صفحة القصة
ريتاج: اووو غزل غزل زدتي فيه شوية
ستيف: نو كتقول غير الحقيقة بغيتي نبيذ؟!
ريتاج: نو شكرا مكنشربش
ستيف: (شاف فيا باستغراب بحال قلتلو شي حاجة غريبة) بصح مايمكنش اوكي انا نمشي ناخد مشروب شي مشروب
ريتاج: (كنعيبو) تفو على بشار فاكيو ال..
عمران: هههه مالك عاود كتنكري؟
ريتاج: (وحلات لي) والو مقلت علاه نتا سمعتي والو ميمكنش اصلا انا مزال مكملتها والو فين هي روز
عمران: هههه غير بشوية عليك هي مشات تجيب مشروب وتجي عجباتك الحفلة؟!
ريتاج: اه عجباتني بزااف صراحة بدلت الجو هادشي كنشوفو غير فالافلام
عمران: اممم مزيان نخليك روز كتعيط علية
روز: شنو كدير معا هادي العاهرة( وهي مخنزرة بقات كتمايل يمكن شربات بزاف وكان كانت صاحية نقج مها)
عمران: روز حشومة اش هاد الهضرة؟! ريتاج كنعتدر بالنيابة عليها متديش عليها عفاك راها سكرانة
ريتاج: شكون داها فيها سكايرية لوخرا كلبة المسخة المجرتلة لحمارة السفلية الحقيرة تفو وكان كنتي صاحية نكرد مك على 16 (زدت وخليتهم عصباتني هاد الكلبة واها مدرت ليها والو ومشيت حدا البنات عاودتها لهم)
زينب: خلي مك ياك قلتلك متبقايش ديري نيتك بزربا راه باينة هاديك غير قح.. تعرفات عليك باش دوز لعمران دغيا راه كانت عارفانا كنعرفوه
ريتاج: وانا مالي تمشي تعرف عليه نيشان تفو (شفت علي كيشير لينا باش نمشيو عندو) يالهو نمشيو الحفلة راه تسلات راه 2 هادي راه علي كيعيط علينا
علي: حبيبتي غادي نوصلوكم باش نمشيو غادي رجعو لخدمتنا مغاديش نطولو بزاف عليكم وتيلي بيناتنا اوكي
زينب: هئ هئ غادي نتوحشك احبيبي بزااف متغيبش بزاف
علي: (عنقها) وصافي احبيبتي متقلقيش مغاديش نمشي بزاف يالهو نمشيو سعد وهزال راه سبقونا
زينب: اوكي حبيبي ياله ، ريتاج ركبي نمشيو (ركبنا ومشينا فجو هادئ حتا واحد مكيهدر حطوني حدا الباب نزلت شفت زينب مزالة جالسة فهمت راسي)
ريتاج: حبيبتي انا غادي نسبقك، علي تصبح على خير اخويا
علي: تصبحي على خير اختي الحبيبة شوية وتلحق عليك زنوبة
زينب: حبيبي فين غاديين
علي: (زاد شوية ووقف فبلاصة مضلامة شوية) هانا احبيبة
زينب: (إتوووب غادي يستغل الفرصة نياهاهاها) حبيبي غادي نتوحشك بزااااف بزااف (وعنقتو حتا هو عنقني بزااف الحظن ديالو داف...)
...(وعنقتو حتا هو عنقني بقوة الحظن ديالو دافي وبدينا فالبوسان وعلي يدو مرساتش شوية وهو يوقف.. حبيبة كتهبليني بزاااف كتخليني نخرج على وعيي (دار صبعو على شنايفي) هادو كيخليوني عطشان
زينب: (هئ هئ غير خرج على وعيك) حنيت راسي زعما حشمت
علي: مزال قدامنا الوقت احبيبتي وانا عارفك كتبغيني ومغاديش نظغط عليك احبيبتي
زينب: ( يا ودي غير ظغط ها العار) اه احبيبي كنبغيك بزاف.... (بقينا مدة على ديك الحالة.... )
#عند#ريتاج: مشات زينب وعلي وحتا هزال وسعد مكاينينش صافي معندي مندير هنا اللهم نطلع نحيد علية هادشي ونتسنا البنات يجيو، منين طلعت فدروج لقيت اوووف عمران وروز فواحد الوضعية كيتباوسو وحالتهم حالة منين شافوني مقديتش نحايد عيني عليهم بحال كنتحداهم عمران شافني ارتابك بزااف بانت فيه بحال تصدم منين شافني ربما حشم مني حيت بيناتنا الاحترام...
روز: اجي احبيبي نطلعو لشقتي ونكملو (جراتو من لكرافاكة ديالو وهو تابعها دخلاتو وهو بقا كيشوف فيا حتا تسد الباب)
ريتاج: تفوووو على قح... يخخخ دخلت لداري وسديت لباب مجهد حتا تسمع وبقيت كنكر محملتهمش يخخ على زبل بقيت كنمشي وكنجي حتا بردت شوية شديت تيليفون وجلست كندير سيلفيات بالكسوة والمكياج باش نصيفطهم لمالين الدار نتلف شوية ومن بعد بدلت حوايجي ومسحت ميكاب وشديت لبيسي نتلف الوقت على مايجيو لبنات.... دازت شي ساعة تقريبا ولبنات جاو لقاوني ناعسة غطاتني زينب ودخلات نعسات وهزال مشات لبيتها تنعس حيت عياو مساكن ههههه كانو كيتومرو تصبحون على خير...
#عمران فااااااك على موقف طحت فيه ههههه ضحكاتني كفاش كانت كتشوف فيا ودوك تخنزيرات الحمد الله روز دغيا نعسات حيت كانت شاربة بزااف، غير نعسات قاديت حالتي وخرجت من عندها ومشيت لفيلا لقيت علي وسعد حتا هوما ياله دخلو وحالتهم حالة اكترية سعد شحال ضحكنا على موقفنا طلعنا لبيوتنا دوشنا وقادينا حالتنا وهبطنا باش نعطيو تقارير حيت هاد الحفلة كانت مهمة بالنسبة لينا باش نعرفو باش نبداو وكفاش وحتى روز غادي تعاوني بزااف معرفتها كانت فمحلها وزوينة هي قلبات عليا
علي: فين وصلتي معا روز؟
عمران: امم وصلت لراس لخيط
سعد: اوو اذا معرفة فمحلها
عمران: اه ومن هاد نهار كلشي غادي يبدا
علي: عمران شنو تعليماتك؟!!
عمران: نتا تكلف بزايوس راقبو مزيان وعطيني كل تفصيل صغير وكبير عليه ونتا اسعد خاصك تحاول تعرف على اي واحد فالجمعية كيشم او كيكمي او كيتعطا اي نوع من المخدرات كلشي فصالحنا هاد القضية 3 سنين وحنا كنخدمو عليها وشحال من حاجة بداات كتوضاح وكما كنقول صبر فاي حاجة فهمتي اعلي فأي حاجة
علي: اوكي وشنو غادي نديرو فهاد سيمانة لي غادي نغبرو فيها
عمران: جات تعليمات سعد نتا مغاديش تمشي لبلاصة لي قالولك عليها ولكن غادي تخبع فغرفة الكاميرا السرية لي دايرين باش تعرف على الطلبة حيت غادي تراقب الغرف ديالهم من خلال الكاميرات صوت وصورة لي كنا درنا حتا دوز سيمانة عاد تخرج وتحاك معاهم ونتا اعلي بينما زايوس عرفك مرتابط مع زينب فمعندك فين تمشي حيت هو غادي يراقبك وخاصك تحضي راسك وتحضيه من البعيد نتا ورجالك ومرة مرة تنكر اوكي؟!
سعد: اوكي مفهوم ونتا بوص شنو غادي دير؟!
عمران: انا خاصني نكون فالجمعية كفرد فشي مجموعة وفنفس الوقت كمأطر حيت قديم وتماك كاين ميتقضا بحال لبارح عرفت واحد الغرفة فين كيشمو عن طريق روز دخلاتني ليها وكاع لمعدات ديال الشمان فيها
علي: روووووز!!! عليها شفتك كدور بيها حيت بيناتلك شنو كاين
عمران: اه كنا تماك حتا جبدات عينة من المخدرات بقات كتشمها وغادي نزيد نوطد علاقتي كتر بيها باش نعرفها غادي نحتاجوها بزاف وحاس عندها حوااايج غادي يفيدونا
سعد: مزيان فرحتيني بعدا مغاديش نبعد على حبيبتي
علي: حتا انا والله ارتاحيت دابا
عمران: حتا وكان غبرتي (بغمزة )كامراتك لي داير فشقا ديال لبنات تجيبلك لخبار
علي: ههههه ونمس نتا عمر شي حاجة تزكلها
عمران: مكيناش شي حاجة دوز ومنعرفهاش مقلتش ليكم شداتني ريتاج قطي انا وروز فدرووج هههه
سعد&علي: ههههه
عمران: أووووه موقف لا يحسد عليه مق... ولكن حتا هي مخلتلناش بزديح هههه حمقة ديك البنت (كملنا جموعنا وطلع كل لواحد لغرفة ديالو ينعس)
اصبحنا واصبح الملك لله... زعما العصر فقنا حتا 4 ددلعشية عيينا بزااف لبارح الشطيح ودريح فقنا فطرنا ومشينا نشوفو هزال ماشي عوايدها متجيش عندنا مع الدخلة نفركعنا بالضحك على المنظر ديال هزاال لقينا عنقها كلو مزوق بالالوان مسكينة قتلوها الفقايص ههههه....
زينب: هههه هزال لعار الا متقولي شنو وقع لبارح عندك؟
هزال: ههههه للي وقع عندك نتي وقع عندي أنا
زينب: انا يا ختي موقع والو كمدتها غير بالبوسان والتعناق ونتي؟!
هزال: حتا انا مزال مدرت معاه علاقة حب داكشي سطحي وصافي ههه زينب واش نتي عذراء؟
زينب: للأسف اه هههه ونتي
هزال: يا أسفاه وحصرتاه اه هههه يمكن ههه
ريتاج: (انا غير كنتفرج فيهم ايييه يمات زمان من شحال هادي كان القيمة على البكرة اما دابا مبقاش هادشي كيهم ولات عبئ خاص غير بنادم يتهنا منها) مفهمت حتى وزة أمي بتسلم عليكم وبتألكم ملوني وحدة وحدة
زينب: اممم اوكي انا نعاودلكم اللولة (عودات زينب شنو وقع معاها وانا غير حالة فمي هي كانت باغا هو لي صدق ولد الناس هههه وجا وقت هزال حتا هي داها لخلا عقلية مغربية دوريجين ههههه حتا هوما داكشي غير سطحي غير هي زرقها مسكينة)
زينب: شوفي ديري الثومة حكيها عليهم ولا ديري بارفان عليها راه كتحايد دغيا هههه
هزال: ويلي على شوها حتا هو سيفطتو عامر هههه
ريتاج: اممم حتا انا عندي منعاودلك (لبنات كيتشاوفو بيناتهم)
زينب: هههه غير الا درتي الاكتفاء الذاتي هههه
ريتاج: هههه كلبة على عقلية مكبوتة بزااف عليك مزال موصلتش لمرحلة اليأس باش ندير الاكتفاء الذاتي لبارح منين نتوما مشيتو انا جيت طالعة فدروج وكلقا عمران وروز فحالة خطيرة محملتهمش
هزال: نوووووو بصح!!
ريتاج: اه ومنين شافوني جراتو ديك القح.. ودخلاتو يكملو عندها وهو حشم يمكن مني
زينب: هههههه ويلي شحال محملتهاش تا نتي كتعرفي غير على لبريكولات الحامضين
ريتاج: وباش اصاحبتي باش نعرفها ديال مصلاحتها دابا فوقما شافتي كتبقا تعاير وتخنزر بحال سارقالها الورث مزال مبغيت نبينلها تصبينا الموسخ عالله طيح فيدي وتكون الدنيا خاوية ونوريها شنو كنسوا بصح
ريتاج: مهم انا جاني جوع بزااف ياله نمشيو لسوبير مارك نجيبو تقدية باش نقادو شي طويجن فالدار فاعل تارك
هزال: انا عفيوني منخرجش بحالتي هاكا نتسناكم فالدار حتا تجيو وعيطولي نجي لعندكم
زينب: اوكي نوضي ديري الثومة ولا بارفان حنا نمشيو منتعطلوش (مشينا خدينا داكشي لي بغينا وجبنا معانا حتا لهزال تقاوت وداك تخربيق احسن حاجة سوبير ماركت قريب بزاف للمجمع مشينا غير على رجل ومع الخرجة منو تلقينا زايوس )
زايوس: زوينة نساعدك؟!
ريتاج: نو شكرا
زايوس: أنسة الكلام موجه للانسة زينب اوكي!
زينب: (بابتسامة صفراء) شكرا زيوس ولكن هادشي متقيلش بزاف بلا متعذب راسك
زايوس: عذابك راحة طلعي نوصلكم
ريتاج: زينب تعطلنا ياله نمشيو (شماتة على فرطا دارلي تفو داير بحال شي بيضة مسلوقة محملتوش)
زايوس: خليها هي تمشي وياله نمشيو انا وياك نتعشاو على برا راه مزال كنسالك عراضة
ريتاج: اييه اييه نتا عندك شي مشكل معايا جينا انا وصاحبتي وغادي رجعو انا وصاحبتي فهمتي
زايوس: (خرج من لوطو ومعصب) شكون نتي لي تهضري معايا بهاد الاسلوب
زينب: (شافت القضية غادي تحماض )احم زايوس سمحلي انا جيت معا صاحبتي وغارجع معاها نخليك دابا مرة اخرى واخا باي( خليناه على اعصابو ومشينا داكشي لي بقا نيت الكلب لاخر ) صافي اصاحبتي متقلقيش
ريتاج: اووف كيعصب على حمار كداير وكان شافك نتي علي وتشوفي شنو يديرلك مكيتهضمليش
زينب: واش انا لي قلتلو يوقف علية اريتاج
ريتاج: متعطيهش وجه اصاحبتي الا قلبتي هليه مغاديش يعاود يوقف عليك (مهم مشينا زينب مشات تجيب هزال وانا طلعت لدار بوحدي منين جيت نحل لباب سمعت لباب ديال دار روز كيتحل بحركة غير ارادية ضرت نشوف جيهت الباب غير بطرف عيني كلقاها محلولة وعمران خارج وكيسد صدايف ديال شوميز ديالو)
ريتاج: يا ساتر استر من دخول الحيييتة (كنغنيها ودرت راسي مشفتش عمران ودخلت لدار بلا منسد الباب حشومة نسدو فوجهو مفهمتش هاد التصرفات الصبيانية لي وليت كندير ولكن بصح كيخليو دمي كيغلي منين كنشوفو معاها...) اممم بات عندها هاد ليلة قضا الغراض يخخ كلشي مكابييت
#عمران : ههههه ديما كتشدني هاد البنت ههه غادي تقول بايت عندها ليل كامل وانا كان خاصني نبين لروز اننا مارسنا الجنس ونعست معاها باش منين تفيق صباح تلقاني حداها، منين جيت خارج...
...منين جيت خارج من شقة روز لقيت ريتاج كتغني داك المقطع سالا معايا هههه كتفرج بزاف فعادل الامام هبطت ومشيت نيشان عند علي حيت صونا عليا وهو كيتسناني برا المجمع.. شنو فيها اصديقي؟!
علي: (معصب) داك شماتة ديال زايوس وقف هاد نهار على زينب ودابز مع ريتاج!
عمران: كفاش وعلاش يدابز مع ريتاج
علي: غوتات عليه باش يبعد منهم
عمران: باش عرفتيها زعما واش شافوك!!!!
علي: نن كنت متنكر شديت راسي غير بزز حيت بالي بغا يدير شي حاجة لريتاج
عمران: اممم شوف نتا بقا صابر نشوفو شنو بغا هاد الحقير من زينب وقسما بالله حتى يدفع الثمن غالي على هادشي لي دوزو علينا (ترن ترن... المكالمة من سعد).. الو صديقي شي جديد.... مزيان هدا لخبار جات فوقتها....باي
علي: شنو قالك سعد؟
عمران: ياله نمشيو للمقر العميد بغانا فشي حاجة ومنها نعطيو التقارير القديمة والجديدة منين جيت من الخليج ممشيتش عندو (طلعو فاللوطو) سعد قالي من خلال التجسس على الطلبة كاينة شي حفلة عند زايوس فلفيلا ديالو وحنا ضروري خاصنا ندخلو لهاد الحفلة!!!
علي: ههه كضحك على راسك ولا عليا زايوس مستحيل ومن سابع المستحيلات يعرضنا على الحفلات ديالو اضافة هو داير منا احتياط كبير
عمران: غادي ندخلو حتى لقاع دارو ونتسراو فيها كبغينا ونعرفو شنو كاين ولكن... مهم ندرس الخطة ونقولك خرج راه وصلنا (دخلنا عند الرئيس الكل كيعطينا التحية وصلنا المكتب العميد )
عمران: سلام سيدي (عطيناه التحية انا وعلي)
العميد: سلام الظابط عمران والظابط علي وصلوني معطيات لي رسلتولي البارح هادشي راه ماشي مع الخطة ديالنا لي 3 سنين وحنا كندرسو فيها صراحة خدات منكم وقت بزااف وخسرتو بزاف لذا خاصكم تزيدو تصبرو مابقا غير القليل وسيد رئيس الوزراء راه فخور بالخدمة ديالكم وخصص ليكم بريم معتبر منين تكملو حيت هاد القضية ولات كتمس أمن الدولة بزاف
علي: انشاء الله قريب تحل اسعادة العميد
العميد: مكذبوش منين قالو الملك الراحل حسن الثاني خلا من موراه اسود..
عمران: شكرا سيدي بزاف... بغيت نخبرك بالمعطا للي قالي الظابط سعد (قالو شنو كاين وعلى الحفلة ديال زايوس) وحنا معدناش كيف نديرو ندخلو لهاد الحفلة قدامنا حل واحد هو نتنكرو وندخلو لهاد الحفلة
علي: ولكن الحراسة كتكون مشددة بزاف ميمكنش يخليونا ندخلو واخا نتنكرو زيادة هو واخد منا احتياط كبير..
علي: ولكن الحراسة كتكون مشددة بزاف ميمكنش ندخلو!!
العميد: شنو كتقتارح الظابط عمران؟!
عمران: اممم قلت نعرفو شكون هادو لي مكلفين بطريطور والسرباية ونختارو جوج نغبروهم و من بعد نمشيو عند شي خبير فالمكياج ولماسكات هو يعرف يديرلنا ماسكات بحال وجوهم و ايضا كنعرف وحدة غادي تمشي الحفل غادي نحاول نديرلها كاميرا صوت وصورة فملابسها وسعد غادي يهتم بالكاميرا منين ندخلو تماك غادي نحاولو نديرو الفيلا ديال زايوس كلها تحت المراقبة
العميد: اممم خطة مزيانة.. الظباط قومو بخدمتكم مع السلامة واي حاجة عطيو تقرير عليها (خرجنا من عندو ومشينا نشوفو شكون لي غادي يديرونا ماسكات اتصلنا برجالنا وخبرونا شنو كاين وغادي يتكلفو بشي جوج باش ناخدو بلاصتهم باقي غير روز)
عمران: هاد المسمار طرقناه باقي غير روز
علي: اه مصاب روز تكون حتا هي من المعروضين
عمران: غادي تكون حيت المخدرات لي كانو عندها البارح من داك النوع لي ماتت بيهم كميليا عرفتها من المختبر البارح راني خدام ماشي بحالك
علي: امممم مزيان اسيدي وامتا قالك سعد الحفلة
عمران: غدا فلليل (شفت فيه وقلتلو) وانا متأكد غادي يعرض حتى زينب
علي: شنو هو ومن بعد وانا مستحيل نخليها تمشي معاه
عمران: علي الخدمة فوق كلشي وحنا غادي نكونو تماك نحضيوهم تيق فيا المشكل خاص حتا ريتاج تمشي معاها حيت هي مغديش تخلي زينب بوحدها
علي: اووف حس بيا انا مبغيتش ندخل البنات فهاد التخلويض هوما بعاد على هاد الدوااامة
عمران: حتا انا كنخاف عليهم ومبغيتش ندخلهم وزايوس مغاديش يخليهم فخاطرهم من الاحسن يكونو تحت عينينا، غير تهدن وتيق فيا اعلي
علي: واخا اسيدي ولكن شكون قالك ريتاج غادي يعرضها داك النم وهوما مكيتحاملوش اصلا
عمران: زايوس منين غادي يعرض زينب غادي تقولهاليك ونتا غادي تشرط عليها ريتاج تمشي معاها ومن بعد غادي تعيط لريتاج تقنعها باش تمشي معاها وزايوس ميقدرش يقول لريتاج متجيش غادي يخاف زينب متمشيش اوكي (حسيت بعلي مزير) علي نتا راك خويا وزينب واخا مدة قصيرة باش عرفتها راها فمقام ختي صغيرة وحبيبت خويا متخافش مغادي يوقع ليها والو وحتا هوما غادي....
... متخافش مغادي يوقع ليها والو وحتا هوما غادي نتبعوهم ومتنساش واخيرا غادي ندخلو لفيلا ديال زايوس ونديرو كاميرات التجسس باش نراقبوه مزيان..
#عند #زينب: هزال يالهي نمشيو راه ريتاج جابت تقدية
هزال: اوكي شوفي واش تحيدو دوك العلامات
زينب: ههه اه تحيدو مبقاوش باينين بزاف عرفتي شنو وقع (عودتلها شنو وقع بينا وزايوس)
هزال: يا ختي مكيحشمش عبرات عليه ريتاج صراحة هي الصديق الحقيقي سعداتنا بيها
زينب: ريتاج راه روحي ماشي غير صاحبتي ياله دابا نمشيو نعاونوها راها بوحدها (خرجنا من تماك) اليوم غادي تاكلي اكلة مغربية رائعة سميتها طاجين
هزال: امممم جاني جوع من دابا هههه
زايوس: وانا متعرضيش علية
زينب: (منين كيهضر معايا بحال كايديرلي تنويم مغناطيسي) اممم مرحبا بيك
زايوس: ممكن نتكلم معاك على انفراد عفاااك
زينب: (حركات راسها لهزال باش طمن عليها) اوكي زايوس
زايوس: سمعيني حتا الاخر ونتمنا تقبلي.. ياك حنا اصدقاء؟ غدا فليل عندي حفلة فلفيلا ديالي تقريبا بزاف ديال الطلبة غادي يكونو تماك نتمنا تجي غادي نفرح بزاف بحظورك للحفلة ديالي وجيبي للي بغيتي زينب عفاك مترفضيش فكري وصوني علية هاكي نمرتي بسلامة نتمنا تجي باي
هزال: شنو بغا منك؟
زينب: عرضني الحفلة ديالو مخلانيش حتا نجاوبو
هزال: اممم وشنو غادي ديري اكيد مغاديش تمشي
زينب: خاصني نقولها لعلي ونشوف واش يبغي ولا لا مهم حتا يصوني علية واخا مكرهتش نمشي نحضر للحفلة يلاهي ريتاج غادي تحيح علينا (مشينا عند ريتاج وتعاونا فالطاجين وفضلت منقولها والو دابا حتا ليل مهم طاب داك الطاجين لي جبناه معانا من المغرب جا بنييين كلينا حتا شبعنا بدلنا حوايجنا وجا لباص لي غادي يدينا الجمعية مشينا تعرفنا على المأطرين وتسجلنا فين نكونو هزال ختارت المسرح وانا وريتاج خنارينا الغناء حيت علي منع علية الرقص ورجعنا بحالنا للمجمع..
..هزال ختارت المسرح وانا وريتاج ختارينا الغناء حيت علي منع علية الرقص بقينا فالتعارف حتى كملات الحصة ورجعنا بحالنا للمجمع ترن ترن.. زينب: ألو حبيبي
علي: حبيبتي توحشتك بزاف داز نهار بلا منشوفك صعيب
زينب: حتا انا احبيبي صعيب عليا بزاف
علي: كدوزتي نهارك احبيبتي؟
زينب: عادي احبيبي مشبنا للجمعية وختاريت داكشي لي اتافقنا عليه
علي: فتاة مطيعة هكا نبغيك احبيبتي
زينب: ههه اممم حبيبي
علي: بغيتي تقولي شي حاجة احبيبتي
زينب: احم حبيبي هداك الدري لي سمينو زايوس طلب مني نحضر للحفلة ديالو حيت فيها كلشي و حتا الاصدقاء ديالنا لي فالجمعية وغادي يكون بزاف ديال الطلبة تماك
علي: (بقا ساكت واحد المدة وهو يغمزو عمران) اممم اوكي بشرط تمشي معاك ريتاج احبيبتي
زينب: ونتا متقلقش مني احبيبي؟! (متوقعتش يبغي صراحة موجدة المزاوكة ورغيب)
علي: غير بغيتك تفوجي احبيبتي وانا مكاينش حداك لي نخرجك واهم حاجة انا كنتيق فيك بزاف غير متعطلوش بزاف عطيني ريتاج الا حداك؟!
زينب: اوكي حبيبي ريتاج خودي علي بغا يدوي معاك
ريتاج: اهلا خويا الحبيب عاش من شافك
علي: ربي يخليك اختي الحييبة بغيت نطلب منك طلب
ريتاج: على الراس والعين اخويا
علي: زينب طلبات مني تمشي للحفلة ديال زايوس
وانا خليتها تمشي بشرط تمشي معاها نتي ومتعطلوش انا كنتيقق فيك بزاف اريتاج وراكي عارفة! مترفضيش عفاك
ريتاج: اممم واخة انا مقالت لية والو على هاد الحفلة ولكن على حسابك اخويا نمشي كون هاني مع السلامة.. (قطع معايا) زينب من امتا كتخبي عليا؟
زينب: والله احبيبة مخبيت عليك كنت غادي نقولهاليك دابا والله سولي هزال والله
ريتاج: امم اوكي الالة وراه غادي نمشي معاك حتا انا لهاد لويل ديالك
زينب: (عنقتها) لهلا يخطيك احبيبتي، هزال مصالحش ليها تمشي معانا بسباب دوك طبايع هههه
ريتاج: ههه ماعليش غير درت خاطر لعلي وصافي راكي عارفاني مكنحملش داك الزبل ومفهمتكش علاش قبلتي تمشي لهاد الحفلة معندها حتا معنا ومفهمتش حتا علي علاش خلاك تمشي!!!!!
زينب: اختي طلبني مالقيت منقولو بقالو غير يبوسلي رجلي..
ريتاج: اوكي اوكي يالهي نطلعو لبيت نبدلو حوايجنا ومن بعد نتعشاو فريسطو ومن تماك نراجعو نوطات لي عطاونا (طلعنا لبيت وبدلنا ودرنا نتلقاو مع هزال من هنا نص ساعة صلينا وهبطتنا تلاقينا هزال ومشينا ناكلو وصونات زينب على زايوس وخبراتو بالموافقة ديالها وهو فرح بزاف ودار معاها غدا يجي ياخدها مع 8 ديال العشية من تماك مشينا لواحد القاعة وبدينا كراجعو نوطات وهزال كتقرا شي سيناريو حيت غدا كلشي غادي يدير اداء منفرد باش يشوفو مواهب ديالنا انا اختاريت أغنية نغنيوها انا وزينب ولكن كل وحدة تغني مقطع منين وحدة تبدا تغني لوخرا دير الموسيقى غير بفمها جاب الله هادشي كنا كنديروه فالجمعية كملنا المراجعة ديالنا وخرجنا لهول بقينا كنعاودو وكل وحدة مشات تنعس تصبحون على خير...)
... أصبحنا وأصبح الملك لله... اليوم فقنا فطرنا وحنا متوترين خاصنا نكونو طووب باش يختارونا فالمجموعات مهم لبسنا مزيان تقادينا هبطنا زينب صونات علىىعلي ولكن مجوبهاش اضطرينا نمشيو فالباص لي كركبو قليل بينا حيت تقريبا الاغلبية عندو اللوطو ديالو مشينا الجمعية كنتسناو دورنا هزال بدات اللولة
ستيف: انسة ريتاج!!
ريتاج: اااا ستيف لباس عليك
ستيف: منين شفتك انا مزيان
ريتاج: (واااع على باسل)هههه مغتملش من هضرتك لي معندها حتى فائدة
ستيف: هههه مقبولة شنو جاية ديري هنا؟
ريتاج: اليوم عندنا نديرو الاداء ديالنا
ستيف: اه بالصح بالتوفيق (عيطاتلو واحد الزعرة معانا فالمجموعة غير هي قديمة علينا) نخليك دبا نتشاوفو (هزال كملات وجات فرحاتنا لحقاش الاداء ديالها كان مقبول حيت لي معجبهمش مكينضمش للمجموعات ومكايشاركش فالحفالات لي كتكون وطنية فرحنا ليها بزااف، جا الدور ديالنا ديالنا دخلنا وطلعنا فوق الخشبة وكان ظلام شوية تسلط الضوء غير علينا اختارينا أغنية Hello ديال Adele بدينا:
Hello, it's me
I was wondering if after all these years
You'd like to meet, to go over everything.
They say that time's supposed to heal ya
But I ain't done much healing
Hello, can you hear me?
I'm in California dreaming about who we used to be
When we were younger and free
I've forgotten how it felt before the world fell at our feet
There's such a difference between us
And a million miles
Hello from the other side
I must've called a thousand times
To tell you I'm....
... كملنا اداء الاغنية مكنسمعو لا تصفيق لا والو توترنا بزاف أنا وزينب وشداتلي يدينا بقينا مدة 5 دقايق هاكاك حتى تشعل الضو وعاد سمعنا التصفيق ولكن كانو غير 4 دناس والمفاجئة معاهم حتا عمران ارتاحينا نسبيا
عمران: تبارك الله عليكم اغنية موفقة
...: اداء ممتاز تقبلتو فالمجموعة اللولة مبروك تفضلو
خرجنا وجلسنا كنقزو فرحنا بزاف وجلسنا كنتعانقو
عمران: (استأذنت من لجنة الحكم وخرجت تبعت لبنات باش نباركلهم صوت ربتاج دخلي فالعظام عندها احساس خاص وحتى الطريقة باش كانت كتعبر عجباتني جذباتني لعندها خرجت لقيتهم كينقزو بالفرحة)تبارك الله عليكم مكنتش كنعرف عندكم اصوات زوينة
زينب: ربي يخليك خويا عمران حتا حنا فرحنا منين كنتي فاللجنة
عمران: ريتاج صوتك زوين
ريتاج:(بجفاء) اه شكرا (معرفتش علاش تصرفت معاه هكاك هو عمرو دار معايا شي حاجة خايبة ولكن كنحس براسي غضبانة منو بزاف)
عمران: (حس بيها محاملاهش) احم نخليكم دابا عندي شي شغل مع السلامة (مفهمتش مالها معايا خليتها على خاطرها مكنبغيش نبزز راسي على شي واحد)
زينب: ريتاج مالكي معا السيد؟! حشومة اصاحبتي جا غير يباركلنا
ريتاج: مالكي شنو شفتيني درت قلتلو شكرا نبوسو مثلا!!
زينب: واش دارلك شي حاجة مموالفاش ليك كتكوني هاكا
ريتاج: نوو غير جاوبت عادي وصافي، جاني جوووع بزاف شحال الساعة دابا؟
زينب: 2 ونص حتا أنا جاني الجوع (ترن ترن..) تسناي اريتاج نجاوب علي الو حبيبي... اه دوزت مزيان... ههه يخليك ليلي احبيبي... اوكي حياتي مرحبا بسلامك مواااااح.
هزال: حبيباتي سلم عليكم سعد وقالكم مبرك
ريتاج: مرحبا بسلامو توحشناه
زينب: اه توحشناهم بزاف صراحة ولفناهم من نهار حطينا رجلنا وحنا معاهم 4 شهور مسهلاش دازت بحال 4 سنين مهم يالاهو نمشيو ناكلو راه غادي نسخف بالجوع (مشينا فالباص للمجمع تغدينا وكل وحدة لبيتها نعسنا حتا جات هزال كالرعدة كتفيقنا باش نقادو الحالة)
زينب: اوووف مشا الحال نعسنا بزاف مبقاش الحال بزاف انا ندخل ندوش باش نسبقك نتقاد ونقادلك مورايا الا صونا علي جيبيهلي اوكي
ريتاج: اوكي (مكنحملش هاد الاحساس ولكن قلبي مقبوض استغفر الله كملات زينب وخرجت ودخلت انا منين خرجت لقيتها مقادة تقريبا...
.... كملات زينب وخرجت ودخلت انا منين خرجت لقيتها مقادة تقريبا وقداتلي حتا انا داكشي خفيف ضريف لبست واحد لكسيوة سامبل وحتا هي تقدات جات غزاالة كتحمقني زنوبتي بقات لينا غير اللمسات الاخيرة حتا صونا داك النم وهبطنا لعندو منين شافني معاها كحل بالعما محملش راسو بينهالي ولد الكلبة ياشماتت ابلا زازا فيا مهم سلم على زينب بلبيز وانا قالي سلام من بعيد بحال أنا مشتاقة ليه شماتة ركبنا ومشينا معاه لفيلا كانت بعيدة شوية من الدخلة داكشي هاي كلاس والموسيقى مجهدة والعرا العرا العرا وشراب الحفلة باينة كغاتكون بقاو غير... مهم دخلنا
زايوس: نتمنى تعجبك الحفلة
زينب: اه زوينة بزاف
زايوس: عينيك لي زوينين،(شاف جيهت الباب) كنعتدر نمشي نستقبل شي ضيوف استمتعي
زينب: معرفتش علاش علي مصوناش علية
ريتاج: هو اصلا قبل غير حيت بغاك تبدلي الجو اما هو معاجبوش هادشي
نادل: انسة شنو تشربي
ريتاج: (ميمكنش واش عمران اويلي عمران شنو غايدير هنا شحال منونخة أنا) عصير حامض عفاك
زينب: عصير بناشي عفاك (مقلقة)
#عند#عمران اليوم التجارب ديال الاداء درتها لبنات مفاجئة غناو بطريقة زوينة واكترية ريتاج متين مشيت نهنأهم ريتاج حسيتها مبغاش تهضر معايا معجبنيش الحال وفسرتها لتصرفاتي مع روز ولكن هي ماشي شغلها وفلعشية مشيت خدبت لروز كادو لي هو غوب صواري محجرة ومن دوك الحجرات كاينين كميرات على شكل حجر عالية الجودة مشيت لعندها عطيتهالها وعجبها وخبراتني بالحفلة ودرت راسي متفاجئ زعما كنت عارضها وهي قالت
روز: صافي احبيبي تجي معايا للحفلة
عمران: نو منقدرش نمشي لشي بلاصة ممعروضش ليها
روز: اممم اوكي حيبيب بلا منمشي نبقا معاك
عمران: نو غير سيري حتى مرا اخرى ونخرجو انا وياك
روز: ولكن
عمران: صافي أنا اصريت تمشي الحفلة وتلبسي الكسوة
روز: اوكي بيبي (اووف كنت خايفة يقبل انا محتاجة نمشي لهاد الحفلة) عمران: اوكي نخليك دابا يبقا الاتصال بيناتنا (رجعت عند علي لي كان معصب راني عاذرو ولكن الخدمة هي الخدمة مشينا عند اخصائي عندنا عمل لينا لي ماسك وقادنا مزيان بحال دوك جوج لي هربنا لبسنا والتحقنا بفيلا ديال زايوس تعرفو علينا ودخلونا استكشفنا المكان كان كلشي محروس وعلى بال...
استكشفنا المكان كان كلشي محروس خلينا حتا تعمر الدنيا ونديرو شنو بغينا بقات الفيلا كتعمر وحنا كنديرو خدمتنا شوية هي تبان زينب وريتاج داخلين للحفلة مع هداك الحمار كانو انيقتين غير شفت ريتاج فرحت اووووف فااك بقيت حاضيهم منين شفتو ناض ومشا لجيهت الباب تبعتو شفتو تلاقا شي ناس معرفتهمش شكون هوما خبرت علي بلميكرو باش يتبعهم مبغيتش نقولو لبنات جاو باش ميجيش يبقا حاضي زينب وينسا خدمتو مشيت حدا البنات هزات ريتاج عينيها فعيني مباشرة وبقات كتشوف فيا لدرجة توترت اول مرة توقع معايا بحال هاكا كتحاول تعرف عليا معرفتش بحال شكات فيا عاد طلبات عصير وحتا زينب طلبات عصير كتبان معصبة ربما معجبهمش الحال فهاد الصخب
ريتاج: جاني كيشبه لعمران هاد السرباي
زينب: ههه ضحكتيني واخا مافيا لي يضحك يا ختي محملتش هاد الاجواء
ريتاج: حتى انا والله
زينب: نجلسو شوية ونمشيو فحالنا
مشيت وبقيت حاضيها بطرف عيني وبقات متبعاني الا عرفاتني راها خطيرة دخلت لداخل لقيت علي تماك قالي راه دخلو لديك الغرفة مهم بقينا هكاك وانا حاضي لبنات شوية كنشوف الناس بداو كيشطحو وزايوس طلب من زينب تشطح معاه ولكن كنشوف ريتاج كتهضر باينا قمعاتو شفتو تعصب بزاف ومشا ههههه خطيرة هادي عجباتني فيه شوية كيبالي السيد قصد واحد السرباي ولكن شنو داكشي ناري زايوس حطلهم شي حاجة فالعاصير وصيفطو مع نادل واحد اخر خاصني ندخل ياله جيت نمشي نشوف شنو حتى واحد زبل طلب مني نجيبلو مشروب ياله جيت ندور وجهي لبنات لقيتهم كيشربو فالعاصير حقييير شنو بغا منهم خبرت علي بزربة وقلتلو شنو دار زايوس تعصب ولككن حاول ميبينش بقينا كنخطو الكاميرات فشي اماكن وفنفس الوقت حاضي لبنات ميشريو فالعصير باش نمشيو دغيا وجا عندي
باين عليهم مكرهين
علي: عمران واقلة لبنات مشربوش العصير (الضحكة حتا لودنيه)
عمران: (شيرتلو بصبعي لجيهتهم) نن راهم كيشربو فيه
علي: (بعصبية) فاااك وشنو نديرو مزالة خدمتنا مساليناها
عمران: (توترت بزاف دابا) تسنى هاني كنفكر (كنشوف البنات بداو عينيهم كيتقلبو مغاديش نخاطر بالبنات خاصني شي حل)علي سير جر زينب وانا نجر ريتاج بلا صداع بحال كتساعدهم يدخلو لطواليط صافي.. مشينا كنجرو البنات منين قربت لريتاج لقيتها دايخة دغيا ساعداتني جينا منوضينهم
زايوس: اييه نتوما فين دايين الانسات...
علي: سيدي نديوهم غير لطواليت حيت هوما لي طلبوها منا
زايوس: ديوهم لبيت الفوق اوكي انا شوية ونجي(ضحك بخبث وغمزو)
عمران: (بضحكة مصطنعة) حاضر سيدي (كلب وسير ديرها... مع الحيط خدينا البنات وخرجناهم من الباب اللوراني الحمد الله ركبنا بعدا الكاميرات واخة الغرفة ديال الاجتماعات موصلناهاش بقات غير هيا خرجنا وعيطت على دراري جابولنا اللوطو ومشينا نيشان لفيلا ديالنا طيط طيط.. الو
سعد: ويي عمران راه دخلات روز راني مراقبها ومراقب حتى الفيلا فين وصلتو بنتولي خديتو لبنات ومبقتيوش كتبانو
عمران: حنا خرجنا هربنا البنات حيت داك الكلب دارلهم شي حاجة فلعاصير وطلب منا نديوهم لبيتو
سعد: نااري على الحقير ونشدو، مهم حضيو لبنات انا مراقب هادشي حتا لصباح نخليك دابا باش نركز مزيان باي...
#زايوس: اممم واخيرا جاتني الفرصة بين يدي هاد ليلة نتمتع مع زينب عمرني تشهيت شي وحدة بحالها وخا كاين ماحسن منها ولكن رغبتي بغاتها اما الكلبة لي معاها هاد ليلة تعيش اسوأ ليلة فحياتها وجدت لها 4 يشبعوها مزيان هاهاها... (طلعت للغرفة ديالي ملقيت حتى وحدة) اوووف فين هادو راني قلت لدوك السرباية يجيبوهم هنا فين مشاو هادوك الحبوب مفعولهم كبير ميمكنش بفيقو بوحدهم وبهاد السرعة.. مشيت كنقلب على دوك السرباية والو بحال سرطاتهم الارض قلبت الفيلا مزيان مكيدروش مفهمتش فين مشاو مبغيتش نزيد نبين حيت كلشي غادي يبقا حاضيني حاولت نتصرف عادي ونقلب على دوك لحمير!!!
علي: (نعسها على الكنبة) زينب زييينب حبيبتي فيقي (وكيطرشها وهي بحرة كتحل عينيها)
زينب: شكون نتا؟ اي راسي ضرني فين أنا؟!
علي: أنا نجيبلك كاس ديال الما ونحيد هادشي ونجي عندك
عمران: ريتاج ريتاج ( دخلتها لبيتي لفوق كيطرشها بشوية)
ريتاج: عمران!! علاش نتا متنكر هاكا اي اراسي غادي يطرطق عمران عينيك زوينين....
عمران: (تصدمت مايمكنش كدارت عرفتني بهاد التنكر) ريتاج ريتاج اووف نمشي نحيد هاد التنكر ونجي..
علي: والو مبغاتش تفيق والمصيبة معرفناش حتى شنو داكشي لي شربو
عمران:هز زينب ودخلها تحت الدوش عاد باش غادي يفيقو حيت اول مرة كياخدو هاد الحبوب متخافش مغاتكونش شي حاجة لي خطيرة (مشيت حيدت داكشي...)
... مشيت حيدت داكشي وحطيت دوك الحوايج وهزيت ريتاج حتى هي دخلتها لدوش وبقا الما كيتكب عليها وهي كتفيق شوية بشوية منظرها وهي تحت الما وكلشي تطراسا صدرها كرشها ليهونس كلشي حرك فيا بزاف دالحوايج احم واهمها قلبي عجباتني بزاف جات مثيرة اووف امتا تفيق احساس غريب عمرني حسيتو من جيهتها بقيت كنشوف فيها حتا حلات عينيها وكانو حومر بزاف
ريتاج: عمرااان نتا (وانا نسخف مبقيت عقلت على والو راسي تقااال وعيني كتر)
عمران: اووف مالها (خرجتها من الما ولكن المشكل فحوايجها لي فازكين وخاص تحيدهم منقدرش نحيدهم ليها الا عرفات انا لي بدلت ليها غادي تطفش مني) اووف حرارتها مرتافعة بزااف لدرجة حنوكها حمارو بزاف غادي نبدلها معنديش شي حل اخر غمضت عيني وحيدتلها الكسوة تغريت وحليت عيني لقيت جسم قدامي كيصرخ بالانوثة واكترية هاد الملابس الداخلية فالبيض كانس سكسي بزاااف نو نو خاصني نشد راسي عاودت غمضت عيني باش نكمل ونحايدلها حتى هادوك الحوايج ولبسها بينوار غمضت عيني حيدت ليها دويباس بصعوبة لحقاش تلمست شي حاجة لي خلات النار شاعلة فية فااااااااك لبستها دغيا لبينوار وغطيتها وخرجت دغيا يضربني لبرد هههه اوووف ميمكنش يوقع معايا هكا دازو فدي بنات واحسن عمري حسيت هاد الاحساس اوووف مكيبغيش يحيد منظرها من بين عيني وحتى يااااااخ نمشي نشوف علي شنو دار؟!!
عمران: (دقيت على علي الباب) علي علي شنو درتي معا زينب
علي: (حل الباب وخرج عندي وسدو دغيا) مزيان منين عيطتلي وخرجتيني كنت غادي نغتاصب البنت هههه راني بدلتلها ونعسات ونتا مالك وجهك حمر ولا حتا نتا هههههههه
عمران: هههه اوووف ونتا وحبيبتك جات معاك ولكن البنت مابيني وبينها والو بدلتلها وانا مغمض عيني ولكن حرارتها مرتافعة بزاف خاص يجي شي دكتور أنا نعيط لواحد الدكتورة هي تجي ومنين تفيق ريتاج تقولها هي لبدلات ليها حوايجها
علي: حتى هاد هضرة صوني عليها نطلع نشوف زينب ونجي عرفتي كنتخيل زايوس منين مغاديش يلقى البنات ههههه
عمران: هههه تشوف زينب والله حتى تريح حدايا حتا تجي الدكتورة وتشوفها، شوف نتا رزن البنت ماشي فوعيها ولكن نتا فوعيك حافظ عليها مكبووت...
علي: هههه واخا ها هو جالس حداك غي برد
ولات الدكتورة طلعتها للغرفة وعطات شوكة لريتاج وزينب باش يتحيد داك المفعول من جسمهم وانا وعلي هبطنا لصالة وبقينا كنتفرجو حتا نعسنا.... ..أصبحنا وأصبح الملك لله...
ريتاج: فين انا؟ اي راسي اووف لبارح كنت فالحفلة كدرت وصلت لهنا؟ وشنو هادشي لابسة؟!
عمران: (دخلت ولقيتها فايقة) هاي ريتاج كبقيتي؟
ريتاج: (اويييلي ياكما هو لي بدلي حوايجي صافي ضاع شرفي شنو دارلي ) الحمد الله فين أنا وشكون جابني لهنا؟ وشكون بدلي الحوايج هئ هئ حشومة عليك منويتكش ديرلي هاكا ماشي علاش شنو درتلك تفو على بشار الله يخد فيك الحق دابا شنو غادي ندير اوييلي ويلا كنت حاملة غادي يجريو عليا دارنا ونتا متبغيش حتى تعترف بيه خرجتيلي على حياتي انا ولدي ون...
عمران: ههههههههههه (صطاتني هادي) ههههههه
ريتاج: اييه ظحك نتا لي جات معاك ضيعتيني وخرجتيلي على حياتي سير الله..
عمران: صافي صافي بلا معيار واش صارطة كسيطة انا مغزيزش عليا نعاس الموتة فهمتي يعني يا بخاطرك يا بلاش مفهمتش كفاش فكرتي فيا هكا انا راه بحال خوك
ريتاج: (وكان غير قالي انا لي بدلتلك حوايجك وميقوليش انا بحال خوك) اه نتا بحال خويا ولكن علاش حيد..
عمران: ماشي انا لي حيدتهم الدكتورة لي جبت ليك البارح، دكتورة نتي لي حيدتي ليها حوابجها؟
الفرملية: اه أنا، انسة ريتاج كصبحتي؟
ريتاج: (اوف على تشويهة ديمة مسبقة العيب) شكرا دكتورة ولكن شكون جابني لهنا؟
عمران: يمكن ليك تنصارفي د.ريتاج فطري بعدا ونقولك
ريتاج: عفاك غير قولي (مشا وخلاني تفو شكون جابني لهنا اخر حاجة عقلت عليها هي الحفلة)
عمران: صراحة معرفت منقولها (هههه هي جبدات حتا ولدنا كاع مصيبة كتلسق ليك التهم بطريقة وتخليك تيقها ولكن قمعتها منين قلتلها بحال خوك ااااح وكان لبارح... نوض علي نشوف هاد الحريرة) علي علي علي فيق اصاحبي
علي: شنو كاين اصاحبي
عمران: ريتاج فاقت وبغات تعرف شكون جابها لهنا؟ شنو نقلولها راني تلفت
علي: اممم لقيتها غادي نقلولهم لبارح كانو جايبينكم شي دراري من الحفلة وشفتيهم نتا وعيطتي علية وجبناكم هنا حيت كانو مخدرينكم
عمران: اممم اوكي عالله يتيقو! حيت مخص حتا حاجة تفضح على الاقل ماشي دابا (طلعت ديت الفطور لريتاج)
ريتاج: عفاك قولي كفاش وصلت لهنا وفين زينب؟
عمران: هههه مالكي مزروبة فطري بعدا نشوف حرارتك(قستلها جبهتها وتفكرتها لبارح منين كنت قستها) احم لبارح كنت حدا المجمع وشفت شي متهورين جايين شوية ونتوما تنزلو من لوطو ونتوما ماشي فوعيكم منين شفتكم دخلت غير شافوني هربو وخلاوكم عيطت لعلي وجا وجبناكم لفيلا ديالنا شكون دوك دراري معامن كنتو؟!
ريتاج: (تصدمت) اويلي مبقيتش عاقلة على والو من غير منين كنت فالحفلة وكنت كندوخ
عمران: اممم اذا حطولكم شي اقراص مهلوسة فشي مشروب الحمدالله عتقناكم فاللحظة الاخيرة...
ريتاج: (حشمت من راسي) شكرا بزاف خيركم عمري نساه فين هي زينب؟
عمران: زينب راها فلبيت لاخر
عمران: زينب راها فلبيت لاخر مزالةة ناعسة نتي كولي هادشي وشربي لكينة باش تنعسي حيت دوك الاقراص لبارح دارو لي مضاعفات حتا جبنا الدكتورة عاد دكات ليك شوكة باش انخفضات الحرارة بالصحة
ريتاج: الله يعطيك الصحة شكرا بزااف، عمرااان سمحلي اخويا
عمران: العفو بالشفاء (خرجت دغيا حيت غير كنشوفها كنتفكرها لبارح وكملاتها بهاد خويا كترجع الصرف)
علي: حبيبتي صباح النور
زينب: حبيبي(عاد توكدات) علي شنو كندير انا هنا؟!
علي: (خاصني نغضب عليها باش تفهم علاش انا كنكره داك المسخ) نوضي فطري راه الفطور (خرجت وخليتها)
زينب: علي علي اويلي مال هادا وشكون جابني انا لهنا وفين هيا ريتاج؟! (غير وقفت وانا نطيح)
علي: (سمعت بااق) زينب!! علاش نضتي من بلاصتك راك مزالة عيانة ها الفطور حداك فطري ونعسي
زينب: علي عفاك قولي شكون جابني لهنا وعلاش كتعاملني خايب
علي: انا لي جبتك هنا شنو معقلتي على والو
زينب: لا والله معقلت قولي عفاك هئ هئ
علي: وصافي متبكيش البارح لقاكم عمران دايخين ومعاكم شي دراري عيطلي وجبناكم وجبنا ليكم دكتورة هي لي بدلاتلكم وعطاتكم شوكة حيت كنتو شاربين شي مخدر فهمتي علاش مكنبغيكش تدوي مع داك الزا.. على هادشي حيت انا عارف دماغو كداير
زينب: هئ هئ سمحلي احبيبي وكان ماشي نتوما وكان وقعات لينا شي كارثة
علي: (اوف مكنحملش نشوفها كتبكي) صافي احبيبتي موقع والو فطري باش تشربي دواك وتنعسي
زينب: امم اوكي حبيبي اجي ناكلو انا وياك، حقا فين هي ريتاج؟
علي: ريتاج راها فغرفة ديال عمران وراها بخير اوا كولي
زينب: اممم وشكون بدلي حوايجي؟
علي: هههه اكيد انا
زينب: ووو
علي: حبيبة متخافيش مدرت ليك والو
زينب: (وعلااااااش) اوكي بيبي
علي: ياله شربي دواك (كلات وشربات دواها ونعسات نمشي نشوف عمران)
#زايوس: بغيت نعرف فين مشاو اووف شحال قلبت عليهم ميمكنش يمشيو وهوما فديك الحالة وحتا دوك السرباية مولاوش بانو يمكن خطفوهم تفوو إلا زينب اما لوخرا ماشي شغلي فيها كلشي تضربلي فالزيرو تفو (هرس واحد الفاز) هربتي هاد المرة والمرة الجاية مغاديش نزكلك نمشي نعس ومنين نفيق نمشي نشوفها واش راها فالمجمع
عمران: ألو سعد ياكما فيقتك
سعد: (دايخ )لا أنا عاد غادي نعس شوف منقدرش نقولك والو دابا حيت راني عيان بزاف حتى العشرة ونتلقاو فلفيلا اوكي؟!
عمران: اوكي خويا غير ارتاح دابا باي.. مشيت طليت على ريتاج لقيتها ناعسة قربت حداها وبقيت مدة كنحقق فملاميح ديالها حتا نعلت الشيطان وخرجت معرفتش شنو كيوقع معايا مدة كبيرة وهي حدايا عمرني فكرت فيها... دازت مدة لبنات بقاو كيفيقو كلاو ومشا علي وصلهم وقالهم منقولو لحتا واحد كانو معانا وخا شفت ريتاج مقتانعاتش بكلامي لي سولهم يقولو خرجو
زينب: حبيبي مزال غادي تغيب علية!
علي: نو حبيبتي انا ديما حداك طلعو ورتاحو وكما قلنا لكم وجدولنا شي شهيوة باش بلاتي نجيو نتعشاو معاكم خاصكم شي حاجة؟!
ريتاج:لا خويا علي كلشي جبناه البارح واش بغيتي شي حاجة معينة؟!
علي: اه مكرهتش طاجين لحم بالبرقوق والمشماش واللوز
ريتاج: هههه ياله نمشيو لسوببر ماركت الموحم ديالي هادشي معدناش مهم مشينا خدالنا شنو خصنا وكالعادة ديما من الكلاص وداكشي وصلنا للمجمع ومشا حيت قال عندو شي خدمة انا للي مفهمتش هوما خدامين هنا فالمجمع شنو الخدمة لي عندهم برا وسعد هادي 3 ايام وهو غابر!!! مهم جينا داخلين لدار وهي تحل روز الباب
روز: اييه نتي بعدي على حبيبي فهمتي
ريتاج: والا مبغيتش؟!
روز: خاصكي تخافي على راسك
ريتاج: اممم دابا ولا حتا لغدا؟
روز: فاكيو بيتش (خبطات الباب)
زينب: هههه كدرتي صبرتي منتفتيهاش
ريتاج: ههه مالي مصوفجا بحالك دخلي لمك دخلي وكان ماشي دراري وكان راحنا فخبر كان
زينب: وصافي راه حتا علي كان بغا يقتلني بلا متزيديني حتا نتي
ريتاج: يزيدك العداب سيري جيبي هزال راه من البارح وهي كتصوني علينا واجي داغيا وبلا متجيبي عاود دوك البريكولات الحامضين دياولك عندك 10 دقايق فهمتي (مشات زينب تجيب هزال....)
(مشات زينب تجيب هزال ونيت متعطلوش لقاوني رديت الطاجين يطيب والبرقوق والمشماش درتهم يطيبو بلاتي ونعسلهم وجلسنا كنخويو المزيودا لهزال... وقالتلنا بلي مشا عندها زايوس لدار وقلب علينا وقالتلو مشافتناش من البارح...)
==> #عمران: سلام سعد كبقيتي مزيان؟
سعد: لا بيخير دابا مهم (جبد لابتوب ديالو) مهم هاد الايام فبعض الغرف كيتجمعو دراري وبنات وكيبداو كيشمو مهم عرفت دوك الطلبة كاملين اغلبيتم من عائلات غنية ولبارح فالحفلة كانو دخلو شي ناس عند زايوس دخلهم لبيرو ديالو ومنين خرجو دخلو رجال زايوس خرجو السلعة وبداو كيفرقو البضاعة على الناس ولي تار انتباهي روز وزايوس على علاقة لبارح مارسو الجنس الجماعي فغرفتو هو وصحابو وبنات اخرين.. وروز وزايوس دار بيناتهم حديث بالعبرية كتسولو على شي بضاعة جديدة وهو مجاوبهاش وعطاها شي غبرة وقالها منين نبغيك غادي نعيط ليك هادو اهم المعطيات
عمران: اممم هادشي كامل فمصلاحتنا ادا سعد نتا غادي تبقا تعرف على هاد الطلبة باش واحد يوصلنا لواحد وأنا خاصني نزيد علاقتي مع روز اوووف عفتها منقدرش نمارس معاها
علي: ضروري الخدمة هي الخدمة وخاصك تبين انك كتعاطى
عمران: اه راني بينتهالها ديك المرة زعما بفينا كنتعطاو حتى دخنا وعملنا علاقة فخباركم زايوس هاد العام شارك فالجمعية وبالظبط فالمجموعة الصوتية
علي: حقيير مزال باغي يتقرب بزينب وداكشي ديال البارح عمرو يتنسالو داكشي لي دارو مع روز كان باغيه مع زينب
سعد: كفاش (شرحنا ليه كلشي) اممم خطير هادا والحمد الله عتقتوهم فاخر المطاف
علي: راها 10 نوضو راه البنات دايرين العشا عندهم
عمران: (قلبي بقا كيزدح وفرحت حيت غادي نشوف ريتاج ولكن خاصني منشوفهاش حيت كنجهل ومنها بغيت نبقا بعيد عليها) انا غير عفيوني والله
علي: نووو حشومة غير ياله( مهم مشينا عندهم ودخلت بتخبية قبل متشوفني روز)
هزال: سسسسسسعد
هزال: سسسسسسسعد (طارت عليه بتعنيقة) توحشتك بزاف
سعد: حتا انا احبيبتي توحشتك بزااف
ريتاج: احم احم خلينا حتا حنا حقنا ههه (وعنقني حتا انا) لباس عليك خويا
سعد: توحشتك الفنكيشة ديالي
زينب: و أنا؟!!
علي: نتي باركة عليك غير انا (مخلهاش تمشي عندو بقينا كنضحكو وانا مرة مرة كنشوف عمران غير سارح هدا كيخبي شي حاجة مرض جا لدار خاصو يبقا يهضر ويضحك معانا ماشي يعبس ويسها..
ريتاج: انا نحط العشا اوكي (حطينا الطاجين كلاوه وسلاو ومزال الطاجين كيبخر هههه كلشي شكر طيابي)
عمران: امممم هاشي بنين المهم نخليكم دابا نمشي نقضي شي غراض (خرج وبقيت متبعاه ومشيت طليت فديك العين لقيتو دخل عند حبيبة القلب تفوو على مكبوت وانا مالي.. لا هو جا عدنا يبقا معايا زعما يبقا معانا اوووف رجع فحالي منين دخلت مالقيت حتا واحد عرفتهم كلها دخل لبيت وانا كالعادة خرجت يضربي الهوا شوية لبست واحد الكاب وخرجت نخليهم فراحتهم الكبوتين تفو يخ مكيقدرو حد هئ هئ حتا انا بغيييت مشيت جلست فواحد البلاصة حتا جلس حدايا)
زايوس: سلام ريتاج فين كنتو
ريتاج: ونتا مالك!! (جيت نايضة)
زايوس: منين نهضر معاك جاوبي بآداب (لوالي يدي) فهمتي
ريتاج: طلق مني راك كتعدمني طلق الحمار (محسيت حتا طرشتو) اخر مرة تقيصني فهمتي براكة غير داكشي لي درتي فينا البارح (خليتو مصدوم من الطرشة وزدت عدمني بزاف هئ هئ طلعت لبيتي خفتو يتبعني) منين طلعت تلاقيت عمران فدروج وشافني
عمران: ريتاج (بخوف) مالك كتبكي واش شي واحد دارلك شي حاجة
ريتاج: بعد مني ونتا مالك خليك غير معا حبيبتك (دخلت لدار وسديت لباب اويييلي اش هادشي قلتلو اويييييلي مشيت الكنبة هزيت لبيسي ودرت لكاسك وبقيت كراجع الاغاني لي غادي ندربو عليها غدا حتا نعست..)
#عمران: مشيت عند روز باش نفهم منها شي حاجة وقالتلي انها بغات شراب حيت مبقالهاش ولقيتها من الجنة والناس حيت منين كتشرب كتبقا تكر وبشي حركات مني نعرف منها...
يتبع...
