صفحة القصة
... كانو عدااد منين عرفت حقيقتها خليتها وهي متفهماتش ليها كفاش خليتها داكشي علاش صباح دارت هداك التصرف ونتي شفتي غير هديك اللقطة انا نهرتها وهددتا تبعد مني بغيت نتبعك ولكن قلت حتا تبردي ونجي لعندك.. ولكن منين شفت هداك الحيوان عنقك متحملتش ااخر مرة نشوفك معاه ولا غادي نتفاهم معاك بطريقة اخرى!!
زينب: ولكن انا مفهمتش كفاش عنقني انا مكنت باغياه يقيسني
علي: حبيبة هداك راه خطير حظي راسك منو وبعدي من طريقو اوكي!
زينب: واخا علي
علي: اممم علي!
زينب: واخا حبيبي
علي: كتبغيني؟
زينب: انا كنمووووووووت عليك
علي: وأنا كتر احبيبتي من اول نهار شفتك فاش جيت عندكم وقلتلكم واش مغربيات كنت غير بغيت نهدر معاك من تما وانا تابعك كنستاغل اي فرصة نهضر معاك حتى قررت نبعد شوية باش نتأكد من مشاعيرنا ولكن انا مقديتش نصبر ونكون بعيد عليك
زينب: أنا هاد نهار كنت غادي نموت منقدرش نشوفك مع شي وحدة من غيري نمووت اعلي
علي: الله يخليك لية انا ديالك غير بوحدك ونتي ديالي غير بوحدي ياله أجي كملي مكلتك
زينب: هههه امم فية جوع
علي: هههه الحمقة ديالي اجي نوكلك (بقيت كنوكلها حتا مبقيتش قاد وانا نطير على شنايفا وحتا هي نساجمات معايا عجباتني الطريقة باش كتقبل مرة حتا جهاتني وهزيتها ورجليها على خصري كنبوسها بعنف وكنجبدها لعندي ونتلمس فيها حتى سمعتها كتقولي علي علي!!!) سمحيلي حبيبة ولكن نتي جبدتبني بلسانك(بستها بوسة خفيفة ونزلتها وديتها لبيت نعاس ديالي)
زينب: دارك هادي؟
علي: اه ديالي وديال سعد واحد صاحبي اخر
زينب: اممم زويينة بزااف
علي: نتي لي زوينة وكتشوفي كلشي زوين
زينب: (الله يا ربي فين كان مخبيلي هادشي كامل شحال زوينة تحزني وتكمليها بفرحة وماشي اي فرحة)فيا نعاس احبيبة شحال الساعة احبيبي؟
علي: امم 2 ونص احبيبة (نعستها وتكيت حداها كلعب ليها فشعرها ودورتها عندي وبقينا فتلقبل ولكن شديت راسي ماهي الا 2 دقايق حتى نعسات حبيبتي بحال شي ملاك )
علي: بقات فيها زنوبتي الطرشة مزال معلمالها فوجها بستها فحنكها تصبحي على خير احبيبتي ونعست حداها وحنا معانقين اول مرة نعس مرتاح بحال هاكا.....
زينب: اممم (كنتجبد فقت صباح ناشطة واو على نعيسة شحال زويينة معرفت فين مشا حبيبي) علي علي!!!
علي: الكتكوتة ديالي فقتي (بستها فجبهتها) صباح النور والورد والياسمين نعستي مزيان احبيبتي؟
زينب: (شداتو من عنقو وباستو بوسة خفيفة فشنايفو) صبحت مرتاحة مع حبيبي
علي: اححح عليك احبيبتي نوضي ولا غادي نغلط فيك
زينب: غير غلط (قلتها غير بشوية) هههه (هزني علي) فين غادي بيا
علي: نمشيو نفطرو أحبيبتي
زينب: (هبطني لكوزينة ولقيت طابلة مشكلة ومنوعة وفجأة حسيت بالهيمري) وااو احبيبو جعت بزاف (جلسنا كناكلو ) حبيبة فوقاش غادي نمشيو؟
علي: سخيتي بيا احبيبة؟
زينب: واش انا نسخا بالعمر ديالي ولكن ريتاج خلتها مشوشة بزاف
علي: اممم اوكي حبيبتي نمشيو باش ناخدها ونخرجو الملاهي تفوجو شوية
زينب: ياااي اوكي حبيبو (بستو فحنكو) نوض نغسل هاد المعان ونمشيو
علي: واخة حبيبة ديالي
زينب: حقا حبيبة واش نتوما عايشين هنايا!
علي: فوقما كنبغيو رتاحو كنجيو لهنا احبيبتي
زينب: اممم اوكي حبيبي انا سليت ياله نمشيو (مشاو الابطال ديالنا المجمع وصلها حتا لدارها) حبيبو امتا نكونو واجدين
علي: مع 4 حبيبتي وراه حتا سعد وهزال غادي يمشيو معانا
زينب: مزيان احبيبة نكونو مجمعين بيزو
علي: غادي نتوحشك
زينب: وانا كتر احبيبي (مشا علي ودخلت لدار) واااا البنات واا لبنات باركوليا (وكنقز)
ريتاج: هههه اويلي مالكي الحمقة عاود
زينب: صدق كيبغيني وكيحبني كيبغيني وكيحبني (كنقز) ههههه
ريتاج: هههه وراه كانت باينة مزيان منين تجمعت، اجي بعدا نتي الصلكوطة فين كنتي بايتة لبارح سبتي وزغتي
زينب: ههههه وااو احلى ليلة دوزتها البارح ونتي اهزال ااااا (كنشيرلها بيدي) وااا البسبوسة وااا بقلاوة
هزال: هههه انا دوزت احسن ليلة فحياتي (ودارت راسها سخفانة)
ريتاج: ناري ناري لبنت ذابت شمعة تحترق هههه
زينب: زيديني عليك اهزال (وسخفت حداها وبقاو كيتنهتو)
ريتاج: هههه صافي نتوما طارلكم الفرخ أنا قنطت البنات
زينب: حقا حبيبتي راه غادي نخرجو مجموعين نمشيو الملاهي نفوجو شوية
ريتاج: اممم مزيان أنا ملعبش من دابا علمتك ماشي حتا نوصلو وتبقاي تبوردي علية راكي عارفاني كنخاف
زينب: ياك ياااك متلعبيش مع ختك حاافاك حافاااك
ريتاج: ألا ألالة ملعبااش اصاحبتي راكي عارفاني كنخاف مهم من تما لتما ربي تما أنا ندخل ندوش قادولي شي حاجة ناكلها راه فيا الجوع اوكي حبيبتي اه وفليل راه منفلتكش لا نتي لا ديك البكرة لي راها كتبحلق تماك ههههه
زينب: هههه واخة حبيبتي انا نقاد ليك الطورطية لي كتبغي هزال اجي عاونيني (كيتغامزو)
ريتاج: ادوك الزبيلات حتا نجي عاد نتعاودو
هزال: هادشي كبير عليك
ريتاج: كبرتي عليها احماراتي ههه
هزال: اووووف منك اريتاج
زينب: الحمد الله لي تهنيت منها
ريتاج: سمعتك احماراتي اوس 2 هههه
زينب: ريتاج حبيبة مغاديش ندي عليك انا الفرحة لي فيا سدالي ودنيا فهمتي
ريتاج: فهمت أبغلتي نياهاهاها
زينب: اوووووووف منك اريتاج نتي هي الحمارة الكدارة..... (دخلت دوشت وانا فيا احساس ممهنينيش معرفتش مالي يمكن غير كيتهيألي ولا حيت غرت من البنات هوما تسدلهم بعدا داك الفراغ العاطفي ومكرهتش حتة انا يكون عندي حبيب بحالهم كملت دوشي وخرجت مخصنيش نعيق قدامهم)بصحة حبيبة
ريتاج: الله يعطيك الصحة جعت
زينب: راني وجت ليك الطورطية وعصير مانغا
ريتاج: نتي مغاديش تاكلي؟
زينب: فطرت صباح مع علي وكليت بزاف كلي غير نتي و هزال
ريتاج: اوكي خيتي (كلينا هوما كيهضو ويضحكو وانا غير كنسمع منهم ) شحال الساعة دابا؟
هزال: 12 ونص
ريتاج: مزال منخرجو؟
زينب: لا حتا 4
ريتاج: اوكي انا ندخل نعس منين يقرب الحال نوضوني اوكي!
زينب: اوكي حبيبتي انا نمشي مع هزال نجيبو شنو غادي تلبس ونجيو نفيقك مع 2 باش بحرا تقادي شعرك (مشاو البنات وانا دخلت نعست حتا جات زينب كتفيقني)
زينب: ريتاج نوضي أحبيبتي راها جوج واجي باش نقادليك شعرك رشقاتلي عليك هاد نهار نقادك
ريتاج: ههه اوكي انا دابا نجي ( نضت مشيت غسلت وجهي ودرت الماسك ديال لبارح وجلست فلكرسي وقداتلي زينب شعري عجبني هاد المرة هي كانت مقداه ) انا ندخل نشوف شنو لبس (لبست سروال جينز وتيشورت)
زينب: ريتاج اجي نقادلك ميكاب
ريتاج: اوكي زين ديالي (قداتلي ميكاب زوين )
هزال: وااااو جيتي زوينة بزااف
ريتاج: مواح شكرا بيبي حتا نتي جيتي زوينة شحال الساعة دابا؟
هزال: 3 ونص
ريتاج: اممم اوكي زينب مزال كتلبسي؟
زينب: اه كملت باقي غير دراري يجيو اجي اريتاج بغيتك
ريتاج: شنو؟
زينب: متقلقتيش مني البارح منين مشيت معا علي زعما منين بت معاه
ريتاج: نو فمرة اصلا نتي كبيرة وبعقلك منخافش عليك وعلي ولد الناس ماشي شي شماتة لي غادي يدوز بيك وقيتة
زينب: اه يا ختي شحال حنين معايا بغيت نتسطا منين اعتارف بحبو لية
ريتاج: هههه حمقة انا بغيت نعرف غير مالو دار ديك الفضيحة البارح
زينب: امممم نقولك ومتغوتيش علية، لبارح منين مشيت نجيب البارت ديالنا تلاقيت هداك الولد لي كان ضسر علية عقلتي عليه لي كانو دراري كيقولو تفو على يهودي وكدا...
ريتاج: اه عقلت عليه مالو؟ عاود تعرض ليك؟
زينب: نو نو جا عندي واعتادر مني قالي داك نهار مكانتش فالوعي ديالو وعرضني لعشا منين انا شفت علي كملت معاه الهضرة وبقيت كنضحك معاه زعما بغيت نبيلو راني ممسوقاش ليه وحتا كنلقا زايوس معنقني مفهمتش كدار ليها والله
ريتاج: (تصدمت) اويلي واش هو حمق
زينب: وييه داكشي علاش علي...
زينب: ...وييه داكشي علاش علي كان كيغوت علية ومعصب مكيحملوش اختي
ريتاج: حتى انا اختي مكيتهضمش لية مهم حاولي تفدايه نتي با ميخلقش ليك مشةكل مع علي
زينب: عند الصح وخا هو لي بينلي علي كيغير علية ههه قالي نهار لقاه معاك ندبحك غير سكتي وكان شفتي الطرشة لي كليت البارح حركاتلي الجمجمة
ريتاج: ههههه باينة عليه قاصح حتا سعد قاصح لبارح هزال قالت ممنحقش علي ياخدك بالقوة دار فيها واحد الشوفة بغا يقتلها هههه
زينب: هههه حسن عوانا معاهم هادي زعمة اول نهار عدنا معاهم وخاصها تكون رومانسية يا ختي كيبقاو مغاربة واخا يكونو فينما كانو هههه
ريتاج: هههه تلفونك كيصوني
زينب: الو... اهلا حبيبي... حتا انا... واخا حبيبي دابا نكونو عندك... بيزو... راه كايتسناونا لتحت هزال نوضي راه كيتسناونا لتحت
هزال: اه راه صونا علية سعد وقالهالي (هبطنا عندهم انا ركبت مع زينب وعلي وهزال ركبات مع سعد مهم مشينا طريق كلها وحنا ضاحكين وعلي مرة مرة كيبوس زينب وانا غير حاشيا راسي معاهم ومبلقا عيني فيهم مهم مشينا لواحد الملهى مائي زوين سميتو TripAdvisor وصلنا ليه وهبطنا زينب وعلي مشادين اليدين وسعد وهزال معانقين وانا شدا الهوا وسطهم بحال جوج عساكرية وشيخة وسطهم هههه اول حاجة درناها مشينا كنشوفو الاحواض المائية علاااام هادشي مهم بقينا كنتصورو وكناخدو سلفيات والمصيبة هاد ولاد الناس غير نسها شوية عليهم يبداو فتشلقيم اووف فقصوني) وااا ولاد الناس حتارمو مشاعر سيليباطير (بقاو كيظحكو علية وجاو علي وسعد هزوني وكيهروني وانا كنفكل بالضحك وانا عادتي غير كنضحك بزاف كنحزق والمصيبة فلتات وحدة وبقاو شادين فيا المساخيط دخلنا لواحد البلاصة كيعطيو فيها مونطويات ديال الريش بحال شعب الاسكيمو ديك البلاصة جامدة بالبرد شربنا واحد المشروب لذيذ بزاف فالالواان وعاوتاني عطيناها لتصاور والضحك خرجنا من تماك...
.... سالينا تصاورنا وخرجنا من تماك مشينا لواحد لكافي زوين وجلسنا كنرتاحو شوية علي وسعد شربو عواصر ديال الفواكه الجافة معونين على الخلا وحنا خدينا كلاص بقينا كنضحكو حتا صونا تلفون
سعد: (ناض من حداهم) يا هلا شلونك... هههه واخا سيدي.. حنا ف TripAdvisor ... اه باقيين غير اجي... اه معانا لبنات لي كنت قلتلك عليهم... اكيد امان راه ديجا قلتلك شنو كاين وراهم عزااز وبزاف وراني قلتلك زينب ولات حبيبتي وهزال التركية حبيبة سعد.... الله يبارك فيك اخويا لحبيب،... اه غير اجي مرحبا.... اوكي متعطلش بزاف مع السلامة (رجع عندهم)راه غادي يجي واحد صاحبنا لهنا
علي: واش جاي لهنا توحشتو المسخوط
زينب: شكون احبيبي؟!
علي: صاحبي لي قلتلك عليه
زينب: اه اوكي مرحبا بيه
سعد: راه قريب من هنا انا نوض نتعرض ليه لتحت ونجيبو (ناض مشا يجيب صاحبو وبقاو هوما كيرغبو ريتاج تلعب معاهم فواحد اللعبة خطيرة ومع هي خوافة خافت بقاو عليها بالهضرة حتا وافقات فاخر المطاف شوية وهو سعد بان وجايب معاه صاحبو احم احم اكيد غادي نقول عليه بكوص بالجهد شي حاجة غاية وقفو دراري سلمو عليه وبقاو كيهضرو بالاسبانية عاد بقا سعد كيعرفو علينا)
سعد: لبنات كنقدم ليكم خونا عمران كان كونجي.. عمران كنقدم ليك زينب الحبيبة ديالي
زينب: مشرفة بمعرفتك،
عمران: وانا ختي
سعد: هادي هزال نوتيلا ديالي هههه..
عمران: ههه مرحبا هزال متشرفين..
هزال: الشرف لية
سعد: واخيرا هادي ختنا الحبيبة ريتاج.
عمران:(اممم ريتاج) مشرفين ختي.
ريتاج: (يخويلك جناب وضروس وركابي مكتوبة على جبهتي مريم العدرا اوديييي ) مشرفين خويا عمران
علي: نهار كيير هادا شحال هادي متجمعنا
عمران: هاحنا تجمعنا دابا
علي: ياله لبنات تمشيو تلعبو ريتاج متخافيش حنا معاك ههه عمران تمشي؟
عمران: نو غير خودو راحتكم
سعد: انا غادي نجلس معاه
عمران: غير سير الا بغيتي معنديش مشكل
سعد: اوكي خويا، ريتاج ياله هاد نهار ممفاكش معاك هههه
ريتاج: امممم دابا نشوفو هادشي فين غادي يخرج غير الله يستر
(مشينا لواحد اللعبة هي صعيبة ولكن لعبو فيها هي صندوق العجائب)
ريتاج: امممم دابا نشوفو هادشي فين غادي يخرج غير خليوها على الله
(مشينا لواحد اللعبة هي صعيبة عليا ولكن ندير لهم خاطرهم لعبو فيها سميتها الصندوق العجيب انا ترددت فاللول ولكن هوما لصقو فييا وهي كتلعب بحال شي قطار كيركبو جوج جوج وانا معنديش معامن لعب نجلس اووف غير راني مجرورة معهم هداك عمران شوية حاس براسو ولا مزال معرفناه مزيان مشا لشي قهوة مهم على بركة الله جلسنا لبسنا هادوك نظاظر ديال 3D قادينا الصمطة وهي بداك كتحرك ودخلنا فوسط هداك الغار فاللول كدخل كيتلاح عليك الورد و كيبانو تصاور ديال سندريلا و شخصيات ديال تويلايت زويين هادشي واااااااع وااااع وووااا ميي وعباد الله عتقو الررووووووح هئ هئ هئ هئ كلاااب خرجوني اولاد لحرام الله ينعل طواسلكم الله يعطيكم مندبة هئ هئ هئ هئ واااااااععععععع ويك وييييييك هئ هئ هئ خرجووووني من هنا وااااااااع بعدني بعدني هئ هئ هئ بقينا شي 15 دقيقة ديال الرعب عاد خرجنا مهم حالتي حالة لبكا مع لخنونة ولميكاب لي تجخلط ولعاصير ولكلاص لي لولي تيشوورط لبيض واهم حاجة احم السخةنية لي كنحس بيها بين فخاضي...
ريتاج: (خرجنا من تماك وانا مصعوقة ومنين شافوني شدو فيا مزيان )هئ هئ حشومة عليكم راكم عارفيني كنخاف
زينب: (شادة الضحكة ) اوووه كوليتي اريتاج ههههه سمحيلي ولكن هههههه نوضي نوضي
ريتاج: كلبة مضحكيش لا منيضاش قلبي على جدي هاد الساعة
علي: هههه سمحيلنا خيتي والله معرفت
ريتاج: (ويلي على تحشيمة تفو) صافي غير سيرو انا دابا نجي بقاي نتي اديك الشمكارة (مشاو سعد وعلي وهزال عند عمران بعد مرغبتهم يمشيو يسبقونا وحنا نتبعوهم منين وقفت شهقات زينب)
زينب: ههههههه اوييلي ريتاج بلتي على حوايجك هاهاهاهاها اويلي واكرشي مقديتش ومي هههههه
ريتاج: زينب والله حتا نتقلق منك الخريوة دبصح تفوو
زينب: صافي صافي اختي ههههه
ريتاج: بفففف شنو ندير فهاد المصيبة غادي نشد داكسي ونمشي بحالي...
ريتاج: بفففف شنو ندير فهاد المصيبة غادي نشد تاكسي ونمشي بحالي المشكل مكنعرفش العنوان فين اووووووف
زينب: اممم غادي نصوني على علي نمشيو نشريو شي حاجة تلبسيها هادا هو الحل اصاحبتي ههههه
ريتاج: ويلي لاااااااا أويلي على فضيحتي
زينب: مكاينش شي حل اخر ازبلة هههه هبيلة حنا حيدنا نظاظر منين شفنا داكشي ههههه انا نصوني لعلي هههه الو حبيبي اجي راني بغيتك ضروري... اوكي بيبي.
ريتاج: عنداكي تقوليلو انا بلت على حوايجي والله حتا ندبح مك
زينب: علاش هادي حاجة كتقال خخخخ عطات ريحة ههههه
ريتاج: حلفي بالله اويلي على فظيحتي فاللول سعد ودابا علي اويلي اويلي انا لي كلبة تبعاكم
علي: لبنات مالكم مجيتوش
ريتاج: خويا ديني لشي بلاصة نشري حوايج هادو توسخو بزاف ميمكنش نبقا نزيد نتحرك بيهم (كنشوف الكلبة شادة الضحكة غير هي غادي تفرشني السفلية)
علي: مرحبا خيتو يالهو راه كاين مول قريب من هنا
ريتاج: شكرا خويا علي (ركبت لور وبقينا غاديين فطريق تكرهت بزاف واكترية منين شفت علي حل سراجم كاملين اويلي على شوهتي ريحتي عطات فينما مشيت تفو هلى خرجة كانت زوينة فاللول اش داني نسمع كلامهم ناري ريحة بعدا انا طالعة معاية اوووف واخيرا وصلنا لمول دخلنا وخا شي انظار علية مديتهاش فيهم انا تشوهت تشوهت اول محل دخلنا فيه بدلت ديك الشوهة زينب مشات خداتلي شي صبيبيط لبست داكشي وشي لاخر لحتو هو كنت بغيت نديه نصبنو ولكن مجاتش وحشومة كان عزيز علية داك السروال تفو مهم تمينا خارجين عند علي وانا نشوفو كيعطر اللوطو غير شافنا خبا المعطر وييييلي على فقصة تفووو مشينا وركبنا فاللوطو دانا لبلاصة لي فيها الشلة بقاو هوما كيهضرو وكيضحكو وانا ضاربة الطم صافي محملتش نزيد دقيقة هنا تعصبت كملنا من تماك مشينا نتعشاو فواحد المطعم سوري كلشي رحب بالفكرة مشينا طلبنا اكل سوري زوين واخا مكانش عندي كانة كلينا و تمينا راجعين فحالنا للمجمع)
ريتاج: دراري شكرا بزااف على هاد الخرجة تصبحو على خير
سعد: أجي لهنا الفنيكيشة بلا متقلقي راه عادي (وعنقها)
علي: اجي عند خوك اجي (جرني وعنقني) وصافي متقلقيش اخر مرة ديري شي حاجة مبغاهاش
عمران: علاش شنو وقع؟
سعد: غير تخلعات شوية كتخاف من الالعاب وحنا بززنا عليها
عمران: اه
ريتاج: هانية دراري ياله نخليكم تصبحو على خير لبنات انا نصبقكم (كل وحدة بقات مع حبيبها شوية و داك البقوص ديال عمران خدا اللوطو ديالو ومشا سبقهم لفيلا حيت ياله جا من سفر زعما ميشوفش معايا راني وحدانية هههه مصااب يبغيني واخا مكيشوفش فيا حتى الشوفة..
#عمران.. كيبانو هاد لبنات ضريفات اول مرة كنشوف صحابي معرفين على بنات مغربيات ضريفات وزوينات واخا صمعتهم زي الزفت كرهتهم منين كنت فالخليج ولكن مخصنيش نعمم الفكرة، ديك البنت اه ريتاج فشكل جاتني مكبرة شوية ولا معرفت المهم فرحت لصحابي حيت لقاو حب حياتهم واكيد بدورهم غادي يحميو البنات من اي حاجة مدام اختارهم الا هوما عارفين اش اختارو وتاقو فيهم...
(طلعو لبنات ودراري مشاو لحقو على صاحبهم لي مدة متشاوفو فيها)
ريتاج: على سلامة تعطلتو اجيو اجيو تشوفو شنو بادي
زينب: انا عيانة غادي ندخل نعس
هزال: حتا انا البنات نمشي لبيتي نعس حتا لغدا ونجي عندكم تصبحو على خير
ريتاج: (معجبهاش الحال حيت ولات كتجلس بوحدها)اه اوكي على خاطركم انا نخرج لهول ونجي
زينب: ريتاج ريتاااج اويلي مال هادي تقلقات مني
هزال: اه باينة فيها مقلقة اووف اصاحبتي كنا تافقنا صباح نسهرو فليل ونعاودولها على لبارح
زينب: اهه يااااااخ نسييت فمرة والله غادي تقول لقاو حبابهم ونساوني، معرفت فين تكون مشات..
هزال: نتسناوها راه مغاديش تعطل حيت البرد برا
ريتاج: (منين سديت لباب بالجهد خرجات واحد البنت ساكنة قدامنا..) اوبس سمحيلي ياكما نوضتك من نعاس و صدعتك؟؟
....: نو ماشي مشكل هاي انا سميتي روز
ريتاج: متشرفين انا سميتي ريتاج
روز: متشرفين اجي مرحبا دخلي
ريتاج: نو شكرا انا بغيت نخرج شوية لبرا
روز: اممما اذا نخرج معاكي ههه
ريتاج: هههه مرحبا عاد جيتي حيت معمرني شفتك من قبل!!
روز: اه عاد جيت من كليفورنيا انا بابا من لبنان وماما امريكية ونتي؟
ريتاج: أنا مغربية واش نتي مسلمة؟ حيت الاب ديالك من اصول عربية؟
روز: اممم الديانات كان قراري الخاص إنا واحد انضم ليهم واخة الاب ديالي عربي فههو مسيحي ادا انا مسيحية مكنعرفش على الدين الاسلامي بزاف من غير انهم للاسف راكي عارفة شنو كيقولو عليه الارهاب وداعش...
ريتاج: نو حبيبة مزالة تعرفي الدين الاسلامي وتغيري الفكرة ديالك هو دين السلم والامان دوك الاشاهات كلهم كذوب
روز: اممم اوكي حبيبة قبيلة شفت الشلة ديالكم لتحت باينة كنتو مستمتعين بوقتكم سعداتكم انا مكنعرف حتا واحد هنا!!
ريتاج: اه بزاااف دابا نعرفك عليهم شي مرات ونعرفك حتا على لبنات زينب وهزال
روز: شكرا بزاف ارتاحيت معاك فالهضرة
ريتاج: حتا انا فوقما حبيتي انا معاك راحنا جيران ههه
روز: هههه اه جيران
ريتاج: كتعرفي العربية شوية؟
روز: اي بعرفها بس مو كتير أبي كان يضل يعلمني فيها وحنا كتير كنا نروح لبيروت ومصر وقطر والمغرب..
ريتاج: مزيان مرحبا بيك الا مشيتي عاود المغرب. واش ساكنة بوحدك؟ مزال مجات الرفيقة ديالك؟
روز: امم نعم ساكني بوحدي مكنبغيش لي يسكن معايا كنفضل نبقى بوحدي
ريتاج: اه اوكي مهم فوقما بغيتي تجي اجي مرحبا بيك تصبحي على خير جاني البرد
روز: شكرا حبيبتي تصبحي على خير
ريتاج: (دخلت لدار لقيت هزال وزينب جالسين ف سيجور) مالكم مزال فايقين؟ ياك عييتو(كنقولها وكنعيبهم) مهم انا داخلة نعس
زينب: سمحيلي احبيبتي والله مقصدت قبيلة راه غير تسخسخت
هزال: حبيبة سمحيلنا بزاف راكي عارفة شحال كنبغيوك وكنا باغيين نجلسو نتعاودو وقلنا نخليوها لغدا حسن
ريتاج: اممم اوكي هانية
زينب: وصافي الحميمقة ديالي واش انا نقدر نعيش بلا بيك (عنقاتني وجات حتا هزال عنقاتني)
ريتاج: اوكي اوكي خنقتوني ياله حتى لغدا ونكملو هضرتنا (دخلت لبيتي كان فيا لموت دنعاس)
زينب: ياااك لمك من صباح وحنا كنتسناوك ودابا داخلة واخة فيك
ريتاج: تصبحي على خير حمارتي
زينب: مكيناش الحمارة قدك يا الجحشة (هزال كضحك على زينب)
ريتاج: تصبحي على خير حمارتي اوس اتنان هاهاها..
هزال: فاااكيوووو ريتاج (مخلياهم كينبحو وضربتها باحسن نعسة وحتا هوما مشاو ينعسو وهزال مشات لبيتها حيت كتعدب فالنعسة مكرهناش تجي تسكن معانا ولكن)
#عند #سعد& #علي& #عمران
عمران: شباب كنظن لبنات مفراسهم والو؟
علي: نن فظلنا حاليا ميكون فخبارهم والو
عمران: على ثقة؟!
سعد: اكيد على ثقة كون هاني انا مبغيتش يعرفو لاسباب امنية احسن يكونو بعاد على هادشي
عمران: علي شنو درتي مع جماعة زايوس فموضوع؟
علي: اووف مذكرليش اصاحبي داك الكلب فوقاش يجي بين يدي نرفسو
سعد: علي خاصك تهدن باش ميمشيش كلشي فالريح
عمران: سعد عندو الحق خاصك تبرد هاد الساعة
علي: اممم اوكي ونتا شنو درتي فالخليج
عمران: صافي كلشي اوكي الجماعة كتسلم عليكم حاجة وحدة كانت كتستفزني تماك كانو كيقصرو غير بالمغريبيات وكنت كنتكره فينما كانت كطيح شي وحدة بين يدي كنقتلها عصا ولكن اكيد مكنبين علاش زعما هديك هي الرغبة ديالي
علي: هههه عبرتي عليهم ولكن راه ماشي كلشي بحال بحال راه كاين لي لاحتها الظروف تماك
عمران: علي عفاك بلا مندخلو انا وياك فشي تفاصيل نتا تجبد و انا نجبد خلينا من هادشي توحشتكم الذياب هههه
سعد وعلي: اووووووو (بحال الذئب) ههههه
عمران: اوا كيف قضيتكم مع هاد لبنات؟!
سعد: انا البنت عاجباني بزاف 3 شهور وانا كنتبعها باش نزيد نتعرف عليها كتر مهم لقيتها مزيانة ليا ومرتاح معاها بزاف بالمعنى المعلم طاح على راسو ههههه..
علي: انا كنبغي زنوبتي صراحة اول مرة كنحس بالحب بالمقرانة مع علاقاتي السابقة هي غير كل لبنات لي عرفت كتعنيني بزاف وراحتي لاقيها معاها بزااف اوا ونتا مناويش؟
عمران: مزيان والله الا فرحت ليكم حسن ليك بعدا من ديك المسخة ديال جاسمين.. انا خوتي مزال الحد الان مجرد نزوات عابرة وصافي.. اممم عندي ليكم خبر خايب!!
سعد: قول شنو كاين؟!
علي: ياك لباس؟!
عمران: خاصكم تخويو هاد الايام!!!
علي: بصح!! مفيهاش؟! (سعد بقا ساكت)
عمران: علي متنساش راسك اولا!!ا
علي: راك عارف اصاحبي اوووف واش مدة طويلة؟
عمران: لا يمكن ماشي بزاف مهم غدا سيرو ل... وغادي تعرفو شنو كاين اما بالنسبة للبنات متبينو والو قدامهم اوكي؟
سعد: واخة حسن ميعرفوش ومنين نجيو الف عذر يكون ولا نتا اعمران قول ليهم شي عذر اوكي وتبقا تمشي عندهم راه ضريفات وتهلا فيهم فغيابنا
عمران: اوكي خويا كون هاني بحال خوتاتي
علي: حقا مقلتش ليك داك الحقير ديال زايوس راه كيتبع زينب عينك عليه اوكي خويا
عمران: حقير واخة خويا راه 100% مغاديش تعطلو بزاف كونو هانيين
سعد: عمران سير معا لبنات لمقر الجمعية حيت غدا الاثنين غادي يبداو
عمران: بصاح هاد العام غادي يبداو مزيان حقا شي خبار على كميليا؟
سعد: احم والله مزال الحد الان كلشي غامض حتى حاجة ممفهوما
عمران: زايوس انسان خطير ومطور بزااف لا يستهان بيه خبييث
علي: انا كنعيا مراقبو والو خطير بزااف
عمران: دراري نخليكم عييت بزاف هادي سيمانة كنعس 2 سوايع فنهار صباح بلا مافيقوني عفاكم اوكي بيناتنا لألو تصبحو على خير
سعد&علي: تصبح على خير (طلع لبيتو يرتاح وبقاو دراري)
سعد: اوووف هاد المجية خرجاتلينا من الجنب معرفت كيف غادي تقبلها هزال؟
علي: ونتا حتا شوية شوف انا لي المصيبة زايوس حاطها فراسو وغادي نمشي ونخليها ومعارفش حتا امتا نوليو نجيو حتا قلت الامور تقدات وولات تعكسات
سعد: متخافش عمران غادي يحظيها ياك نتا نبهتيها منو؟
علي: راه كلات عليه طرشة ماشي لحمار عنقها
سعد: بصح مفخباريش
علي: لقيتو ديك الليلة عارضها لعشا وعنقها زعما تعبير على الاسف ديالو
سعد: حقيير واخا هكاك مكانش عليك ضربها هضر معها غير بالتاويل
علي: غير كتقول وكان كانت هزال وكان دبحتيها فبلاصتها!!
سعد: اممم مهم نتا حاول تبقا تجمع يديك وصافي كاين طرق خرا باش تعاقبها ياله نخليك نمشي نعس دابا وحتا نتا حاول تنعس راه معرفت شنو تابعنا غدا!! تصبح على خير..
علي: تصبح على خير...
أصبحنا وأصبح الملك لله... فقت على الهضرة والضحك برا خرجت نشوف شكون لقيت عمران جالس ابتسمت معاه وردلي الابتسامة سلام!
عمران: سلام جيت نقولكم واحد الخبر
ريتاج: واخة انا نغسل وجهي ونجي عندكم (اووف قمعتو هاهاها غسلت وجهي وسناني ومشي جلست حداهم)
عمران: (مال هادي على هاد الزربة )احم سعد وعلي راهم سافرو لواحد لبلاصة جاتهم على غفلة مكانش عندهم كيف يخبروكم (لبنات دارو يديهم على فمهم بقوة الصدمة) المهم انا معاكم ولي احتجيتوها أنا هنا(سررر سررر
ريتاج: انا نشوف شكون... روز مرحبا بيك دخلي
روز: سمحيلي مكنتش عارفة عندك الناس
ريتاج: نو نو حببة هادو كاملين اصدقائي المقربين تفضلي (عمران بقا كيتوشوش مع البنات) كنقدم ليكم روز ساكنة قدامنا تعرفت عليها البارح.. هادي زينب هزال وعمران
الكل: متشرفين
روز: الشرف لية (كتشوف فعمران) جيت نخبركم غدا كاينة الحفلة ديال الجمعية
ريتاج: اوووو بصح مكانش فخبارنا
عمران: راه كنت باغا نقولهالكم ولكن الانسة سبقاتني (كيتبسم ليها اوووف حب جديد غادي يتولد هنا يمكن!! اووف وانا مالي ماعلياش الله بوعزة معاهم ماااعلينا صاحب دعوتي مزال مبان واااع غير بان راني نعجبك شلا حوايج مخبعا ليك.. كنشوف فزينب&هزال مراهمش فهاد الكوكب غير كيفكرو بقاو عمران وروز كيتعارفو وانا مشيت نقاد الفطور ولحقات علية
زينب: اوووف يا ختي علي مغاديش يكون كلشي غادي يبسال
ريتاج: راه قالك مغاديش يتعطلو وزايدون مشا على قبل خدمة
زينب: ولكن كان عليه يقولهالي ولا يخبرني غير فتيليفون
ريتاج: راه قالك عمران مصلحلوش يخبركم وتفهمي وزايدون غدا الحفلة ونبداو علاش جينا اوكي
زينب: اوكي منين تعرفتي على روز؟!...
ريتاج: لبارح منين كنت خارجة تعرفت عليها قالتلي هي لبنانية باها عربي ومها أمريكية غير هي مسيحية راه كتعرف شوية العربية باش تبقاي تشدي الفران
زينب: اممم مزيان ساكنة بوحدها؟
ريتاج: اه بوحدها وكان غير تجي تسكن معها هزال باش تقرب لينا
زينب: اه بصح واخا محملتهاش متصرطاتش ليا انا قلت نتي وعمران ت..
ريتاج: نوو حشومة ضريفة دابا تهضري معاها وتعجبك اما عمران انا وياه لا علاقة جيبي جيبي داك لبلاطو وياله نحطو الفطور دابا ترتاحي ليها!!
زينبب: امممم ريشبوند باش نرتاح ليها انا!! سيري سيري الله يعطينا وجهك (حطينا الفطور وكلاحظ روز مكتحيدش عنيها على عمران متسوقتش ليها فطر معنا عمران ودار معانا غدا يجي ياخدنا الحفل الافتتاحي ديال الجمعية حيت علمنا غادي تكون الدنية مخلطة بزااف)
عمران: (امم عاد عرفت علاش دراري بغاو هاد البنات ولكن لي تار انتباهي الكميرات حتا يجيو ونفهم واش هوما لي راهم ولا لا) لبنات شكرا بزاف على هاد الفطور نتلقاو غدا ارتاحو دابا مع السلامة ولي خصاتكم صونيو عليا ها نمرتي
ريتاج: (شفت حتا روز كتقيد النمرة ههههه)
روز: اممم ممكن غدا نمشي معاكم
عمران: اه مرحبا روز باي لبنات
زينب: اويييلي نتي رزني مالكي (لهضرة لروز)
ريتاج: (خرجت عيني فيها) اويلي ازينب سكتي
زينب: هاهي نوض نجمع هاد روينة
هزال: حتا انا نقاد معاك (مشاو الكوزينة) محملتش هاديك روز ولكن غادي نطلب من الادارة نجي نسكن معاها باش نقرب ليكم
زبنب: صراحة معندك مديري بيها نتي هانتي كتجي لعدنا مكاينش لاش تعرف اخبارنا نقدرو نكون تسرعنا فالحكم عليها ولكن اسرارنا تبقا عدنا
هزال: عندك الصح
روز: حبيبة انا غادي نمشي حتى لغدا ونجي باش نمشيو كاملين اوكي باي
ريتاج: اوكي باي
زينب:(عاد خرجو من لكوزينة ) مشات ديك زمر دروز؟!
ريتاج: اه مشات حتا لغدا وتجي باش تمشي معانا
زينب: اممم اوكي نمشي نجيب الغدا ونجي
هزال: تبتي شوية مسمعتيش شنو قالك عمران؟
ريتاج: شنو قالها شفتكم كتوشوشو قبيلة؟!
هزال: قالها هاد الايام خاصها تحضي راسها من زايوس...
ريتاج: اه عندو الصح خلي بعدا غير علا ميجي علي ياله اهزال نمشيو انا وياك ونتي سورتي لباب (مشينا جبنا الغدا ونيت وقفنا زايوس سولنا على زينب وقلنالو راها ناعسة ومشا وهو ممتيقناش دينا الغدا نظفنا الدار وعاد كلينا وكلل وحدة مشات تكات واحد شوية باش العشية نخرجو لسينما ديال المجمع ومنها نتعاودو شوية حيت مزال معرفت شنو وقع ديك ليلة هداك عمران فشكل منين كيبقا يشوف فينا بحال كيقرانا شخصية عندو واحد الهيبة فشكل ناهيك على واحد الجمال عندو عربي حروفو كوحل مشاء الله عليه عليها روز محيداتش عنيها عليه هههه انا كيخلعني شوية...)
#عمران: طيط طيط... الو وي... اه مشيت عندهم هاد نهار... ههه ضروري سولو فيكم.... بصاح اوا مزيان... واخا مع السلامة (صراحة لبنات ضريفات بزاف دغيا كيدخلو الخاطر انا مكنتش كنبغي نختالط بيهم ولكن هاد البنات بريئات وزوينات ولكن روز حسيت بيها محيداتش عنيها علية زوينة مبيهاش لبنانية وعقليتها ميريكانية... نمشي نكمل شي خدمة باش غدا غادي نكون فالحفل)
ريتاج: زيينب وسربي اصاحبتي لفيلم غادي يبدا اوووف منك
زينب: صافي هانا كملت نمشي انا وهزال نجيبو شيبسات ونتي شدينا بلاصة
ريتاج: مال مك فحمام (مشينا جلسنا فربيع فرشنا واحد الحصير صغيرة وهزال جابت مخاد صغار كلسنا كنتفرجو ف resident evil afterlife عجبنا بزاف ومن موراها مشينا لريسطو نتعشاو شوية وجاء لي مكناش باغيينو يجي)
زايوس: سلام زوينات
كانا: سلام
زايوس: (جر كرسيه وجلس) انسة زينة قااولي كنتي عيانة كيف بقيتي دابا؟
زينب: الحمد الله شكرا
زايوس: الا معندندكش مشكل ممكن تمشي معايا الحفل غدا؟
زينب: احم غير سمحلي غادي نمشي مع صحباتي
زايوس: (معجبوش الحال معمر شي وحدة رفضاتو) احم اوكي نتلقاو تماك امسية سعيدة انسات مع السلامة
زينب: يا ختي فيه حلاوة السان دوماج مرتابطة ههه
هزال: اه باين عليه ضريف ومعجب بيك
ريتاج: وبااز وكان شافك علي يخلط مك مكفاتكش هديك الطرشة لي كليتي
هزال: اووو نو طرشك علي؟!
زينب: (مخرجة عينيها فريتاج) تفوو على عيشة الفرشة.. ويي هزال طرشني حيت لقا زايوس معنقني ولكن متخافيش (غمزتها) رغبني بالبوسان ههههه
هزال: ههههه حتا انا داك نهار وكان مهربتش منو وكان درنا ما كتر ونصدق جايا حاملة (بقات هزاال كتعاودلنا علا عشاءها الرومانسي سعدااتها صدق سعد فشكل رومانسي السيد وحتا زينب بقات كتعاودلنا منين خداها لفيلا وحتا هي ترومنسات مع علي وفهمها على سوء اللهم للي وقع وعاودلها على ديك لبنت)
7ريتاج: سعداتكم البنات والله مكرهتش حتا انا لقا لي يترومنسا معايا وي...
عمران: احم سمحولي لبنات قاطعتكم (ضحكاتني هادي يعني هي ممرتابطاش)
ريتاج: (اويلي اويلي على شوهتي منين جيت ونا فهادشي تشوهت مع دراري سعد مع التقية والروائح علي مع البول وهادا تاني يقول غير شي وحدة من ياهم....) احم لا مكاينش مشكل تفضل..
عمران: (شاد الضحكة حيت سمعني شنو قلت..) اممم غدا الا بغيتو نجي عندكم صباح ناخدكم لشي صالون باش تقادو راسكم حيت الحفلة غادي تكون فيها صحافة؟!
زينب: لهلا يخطيك اخويا عمران ولكن كلشي عندنا هنا بلا منصدعوك معانا
عمران: نو مكاين لا صداع لا والو غدا وجدو راسكم 1 نكون تندكم اوكي ياله نوضو تمشيو فحالكم تنعسو راها 12 دليل، اه ومنساش غدا راه ممكن ديرو شي انشطة على حساب وصافي اوكي ياله نوضو ههه
هزال: حاضر سيدي هههه تصبح على خير اخويا
زينب: تصبح على خير خويا (انا مبقاليش الوجه باش نشوف فيه زدت وخليتو كيشوف فية تفو على زهر ديما سعدي فالشوهة مشيت تبعت البنات طلعنا لدار هاد المرة نعسات معايا هزال وزينب نعسات بوحدها تصبحون على خير....
...أصبحنا واصبح الملك لله... فقنا على خاطرنا غسلنا وجهنا وصلينا صلاتنا هبطنا فطرنا فريسطو بقينا تماك حتا جا عدنا
عمران: صباح لخير لبنات وجدتو راسكم؟!
زينب: صباح الخير خويا اه واجدين، نمشيو نجيبو غير حوايجنا ونجيو (مشينا جبنا حوايجنا لي غادي لبسو اليوم فالسهرة معا الخرجة كلقاو روز معاه)
ريتاج: هههه مسخوطة مكضيعش الفرصة
زينب: ههههه بحالك يا البهلولة
ريتاج: لا لااا حبيبتي بعيد البلا عليا زيدي زيدي نمشيو، سلام روز
روز: سلام ريتاج قالي عمران غادي ياخدكم لصالون وقلت نمشي معاكم
زينب: (مخالتنيش نهضر) اه حبيبة غادي يدينا لحقي علينا باللوطو ديالك الا بغيتي كما كتشوفي حنا ب 3 (وكتحسبلها بصباعها)
روز: اممم اوكي دابا لحق عليكم باي (معجبهاش الحال ومشات لوطو ديالها)
عمران: ياله لبنات ركبو باش متعطلوش فين روز مشات؟؟!
زينب: اه مشات قالت مبغاتش تمشي معانا وركبات حداه (انا غير حالة فمي فيها مسخوطة هادي)
عمران: اه على راحتها هي لي جات كترغبني باش تجي معانا (دانا عمران لواحد صالون غزال كان خدا لينا موعد معاهم مهم قادينا امورنا من زغب وظفار وشعر ميكاب لبسنا كسوات ديالنا جينا طوووب بشهادة الجميع وصلات 4 دالعشية جابت لينا واحد الموضفة سلاطة بحكم منقدروش ناكلو بزاف كلينا واخة انا مشبعتش بزاف مهم سكتنا الجوع بقينا جالسين حتا قالونا راه عمران كيتسنانا لتحت وهنا كانت مفاجئة زوينة)
زينب: علي!!! واااااو احسن مفاجئة (تعانقو وكذالك سعد وهزال وانا الموثقة ديال اللحظة وكانت حتا روز مع عمران يمكن عيطاتلو ولا عيطلها بقيت انا واقفة شادة الحيط لا يطيح )
سعد: اممم انسة ريتاج جيتي غاية تبدلتي بزااف دوماج زربت يمكن
هزال: (ضرباتو فكتفو) مستر سعد نحن هنا
ريتاج: (حشمت)ههه شكرا سعد حتا نتا
علي: (صفر) وااو هادي نتي عندك متقولي فين كنتي مخبية
ريتاج: (خرجتلو لساني) امممم العود لي تحكرو يعميك ههههه
عمران: ياله نمشيو باش منتعطلوش (جات زوينة بزاف ريتاج ولكن مقدرتش...
عمران: ياله نمشيو باش منتعطلوش (جات زوينة بزاف ريتاج ولكن مقدرتش نقولهالها مزال مطلقت عليها مزيان خفتها تفهمني غلاط.. ركبات حداية روز بعد معيطاتلي وقالتلية شنو قالت ليها زينب هههه ضحكتني زينب باينة محملاتهاش واخة روز زوينة )
سعد: ريتاج اجي ركبي معانا
ريتاج: اوكي خويا سعد( وليت كنتحرج من هاد القضية كنضيعلهم غير الجو واخا هوما مكيحشموش قدامي ولكن واخة هكاك كلشي كيبغي الخصوصية كما العادة بقا سعد كيترومانسة مع هزال وكيقولها شحال توحشها وشحال جات زوينة وكرل مرة يجلسو فالقبل لي انا كنتزنك بحال كيبوسني انا مهم موصلنا حتى بغا يطرطقلي شي عرق فراسي كما كان الحال راني مكبوتة هاء زعما سيليباطير وقفو الطموبيلات وخرجنا واااو كانت الدخلة ديال القاعة هائلة بضواو والنفاخات مع الدخلة خاصنا نوريوهم لبادج ديالنا حيت كانت حفلة خاصة بينا دخلنا وكانت الدنيا فشكل واشكال عيييييش اكانيش دراري دخلو لداخل جيبونا مشروب)
ريتاج: وااو هادشي رائع
زينب: اه ياختي فن هنا فين غادي نبداو التدريب ي سلااااام
هزال: حقا لبنات شنو تخصصكم نتوما انا مسرح
زينب: انا أغناني ورقص
ريتاج: (جلسنا كنتسناو دراري )بحال زينب اغاني ورقص باينا غادي نستمتعو مزيان (مع الدورة كنقشع) لبنات شوفو شوفو روز وعمران
زينب: (مع الدورة شهقت) حاي على هادي ياله تعرفات عليه وباستو
ريتاج: هههه مازوط يا ختي سريعة الاشتعال وهو كتر
هزال: هههه محملتهاش غير لاسقة فيه بغات ديرنا قنطرة باش تعبر ليه دغيا عبرتي عليها ازينب قبيلة
زينب: هههه تستاهل ياله نوضو لهيه قبل ميجيو دراري
ريتاج: تي ريحي حتا يجيو دراري راه دخلو غير لداخل ويجيو (جانا عاود هاد زبل)
زايوس: انسة زينب!! جيتي فاتنة (وباسلها يديها)
زينب: (بصدمة وخافت يشوفها علي) زايوس سلام! شكرا
زايوس: تسمحيلي برقصة
علي: سلام زايوس ممكن ننفرد بحبيبتي شوية؟!
زايوس: استاد علي نتا وزينب(باستغراب)
علي: اه زايوس نخليك دابا (خدا زينب من يديها ومشا كيرقص معاها بكل رومانسية تحت انظار زايوس لي محيدش عينو عليهم...)
(خدا زينب من يديها ومشا كيرقص معاها بكل رومانسية تحت انظار زايوس لي محيدش عينو لي ولاو حومر عليهم متسرطاتلوش ومعرفش انها على علاقة مع استاد علي كره هاد الوضعية مشا لبار كيشرب... كفاش هادي 3 شهور وانا مراقبها ومعرفتش بعلاقتها معاه كنكره نخسر مشا عند واحد وخبرو بشي حاجة وعطاه الغبرة دخل لواحد القاعة وبقا كيشمها باش يبرد شوية...)
علي: (فودنيها) علاش خلتيه يقييسك مرة خرى ازينب
زينب: والله احبيبي حتى فاجئني متقلقش مني احبيبي عفااك
علي: اخر مرة ازينب منضيعوش هاد الليلة (بقاو كيرقصو)
سعد: عمران شفت علاقتك دغيا طورات مع روز
عمران: (بدون مبلاة) هي بغات العلاقة طور وانا مكنبغيش نخسر الخاطر حلحتى واحد (غمزو)
سعد: هههه نتا هو نتا نمشي عند الحبيية ديالي
(مشا عند هزال وخداها باش ترقص معاه وبقيت انا بوحدي وكاس العصير فيدي حتا وقف علية واحد تيتيز)
....: سلام انسة تسمحيلي بهاد الرقصة
ريتاج: سلام سمحلي مكنعرفش نرقص
....: نوو هاد الزين كامل ومكيعرفش يرقص، اسمي ستيف
ريتاج: متشرفين سميتي ريتاج
ستيف: من انا بلاصة نتي كنظن ريتاج سمية عربية!!
ريتاج: هههه اه من المغرب (بقيت انا وستيف كنتعارفو ضريف بزاف وضحوكي).... ولكن واحد الشخص من بعيد كيشوف ريتاج بتخبية وبطرف عينو وروز لاحظات هادشي
روز: بيبي فين سارح
عمران: والو بيبي غير كنشوف وصافي
روز: حبيبي اجي معايا لواحد البلاصة
عمران: ههه فين باغا تديني؟
روز: غير زيد وتشوف بعينيك (دخلاتو لواحد الغرفة وبقات كتبوس فيه بحرارة ومشات شعلات الضو وجبدات من بزطامها ميكة صغيرة فيها الغبرة وستفاتها فطبلة وبدات كتشمها بواحد العود هادشي كامل تحت نظراتو الباردة)
روز: حبيبي تبغي تجرب؟!
عمران: امممم عرض مغري ولكن حنا فالحفل وهادشي خاصو جلسة زوينة(غمزها)
روز: هههه اوكي حبييي انت شخص رائع
عمران: (بابتسامة ونتي اكلخ وحدة واخيرا راس الخيط غادي يبان..............) حبيبة ياله نخرجو دابا شوية غادي تقال الكلمة ديال الجمعية...
روز: اممم اوكي حبيبي نمشي نقاد الميكاب ونرجع لعندك
عمران: اوكي حبيبتي ( خرج من تماك ومشا لجردة) الو... واخيرا بانت شي حاجة.... هههه اكيد الفرصة جات حتا لبين يدي.... مع السلامة
(رجعت دخلت ولقيت ريتاج مزالة مع هداك لكيليميني بغيت نمشي عندهم باش نشوف واش كيتبسل عليها ولكن بداو الموسيقى ديال الجمعية باش تبدا الكلمة كلشي تقاد التاحقو البنات وسعد وعلي وجلسو فالكراسة باش يسمعو للكلمة كما العادة بدا رئيس الجمعية ولقا كلمتو ورحب بلي كونديدا وعطا انطلاقة ديال الموسم )
زينب&ريتاج&هزال: وووووووو (كلشي كيصرخ حيت غادي يغنيو فرقة ديال Fifth Harmony___ worth IT) كنحماااق على هاد الاغنية (بقينا كنشطحو عليها كاملين وحتا دراري معانا الا عمران وروز لي كانو بوحدهم مدينهاش او بالاحرىةهوما لي مدوهاش فيهم انا بقات عيني عليهم كيضحكو وكيتخابرو دغيا نساجمو حاولت نشتت نتيباهي باش ميلاحظوش وميلاحظش هو حيت بقا شوية وناكلو بعيني بقينا محيحين مع هاد الفرقة من بعد مشينا لبيفيكلينا كل واحد خدا طبق ديالو وانا طحت على الماكلة بحال العما فالضلمة هادي تنفع وهادي ضر ااو نهار كامل وانا بجوع كملنا طحين وخرجنا لجردة دراري كانو هازين شراب فيديهم )
زينب: حبيبة كتشرب؟!!!
علي: حبيبتي ماشي شي حاجة غير بروطكول وصافي مكنشربش باش نسكر
زينب: اممم حتا انا بغيت نشرب احبيبي
علي: هههه مثلا عرفتي احبيبتي وكان قلتيلي هاد الهضرة ونكونو غير انا وياك الراس فالراس
زينب: كمل احبييبي
علي: ندفن مك تحت الارض مزيان تبارك الله داكشي لي بقالك انا نجيبلك عصير ونجي بقاي حدا لبنات وعاود...
ريتاج: خخخخخ عبر عليك
زينب: (دارت لعندي) لمك كنتي كتصنتي علينا!!!
ريتاج: خخخخ وانا وراية اييه غيركم ههههه صاحبتي واش هزال لي كتشرب ومطلباتش شراب رزني شوية احمارتي ههه (مشات عند هزال وخلاتني بلاكة بنت لحرام جا عندي ستيف)
ريتاج: ستيف مزيان؟
ستيف: واقف مع احلى بنوتة اذا انا طوب مزيان
ريتاج: اووووو غزل
يتبع...
