاحت دمعة سخونة على خدها عمرها حلمات يكون ولدها ولد الحرام و تحمل من راجل مزوج هذا كل كيخليها تفكر شنو دير ميمكنش تبقا مزال فديك الدار
الا عرفها حاملة اكيد غادي يقتلها هب و داك الولد لي فكرشها..بدات تتفكر كلام سام هو الوحيد لي يقدر يعاونها و يلقا ليها شي حل
خرجات و شافتو قدامها بلعات ريقها يا ترى الا عرفها حاملة اشمن طريقة باش غيقتلها
ذياب شافها و مشا كيجري جيهاها عنقها و هو خاشي راسو فعنقها
وطبيبة موراهم حاضية هد ديكور كيفاش مكيبغيهاش و هي شايفة شحال كان خايف عليها فاش جابها ودابا فاش شافها خارجة
ذياب :(وهو مزال معنقها و كيهمس ليها فودنيها)حبيبة لباس عليك مالكي شنو وقع ليك
شامة ساهية فعويناتو لي كيبريو يا ترى الا عرف بلي راها حاملة غتكون نفس النظرة فعويناتو ولا غادي يتحول لداك الوحش الادمي لي مكيفوت حتى فرصة باش يهينها!
شامة:انا بيخير غير نقص فالفيتامينات و مشكل فالمعدة و صاافي
ذياب شاف فطبيبة زعما واش بصح الطبيبة أيدات كلام شامة وهزات راسها بأه
ذياب:صافي واخا يلاه
شامة هزات راسها بواخا..
مشا ذياب خلص الفاتورة و شد يدها :يلاه نمشيو..
شامة : يلاه
خرجو و تبعاتهم كارينا
طلعات فلوطو و و ركب جنبها و كارينا قدامهم جبدات بشوية صورة من جيبها شافتها و طاحو دموعها
شامة فخاطرها: تمنيت كن كنت مزوجة و دابا حاملة من راجلي ماشي من واحد معتابرني عاهرتو و مزوج ياربي سمح لي و دير لي شي حل مبقيتش قادة عييت
رجعات شافت فيه كيف مركز مع تيليفونو باينة شي حاجة مهمة
شافت فالمراية بانت ليها كارينا متكيا ووحاطة راسها على المراية
ساعة ديال طريق وصلو لفيلا
دخلات وهي تبدا تشم ريحت الماكلا بانت ليها الطابلة عامرة
سمعات صوتو من موراها:عندك نقص فالفيتامينات بقاي تاكلي و فطري فصباح قبل متمشي كلية
ضارت شافت فيه و مشات گلسات متنكرش فيها واحد جوع غير طبيعي يمكن بسباب حملها..گلسات و كارينا غير ساهية تتلعب فطبسيلها اما شامة شقات خريطة العالم فدوك البيتزات خخخخ و طاكوس شوارما و كانيطات ديال كوكا ذياب فاش كان فسيارة دوموندا على الماكلا من الانترنيت لشامة وليصالاد
كلات حتى شبعات شافتو هابط مع دروج و بدل حوايجو شاف فيها : ممنوع تخرجي من دار بلا ماكلا
شامة دارت ليها براسها واخا
وتم خارج :اويلي مال هذا داير لي فيها طبيب
شافت فكارينا لي مكايناش فهاد العالم زعزعاتها شامة:هيهوووو فين ساهية
كارينا:مروان مرجعتش
يلاه بغاات شامة دوي و هي تشوفو مورها :حم حم كيقولو الا فكر فيك شي واحد و جيت فالبلاصة فهذا دليل على ان عمرك طويل ياك اشامة؟
شامة:اه ماما الله يرحمها كانت كتقولها..
كارينا شافت فيه ورجعات دايرة راسها كتاكل
مروان فهم بلي مزال مقلقة على ديك الهدرة لي سمعها فصباح جبد كرسي و گلس : عارف راسي قصحت معاك الهدرة فصباح ولكن حطي راسك بلاصتي راه كنخاف عليك
كارينا:مممم مزيان الله يكثر خيرك
مروان:كرينا بركة من تبعصيص
كارينا: ممم الا مبغيتيش تسمع تبعصيص ديالي سير بعد مني
مروان:كاين شي واحد كيبعد على ختو؟
كارينا حسات بشي خنجر تغرس ليها فقلبها فاش سمعات ديك ختو بقاات غير كتشوف فيه و كيف كيدوي
ناض و قف و باسها فراسها:نتي ختي صغيرة منبغيش توقع ليك شي حاجة
شامة هزات راسها تتشوف فصحبتها لي ولات كيف حبة الطماطم و هو كيضحك شاف تيليفونو كيصوني هزو و دوز ابيل:وي اه لا احبيبة مبقا والو غادي نرجع ممم تانا توحشتك..
مشا و هي حالة فمها تتشوفو كيبعد عليها وكيف كيضحك و رفرحان وهو كيدوي ..
شامة:كارينا
كارينا شافت فشامة ودموعها طايحين:شتي شنو قلت ليك مكيبغينيش هئ هئ
وقفات وومشات تتجري وقفات شامة تبعاتها لقاتها فوق سرير كتبكي و دموعها كيف شلال
شامة:ششششش عفاك بركة صافي بركة من البكا راه تتقطعيني من لداخل عفاك اكارينا
كارينا:هئ هئ مبقيتش باغا نبقا هنا اشامة محدي هنا غير مكنزيد نتعلق بيه و كنزيد نتشبت بيه و نبغيه بغيت نمشي من هنا عفاك عفاك اشامة
زيرات عليها ووهي معنقاها جمعااتهم هد الحياة فضروف قاسية جمعاتهم زنزانة و عاود جمعاتهم هد دار والقدر ورغم ذلك تتحس بيها انسانة قريبة ليها
شافت فيها شامة وبقات كدوز يديها على شعرها الاشقر:شششش غير صبري مبقا قدما فات
شافت تيليفونها كيصوني شكون من غيرو سام :الو
سام:فينك
شامة:فدار
سام:مهم غذا ندويو راه وجدت كولشي
شامة بتاسمات : واخا شكرا ليك
قطعات وشافت فصحبتها:حبيبة قريب هد الكابوس غادي يكمل و غادي نبداو كولشي من جديد
كارينا:واش بصح
شامة:اه بصح
بتاسمات وقفات شامة وهي طيح منها صور شافتها كارينا و هزاتها:شامة شنو هدشي
ضارت شامة و شافت صورة الايكو فيدها بزربة حيداتها من يدها:هادي غير غير (قاطعاتها)
كارينا:واش نتي حاملة
شامة شافت فيها و وجها ولاحمر:انا..
سكتات و هبطات راسها للارض ويدها على كرشها مكاين علاش الكدوب اجلا ام عاجلا غادي تعرفها حاملة واصلا عارفاها تتنعس مع دياب
شافت فيها كارينا وفهماتها:ششش صافي مكاين لاش تشرحي لي انا فهمت كولشي غنمشيو بعيد من هنا و غادي تولدي هد الولد انشاء الله
شامة:ممتأكداش خاصني غير نبعد غادي ندير اجهاض منقدرش نخليه اكارينا منقدرش شنو غنقوليه الا سولني على باباه؟ نقول ليه سمح لي اولدي نت ولد الحرام وكنت قحبة لباك؟ واش كضني غادي يسمح لي؟ واش كضني الحياة بلا اب ساهلة انا عشت احساس تجي لهاد دنيا بلا اب مبغيتش ولدي ولا بنتي يعيشو نفس شيء بركة غير انا عشت هد المعانات و بابا مات وانا صغيرة
كارينا وقفات و مشات جيهتها و عنقاتها :صافي ربي غيدير تويل ديال الخير غير تهناي
💋اصبحنا و اصبح الملك لله 💋
فاقت على صوت ردان ديال شامة خصرات وجها و وقفات مشات لحمام
كارنيا:شاامة مالكي
شامة تتلهث و تمسح فمها:هدشي بدا كيزيد على حدو
كارينا:نجيب ليك تشربي
شامة:مكرهتش عصير د الفريز
كارنيا:فريز فهاد الوقت؟
شامة:علاش ماشي موسم ديالو
كارينا:مممم معرفتش غنمشي نشوف ليك
شامة:شكرا عذبتك معايا
مشات كارنيا غادة و تتكسل
شامة رجعات تتدوش حطات حوايجها قداتهم و لبسات شافت فكرشها وتخيلات راسها وكريشتها منفوخة ههه
طردات دوك الافكار و رجعات ثاني كتلبس قدات ميكاب ديالها و شعرها خرجاات شافت قدامها عصير الفريز و طوست و كخيب
مشات تتجري باستها من عنقها:شكرا ليك
كارنيا:ماشي مشكل بصحة وراحة خاصك الماكلا راك عارفة دابا نتي ..
سمعو صوتو من موراهم:مالها هي؟
شافت فيه كارنيا و خرجات عينيها:غير زعما هي كتعاني من نقص الفيتامينات و صافي اسي ذياب
ذياب:ممم مزيان يلاه فطري نوصلك
شامة :غنمشي بوحدي
ذياب دو بنبرة حادة:غادي نوصلك هب غادي نوصلك
شامة دارت ليه براسها واخا مافيها لي يتناقش معاه على صبااح فطرات و خرجات و هو تابعها طلعو فلوطو وهي تفكر كارو شحال هادي مشافتها:حم حم مراتك مكيانش
ذياب:علاش ياكما توحشتيها
شامة:غير مبقاتش تتبان لي
ذياب:سافرات عندها شي خدمة
شامة: اه مزيان
شاف فيها و كيفاش تتمص شفايفها بحال كدوقهم خخخ
شوية شافها جبدات ريحتها و تترشها ووتشمها ستغرب اول مرة ديك هاكا
ضارت شافتو كيشوف فيها شي شوفات غراب
عاد عاقت على راسها رضات الريحة لصاكها و جبدات عكر بنكهة الكرز وحممممر خداتو تتقادو على شفايفها ولاو بحال حبة الكز محسات غير بيه كيجبدها و فمو على فمها حلات عينيها من قوة الصدمة وهي تدوق مداق ريقو فالفمها حلاتو و شداتو من كول و زادت دخلات لسانها معرفاتش شنو هدشي ولكن مكرهاتش مطلقوش
اما واحد شيفور مسكين بقا غير مخرج عينيه خخخخ كيشوف فيهم مبقاوش كيراعيو لمشاعر دناس السيليباطير خخخخخ
حسو بسيارة وقفات بعد عليها وهو مركز على عويناتها وكيفاش كتلهث كتلطاقت انفاسها تقول كانت كتجري خخخ وبسيف رجع طبع قبلة سخونة على شفايفها وبتاسم : وصلنا
شامة هزات فيه عويناتها:اه وصلنا للنهاية
ذياب مفهمتش دار ليها براسو كيفاش رجعات تحنات و غطسات راسها فعنقو تتشم ريحتو طلعات مع عنقو حتى وذنيه وهمسات ليه بطريقة ساحرة :غادي نتوحشك
رجعات باستو كيفما باسها و هبطات من سيارة مفهماتش شنو هدشي كتحس بيه
كتحس بحالا قلبها غادي يوقف تمشات ببطئ وضارت شافتو مزال ممشاش هبط زاج سيارة و مزال كيشوف فيها
عطاتو بظهر وكملات طريقها للكلية
دخلات وهي تلقاه فوجها وفيديه جوج باسبورات
شامة داتهم وحلاتهم شافتو قاد ليها كولشي
سام: تقدرو تمشيو من غذا
شامة:واش بصح
سام:بطبع و دويت ليك مع عمتي غادي تعطيك دارها لي فنيويورك غادي تعدبي شوية ولكن مع الوقت غادي تأقلمي
شامة : شكرااا بزااف
بلا متحس عنقاتو
مشافوش اليدين لي كانو خلف الشجرة كيصوروهم
بعدات عليه و رجعات شافت الباسبورات واحد ليها و واحد لكارينا ولكن طبعا ماشي بأسماءهم الحقيقية
شامة:ممم اذن ولان سميتي إليزا
سام: اه و صحبتك سندس
شامة:شكرا ليك قدما شكرتك مغاديش نوفي ليك فضلك علي واخا مكتعرفنيش ولكن عاونتيني
حطات يدها على كريشتها : نت خدمتيني خدمت حياتي شكرا ليك
سام: ماشي مشكل
شامة: يلاه نخليك خاصني نسول استاد على الجامعات ديال تصميم لي فأمريكا..
مشات وخلاتو واقف، وهو مراقبها بعينبه: انا براسي معارفش علاش كنعاونك ا شامة ولكن شي حاجة هنا (كيأشر لقلبو) كتخليني ديما تابعك
___: هيهوووو روميو فين شارد
ضار و شاف فيهم : اووهووه فين غبرتي من البارح
حمزة: غير كنت مع ديك الصفريطة
سام: السرباية؟
حمزة: اه هاديك
شاف هاندة خاشيا راسها فتيليفونها بلمح البصر طيرو ليها من يدها
سام: انشوف شكون لي لاهيك علينا مممم شهادشي
هاندة تتعلق فيه باغا تحيد ليه تيليفون من يدو: اراه اسام عرفتي و نخسر والله حتى نقتلك
رجع سام شاف لقاها تتلعب لعبة بابجي مخخخخخخ
سام: واعععععع خخخخ واش منيتك
هاندة: ماشي شغلك اسام
سام: عزري دوار صافي
حمزة: انوثتك في خطر اهاندة
هاندة شافت فيه و غوبشات: علاش لي معاشركم غتبقى عندو شي انوثة خخخخخ بقاو شادين فيها و ضاحكين
اما شامة دخلات الفصل وبقات متبعة كيف عادتها مع الدرس
شوية سمعات جرس شاف الاستاد فساعتو ورجع بتاسم: ولهاذا غنكون وصلنا للنهاية الحصة وكنتمنى توجدو لي التصاميم نهائية ديالكم يمكن ليكم تخرجو
شامة تعمدات تأخر باش تبقى هي اللخرة باش تسولو خرجو طلاب كاملين بقاو غير بجوج
شامة: ممم سمح لي بغيت نسولك
الاستاد شاف فيها و ضحك : مرحبا
شامة: دابا انا غادي نتحول نسكن خارج المغرب فنيويورك عفاك واخا تقول لي شي مدرسة مزيانة فنيويورك
الاستاد غوبش: كيفاش غادي تحولي
شامة: صرحة اسباب شخصية
الاستاد: انا غادي نشوف ليك مهم انا غادي نرض عليك فواتساب
شامة: شكرا ليك
الاستاد : ماشي مشكل
حنات راسها و خرجات تشهات تخرج ضور شوية حسات بالخنقة شحال هادي مضارت ولا سرحات رجليها
تمشات حتى وصلات لواحد الحديقة صغيرة خاصة بالولاد صغار وكاينين بزاف ديال ناس كل واحد مع بنتو ولا ولدو بان ليها واحد الولد صغير كيبكي باينة طاح و ركبتو مجروحة يلاه بغات تنوض تمشي عندو وهي تشوف باباه و ماماه مشات حداه بتاسمات و هي تتشوف هد العائلة صغيرة كيفاش خافو على ولدهم
شافت كريشتها و طاحوو دموعها : سمح لي اولدي انا مغاديش نقدر نعطيك هد الحب و الاهتمام و اب يكون فجنبك مبغيتش نجيبك و نخليك تعيش بين هد الذياب سمح لي
رجعات كملات طريقها للفيلا ليوم بليل خاصها تخوي
وصلات للفيلا
دخلات لبيتهم لقاتها ناعسة و تتخمم شامة حلات صاكها و هزات باسبورات
شافتهم كارينا وهي تشهق : ههههههه واش هادو ديالنا
شامة : ههههه اه ديالنا ليوم انشاء الله بليل خاصنا نخرجو و كيف كتشوف غتولي عندنا جنسية امريكيا و غادي يتبدلو سمياتنا
كارينا: (بحزن) ههه مزيان هدشي لي بغيت
شامة شافت فيها عويناتها مدمعين جراتها وعنقاتها:غير بكي بكي عارفاك مقادراش تمشي وتخلي قلبك هنا
كارينا:هئ هئ هئ ماشي لخاطري والله اول مرة كنحس بهادشي اول مرة كنحس بقلبي كيتحرق كون غير قتلني داك نهار بسيارتو ومخلانيش نتعلق بيه و نبغيه لهاد درجة
شامة زيرات عليها و هي براسها حالتها ماشي احسن منها هي براسها قلبها كيتحرق من جيهة داكشي لي فكرشها ومن جيهة هو اه هو رغم كولشي مستحيل تنكر حبها ليه
كون غير كان كيبغيها حتى هو تنهدات كيفاش غادي يبغيها وهو كيحيبها عاهرتو و من فوق مزوج كيفاش:ششششش كارينا حنى غادي نكونو بيخير تيقي بي غادي نعيشو احسن ايام حياتنا ولكن ماشي فهاد البلاد فبلاد خرى و غادي يولي هدشي من الماضي غادي نتفكروه ونضحكو ولكن عفاك كوني قوية
شافت فيها و بتاسمات ليها:ياك واعديني هدشي يولي من الماضي واعديني اشامة مبقيش قادرة نستحمل كثر مبقيتش هئ هئ
شامة كتافات تعنقها :وعد مني
غادي نبداو حياة جديدة بلاد جديد دار جديد ناس جداد
كارينا كتافات تخشي راسها فحضنها بحال شي بنت صغيرة حاضنة ماماها..
حسات بيها ترخات عرفاتها نعساات
قاداتها و غطاتها
هزات باليزتها و قادات حوايجهم
گلسات تتشوف فساعة وتيليفون قدامها و الباسبور و تيكيت ديال طيارة حتى هوما قدامها
وصلها مساج شافتو كان من سام فيه بعد ساعة غنكون قدام الفيلا
تنهدات و هي تتشوف هد الحيوط تفكرات اول ليلة فقدات عذريتها واول مرة جات لهنا مع ماماها كولشي داز بحال شي شريط سنمائي
خرجات كضور فالفيلا و كل زاوية فهاد الفيلا كتفكرها بشي حاجة..
تنهدات و دخلات فيقاتها و هزات باليزتها شافت دنيا ساقلة ذياب مكاينش فدار و حتى مروان غابر مزيان هادي احسن حاجة
كارينا موراها و هي غادة منتابهاتش لصورة الايكو لي طاحت منها
شافت الباب ديال الفيلا تحل
كارينا:شامة
كارينا( قالتها وهي كتشوف فنقطة وحدة وهو هداك لي داخل ) : شااامة
ضارت و هي تشوف فالنقطة لي تتشوف فيها غير شافتو و هي تجرها و دخلو تخباو تحت دروج
كان داخل و فايحة منو ريحتو رجولية و شكون من غيرو ذياب
طلع بخطوات ثابتين مع دروج غير شافتو طلع رجعات خرجات هي وكاارينا و هي تتشوف فساعتها
شامة همسات ليها بشوية و عينيها مزالين على الساعة:يلاه قرب موعد طيارة
كارينا هزات راسها بواخا و تبعاتها وصلو حدا الباب و حلوه بشوية و خرجو كيتسلتو حتى خرجو من الباب الخلفي ديال الفيلا شافتو قريب بزاف للفيلا بتاسمات و جرات الباليزاا و كارينا تابعاها..
سام شافهم و هبط مشا لعندهم خدا الباليزا و حل ليهم ..
شامة:شكرا ليك بزاف وسمح لي عذبتك معايا
سام:عادي ماشي شي حاجة انا مولف على المغامرات
كارينا :حم حم حتى انا بغيت نشكرك
سام:وصافي كتحسسوني بحالا درت شي انجاز عظيم راه غير شقفة باسبورات و تيكيت ديال طيارة
شامة:هدشي كيعني لي بزاف والله شكرا ليك
سام شاف ساعة و طلع عينيه فالمراية: يلاه يلاه راه وقت طيارتكم مبقا ليها والو
شامة شافت فالفيلا و هي تترجع ليها ذكرياتها فهاد الفيلا و شحال بكات فيها و شافت فالطريق بلاصة فين ماتت ماماها بلا متحس طاحو دموعها مسحاتهم و هي تتحس بيها عنقااتها و ديمار سام لوطو
هاهي دابا غادي تمشي وتلوح كولشي مور ضهرها..
حاوطات كريشتها بيديها و هي تتفكر شنو دير واش غادي طيحو فش توصل ولا شنو دير مزال حايرة..
دخل لبيتو ضلام شعل ضوء و هز فوطة ودخل دوش طلق عليه رشاشة شوية سمع صوتو داخل لبيتو
وكيصفر
خرج دياب وهو لاوي الفوطة على نصو كيحس بإحساس غريب بزااف معارفش شنو هدشي قلبو كيضرو ممرتاحش تفكرها فصباح فاش باستو وطريقة شوفاتها و كيفاش تتقرب ليه توحشها
خرج و شافو مجبد فوق سريرو
ذياب:نوض تگعد واش نت صاحبي ولا زامل
مروان تقاد فالگلسة:ازبي راه عييت مني جيت مگلست معاك ولا خرجنا ولا سهرنا شبان ليك ليوم نسهرو
ذياب خدا شورط و تيشورط ديالو دخل لدريسينگ كيلبس حوايجو و كيدوي معاه: مزال الوقت
مروان:مبقا والو لكونجي ديالي يسالي و نمشي لامريكا اصاحبي
ذياب:شحال بقا ليك
مروان:مكاملاش اسبوع غادي نودع اصاحبي العزيز
ذياب تلاح حداه و نعس كيشوف فسقف : عقلتي اول نهار تلاقينا
مروان دار بحالو و هو سارح فالسقف : عاقل مزيان و عاقل على ديك التصرفيقة لي عطيتيني اولد العبد
ذياب ضار وشاف فيه:ههههه و نت صعرتيني مهم من داك نهار حسيت بلي عندي خويا
مروان : سكت ازامل راه اتبكيني
ذياب:هههه لا بلا متبكي واش نت ولية اصاحبي
مروان عنقو : غنبقاو خوت
ذياب: للابد
مروان وقف وشاف فيه: اوى ازامل لامتى غادي تبقا هكا و عايش فهاد الدوامة صارحها و قول ليها اش كاين و راه اتلقاها عندها شي دافع لي مخليها مخبية عليك
ذياب رجع تقاد فالگلسة: مقادرش محدها ممصارحانيش منقدرش نصارحها
مروان:فيناهي
ذياب:على الاغلب راها فبيتها بلاتي
خدا الروموت ديال الكاميرات و خدم الشاشة
مروان:وااععععع ازامل مركب كاميرات فالفيلا وانا معارفش
ذياب:حتى واحد معارف ازامل للامان و صافي
تفكر نهار شاف شامة عريانة خخخخ فكاميرات شداتو ضحكة
دوز اللقطات ديال الكاميرات من صباح و حتى فش غوت مروان على كارينا و بكاها ولكن سرع اللقطات شيء لي مخلاش الصوت يتسمع ..
حتى وصل للقطات لي شاف شامة كدوي و كتبكي شدو الفضول و خلاها ولكن تخرشيش بزاف دوز اللقطات بانت ليه كتجمع باليزتها
مروان:شكدير هدي
ذياب : هاحنى غادي نشوفو
طلع حاجبو بستفهام فاش شافها جارة الباليزا للصالون وفاش تخباو محدو كيشوفهم والقرودة كيشطحو ليه فوق راسو
مروان:ذياب شوف هادو بانو لي هربو
ذياب لاح الروموط و بلا كلمة بلا جوح خدا كونطاكت ديال لوطو و خرج كي العجاجة و تابعو مروان لي هو براسو مفهم والو..
وصلو للمطار هبطو وهوما كيسمعو اخر نداء
شافت فيه و عويناتها دمعو:صرحة لقيت الخير فناس غراب شكرا ليك بزاف (عنقااتو)
كارينا مدات ليه يدها:شكرا ليك
سام: شامة تهلاي فراسك و كوني قوية و راه دويت مع عمتي غادي تستقبلكم فالمطار و غادي توريكم شقة لي دويت ليك عليها
شامة:شكرا مجددا
حطات باليزتهم كيفتشوها
دازو و ضارت شافت فيه و لوحات ليه بيديها زعما بسلامة..💕
شاف فيها ودار ليها بنفس طريقة بسلامة
طلعو فطيارة و دارو احزمة الامان و هي تتفكر فاش كانو كيشوفو باسبوراتهم و الخلعة لي شداتها ولكن سام تقن العمل ديالو مزيان حيت مخلاش ليهم فين يشكو..
كارينا شافت فيه و نظراتها كيف كتشوف من نافدة حطات يدها عليها وشافت فيها وبتاسمات:متخافيش من ليوم غادي نخليو كولشي مورانا
شامة:اه غادي نخليو كولشي مورانا
حطات راسها على كتفها و شدات يديها فاش حسو بالطايرة غادي طلع
دخل كيجري و مروان تابعو كيجري كيبحال شي حمق
مروان:ذيااااب ذياااب بلاتي شنو كنديرو حنى هنا وغير فهمني
ذياب ضار و شاف فيه و عينيه كيف جمر: ميمكنش ميمكنش اكيد مشات اكيد انااا غبي اناا غبي حيت مفهمتش كان خاصني نفهم من شوفاتها و كلامها فصباح وطريقتها فالهدرة كان خاصني نفهم كاان خااص واععععععع
ضرب رجلو مع الكرسي و گلس شاد يدو
مروان:اذن دابا هي و كارنيا مشاو خرجو من بلاد ياك
ذياب مجاوبوش شاد راسو وغادي يطرطق كان عندو احساس بلي كتخطط لشي حاجة و لكن علاش علاش متبعش احساسو
مروان : ذياب خاصنا نشوفو ادارة و راه غادي نعرفهم انا بلاد مشاو
ذياب: هههه واش كضحك علي سحاب ليك غادي يسافرو بنفس الباسبورات وكارنيا اصلا لي معندهاش الجنسية خدم عقلك ازبي
مروان:اه بصح تكلخت ولكن شامة بوحدها مستحيل تقدر دير هدشي ضروري غادي يكون شي واحد عاونها
وقف ذياب و ضرب فيه : غادي نعرف شكون هذا لي عاونهم غادي نعرف وغادي نخليه يتمنى الموت و ميلقاهاش
دازت 24 ساعة
حلو عويناتهم على صوت المضيفة تتخبرهم بلي وصلو للمطار🛬
كارينا:وصلنا
شامة:على الاغلب اه
شافو كولشي نايض هابط ناضو حتى هوما هبطو
شامة شافت تمثال الحرية : كنحس براسي بحال كنت فشي سجن و خرجت منو ..
كارينا شدات ليها يدها:انا معاك
هبطو من طيارة
وكرينا جارا باليزة شافتهم و هي ترجع تشوف تصويرة لي سيفط ليها سام :اه هادو هوما البنات
شافوها كتغوت عليهم
شامة:واقيلا هادي هي عمت سام
كرينا:اه يمكن هي شوفي كاتبة سميتانا فطابلو
شامة:يلاه نمشيو عندهاا
شافتهم و بتاسمات :مرحبااا بيكم انا غيث عمت سام
شامة:(مدات ليها يدها) انا..(قاطعاتها )
غيث: شامة ياك عرفتك
جبداتها و عنقااتها : مرحبا بيك فأمريكا
شامة : شكرا بزاف صرحة سحاب لي غادي تكوني مرا كبيرى فالعمر ههه و ..
غيث:ههههههههههه مهم انا بصح عمت سام و لكن راني مزال صغيرة وعارفة راسي معنديش ديك الهيبة هههه
كارينا:هههههه تتباني ممم
غيث:عادية ههه
كارينا:تماما
غيث:اووه سمحو لي شديتكم بالهدرة غتكونو عيانات و انا ودودودو مكنسكتش ههه
كارينا:وبحال علمك الله
غيث:هههه يلاه يلاه مرحبا بيكم فأمركيا مرة ثانية
شامة:شكراا
غيث مرا تكون ف 30 من عمرها وزوينة و كاريزتها مرحة بزاف عكس ناس لي كيكونو اغنيااء..
كان متكي على الكرسي و راض راسو للخلف سمع الباب تحل: عرفتي شي حاجة
مروان:ليل كامل و انا كنقلب مقدرت لقا والو الحاجة الوحيدة لي عرفت بلي لبارح سولات استاد ديالها على كليات تصميم فنيويورك كاينة نسبة كبيرة بلي مشات نيويورك
ذياب رجع وقف و هو كيطرطق عضمات عنقو: نيويورك
مروان:اه ممكن
ذياب : اذن غادي نمشيو لامركيا
مروان:شنووو
ذياب:كي سمعتي
خرج و هبط مشا لوطو وهو يبان لي ضرف فوق زاج ديال سيارتو
مكتوب عليه " فتح ضرف"
حلو وهو يتصدم بتصاور
كانت شامة معنقها وسام فالكلية و فالمطار
ذياب كيشوف تصاور و كيضحك بحال شي حمق: هههههههه لالالالالالالالالا مستحيل مستحييييل غضراااااتني وضحكااااات علي غضرااتني خاااانتني خااانتني
هههههه لااااااااا
ضرب البلور ديال اللوطو حتى تهرس الزاج ويدو كتنزف وكولشي ناس كيشوفو فيه طاح للارض و تصاور بين يديها الغريب هو هذا لي معاها مباينش وجهو فجميع صور
هبط مروان فش سمع صوت تهراس شافو ومشا كيجري شاف تصاور و هزهم وهو مصدووم : مستحييييل هادي شامة ياك ميمكنش كيفاش..
شاف فيه كيف ساكت و عروقو بارزين و العرق هابط مع جبهتو و كيتنفس بحال شي ثور تتعرفو هدوء قبل العاصفة هو هذا..
مروان بلع ريقو وهو كيشوف صاحبو كي دايرة حالتو اخر مرة شافو هكا فش قتلها وتبع عمو ليها...
مروان: ذياب راه ممكن يكون شي غل...(قاطعو بحدة وهو كيغوت) سككتتتتتت شوف مقدكش هدشي علااااااش علاااااش دارت هكا علاش ولكن انا لي زامل طلقت ليها اللعب و لكن كنقسم بالله حتى غادي نقتلها فش غادي لقاها
وقف بحال شي بركان غادي تفرگع : مروان خاصني لقاها
طلعو فدروج مديق ديال الحديد
كارينا تتلهث: عفاك واش مزال موصلنا عييت
غيث: بلاتي هد العمارات ديال امريكا هكا دايرين غير اسنسور لي خاصر البواب ديال العمارة قال لي غادي يقادوه اوووف هاحنى وصلنا
حلات الباب و هي ضرب فيهم ريحت الغبرة و الغمولية
شامة بلا متحس تفكرات فاش دخلات البيت لي عطاها ذياب طاحو دموعها و حطات يديها على كرشها
ضارت كارينا فش سمعات شهقاتها لي حاولات تكتمهم ولكن بلا متشعر علا صوتها و بدات تتبكي وتغوت💔
كارينا تتعنق فيها و هي براسها شداتها البكية
غيث مصدومة منهم مفهماتش مالها وعلاش تتبكي غير واقفة وكتشوف فيهم
كارينا تتمسح دموع صحبتها و هي براسها تتبكي شكون غيمسح ليها دموعها 💔
شافت فيها شامة:توحشتووو توحشتووو بزاف
كارينا كتافات تعنقها و تخشي راسها فعنقها و هي تتدوز يدها على شعرها :شششش صافي صافي
غيث شافت حالتهم كي دايرة دورات لبواب يسيفط ليها البنت لي كدير الميناج
طلعات دغيا وفيديها الشطابات و مواد تنظيف
غيث:عفاك ممكن تجمعي دار
الخدامة شافت شامة و كارينا و هزات راسها بأه: واخا مدام
دخلات تتجمع و تقاد ووتمسح الغبرة اصلا دار مكانتش موسخا بزاف غير الغبرة و الغمولية حيت شراجم ديما مسدودين ..دازت نص ساعة و كانت كافية باش تجمعها :ساليت الالة
غيث:(مدات ليها الفلوس)شكرا ليك
خرجات ومشات غيث خرجات
شامة: قلبي كيتحرق اكارينا كنتحرق
كارينا:شششش غادي نساو هدشي تيقي بي انا معاك اشامة
شامة تقادات فالگلسة وردات شعرها للخلف :خاصنا نقلبو على خدمة غير نقادو امورنا و نشوف شي كلية و حتى نتي ديري شي تخصص
كارينا:كان كيعجبني طبخ غادي نشوف شي مطعم ندخل ليه
شامة:غنشوف شي قهوى نسربي فيها
سمعو صوتها : اوى وانا شنو كندير هنا
ضارو و لقاوها هازة ساشيات و ريحة فايحة
شامة سمعات صوت كرشها كتغرغر خخخخ شافت فيها غيث و بدات كضحك : ناري سحاب لي غا انا لي في جوع اجيو اجيو ناكلو
تجمعو على الطابلة و شعلات غيث ضوء و حطات الماكلا بيتزا و همبرغر و كانيطات ديال كوكاا..
طاحت فيهم شامة عميا كلات البيتزا ديالها و بدات تتلحس صباعها
كارينا مدات ليها بيتزا ديالها :هاكي كولي
شامة:ولكن راه ديالك
كارينا:ماشي مشكل مهم كولي نتي
غيث غير كتشوف فيهم :واش نتوما خواتات
شامة شافت فكارنيا و رجعات شافت فيها:اه خواتات
كارينا شدات ليها فيدها
غيث:ماتت
شامة:سمحي لينا الله يرحمها
غيث:امين مهم كولو و انا غنمشي لداري بنتي كتسناني و خودو راحتكم سام وصاني عليكم بزاف معرفتش شنو علاقتكم بيه مهم دار حسبوها ديالكم و راه الماعن فكوزينا و البطانيات فالخزانة وغادي تلقاو دليل الهاتف فالمجر و خريطة ديال المدينة تماك الا بغيتو تخرجو يلاه بسلامة
سلمات عليهم و مدات ليهم سوارت دار و خرجات .
شامة:صرحة هد المرى ضريفة بزاف
كارينا:اه بزاف
وقفات شامة كضور فالدار و كتشوف فيها شقة كلاص و حتى الحي زوين و الاهم لقاو سقف فين يتخباو من شتا و البرد بقات كطل من شرجم و تتشوف دنيا والضواو و هد البرد و نسمات لي كيطيرو ليها خصلات شعرها بتاسمات و هي تتحط يدها على كرشها و رجعات غوبشات فاش تفكرات بلي خاصها غذا تمشي دير اجهاض قبل ميفوت الفوت..
كارينا : عرفتك فش تتفكري
ضارت شامة وشافت فيها:فش كنفكر
كارينا:نتي كتبغيه ولكن فنفس الوقت متخوفة و معارفاش راسك شنو ديري
ولكن شامة فكري فهاد شي لي فكرشك ربي رزقك بيه و كاينين ناس يموتو ويولدو و ملقاوهمش و نتي باغا تقتليه تفكري بالي الله لي كيعطي لاي واحد فهاد الدنيا الحياة شكون حنى باش نسلبوها منو ؟
شامة: كارينا هدشي راه مساهلش علي ولكن باش غنجاوبو الا سولني على باباه شنو غنقول ليه
كارينا:فكري مزيان فهاد الولد اشامة فكري مزيان مهم تصبحي على خير غنعس
شامة:تصبحي على خير احلام سعيدة
مشات و شامة بقات مقابلة مع الشرجم تتشوف ناس شي غادي شي جاي شي غادي بوحدو شي غادي مع صحبتو شي مع ولدو شي مع مو كل واحد وفين غادي و ناس كي نمل هادي هي نيويورك المدينة التي لا تنام
بتاسمات و رجعات راسها للخلف كتفكر فهادشي لي عايشاه سمعات صوت تيليفون مساج فواتساب
كان استادها سيفط ليها عناوين مجموعات من كليات تصميم شكراتو ورجعات حطات تيليفون
💕دخل للفيلا هادئة و سقيل بزااف و باينة فيه سكران شافها قدامو:شااامة
شوية حل عينو وسدها مجرد سراب غير كيتخيلها شوية بدا كيتخيل صوتها و ضحكتها محس براسو غير فبيتها وريحتها مجهدة فالبيت
تمشا بشوية و تلاح فوق سريرها خشا يدو تحت المخدة و هو يحس بشي حاجة جبدها و بقا كيشوف شنو هدشي
يتبع...
