كيجري عندها دخل وهو يتصدم من لي قدامو كانت شامة غارقة فدمها لدرجة النموسية كاملا عامرة بالدم و هي تتغوت و تبكي تتقطع بالوجع 

ذياب بلا مقدماات طار هزها و خرج مروان تبعو 

ذياب:رجع رجع جيب صااك

مروان : اشمن صاك

ذياب هابط بزربة فدروج: صاااك ديال الحوايج 

مرواان ضرب راسو :واخا واخا 

رجع كيجري هزو هو براسو متوثر هزو و خرج تبعو لقاه طلعها فلوطو ركب مروان وبدا كيصوگ اما ذياب بقا حاط راسها فحضنو: ششش صبري صبري

شامة كتلهث و تنفس بصعوبة و العرق هابط مع جبينها: كنتووووجججعععع هدشي بزاااف اذيااب بزااف اووف اي اييييي (تتغوت و تعض على سنانها) 

ذياب مد ليها يدو: عظي 

شامة شدات يدو و بدا كتعض حتى كتخلي اثار سنانها و دم كيخرج ذياب مهاماهش يدو حيت رغم داك الالم لي كيحس بيه شامة تتستحم اضعافو ...

ذياب:زرب ورب امروان 

مروان:واخا واخا قربنا نوصلو 

بقاو مسافة طريق ووصلو اخيراا 

لكنينيك طلعوها فوق البيااص وبين رجليها عامر بالدم و كتغوت لربي لي خلقها 

دخلوها لغرفة الولادة بينما ذياب بقا مع مروان براا 

مروان:يدك كتنزف سير دير ليها الفاصمة

ذياب:واخاا 

مشا دار ليها الفاصمة خداها من كلينيك شاف يدو و رجع كيطل عليها من نافدة وكيفاش تتغوت لربي لي خلقها 

شاف الممرضات خارجات داخلات شوية سمعو صوت السقييييل....حتى تسمع صوتو كيبكي 

مروان بتاسم وحط يدو على كتفو: ولدك جاا اذياب مبروك عليك اصاحبي شرفتي والله الا شرفتي خخخخخ (بدا كيبكي مسطي هد مروان خخخخ)

ذياب بتاسم و عنقو حس بشعور واحاسيس غرااب حس براسو مسؤول على هد روح ولدو ❤ كلمة ولدي كينطقها تتجيه حلوة فالفمو..💕

ذياب شاف فمروان و بتاسم :ولدي 

مروان: من نهار عرفتك قلت مستحيل تبغي و تزوج ويوليو عندك الولاد ولكن صرحة كولشي بسباب شامة 

ذياب بتاسم و رجع شاف فيها : شامة اه شامة 

شوية شافهم خرجو 

ذياب:نقدر ندخل دابا 

الطبيبة:اه تفضل مبروك عليكم ولدكم زوين بززاف مشاء الله يكبر فعزكم 

ذياب هز راسو بأه وبتاسم و دخل عندهاا لقاها ناعسة و بسيف متنعس بعد كل هد الالم شافو حاطينو جنبها وكيحرك يديداتو بطريقة عشوائية و مزال فيه شوية ديال دم على راسو عويناتو صغييورين وساادهم هزو و باسو على راسو و ودن ليه فودنيها تمنى كون كان الحاج الله يرحمو غيفرح بزاف امنيتو كانت يشوف ولادو 💕

هزو وقروبو لصدرو : ولدي ارتان مرحبا بيك فعائلتك مع باباك و ماماك 🌸..

مروان شاف صاحبو القاصح و العنيد و الجبل لي ميهدو ريح كيف ولا حنين بمجرد مشد ولدو بين يديه شافها بدات تتغوبش باش تفيق تحنى وباس ليها راسها : كي بقيتي

شافت فيه و فولدهم لي بين يديه:انا بيخير عطيني رضعو 

عطيني رضعو

ذياب بتاسم و مدو ليها بدات تتبكي و هي تتشوف ولدها بين يديها وتتفكر نهار بغات دير الاجهاض و لكن ربي عطاها اشارة مترتاكبش خطيئة وحتافظات بيه وهاهو اليوم بين يديها قطعة منها و منو اه هو راجل لي معمرها قدرات تفهمو و لا تفهم ليها ولكن بلا شعور لقات راسها فحبالو متورطة و كتبغيه فوق ما تصور ..

ذياب خرج هو و مروان مخلينها ترضعو ، خخخخ سي ذياب راه من نوع المغيار طبعا غيخرج صاحبو بش ميشوفش صدر مراتو من حقو ..

خرجو على برى 

مروان: عرفتي دابا تحمست كنتسنا غير كارينا تولد اييي نسيت 

ذياب:مالك؟

مروان: تخصمت معاها فصباح ومن تماك مرجعتش دويت معاها

ذياب: هي حاملة خاصك تعطيها الخاطر

مروان:خليتو لجد بويا خاطر غير قول لي من جيهة نت و داك سبايدر و من جيهة الواليدة لي فارعة لي راسي بش نرجع و ...سمعو صوتو من الخلف: تهذن اصاط عنداك يتفرگع ليك شي عرق 

مروان ضار بان ليه ساام: على سلامتك جيتي

سام: جيت نشوف ولد ختي مامنحقيش؟ (شاف فدياب) مبروك وليتي اب

ذياب:الله يبارك فيك و حتى نت مبروك وليتي خال 

سام بتاسم و مشا داخل عندها حل الباب و شافتو وهي ضحك: جيتي 

سام:نشوف ولد ختي

مداتو ليه شامة وشدو : كيشبه ليك و لباباه 

شامة : شكرا حيت جيتي 

سام ناض و باسها على راسها: نهار اللول فاش شفتك حسيت بلي كتربطني بيك شي علاقة معرفتش كنت ندير المستحيل باش نشوفك فرحانة و منشوفكش تتعدبي سحاب لي مشاعر حب مكنتش كنتصور طلعي ختي من بابا 

شامة بتاسمات و عنقاتو: ماشي مشكل مهم ربي كبير عمري تصورت بابا لي كان كيسحابلي مات هو غير راجل ماما انا صرحة مكنتش عاقلة على وجهو ولكن مني عقلت على راسي وماما كيتقول لي باباك مات وهاهي صورتو 

سام : حتى بابا مدار فيها ميصلاح تخلا عليها و هي حاملة بيك و من فوق كان مزوج و بولادو 

شامة بتاسمات: ماما الله يرحمها و يوس عليها و يغفر ليها كاملين كنخطأو 

سام : اووه شنو غتسميو الفنيكيش 

شامة: معر....(سمعو صوتو من خلف) آرتان 

شامة بتاسمات وتفكرات نهار سولاتو وقال ليها ارتان: اه آرتان

سام: آرتان آغلو مرحباا بيك 💕

بقاو كيضحكو...

⏳نرجعو الخلف شوية ⏳

فش كان سام راجع من أمريكا تعرض لحادث حااد و كان محتاج دم شامة فش عرفاتو تعرض لحادث و حياتو في خطر مشات عندو ولقاتو محتاج لدم فش دارت تحاليل لقات زمرة دمهم منطابقة وتماك لقات الاب دياال سام ستغرب فاش لقا زمرة دم شامة وسام منطابقة دار تحاليل d.i.n بلا خبار شامة تماك تأكد بلي هي بنتو لي كان كيقلب عليها من سنين بعد الندم لي ندمو فش جرا عليها و مرحمهااش خبر شامة بالحقيقة ووراها تحاليل شيء لي اكد ليها الخبر رغم دلك تسامحات معاه ولكن رفضات ترجع تبدل كنيتها ولا تاخد الورث فضلات تبقا بعيدة ولكن الجميل في الامر ربحات اخ بحال سام 

⏳نرجعو للحااضر⏳...

يلاه بغا يدخل للفيلا جراتو من يدو: خويا راه ليوم شامة داوها تولد و مكاين حتى واحد فدار 

معاد خنزر فيها: ويلاه كنعرف انا 

سلوى حنات راسها وشافت فالارض:سمح لي اخويا ولكن راه يلاه عرفت و تزاد عندها ولد 

معاد رجع ضحك حتى وصلات الضحكة لودنيه: هاهاهاها ولد قلتي ممممم مزيان دابا غادي يبدا اللعب على اصولو ..(طرطق صباع يديه و دوز يدو على شعرو بعجرفة) اشمن كلينيك

سلوى: غير هذا لس قريب للفيلا

معاد:اوك ..

داز الوقت بلا ميحسو بيه شامة كانت ملهية مع ولدها وكولهم ضايرين بيها كارينا تتبكي مسكينة خخخخ تتشوف الولد شحال صغير و يديداتو صغيورين و تبدا تبكي عندها حاسة العاطفة زايدة نغزة اما سام و ذياب و مروان تجمعو فالكافيتيريا كيفكرو شنو غتكون حركة سبايدر جديدة بينما سبايدر وجد الخطة و كمل كولشي واش زعما غادي يتحقق مراده ؟!...

🖤بعد مرور اسبوع 🖤..

خرجات شامة من كلينيك ومشات ليفلا ولدها دابا عندو اسبوع وذياب مكيمشيش شركة مقابل غير ولدو ومراتو و كيخدم من دار ..

هز راسو شافها قدامو و هازاه: سلام بابا (كتلوح ليه بيد آرتان) 

ذياب بتاسم وناض باسها من فهما و باس ولدو : سلام كي صبحتو فطرتو ولا مزال 

شامة تتلعب بيه و تراريه: ولدي فطر فصباااح عطيتو الحليب ديالو يااك 

ذياب قرصها من صدرها: وانا مزال معفا عليا الله تعطيني من المحلبات 

شامة:هههه لا كون هاني باقي الحال عقوبة 

ذياب شد ولدو و حطو فحضنو:شتي سيادتكم اش درتو نت ترضع وانا لا 

شامة گلسات مقابلة ليه و جابت ليها الخدامة البلاطو فيه كاس الحليب و لكخيب ديال شكلاط و الخبز مع الفرماج گلسات تتاكل و هو قدامها شاد آرتان و كيلعب معاه و مرة مرة كيهز فيها عينو كيلقاها تتاكل 

كلات وحطات البلاطو وشدات آرتان من عندو : ولدي هاا ماما سلات يلاه اجي نغسل ليك باش ترتاح و تنعس 

عيطات على سلوى تعاونها تغسل ليه حيت مزال مكتعرفش واول مرة تغسل ليه 

طلعات سلوى تتعاونها...

ذياب بغا يهبط المكتب ديالو 

حتى تلقا اتصال من شركة بلي خاصو يجي ضروري شعلات العافية فالقيسم الواردات 

مشا ركب فلوطو طااير لشاريكة ..

#فالفيلا...

كانو كيغسلو ليه حتى سالاو الغسيل و لواوه فالفوطة رطيطبة ديال دراري صغار حطاتو شامة ودارت ليه كريم جونسن ديال لبيبي صغار و لبساتو حوايجو 

شامة: نااري فس العطش

سلوى: غنهبط نجيب ليك متشربي

شامة:شكرا ليك

هبطات سلوى جابت ليها كاس د الماء 

عطاتو ليها شرباتو شامة و نعسات و جنبها ولدها ناعس من بعد دوش نعس مهدن و مكالمي...

سلوى هبطات تتمشا على رماش صباع رجليها حلات الباب الخلفي ديال الكوزينة : دخل 

معاد: مزيان نعسات

سلوى:اه عطيتها مخدر فالماء

معاد:مزيان 

طلع بالخف وهي تابعاه 

هز شامة و هزات سلوى آرتان 

هبطو و خرجو من الباب الخلفي ديال الفيلا، حطات سلوى ارتان فاللور فالكونة ديالو و معاد حط شامة القدام شاف فسلوى و طلع ديمارا...

🌑ذياب وصل لشركة و دخل بان ليه كولشي عاادي شافتو السكرتيرة ديالو و جات تتجري: سي ذياب مرحبا ..

ذياب: واش وقع حريق؟ 

سكرتيرة: نوو مسيو كولشي بيخير كي كتشوف .. 

ذياب وقف كيفكر كيفاش زعما فخ باش يخرج من دار : شامة آرتان لا لا لا لا 

خرج كيجري ركب لوطو كيطير خارج و مخلي العجاجة موراه

حلات عويناتها على صوت البكاء ديال ولدها حلات عينيها بزز شافت ضلام ضاير بيها حطات يديها على الحديدات شافت راسها محبوسة فزنزانة شافت ولدها قدامها وكيبكي بأعلو صوتو شافت فيه و مقادراش تهزو بدات كتغوت و ضرب بالحديدات : حلووووو ليااا ولدي كيبكي ولدي حلوووو علي 

شافت ضوء خافت دخل راجل مغطي وجهو بقنااع اسود طبعا عرفتو معاد هز آرتان و شاف فيها : مممم فقتي

شامة شافت فيه وكلها تترعد : عفاك عطيني ولدي حرام عليك مزال مكمل حتى اسبوع عفاك عطيني ولدي عفاك شوف راه كيبكي مسكين مزال صغير عفاك 

معاد ضحك بشر : هههههه مزال صغير ياك وولدي انا لي قتلو راجلك فكرش مو 

شامة غير سمعات هدرتو وهي تشهق:نتاااا معاد ياك نت معاد

معاد زاد ضحك بشر كثر: انا موت راجلك 

شامة بدات تتبكي وترجاه شعل ضوء مجهد هد المرة لي ضوا الديبو كاامل شافت حوض اسماك كبير عاامر بالقرش المفترس تحنى معاد و هز آرتان : ها ولدكم العزيز نتي وراجلك غادي يمووت 

شامة بدات تتبكي وضرب فالحديدات و يديها من قوة الضرب ولاو كيسيلو بدم كيف شلال وهي مكتحسش بداك الام لاشيء مقارنة مع الم لي كيدبح قلبها و كتشوف ولدها بين يديه داك المريض نفسي لي يقدر يقتلو فأي ثانية هزو و حطو فوق الحوض ديال الاسماك : يلاه الغزالة تشهدي على روح ولدك

شامة بدات تتشوف فيه كيف كيفلتو بشوية و قلبها كيتحرق مقادرا دير والو غادي تموت مافيهااش 

معاد: يلا واااحدد جوووج (كيحسب و كيفلت يدو شوية بشوية ) ثلااااثة (طلقو) 

شامة سدات عينيها كتبكي مع اخر رقم شوية مزال تتسمع صوت البكا دياال آرتان حلات عينيها وشافتو شادو بين يديه 

معاد: نونونونو مغنقتلوش حشومة غنخليه حتى يشوف موت باباه و ساعتها غادي يموت 

ههههههه ...

شامة طاحت تتبكي دافنة راسها بين فخاضها و تتبكي بحرقة ..

#فالفيلا

كان داخل و كيقلب بعينيه شافها قدامو واقفة : سلوى فيناهي شامة

حنات راسها:سي ذياب راه ملقيتهاش فدار فش مشيت نجيب ليها تشرب ملقيتهاش

ذياب شاف فيها وطلع كيجري لمكتب ديالو خدم كاميرات شاف كولشي من غير لقطات لي فيهم سلوى مع معاد ..

خرج و دوز ابيل لمروان 

#فالمستودع 

حط آرتان قبالتها وهي مسدودة عليها زنزانة معندها كيف دير تهزو 

معاد عطاها بظهر: دخلوها 

هزات راسها وشافت رجالو هازين شي شخص بين يديهم و دايرين القناع على وجهو 

حطوها فوق الكرسي كانت مرا 

معاد: هوووولا هاهي الثانية 

حيدو ليها الماسكن كانت كرينا دايرين ليها سكوتش على فمها بدات تتبكي و تنيني ...ممممممممم

شامة شافت فيها و ناضت وقفات: حرام عليك امعاد شنو دارت ليك هي باش اداتك شنو دارت ليك

معاد: هد جرتومة هي لي فكاتك مني فالدقة اللولة حتى هي غادي تاخد جزاءها 

كارينا بدات تتبكي وتنهج و تشهق في صمت مسكينة مقاداش طلع نفس ...اما شامة تتشوف صحبتها و ولدها قدامها و مقادا دير والو 

شوية بان ليها معاد خرج بقات كارينا و شامة و ارتان 

شامة : كارينا متخافيش انا متأكدة ذياب غادي يجي مع مروان متخافيش مغادي يوقع لينا والو صافي

كارينا هزات راسها بآه و بدات تتبكي ثاني فصمت شامة شافت ولدها كيبكي و روحو غتخرج من قوة البكا بدات تتغني ليه

ولدها كيبكي و روحو غتخرج من قوة البكا بدات تتغني ليه بصوتها الحنين اغنية دروب ريمي 🎶

ﺭﻳﻤﻲ ﺭﻳﻤﻲ ﺭﻳﻤﻲ

ﺭﻳﻤﻲ ﻗﻠﺐ ﺯﺍﻫﺮ

ﺭﻳﻤﻲ ﺑﺎﻟﻔﺮﺡ ﻛﺒﻴﺮ

ﺭﻳﻤﻲ ﺣﻠﻢ ﺳﺎﻫﺮ

ﺭﻳﻤﻲ ﻭﻳﻨﺎﻝ ﺳﻤﻴﺮ

ﺭﻳﻤﻲ ﺭﻳﻤﻲ

ﺭﻳﻤﻤﻤﻤﻤﻤﻤﻲ💕💕💕💕💕

حتى كارينا واخا مفهماتش الكلمات عجبها اللحن 

حتى سكت آرتان 

#فالفيلا 

شاف الفيديووات ماشي مرة ماشي جوج عرفو معاد وبدا كيتنفس بصعوبة وصدرو ضااق عليه بقا ليه شوية وغادي ينفاجر 

خرج بالجراا لقاه قدامو 

مروان: فش صوونيتي لي جيت كنجري 

ذياب: يلاه 

مروان: يلاه 

يلا بغا يطلع فلوطو شاف تيليفونو كيصوني : الو 

بدا كيسمع لحن ديال سبايدر مروان شاف فدياب ودار مكبر الصوت و گلس جنب دياب 

معاد: سبااايدر رجع الدراري كنتمنى تكونو توحشتوني

ذياب:والله ياولد القحبة و تقيس مراتي ولا ولدي حتى نقتلك ونشرب من دمك

معاد: هههههه لااااا حشومة نونونو مكنتش منتاضر هد الاستقبال الخايب منك نت اوووه نوووو

ذياب بدا كيمسح على شعرو بصعوبة شاف فروان حط تيليفون و خدا بيسي من خلف فلوطو و برونشاه مع تيليفون 

دار لدياب اشارة باش يزيد يدوي معاه ويستفزو بش يربحو شوية ديال الوقت 

معاد: اسمع حبيبي مراتك وولدك غادي تموت ونت ناعس على جنب راحة حيت غادي نكون انا بابات ولدك و راجل ونص لمراتك متخافش مغاديش يتوحشووك نهائياا (كيدوز يدو على وجهو ) حيت وجهك لي مولفين يشوفوه غادي يبقااو يشوفوه ديماا

ذياب فهم المغزى من هدرتوو تعصب و فهم جزء من خطتو 

معاد بدا كيضحك و كيغني : ذيااب نقدر نقوليك بسلامة و متنسااش سلم لي على باباك فش تلقاه هههههه و نسيت قول لصاحبك حتى هو ميخافش مراتو غتبعكم داابا خخخخخخ 

قطع وشاف ذياب فمروان 

ذياب بسرعة دفع مروان تا خرج من لوطو يلاه خرجو من لوطو نفاجرات

ذياب شاف فمروان: نت بيخير

مروان:اه بيخير ولكن بش عرفتي السيارة فيها قنبلة 

ناض دياب و نفض سروالو: معاد ماشي بداك دكاء هو لمح لينا فهدرتو بلي غنموتو فش فكرت مزيان عرفتو غادي يكون حاط قنبلة تحكم عن بعد داكشي علاش خرجت ولكن البيسي تحرق مقدرناش نعرفو عنوان 

ناض مروان و نفضو يدو : كيف قلتي لا كان معاد ذكي فأنا عميل فالفدرالية الامريكية معاد مخبي فمستودع خارج كازا قريب لمستودع القديم قدرت نعرف هدشي قبل مينفاجر البيسي يلاه 

خرجو و شافو فالبوديگار لي موراهم و خداو سيارتو و تمو طايرين فطريق و هدفهم يوصلو للمستودع...

فلمح البصر وصلو 

شاف دياب فمروان : فراسك بلي كنعتابرك خويا ياك 

مروان حط يدو على كتفو : نت خويا 

ذياب عنقو : الا وقعات شي حاجة شامة و آرتان أمانة فرقبتك امروان عنداك 

مروان ضرب ليه على كتفو:مغادي يوقع والو غادي نخرجو سالمين كيفما خرجنا فالمرة الاولى 

ذياب بتاسم و ضرب ليه على كتفو خداو المسدساات و داروهم مور ضهرهم 

#فالمستودع

دخل و بدا كيضحك:هههههه راجلك باااح مااات 

شامة بدات كضرب فالحديدات بقوة:مستحييييل نت كدااااب سمعتي نتاااا كداااب ذياب مغاديش يموت بسهولة ويخليني انا وولدو بين يديك كون هاني 

بدا كيضحك ثاني : بقاي تحلمي (قرب لعندها وشد خصلة من خصلات شعرها) قدما تقبلتي الحقيقة الغزالة قدما كان مزيان

شامة : معمرك تحلم تكون راجلي ولا تكون اب لولدي سمعتي 

هبط يدو حتى شدها من شعرها و جرها حتى قصحها: رخي مني الحقير رخي 

بدا كيضحك:كتعجبيني بهاد شراسة 

شامة جمعات ريق فمها وتنخمات على وجهو 

معاد زاد زير على شعرها و جرها بجهد : كلبة غادي نربيك على يدي باش تعلمي تنخمي علي 

عطاها صقلة حتى طاحت 

يلاه بغا يزيدها الثانية حتى حس بصوت القرطاس..

ضار و هو يتصدم فاش شافهم : نتوما 

ذياب بتاسم بسخرية : قلب على حراس جداد يخدمو معاك هادو منافعين فوالو..

معاد بدا كيضحك : عمرك طويل كي القط 

مروان شاف فكارينا لي مكتفينها مع الكرسي و شاف فيه موجه المسدس لراسو:فكها.

معاد شاف فكارينا و شاف فيه: ممممم روميو شتك باغي دير دور البطل الخارق ممممم

مروان: علاش درتي الفكاهة 

معاد بدا كيضحك: باش نزيد نشرح ليكم العشااق ديالنا شوفو موراكم 

ضارو و بانو ليهم ازيد من 20 حارس و كلهم مسلحين 

معاد:اوووبس الواحد هو لي يدير الاحتيااط اولا لا؟؟!

مروان شاف فدياب و بتاسم : والواحد نيت هو لي يجيب معاه الاحتياط

خرج من جيبو رشاش وبدا كيرشهم بداك البخاخ طاحو كاملين كي دباان فش تتصوگ عليه بايگو خخخخ 

مروان: شتي اسي معاد ماشي غير نت لي كدير الاحتيااط 

خخخخ لا فهادي سالاهم لي 

شاف في معاد و رجع شاف فشامة و آرتان بالخف هزو وحط المسدس على راسو : عنداك يقول ليك مخك تقرب حيت ولدك غادي يدفع ثمن

حيت ولدك غادي يدفع ثمن 

ذياب شاف فولدو مسكين لي كيبكي بحرقة دوى من تحت سنانو :معاد بلا متخليني نفقد صوابي 

معاد بدا كيضحك و حيد القناع على وجهو كان وجهو نسخة طبق الاصل على وجه ذياب 

شافت فيه شامة مصدومة ،حيت هي الوحيدة لي معارفااش بلي معاد دار عملية تجميل ورجع نسخة طبق الاصل على ذيااب شيء لي صدمها لدرجة مقاداش تفرق بيناهم لبسين بحال بحال 

مروان بلا ميحسو بيه سلت كي شعرة من العجينة و مشاا جيهت كارينا بينما ذياب كان مخليه معاد مركز معاه 

مروان حل لكارينا يديها ورجليها و فك ليها فمها ودار ليها بصبعو تسكت شاف فضهر معاد ساروت ديال زنزانة 

تمشا بشوية وشدو من لخلف حاط المسدس على راسو

معاد كان كيدوي مع ذياب حتى حس بيه حاط مسدس على راسو 

يلاه بغا يدوي و هو يجبد مروان زناد: بلا حتى شي حركة 

خدا ساروت و لاحو لكارينا:حلي لشامة الباب 

خدات كارينا ساروت وحلات ليها بزرباا... و خرجات شامة شافت فمروان وترجاتو بعينيها 

مروان: مد ليها ولدها 

مدو ليها شداتو و مشات بزربة عند دياب عنقها و شاف فولدو: نتي بيخير 

شامة: انا بيخير 

شافت فولدها وباستو 

مروان: كارينا خرجي 

كارينا: بلا بيك مغنمشي فين امروان مغنمشي فين 

مروان تنهد يلاه بغا يدوي و هو يحس برصاصة ختارقات صدرو 

كارينا شافت فيه وشهقات اما ذياب بقا مصدوم : مرواااان

مروان شاف فصدرو و دم هابط كيف شلال وحوايجو كيقطرو بدم 

مروان طاح للارض معاد بعد عليه و كارينا مشات تتجري عندو: مروواااان فيق فيق مرووان عفاك فيق متخلينيش ولدنا مزال مجاش عفاك متحرموش من باباه من دابا مروان 

مروان شاف فيها و دوز يدو على وجها: كارينا 

كارينا تتبكي وحاطة راسو فحضنها:انا معاك متخافش 

مروان بتاسم و جرها لعندو و باسها : تهلاي فبنتنا سميها ميران واخا ؟؟ (كيدوي بشوية و كيتقطع فهدرتو) 

كارينا: شششش عفاك مدويش غير صبر غادي نخرجو من هنا غير صبر 

مروان : كارينا انا عارف الواليدة غادي تحاول تخليك تمشي لعندهاا (كيدوي بشوية) و تاخد ليك بنتنا كارينا متسمحيش بالبنتنا تربا بعيدة عليك اكارينا انا غنكون ديما معاكم 

كارينا زادت فالبكا كيموت فحضنها ومقدرا دير والو 

كارينا: مروان عفاك متخلينيش

مروان: الله يلعن كاس البلار لي نشرب فيه المرار خليك مع دياب و شامة مترجعيش لامريكا كارينا كنبغيك

كارينا كنبغيك (شاف فيها وبتاسم ) 

كارينا غوتات على حر جهدها: مروااااااااااان

هزات كارينا راسها بانت ليها سلوى هازة مسدس هي لي صوبات عليه....

كارينا ناضت هاجمة عليها و هي ترجع تصوب عليها حدا رجليها كارينا وقفات خايفة تترعد 

سلوى بدات كضحك

معاد: اووووه مرحباااا بختي جيتي فالوقت المناسب 

سلوى: ممممم خويا العزيز انا ديما فالخدمة

ذياب طرطق عينيه فيها مصدوم اول مرة ميكونش عارف شي حاجة هادي فلتات ليه شاف فيه مصدوم بتاسمات ليه اما شامة خلاص صدمتها اكبر من صدمة ذياب من جيهة موت مروان و ظهور سلوى كأخت معاد 

رجعات تخشات مور ذيااب

هزات سلوى المسدس لجيهت دياب شوية وجهاتو لشامة وولدها: ودعي الحياة الالة شامة 

معاد:سلوى شكديري 

سلوى شافت فيه وبدات كضحك بهستيرية: لي كان خاصو يدار اخويا العزيز 

(صوبات مسدس جيهت معاد وتيرات فيه فصدرو) 

طاح معاد شاد فجيهة قلبو ...

اما كارينا شادة راس مروان فحضنها كتبكي و تشهق ..

ذياب: سلوى خليناا نت....(قاطعاتو): شششششش اذياب مخليتي لي فين نتفاهمو حياتي كاملة وكنشوفك بعيد علي عرفتي شحال من سنة متحملا داك الشارف لدرجة ختاريت نعطيه السم بطيء باش نبقا جنبك و قريبة ليك ولكن نت شنو مقابل غير العاهرات و نهار جات هد بنت الخدامة مفهمتش شنو دارت ليك عرفتك تزوجتي بيها من اول نهار رجعت تخدم بلاصت مها كنت كنتقطع قدامك و كنتحرق ونت ممسوقش لي تابع غير شامة ..

ذياب: نتي لي قتلتي بابا

سلوى: هههههه اه انا داك الشارف كان باغي يحرقني فصغري خليتو يموت ببطئ و يتعدب كل نهار هههه

يلاه بغات تيري على شامة و هو تيري عليها ..

ضارت بالعرض البطيء شافت فيه : معاد 

معاد: نسيتي اهم حاجة على خوك قلبي مكاين فالجهة الصحيحة اختي العزيزة (تيرا فيها فراسها) طااحت وماتت فثانيتها...

هز معاد المسدس و مصوبو جيهت ذياب : ختي ماتت حيت خانتني و دابا يلاه غادي تلحق عليها (جبد زناد) وهي تعطيه فوق عنقو بزرواطة 

طااح 

كارينا: غادي نقتلك بيدي 

شدات المسدس و بدات تتيري فيه حتى ولا غاارق فدمو..

تنفساات بعمق و بدات تتشهق ثاني شافت فدياب و شامة : كان خاصني نتاقم لموتو (طلقات مسدس و بدات تتبكي) مات مات اشاامة مااات بنتي غتبقا بلا اب اشاامة بلا اب 

شامة قطعات ليها فقلبها عطات الولد لذيااب ، تحناات و بدات تتعنق فيها : ششششش صافي صافي عفاك بركة 

بدات تتبكي بلا متحس حيت حطات راسها فبلاصتها كون وقعات شي حاجة لذياب كون ماتت💔..

عنقاتها وبداو كيبكي 

ذياب خرج وحط آرتان فالسيارة رجع هز مروان و كارينا تابعاه حطو حدا سيارة و كارينا ممفارقاهش وشامة تابعاها خايفة دير شي حاجة فراسها رجع ذياب خوا ليسانس فالمستودع بأكمله و حرقو حتى ولا غير رماااد .. 

دخل دياب لسيارة و بدا كيبكي اه ذياب كيبكي ماشي سااهلة تخصر صديق العمر ديالك و اخ ليك بالقلب ماشي بدم بقا كيبكي وكيشوف فولدو ...💔

وصلات لبيلانص و هزو مروان اما كارينا سخفاات شامة حالتها حالة تتبكي على حالة صحبتها لي كتقطع فالقلب ...

ذياب دا آرتان لدار و تبعو كارينا لكيلينك مروان دفنوه ودارو ليه جنازة و حضرو حتى عائلتو ...

طبعا كيف توقع مروان 

فاش خبراتها صفاء تجي معاهم كارينا رفضات ..

وبقات ساكنة فدارها 

🖤بعد مرور 7 سنوات 🖤

كانو مجموعين فالجريدة كتغداو 

و دراري كيلعبو فالقلعة لي قاد مروان فجريدة 

آرتان ميران (بنت كارينا) و دليلة (بنت شامة و ذياب سماوها على سميت ام دياب ) 

شامة: ذياب شوف لي هد تصميم واش زوين

ذياب: انشوف 

شدو و شافو وبتاسم: مراتي موهوبة وانا داعم لموهبتك 

بتاسمات وناضت باستو 

ميران: بااااباااا 

ذياب: شنو بغات الاميرة 

ميران: قول لآرتان يعطيني كرة لعبو بجوج

دياب صغر عويناتو وناض تابعها خخخ

مرت ايام وعاشو حياتهم

كارينا تقبلات حقيقة فقدان زوجها بصح مات الجسد ديالو ولكن روحو المرحة عايشة جوات بنتها ميران لي نسخة طبق الاصل لباباها

شامة تعلمات ان الحياة مافيهاش غير الخايب وانما الا زرعتي البدور غادي تحصد الورود و الا زرعتي الشوك تحصد الالم

ذياب حس بحس المسؤولية وعرف معنى تكون تتعشق العشق الحقيقي مراتو لي ولات نقطة ضعفو وولادو لي ولاو كيف قلبو وعقلو عائلتو الصغيرة لي ولات مصدر سعادتو علماتو انه يصبر و ميتهورش و يخمم الف تخميمة و تخميمة ولا ضربة بالمقص.🖤

نهاااية 🖤