صفحة القصة
هزال: مفهمتش شنو قلتي؟!
زينب: قالت الا عاجبك نوتيلا نتاعك خاصك تعلمي اللغة المغربية باش تبقاي تفهمي شنو كيقول
هزال: اه عندك الصح كل نهار نجي عندكم تعلموني كنحماق على المغرب
ريتاج: هههه منصحكش بغي غير واحد وها وجهي الا بقيتي كتقولي بغيت نتعلم لشي مغربية ههه
زينب: هههه غير كضحك معاك اوا عاوديلنا على راسك؟؟!
هزال: اممممم أنا سميتي 'هزال بينتا' فعمري 20 عام من تركيا وبالظبط فأنقرا عايشة معا عائلتي بابا وخويا ومرتو ماما الله يرحمها ماتت هادي عامين كانت مريضة بالسرطان كنت فجمعية... وحيت بابا عضو فيها قرر يصيفطني لهنا حيت كنت مأزمة من موت ماما وخا خويا فاللول كان معارض حيت حتا هو ومرتو قبل عام كانو هنا وقعات شي حاجة مبغاش يقولهانا مهم بصعوبة باش تقبل المجيا ديالي بشرط فوقما صونا علية نجاوبو انا قريتها خوف اخ على ختو هئ هئ هئ... توحشت ماما بزااف هئ هئ متخيلتهاش تموت بهاد السهولة هي كذبات علية قالتلي سيري لدار ترتاحي وغدا رجعي عندي راني بيخير مشيت لدار ومنين رجعت عندها لقيتها فمستودع الاموات متحملتش الوضع بقيت كنغوت وخرجت لبرا حتا وقفت على واحد الطنوبيل كنت غادي ندير حادثة من تماك وانا في حالة اكتئاب عياو معايا والو حتا قرر بابا يجيبني هنايا ونيت بغيت نبدل الجو ونعرف ناس جداد وخا فاجعة ماما عمرني نساها الله يرحمها
ريتاج: (صراحة بكاتنا معاها فراق الام صعيب بزاف الله يخلي لكلواحد ميمتو والله يرحم أمهاتنا) عنقتها هئ هئ الله يرحمها ختي هزال من اليوم حنا خوتاتك
زينب: هئ هئ الله يرحمها ختي هزال حنا خوتاتك اي حاجة بغيتيها حنا مجودات
هزال: شكرا بزاف لبنات حيت سمعتولي رتاحيت بزااف معاكم انا كنت منعازلة بزاف ولكن نتوما دغيا دخلتولي لخاطري
ريتاج: حتا حنا ارتحينا ليك احبيبة انا نجيبليك كاس دلما صافي ميحي دموعك ونساي من اليوم حنا عائلة وحدة
هزال: شكرا حبيبة.. مشيت نجيبلها كاس دلما وكلمح علي وسعد كيشوفو فسرجم ديال بيت زينب شوية جاهم اتصال ومشاو اممم هاد شي فشكل اوووف ...
انا ديما كندير فيها محقق كونان يمكن حيت هو معجب بزينب ولكن سعد شنو اووف نمشي ندي لبنت كاس دلما
هزال: وكان كنت كنحتضر وكان راني مت عام باش تجيبي الما
ريتاج: هههه كنت كنقلب على شي حاجة اجيو نمشيو نتفرجو فشي فيلم
زينب: اه نمشيو نتفرجو اليوم الجزء التاني ديال تويلايت
هزال: اوكي ياله نمشيو
ريتاج: زينب هزي سوارتك راني ملقيتش سوارتي
زينب: اوكي، مشينا لديك السنيما خدينا بوب كورن وجلسنا كنتفرجو فيلم غزال يستحق المشاهدة فهاد الوقت دخلو لدار
علي: هادا هو بيتها ياك؟
سعد: اه هادا هو قاد داكشي وعنداك تحيد شي حاجة من بلاصتها اوكي قاد نتا شي لاخر المهم قادو معداتهم محد لبنات مكينينش فدار
سعد: حتا ليل ونديرو لكامرات لي باقيين فالدخلة ديال العمارة والدار
علي: اوكي اووف هاد الزبل غادي يخرجلنا من الجنب
سعد: لبنات امانة فرقبتنا اه عنداك تنسا متحطش ساروت فوق ديك الطبلة وخلي هداك لي صيبنا عندك
علي: اه كنت غادي نسا
سعد: مزيان منين فكرتي فهاد الخطة
علي: أنا لي كنعرف هداك ليهودي مزيان وانا خايف بزاف على زي زعما لبنات
سعد: امم حتى انا خايف عليهم دخلولي لخاطري
علي: يله نمشيو قبل ميسالي الفيلم.. من بعد مركبو لكاميرات لبيت زينب والكوزينا وسيجور ارتاحو شوية حيت علي غادي يبقا مراقب الوضع وحيت باغي يعرف زينب كتر.. مبانش لية زيوس هاد العشية؟
علي: راه فلفيلا ديالو راني صيفت لي تابعو
سعد: اه مزيان عرفتي راني مشهي بيتزا ياله نمشيو المدينة نتعشاو تماك.. مشاو كلاو تماك وسي علي منساش لبنات قال يخدلهم وحدة سعد شد فيه مزيان
(سرر سرر)زينب: شافت لقات علي وهي بداك كتهنقز وكتقاد فالمرايا لي حداها وعاد حلات علي لباس عليك؟ تفضل
علي: لباس الحمد الله لا غير خليك انا غير بغيت..
سعد: أنا ندخل بعدا فينها ريتاج؟ وهو يلقا هزال قدامو وابتاسم ابتسامة ساحرة لي خلاها مبلوكيا آنسة هزال بيخير؟
هزاال: تتعلثم ا اه بخير ونتا؟
سعد: لباس فين هي ريتاج؟
هزال: راه ف... راها فالحمام
سعد: ههه اوكي، علي جيب داكشي
علي: اممم اوكي دخلو تجمعو فوق الطبلة ولحقات عليهم ريتاج حطو 2 بيتزات وجابو حتا سطيلة ديال كنتاكي
ريتاج: امممم الله كنت مشهياه شكرا خوتي بزااف( غادي ناكل فخاطري حيت هاد الهبيلات غادي يديرو فيها الحشومة الله على هاد النعمة نيا هاهاها)
سعد: بصحتك الحمقة :) مهم بقاو كيكلو ونيت هزال وزينب كياكلو غير بالتاويل و مرة سعد وهزال كيسرقو نظرات اما علي غير كيشوف فتيلفون ومرة مرة كيهز عينو فزينب كملنا الماكلة وكل وحاد فين مشا وسعد استغل الفىصة ومشا يوصل هزال لبيتها وحنا طحنا نعسنا الغد ليه فقنا ومشينا الجامعة انا وزينب وهزال بقينا على ديك الحال شي 15 اليوم فصباح كنقراو وفليل كنتجمعو حنا ولبنات وسعد وعلي والحد الان حتا واحد معتارف ولكن علاقتنا زوينة بزاف والتاحقو شي وحدين من الجمعية ولكن دارو راسهم عمرهم عرفونا وحتا حنا مسوقناش ليهم..
سعد: مزال مبان والو؟
علي: والو الحد الان مدار والو من غير فليل شي مرات كيمشي لتحت بيت زينب وكيراقبها غير من البعيد
سعد: مفهمتش هاد الحمار مموالفش كيدير هاكا وعلاش بالظبط زينب؟
علي: حتى انا دخت متفهمليش هاد الهدوء ديالو
(اووف ديما كنفكر فيها وانا فايق وكنحلم بيها وانا ناعس وليت ضروري نشوفها ومنين كنكون بوحدي كنبقا حضيها فتيليفون ركبت كاميرا فبيتها بلا علم علي غير باش نبقا متبعها اوووف اش هادشي دارت فيا عمر شي بنت مدارت فيا هاكا خاصني ندير شي حل )ترن ترررن ألو سعد شوف أنا غادي نتبع هداك الحقير على برا والا سولوك لبنات عليا قولهم سافر على حساب الخدمة!!
سعد: واش لبنات ولا ههههه
علي: صافي اصاحبي البنات البنات البنات اوكي ياله تهلا اه ورد لبال..
سعد: هههه اوكي (دازت ايام وسعد مراقب هداك خينا والو مكيدير والو طبيعي ولبنات مكيخويش من عندو مفهم والو قال يمكن شكيت بزاف حيت زينب كتهمني ولكن علاش دار موراها هاداك خينا باش يتبعها اووف هي مدرتلو والو باش يتبعها مفهمتش هاد النم.. كل نهار كنبقا متبعها فتيليفون مرة كتكون ضاحكة ولكن منين كدخل لبيتها ديما كتراقب السرجم ومرا كتبكي بصوت غير مسموع زعما تكون حسات بالوحدة فغيابي كما كنحسها انا اووووف نعس دابا)
*عند زينب.. اوووف كل نهار كنصبح على امل لقاه دماغي ولا مربوط غير بيه تبليت ببه عمر شي واحد مفكرت فيه هاكا كنفكر فيه كتر مكنفكر فبابا يمكن معندو غراض فيا وانا هبيلة غير كنفكر فيه واش بغيتو؟ تفو الله يلكيها ليه كحلة زحلة تفو عليه!!! ياربي يعطيه شي كية!! لا لا لا يا ربي غير كنضحك معاك يا ربي حفظوا ليا ويجيبو نشوفو ولكن راه الا مبانش غادي نتسطا فين مشا وخلاني حشومة عليه غير يجي ويقولهالي اوووف قرب يكمل شهر ومزال مبان مكنقدش نسول سعد حيت هو قال مشا على حساب شي خدمة حشومة نولي نسولو.. مفهمتش علاش كبكي وهو عمرو حتى قالي معجب بيك وليت غير عيشة دميعة سعدات هزال بعد شابعة شوفات فيه وحتا هو باين عليه معجب بيها تفو على زهر عندي فينك أعلي فينك؟؟! نمشي نعس غدا راه عندي امتحان.. تصبحون على الف خير..،
... أصبحنا واصبح الملك لله...زينب: ريتاج نوضي احبيبة راحنا معطلين بحرا نوصلو
ريتاج: اه حيت سهرنا محسيتش منين صونات الساعة صوني على هزال تسنانا حدا الباب
زينب: انا غادي نقولها ليها
(سرر سررر) زينب:(مشيت حليت لباب وحليت فمي معاه) بقيت مبنجة مكرهتش نتلاح عليه ونعنقو ونبوسو بوسة يعاود موراها غير الغراز
علي: سلام زينب لباس عليك
زينب: توحشتك
علي: (هه )نعام ! شنو!!!!
زينب: احم احم والو والو لباس الحمد الله ونتا مزيان؟
علي: الحمد الله راكم معطلين لا؟!
ريتاج: سلام خويا علي لباس عليك على سلامتك توحشناك (تعانقا عناق اخوي) سمحلنا على هاد الزربة راحنا روطار على القراية واليوم عندنا امتحان
علي: الله يسلمك اختي شي ناس مقالولي حتى على سلامتك أنا نوصلكم
زينب: هههه وييه ( كنفرنس اوووووبس الهضرة عليا يمكن راه طيرتيلي لعقل)
ريتاج: لهلا يخطيك اخويا ياله نمشيو وراه هزال كتسنانا حدا الباب
علي: هانيا ياله هبطو.. هبطو البنات
زينب: تركبي فالقدام نهرس لمك الجمجمة ديالك بلا داكك تبهليل ديالك
ريتاج: هههه اودي غير زيدي الحقيرة غير شبعي نتي
علي: (حل الباب القدامية ديال طومبيل) زينب اجي ركبي هنا
ركبات القدام وريتاج اللور ودازو على هزال وهزوها ووصلتهم فالوقت المناسب فاش جاو يهبطو شديت زينب فيديها حسيت بواحد الدفئ فشكل مقديتش نحبس راسي قلتلها، زنوبة كدوزتي هاد الايام؟
زينب: أأأأأأأأ اه لا أحم أأأ لباس مزيان و(حماريت) ونتا علي؟
علي: "الله على علي كيف خرجا من فمها راني شاد راسي معاها غير بالسيف" بضحكة لي خلاتها غير حالة فمها وشديتها فحنكها يخليلي الحشومية ياله هبطي ودوزي مزيان حتى العشية ونتشاوفو بالتوفيق
زينب: حلقي نشف تصدمت بكثرة الفرحة والله مجوبتو سديت الباب ولقيتو كيبتسم معايا شي ابتسامة خلاني ندوب معرفت فين نمشي وفين انا تلفت والله جاب الله جراتني ريتاج كنت غادي نطيح وهي كضحك علية مكرهتش حياتي كاملة نجلس غير حداه هاكا ومنتحركش مشبعتش منو توحشتو بزاااف يخراااابي يالهوي. شفتيه اختي شفتيه ناري مبقيت عاقلة على والو شكون انا وشكون نتي رديني عندو خليت قلبي وعقلي معاه
ريتاج: ههههه حمقة ضحكتيني والله الله يخليك ديما فرحانة
زينب: امييين احبيبة ديالي فين هزال؟؟
ريتاج: دخلات تبدل حوايجها ياله لبسو حتا حنا باش منتعطاوش غادي نبداو بالطبخ هو اللول
زينب: اودي يعطيوني حتى المناج هاد الساعة ونسيقلهم هاد الجامعة كاملة الحب الحب الحب
ريتاج: زيدي زيدي نتي لفيزيبلات راه تحرقو ليك
زينب: ههههه مزال تجربي. اويلي شوفي شوفي شكون كيشوف فينا!!!
ريتاج: اويلي مال هادا جاي لعدنا!!!!!!!......
زايوس: سلام زوينات
ريتاج: سلام خويا حنا مشغولين دابا. ودرنا مشينا
زايوس: بالتوفيق زينب نتسناك، ودار يدو فوق راسو وابتاسم ابتسامة خبيثة
زينب: اووف اش بغا مني هاد الخرا!
ريتاج: متديهاش فداك الصعلوك ياله نمشيو نقراو قرايتنا جبدي دوك طابليات
#زايوس... أنا سميتي زايوس طنخان أنا يهودي أبا عن جد ولدت في امريكا حيت الوالدة أمريكية حنا من طائفة اليهود الصدوقيون هم الطبقة الأرستقراطية بين اليهود، فمعظم رؤساء الكهنة منهم، كان عملهم المحافظة على نظم الهيكل والضرائب ومراقبة الخزائن، ومن ذلك أثروا ثراءً فاحشًا. وكان بينهم وبين الاسلاميين خلافات كثيرة فهم لا يؤمنون بالقيامة ولا الأرواح ولا الملائكة والبعض منهم يتبنى الماسونية.. وانا والديا خلاولي نختار الدين للي بغيت، وانا كنفضل نعيش لراسي متابع حتا الحاجة بحال الماسونية ولكن مكنفكرش ننظم ليهم حيت الا بغيت نتراجع مصير واحد لي معروف هو الموت وانا مزال باغي نعيش فهاد الجسد حتى نمشي لشي جسد اخر عمري 25 عام كنقرا الدكتورا على الثقافة الامريكية كلشي عندي فيدي الفلوس القوة النفوذ وحتى الوسامة اي حاجة يتمناها الواحد عندي ساكن بوحدي فيلا باش ناخد راحتي كل عام كندير مصيبة زعما مغامرة هههه كيعجبني نعذب الناس وبحال ديما كنخرج بحال الشعرة من العجين حيت هوما محتاجيني بزاااف حتا لهاد العام شفت واحد البنت منقولش اية فالجمال ولكن شي حاجة فشكل لي خلاتني نمشي حتا لعندها وزاد عجبني الحال منين مبغاتش تمشي معايا فكرت هاد العةم غادي نبدا بكري اللعبة ديالي ولكن لداخل ديالي تحركات شي حاجة للي غريبة علية مفهمتهاش اول مرة كنخاف على راسي بعدت وقلت بحرا نسا او نتناسا ولكن والو شحال من وحدة نعست معاها ولككن غير كنسالي منهم كنتفكرها شكون هادي للي دارت فزايوس هاكا..
خليت صاحبي هو للي يجيبلي جميع اخبارها واكتشفت هي على علاقة بسي سعد وعلي اوووف القضية غادي تصعاب شوية هوما فشكل مبغاوش يتفهمولي اممم معليش نجرب حتى هادي كيعجبوني المغامرات واكتربة هاد المغامرة غادي تكون مثيرة هههه شفتها هاد نهار من بعد غياب متفاجئتش حيت مرداتش علية التحية ولكن فرحت منين شفتها هاد نهار قلت حتى تكمل قرايتها ومتلقاها نمشي نشوف واحد لكور خليتو فلبيبليو حيت قرايتي انا مهتم بيها بزااف...
#علي.... يااااااه على نهار شحال زوين اوف مالي وليت كنهضر بحال شي بنت هادش خطيير ولكن شوفتها تسوى عندي الدنيا وهي هاكا يقدرحتى هي كتحس شي حاجة من جيهتي انا لي كنت كنقول هادشي غير تخربيق رجعت بحال الحمق منين قصت يديها وحنيكاتها الرطبين حسيت بالضو طلع معايا وكان محشمتش نزيد بيها ونخطفها ولكن حتى نتأكد من احاسيسها ومن احساسي حتى أنا منبغيش نعذبها تستاهل تكون مليكة على عرشي.. ترررن ترن ألو سعد كلشي مزيان؟
سعد: فينك اصاحبي راه بان اليوم زايوس
علي: فااااك حتا نسيتو فينك نتا دابا
سعد: انا فالبلاصة المعلومة جيت نسول فصاحبنا مزال مبان
علي: بصح ياك اليوم كان الموعد
سعد: تعكسات شي حاجة المهم نتا الامور عندك هي هاديك؟
علي: اه الحد الان مزيان نتلقاو حدا البحر
سعد: اه راني قربت حتى انا لتماك نتشاوفو... نزلت من اللوطو لقيت علي كالس فوق صخر سلام!
علي: اهلين (ودور وجهو البحر)
سعد: مالك كتبالي مغير؟!
علي: معرفتش شنو واقعلي هاد الايام واش انا كنحب؟؟
سعد: مغهمتش علاش معذب راسك ومعذب حتا البنت معاك نتا كتبغيها خاصك تكون شجاع اعلي فهاد الحوايج
علي: والا هي مكانتش كتبغيني
سعد: نن نتا مشفتيش كفاش كانت كتسول عليك بعينيها وغير كندكرو سميتك كتبقا تفافة متاكد انها كتبغيك غير نتا خاصك تفاتحها
علي: اووووف هادشي منين خرجلي حتا قلت غادي نسا شي حاجة سميتها حب وزبل اجي ونتا لي كتهضر بعدا على الشجاعة...
علي: اووووف هادشي منين خرجلي ونتا لي كتهضر على الشجاعة فين وصلتي مع نوتيلا ديالك كاين شي شجاعة ولا غير الشفوي؟؟!!
سعد: هههه اححح على هديك غادي تحمقني اكترية منين كتبقا تهضر بالمغربية المزعلكة كتسالي معايا
علي: هههه وهادشي كامل كديرو على قبلك الحجش باش تير انتباهك ونتا بحال طبل ولا هنا
سعد: نو ماشي هكاك انا كتعجبني وبزااااااف وقريب غادي نصارحها ولكن كنقلب على شي حاجة رومانسية بعيد على جو السكن نكونو غير بوحدنا أنا وياها الراس فالراس(و غمزو)
علي: ههه واهيا المعفر عفر بشوية ههههه شوف البنات فامنتنا كما اتفقنا فاللول
سعد: ومالي شنو شتني غادي ندير دماغك كرفي هههه
علي: هههه حتا منكونش كنعرفك (شاف فالساعة) شوف شحال فالساعة غادي نتعطلو على لبنات.. ههه ياله نوض نمشيو راه البنات يكونو سلاو امتحان ديالهم ومنها نخرجوهم نتغداو على برا (ركبو ومشاو الجامعة صراحة فرحت بزاف منين خويت قلبي لسعد )
الحب، الغرام، الهوى، العشق، الوجد. سمه كما شئت. إنه شعور يجعلنا نشعر بسعادة غامرة تجاه من نحب، وأحياناً الحزن واللوعة والحنين، والشوق والتوق.
هناك عدة أشكال وأنواع من الحب أو المحبة تجاه الأهل، الأصدقاء، وشريك أو شريكة الحياة.
يتعرف شخصان على بعضهما البعض... يشعران بنوع من المشاعر أو الانجذاب و/أو التفاهم المشترك. ربما تتطور الى ارتباط وربما لا. مرحباً في عالم الحب والعلاقات.
يأتي الحب بعدة أشكال. أحياناً يأتي بصورة مفاجئة، أو ما يسميه البعض بـ "الحب من أول نظرة". وأحياناً تجده يحدث بشكل تدريجي.
أحياناً لا يكون واضحاً إن كانت مشاعرنا هي مشاعر انجذاب أو حب، أو ربما مشاعر صداقة أخوية فقط أم حب، ولذلك ينبغي مراجعة مشاعرنا الحقيقية بعقلنا وقلبنا....
ريتاج: زينب كيف دوزتي؟
زينب: مزيان بزاف هههه يا ختي حاسة براسي غادي نطير من الفرحة هاد نهار متشوقة غير امتا نشوف علي ممصدقاش رجع
هزال: شنو كتقولو؟
زينب: كنهضرو على الامتحان... وعلى حوبينو
هزال: اححح اقلبي هههه
وصلو ابطالنا للجامعة ولكن شافو شي حاجة للي متوقعوش يشوفوها او مكانوش باغيين يشوفوها ومتوقعوهاش..
علي: سعد انا نشوف شنو بغات هاد الحثالة (مشا لعندها وهو عينو كيغليو)جاسمين شنو كديري هنا؟
جاسمين: (دارت عندو) علي لباس كنت كنقلب عليك(وعنقاتو) توحشتك!!!
علي: (بعدها عليه) اووف منك اجاسمين مبغتيش تحشمي على عراضك انا مبغيتكش فهميها أنااا مااابغييتكش
جاسمين: نونو حبيبي انا عارفاك كتبغيني بلا متنكر هادشي (وقربات عند و باستو فشنايفو)
هاد اللقطة دازت قدام عنين زينب للي بقات مصدومة وعينيها تحجرو فيهم دموع ودارت يدها على فمها بكثرة الصدمة وريتاج كتحاول تشتت الانتباه ديالها حتى دفعتها زينب ومشات كتجري
ريتاج: زينب زيييينب وقفي (علي سمع سمية زينب وشافها كتجري وكتبكي وعرف انها شافت هاد المنظر من واحد الناحية بقا فيه ابحال حيت مبغاهاش تقلق ومبغهاش تبكي ومن ناحية اخرى فرح حيتاش تاكد من مشاعيرها اتجاهو)
علي: سعد خود البنات على منكمل من هاد الق...
سعد: علي عنداك تهور هضر معاها غير بالعقل ومتنسااش هدفك اوكي انا ناخد البنات راح حالت زينب مكتبشرش
علي: جاسمين شنو بغيتي مني انا وياكي صافي شنو منتظرة مني؟
جاسمين: انا توحشتك بزاف ونتا كتبغيني علاش متنساش الماضي؟ مفهمتش هاد العقلية القديمة
ديالك!!!
علي: هههه انا هاكا عقليتي هاكا وداكشي لي درتي فيا لا يغتفر فهمتي
جاسمين: كتبالغ بزاف
علي: انا احتارمتك ومدرت حتا ردة فعل وخا نتي صدقتي خبيثة
جاسمين: عفاك متقولش هاكا انا خليت كلشي وجيت عندك اعلي
علي: تعطلتي اجاسمين قلبي عمر بحب نقي خالي من المصالح والاستغلال
جاسمين: ودموع فعينيها مستحيل علي مستحيل دير هاكا نتا ديالي بوحدي
علي: نصحك طريقي بعدي عليها وهاد ظموع التماسيح خليهم عندك
جاسمين: مستحيل نخليك ضيع
علي: ضيعتيني بيدك وحتا واحد مغصبك تخليني
جاسمين: كنت طائشة ومفكرتش مزيان.....
علي: مغاديش نتسناك حياتي كاملة باش ترجعي لية نتي ختارتي طريقك وانا لقيت طريقي نتمنى تفهمي هادشي وبعدي مني وداك التصرف الا عاوتيه مرة اخرى راكي عارفة وجهي لاخر مزيان متبغش نبينوليك
جاسمين،: كتهددني اعلي تخليتي علية علا حساب شي حقيرة
علي: اه ديك الحقيرة لي كتهضري عليها حسن منك الشريفة من هاد نهار الا وليتي قربتيلي غادي نتفاهم معاك بطريقتك الخاصة تهلاي (خلاها مصدومة ومشا ركب فلوطو ديالو اووووف معرفتش كفاش غادي تكون حالة ديال زنوبتي هههه هي كتبغيني تاكدت دابا من هادشي مستحيل نخليها ضيع من بين يدي ) الو سعد كراها الاجواء تماك حتا تيليفون نسيتو فالبيرو باش نتابع الاحداث!!
سعد: انا وصلتهم وزينب غير كتبكي مبغاتش تهضر وصلو دخلات وسدات عليها بيتها مبغاوش يزيدو عليها
علي: امممم معليش انا غادي نهضر معاها
سعد: نتا شنو درتي معا ديك الحقيرة
علي: هضرت معاها بالعقل وقلتلها ان كاينة وحدة فحياتي
سعد: معندهاش الوجه علاش تحشم مزالة كضور بيك نخليك دابا نمشي نشوف لبنات
علي: اوكي خويا وتهلا فيهم نمشي نقضي شي غراض ونجي ( جاسمين كانت حبيبة علي كان كيحماق عليها ولكن نهار عرفها منظمة ل.... خلاها)
سعد: مسكينة زينب مبغيتش نشوفها فهاد الحالة ولاو بحال خوتاتي للي معنديش منبغيش نشوف شي حاجة تاذيهم وكان مكنت عارف علي كنت نوريه ولكن حتى هو مشي بيدو.. مهم اليوم أنا قررت نصارح هزاال غادي نفاجأها هاد نهار خاصني نعيطلها راه مدة وانا كنقاد هادشي
سعد: ترن ترن ألو (الحوار بالنجليزية)
هزال: (والفرحة) الو سعد
سعد: هزال لباس عليك كدوزتي الامتحان؟ حيت مسولتكش كنتي مشغولة
هزال: الحمد الله شكرا راك عارف
سعد: اه، احم هزال تقبلي دعوتي العشا هاد نهار؟
هزال: (كتنقز) امممم مرحبا واخا
سعد: اوكي 8 نجي لعندك مع السلامة
علي: مساج("أنا جيت") ضحك ضحكة كبييرة هههه واخيرا
سعد: مساج ("أنا جيت") مرحبا بيك....
#هزال واااو هاد نهار احسن نهار عندي يوووووبيي (كتنقز فوق نموسيتها) خاصني نقولها لريتاج وزينب اممم ولكن زينب ماشي فالحالة لي تخليها تسمع هاد الخبر اووف حتا علي مكنتش متوقعة تكون عندو حبيبة وكان غير معطهاش شي امل فهاد العلاقة مهم خاصني نقولهالهم ضروري (مشات المسكن المسكن ديال البنات ولقات ريتاج جالسة بوحدها)
هزال: ريتاج كيف بقات زينب
ريتاج: راها فلبيت ناعسة
هزال: بغيت نقولك شي حاجة
ريتاج: وي حبيبة
هزال: سعد اليوم عارضني فليل العشا
ريتاج: بصحتك احبيبة فرحت ليك بزاف والله واخيرا شي وحدة غادي وكمل ليها فرحتها
هزال:(عنقاتها) نتي احسن اخت فهاد الدنيا، فنظرك نقولها لزينب منبغيش نجرحها
زينب:(حلات الباب وحالتا حالة) بالعكس احبيبة غادي نفرح ليك وداكشي ديالي مكيعنيش نهاية العالم نقدر نكون انا لي فهمت تصرفاتو حب
هزال: هكاك احبيبة خاص تكوني قوية كما كنعرفك (وتعانقو بتلاتة بيهم)
ريتاج: ختاريتي شنو تلبسي؟
هزال: نوو داكشي علاش جيت عندكم انا خايفة بزااالف
ريتاج: ههه حمقة انا نمشي نشوف معاك شنو تلبسي ونرجعو زينب تقادليك لميكاب ياله نجيبو شنو خاصك ( مشاو لغرفة ديال هزال جابو شنو خاصهم وختارو لبيسة وجاو عند زينب) شوفو هانتوما هنا نمشي نجيب الغدا اوكي
زينب: نمشي نجيب معاك راه بزاف عليك هزال: عطيني لبادج ديالك باش نجيبليك غداك هنا
هزال: اوكي حبيباتي وشكرا بزاف انا ندخل ناخد دوش
زينب: وقادي المسائل مزيان هههه (هزال حشمات وهبطات راسها)
ريتاج: اويلي حشمتي البنت غير كضحك معاك يالهي، اويلي اصاحبتي حشمتي البنت
زينب: وراه سعداتها والله تفو تمنيت حتا انا يكون كيبغيني داك راس الطنغ
ربتاج: اممم انا متاكدة كيبغيك
زينب: سكتي عفاك اريتاج داكشي لي شفت قدامي شنو؟ راهم كانو كيتباوسو الكلاب خليني هاد الساعة
زينب: سكتي عفاك اريتاج داكشي لي شفت قدامي شنو؟ راهم كانو كيتباوسو الكلاب خليني هاد الساعة ناشطة معاكم راه فيا واحد الفقصة فقلبي غادي طرطق
ريتاج: اوكي حبيبا غير تكلماي هانا ساكتة
زينب: دابا هزال وسعد ليلة كحلة عندهم نياهاهاها
ربتاج: هههه يا ختي عقلك غير ف...
زينب: وكاينة شي حاجة حسن من هادشي العمدة نايضة على هادشي
ريتاج: ههههه نتي تعرفي (خداو الغدا ولقاو هزال مزال مخرجات) هزال!!
هزال: انا خارجة
زينب: نجي نعاونك فشي حاجة هههه
هزال: زيييييييينب فااااااك يو
زينب: خخخخخ مقبولة بيبي (تغداو البنات واخة زينب كتصنع شي مرات الضحك ولكن البنات مبغاوش يضغطو عليها كملو ماكلتهم ونظفو ولي بقات ليها شي صلا صلاتها ودخلو هزال وريتاج نعسو فبيت واحد باش يخليو زينب ترتاح شوية)
#عند #زينب الحـب كالبحـــــر حيــن تكون علـى شاطئه يرشــك بأمـــواجـــه ...
يستـــدرجـــك بصفــائــه ولـــــونـــه وروعتــــه.....
ولكـــن حيـــن تلقـــي بنفســـــك بيـــن أحضانـــه لتبحــث عـن حنانــه......
يغـــــدر بـــك ويسحبـــــك إلى أعماقــه.....
ثم يلقـــي بـــك وأنـــت فاقد لإحســــاســــك
الشوق ياخذني لحضرة جنابك والدمع طاح ولا لقاله مناديل خذني معك بو صفحه بكتابك أو ضمني وسط العيون المظاليل تدري وش اللي هزني في غيابك انك بعيد وماتجيني المراسيل.... منقرش نوصف احساسي اصعب حاجة عشتها وصلت لدرجت الهيام ولكن من طرف واحد كنت عايشة فعالم بوحدي كنبغيه بزاف كنحس بروحي غادي تخرج ااااااااه يا علي شحال كنبغيك تمنيتك تكون كتبادلني ولو القليل منكرش غرت من هزال وفنفس الوقت حاولت نكبت داك الاحساس الخايب حيت متستاهلش وحنا صحابات وكتر وهي معندها حتا ذنب قلبي لي حب وماشي سيف علية اوووف غادي نحماق نعس نهرب من هاد العذاااب حاسة بروحي غادي تطلع .......
ريتاج: هزال إمتا فقتي؟
هزال: علاش أنا نعست بالفرحة راه نوتيلا هادا ديالي هههه
ريتاج: ههههه الله يدومها فرحة معاش الساعة غادي يجي لعندك؟
هزال: قالي مع 8 ديال العشية مشا الحال ياكي اوووف مزال مدرت والو
ريتاج: حالتك صعببة ههههه راه مزال 2 سوايع الحمقة
زينب: مالكم محيحين؟!
ريتاج: (لاحظات عيتنين زينب منفوخين ومبغاتش تبين)ههه هاد الحمقة راه حساب ليها مشا لحال مهم اول حاجة نبداو بيها هي ماسك انا نقادولكم (قاديت ماسك ديال الروز مطحون ودانون مسوس والعسل جبتهم معايا من دارنا) هاكو نديرو كاملين (قادينا الماسك ودرنا الخيار فعنينا باش يبردو عنين زينب اوووف بقات فيا)بعد مدة نوضو نغسلو باش زينب تبدالك المكياج
زينب: كفاش بغيتي المكياج خفيف ولا تقيل؟ ولا عرفتي اجي كلسي وانا ندير لي يليق بيك
هزال: اوكي حبيبة لهلا يخطيك (قدات زينب مكياج زويين لهزال جات قرطاسة بمعنى الكلمة ولبسات الكسيوة ورشات بارفان ودارت اكسيسورات)
زينب: بشاااااااخ جيتي واعرة
ريتاج: جيتي زوينة بزاااف اهزال تبارك الله عليك
هزال: شكرا بزااف البنات لهلا يخطيكم علية (سررر سررر)ريتاج: يمكن سعد هادا!! (حلات الباب وحلات حتا فمها كان لابس كوبو غزاال جاي شخصية) احم الناااس!!ههه لباس خويا سعد؟
سعد: ههه حمد الله ختي ريتاج زينب لباس عليك؟
زينب: الحمد الله خويا سعد
سعد: احم فين هي هزال؟
ريتاج: هزاال اجي سهرة سعيدة (جات خارجة وهو يحل فمو السيد غودي يحماق بسيف البنت جات فنا) هزال: سلام سعد
سعد: (الله على سعد كيف خارجة يا ربي زيدني صبر باش نتحكم فراسي) سلام هزال جيتي زوينة وحنا باس ليها يديها
ريتاج: احم هاي هاي هاي الناس اووبس سمحولي والله مقصدت غير مشيت معاكم هههه ختكم محرومة
سعد: ههه حمقة لبنات غادي ناخد هزال بلا متشوشو عليها مع السلامة ( مشاو الحبان ديالنا من بعد ما غطا لهزال عينيها ركبو وزادو وصلو لديك لبلاصة لي موجد سعد وبقات ماشية
هزال: سعد واش مزال موصلنا؟
سعد: هاحنا وصلنا.. (حيد ليها الشال على عينيها وهي تصدم من للي شافتو منظر غزاال طبلة وشموع وورد احمر وموسيقى..)
هزال: وااو هادشي غزاال ورمانسي شكرا بزااف سعد وباستو فحنكو
سعد: اممم مكاينش ما حسن من هاد االبوسة (حشمات هزال وهبطات راسها) تفضلي جلسي قاد ليها الكرسي وجلسها وجاب ليها ورد احمر
هزال: واااو غزاال هاد الورد شكرا بزاف معرفتش واش انا كنحلم ولا شنو
سعد: هزال يمكن لاحظتي انني معجب بيك لدرجة كبييرة هادي تقريبا 3 شهور من نهار شفتك ملكتني وسحرتيني كنت بغيت نزيد نتأكد من الشعور والاحاسيس ديالك ولكن مبقيتش قادر تكوني بعيدة علية كتر من هكا (ناض من بلاصتو وركع على رجل وحدة) هزال تبغي تكوني حبيبتي؟
هزال: (دارت يدها على فمها حركات راسها ودموع الفرحة فعنيها) اه باغا اسعد
سعد:(ناض عنقها) كنبغيك اهزال
هزال: حتا انا كنبغيك انوتيلا ديالي ههه
سعد: هههه حمقة تسمحيلي بهاد الرقصة؟ (تشغلات الموسيقى وبقاو كيرقصو على انغام اغنية ديال دونا I love you always forever
Near and far closer together
Everywhere I will be with you
Everything I will do for you
I love you always forever
Near and far closer together
Everywhere I will be with you
Everything I will do for you
You've got the most unbelievable blue eyes I've ever seen
You've got me almost melting away
As we lay there under blue sky with pure white stars
Exotic sweetness a magical time
Say it, say it again
I love you always forever
Near and far closer together
Everywhere I will be with you
Everything I will do for you
I love you always forever...
حتا بقا كيقبلها بطريقة رومنسية فرنسية وحتا هي تجاوبات معاه.....
كملو الرقصة ديالهم وجلسو يتعشاو كلشي كان مخطط ليه عشاء رومانسي بامتياز
هزال: انا فرحانة بزااف اسعد شكرا بزاف
سعد: تستاهلي احبيبة كلشي (باس ليها يديها) و انا لي أسعد انسان فالدنيا جالس مع اجمل حبيبة فالدنيا كنبغيك هزال
هزال: ربي يخليك احبيبي حتا انا كنموت فيك ( قالتها بالدرجة حيت علماتها ليها زينب)
سعد: هههه يخليك ليلي ويخليلي الدرجة المزعلكة شكون علمهاليك؟
هزال: هههه زينب وريتاج كيعلموني مرة مرة المغربية، سعد ممكن نسولك أنا مكنعرف عليك والو من غير انك خدام هنا فالمجمع مسؤول وانك مغريبي من غير هادشي مكنعرف عليك واالو ونتا راك تقريبا عارف كلشي علية!!
سعد: اممم مزال احبيبة الوقت قدامنا وتعرفي علية شوية بشوية ولا لا احبيبة؟
هزال: اوكي حبيبي عندك الحق الوقت مزال قدامنا اممم نمشيو؟
سعد: اممم اوكي (شاف فساعتو) رها 12 يالهي نمشيو وخا مسخيتش بيك احبيبة ولكن من اليوم نتي ديالي بوحدي
هزال: حتا انا احبيبي مسخيتش بيك ( ركبو وماشيين طريق كلها وهوما كيترومنساو والفرحة مطيراهم ومرة مرة سعد كيخطف بيزو حتا وصلو للمجمع وركنو اللوطو مع الدخلة ومشاو عند لعند لبنات حيت العمارة لي ساكنين فيها جات من لوالة وباش تبدل عليها وتشوف كبقات زينب قبل ميدق لباب شبع بوسان فيها حتا سرسرات
علي: هههه واخة فيك كتهربي مني مزال عليك!!!! سررر سرر...)
ريتاج: حلات الباب وهي مشوشة سلام
سعد: مالكي ريتاج
ريتاج: هئ هئ هئ(كتبكي)
سعد: هضري مالكي (شادلها فدراعها) واش شي واحد تعدا عليك هضري
ريتاج: لا ماشي انا غ...
سعد: وشكون زينب زينب وقعاتلها شي حاجة؟
هزال: ريتاج هضري احبيبة واش زينب وقعاتلها شي حاجة؟
سعد: ريتاج عفاك اختي قوليلي شنو كاين (كيعيط) زينب زييينب
ريتاج: زينب مكيناش
سعد: وفين مشات
ريتاج: هئ هئ هئ... زينب جا خداها علي بالقوة!!
سعد: كفاش وعلاش خداها بالقوة؟
هزال: ممنحقوش ياخدها بالقوة ياك هو عندو حبيبتو؟!!
سعد: (خنزر فهزال وهي حنات راسها) حبيبة حنا مخصناش نزربو فالحكم على شي واحد وحنا معرفين والو اوكي حبيبة
هزال: اوكي حبيبة كنعتادر
ريتاج: مفهمتش اسعد كفاش منزربوش و زينب شافت كلشي صباح؟!
سعد: تسناو نصوني عليه ( بعد على لبنات وبدا كيصوني ترن ترن) ألو علي شنو كاين؟
علي: والو راك عارف القصة شنو فيها
زينب: وبعد مني ردني فحالي ممحق.. وسدليها فمها
علي: سعد حتا نوليو نهضرو غير قول ريتاج متشوش عليها وتسمحلي
سعد: اوكي خويا ولكن بشوية على البنت ولا انا لي غادي نتفاهم معاك مع السلامة (طلع لعند البنات) ريتاج اجي اخيتي وعنقها بلا متشوشي عليها راها معا علي وعلي مغديش يآذي زينب فهمتي (كيمسح دموعها)
ريتاج: راني عارفة اخويا مغاديش يآذيها ولكن ديك الطريقة باش خداها خلعاتني مفهمتش شنو دار بيناتهم لتحت باش دارو هكاك
سعد: اممم اوكي خليهم يتفاهمو ويجو ويفهمونا حتا حنا المهم هو نتي متبقايش مقلقة دابا اوكي ختي الحبيبة وباسها فجبهتها
هزال: احم احم انا كنغير هههه
سعد: هههه نتي لي هربتي وصونيتي دغيا
هزال: احم سععععد (حشمات ودخلات لبيتي)
سعد: وييينو على الحشومية ديالي ههه
ريتاج: ههه كتحشم البنت حشومة عليك مبروك عليكم اخويا هزال بنت زوينة وظريفة تستاهلوو بعضياتكم تهلا فيها بزااف
سعد: الله يبارك فيك اخيتي راها فعويناتي تعشيتي ولا مزال؟
ريتاج: نن مزال متعشيت كنت كنتسنا زينب و...
سعد: امم راها 1 دليل ياله نخرجو ناكلو برا
ريتاج: غير خلي عليك بلاش اخويا والله
سعد: لبسو دغيا انا نمشي نبدل ونتسناكم فالوطو (خرج وسد الباب)
هزال: مشا سعد؟
ريتاج: اه راه مشا وقالنا نبدلو حوايجنا غادي يخرجنا نتعشاو برا....
هزال: يووبيي انا لابسة باقا غير نتي ههه
ريتاج: مزال عليك نتي حتا نتعشاو ونجي ديك الساع منتفكش معك
هزال: كنموت عليك هههه ضحك علية بزاف منين قولتهالو
ريتاج: كلبس وكنهضر معاها. ههههه حمقة عجبك الحال؟
هزال: هادي كلمة صغيرة فحق هادشي للي كنحس بيه احساس غزاال
ريتاج: مزيان فرحت ليك بزااف ياله نمشيو حتا نجيو ونكملو هضرتنا راه سعد صعيب شوية
هزال: اه ياختي شفتي شوفة قبيلة خلعني ولكن هكا كيعجبوني رجال هههه
ريتاج: دابا نتفرج فيك منهنا القدام هههه(مشينا لقينا سعد كيتسنانا فطونوبيل ركبت انا اللور بطبيعة الحال وهزال القدام باستو فحنكو زعمت المسخوطة هههه ومشينا لواحد بيتزاريا باختياري انا كليت وحدة ونص كان فيا جوع بزاف وهوما جابو وحدة كلاوها بجوج حيت كانو معشيين او بالأحرى غير سعد للي كلا هزال كانت شبعانة بوسان زعما حب هههه كلينا ورجعنا فطريق وحنا ناشطين بالموسيقى ومرة مرة سعد كيبوس يد هزال سعداتها مكرهتش نعيش حتا انا بحال هكا وصلنا انا هبطت )
ريتاج: شكرا خويا سعد على هاد لعشا تصبح على خير (كنت بغيت نسولو واش نتسنا زينب ولكن راه باينة مغاديش تجي دابا اصلا راها 3 دصباح جاب الله غدا منقراوش)
سعد: مبيناتناش اختي لحبيبة تصبحي على خير (طلعت وخليتهم) امممم دابا اجي عندي (جات هزال قدامو وعنقها ووجهو على وجهها) توحشتك
هزال: ها انا معاك
سعد: اممم (قرب لودنها) توحشتك احبيبة
هزال: (بقات مبلوكية وتجرات وباستو فشنايفو) حتى انا توحشتك (وتمات طالعو فدروج وتبعها سعد وشدها وببا كيبوس فيها وكيتلمس حتى حس براسو عاد طلق منها بشوية)
سعد: حبيبة مكنشبعش منك ولكن الا زدتي تانية وحد غادي ندير شي حاجة كتر (باسها فراسها وقالها) تصبحي على خير احبيبة سيري تنعسي باش ترتاحي غير تحلي عنيك صوني علية باش نجي لعندك.. اوكي بيبي (باسها فشنايفها)
هزال: اوكي حبيبي تصبح على خير بيزو (دخلات لدار ولكن لقات ريتاج نعسات فبلاصتها وهي مشات تنعس فبلاصة زينب)
نرجعو عند #زينب....
زينب: ريتاج انا نمشي نجيب لعشا قادي نتي اتاي بلويزة راها فلبلكار الفوق واخا خيتي!!
ريتاج: واخا حبيبة أنا نقادو متعطليش!! (مشات زينب تجيب العشا ومعا الدخلة لريسطو تلقات زايوس)
زايوس: سلام زينب
زينب: منين عرفتي سميتي؟
زايوس: اه كنعرفك مهم انا بغيت غير نعتادر منك ديك لمرات مكنتش فالوعي ديالي
زينب: واخة اعتدارك مقبول واش كتعرفني حيت عرفتي سميتي وقلتي كتعرفني؟
زايوس: نن غير سمعت صاحبتك كتعيط عليك وسولت عليك نت لباس عليك؟
زينب: لباس الحمد الله ونتا؟
زايوس: منين هضرت معاك راني لباس
زينب: احم (مال هاد بوزبال عاود شحال تقيل) شكرا شنو سميتك؟
زايوس: سميتي زايوس
زينب: متشرفين ياله نخليك دابا غادي نطلع نتعشا
زايوس: ممكن نعرضك نمشيو نتعشاو برا
زينب: (جات تجاوبو وهي لقات علي كيشوف فيها وكيخنزر) امممم منقدرش نواعدك دابا خليها مرة اخرى
زايوس: وعد؟!
زينب: هههه وعد (كتبغي تفقص علي)
زايوس: نكونو اصدقاء؟
زينب: اوكي اصدقاء (محسات حتا عنقها زايوس وهي بقات مبلوكية زرب عليها)
زايوس:(باسها فحنكها) نتشاوفو فالقريب اصديقتي الجميلة (غمزها ومشا)
زينب: (مفهمتش باش تبليت زرب عليا واخا محملاتوش بحال دارلي تنويم ميغناطيسي جيت طالعة فدروج حتا شي واحد شدلي يدي بالجهد) أي كضرني!! علي!!!
علي: اه علي شنو ضيعت عليك اللحظة؟! ( وهو معصب بزاف)
زينب: انا لحظة شنو كتقصد؟!
علي: على هداك الزا.. لي كنتي واقفة معاه رخستي راسك لهاد الدرجة؟!
زينب: (متحملتش هضرتو ضراتني فخاطري) اش هاد الهضرة منسمحلكش وهداك صديق ديالي فهمتي!! (دفعات الباب ودخلت وتبعها علي وكان شدها فديك الوقت يقتلها) بعد مني فهمتي!
ريتاج: شنو واقع مالكم؟ علي!!؟
علي: ريتاج دخلي لبيتك
زينب: ونتا لسير بحالك
ريتاج: زينب اش هاد الهضرة حتارمي علي!
علي: خليها ختي ريتاج(مشا عند زينب وهزها فوق كتافو بحال شي فراشة وهي بقات كتفركل برجليها وهي كتغوت) وبعد مني حطني ممنحقش!!
ريتاج: علي خويا كلشي كيتحل بالعقل قولولي غير شنو واقع؟! (مسوقش ليها وهز زينب وخرج بيها حطها حدا دروج)
علي: سمعي نتي بلا هاد الغوات تزيدي مزيان ول غاديا نتفاهم معاك!!
زينب: هاهاها ياما ياما ياما خلعتيني (بااااااق) بقات مصدومة من تصرفيقة ودموع بقاو كيطيحولها شلال فوجهها
علي: تفاهمنا دابا زيدي وسكتي (بقات كتبكي وهو جارها بحال شي بنيوتة صغيرة معجبوش الحال يطرشها وتاخد عليه هاد الطابع ديال حكار ولكن مخلاتلوش شي طريقة وحدا اخرى وزادت كملاتها منين لقاها معانقة مع زايوس وهو عارف مزيان شنو كيسوا الكلب ديال زايوس وكفاش كيفكر هاد المدة كاملة حاول يبعدها عليه ولكن هي تمادات منبن سمحاتلو يقيصها ركبها فاللوطو ودارلها الصمطة وهي كتبكي ومشا ركب وبقا كيصوك بجهد وهي غير مكتزيد تخنخن )كفاش سمحتيلو يعنقك ويبوسك ااا كفاش؟!
زينب: ماشي شغلك فيا شوف نتا راسك فصباح عاد هضر معايا
علي: بلا متزيدي تعصبيني انا كنهضر عليك نتي دابا!! علاش خليتيه يقيصك!
زينب: هئ هئ هئ بعد مني ردني فحالي الهماجي (هو زاد سعر ومولاش دوا حيت الا زادت هي كلمة خرا غادي يدفنها حية وكسيرا وحتا هي ضربات الطم حتا وصلو لواحد الفيلا خارجة على المدينة)
علي: نزلي
زينب:(كتشوف فالقدام لا رد)
علي: (بالغوات) قلتلك نزلي!!
زينب: هانا نزلت شي حاجة خرا؟!
علي: اجي دخلي (دخلات لفيلا وبقات كتشوف فيها كانت زوينة بزاف) تشربي شي حاجة؟
زينب: مبغيتش بغيت غير السم هاد الساعة
علي: انا نمشي نجيبلك شي حاجة تاكليها ونجي(هي لا رد جابليها فبلاطو ماكلة ولقاها ساهية كتفكر!!)
زينب: (شنو هادشي واش غار علية واش كيبغيني ولكن انا صباح شفتو بعيني كيبوسها اوووف) مبغيتش ناكل
علي: اجي كولي ومن بعد نشرح ليك كلشي
زينب:(فيا الجوع غادي ناكل ناري اش هاد الفرحة لي فالداخل ديالي راني عاد واكلة سقلة وفرحانة مفهمتش مال دين مي معندي نفس قلبي ميت الله ينعني سلعة ) اوك (بقيت كناكل ولكن غير بحال بزز زعما ندير فيها شوية ديال النفس)
علي: (هههه ضحكاتني طريقتها فالماكلة كتاكل بسيف غير باش تفهم) سمحيلي على السقلة
زينب: (شافت فيه بعنيت دامعين) لا منسمحلكش ( وناضت من الطبلة)
علي: زينب اجي كملي ماكلتك
زينب: لا ممكملاش وردني بحالي فهمتي
علي: قلتلك اجي حسن ليك (ترن ترن هضرت معا سعد كانو مسوشين على زينب طمنتو وهي بقات كتغوت ومشيت كنجري عندها بغيت نضربها ولكن هزات يديها باش تخبي وجهها اوووف بقات فيا محسيت براسي حتى عنقتها وهي بقات مبلوكية بقات مدة 2 دقايق عاد استاجبات معايا وقلتلها فودنيهاا ) كنبغيك اصغيورة ديالي (بستها فجبهتا منين بعدت عليها لقيتها مغمضة عنيها)
زينب: (تصدمت معرفتش شنو ندير حتا حليت عيني) كفاش! وداكشي لي شفت صباح؟! نتا كتبغيني اعلي لا ميمكنش وديك الصفريطة لي كنت كتبوسها صباح ولا غير كتفلى اكيد كتفلى يا لحكار شنو درتلك شنو دنبي ش...
علي: وناري مكتحبسيش كتألفي وتخرجي بوحدك غير نفهمك
زينب: شنو نفهم اعلي؟
علي: الله اول مرة كتعجبني سميتي خرجات من شنيفاتك بحال العسل اااااه كنبغيك وكنموت عليك وكلشي غادي نفهمو ليك اجي معايا ( بقات غير حالا فمها) كلس فوق الكرسي وكلسها على رجليه.. هاديك البنت ديال صباح سميتها جاسمين كنت على علاقة معاها ولكن تقطعات علاقتي معاها شي 3 شهور هادي جيت لقيتها متبهة طريق بعيدة علية واكتاشفت انها مكانتش كتبغيني غير مدوزة وقيتها ومكنتش انا الوحيد فحياتها كانو عدااد منين عرفت حقيقتها خليتها وهي متفهماتش ليها كفاش خليتها داكشي علاش صباح....
يتبع...
