عمران: خرجت من السيارة تخنقت كنعيا نكذب على راسي ونسي هادشي كامل لي وقع ريتاج مبغاتش تخرجلي من راسي اووووف هاد الحمل منين خرجلي عاود ندمت علاش مدرتش احتياطي بقيت كنتفكر لحظات لي دوزتها معاها قداش كنكون مرتاح وتفكرت كلامها قبيلة كلو كان صائب حسيت بيها عايشة معايا فدوامة بغات ترتاح بغات تستاقر...

عمران: حبيبتي فينك؟ (خرجت عندي من الحمام)

ريتاج: هئ هئ عاد تفكرتي عندك حبيبة؟ (بحزن) واش قررتي تخليني وتقطع علاقتك بيا؟

عمران: نو حبيبتي علاش كتقولي هاكا شوفي شنو جبت ليك معايا عطيتها الورد وقبلتها 

ريتاج: (بضحكة بريئة) حلف بالله

عمران: راه انا لي خفت تخليني 

ريتاج: اممم شنو فهداك الكيس؟

عمران: تيرارا مفاجئة (جبدت ليها علبة ديال ايس كريم وعلبة ديال الشكلاط خطفاتهم من عندي وبقات كتنقز)

ريتاج: ههههه يااااااااي شكرا شكرا حبيبي(الله شحال كنت مشهياهم)

عمران: ههههه بصحتك حبيبتي (خليتها كتاكل ومشيت من مورة ضهرها هزيتلها شعرها وبستها فعنقها وركبت ليها واحد السنسلة)

ريتاج: اوووو هاد نهار ديال المفاجئات 

عمران: (سديت ليها عنيها وديتها حدا المراية وقابلتها معاها) حليني عينيك احبيبتي دابا 

ريتاج: وااااو حبيبي على سنسلة غزااالة كتحمق لهلا يخطيك عليا احياتي

عمران: (بقيت كعنقها من اللور) فتحي داك القلب احبيبتي (فتحات القلب لقات تصويرتنا انا وياها دارت عندي وعنقاتني)

ريتاج: احسن كادو احياتي غادي نحافظ عليها، فوقاش قديتيها احياتي6

عمران: مدة هادي اختاريت تصميم ديالها وقادوهالي من الذهب الخالص وخا حتى حاجة متوصل لقيمتك اروحي (جلستها فوق الكنبة) 

ريتاج: لهلا يخطيك عليا احبيبي انا بغيتك غير نتا مبغيت لا صداق لا والو!!!

عمران: هههه اه احبيبتي مزال صداقك وكلشي

ريتاج: هههه انا مقصدتس زعما بغيت نقول..

عمران: احححح عليك احبيتي راه من حقك الكبيدة

ريتاج: (خخخخ معر)

عمران: هاد المهمة لي انا فيها كتر من 3 سنين يرضيك احبيبتي نتخلى عليها من بعد مبقا لينا ايام قليلة فيها، راه جهدي كولو فيها وزيادة راه واجب عليا فهمتيني احبيبتي ولي باغيك تعرفيه عليا هو انا كنبغيك كتر من روحي ومستحيل نخليك غير حيدي هاد الاوهام من راسك راك نتي حياتي وكولشي نتي الضو فوسط هاد الظلمة لي فيها أنا عفاك احبيبتي متخلايش عليا

ريتاج: هئ هئ هئ انا مستحيل نتخلى عليك اعمران (عنقتو صراحة هاد الكلام كنت محتاحة بزااااف نسمعو وحسيتو خارج من اعماق قلبو)

عمران: وصافي البكاية دياللي، حبيبتي نخليك دابا 22 سوايع وتلقايني عندك 

ريتاج: اوكي حبيبي انا نهبط حدا لبنات (هبطنا بجوج هو خرج وجا راجع)

عمران: اه سمعو نتوما المشاغبات تعاودو تشربو بحال داكشي لي شربتو البارح غادي نتفاهم معاكم فهمتو

الكل: فهمنا الشاف (بقينا كنضحكو هو مشا وحنا بقينا كنتعاودو)

زينب: ويلي ويلي تشوهت لبارح كنت غادي نغتاصب السيد، واخا قلتلو بغيت هو مبغاش بقيت كنحيدلو السروال سيف 

هزال: هههه انا قالي سعد قلبتها بكا

ريتاج: هههه انا معاودلي والو يعلم الله شنو درت حدها غوت عليا علاش نشربو

زينب: حق ريتاج مالكي قبيلة؟

ريتاج: يا ختي تفركعت عليه قلت بزااف دالهضرة مصاب غير مياخدش فخاطرو وعاد كملها هو مسكين جا بقا كيعتاذر مني، هزال حبببتي صايبيلي هاديك الفطيرة التركية كنتي قاديتبها لينا واحد نهار!! تشهيتها بزاااف

هزال: اوكي حبببتي (مشاو هزال وزينب يقادوو الفطيرة بقيت كنبقشش فتيفي على شي فيلم حتى طحت فواحد زوين bad moms كيهضر على واحد 3 ديال البنات كيوليو امهات وكيعياو من مسؤولية البز وكيقررو يعيشو حياتهم كوميدي زوين درت بووز وتسنيت لبنات.... بعد مدة جابو الفطيرة والعصائر)

ريتاج: اممممم ريحة كتشهي كنحماق على اي حاجة فيها الفرماج احمر (بقبنا كناكلو وكنتفرجو...)

===> علي: الوو ستيف شنوو الجديد؟

ستيف: راني فالحفلة وهاهو العنوان (عطانا العنوان لي حنا نيت مراقبينو فيه)

علي: وكاين شي حمولة؟

ستيف: الحد الان كيهضرو فمواضيع مختلفة ياله باي بلاتي ونهضر معاكم (قطع)

علي: (خرجت من اللوطو) دراري راه صونا عليا ستيف الحد الان مزال مكاينة حتى شي حاجة كيتكلمو غير فمواضيع عادية

عمران: شنو متاقوش فيه زعما

علي: ربما، شنو نديرو دابا؟ ندخلو عليهم؟

عمران: معندنا منديرو من غير نتسناو اشارة من عند ستيف ميمكنش ندخلو عليهم معندنا لا ادلة كافية لا والو باش غادي نشدوهم بتهمة التجمع!! وزايدون هو لي غادي يورث عرش الاب ديالو سيف عبيهم يتيقو فيه

سعد: عمران عندو الصح نتسناو ستيف الحد الان مكدبش علينا فكل خطوة كيديرها ولي كتر هو خايف على لولا، عمران شنو وقع مع ريتاج قبيلة؟

عمران: مشكلة كبييييرة!!

سعد: شنو؟

عمران: ريتاج حاملة!!

سعد: اممم، كان متوقع ولا لا؟ يعني درتوو علاقة ونتوما مزوجين وكتبغيو بعضياتكم فين المشكيل؟

عمران: اوا وعائلتها والمشكل لي واقع وزيد شحال من حاجة

سعد: هي عارفة؟

عمران: لا معارفاش مقلتلها والو حيت مزال مقررت شنو ندير 

سعد: تقرر نتا حمق؟؟ هدا ماشي قرار ديالك بوحدك راه حتى هي خاصها تقرر معاك ماشي تزوجات بيك بسرعة وشحال من حاجة وحتى فالحمل ديالها تقرر غير نتا

عمران: (كلامو على حق) اوا وشنو نقولها لها فهاد الظروف لي هي فيها انا عاد كنت ناوي نمشي لدارهم ونتزوجها وعاد نأسسو حياة نقولها حقا راك حاملة ودارهم لي باغي عاد نصلح الامور نديلهم بنتهم يسمحولها ومن الفوق حاملة..!!!!

سعد: (قاطعني) كتفكر ديرلها اجهاض ولا شنو؟

عمران: (حنيت راسي) معرفتش معرفتش تلفت

سعد: استغفر مولاك متخطاش حدودك بزااف أعمران ريتاج كتبقى انسان ماشي كلشي غادي تقررو نتا هي لي عندها القرار واش تخليه او ل ا(مشى طلع لوطو)

عمران: (شفت فعلي) ونتا مغتقول والو؟

علي: صراحة كنت كنظنك غتفرح (مشا وخلاني حتى هو)

عمران: (صدمني) نفرح!!! (صراحة انا كنت ديما كنحلم نكون أب ودابا مرتي لي كنحماق عليها وكنتمنى رضاها حاملة مني بثمرة حبنا وبقطعة مني وأصلا هي حملت حتى قستها فالمرة الثانية كنا بجوج مستمتعين يعني هاد الجنين ماشي نتيجة الاغتصاب علاش مصعب الامور والمهمة مبقالها غير ايام قليلة.. مشيت عند دراري لوطو)

عمران: (طلعت عندهم) أنا ماشي مباغيش نكون أب بلعكس أنا باغي وبشدة ومن شحال هادي كنتسنى هاد اللحظة للي مبغتوش تفهموه هو أنني فكرت لريتاج أنا عاد باغي نمشي نصلح علاقتها مع العائلة ديالها ومتنساش منين غادي نخبرها بموضوع الاغتصاب معرفش كفاش غادي تكون ردة الفعل ديالها واش غتقبلها ولا لا

سعد: خويا عمران حنا فاهمينك مزيان وعارفين شحال كتبغي ريتاج غير هو أنا قلت ليك لابد متعلمها وتقررو بجوج و بلاش متخبرهاش ياك هي ملامتك بوالو علاش غادي تخلق مشاكيل بيناتكم

علي: عندي حل

عمران: اما هو؟؟

علي: ........ كجاكم

سعد: اترات عليك السمرة اولدي 

عمران: علي صافي ابابا صافي

علي: والله حتى حل زوين غير مكتعرفوش، وفالتالي كتجيو حتى لعندي تستاشروني

عمران: (صراحة هاد الحل الصبياني لي قالي علي هو لي غادي يبقالي نديرو) مهم حتى نفكرو مزيان 

سعد: اوا مغتقولهاش راك حاملة؟

عمران: حاليا لا (شفنا الناس كيخرجو من قاعة الحفالات تبعنا سيارة ستيف لي كان معاه حتى السيد مشاو لدارهم جات الفرقة التانية باش تشد المناوبة مشينا الفيلا دخلنا لقينا لبنات كيطيبو دجاج محمر)

سعد: امممم الله الله هاد الريحة شحال هادي مشميتها 

زينب: هههه بصحتك اخويا بدلو حوايجكم واجيو تعشاو راه ريتاج لي قاداتو

ريتاج: (غير كنفرنس كنتسنا حبيبي يقولي لكلام زوين لي وليت مدمنة عليه)

عمران: شهيتوني والله تبارك الله عليكم كاملين

ريتاج: (كاملين مال هادا زدحو الضو راه قالت غير ريتاج لي قاداتو)

سعد: هزال حبيبتي تعلمتي طيبي من ريتاج؟

هزال: هههه هاني كنتعلم احبيبي

ريتاج: علاش أنا مقلتيلي والو هئ هئ نتا ممزيانش كلشي كيقول لحبيبتو الا نتا تفوووو (طلعت كنجري لبيت كلشي كيقول كلام زوين لحبيبتو وانا لا)

عمران: احم انا غادي نطلع عندها (خليت كلشي مصدوم وطلعت عندها لقيتها جالسة على طرف النموسية) حبيبتي مالكي مقلقة مني؟

ريتاج: شوف نتا

عمران: حبيبتي ماشي حشومة ديري قدام الناس هاكا أمورنا ديما خاص تبقا بيناتنا وانا كنت غادي نهضر معاك تحبيبتي غير نتي تسرعتي

ريتاج: وماشي حشومة عليك نتا متسوقش ليا قدام الناس زعما حنا مزوجين.....

عمران: نتي اجمل وحدة احبيبتي فهاد الدنيا كاملة اخر مرة سمحيلي نعاودها اوكي (نوضتها بستلها يديها وعنقتها)

ريتاج: اوكي بيبي حتى نتا سمحلي معرفتش علاش وليت انفعالية بحال هكا متديش عليا بيبي

عمران: هانية حبيبتي أنا ندخل ندوش وجديلي شنو لبس احياتي باش نهبط ناكل ماكلت حبيبي البنينة

ريتاج: ههه اوكي حياتي ( وجدتلو شنو يلبس دوش وخرج عندي وهبطنا لتحت كأنه مواقع والو)

عمران: ( بدينا كناكلو حتى شفت ريتاج ناضت كتجري للحمام تبعتها) حبيبتي ياك لباس؟

ريتاج: والو والو احبيبي بلا مدخل عفاك

عمران: (دخلت عندها لقيتها حانية على.. وكتقيا هزيتلها شعرها) حبيبتي في السراء والضراء الصحة والمرض غادي نكونو انا وياك متاحدين ويد وحدة اوكي بيبي معندكش علاش تحشمي هادشي عادي

ريتاج: (كلامو شحال ريحيني) اوكي حبيبي (غسلي وجهي ورجعنا)

زينب: كلشي مزيان احبيبة؟

عمران: غير خلطات الماكلة كلات بزاف الشكلاط ولكلاص

ريتاج: اه بالصح

سعد: الهه يعطيك الصحة اختي ريتاج هادشي بنين علمي معاك زينب

زينب: (خرجاتلو لسانها) 

سعد: تبارك الله علبك امرت خويا

ريتاج: بصحتكم اخوتي( طرباتني ديك مرت خويا كملو هوما الماكلة جمعنا الدنيا من بعد درنا فيلم عائلي تفرجنالو زويين suisid squad قصة ديال اخطر المجرمين كيديرو منهم فرقة باش يحاربو قوة شيطانية كملنا الفيلم كل واحد طلع تلغرفة ديالو عمران مسكين كان عيان فوسط الفيلم عينيه كيتغمضو طلعنا للغرف ديالنا وطحنا نعسنا)

عمران: حبيبتي

ريتاج: امممممم شنو بغيتي احبيبي

عمران: كتبغيني؟؟

ريتاج: (درت عنو وعنقتو) كنحماااق عليك اعمراان

عمران: (بتنهيدة) حتى انا احبيبتي كنبغبيك بزااااف (بقيت كلعب ليها فشعرها حتى نعستها عاد نعست.... دازت شي 4 ايام وحنا غير كراقبو سيف الحد الان مزال مكاين والو حتى بدينا كنيأسو كلشي عيا كلشي بغا يرتاح كلشي بغا يأسس أسرة ويستاقر العمر كيهرب منا وحنا معندنا والو وانا بغيت يتسالا هادشي باش نتفرغ لمراتي حبيبتي وولدي ولا بنتي للي جاي فطرييق حتى جانا الاتصال)

ستيف: هاي عمران راه عرفت شي حاجة لي غادي تنفعك بزاااف

عمران: (بحماس) شنو هي ستيف؟؟؟؟؟؟؟؟؟؟؟؟؟؟؟؟؟؟؟؟؟

ستيف: سمعت الاب ديالي كيهضر على شي شحنة كبيرة 

عمران: وهو غادي يكون حاضر فيها

ستيف: على مفهمت من كلامو غادي يكون فيها هو والاتباع ديالو، كنظن هادي هي الضربة ديالك، عمران لولا لباس عليها؟

عمران: اه لباس متخافش عليها هي فامان

ستيف: نخليك دابا نتا غير استعد نعرف التاريخ والعنوان نقولوليك

عمران: ييييييييس سسسعععد! علييييي!

سعد: شنو كاين؟

عمران: ستيف صونا عليا وقالي شي شحنة كبيرة غادي تخرج وغادي يكون حتى السيد ولي دايرين بيه، انا عارف مغاديش يتشد كلشي حيت هادشي فيه مسؤولين كبار ولكن الا شدينا هاد السيد راه مزيان حيت مهمتنا هنا كتسالا

علي: اه بالصح خاصنا شي تدريب مزيان 

عمران: اه كل نهار غادي ناخدو الفرق ديالنا ونترينيو (بقينا على ديك الحالة يوميا حتى علمنا ستيف بوقت العملية ولكن لي صدمني هو المكان)

عمران: ههههه الوقت كامل كان حدانا وحنا كنقلبو عليه مكذبوش منين قالو لي تلف يشد الارض!!!

سعد: هههه كتوقع فأحس العائلات

عمران: دراري مجاتكمش غريبة السيد مولاش عيط عليا

علي: ربما نتا غير مأهل زايوس لي ولد خوه ومتاقش فيه

عمران: ممكن، مهم غادي نبعدو من اجواء الفيلا هاد 33 ايام لي باقا باش نركزو مزيان (مشينا لفيلا جمعنا لبنات حاولنا نشرحو لبنات هاد الغياب لي غادي نغيبوه وغادي نكلفو حراسة شديدة على الفيلا خدينا لي غادي يخصنا ومشينا كندرسو المكان مزيان كندرسو اي حاجة المداخل واي مخرج حتى جا اليوم الموعوود كل واحد مستاعد لهاد اللحظة لي شحال وحنا كنتسناوها تسامحنا مع بعضياتنا صونيت على ريتاج)

ريتاج: ألو عمران.. الو حبيبي كتسمعني 

عمران: كنسمعك

ريتاج: (حسيت بيه محبط) حبيبي بحال ديما كلشي غادي يكون بيخير انا كنتيق فيك احياتي

عمران: غادي تبقاي تبغيني شنوما وقع؟؟؟؟؟

ريتاج: سؤال خارج على الإرادة ديالي قلبي خديتيه وحطيتي قلبك فبلاصتو كنبغيك اعمران وغادي نموت وانا كنبغيك كتر

عمران: (نسبيا ارتاحيت من كلامها ضروري كيخصني نسمع كلامها باش كنقوى ولكن قلبي ممهنينيش) كنموت عليك اريتاج بغيت نشوفك

ريتاج: حبيبي مبقا والو وعمرنا منتفارقو

عمران : تواعديني احبيبتي متكرهنيش

ريتاج: انا راه كنحماق على تراب رجليك احبيبي

عمران: كنبغيك بزاااف وكنتمنى تسمحيلي على اي خطأ درتو معاك احياتي (قطعت معاها ومشيت لبلاصتي اتاخدت الموقع ديالي شوية بقاو كيبانو الطوموبيلات وبقاو كيدخلو الشخصيات ستيف عطانا الاشارة بدينا فعملية المداهمة دخلت انا من قاعة العرض حيت المكان المخصص ولي كيخرح من جميع أنواع المخدرات هو مقر *الجمعية* المكان لي كنت كنهرب ليه منين كنت كنبغي ارتاح لعبة القدر كتلعب دورها دخلت لغرفة لي كانت دخلاتني فيها روز ا نهار اللول منبين كانت كتشم بقيت كنتفحصها حتا بانلي واحد الباب سحري كنت شكيت فيه داك نهار حيت النقش ديال الحيط جاي فالوسط وكيبان الاختلاف خط طالع ولاخر هابط شوية بقيت كنحاول معاه حتى تحلي ولقيت دروج

عمران: (بصوت منخفض) علي فين وصلتي؟

علي: راحنا طوقنا البناية بشكل سري من جميع النواحي وطلبنا مساعدة وحدة اخرى كتسنا فالشارع المقابل، ونتا

عمران: انا والفرقة غادي ندخلو من واحد الباب لقيهو فديك الغرفة دبما كتهبط للقبو، فين سعد؟

علي: سعد كيتسناك تعطيه الاشارة باش يتدخل

عمران: اوكي(دخلنا فداك القبو هبطنا مع دروج حتى بقا كيبان لينا الضو تمركزنا فبلاصتا بلا حس حيت كان عامر شخصيات وحراس والحسن الحظ كانت الشحنة ديال المخدرات تماك صورنا شي ادلة باش يبقاو عندنا من بعد عطيت الاشارة لدراري ولرجالنا باش يتدخلو بشكل مفاجئ هبطنا من السلوم ودراري وفرقتهم دخلو)

عمران: حتى واحد ميتحرك كلشي يهز يديه (شفت السيد بغا يدير شي حركة) قلتلكم كلشي يهز يديه، واخيرا طحتي فيدي السيد!!!

السيد: هذا نتا كنت صائب باش منتيقش فيك

عمران: نتا اخر واحد توقعتو يكون السيد هو نتا أ.........!!!

===> عند لبنات

ريتاج: لبنات واخييييرا غادي تكمل هاد المهمة ديال لخرا

زينب: وييييه واخييرا علي غادي ي..

هزال: عقلك غير فالجنس هههه

زينب: ههه حبيبتي مسميتوش الجنس سميتو غادي نمارسو الحب وانا مراتو الجنس غير عند العاهرات 

هزال: اوووو انشتاين

ريتاج: قبيلة هضر معايا عمران وكان مهموم مسكين غير طمأنتو رجع عادي وبقا كيقولي على احلامنا لي غادي تحقق.، واخيرا نمشيو للمغرب ونتصالحو مع دارنا ونديرو عرس مجموعين

زينب: نفس الشيء حتى علي كان مهموم راه صعيبة مهمة خدات كلشي منهم

ريتاج: انا فرحاااانة بزااف شنو رأيكم نوجدو ليهم كاع شهيوات لي كيبغيو مساكن 3 ايام وهوما تالفين

الكل: اوكي (نصنا نصاوبو ونقولو مصوبنا)

==> فالجمعية

عمران: نتا اخر واحد توقعتو يكون السيد هو نتا اسي دافيد ولا نقول رئيس الجمعية كلشي شكيت فيه الا نتا كتعرف تلبس الاقنعة مزيان!!

السيد: ههههه كنسميوها السرية، اذا نتا لي تسببتي فموت زايوس؟

عمران: وتسببت ليك حتى فالخسائر، ولعلمك البضاعة لي مشات لنيوجيرسي بدلتها باش بلا متبقى كتسنا يعاودو يتاصلو بيك وحتا لاس فيغاس وشحال من حاجة

السيد: اممم مثير، ولكن ماشي ذكي لدرجة غادي تخليك تلقي القبض عليا هاد نهار اسي عمران

عمران: نتا فوضع مكيخليكش تيق فراسك بزااف

السيد:(برود) متأكد!! (حتى دخلو علينا رجال مسلحين مكنتش داير ليهم الحسابا واحد جا من مورايا ودار السلاح على راسي)

...: كلشي يحط سلاح ولا غادي نفجر راسو!!

السيد: (باستهزااء) قلتلك ماشي ذكي بززاف!

عمران: (هزيت يدي الفوق وكلشي تقريبا حط سلاح) مغاديش تخرج من باب هاد البلاصة حي من الاحسن تسلم راسك

الكل&السيد: (كيضحكو) اه بصح مغاديش نخرج منهنا غادي نخرج من الفوق 

عمران: كفاش(سمعنا صوت هيليكوبتر )

السيد: ستيف اليوم غادي تثبت لينا الولاء ديالك ولحسن حظك جاتك الفرصة بهاد السرعة باش تاخد مكاني، غادي نخلي ليك شرف تقتل هاد الخائن

ستيف: (بتعلثم) امم كفاش

السيد: كي سمعتي (عطاه المسدس) هاك بما أنه غادي يكون لابس سترة النجاة هاد المسدس الخاص ديالي كيختارق كولشي 

ستيف: منقدرش منقدرش

السيد: (بالغوات) مخاصكش تكون جبان يا حياتك نتا نتا يا هو ؟؟؟؟؟

ستيف: (بالغوات) لا منقدرش نقتلو هو حسن منك هو حماني ونقدني منك انا لي جبتو اليوم لهنا وانا لي خبرتو عليك وعطيتو اي ادلة عليك وانا ماشي بحالك وعمرني نكون بحالك المجرم فهمتي من الحسن ليك سلم راسك

السيد: (بنظرات باردة ومسوقش لكلامو) اوكي الفاشل كان ختك عندها الحق كان خاصك تموت من شحال هادي كان عندي فيك أمل طلبتي غير الموجود (وجه سلاح لولدو) ودع العالم الفاشل وداعا بني

عمران: (مشيت كنجري عند ستيف....) بااااااخ بااااااخ!!

علي: عمراااااااااااااان... (انا تبعت السيد لي كان بغا يهرب من السطح)

سعد: عمررررااااان (هزينا سلاحنا بدات المواجهة زادو رجالنا تدخلو هربنا ستيف واخا حتا هو تقاس وكملنا كانو ضحايا بزاااف ولكن سيطرنا على المواجهة من هادوك الشخصيات كاين لي تقاس وكاين لي استسلم مشيت عند عمران لي كان مليوح فالارض حيدتلو الواقي ولكن الفاجعة لقيت الرصاص دخلو)

سعد: عمرااان خويا نوض موقعلك والو غادي تعالج ولكلشي غادي يكون مزيان

عمران: (بكلمات متقاطعة) س..ع..د ريتاج وولدي فامانتك صالحها مع دارهم وقولها كنبغيها و تسم..ح.لي....... (حتى غاب)

سعد: لااااا خويا عمران حاول تماسك عفاااك عمرراااان (دموع محبسوليش ميمكنش عمران بهاد السهولة يخلينا ميمكنش مات شهيد مات و هو كينقد ستيف) لاااا

علي: (من بعد مسلمت هداك الحقير للسلطات مشيت كنجري نشوف عمران كبفى حتى كلقى سعد كيبكي وكيغوت وكولشي مرسومة فيه علامات الحزن) عمراااان (بصوت كيرجف) عمرااان سعد خويا متقوليش وقعاتلو شي حاجة (بداو دموعي كيهبطو ماشي ساهلة منين كنا صغار وحنا مجموعين جاو رجال الاسعاف هزوه لقاو النبض مزاااال فيه فرحنا نسبيا مشينا بسرعة للمستشفى دخلوه للعناية المركزة حتى كلقاو طبيب خارج كنسولوه مجاوبوناش دخلنا عندو وسمعنا الجملة)

طبيب: سجل وقت الوفاة 19h 56min 43s (من بعد بصيص امال كلشي تلاشى مشى علي بقا كيغوت على طبيب حتى بغا يقتلو داروليه ابرة ترخى وداوه لغرفة انا بقيت غير كنشوف هاد المنظر كفاش وقت الوفاة واش مكيفهموش راه عمران هذا راه خاصهم يداووه باش يرجع لصحابو لمرتو ولولدو لي مزال متزااد مزال مسوعبت والو دخلت عندو للغرفة وكلقا جثة ماشي عمران النشيط 

سعد: عمراااان فيق اخويا فيييق لمن غادي تخلينا نووض اعمران كلشي كيتسناك حنا مراتك وولدك بقيت على ديك الحالة حتى جاو شي فرمليات كيبردو فيا حاولت نجمع قوتي شوية اتصالت برجالي يجيبو لبنات واخا معنديش الوجه لي يشوف فريتاج منين جاو شافوني وجاو كيجريو)

زينب: سعد فين علي وعمران؟؟؟؟؟؟؟

ريتاج: خويا عفااك فين عمران (مقادراش نتنفس) عفاك اخويا فين عمران (شفت دموعو) سعد فين عمران (بالغواات) فييييين عمرااان جاوبني (جرني لعندو وعنقني بقيت كندفعو) علاش كتبكي فين راجلي عمران (شفت واحد طبيبي مشيت كنجري لعندو.....)

سعد: رييتاج ختي عمران... (بعدت منو ومشيت كنحري عند واحد طبيب)

ريتاج: دكتور عفاك فين الظابط عمران؟؟؟؟

طبيب: انا اسف (وراني الغرفة بصبعو منين دخلت ملقيت حتى واحد فالغرفة )

ريتاج: كفاش اسف شنو كتخربق نتا عاود متأسفليش

سعد: فين عمران فينو (دخل سعد كيجري مشا هز الغطا من وجه عمران)

ريتاج: عمران حبيبي باغيين يخنقووك ههههه انا كاع مشفتك هنا منين جيت داخلة بقيت كنقلب عليك بحال الحمقة ههه ياك انا الحمقة ديال ياله نمشيو من هنا ونرجعو المغرب يااك هاد البلاد اصلا مزويناش ياك نتا واعدتيني غادي نرجعو بجوج ونحققو احلامنا (كنشدلو فيدو) ياله نوض ماشي وقت نعاس عفااك غير نوض ونتا شحال تقيل ههههه والله منعاود نرد عليك الهضرة شوف والله منعاود نقول حتى كلمة حتى تقولي نتا هضري عفاااك اعمران عفاااك نوض هئ هئ هئ عمرااااااان نوض انا غادي نتقلق لا لا لا منتقلقش غير نوض عفااااك علاش مكتشوفش فيا ياك نتا كتبغيني عمراااااااااااااااان هئ هئ هئ نووض عمران ميمكنش تخليني بوحدي غير نتا لي بقيتلي فهاد الدنيا عمراااااااان عفاااك نوض

زينب: هئ هئ ريتاج (جات زينب وهزال كيجرو فيا)

ريتاج: بعدووو مني انا كنوض راجلي يفيق علاش كدخلو بين راجل ومرتو كلكم مغيارين تفووو من هاد نهار متبقاوش تعرفوني انا بغيت غير راجلي صافي حبيبي نوض عفااك عمران هئ هئ عمران (جا سعد كيهزني وانا كنفركل) بعد مني خليني نوضو علاش كتبكيو عمراااااااااان (جا طبيب دارلو ليزار على راسو بقيت كنتركل وكنغوت مشيت عند طبيب كنجري وشديتو من عنقو) علاش بغيتي تخنقلي راجلي علاش غادي نقتلك (مشيت كنعري وجه عمران وتلاحيت عليه) لي قربلو نقتلو هو غير ناعس راه عيا مسكين هئ هئ هئ هئ عمراااااااااااااااااان كفاش غادي تموت وتخلي حبيبتك بوحدها مااات اغلى انسان فعيني واش غادي تمشي صاافي ومترجعش عندي واش كنتي كتودعني صبااح وانا بحال الحمقة فرحانة حيت كلشي غادي يتقااد عمرااااااااااان نوض اعمران منقدرش نعيش فهاد الدنيا بوحدي كنواعدك غادي ندير اي حاجة بغيتي متخلاش عليا اعمران (حتى حسيت بإبرة دخلات فيا مبقيت عاقلة على والو....

في مثل هذا اليوم

أتاني خبر موتك

لم اصدقه واعتبرته اشاعه

ذهبت كعادتي الي مكان لقاؤنا

أنتظرت طويلا

ولم تاتي

أنقبض قلبي

وتوقف نبضي

لماذا لم يأتي؟

هل ماسمعته صحيح

لا لن اصدق

فهو أتي

سأنتظر ربما بعد قليل يأتي

ومر الوقت وجاء الليل

وأصبح المكان موحش

ألتمست له العذر

علني أراه غدا

نعم غدا سأتي هنا

وسأراه حتما

ريتاج: هئ هئ هئ عمراااااااااااااااااان (حتى حسيت بإبرة دخلات فيا مبقيت عاقلة على والو)

ريتاج: عفاكم متخدرونيش خلوني نشوف عمران لاخر مرة ع..ف..اكم ع..م.را..ن

زينب: هئ هئ هئ خويا عمراان (كولشي كيبكي داو عمران )

هزال: هئ هئ هئ

سعد: (لبنات بقاو مع ريتاج مشيت كنجري.... مشيت عند علي نوضتو حتى تعانقنا بقينا كنبكيو على خونا وحبيبنا لي طار بين يدينا)

علي: واش عمراان خويا لي مات ميمكنش كان قدامي حتى طاح

سعد: الله يرحمو فهاد نهاار

علي: عفااك قولي غير كابوس ميمكنش مبغاتش دخلي لراسي نفقد خويا.. زينب زينب (شفت زينب ومشيت كنجري عنقتها او دخلتها لصدري فيا نااار كتحرقني) ميمكنش ميمكنش خويا يموت

سعد: (شفت هزال كتبكي عنقتها لاول مرة كنبكي فحياتي عمرااان خويا )

هزاال:ان لله وان اليه راجعون (منين قالت هاد الجملة مشيت كنجري للغرفة لي كان فيها ومالقيتوش سولت خداوه للغرفة الاموات) منين جينا خارجين شفت وحدة ماشي فوقتها .....................

سعد: منين جينا خارجين شفت وحدة ماشي فوقتها، خليت علي يمشي يطل على لبنات بقات فيا حتى ريتاج جاتها نوبة عصبية متقبلاتش الصدمة لي حنا اصلا متقبلناهاش معرفتش كفاش غادي نقولها راك حاملة من طرف خويا مهم بقيت متبعها حتى شفتها دخلات لفرفة ستيف حيت حتى هو تصاب واخا خويا عمران ضحى بحياتو عليه هزات وسادة وحاولات تخنقو

سعد: كتفرجي فأفلام هوليوود بزااف!!

جاسمين: (دارت عندي بالعرض البطيئ وهي مصدومة) سعد اش جابك هنا (بقات كتشوف فلباسي لي كيبين اني شرطي) واش نتا ميمكنش

سعد: شنو ميمكنش حطي داكشي من يديك وق... بحالك

جاسمين: خديتو مني الاب ديالي حقيييييير جبدات واحد لمضا (موس) وجات لجيهتي

سعد: (شديتلها يديها بجوج دغيا حكمتها حيت قصيرة) بنيتك!!! (دورتها ودرت ليها لمينوط وعيطت على دراري خداوها تلحق بباها بقيت كنشوف فستيف واش نحقد عليه ولا يبقا فيا هو سباب هو... لا حول ولا قوة الا بالله العظيم كان المكتاب خويا عمران ممتيقش ممتيقش مشيت للغرفة لي فيها عمران ملقيتوش سولت

طبيب: راك عاد شوية سولتني عليه راه ديناه المشرحة.... جا العميد 

العميد: كنتأسف لي وقع للظابط عمران كان راجل قوي

سعد: (بحزن كبيير) شكرا العميد

العميد: الجنازة غدا غادي تقاملو من بعد غادي ناخدوه باش نكملو التشريح وغادي نسفروه للمغرب هدا كان طلبو بحال كان حاس

سعد: ( زاد أزمني منين قال هاكا)اوكي العميد نمشي نطل على مراتو مشيت نطل على ريتاج مفاقتش كلشي كيبكي لبنات مسكتوش جلست فكرسي وبقيت ساهي حتى نطقت قدام لبنات

سعد: علي عقلتي على اول نهار تلاقينا فيه كانو الاباء دياولنا صحاب وخدامين فنفس هاد الخدمة كنا عايشين كامل كعائلة وحدة عمرني نسا هداك نهار لي رجعنا من الاعدادية وكلقاو الدار السعيدة تحولات لمجزرة دموية من تماك وحنا كنحسو بالمسؤولية احتوانا العميد عندو قف معانا حتى دخلنا لكلية الشرطة من تماك بدا مسلسل الانتقام انتقمنا من هادوك لي قتلو لينا ولدينا...)

سعد: انتقمنا من هادوك لي قتلو لينا ولدينا او بالاحرى عمران هو لي نتاقم منهم شر انتقم كان ديما كيحمينا من اي خطر ديما مضحي براسو على قبل الناس بقينا من مهمة لمهمة حتى عرفناكم لبنات وبغينا نعبيشو ولو شوية ونعوضو سنينا لي راحت حتى كان قدر الله فوق الجمييع خويا عمران مات شهييد الله يرحمو محسيت حتى جات زينب كتعنقني وكتبكي وتبعاتها هزال وعلي كلشي كيبكي منظرنا يدوب الحديد ماشي غير يهرس الحجر بقينا على ديك الحالة حتى 

علي: (كيمسح دموعو) صافي براكة عليكم خويا عمران وكان شافنا هاكا غادي يتقلق خليو روحو ترقد في سلام (سكتنا لبنات هبطنا لكفيتيريا ناكلو واخة معندو منين يدوز ولكن على حساب لبنات مكلاو والو وغادي يفقدو التوازن طلعنا بتنا فسبيطار والغد ليه صبحنا لبسنا الزي الخاص بالشرطة انا وسعد باش نديرو مراسيم دفن المرحوم اول حاجة درناها هي جمعنا لي مسلم وصلينا عليه صلاة الجنازة وعاد بدات المراسيم ديال تشييع جثة الشهيد الظابط عمران شرف عطينا سلام انا هادشي كامل درناه وانا عقلي مع ريتاج لي مزال مفاقت او هي مباغاش تفييق كملنا جميع الاجراءات دارو علم المغرب فوق التابوت ديالو وكلشي عطاه سلام وتطلق رصاص كملنا مشينا عند ريتاج جلسنا حتى بدات كتفيق شوية

سعد: ختي فيقي

ريتاج: (رجعتلي الذاكرة) هئ هئ خويا سعد انا بغيت عمران عفااك بغيتو هئ هئ هو مماتش راه غير كيكدبو راني حلمت بيه دابا مماتش هو لي فيقني انا عارفة هو هو عفاك غير عيطلو مغانتقلقش منو هههه عمران عمران غير بان راني شفتك

سعد: (عنقتها) صافي اختي باركة عليك شوفي صحتك كدايرة ديها دبا فرايك وفولدك لي جاي فطريق

ريتاج: (شللني بهاد الهضرة) كفااش ولدي علاش انا حاملة

سعد: اه حاملة قطعة صغيرة من خويا عمران

ريتاج: هئ هئ هئ مبغيتوش مبغتووش انا بغيت غير عمران عفاااك اخويا سعد جيبلي عمران ياك كنتي قلتيلي هو اول مرة كيبغي ميمكنش يكون كيبغيني ويتخلى علية بهاد السهولة

سعد: ريتاج باركة اختي شوفي حكمة ربي ها الله رزقك بعمران صغير (بقيت كنقنعها بكلامي واخا عارف راسي كنكب الما فالرملة حتى ساءت الحالة ديالها بقات كتغوت وكتنتف فراسها جا طبيب دك ليها ابرة حتى نعسات منين جيت خارج)

زينب: سعد واش ريتاج حاملة؟

سعد: اه اختي حاملة

زينب: هئ هئ هئ ختي الحبيبة ولات ارملة فسن صغير انا عافها مغاديش تحمل هادشي كامل وزيادة البيبي

سعد: حنا معاها وكلشي غادي يكون مزيان انشاء الله.........

سعد: حنا معاها وكلشي غادي يكون مزيان انشاء الله..... مشينا عند ريتاج لقيناها فايقة وغير كتشوف فسقف نوضناها خديناها للفيلا

ريتاج: دخلنا للفيلا طلعت لبيتي حليتو كيبانلي خاوي مفيه والو او بالحرى مفيه لا حب لا حنان لا والو لي كان مصدر هادشي مشا وخلاني كان اناني علاش مخدانيش معاه منين عرفتو وانا كنحاول منقولو والو غير باش ميخلينيش وفالنالي يمشي بدون سابق انذااار علاش اعمران سمحتي فيا كنتفكر اخر مرة كنا بجوج قالي عنداك فشي يوم يهون عليك تنساي احلى ايام دوزنا عنقني وقالي تمنيت ولو نبقا غير معنقك والله منسخا... علاش كنتي كتودعني وانا بحال الحمقة مفاهمة والو ....

علي: دازت 25 يوم على رحيل خويا عمران وجا الوقت باش نهبطو للمغرب كلشي تبدل حتى حاجة مبقات هي هاديك ريتاج بحال شي جثة هامدة مكتحركش لبنات غير مقابلينها على الماكلة حاجة وحدة كطلب غير دوا دنعاس باش تنعس ناكرة شي حاجة سميتها راها حاملة متقبلاتوش فمرة فكرات شحال من مرة فالانتحار شحال من مرة لقيناها فوسط لبانيو ديال لما وهي غارقة فيه حتى ولاو لبنات كينعسو معاها... لفيلا ولات بحال دار الاشباح قررنا بعد 5 ايام غادي نهبطو للمغرب وحتى هزال غادي تمشي معانا 

ريتاج: فين ماشين حنا

سعد: غادي نمشيو اختي للمغرب

ريتاج: علاش

سعد: باش نمشيو لداركم

ريتاج: علاش

سعد: غير نشوفوهم وصافي

ريتاج: وغادي نخليو عمرةن هنا بوحدو

سعد: نو سيمانة وغادي يجيبوه للمغرب

ريتاج: اه وقلهم يتهلاو فيه...

سعد:بقيت غير كنشوف فيها معرفتش باش نجاوبها ياا ربي تشوف من حالها صعيبة بزاااف اووف

==>جمعنا حوايجنا وصلنا للمطار 

ريتاج: زينب

زينب: (فرحت منين هضرات معايا من المستشفى مهدرت) شنو احبيبتي

ريتاج: عقلي نهار جينا اول مرة لهنا؟؟

زينب: (فرحت حيت واخيرا نطقات بكلمة كانت بحال الدمية هاد الشهر حنا كنحركوها) اه عقلت

ريتاج: كنا جينا فرحانين وهاحنا غادي رجعو وحنا هئ هئ كنت كنحلم بهاد نهار يجي ونمشي مع عمران ماشي مع زبل دولدو لي فكرشي هئ هئ (تعانقنا وقلبناها نواح فهاداك المطار حتى جاو دراري كيسكتونا طلعنا ركبنا مدة طوييلة باش وصلنا للمغرب ممحملتش نجيلو دارنا معنديش الوجه باش نقابلهم معرفتش علاش راحنا راجعين مهم وصلنا تهدينا بزااف واكترية انا لي طريق كاملة وانا كنرد يمكن بهاد الحمل الغير مقبول وصلنا خدينا فندق وطحنا نرتاحو او هوما يرتاحو انا غير كنحط راسي فالمخدة كنحلم بحبيبي عمران وكنبقا فايقة كنحس بأرق شديييد...) 

أصبحنا وأصبح الملك لله....

علي: شحاال هادي مجيت للمغريب

زينب: مرحبا بيك احبيبي فبلادك

علي: حبيبتي خاصنا نستارحو ريتاج علاش جينا لهنا احبيبتي

زينب: اممم واخا غادي يكون صعيب عليها الامر

علي: خاصها تحمل وحنا اكيد معاها معندها مناش تخاف خاص تقابل دارهم بسرعة

زينب: اوكي حبيبي انا نمشي دابا نقنعها

علي: اوكي حبيبتي غير بداي معاها وحنا غادي نتبعوك باش يكون اقناع جماعي

ريتاج: فقت هاد صباح وانا خاطري ممهنينيش قلبي مقبوط غادي يسكت وكان غير سكت هاد الدنيا كتبانلي كحلة بلا حبيبي عمران (حتى سمعت الدقان) دخل

زينب: حبيبتي كيف بقيتي؟

ريتاج: الحمد الله اختي كنعدبكم معايا.....

زينب: نووو متقوليش هكاك الهبيلة، حبيب خالتو كبقا؟

ريتاج: اوووف علاش كتفكريني

زينب: حيت هو عايش فهاد الدوارة (بقيت كنهرها)

ريتاج: صافي صافي ازينب غادي تخرجلي الروح

زينب: خخخخ مكتشديش لفران فوقما بغيت نضحكك كتهجريه لي بالحزاق

ريتاج: هههه يمكن قدري ديما نكون هاجراه

زينب: وصافي اريتاج استغفري مولاك، حبيبتي انا جيتك على واحد الموضوع

ريتاج: الي هو؟؟

زينب:داركم خاصنا نمشيو لداركم ونصححو سوء تفاهم لي وقع

ريتاج: (بالغوات) شنو واش حمقة انا وجه باش غادي نقابلهم واش كتعرفي شنو كتقولي واش غادي يتيقوني فين هو هاد الراجل لي تزوجت فين

سعد: حنا غادي نكونو معاك

ريتاج: الا تقلت عليكم قلوها ومتلوحونيش هاد اللوحة، زينب بحال مكتعرفيش دارنا كدايرين

علي: اش هاد الهضرة كتقولي اخر مرة نسمعها من عندك وجدي راسك من هنا سمانة غادي نمشيو لتماك (خرج وجر معاه لبنات)

ريتاج: هئ هئ هئ علاش علي مبغاش يفهمني راه غادي يقتلوني

سعد: وحنا شنو كنديرو راك وحدة منا اختي ريتاج غادي نحميوك نتي ولد خويا حتى لاخر نفس فينا وزايدون هادي وصية اخي عمران متبغيش تنفديهالو؟ غير تيقي فينا اوكي ياله نهبطو نفطرو شوف حالتك كولات (هبطنا لتحت جا علي باسلي راسي حيت غوت عليا كملنا وخرجنا كنتسراو رجعونا دراري وهوما خرجو يقضيو شي غراض بقينا على ديك الحالة لمدة اسبوع حتى جا اليوم لي محملاهش هو صراحة موحشاهم ولكن معنديش الطاقة باش نواجههم مشينا مع 4 ديال العشية وصلنا للحي بقينا حنا لبنات فاللوطو ودراري دخلو كنحاول نستجمع قوتي ونركب شي خطاب يكون مقنع كنحس بروحي غادي تخرج لبنات كيحاولو يواسيوني ولكن انا غادي نهبل محاس بيا غير الله قلبي غادي غادي يخرج من بلاصتو مكرهتش نهرب نغوت تخنقت بزاااف )

زينب: كلشي غادي يكون مزيان احبيبتي

هزال: ريتاج كلشي غادي يكون مزيان

ريتاج: اممم ( كولشي كيحاول يواسيني ولكن اناوغادي نهبل محاس بيا غير الله قلبي غادي يخرج من بلاصتو مكىهتش نهرب نغوت تخنقت بزااف........ دازت مدة طويلة ودراري لداخل عقلي تقاال عليا هزيت راسي لباب الدار كنشوف الاب ديالي خارج وجاي قاصد اللوطو وجهو مكيتفسرش معرفتش نقراه حل باب طوموبيل حاولت نتشجع ما امكن ونرضى بالواقع ونهبط مع الهبطة

ريتاج: (بصوت كيرجف) بابا!!! (نزلت نبوس ليه يديه كما العادة ولكن جر يديه مخلانيش نبوسها) هى هئ هئ بابا

اب ريتاج: بابا!! باقا عاقلة عندك اب هنا؟؟

ريتاج: (منزلة راسي وكنبكي) عفااك ابابا!!! مبقيتش قادا (حسيت بقلبي تزير عليا حتى فقت لقيت راسي فبيتي)

ريتاج: عمراااااااااااان هئ هئ (من نهار مات عمران كل ليلة كنحلمو وكنوض قافزة دخلات عليا ماما وهي مخلوعة)

أم ريتاج: (بقات كتشوووف فيا واحد المدة وهي تنطق) عمران راجلك؟

ريتاج: هئ هئ هئ كان راجلي الله يرحمو (جات ماما عنقاتني وبقينا كنبكيو حتى طبنا) ماما عفاكم سمحولي مقصدتش نكسر تيقتكم الله كتب عليا هاكا وهاني كنتعاقب سمحولي عفاكم

ماما: بنت... (حتى سمعت بابا كيعيط لماما بالغوات وبحكم بابا شوية صارم خرجات عندو وهي كتشوف فيا بشفقة اكتر نظرة كنكرهها بقيت كنبوس الخاتم لي كان هدالي عمران وتفكرت السنسلة حليتها وبقيت كنشوف فتصويرتنا بجوج فرحانين هاد التصويرة تصورناها نهار تزوجنا احسن يوم فحياتي) عمراان توحشك احبيبي وكان غير خديتني معاك ولا هاد العذاب لي انا فيه (دخلات عندي زينب وهزال)

زينب: كي بقيتي اختي؟ فين كان مخبع هادشي حياتك كاملة مكانتش عندك حتى مشكل ودابا كلشي تجمع هئ هئ (هزال مفاهمة والو غير كتشوف)

ريتاج: (بغيت نبكي ولكن عينيا نشفو) مكتاب الله اختي واقع خاصني نرضى بيه، ختي بغيت نرجع لوطيل نرتاح محسيتش براسي كنتامي لهاد البلاصة

زينب: اويلي اريتاج حنا جينا باش نصلحو الامور ونتي باغا ترجعي لوطيل؟؟

ريتاج: تصلحو!!! شنو تصلحو بالظبط؟ (هرست واحد الكاس حدايا) هادا تهرس الا جمعناه غادي يرجع كي كان؟ اكيد لا

زينب: ولكن!!

ريتاج: الا كنتو غادي تمشيو وتخليوني......

زينب: ولكن!!!!

ريتاج: الا كنتو غادي تمشيو وتخليوني غير سيرو ممحتجاش ليكم قادرة ندبر راسي ماشي اول واحد غيتخلى علية

زينب: واش نتي حمقة من امتا تخليت عليك باش نتخلى عليك هاد الوقت

ريتاج: ممحتجاش الشفقة من عندكم

زينب: عندنا؟؟؟ ريتاج انا زينب ختك اكتر وحدة كتبغيك فهاد الدنيا شوفي رتاحي شوية بلاتي ونهضرو

هزال: ختي ريتاج واخا مفهماكش بزاف ولكن كنتمنى كولشي يتحل بقاي صبورة 

ريتاج: (ابتاسمت ليها ابتسامة صفرة وحاولت نعس حيت راسي ضرني وحتى كرشي)

===> #فلاش #باك 

سعد: (هاد نهار انشاء الله غادي نفذ موصية خويا الله يرحمو اللولة ونصالحو الامور بين ريتاج وعائلتها ومن بعد هي تختار تجلس معاهم ولا تمشي معانا وغادي نحتارم اي قرار من عندها وخا انا باغيها تختارنا حنا كنشم فيه ريحت خويا وبغيت نتكلف بولدو ولا بنتو عارف مغتكونش مرتاحة هنا مهم وصلنا لدارهم خلينا لبنات فللوطو تحسبا لاي ردة فعل دقينا لباب خرج لينا راجل كبير محترم باين هو باها من بعد معرفنا براسنا حنا شكون دخلونا لدار ورحبو بينا) 

علي: الحاج بغيت نفاتحك فموضوع ريتاج

اب ريتاج: سديت اولدي ديك الصفحة

سعد: ريتاج ماشي صفحة أعمي هي بنتك لي مدارت حتى حاجا غالطة تغضبك منها

علي: باش تيق الحاج هاك هاد الورقة (عطيتو اثبات الزواج ديال ريتاج وعمران)

اب ريتاج: (دار نظاظر وبقا كيقرا)

علي: شوف اعمي تاريخ فوقاش تزوجو كان قبل من... يعني هي كانت مراتو

اب ريتاج: ------------------------------------------

علي&سعد: كفاااااااااش

اب ريتاج: فين هي ريتاج؟

علي&سعد:(بصدمة مبقيت عارف منقوول ااااو لا ميمكنش اووووف) 

سعد: راها برا الحاج (خرج عندها لبرا وحنا بقينا غير كنتشاوفو حتى كلقاوه داخل بيها وهازها وهي سخفانا خفنا يكون دارلها شي حاجة وعاد سولناه خفناه يكون ضربها قالنا سخفات منين فاقت بقات ريتاج كتغوت دخلات عندها مها ولكن دغيا غوت ليها الاب)

اب ريتاج: يكما---

ام ريتاج: متخافش اراجل راني بعقلي فين دراري

اب ريتاج: راهم خرجو 

ام ريتاج: انا نعيط لزينب وديك صحبتها يدخلو عندها 

زينب: (من بعد مدخلنا عند ريتاج بانتلي شخص واحد اخر نظراتها باردين نتمنى ترجع ريتاج لي كنعرف واخا مسكينة عانات بزاف مؤخرا الله يصبرها مسكينة خدات كينة دنعاس نعسات عاد خرجنا ديت هزال لبيت لي كنت كنعس فيه باش ترتاح حيت قبل منسافرو تقريبا كنت عايشة معاهم وكانو دايرين ليا بيتي حتى انا كانو كيعاملوني شي مرات حسن من ريتاج وفينما كانت شي زبلة هي كانت كتحملها باش ميغوتوش عليا اححح هي وراجلها كانو غير كيضحيو بريوسهم خرجت عند ماما (ام ريتاج) كنعيطلها غير ماما) ماما رقية فين مشاو دراري؟

ام ريتاج: معرفتش ابنتي خرجو يمكن هادشي لي قالي باباك الحاج؟ 

زينب: اه اوكي فاش نعاونك اماما؟

ام ريتاج: غير رتاحي ابنتي ولا جيبيلي الماعن لكوزينا

زينب: واخا (دخلت ليها لماعن وبقيت كنغسلهم وهي كطيب)

ام ريتاج: شكون فيهم خطيبك ازنوبة؟؟

زينب: (بخجل) هداك لي سميتو علي

ام ريتاج: الله يتاويكم ابنتي وصاحبتك؟

زينب: هزاال حتى هي خطبها هداك صاحبو سعد كنا غادي نتزوجو كاملين صحاب ولكن

ام ريتاج: المكتاب ابنتي!!

==> #سعد: اه اوكي، نخليك دابا بلاتي ونجيو لدار... علي صافي غير هنا فهاد العمارة (طلعنا لديك العمارة وبالظبط الشقة 4 مع الدخلة وقفنا مصدووووومين........)

اب ريتاج: ولدي علي فينكم؟

علي: هاحنا الحاج قربنا

اب ريتاج: اوكي اجيو باش نتعشاو (دخلو دراري تعشاو اكيد رجال بوحدهم ولعيالات بوحدهم تجمعات روينة وجلسو فالصالون كيشربو اتاي) لالة رقية عيطي لبنات يجيو لهنا (كلشي تجمع وشي بقا كيشوف فشي الا ريتاج لي جالسة وحانية راسها مكيناش فهاد العالم)

اب ريتاج: مرحبا بيكم اولادي مقصرتوش جيتو رديتو لبنت لدارهم وبررتو شنو واقع انا مستاعد نصالح بنتي ريتاج

ريتاج: (منين قال هاد الكلمة حسيت بفرحة كبيرة واخيرا فهموني وغادي يرضاو عليا) بابا!! بالصح؟؟؟

اب ريتاج: ولكن بشرط

ريتاج: اي حاجة ابابا لمهيم تكونو راضيين عليا بحال شحال هادي

اب ريتاج: اذا نتي قابلة اي شرط

ريتاج: اه ابابا انا عمرني عصيتلك فشي كلمة

اب ريتاج: ولد صاحبي من شحال هادي كان باغي يخطبك ولكن منين مشيتي لامريكا خليناك تعيشي الحلم ديالك ودابا هانتي رجعتي وولا فاتح معايا الموضوع قبيلة هدا هو شرطي باش نتسامح معاك ونرضى عليك ونرض تيقتي فسك نتي غلطتي وسامحتك ولكن هدا شرطي لي يخليني نرضا عليك(كلشي وقف مصدوووم من هاد الشرط المفاجئ)

ريتاج: (نزلات عليا هاد الجملة بحال الصاعقة ميمكنش انا امرأة لرجل واحد كفاش نولي نتزوج وانا قلبي وروحي ماتو مع حبيبي ميمكنش نخونو وميمكنش نعصي الاب ديالي علاش حطني فهاد الموقف تحكم عليا بالموت تاني مرة شحال غادي تقتليني ادنيا من مرة)

سعد: ولكن اعمي راجلها عاد مات ومزال مكملات حتى العدة و..

اب ريتاج: هوما غادي يجيو غير يرشموها ومنين تكملها تزوج

علي: ولكن را..

اب ريتاج: هدا هو شرطي بعد غدا فالعشية غادي يجيو تصبحو على خير (مشا وخلاني في حيرة من امرنا)

سعد: الحااج غير نتفاهمو الحاج (مشا وخلانا مذهولين)

ريتاج: (نضت من بلاصتي وانا كنردد) قلتهالكم قلتهالكم قلتهالكم

ريتاج: قلتهالكم قلتهالكم قلتهالكم......

زينب: ماما رقية راه ميمكنش هادشي لي غادي يطرا راه لا ريتاج ولا هداك السيد غادي يعيشو مرتاحين

علي: خالتي نخليكم دابا حتى لغدا ونرجعو عند الحاج!!

زينب: عفااك اماما عاودي هضري مع بابا الحاج (شفت دراري خارجين معصبين بزااف)

ام ريتاج: راك عارفة ابنتي شنو كاين. اجي بعدا جلسي حدايا ابنتي وعاوديلي على ريتاج انا كنتيق فيك بزااف

زينب: انا نعاود ليك كولشي اخالتي (عودت ليها كلشي على فاش وصلنا وكفاش تلاقينا سعد وعلي والمرحوم عمران كفاش كانو كيحميونا وعاودتلها على المسابقات لي كانت ريتاج كتجي فيهم اللولة اغلبيتهم وكفاش الناس كانو كيشجعوها وكفاش عمران تزوج بريتاج باش يحميها من زايوس وكفاش روز بغات تنتاقم منها عاودت ليها على معاملة عمران لريتاج كلشي تقريبا عاوتولها من غير موضوع حمل ريتاج وصاونا دراري ماشي وقتو يعرفو غير حاجة بحاجة باش الامور متفاقمش وحاولت نوصلها بان ريتاج مغلطتش كانت باغيا تقولهالكم ولكن كلشي كان مزروب،) كانو باغيين اخالتي يجيو عندكم بجوج ويشرحو ليكم كلشي ولكن مكتابش عمران مات فواحد المواجهة كان خدام وقتلوه من تماك وريتاج مأزمة كما كتشوفيها مكضحك مكتهدر

ام ريتاج: (بألم كبير وحسرة بقات فيها حالت بنتها) بنتي مسكينة 

زينب: والله اخالتي ريتاج الا كانت نعمة التربية هي ديما لي كانت كتنهينا على الحوايج الخايبين انا كنعتبرها كتر من ختي شي مرات كتجيني بحال الام لي تحرمت منها

ام ريتاج: ياك قلتلك متعاوديش تقولي هاد الهضرة انا مك وسيدي جمال (اب ريتاج) باك

زينب: عارفة لي كاين اخالتي، عفاااك اماما شوفي شي حل نمشي نطل على ريتاج ياله اهزال

هزال: شنو واقع

زينب: كريييثة!!! (عاوت ليها شنو واقع) 

هزاال: اووووف وشنو الحل

زينب: من عند الله (مشيت عند ريتاج لقيتها نعسات هزال تخشات حداها وحتى انا حداهم ونعسنا)

سعد: علي سوك غير بشوية راك غادي تقتلنا

علي: (بعصبية) اوكي اوكي

سعد: خاصك تهدأ أعلي

علي: (غير كيكلاكسوني وكيزدح فلفولون) جاوب زينب راها كتصوني

سعد: ختي زينب علي مشغول دابا

زينب: ياك كلشي مزيان؟

سعد: اه كلشي مزيان غير تهناي فين هزال؟

زينب: راها ناعسة حدا ريتاج؟؟......

يتبع...