صفحة القصة
أنا: واخيييرا اصاحبتي تحقق حلمنا وجينا لهنا
زينب: ويييه واخييرا ولكن مشكلة مع اللغة يالصكعة
أنا: حتا نتي دابا تحل لي عرفناه نقولوه لي معرفناش نبتسمو ونحنيو الراس
زينب: ههههه ضحكتيني واش هادو مزال مغادي يجييو؟
أنا: تسخسخت والله وهاد ريحت التقية مرضاتني
زينب:هههههه ساليتي معايا منين بديتي كتقياي
أنا:حقيرة باش تجبدي الميكة دغيا كلستي كتكركري علية وفرجتي علية الناس ولي دزت من حداه كيسد نيفو ولكن نردها لختي غير صبري
زينب: هههه واش كاين شي واحد باغي يسافر وكيعركها ماكلة مخلطة وزيدي عليها شاربة ليصانص حيت كيحد الدوخة هههه وحيدلك حتا الماكلة
أنا: غير تشفاي مزال ساعتك الكلبة اووووف عييت بزااف واش مفراسهمش سطار جايا وخاصهم يتعرضولي بالطبل والغيطة
زينب: هاهاها لا خاصهم يتعرضوليك بجافيل والتيد يخخخ كحزي لهيه ريحتك طفش بلد
أنا: ينعن جد بوك الحقيرة مبغيتش نضيع بريستيجي قدام الناس حتا نوصلو ونتحاسبو اري داك العكر
زينب: العكر على الخنونة هههه سكتي ها العار راني فشلت جاني جوع وبغيت نعس
أنا: حتا أنا زيديني عليك واش غير جايبينا فابور باغيين يذلونا تفو على ذل شحال زوين هاهاها
زينب: هههه حمقة حتا ميريكان زوينة والا كان الذل هاكا ياربي زيد ذلني
أنا:آآآمممييييييين
....: سلام آنسة ريتاج وزينب؟
حنا: اه هوما حنا!
....: اوووف واش من صباح وانا كنتسنا ونتوما مجمعين هنا معرفينش الناس منين كيكونو فالمطار وكيتسناهم شي واحد كيبداو يقلبو على سميتهم بين الناس حتا سمعت هضرتكم عاد عرفتكم
حنا: (شفنا فبعضياتنا وطرطقنا بالضحك)غير سمحلنا منتبهناش مع العيا
....: اوكي زيدو تمشيو البلاصة لي غادي تسكنو فيها اوووف على ريحة معرفت منين جات؟؟!
أنا ضربت الطم وكنشوف ديك وجه الويل كتفرك كلبة حقيرة غادي تفرشني مهم ركبنا.. #هجار#
السلام انا اسمي ريتاج وصاحبتي سميتها زينب تعرفت عليها فدار الشباب فواحد الجمعية كنغنيو كنديرو رقصات كلشي كبرنا فهاد الجمعية حتا ولينا كنشاركو فميهرجانات شوية طورنا ولاو الناس كيجيو من برا والجمعية زادت تطورات حتا لواحد نهار جمعيتنا دارت عقد مع واحد الجمعية فامريكا وبالضبط فنيويورك جاو عدنا ماشي مرة ماشي جوج وجا الوقت باش نمشيو حتا حنا اختارو الناس لي يمشيو وبزهر لي عدنا تختارينا حتا حنا فالاول مالين دار مكانوش باغيين ولكن كول مرة كنت كندي معايا مأطر يرغب لمدة عام ونيت حتا خديت الباك انا وزينب ب10 مطالعاش مطالعاش اللهم نمشيو صافي تقرر غادي نمشيو لمدة 5 سنوات منها نقراو تماك ومنها حاحنا فالجمعية دابا غادي نقولكم شكون انا
انا سميتي ريتاج فعمري 19 عام مطويلة مقصيرة ومسمرا مبيضة مهم الناس كيقولولي زوينة مرة كنكون حشومية مرة مقزدرة المهم على حساب الوضع لي انا فيه اما زينب فهي ضعيفة وطويلة وكتحماق على الجري طيارة حتا هي زوينة وقلبها كبيير هازة جميع انواع الرجال هههه هي لباس عليها هي جات لميريكان حيت باها شخصية معرولة اما انا حيت قديمة معاهم 12 عام منين بديت كنقرا وانا معاهم
لمهم جينا لهاد ميريكان غير بجوج كاين لي سبقنا وكاين لي غادي يلحق علينا وكنتمنا يدوز هادشي بخير وعلى خير جا عدنا استاد سعد ودابا راحنا ماشيين معاه لبلاصة فين غادي نستقرو يخخ سكرت الناس بهاد الريحة وهو كل شوية كيدور يقلب فجنابو منين جات هاد الريحة حشمت والله تفو محسابليش القديد غادي يدير هاد الحالة اووف طريق طويلة ولكن هاد المدينة خيالية انا غير كنشوف شكون قال نجي لهنا هادشي زوين بزااااف زينب حتا هي شادة السرجم لاخر وكتفرج فهاد البلاد...
وقفات اللوطو فواحد البلاصة زينة اش منك ياخضورية وورد باين البلاصة غادي تكون زوينة وعلى لي فهمنا استاذ سعد هد البلاصة فين غادي نسكنو دايرة بحال شي مجمع سكني كبير فكل بناية كاينين 2 طبقات وكل طبقة فيها بحال 2 ديور وكل دار غادي يسكنو جوج دناس صافي قادنا الاستاذ سعد كلشي وكمل الاجراءات ودخلنا لدارنا لي اكيد غادي نسكنو فيها انا وزنوبة فيها كل واحدة وبيتها وسيجور صغير وكوزينا وحمام مشروك كلشي مقاد بطريقة انثوية غزال بزاااف وحتا ديكورات فشكل صراحة هاد الكور علام كيحتارمو كلشي وكيعناو بادق التفاصيل مهم خلانا استاذ سعد نرتاحو ومن بعد يجي لعدنا ومنين جا خارج قالي
استاد سعد: انسة ريتاج خودي دوش ورتاحي راه الدوش سد الباب وخلا فمي محلوول
أنا: واااع واعع ععع يع تفوووووووووو ميرض ناري تحشمت ريحتي عطات من نهار اللول تفوووو على زهر ويلي ويلي ويلي صافي انا انتهيت تهجريه يا السفلية
زينب: (كضحك مع حركات ديال التعواج) هههههههههههههه الله يعطيك ماتكلي صافي غادي ندير بيبي بكثرة الظحك ههههههه
أنا: شيرت عليها بواحد المخدة تفو عليك الحمارة متسوايش تفففووو ناري تحشمت مبقاش عندي الوجه باش نعاود نشوفو أنا ندخل ندوش اللولة عفاك جبديلي من الشنطة ديالي هاديك لاطروسة (عطاتهالي)شكرا حمارتي هووب دخلت وخليتها كتفور هاهاها
زينب: واخا فيك المجرتلة سربي سربي راه ريحتك عطات تفو على حامضة
أنا: ومالو الحامض راه بالثمن ههههه
زينب:stupid
أنا: هي طاسيلتك
مهم فركت راسي مزيان عييت بزاف بغيت ناكل ونعس كملت الدوش ودخلات زينب دوشات شوية جات عدنا واحد البنت كاورية رحبات بينا و جابت لينا الماكلة وشكرناها كلينا وكل وحدة دخلات لبيتها وعيطات على واليديها وطمنات عليهم وطحنا دودات نعسنا حتا نفيقو ونقادو حوايجنا ومساءلنا....
....سررر سررر(بعنين مغمضين) اوووف شكون هادا بوزبال لي غادي يحرم علية نعااس اووووف مشيت شفت من ديك العين السحرية لقيت استاد سعد ويلي ويلي ويلي تفوووو محملاش نشوف فوجهو غادي نمشي رجع لبيتي خلي زينب هي لي تحلو الباب مشيت لبيتي ودرت موتة حمار حتا سمعت حس زينب ناضت حلات الباب
سعد: سلام انسة زينب اش هاد تعطيلة خفت لتوقع ليكم شي حاجة حيت تعطلتو باش حليتو
زينب: استاد سعد سمحلي كنا ناعسين وراك عارف العيا وصافي
سعد: ماشي مشكل فين هي انسة ريتاج؟
زينب: راه مزال ناعسة يمكن
سعد: مهم نوضيها من هنا 30 دقيقة هبطو لهول اوكي ومتعطلوش هنا الوقت هو الوقت
زينب: اوكي استاد نصف ساعة نكونو تماك مع السلامة (سدات الباب)ريتاج ريتاج نوضي احبيبة راه خاصنا نهبطو الهول
ريتاج: اه سمعتو
زينب: وعلاش مجتيش
ريتاج: راك عارفة اصاحبتي مقدرتش نشوف فيه حشمت والله
زينب: حتا نتي داكشي عادي يله لبسي حوايجك راه قالك خاصنا نكونو فالوقت انا ندخل لبس
ريتاج: اوكي انا ندخل لبس حقا رتاحيتي شوية؟
زينب: اه مزيان الحمد الله غير هو فية الجوع هههه
ريتاج: حتا انا فية لموووووت ديال الجوع مصاب غير يعيطونا باش ناكالو شنو لبسو واش شي حاجة رسمية ولا غير كاجوال؟
زينب: كنظن غير عادي وصافي
ريتاج: اوكي
لبسنا و درنا شوية ديال الميك اب وخرجنا واااو داكشي غاية في الروعة كان ظلام الحال شوية وضواو مشعولين علاااااام مرسوم بقلام بقينا كنتمشاو وعينينا مغروما بهاد الجو حتا شفنا الناس ومشينا لعندهم
أنا: واي واي واي على تيتيز
كلشي دار كيشوف فينا
أنا: زينب اش هاد الهضرة اصاحبتي حشومة (هاهاها اكيد زينب مصدووومة بجد ومش بتنطق ومالي نمشي فيها انا هب غير كتقرص فيا لتحت ولكن واش فهمونا شنو قلنا زعما شنو قلت انا واش كلشي مغاربة منطنظنش امممم)...
سعد: hello everybady
الكل: Hello Mr saad
سعد(الحوار بالانجليزية): حنا تجمعنا هنا من مختلف البلدان وجمعية.... ليها فضل كبير علينا كنتمنا كلشي يدوز مزيان ونتمنا تكون سهرة تعارفية بيناتكم استمتعوا
زينب: اوف كلشي لابس مزيان الا انا وياك
ريتاج: او ا صافي حتا نتي واخا هكاك كنبقاو فسيسرات
شخص: سمحولي نتوما مغربيات
حنا: اه
شخص:اممم متشرفين انا علي
زينب: مشرفين أنا زينب وهادي صاحبتي ريتاج
علي: توحشت المغرب بزااف مهم انا هنا مأطر فوقما حتاجيتو شي حاجة انا هنا خليت ليكم الراحة
زينب: شكرا استاد علي
أنا: كنعيبها شكرا استاد علي مسحي مسحي ريوكك شوهتينا مالك على حالتك
زينب: احححح شحال غزال فنن كيهبل
أنا: مسكينة بقيتي فيا اه هو زوين ولكن شوري ماشي من اللول وحدة وحدة
زينب: راكي عارفاني اصاحبتي منين كنشوف الزين خاصني منو وزيعة نجيبو ولكن هادا غادي يكون استادي القضية شوية صعيبة مهم دابا ندير دراساتي
أنا: والله يستر انا ختي عزيز هلية الزين الحرش
زينب: نونو جربتو هلكني غير عصا بناقص منو
أنا: كنتفكر منظرك داك نهار منين بغيتي تغيريه عليك وصدق مغير ليك معالم وجهك ههههههه
زينب: يخخ متفكرينيش عاجبينو عضلاتو وداير فيها لحكام وعايش دور سي سيد
أنا: اوا نتي جبدتيه كان كيعاملك مزيان ونتي قلتي تجربي عضلاتو هههههه
زينب: انا كان غراضي يغير علية قدام دوك لبنات ساعة فرجهم فية مزيان ولكن هاديك دارتلي راس
أنا: ههههه ومزيان بعدا تعلمي انا الحب ماشي سلعة باش تباني بيها
زينب: هاي هاي هاي شكون كيهضر علاش نتي عندك القلب بعدا لي جا كتصديه خايفة تكوني غير لزبيانة
أنا: نونو حبيبتي مزال مجا هداك لي يخليني نحماق عليه هو صحيح كان لي كيهضر معايا كنت كنعلق بيه ولكن كلشي كان غراضو واحد عمر شي واحد بغاني بصح داكشي علاش...
مهم خلينا من هادشي اجي نعيشو شوية اللحضة امممم شوفي هاديك شحال زوينة وهداك لي معاها خايب
زينب: يقدر يكون عندك نتي خايب ولكن هي لقات لي بغات فيه بضحكة شريرة
أنا: ههههه كلبة دماغك موسخ
زينب: على اساس لقيت معاك صعوبة باش تفهمي فاش كنفكر راحنا مسقيين بمغرفة وحدة هههه مهم بقينا عاطيينها للنميمة وقولها وضحك عليها وكل واحد عايش اللحضة وانا وزينب حتا واحد محشاها لينا وحتا حنا ممسوقينش اصلا الا جا شي واحد وغرق معانا بالهضرة غادي نتكوانساو ومنعرفوش باش نجاوبوو مزال الحال ويجي الوقت ونتعارفو راه 5 سنين كافية
سعد: آنسات لباس عليكم (كيشوف وزام الضحكة)
زينب: لباس استاد شكرا على الاهتمام
انا: حادرة راسي لباس استاد شكرا
سعد: ولفتو شوية
زينب: الحمد الله استاد هاحنا غادي نتوالفو
سعد: مزيان المهم الا بغيتو تاكلو سيرو لريسطو خودو البارت ديالكم وسيرو لبيتكم تاكلو ورتاحو باش فصباح تفيقو مزيان راه تابعكم بزاف مديرو
زينب: اوكي استاد شكرا بزاف
سعد: انسة ريتاج ارتاحي شي شوية واستمتعي
انا: شكرا استاد تصبح على خير
مشينا انا وزينب خدينا البارت ديالنا ومشينا كلينا فبيتنا قدينا حوايجنا وستفناهم دوينا مع مالين الدار شوية وكل وحدة مشات لبيتها تنعس باش غدا نبداو اول نهار عدنا هنا وكما قال الاستاد سعد باقي بزااف ميتقدا باقي نشوفو فين نقراو وشحال من حاجة وحتا من المنحة ماعرفت شنو غادي يديرو معانا زينب معندهاش مشكل حيت عندهم الفلوس أما أنا غادي نمشي فيها الا مكانتش شي منحة للي تكفيني مهم ربي يدير تاويل دالخير نعس راه فية لموت دنعاس عيييت تصبحي على خير احيمارتي قلتها بجهد
زينب: مكيناش الحمارة قدك يالكلبة يالحيوانة...
أنا: الله شحال كيعجبني نعس على هاد ديسك خليتها مسكينة كتحيح وانا نعست كيعجبني نعس هكا هههه
اصبحنا واصبح الملك لله.. زينب: صباح النور زوينة فيقي باركة من نعاس راه تابعنا بزااف منديرو كصبحتي؟
ريتاج: صباح النور خيتي اه ياختي تسخسخت بالمزيان شحال الساهة دابا؟
زينب: 8 احبيبة نوضي نوضي الله على صباح شحال زوين
ريتاج: اووف مرض علاش فيقتيني من على النبوري
زينب: وتي نوضي ولا منقولكش اخر الاخبار!!
ريتاج: صبحنا على مولانا قولي شنو؟
زينب: عرفتي مشيت لريسطو نجيب فطورنا وتلاقيت بوااحد البكوص مجبد تلاقيت بعلي كيحمق كيحمق
ريتاج: علي هداك الاستاد؟ ديال البارح؟
زينب: اه هو غزاال ياختي قالي صباح النور الكتكوتة كصبحتي وانا نتكوانسا بقيت غير كنتمتم وهو ابتسم ابتسامة دوخني ومشا وخلاني بلاكة
ريتاج: ههههه حمقة طحتي ولا حدي سما عليك هههه نوض نفطر راني جعت بزاف
#عند #علي
وااو على صباح صبحت على ديك المغربية كضحكني بديك الحشومية ديالها شحال هادي مشفت شي بنت بحال هاكا هنا كلشي مقزدر صراحة تحركات شي حاجة من ناحيتها ولكن انا من طبعي مكنزربش خلي الامور تمشي كما هي حتا نشوف شنو كاين هههه قتلاتني بالضحك مشيت وخليتها وبقات فنفس البلاصة كتفرنس مدة عاد تحركات زنوبة الهبيلة نمشي نقاد اموري بعدا وعاد نشوفو لالة زنوبة
#عند #لبنات
زينب: يختي كيحمق بزاف بحال هاد الماركة مدوزتهاش
ريتاج: الله يمسخك تبتي راسك شوية
زينب: حتى نتي هنا راه كلشي كيتبدلو العقلية كلشي كيولي كور
ريتاج: الله يهديك المغريبي كيبقا مغريبي فين ما مشا كيبقا بنفس العقلية
زينب: ممكن فطري دغيا باش نمشيو الجامعة
ريتاج: يختي انا خايفة غير من ديك قضية المنحة
زينب: الله يهديك اصاحبتي راه انا وياك واحد لاش كتهزي داك الهم
ريتاج: لهلا يخطيك احبيبتي ولكن راكي عارفاني كنتمنا تكون المنحة
زينب: كتعوج لهلا هنواتن.. تي نوضي باركة من الهضرة الخاوية
لبسنا حوايجنا ومشينا هبطنا نقلبو على استاد سعد واخا مزال كنحشم نشوف فيه ولكن الضروريات مشينا سولنا على المكتب ديالو ودخلنا عندو رحب بينا مسكين وفهمنا شنو نديرو وفين نمشيو ولكن صدمنا منين قالنا ان المنحة حتا العام التاني عاد تعطا لينا اوووف بغيت نموت وحلة والله هي باش زوينة الماكلة كاينة الكتوبة كاينين ولكن الا بغيت نخرج ولا نشري الحوايج وانا دارنا بحرا وافقو ومنقدرش نطلبلهم حيت غادي تجيهم من الجنة والناس باش يقولولي رجعي فحالك واصلا هنا المصاريف بزايد باش نعاونهم نطلبلهم مجياش حتا المعاودة اووف شنو ندير مصيبة كحلة تفو يكملو على جميلهم متماش هادشي كاع
سعد: انسة ريتاج شي مشكل؟
ريتاج: لا استاد مكاين حتا مشكل غير بغيت نسولك؟ واش الجامعة قريبة لهاد المجمع؟
سعد: لا ماشي بزاف وحتا الا بغيتو نبقا نوصلكم مكاين حتا مشكل حنا هنا كاملين خوت، اما من ناحية الجمعية حتا يجي كلشي عاد غادي يبدا البرنامج حيت ماشي كلشي كيقرا كاين بزاف ديال الفئات يعني دابا غير ارتاحو وتعرفو على الاجواء وانا هنا فوقما احتاجيتو شي حاجة دابا خاصكم تمشيو الجامعة باش تختارو الشعب للي بغيتو وتسجلو فيهم أنا نوصلكم تسناوني 5 دقايق ونجي
ريتاج: اوكي استاد شكرا بزاف، خرجنا وانا مفقوصة بزاف تفو على زهر زينب حسات بيا ولكن انا منقدرش نخليها تصرف علية
زينب: حبيبة انا عرفاك فاش كتفكري دابا لقاو حل وغادي تفرحي منين نقوليك واحد الحل راه من البارح وانا كنفكر فيه
ريتاج: حلفي قوليلي شنو هو؟
زينب: ماشي دابا خليني نقلبها فراسي
ريتاج: مالو اتاي وغير قولي اخريويلة
زينب: على هادي منقولكش دابا (بالغوات) يااااااااي
ريتاج: نتي فعار الله ونبي رسول الله مالكي على هاد تحنقيز
زينب: راه راه راه علي يااااي شحال كيحمق شوفي واقف مع استاد سعد
ريتاج: اه زوين عندو يا ختي هبة احم احم راهم كيشوفو فينا قلبي وجهك تفو ديما محشمة معاك اوجه الويل
زينب: ههههه حتا نتي مالكي خوافة عادي انا اصلا خاصني نبقا لفت انتباهو
ريتاج: مقزدرة معا راسك شوري شوية اصاحبتي بانتلك غير هاد الطريقة باش تلفتي انتباهو ويلي ويلي هاهما جايين (زينب كتفرنس)
سعد: البنات كما كتعرفو استاد علي هاهو غادي يمشي معانا باش يوريكم البلايص حيت هو مسؤول على مصالح الطلبة مشينا معاهم وديك الهبيلة غير كتفرنس مهم طلعنا معاهم فلوطو وداك استاد علي مرزن مرة مرة كيطل علينا من المرايا وصلنا وااو هادشي علام والله فشكل بقينا مشادين انا وزينب وتابعين اساسدة ديالنا كيوريونا البلايص وكيقولولينا المسالك وكيوريونا كلشي وحنا تابعبنهم كالبهلات مهم وصلنا عند المسؤول ديال الشعب بقينا كنغكرو شنو نديرو حيت حنا اصلا معدنا غراض فالقرايا درنا داكشي ديال الفندقة هادي اسهل حاجة صافي عمرنا الاستمرات وقعنا عليهم حتا استاد سعد شجعنا على الاختيار ديالنا حيت عارفنا مكلخات وهو يطلق الصاعقة
سعد: راه كاين واحد سونطر ديال الانجليزية فالمجمع
ريتاج: احم شكرا استاد سعد دابا نديروه باش نعمرو وقتنا (اووف دار ديك الابتسامة ديال راني عايق بيكم) مهم رجعونا للمجمع من بعد معطاونا استعمال الزمن لي حتا الاثنين عاد نبداو حيت غدا الويكاند
زينب: شكرا بزاف على وقفتكم معانا
سعد: متقولوش هاكا انا بحال خوكم وراحنا كاملين ولاد البلاد حتا اللي ونتلقاو انشاء الله مع السلامة
علي: لبنات الى احتجيتو شي حاجة راه المكتب ديالي
زينب: (بزربة) اه استاد علي شكرا بزاف أنا: شكرا استاد عدبناكم
علي: عدابكم راحة
ناري هنا البنت تحلات ليها اش جاب مجمعها هههه شكرا استاد مع السلامة وبقيت كنجر فديك الهبيلة لبنت طاحت طيحة وحدة
زيدي يا الخطية شوفي هو مرزن عليك ولكن مرة مرة كيسرق شوفات فيك
زينب: حلفي بالله يااي يا ختي تستاهلي لبيسة من عندي
ريتاج: وعاد منين كتكوني كتهضري كيبقا يتبسم وهو كيشوف فيك
زينب: وحلفي بالله واااااو نزيدك حتا صباط زيدي
ريتاج: امممم (صافي هاد لبيسة كافية اه نسيت الصاك) بلاتي منين نتلقاوهم نبقا حاضياه ليك واش كيشوف فيك ولا لا
زينب: ياااي انت احسن صديقة واخت فالدنيا تستاهلي كلشي غير آمري
ريتاج: غيير صاك اختيتي
زينب: هههه كلبة كتستاغليني ولكن هانية دابا راني فرحانة نشريلك حتا شوية ديال الميكا اب
ريتاج: زعما راكي كتصدقي علية راني جايبالك خبيرات
زينب: ههه حميمقة ديالي زيدي ندخلو ندوشو ونمشيو ناكلو راني جعت
ريتاج: اوكي حبوبتي، دخلنا لدار دوشنا ودردشنا شوية وخرجنا ناكلو فريسطو معا الدخلة كيبان داكشي زوين والناس مخلطة مشينا شدينا البارت ديالنا وجلسنا فواحد الطبلة بدينا ناكلو حتا جات حدانا واحد البنت وجلسات معانا(الحوار بالانجليزية)
هزال: سلام
حنا: السلام
هزال: انا اسمي هزال من تركيا
ريتاج: انا ريتاج وهادي صحبتي زينب من المغرب
هزال: كيعجبني المغرب بزاف كنتمنى نمشي نشوفو
زينب: اجي مرحبا بيك انا مشيت قبل لتركيا رائعة
ريتاج: حتا انا كنتمنى نمشي لتركيا نشوف بحلاة ونوتيلا وداكش..
هزال: مفهمتكش فهمت غير نوتيلا
زينب:ههههه هادي حمقة كتقصد اي واحد زوين كنقولو عليه نوتيلا فالمغرب
هزال: هههه مزيان حتا انا بغيت نجي نشوف نوتيلا فالمغرب
ريتاج: ههههه حنا معدناش نوتيلا حنا عدنا غير الصبون البلدي
هزال: مفهمتكش
زينب: هههه متديش عليها هي حمقة. بقينا كناكلو وكنضحكو والحمد الله مكنغرقوش بزاف فالهضرة صراحة زوينة وضريفة تعرفنا على بعضياتنا وخدينا نوامر هي ساكنة فبافيون(عمارة) 8 وحنا ف2 بقينا مجمعين....
بقينا مجمعين شوية حتا كل واحد مشا لبيتو نقيلو شوية مشينا نعسنا حتا وقفاتلي ديك العوجة هلى راسي
زينب: حوبينو نوضي نخرجو راه الجو زوين برا
ريتاج: اوف منك أزينب حتا كنبقا نحلم بفارس احلامي وكتجي ضيعيلي اللحظة
زينب: هههه حمقة بدال متبقاي تحلمي بيه نوضي خرجي قلبي عليه
ريتاج: خاصو هو يجي عندي ماشي انا نقلب عليه ومزال مالقيت هداك لي يضربلي على شعا
زينب: ونوضي دابا نوضي نمشيو نتلفو الوقت شوية ونتلقاو حتا هزال
ريتاج: اه يختي مزيناتها بنية دخلاتلي لخاطري
زينب: اييه راني كنغير نتي صحبتي غير انا فهمتي
ريتاج: ونتي ختي الحمقة هي نديروها صاحبتنا ولكن الصحبة الحقيقية غير انا وياكي احماراتي
زينب: اووووف الكلبة متعاوديش تقوليلي هاكا تفو على كمارة
ريتاج: متعصبيش راني غير كنبغي نشد فيك
زينب: مالي حبل باش تشدي فيه. صافي لبسنا حوايجنا وسكسكنا على الحالة وخرجنا ندورو شوية حيت مزال مضرنا هنا مزيان كاين ملعب دالكرة وتينس وكرة السلة كاين واحد المسبح مغطا كاين بزاف ديال القاعات لي كيبغي شي حاجة كيتسجل فيها دنيا فشكل هنا كلشي كاين ميخليولكش البلاصة فين تقنطي شوية زدنا وحنا لقاو ناس جالسين فالحشيش زعما العشب وكيتفرجو فيلم ديال تويلايت مشينا خدينا بوب كورن وجلسنا كناكلو وكنتفرجو فلفيلم وفلكوبلات لي كاينين الفقصة صراحة مكرهتش نعيش شي قصة حب زوينة ونشيطة امممم حاسة غادي يجي هاد نهار مهم حتى يجي بقينا انا وزنوبتي صراحة الجو زوين بزاف وارتاحينا كملنا الفيلم حيت دارو غير الجزء اللول بقبنا كنتمشاو حتا كنشوفو لكوبل كيتباوسو
ريتاج: اووف مكيحتارموش مشاعر سليبطير
زينب: اممم منقولكش داك الاحساس
سعد: انا احساس
ريتاج: (بالغباء)إنا احساس ازينب
زينب: (كتقرص فية) احساس ديال فاش جبنا لهنا
سعد: امممم هكاك......
زينب: اه والله عجبنا الحال
سعد: مزيان نتمنا تكونو مرتاحين
علي: وحتا الا مكنتوش مرتاحين خاصنا نكونو فالحضور باش نريحوكم (كلشي دار كيشوف فيه)
سعد: اهلا بخويا الحبيب مبنتيش العشية كاملة
علي: راك عارف اخويا كنت على موعد (زينب جمعات الضحكة وعلي كان كيشوف ردة الفعل ديالها)اوا لبنات كلشي مزيان
ريتاج: الحمد الله ايتاد علي الجو زوين هنا
علي: بلاش من ديك علي منين نكونو مجموعين فليل حنا كاملين خوت
زينب: انا فية جوع نمشي نجيب شي حاجة ونجي
ريتاج: تبغي نمشي معاك
زينب: لا غير خليك
علي: (هههه حمقة هاد البنت زعما تكون كتحس بشي حاجة اووف كيعجبني نشوفها بهاد الملامح) ختي زينب نمشي معاك؟
زينب: لا استاد علي غير خليك انا نمشي داغي ونجي (مشات زينب وهي باغا تاكل راسها)
هزال: (عنقات ريتاج من اللور) سلام ريتاج
ريتاج: اهلين هزال لباس عليك؟ هدا استاد علي وهدا استاد سعد
هزال: متشرفين
سعد: مفرنس متشرفين انسة هزال
علي:متشرفين انسة
هزال: (عجبها سعد) ريتاج استاد سعد نوتيلا
سعد وعلي:طرطقو كيضحكو وانا كنغزها: هضري بشوية الحمقة راهم سمعوك
هزال: اوبس (وحمارت مسكينة )كنعتدر نمشي نقضي شي غراض تشرفت بمعرفتكم ((ومشات)
سعد: هههه مسكينة حشمات تركيا هاد البنت؟
ريتاج: ههه اه من تركيا تعرفنا عليها هاد صباح ضريفة بزاف
سعد: اه باينة عليهاولكن ديك نوتيلا قتلاتني بالضحك باينا نتوما لي علمتوها ليها
ريتاج:علاش فخبارك هاد النوتة
سعد: ههههه راحنا كاملين مغاربة الحمقة واخا معايش تماك ولكن الفايس كيوريك كلشي
ريتاج: ههههه كاينة حنا كنا غير كنضحكو معاها
علي: (كان كيشوف فجيهت كشك شوية هو مشا كيجري وحنا غير متبعينو*كنت حاضي زينب فين تعطلات منين كانت خارجة وقف عليها واحد الولد كيهضر معاها وحتا هي بقات كتجاوبو حتا...
حتا كنشوف شاد ليها فالخصر ديالها وهي كتحاول تبعدو عليها وهو شادها بالسيف عليها نشعرتش براسي حتا مشيت كنجري لعندهم وكان كنا فالزنقة كنت نقتلو ولكن انا هنا مسؤول مصلحة الطلبة غادي نعيق براسي* شنو واقع هنا؟!!
شخص: والو استاد علي غير كنفاهم انا ولحبيبة ديالي
زينب: استاد علي عفاك ساعدني انا مكنعرفش هاد زبل الله يعطيك موصيبة قالك لحبيبة ديالو الله يغرق لموك شقف يالكلب يالحمار يالتريكة العوجة
شخص:شنو كتقولي مفهمتكش
علي: زاييوس طلق من البنت راني كنعرفك مزيان واخر مرة نلقاك مقرب منها (طلق منها ومشا كنت معصب حيت عارف داك الحمار مزيان شنو كيسوا وفاش مشا لعندها اووف الله يصبرني وصافي ولكن انا سلات معايا منين بقات كتعايرو ضحكاتني شحال هادي مسمعت المعيور )
علي: انسة زينب مزيان دابا؟
زينب: اه شكرا استاد علي (جات ريتاج كتعنق فيها وكيتعاودو شنو وقعلها وهي كترعد محملاتش علاش قاصها)
سعد: مزيان منين شديتي راسك
علي: راك عارف شي حاجة بسيف علية ولكن كون كان برا نعرف حسابي معاه مزيان
سعد: اممم القضية عندك..
علي: لا غير حيت بنات البلاد وصافي
سعد: ههه الله يجعلني نتيق راني عارفك كتر من راسك
علي:سكتنا اصاحبي، انسة زينب كبقيتي شوية؟
زينب: شكرا بزاف استاد علي
علي: مبيناتناش اجي جلسي وارتاحي خاصك تحضي راسك هنا راه كاين الوحوش كتر من بنادم واي حاجة ضراتك انا مجود ديما متافقين
زينب: نسات كلشي وغير كتفرنس جوباتو وهي كتهز راسها زعما اه
علي: عنكش ليها شعرها وقالهم يالهو نمشي ريسطو ناكلو
سعد: يالهو نمشيو ناكلو مشاو مجموعين خداو البارت ديالهم وتجمعو على طبلة كياكلو وكيضحكو، فين مشات نوتيلا مبانتش؟ بقا كلشي كيضحك هكاك بقاو مجمعين وخرجو لهول وكملو السهرة ديالهم واتافقو يتلقاو غدا باش يخرجوهم لمدينة...
تافقو غدا باش يخرجوهم يتقداو داكشي لي خاصهم ومنها يتسراو شوية
سعد: لبنات خاصكم تمشيو ترتاحو باش غدا مع 10 صباح غادي نجي لعندكم باش نخرجو شوية بكري
ريتاج: اوكي خويا سعد وشكرا بزاف كنعدبوك معانا
سعد:لا متقوليش هاكا!! راحنا خوت
ريتاج: لهلا يخطيك نخليكم دابا نمشيو نرتاحو تصبحو على خير
علي: تصبحو على خير (جريت ديك العوجة لي غير كتفرنس ومشينا طلعنا لدارنا ودراري بقاو حاضيينا حتا طلعنا دخلنا لدار وهي زينب بقات كتنقز وانا غير كنضحك عليها اول مرة كنشوفها فرحانة من قلبها عجبني الحال تبقى فرحانة وكنتمنالها ديما تكون فرحانة حيت هي بكثرة ولديها ممغربين عليها داك النقص كامل كتحاول تعوضو فالعلاقات لي كدير ولكن اول مرة كنشوف فعينيها كيبريو وكيضحكو ونخاف عليها تصدم حيت علي مرة كيبان مهتم بيها مرة كيبان ممهتمش مغاديش يكون ساهل اوا للي فيها الخير يديرها ربي )
ريتاج: نتي حمقة والله
زينب: ياختي خاف علية ياكي ياكي
ريتاج: عرفتي منين كان شادك هداك بوزبال هو بقا كيحمار شوية والدخان يخرج منو
زينب: مصاب ياختي يكون كيحس بشي حاجة من جيهتي!! مصااااااب
ريتاج: معرفت اختي هادشي مع الوقت غادي يبان ماشي بين ليلة ونهار ونتي خاصكي تنقصي شوية ديك الخفة
زينب: اححح يا ختي التوحويح فية طبيعة ومنين كنشوف الزين خاصني منو وزيعة غير الله يدير تاويل دالخير
ريتاج: حمقة نتي والله اجي شفتي سعد وهزال باينا تعاجبو بيناهم
زينب: داكشي لي بانلي قتلاتني منين بقات كتقول نوتيلا ههههههههه
ريتاج: ويلي ويلي ههههه وعاقو بينا حتا هوما ههههه حمقة طيراتني المسخوطة
زينب: حتا لغدا ونتلقاوها منين نجيو سيري تنعسي باش نفيقو بكرب كنت كنتمنى يمشب معانا علي ولكن هو قال مامسليش قويصح مع راسو
ريتاج: هاد المرة غادي طيحي طيحة وحدة هههه
ريتاج: هاد المرة غادي طيحي طيحة وحدة هههه ياله بون دودو بيبب نمشي نعس باش نفيق بكري شوية
زينب: اوكي حبيبتي سيري تنعسي تصبحي على خير
ريتاج: ونتي من اهلو، دخلت لبيتي نرتاح نسيت قضية لابورس مقالتش لية زنوبة شنو الخطة لي دايرة اوووف الا بقيت كنفكر فهادشي غادي نحماق ويهربلي نعاس يصبح ويحن تصبحون على خير...
اصبحنا واصبح الملك لله.... فقت ناشطة هاد صباح فقت من بلاصتي لقيت زنوبة هبطات تجيب الفطور ودخلت انا ناخد دوش خفيف بلا منغسل شعري خرجت لبست حوايجي وهي تدخل زنوبة
زينب: صباح النور لعمر ديالي
ريتاج: صباح الخير حبيبة كصبحتي. كتباني راشقاليك هاد نهار!!
زينب: معلوم مشفتيش سيدي علي شحال خاف علية البارح واهتم بية
ريتاج: ناري على مسطية نتي المود ديالك رابطاه غير مع علاقاتك الغرامية كنتي كتحبب هانتي ناشطو والا كنتي مدابزة هاني كاعية وباااز
زينب: سمعتي شي دبانة كتزنزن
ريتاج: بالعما مسمعتها
زينب: حيت سكتات دابا ومزال احبيبتي نتفرج فيك غير صبري مزال دور الصمطة
ريتاج: هاهاها بزااف عليكالعوجة حتا نولي بحالك
زينب: دابا نشوفو. دابا خطينا من الأرارا ديالك واجي نفطرو راه سعد شوية ويجي لعدنا
ريتاج: هاااا لكلام لي كنبغي نسمع اه ومتنسايش الدين للي عليك
زينب: اويلي استغفر الله انا دين لهلا يطيح علينا شي باطل
ريتاج: الكسوة احبيبة باش نبقا نجيبلك خبيرات راه كنضيع مجهودات عليك
زينب: يخخ على ويلة خلعتيني وبحرا تحركي داك دماغ كوراه غمل ودار رتيلة
ريتاج: غير خليه احبيبتي مشكاش عليه براكة غير المعدة خدامة هاد الساعة
زينب: كولي كولي لسانك ميقدلو حد (سررر سررر) يمكن سعد جا نوضي فتحي البكرة (مديتهاش فيها) ناضت فتحاتلو، صباح لخير سعد
سعد: صباح الخير زينب كبقيتي مع الخلعة دلبارح
زينب: الحمد الله..
زينب: الحمد الله وكان مكانش علي معرفت فين نكون صدقت مع داك خينا
سعد: والا مكانش علي غادي نكون انا ياك كاملين خوت
زينب: احم كاينة خويا سعد دخل تفطر معانا
سعد: صباح لخير ريتاج كصبحتي؟
ريتاج: (كتهضر وفمها عامر)شباح الخير
سعد: ههههه وحتا تصرطي عاد ردي دابا توحليك
ريتاج:(حشمات) ههه سمحلي اجي تفطر مرحبا
سعد: غير بالصحة انا عاد فطرت كملو باش نمشيو حيت بانلي الجو غيتكهرب بغات تغيم
زينب: صافي حنا سلينا دبا نخرجو ( خرجو ومشاو ركبو مع سعد ومشاو ناشطين بقا كيوريهم اي بلاصة دازو من حداها باش يتعرفو على المدينة اول بلاصة مشاو ليها هي محل ديال داكشي ديال الفندقة شراو شنو خاصهم حوايج وشي اداوات طلبوهم ليهم ومن بعد رغبو سعد يديهم فين يشريو الحوايح مشا معاهم لواحد المول قالهم سيرو شريو لي بغيتو وانا نتسناكم هنا فالقهوة كنتسنا شي واحد وتبادلو نوامر باش الا تلفو يلقاهم..
زينب: واااو على لبسة كتحمق غزاالة
ريتاج: اه زوينة ولكن راه عندك بزاف ديال لكساوي ومزال حتا ملبستيهم
زينب: عجباتني بزااف ولكن ماشي لية ليك نتي
ريتاج: نووووو صاحبتي راكي عارفاني عمرني لبست بحال هاد لكساوي نتي سلكوطة جات معاك ولكن انا لاا
زينب: ياااك لموك سري يانا (دورات وجهها وغضبات)
ريتاج: ههه غير كنضحك معاك اختي راكي عارفاني مع هاد ستيل دلحوايج
زينب: عفاك عفاك غير ديريلي خاطري متنسايش اصاحبتي الحفلة لي غادي تكون فالجمعية
ريتاج: اوكي امري لله، دخلت قيستها صراحة جاتني زوينة وبينات لطاي ديالي لي ديما مخبياها تحت هاد الحوايج هي فالكحل وعريانة من الكتاف ولكن طالعة حتا العنق وطويلة عجباتني بزاف مهم منين خرجت وشافتها زنوبة عجباتها بزاف وحلفات حتا ناخدها وانا وافقت منين حطيتها وخىجت عندها لقيتها مخلصاها وشاريالي صندالة وبزطام معه..
ريتاج: ♡ شكرا بزااف اخيتي ولهلا يخطيك علية
زينب: شوفي هاد شكرا عاوديها ل..طيط..
ريتاج: مفهمتش شنو مصبرني على رفقاء السوء بحالك
زينب: يااك لموك
ريتاج: ههههه وصلحي فمك العوجة، مهم زنوبة خدات شنو بغات وخديت حتا انا شي حاجة حيت مزال عندي حويجات مزال ملبستهم مشينا شريتا شوية دلمكياج حيت ضرووري مهم شي ساعة ونص وحنا غير فهادشي ضرنا الجوع قلنا نمشيو عند سعد باش نمشيو نتغداو منين قربنا لعندو لقيناه جالس معاه شي واحد واكيد حب الفضول بغينا نعرفوه معامن جالس لقينا معاه علي ضرت كنشوف فزينب لقيتها كتقاد راسها باش نمشيو لعندهم ههههه حمقة هاد الطفلة
أنا وزينب: سلام
سعد: وعليكم السلام وكان غير زدتو شوية شنو هاد التعطيلة؟
علي: خلي لبنات على خاطرهم هوما ماشي بحالنا ندخلو نشريو ونخرجو هوما خاصهم وقت باش ياخدو شنو بغاو بصحتكم البنات زينب كبقيتي مزيان؟
زينب: الله يعطيك الصحة. الحمد الله الفضل كيرجعلك
علي: لا متقوليش هاكاك هداك واجب. مهم منعاودش ليكم السيدة ولات شرويطة مهم قررنا نمشيو ناكلو حيت ضرنا الجوع طلعنا لطاج لفوق وطلبنا شنو ناكلو أنا طحت فالماكلة عما وزينب كتاكل غير بالتاويل ضحكاتني منين كنطلع عيني كلقا دراري كيكلو وكيهضرو غير بعنيهم وديك الهبيلة كتاكل بشوية حسابلها كيشوف فيها حتا نغزتها ولكن لا حياة لمن تنادي بقيت كنتبع مرة مرة علي وسعد حيت كنفهم شوية فشوفات لهلا يخطي ماما كانت كتهضر معانا غير بعنيها شوية كنشوف علي دار كيشوف فالباب وهو يتقلب وجهو وانا مصلحليش نضور نشووف غادي نعيق حتا ناض قالنا انا دابا نجي ومشا وهو مغوبش وبقا سع كيهضر معانا باش يتفادا نسولوه فين مشا علي..
#عند #علي
نضت ها صباح ناشط معرفتش شنو سبب هاد الاحساس للي عرفت بغيت نخرج مع البنات وسعد نضت دوشت ولبست بغيت...
بغيت نمشي نفطر ومع الصدفة شفت هداك الكلب ديال زايوس كيهضر فتيليفون بالعبرية كيقول لشي واحد اجي عندي لحدا لبيبليوطيك مهم انا ضرني راسي وبغيت نعرف شنو كاين (زايوس يهودي الديانة وانا كنعرف هاد اللغة) مهم مشيت المكتبة وكنتسناهم يجيو مشيت تخبيت لبلاصة قريبة ليهم
زايوس: بغيتك تراقبلي هاد البنت وتعرفلي كلشي عليها وعطاه الصورة ديلها
الشخص: شوف انا خاطيني هادشي لي كدير راك عيقتي بزاف
زايوس: ماشي شغلك دير هادشي لي قلتلك ولا راك عارفني مزيان شنو كنسوا
الشخص: كتهددني ازايوس!!
زايوس: حسبها كيبغيتي انا لي عندي مهم هو نعرف كلشي عليها
شخص: اوكي ولكن انا مكنتحمل حتى شي مسؤولية فهادشي
زايوس: نتا غير دير هاشي لي قلتلك...
علي: اووف علاش ناوي هاد الكلب عاود والمشكل شنو باغي من زينب هي ياله جات مكملاش حتا يومين خاصني نعرف علاش ناوي هاد الحقير خاصني نتبع هادا لي كلفو باش نعرف شنو غادي يقولو اووف حتا الاجهزة مجبتهمش
الشخص: الو شوف لي عرفت راها خارجة مع استاد سعد اوكي واخا
علي: امممم مخصنيش نبالهم غادي نتبعو، مشيت تبعتو بالطنوبيل شوية وقفو حدا محل ديال الحوايج لي غادي يحتاجو فقرايتهم وشفت زنوبة هابطة ناشطة جلسو شي 30 دقيقة ولاو خرجو وركبو ومشاو لمول غير هبطو وهبط حتا زايوس حتا انا هبطت شفت لبنات ماشيين جيهت الحوايج وسعد ماشي القهوة وزايوس تبع البنات صونيت على سعد وقلتلو شنو كاين وجا خلط علية
سعد: شنو بغا هاد الحمار من البنت
علي: معرفتش انا غير صدفة سمعتو مكلف شي شخص وباغي يعرف عليها كلشي اووف هاد البلان غادي يخرجنا من الجنب عاود انا كنعرفو مزيان منين شي وحدة كترفضو مكيستسلمش
سعد: كلب الخنزير وشنو المعمول دابا؟
علي: هاحنا متبعينو نشوفو شنو غادي يدير،بقاو متبعين زايوس مكيدير والو سوا جالس....
سوى كيراقب البنات من بعيد بحال كيبغي يعرف كلشي عليهم
علي: بحال جالس على جمر مال هاد النم متبع لبنت شنو بغا منعندها تفوو
سعد: غير تهدن لبنات راهم فحمايتنا
علي: انا كنعرف مزيان هاد ليهودي راه شحال وانا متبعو متنساي كميليا لي قتلها بدم بارد داك العام وخرج منها كالشعرة من العجين وردها هي الي ممزياناش
سعد: راني عارف اصاحبي شوف هاهو مشى لجيهت القهوة. مشا علي لجيت المحل لقا زينب كتقيس واحد الكسوة جات بحال الاميرة فيها اوف انا مالي مهتم بحال هاكا تفو اش هادشي ومشاو كيشوفو فين مشا هداك لقاوه غير جلسو فالقهوة وفنفس الوقت عينهم حاضيا المحل حتا لمحو لبنات خارجين وهما يبدلو البلاصة ومشاو بلاصة لي تافقو فاللول باش يلقاوهم مهم جاو عندهم مبينولهم والو ومشاو يتغداو الفوق منين بداو ياكلو سعد لمح زايوس وقالها لعلي وتماك مشا علي خرج ودار بحال لقا زايوس غير صدفة
زايوس: اهلا باستاد علي
علي: زايوس هادا نتا لباس؟
زاييوس: مزيان جلس معانا (كانت معاه واحد البنت) كنقدم ليك الصدقة ديالي روز
علي: سلام روز، غير بصحتك وغمزو انا مع شي ناس نخليك دابا مع السلامة
زايوس: اه مزيان مع السلام
رجع علي لعند البنات وطمن سعد غير بعنيه وبقاو قولها وضحك عليها و بقاو كيتفكرو ذكرياتهم فالمغرب دوزو وقيتهم زوينة وبغاو يخرجو يدورو ولكن لسوء الحظ بقات كطيح الشتا وقررو يرجعو للمجمع ويخليوها حتا لنهار اخر ويخرجو مهم دراري هزو دوك الحوايج والبنات ماشيين معاهم علي بقا كيقلب على زايوس غير بعنيه ساعة مبنلوش فمرة ركبو وعلي لي ساق ومرة مرة كيطل على زينب غير من المرايا وانا متبعا كلشي الله كسوة جديدة جايا طريق نياهاهاها حتا وصلنا المجمع خرجو الحوايج وصلوهم معانا حتا لمنزلنا الصغير اح أقلبي الشهامة!!!
ريتاج: دخلو تجلسو معانا نعمرو أتاي
سعد: هههه والله مكرهت هادي...
سعد: ههه والله مكرهت هادي 20عام بيني وبينو
علي: حتا انا والله
ريتاج : مرحبا بيكم دخلو جلسو على منقادو الطبلة مشاو البنات جبدو داكشي لي كاين من الملاوي القراشل حيت جابو معاهم نهار جاو حطو الطبلة منوعة وعمرو اتاي بلويزة
علي: وااو هادشي كنشوفو غير فالفايس تبارك الله عليكم
سعد: احسن حاجة درتو والله
زينب: بالصحة والراحة مزال مشفتو والو نهار نكونو موجدين شي اكلة مغربية نتجمعو عليها. مهم دراري طاحو فداكشي عما وبقاو كياكلو وناشطين بيناتهم حيت شحال هادي معاشو بحال هاد الجو وتافقو يبقاو يتجمعو بحال هاكا دازت وقيتة زوينة ودراري اسئدنو من البنات ومشاو وتافقو يتشاوفو فالليل،
زينب: احسن نهار داز فحياتي هو هدا يختي غزااال كيحمقني بزااف
ريتاج: ههههه حمقة والله ضرفات هاد دراري والله (سررر سرر) يكما نساو شي حاجة؟
زينب: (حلات لباب) هههه اهلان بنوتيلا
هزال: هههه واخا فيك أنا غضبلنة منكم
ريتاج: هههه لا غير بغينا نضحكو معاكي شوية لباس عليك
هزال: مزايان جيت قبيلات وملقيتكمش كنتو خرجتو
زينب: اه خرجنا معا نوتيلا هههه
هزال: ههههه مزيان
ريتاج: تشربي شي حاجة كاين شاي مغربي تجربيه؟!
هزال: اه بغيت نجربو
ريتاج: اوكي شنو التخصص لي درتي فالجامعة؟
هزال: درت فندقية ونتوما
زينب: ياي نفس الشيء غادي نبقاو نتلقاو مجموعين اليوم مشينا مع استاد سعد خدينا لي خاصنا ونتي؟
هزال: انا كنت شريتهم حيت جيت قبل منكم اممم قلتيلي مشيتو مع استاد سعد سعداتكم
ريتاج: ههههه معرفناش وكان مشيتي معانا
هزال: هو زوين بزااف وشهم امممم
زينب: حتا سيدي علي غزااال والبطل ديالي اممم
ريتاج: ههههه ناري على الاحاسيس فين مزلعين مكفاتنيش وحدة جاتني حتا التانية وانا بحال العزري وسطكم الله يخليكم بالخلا تفو تريكة الهبل
هزال: مفهمتش...
يتبع...
