صفحة القصة
إذا سقط ستاره .. و خيَّم الظلام 🌚
و أَصابتكِ لعنته
فآحذري ⚠️
فلعنة أدولف لا تساوي جحيم الدنيا فقط
جحيمه لا مهرب لكِ منه سوى الموت
لن تستطيعي مواجهته
لعنته لي وحدي
كما الحرب لي أنا
قتل 🗡️ اختطاف ⛔ عذااب 🔥 جرأة 🔞 خوف 💔 دراما 🔥 عصبية 🚫 هوووس ❌ تمللللك ⚜️ غموض 🌚 أكشن 💣 تشويق 💥 سفاااااالة 🔞
كل شيء و المزيد فقط في حــــــرب إلــــيــنا {لعنة أدولف}
بقلمي: أميمة بنزحف و روفيدا✍🏻
🌸تقديم 🌸
المكان : جزيرة الباروس ، اليابان
الهدف : ضحية خداع
حدت رئيسي : إنتقام
رباوني و كبروني قالولي درنا فيك خير راكي غير ..#ربيبة
قالولي خافي و عليهم دافعي رَاكْ كتسماي لْكْبيرة
لبست لباس ما هو لباسي و نار خشيت فيها راسي غير حيت انا #ربيبة
ياك عليكم دافعت ونار خشيت فيها راسي
نكلع من نفسي و نعطي غير تحسوني وحدة منكم و عليا تخافو
شفتو فرح قلبي ضنيتو حبل نجايا كان حبل شوكي
تحرقت و تعذبت .. هربت منو لآخر الدنيا و رجعت ليه تا تشوات روحي
توسخت أمي واش هادو هوما اليدين لي ظنيتي بيهم راك حميتيني
أميمة: ( عنقاتو من لور) هممم اش هاد الزين كامل عندي ..واش هادشي ديالي بوحدي
حمزة: (كيشوف فيها من لمراية ) هههه ياك بعدا اوا شفتي (غمزها) حافضي عليا
اميمة: ياك هههه ايه نحافظ على العميل السري ديالي (جبدات من المجر كرافاطة كادو ليه ) مبروك عليك نجاح
حمزة : احح عليك (باسها فمها تا تخنقات ودفعاتو بشوية) هدا هو احسن كادو .. هي نتي (حط يدو على طرمتها وبجغها ) ايهاي خيورات ربي 😉 نديرو شي فشي قبل منهبطو
اميمة: هههه( هربات بعيدة عليه ) اويلي ههه يلاه لبنات كيتسناو و ويزن تاهو
حمزة : فكرتيني علمتيهم بلي هادشي خاصو يبقى سري عنداك يكونو مشاو سرسبو كولشي راني كنعرف هيلين
اميمة : كون هاني وصيتهم و هيلين ما قالت والو
حمزة: يخليلي لي كيفكر
اميمة : ( كضحك عليه و فنفس الوقت كتقلب فبلكار ديالها ) افف فينها حطيتها غير هنا
حمزة: ( شافها كتقلب ) مالك علاش كتقلبي
اميمة : (الهضرة بالتاويل مدخلة معاها لفرونسي و صباغة فضفار) على كسوتي النواغ لي شريت خصيصا ل هاد المناسبة ملقيتهاش
حمزة : (شاف فساعة لقى فات لحال ) حبيبة ختاري أي كسوة كلشي كيجيك زوين راه تعطلنا عليهم
ساطت بعصبية و هزت كسوة حمرا لبساتها
حمزة : فين غادة ؟
اميمة : نمشي لبس كسوتي فالحمام
حمزة: خوك انا و هيلين و يزن منين جبناهم من لهوى بدلي قدامي .. يلاه احبيبة واخة توحشتك
اميمة: (واخا يدوزو سنوات باقى كتحشم) ههه وخا
لبسات كسوة حمرة جاتها تفتن و حمزة مخلاش ليها من تلماس وبوسان ملبساتها حتى سخفات ..دارت اللمسات الأخيرة ف ميكابها و لبست صباط طالون
.. خلاتو نازل مع دروج و دخلت لبيت لبنات لقاتهم كيلبسو حلت فمها ملي بانت ليها هيلين لابسة كسوتها
أميمة : اويلي منين جاتك هادي
هيلين : عفاك ا ماما والله تا عجباتني شفتها ديك لمرة معلقة فبيتك عفاك
أميمة : و حيت شفتيها عندي فلبيت تهزيها اش هاد قلة الاداب ولات فيك مؤخرا
هيلين : ماما .. بلييز .. شوفي إلينا(بهمس لا تسمعها فدوش) لبست غير لكسوة لي كانت لابساها فاخر حفلة ليها فالكلية و بانت زوينة و أنا
اميمة : (بنفاذ صبر قاطعتها ) هاديك ختك و هي لي مبغاتش .. مخداتش كسوة حيت معندهاش لوقت و غارقة حفاظة .
هيلين : اييه عارفة كانت عندها بريباراسيو و ملقاتش لوقت و لوقيتة لي تكسينا حنا هي كانت كتحفظ داكشي علاش مخداتش دبا شنو واش نلبس هادي بلييز مامي ؟
اميمة : واخة
إلينا : ماما
تلفتت عندها اميمة بابتسامة صافية كطلعها و تنزلها من ديما كتعجبها مهدنة و طيبة بزااف
أميمة : جاتك فنة الكسوة
إلينا : متكونيش قل مني ..نتي راك غزالة
اميمة : يخليك ليلي يالاه بزربة را تعطلنا
سبقتهم نازلة مع دروج كتنفخ و تسوط على فعايل هيلين
هيلين : إلينا ختي واش كنبان زوينة
الينا : فنة غير يالاه ولا بابا غيلوحنا من شرجم هه
هيلين : اووف مكيعرفوش بلي هوما رجال دغيا كيتقادو ماشي بحالنا حنا نسا
الينا: ( ربعت يديها ) اييه
هيلين : (شافت فيها من لمرايا) وبلي خاصنا نتزينو و نبانو فاحسن حلة خصوصا هاد ليلة (بفخر) را بابا نجح فاكبر من العمليات الأمنية فتفكيك عصابة إجرامية روسية هدا بحد ذاتو فخر باش نلبسو أحسن ما عندنا
إلينا: نتمنى متكونيش قلتي هاد الهضرة فلافاك قدام البنات و الدراري ولا بابا غيقتلك ونتي حية.
هيلين : شش ما قلت والو
إلينا : هيلين بابا عميل سري و كولشي عند بالو را خدام فشركة مع عمتي إيمان سو متزربيش فهضرتك
هيلين : هوووف صافي فهمنا أميمة التانية بحالك بحالها توصي و تعاودي
الينا : ههه(حطت يديها على كتف هيلين ) حيت مبغيتكش تحطي فموقف صعيب مع سي حمزة الكناني الالة
هيلين : ههه أوك أوك.
بتاسمت فوجهها و بعدت إلينا كتلبس صندالتها .. شافت هيلين فلمرايا و هي كتفكر فشنو وقع دقايق قبل
* فلاش باك قصير *
إلينا : واش جاي شي حد .. ناري و تحصلني ماما .
هيلين: إلينا ختي عفاااك ديك لكسوة هي لي باغة نلبس انا بالضبط .
الينا :راني عرفت(قفزت بحماس) زيدي هزيني را بانت ليا .
هيلين :حلفي ههه واخة تسناي
طلعت على قدام رجليها و زادت مطلعاها فوق كتافها تا وصلت إلينا لكسوة هزاتها و بسرعة حطاتها فوق الناموسية.
نزلت هيلين إلينا و نقزت لكسوة كتقيس فيها كانت كسوة كحلة بالحجر من جهة الصدر و فوق ركبة ديال أميمة شراتها مدة قصيرة و لصقات عليها هيلين و حيت اميمة عارفاها باقة صغيرة على هادشي خباتها عليها ...
إلينا :هيلين لا حصلاتك ماما منك ليها .
هيلين :(باستها فخدها) يخليك ليا هه.
* نهاية فلاش باك *
هيلين : ختي الينا
إلينا : (هزت راسها فيها) همم
هيلين : شكرا على لكسوة
إلينا : حمقة نتي يالاه تحركي
حلت إلينا لباب و نزلت جوج خطوات قليلة لقات يزن يالاه حل لباب نازل باس يديها و هو كيمدح جمالها و يعبر و هي كضحك عليه
وراها كانت هيلين كتقلا فسمها من خوها لي مكيعبرهاش شاد معاها زكير بينها و بينو عام و مخرج منها شيب
يزن : لالة هيلين هنا سمحيلي دايرة نفس الشدة ديال الينا و نفس الميكاب قلت نمدح غير الأصلية براكة
إلينا :(ضربتو لكتفو) حشومة ضحكك باسل
يزن : كدبت هي كتعاند معاك فكولشي
إلينا : يزن
يزن : انا نازل
إلينا : يالاه احبيبة
خنزرت فيهم هيلين بجوج و نزلت قبل منهم معصبة و غير كتفور
فلوطو جلست أميمة لقدام منزلة لمرايا لي فوق راسها كتقاد فشعرها لكيرلي و حمزة حداها كيدوي فتيلي مع زياد لي سبقو لموقع الحفل
حمزة : تعطلو
اميمة : مكتعرفش هيلين بنتك
حمزة : اش نديرو نصبرو
اميمة : دبا مبقيتيش فتعطلو ههه
حمزة : ههه(سكت مدة) لاحظتي واحد الحاجة
اميمة : امم
حمزة : إلينا ماشي اخت شقيقة ل هيلين و يزن .. و مفاهمة معاهم على عكس هيلين لي خت يزن شقيقتو و ديما مضادين
اميمة : غير باقين صغار و صافي و يزن باقي مدار عقلو
حمزة : على اساس هي عندها لعقل
اميمة : ياك ا سيدي ايوا هي بنتك (قصدها الينا) من لالة كايتي عندها لعقل على ولادي انا
حمزة : الالة شكون ذكر كايتي تاني
شافت فيه و قلبت وجهها من ديما كيتناكرو لا جبدو سيرة كايتي
" الأم المفقودة "
سكت حمزة كيتنهد و يتفكر الماضي ديالو مع كايتي كانت حبو الأول قبل ما ظهر فحياتو أميمة
مكانش على علم بلي راها حاملة تا لنهار حفل عائلتو ولي غتكون معاه اميمة
غتظهر بصورة غريبة هازة فيديها بنت فعمرها عام و نص ولي هي الينا
... البنت الغريبة لي ظهرت فظروف قاهرة بعد اختفاء اميمة هاد الأخيرة لي مكانش ليها علم بماضي كايتي ..
إلينا كانت نور وسط ظلام كاين عايش فيه بعد فقدانو أميمة .. عاشت معاه و كانت أول مرة تنطق ب بابا وسط رجليه ..
حمزة : أميمة.. أميمة شوفي فيا (تلفتت عندو مغوبشة) مبغيتش نتخاصمو على هاد الموضوع تاني ولكن نتي عارفة و انا عرف مزيان
.. إلينا بنتك و كايتي خلاتها أمانة عندك و هي فعمرها تلت سنين .. و إلينا واخة عارفة هادشي عمرها قالت شي كلمة ولا جرحاتك
اميمة : تانا عمري جرحتها ولا فضلت واحد من ولادي عليها
حمزة : انا مقلتش هادشي.. على اي انا مبغيتش ندوي فهاد الموضوع لبنات جايين متقلقيش من كلامي
شد فيديها بايسها بحنان بتاسمت ليه و تلفتت لعند لبنات لي طلعو فارقة وسطهم إلينا باش ميضاربوش تاني
..شعل حمزة لوطو و ديمارا مع طريق
يزن : بابا خدم لينا شي مزيكا الله يحفظك
هيلين : صداع راس .. اش بغينا بين خالينا مكالمين
يزن : مكتفهميش فالموسيقى و لعالم ديالها خليك بعيدة
هيلين : شوفو شكون دوا
حمزة : هاهوما بداو
اميمة : هيليين
هيلين : شفتيه اش كيقول
إلينا : هيلين صافي خليه يقول لي بغا .. يزن براكة تا نتا ..شد ها تيلي ديالي سمع لي بغيتي و بليز سكتنا
يزن : لعز .. ناس ديال الآداب
هيلين : قالها لحيواني
إلينا : هيليين صافي
دخلو الحفلة كانت راقية و بسيطة فريسطو كلاس معروف فالمدينة
طبلة كبيرة كل واحد وبلاصتو منين دخل حمزة و هوما كيباروكو ليه وكيهنيوه على خدمتو المتقونة .. وقفو جميع معاهم زياد
زياد: افين تعطلتو
حمزة: ههه راك عارف لالة هيلين خاصها تشحفنا عاد تجي
زياد : ههه هيلين هي هيلين (شاف ختو) زين ديالي صافا (باسها فيديها)
اميمة: هههه عاد بنت ليك
زياد: حشا هههه
اميمة: اوا منعرف فينها سيلين مجاتش
زياد: نو مجاتش راك عارفة مع سامي طلعات ليه سخانة ومقداتش تجي
اميمة: مسكين حبيب عمتو و جيتي بوحدك فين لكبير مزال مجا
زياد: نو راه كالس مع جدودو كيعجبو يبقى معاهم
العميد : مبروك على مدرتي هدا هو حمزة لي كنعرف
حمزة: الحمد الله
العميد : اوا بروفيتي مع العائلة فهاد شهرين ديال راحة كاينة عملية جديدة
حمزة: ان شاء الله
اميمة حبس فيها دم تخربقات شداتها البكية ومن موراهم إلينا و يزن لي لقدام و هيلين بغات تعطل شوية باش تجي هي لخرة وكاع الأنظار عليها
دخلات لقات إلينا و يزن كالسين فطبلة كيجمعو و يضحكو وكدور بعينيها لشي دري زوين بقات كدور ليها غا تيتيز ولي عصبها كلشي كيشوف ف جهة إلينا و يزن من بساطتهم
هيلين: موقع والو تهدني نتي زوينة حسن منها (شافتها إلينا)
إلينا: هيلين هيهو هاحنا هنا (كتشير ليها باش تشوفها)
هيلين:( شافتها غادة عندها و بقات كتلوز بطرمتها باش يشوفوها ) نتي هنا كاع مشفتك
الينا : (على نيتها ) هانية حبيبة ديالي انا شفتك
يزن: متأكدة مشتيهاش (حيت هو شافها كتشوف فيه بغل يزن عندو سرعة البديهة عالية وشافها كتشوف فيها)
هيلين: علاش انكدب عرفتي ديها فراسك الزبل
إلينا: وصافي واش حنا جينا ندوزو وقيتا ولا ندابزو خليونا ندوزو وقيتا زوينة
يزن :(بهمس) كدابة
هيلين كدور بعينيها وكلشي كيشوف ف إلينا دارت كتشوف فيها شنو عجب ناس فيها اشنو فيها حسن منها ولا حيت سمرا
إلينا كتشبه لماماها الأجنبية كايتي زعرا وعينيها زرقين بصح إلينا عينيها مزرقينش م كتبان gورية
تخربقات من ديما كتكون هي مركز الاهتمام وكيتقربو دراري معاها غير باش يتصاحبو مع ختها وهي لا مكيديها فيها ندمات لاش جات
بدات ميوزك كلاسيكية كلشي كيشطح كل كوبل بوحدو
الصمت كان الوحيد فطابلة لي جالسين فيها قتلها غير الملل إلينا و يزن غير مجمعين و هي بوحدها تا قاطع صمتهم صوتو
الشاب الوسيم: ممكن ترقصي معايا
إلينا : (صدمها) هااا الا سمحلي مكنعرفش (نزلت راسها لتيلي بزربة)
ش.و : حشومة تخليني كنطلب فيك قدام ناس متحشمينيش
يزن : (قرب لودنيها) ونوضي شطحي معاه داير لينا فيها رومانسي ههه
الينا: (خنزرات ف يزن وتنهدات) واخا
ش.وسيم : شكرا (ناضت إلينا وبداو شطيح كلاسيكي فاش قاس ليها جنبها حسات بضو ضربها معمر شي حد تقرب منها وعاد بحال هكا هادشي جديد عليها) انا سميتي ياسين اليوسفي
إلينا : مشرفين انا إلينا
ياسين: (قاطعها) الينا الكناني بنت سي حمزة الكناني
إلينا : هههه تماما
ياسين : شنو كديري فحياتك (كيشوف فعينيها لي سلباتو)
الينا:(حشمانة وتزنكات ممولفاش بهادشي) ءء أ اه انا كنقرا ليصونص هاد العام
ياسين: ههه انا طبيب نفسي
الينا كتشوف فيه مستغربة اش كيدير هدا هنا
ياسين: (فهمها ) هههه حيت كيما كتعرفي هاد العالم فيه مجرمين محترفين وغالبا مكيكون فيهم مختلين عقلين لي كيقتلو غا باش يستمتعو .. كيعيطو لي ياش نحاولو نفهمو من خلال الجتت ولا رسائل لي كيبينو درجة لحماق ديالو هههه (كيشرح يطريقة بسيطة باش تفهم)
الينا: هههه اه فهمت
عند حمزة كيرقص مع اميمة شافها مهياش صحاب ليه مزال على كايتي ممات إلينا
حمزة: مالك
اميمة: ها والو حدرات راسها
حمزة:( قرب ليها وباسها بوسة خفيفة فراسها ) نتي لي كاينة كنبغيك
اميمة:( معنقاه بحال الى خيفاه يهرب) الله يخليك ليا
حمزة مفهم والو م خلاها على راحتها وكملو رقص معانقين
عند هيلين و يزن
يزن: (شافها اتاكل هيلين بعينيها وكان كانو قرطاس وكان تيرات فيها) ياربي سلامة بقا ليك شوية وتيري فيها مالك على حالتك
هيلين: دخل سوق كرك ازبل ونت حاضيني شكون ختك من باك و ومككك (وركات على مك) ها دوي
يزن : (وخا هكاك ختو كتبقى فيه) بجوجكم معنديش فرق غا نتي مغيارة بزاف و شخصيتك ضعيفة يلاطيف
هيلين: لا ممغياراش كللك انا حسن منها فكلشي
يزن: (طلقها بضحكة عالمية) هههههههههههههه (هيلين خنزرات فيه ) ومالي كدبت من نيتك كتقرا حسن منك زوينة مغاديش نقوليك حسن بزوجكم زوينات عندي م خاص قلبك لي يكون زوين ماشي وجهك
خنزرت فيه بل مسمعاتوش كاع شنو قال .. سلات الموسيقى و تلفتت مراقبة ياسين و إلينا
ياسين : صافي هههه مسخيتش هههه شكرا حيت شاركتي معايا رقصة
إلينا : لا عادي
خلاتو واقف و رجعات لبلاصتها كترجع شعرها لور بتوتر
هيلين : شفتك رجعتي
إلينا : معجبنيش
هيلين : (خرجت فيها عينيها) هداك كلو معجبكش
إلينا : مزوينش
هيلين : من نيتك ؟
إلينا : والله علاش زينو باسل
يزن : عجبها هي و مداهاش فيها ههههه
إلينا : يزن براكة متبسالش
هيلين : شفتيه اقسم بالله ا يزن لمرة جية لي غتنقص مني غتشوف شي حاجة مغتعجبكش
إلينا : صافي ا هيلين راني دويت معاه
غوبشت هيلين و قلبت وجهها لبعيد كضور عينيها .. تقدم سرباي لعندهم بسرعة بتاسمت فوجههو .. تلاشت ابتسامتها و هي كتشوفو قاصد إلينا عينيه عندها .. راقباتو بعينيها و قلبتهم لعند إلينا لي خاشية راسها فتيلي كتلعب مع يزن .. حط السرباي الماكلة و بقا دقايق على الله تهز إلينا راسها .. تا عيا و زاد
.. كان حمزة مراقب نظرات هيلين لالينا .. غمض عينيه بعصبية ملي مدات يديها ل كاس لعصير و ضرباتو على كسوة إلينا ..
تخوا على كسوتها تا شهقات هاد الأخيرة.
يزن : درتيها بلعاني
هيلين : لا غير جيت فيك اختي والله
إلينا : يزن سكت علاش غديرها بلعاني ماشي مشكل انا نمشي نغسلو .
حدر حمزة عينيه تا زادت إلينا و هز راسو فهيلين .. عيط باسم اميمة لي حداه.. قربت وجهها منو توجه ل وذنيها .
حمزة : بنتك كتغير من إلينا
اميمة : اويلي اش كتقول
حمزة : لاحظي تصرفاتها .. ردي لبال
اميمة : احم واخة
سكتت عارفة حمزة معندوش مع بحال هاد الامور
غسلت إلينا لكسوة بلما من جهة صدرها بانت بقعة قدها قداش تا من ستيام لي لابسة فلباج شبكة ولاو كيبانو
.. رجعت شعرها لور و حطت يديها على جنابها .
الينا : مشكلة هادي كي غندير نخرج هاكة
أميمة: إلينا
تلفتت عند أميمة لي حلت عليها لباب
اميمة : قالت ليا ختك را تخوى عليك لعصير
الينا : اه مشافتوش
اميمة: هاكي لكاب لبسيه
الينا : ونتي ؟
اميمة :راني هزاه ريزيرف انا عندي ديالي يالاه بزربة باش نمشيو
الينا : ههه واخة
غسلت وجهها لميكاب الخفيف لي كانت دايرة مشا بقا غير لكحل تحت عينيها بينها كتفتن ..
رجعت خرجت و فالطابلة ديال العائلة جلست كتضحك تاني مع يزن كأن شيء لم يقع .. ورا العشا وملي بغاو يمشيو تقدم زياد لعندهم .
زياد:غنتسناكم غدا
اميمة : علاش
زياد : عارض عليكم الالة
حمزة : اوك انشاء الله
اميمة : يالاه بونوي سلم على سيلين
زياد : يوصل اختي
باست الينا زياد فحنكو بابتسامة
إلينا : بونوي خالو
زياد : رضى (شاف فهيلين) نتي مغتسلميش
هيلين : هه لا غنسلم تصبح على خير
زياد : تلقاي لخير
طريق كاملة كلشي ساكت هيلين معاجبها لحال و إلينا كضحك هي ويزن
اميمة كتفكر كيفاش تخلي حمزة يستاقل عارفة خدمتو هي حياتو و خدمتو سبب باش تلقاو فحين حمزة تفكيرو فالوضع لي بين إلينا و هيلين ولي مريحو نسبيا بلي إلينا مرداش لبال فكراتو فكايتي غير نية
وصلو لفيلا وكل واحد دخل لبيتو
اميمة: حل لي سنسلة ديال كسوة( حلها بشوية وتعرى كتفها وخشا يدو بزوج فكرشها لي داخلة )
حمزة: (باس كتفها مطولا ) مكرهتش شي بب ينفخ هاد الكرش تاني
اميمة: (شاتها رعشة مع الهرة) هههه اويلي باركة عليا هيلين ويزن لي مشيبيني
حمزة: هممم (حيد ليها لكسوة تا بقات غا ب سليب بغا يحيدو ليها حبساتو شاف فيها مستغرب) مالك
اميمة: والله تاعيانة بغيت نرتاح
حمزة: وخا هههه (غمزها مبغاش يسولها مالها معمرها رفضات تنعس معاه وخا معرت اش حيت رضاتو واجب عليها وخلاها على خاطرها حتى لغدا ويدوي خلاها ودخل لدوش يدوش)
اميمة تنهدات مشات لبسات بيجامتها و حطت راسها على لمخدة حتى خرج
شافها كتشوف فيه غمزها و لبس جا حدها مزير عليها وهي كتر
ضارت عندو حطات راسها على صدرو بعد مدة هكاك تاحد منعس غير دايرين راسهم ناعسين حمزة حس بأميمة نتضمات فتنفس عرفها عاد نعسات .. قادها مع المخدة ديالها و هو بقى شي ساعة من موراها كيخمم مالها عمرها خبات عليه شي حاجة
فصباح شرقات شمش ضربات فعين اميمة هي لولة فاقت شافت فحمزة شحااااال
أميمة : (تنهدت) مستحيل نخليك ترجع لخدمتك ا حمزة نتا بلاصتك حدايا وحدا ولادك
باستو ففمو بوسة سطحية وناضت دارت روتينها اليومي .. رجعت لقاتو باقس ناعس بدلات حوايجها وخرجات تصاوب ليهم فطور واخا عندها لخدمات غير هي كتبغي توقف على شغلها بيديها ) صباح لخير
الخدامة 1 : صباح لخير لالة اميمة
اميمة : (غوبشات) نتي جديدة؟
الخدامة 1 :(خلعاتها تخوبيشة) ء ء اه الالة بنت خالت نادية لي خدامة معاكم سميتي بتسام
اميمة: هممم عليها شوفي انا مسميتيش لالة قولي لي غا ختي أميمة بحال لبنات سيدي وسيدك هو رسول الله ومال حنا كلنا عبيد الله وخا
بتيسام: (رتاحت و هي تبتسم ) ههه اه سمحيلي لالة (خنزرات فيها اميمة)
اميمية: اش كلنا
بتسام: أه سمحيلي لي كنت خدامة عندهم نقوليهم لالة وسيدي ولفتها
أميمة: (تنهدات) تماك .. هنى حاجة خرى هنا حنى كلشي بحال بحال
بتسام : وخا ختي اميمة
أميمة : مزيان يلاه وجدو لفطور شوية وحمزة ينوض مع دراري جيبي لي لبيض والفرماج كيبغيه يزن نادية عفا ختي شوفي ديطوكس ل هيلين و إلينا راك عارفة تاكل لي كاين ههه ماشي بحال لكيادر لي عندي
نادية: وخا ختي اميمة
وهي كتعاونهم سمعات الحركة وصداع عرفات يزن مقربلها مع هيلين
اميمة: (كدوي مع مساعيدات ) هههه هاهوما بداو
فلبيت لفوق روينة نايضة يزن مشا لبيت هيلين لي يلاه فايقة
يزن: سمحمرحيم اش هادشي فل تذهب الأرواح شريرة هههههه
هيلين: اتشمي ولا نعوقك ازمرررر
يزن: شكون نتي فين ختي هيلين ههه بلاتي نشوف .. اه وجهك هدا .. مع لبارح درتي بزاف ديال الميكب شوية منك عليها اف تخلعت صحابلي شي وحدة معانا
هيلين: (ناضت معصبة كتشير عليه بالمخاد تمشا وبدات تغوت) يخ تفو تفو زمر كداير ميخليوكش تنعس فراحتك كاليك خلعتو مشافش راسو تشوفو الموحمة يطيح ليها تفو موسخ
فبيت إلينا خرجات مع الحمام كتنشف وجها تا سمعات الباب دق دق
الينا: دخل
يزن : اوووووه اش هاد زين كامل و اش هاد الجمال ياسلام (وباش ليها يديها )
الينا : هههههه يخليلي خويا لي ديما رافع لي المعنويات حبيب ختو (باستو فحناكو بجهد)
يزن: (كيمسح البوسة) أنا راجل متبوسينش هكا
الينا: ههههه واحلى راجل (باستو فحكنو بزز منو)
يزن: وصافي هههه قولي لي لبارح كانو عندك المعجبين يسلام (كيقلد ياسين) واش ممكن ترقصي معايا ههههههههه
إلينا : حشومة ههههه حمق
يزن : ههههه اوا كيجاك عجبك
إلينا : نو عادي
يزن : انا بعدا جاني زوين
يزن: ههههه المهم نخليك تبدلي نهبطط نتلاقاو لتحت دلفطور(خرج)
إلينا : هههههه
فطبلة دلفطور جالس يزن وهيلين هابطة تاهي مخزرة معاجبها حال واميمة كتوجد طبلة مع لبنات (المساعدات)
خرجات إلينا كتلقا مع باها
الينا: بابا حبيبي صباح لخير (عنقاتو)
حمزة: صباح لخير غزالة ديال باباها
هبطو بزوج كيضحكو
إلينا : (باست اميمة) صباح لخير ماما حبيبتني (بصح الينا مها ماشي اميمة م اميمة كتحسسها راها بنتها وكما كيقولو الأم ماشي لي كتولد الأم هي لي كتربي) (باست هيلين حبيبة )صباح نور
هيلين: (معاجبها حال) همم صباحو
حمزة: 10:30 هادي ل 1 انمشيو عند زياد منبغيش نبقا نتسنا شي حد (شاف ف هيلين) لي تعطل مغاديش يمشي
مسح فمو و يالاه عطاهم بالظهر غادي
يزن: فهمتي ا هيلين هههه
هيلين: (غوتات على خوها تا حمزة تلفت ) دخللللل سوق كرك
حمزة: (غوت كتر منها ) هيلييييين الاحترام راك ماشي فسوق ( كيشوف فيزن) حتى نتى (رفع صبع ليهم بجوج بتحذير)
سكتات أميمة دايرة مرفقها على طابلة و مخنزرة ف يزن لي ضحكو بساال مع ختو فوق القياس و هيلين لي تربيتها ما بقات تربية
تنهدات و عيطات لبنات يجمعو طبلة كل واحد منهم طلع لبيتو يوجد راسو
طلعات أميمة تاهي لبيتها ملقاتوش عرفاتو كاين فلمكتب مشات دوش دوش نسات راسها فجاكوزي تا حسات بيد فيقاتها من سهوتها
حمزة: حبيبة مالك
اميمة: والو
حمزة : اري اندوش ليك
اميمة: بلاش غا خليني ندوش راسي
حمزة: شش خليني كتباني عيانة (بالفعل دوش ليها ولبسها بحال شي بنيت صغيرة) بصحتك
أميمة : لهلا يخطيك(باستو فجبهتو مطولة وخرجات)
دوش حمزة دغيا و خرج لبس حوايجو لقى اميمة واجدة
حمزة: مشينا ؟ (شد ليها يديها باش يمشيو و هي تحبسو) مالك؟
أميمة : (تنهدات) حمزة اجي كلس (شيرات ليه جيهت نموسية شافتو ايرفض حيت معطلين) عفاك
حمزة : هاني الالة شنو ؟
اميمة : حمزة (بتوتر عارفة كلامو غيصدمو) بغيتك تحبس الخدمة
حمزة : ( صدمة سكتاتو كيحاول يستوعب ضحك بشك و رجع كيشوف فيها ) شنو مفهمتش
اميمة: (طاحت دمعة من عينيها وهي كتشوف فعينيه) ممستاعداش نخسرك هاد العملية لي درتي كنتي اتموت فيها غير ربي جا من جيهتك ممستاعداش نخسرك .. عارفة بلي هذا الحلم ديالك ولكن فهمني ديك ساعة كنا بوحدنا كنت نصبر فوق طاقتي .. دبا عندك مسؤولية ديال تلاتة دلولاد ميمكنش تمشيي وتخلينا عفاااك هىء هىء (تخشات فحضنو)
حمزة: تنهد (حيدها من حضنو) خيلينا دبا فرحانين من بعد وندويو ماشي دبا (كيمسح دموعها) أميمة مبغيتش نشوفك كتبكي بخصوص هاد الموضوع مرة أخرى
اميمة: (بحزن) عفاك هىء
حمزة : واخا نفكر ونشوف
اميمة: مكينش نشوف هادي وباركة ... تلت شهور و نتا تحت الرصاص فروسيا و انا خايفة هنا عليك منقدش مزال نتحمل
حمزة: (بغا يدوي كيسمع تيليفون كيصوني ) يلاه راه تعطلنا (جاوب) الو
زياد: فينك اصاحبي تعطلتو
حمزة: (كيشوف أميمة مزال كتبكي) هاحنا جاين (وقطع) يلاه أ أميمة خوك عيط تعطلنا
اميمة: واخا م واعدني تفكر (بعيون راجية)
حمزة: (معرف ميقول ) هادشي لي مقلقك من لبارح (تفكر كلام العميد لي دوا قدامها)
اميمة : (الصمت حدرات عينيها)
حمزة: (فهمها) واخا يلاه شي ضحيكة الالة ولا نتكيك هنا
اميمة : (ضحكات كتمسح دموعها وكتقاد ميك اب ) ههه باسل يلاه
حدا بركينغ لفيلا كانو موجدين ولابسين
هيلين: كاليك لي تعطل ميغاديش يمشي واشوفو شكون تعطل
إلينا : ششش (بشوية كدوي) هاهوما جايين
حمزة : ( حل طوموبيل بلكونطاكط ) يلاه ركبو
طريق كلها و هيلين ساكتة كتلعب برجليها بعصبية حداها يزن و الينا حاضين الطريق .. وصلو لفيلا د زياد فين كيتسناهم الدار مبعيداش بزاف يقدرو يمشيو ليها غير على رجليهم ..
نزلو من لوطو بسرعة يزن مشا عند صهيب عشيرو كيقراو فنفس ليكول غير صهيب كبير عليه بعام ..
سلمت أميمة على سيلين و تحركت كتعاونها داخل الدار بينما جلست هيلين و إلينا فطابلة
هيلين : اوف نفس الممل لي كان فدار هنا
إلينا : (ضحكت و شافت فولد سيلين باقي عندو ربع سنين) كوميم كاين سامي نضحكو معاه شوية
هيلين : واش نتي حياتك غير ضحك مع هذا و هذا
إلينا : علاش هه نتي شنو عاجبك الالة نديروه و مدرناهش
هيلين : (حطت يديها فوق الطابلة) نقول ليك واحد الحاجة
إلينا : همم قولي
هيلين : مكرهتش نسافرو انا وياك بوحدنا
الينا : انا وياك فقط هه ميخليناش بابا غي تهناي
هيلين : غير طلبيه نتي يوافق انا شاد معايا زكير هاد الأيام
الينا : حيت كديري راسك ف يزن بسيف
هيلين : هو لي حامض
إلينا : معليناش هه غنشوف الآلة
سيلين : فتيات فاش كدويو
هيلين : تا حاجة غير كنحيدو الملل
سيلين : من دبا مليتي
إلينا : سي داكشي علاش مكرهناش نسافرو
حمزة :دبا نسافرو راني كونجي هاد شهرين
إلينا : احم مكرهناش نسافرو بوحدنا
حمزة : (صغر عينيه فيها) هادي فكرتك ؟
أميمة : شنو كتقصد ؟
تلفت فاميمة لي وراه هازة طبسيل فديها .
أميمة : بغيتي تقول فكرة هيلين
حمزة : باقي ما قلت والو
أميمة : لمهم راك لمحتي
وقف و قرب لعندها حط الطبسيل جنب و زاد شاد فضراعها تا بعدو عليهم شوية
إلينا : (شافت ف هيلين) واقلة قفرتها
هيلين : ايوا نتي لي كطيري .. مشيتي قلتيها ليه ديك ساعة
إلينا : ( حلت فمها ) ياك نتي لي قلتي
هيلين : (قاطعتها)اه مي ماشي دبا تا يكون بوحدو و عرفي ليه
شافت فيها سيلين و قلبت وجهها لبعيد مراقبة حمزة و اميمة لي كيديو
حمزة : بنتك كتغير منها كنت غنقولها شحال من مرة مي تا دبا طفح الكيل
أميمة : بنتي انا غتغير من
بنتك نتا .. علاش متقولش بلي بنتك لي كتصطانع بزاف
حمزة : نتي عارفة إلينا هكاك دايرة .. تصرفاتها طبيعين طفولية
أميمة : (شافت فيه لدقايق ) كتفكرك فيها يااك .. كايتي
حمزة : أميمة نعلي الشيطان مغنبقاوش فينما ندويو تجبدي ليا حس الماضي ديال مع كايتي .. السيدة مشات ٢٢ عام هدا سامحت فبنتها خلاتها أمانة فرقبتي ونتي حضرتي لكولشي
أميمة : الأحسن نسكت انا دبا عند خويا مي دير فبالك الموضوع مسالاش هنا
تخطاتو و تمشات لطابلة كتقاد فطباسل تا كملت .. خرج زياد من دوش لبس و لحق عليهم .. شاف كل واحد منهم معصب من غير إلينا لي كضحك و كتحاول تلطف الجو
زياد : مالكم جيتو تا لعندي و درتو عزو
اميمة : مكاين والو اخويا
بداو الأكل و بدا زياد فالضحك ديالو كيشد فهادي و لي حداها باش يلطف الجو تا رجع كولشي بخير و تناسا حمزة و أميمة المشكل لي دواو فيه دقايق قبل
روسيا ... موسكو العاصمة .. اكبر مدينه فى روسيا و أكبر مدينه فى اوروبا كلها ..
وسط أحد الفيلات و بالضبط فغرفة ستارها نازل و غير ضو قليل ديال القمرة لي داخل من الشرجم و ضو دفيوز فوق المكتب هو لي كيبين
كان واقف بشموخ ايديه فجياب السروال لي لابس مراقب طابلو قدامو معلق فيه عدة صور
.. عينيه الزرقين فلون السماء الصافي سارحين فتصاورهم وحدة وحدة تا ستقرت فصورتها كيطلعها و ينزلها
زير على فكو و ضور عنقو مرات كتيرة تا تسمع الصوت
ولاص : أدولف
نزل راسو و تلفت غير بجنب راسو ماد يديه ..
حط ليه واحد من ليكارد ظرف مربع .. دار حركة من يديه خرجو و بقا غير هو و صاحبو ولاص
ولاص : (بالروسية) كانو فسهرة .. خدا عليها ترقية و كونجي فيه شهرين (جبد طابليط صغيرة كيقلب) ليوم كانو عند العميل زياد الراضي و حاليا فدارهم
.. باقين مقرروش فين الوجهة بالنسبة للسفر (رجع طابليط لبلاصتها و جمع يديه قدامو ) شنو الخطة (بلا رد) أدولف
جبد التصاور كيقلب كانو من الحفل .. تصويرة ورا تصويرة كيقلب وقف تواني قليلة فتصويرة إلينا مع ياسين لوقيتة لي كانت كترقص
.. قلب تصويرة على زياد و حمزة واقفين جنب أميمة و تصويرة تانية فيهم غير أميمة و حمزة كيرقصو
ولاص : هادي مرتو (شافو سكت ) عندو تلاتة الولاد .. إلينا .. هيلين .. يزن .. البنت الأولى إلينا هادي(حط يديه على تصويرتها لي فطابلو) ماشي بنت أميمة.. ولدها سي العميل مع عشيقتو السابقة قبل ما يشوف أميمة ..ه
أدولف : (قاطعو و هو كيشوف فتصاور حمزة و أميمة ) كيجمعهم حب كبير
ولاص : وي .. دوزو مشاكل كبيرة باش بغاها و بغاتو .
حط تصاور كاملين و مد تصويرة لي فيها حمزة و أميمة علقها جنب تصاور .. هز فوتغ و فوق منهم دار علامة ❌ .. شاف ف إلينا تاهي و دار علامة على وجهها . فحين توجه ل تصويرة هيلين و بخبث ركز فيها الشوفة
ادولف : مابيكش .. ولكن نعديو بيك .. ما عندي ما ندير ب إلينا.. الوحيدة لي تقدر تفرق بين هاد جوج هي (ضرب بجوج صبعان فوجه هيلين )هادي .. داكشي علاش خاصها تكون هنا .. عندي
ولاص : و إلينا؟
ادولف : نشوفو حاليا هيلين .. كن هاني كلهم غيذوقو من الكاس لي ذوقتو (تجمدت ملامحو تا لعروق فراسو و عنقو طراصاو) غيندم على الوقت لي كلف راسو فهاد المهمة و على ترقية لي خدا فطريقها
ولاص : كن هاني .. ايمتى بغيتينا نجيبوها
أدولف : هاد الأيام .
حرك ولاص راسو باوك و خرجو بجوج من المكتب ..
كان وصل منتصف الليل ملي وقف حمزة بلوطو قدام باب الدار .. نزلات هيلين هي لولة دخلات تبعها يزن و إلينا
إلينا : هووف عييت
حمزة : هه (عنقها) طلعي تنعسي و ترتاحي
إلينا : داكشي لي غندير
يزن : انا براسي فيا نعاس را عييت داك صهيب شحال قبيح تا لعب عندو باسل
أميمة : يالاه يالاه بيتك ..كل واحد بيتو .. بدلو و غسلو سنانكم عاد نعسو .
يزن : اوك
إلينا : (باستهم ) تصبحو على خير
حمزة : و ليك تانتي
طلعات اميمة هي لولة سابقاه لبيت هزت حوايجها و دخلت بحوايج النوم لحمام
.. تنهد حمزة قالب وجهو و توجه لعصارة لقهوة لي عندو فلبيت خوا ليه كاس و خرج لبالكو .. دقايق و خرجت من دوش ب بدلة منزلية
.. توجهت لمرايا .. دارت سيروم لوجهها و شعرها جمعتو لفوق بمقبط .. مسحت يديها بمنديل ورقي و توجهت لعندو
اميمة : (ربعت يديها) باقي لينا كلام مساليناش
شاف فيها دقايق قصيرة و حط لكاس
حمزة : هاني كنسمع .. شنو باغة تقولي
اميمة : شنو قصدتي بكلامك قبيلة .. علاش كتلاحظ تصرفات هيلين عوض تلاحظ تصرفات إلينا
حمزة : هيلين كتغير من الينا .. لا كنتي مكتلاحظيش ولا كتغباي على هاد الموضوع هضرة أخرى هاديك .
اميمة : أنا ملاحظة تصرفات بناتي .. علاش غتغير هيلين من إلينا مثلا؟
حمزة : نتي مرأة و غتعرفي (توجه غادي لناموسية) مغديش نشرح كتر من هاكة
اميمة : صبر صبر .. غتغير منها مثلا على زينها ... همم
حمزة : انا مدويت
اميمة : (قاطعاتو) را باين قصدك شنو هو .. ولا هاديك بنت كايييتي .. الأجنبية و العشيقة السابقة ليك
حمزة : بلا ما تجبدي موضوع كايتي مليييت منك و من هاد الموضوع .. الموضوع لي كندويو فيه دبا بعيد على كايتي
اميمة : بالعكس هادي هي محور حياتنا كاااايتي لي سمحت فبنتها و خلاتها لينا و زادت
حمزة : (بصراخ) غتسمعك إلينا نقصي شوية صوتك .. خلاااتها ليا و لييييك حيت انا بغييتك نتي عليها هي .. كانت كتمنى كن رجعت شفت فيها كيف كنشوف فيك ...داكشي علاش فضلت نعيش معاك نتي و هيلين على نعيش معاها .. هادشي معرفتيهش
اميمة :كتبقا إلينا المفضلة عندك على هيلين و يزن
حمزة : معنديش لفرق بين ولادي .. إلينا هي لولة عزيزة و يتيمة أم كندير لي فجهدي باش منحسسهاش بهاد الفراغ
اميمة : يعني أنا عمري كنت ليها أم(بعصبية تقدمت لجهتو) انا لي رضعتها نسيتي را سمحات ليك فيها وهي عندها عماين و نص و انا رضعت ..انا لي خرقت غسلت و نقيت قريت و سهرت .. هادشي معرفتيهش .. انا عاملت إلينا طول هاد المدة بحال هيلين عمري درت لفرق بيناتهم بجوج
حمزة: (بعصبية كيفها) داكشي علاااش كنقول ليييك كاين فرق بين لبنات و هيلين كتغير .. بنتك كتبغي تكون ديما المركز الأول فحياتنا .. حيت إلينا ماشي ختها نيت مني و منك كتعاملها هكاك .
اميمة : مغنتفاهموش انا وياااك هاد ليلة
حمزة : مزال ما كملنا .. علاش مغنتفاهموش .. واش لاحظتي تصرفاتهم بجوج
اميمة :علاش متقولش بنتك لي كتصطانع تصرفاتها قدامك باش تفقص هيلين و تبان هي فالواجهة ك بنت حنينة عزيز عليها والديها و خوتها
حمزة : (بصدمة) واش عارفة راسك اش كتقولي .. إلينا تصرفاتها هكاك
اميمة : هي تصرفاتها هكاك .. و هيلين لااا خايبة.. تصرفاتها خيبين غيورة و حقودة يااك ا سيدي
حمزة : اميمة متفهميش شي حاجة انا مقلتهاش .. سوا هيلين و لا إلينا ولا يزن هوما ولادي و أنا
اميمة : (قاطعتو) إلينا هي المفضلة فولادك .. لا غير مرضت شي نهار كتبات حداها مكتفرقهاش على عكس باقي ولادك .. نسيتي ولا نفكرك كيبان لي نسيتي
حمزة : (بعصبية غيطرطق) إلينا عاشت معاياااا لفترة لي نتي كنتي سامحة فيا و زدتي .. أول ما حليت عيني بعد غيبوبة مرت لشهورة كانت عليها.. هي لي حضنت هي لي عاشت معايا كوابيسي .. عندها معزة خاصة فقلبي على باقي لولاد سييي ولكن لاخريين ولادي .. متقدريش تبدلي هادشي (وقف كيشوف فيها بشموخ كأنو كيعلن نهاية الحوار بكلمتو هو لي راجل) سالا الموضوع.. و لمرة جاية ا مدام ولي لاحظي تصرفات بنتك
شافت فيه تواني قليلة قبل ما تحرك غادة لدوش خبطت لباب ساداه بجهد
.. حرك راسو يمين شمال و تنهد كيلعن شيطان داخلو .. جلس فوق السرير كيتنهد و يقرا سور من القرآن يبرد عصبيتو و ينهي لخصام عمرهم وصلو تا لهاد نيفو .
شاف فيها ملي خرجت من لحمام كان وجهها فازك و مع سمرة ممزنكاش ولا باين اصلا واش مزنكة
.. من غير عينيها لي حمرين ..توجهت لبلاصتها غتهز لكوفرلي
حمزة : أميمة انا كنعثاذر
اميمة : مكاين لاش بنتك هاديك فالأصل انا لي نسيت راسي شكون
حمزة : اميمة سمحي ليا مقصدتش (شد فيديها) واصافي نعلي شيطان نتي عرفاني ملي كنتعصب مكنبقاش عارف شكنخرج من فمي
أميمة : بالعكس نتا ملي كتعصب عاد كتوعا بشنو كتقول
حمزة : وا صافي .. ديريني ما قلت والو
اميمة : (شافت فيه تواني قليلة) انا والله معتابرة إلينا بحال بنتي
حمزة : و انا عارف هادشي(باس راسها) مسحيها فيا انا غالط
أميمة : بشرط
حمزة : هادشي ولا فيه شروط (مسح وجهو بكف يديه ) قولي الالة
أميمة : تخلي إلينا و هيلين يسافرو بجوج(شافتو غيجمع تغوبيشتو) و يمشي معاهم يزن
حمزة : أميمة فكرة سفر راسهم ماشي فكرة خويها من بالك
اميمة : وا إلينا فعمرها ٢٢ عام معرفتش مناش خايف .
حمزة : واخة تكون عندها ٣٠ مانخليهاش تسافر راسها لا هي لا خوتها.
أميمة : هيلين و إلينا باغين .. خليهم يجربو و را معاهم خوهم
حمزة : هادي فكرة غير هيلين أنا عارف وتا نتي
اميمة : لمهم إلينا غتسافر معاها مافيها باس لا درنا ليهم خاطرهم و نبقاو نيت انا وياك طيط ا طيط نسافرو فينما عجبنا
حمزة : ممرتاحش ولا وقعات ليهم شي حاجة
اميمة :بيد الله ميوقع ليهم والو غير تيق فيا (شافتو سكت كيفكر) شنوو قول اه بليز همم ..شنو ؟
حمزة : واخة يوماين فقط مي ميطفيوش تيلي يبقاو ديما معانا اجوغ
اميمة : (عنقاتو) شكرا بزااف
حمزة : ههه يالاه اجي نعسو راني عيان
بتاسمت فوجهو و مدت يديها لكوفرلي .. دخل هو الأول حطت راسها على صدرو لعب بشعرها مرات عديدة تا نعست و تبعها هو
من بعد مفاق كلشي فطبلة دلفطور كانو كلهم مجموعين ضاحكين وبسالت يزن فالطابلة ضروري منها
أميمة : المهم سمعوني(كلشي سكت) بباكم خلاكم تسافرو
هيلين : (غوتات بلا متحس) يسسسسسسسس
حمزة شاف ف أميمة بمعنى ها لي قلت ليك را فكرة هيلين ماشي إلينا
أميمة : ههه اه م بشرط يزن ايمشي معاك
هيلين : (معجبهاش لحال) ولاااا هاد السفرة غير ديال لبنات
حمزة : يا يزن يمشي يا تبقاي فدار .. لك الاختيار
هيلين سقلات الهم يمشي ولا تكلس
إلينا : وفين انمشيو
هيلين : طنجة كتحمقني
اميمة : همم مزيان كملو فطوركم ونوضو وحدة حوايجكم شيفور كيتسنا
كملو فطورهوم كل واحد طالع لبيتو يزن كالس كيشوف اش ليبس باش يطيح تتيز هيلين نفس الشي هادي تصلاح هادي لا
أما فبيت الينا لي جا بسم الله لي خشاتو هو هداك كلشي كيتلبس
سمعات لباب كيدق من دقان عرفاتها هيلين ودخلات بلى متقول ليها دخلي
هيلين: ختي عفاك عطيني ديك لبسة لي شرا ليك بابا فتخرج (كتسبل فعويناتها )
الينا: هاء مزال مالبستها ومعولة نديها معايا
هيلين: (والله تناخدها وربي كبير) ياك اختي ماشي مشكل ( دارت راسها مقلقلة وبغات تخرج عارفة نقط ضعف الينا )
إلينا : (تنهدات) صافي واخا حبيبة هانية تقدري تاخديها
هيلين: (دارت ضحكة انتصار ودارت عندها ) شكرا حبيبة
لقاتها فوق الناموسية من بين لحوايج لي باغة تدي لسفر .. هزتها بزربة و مشات لبيتها كتجمع حوايجها فرحانة غتعيش الحرية وتخطط كيفاش تبان زوينة
أميمة : نادية فين مشا حمزة
نادية (الخدامة) : راه فجردة اختي حطيت ليه قهوة
أميمة : اك
كان كالس كيشرب قهوتو وساهي حاط يديه قدامو و عينيه ساهيين فبلاصة وحدة .. بتاسمت و جلست بين رجليه لعينين تقابلو
حمزة : عاجبك لحال دبا
أميمة : لهلا يخطيك ا عمارة داري .. ميغسي
حمزة : لا بغيت ميغسي أخرى (وغمزها)
أميمة : ههههه متنساش بلي غنبقاو غير بجوج هاد الأيام
حمزة : واخة .. يمشيو ننفارد بيك نتفكرو ايام زمان
اميمة: ههه ياك
حمزة: (سكت شوية وهو كيشوف فعينيها) شكرا
اميمة: (تاهية كتشوف فيه) علاش
حمزة: على كلشي .. شكرا حيت تقبلتي إلينا وسطنا و عاملتيها بحال بنتك
اميمة : نتا حياتي واي حاجة درتيها انا عجباني ويلا على الينا اه ماشي بنتي م بنتك أي حاجة منك هي ديالي وملكي وكيما هي بنتك تاهي بنتي وكتر يلاه ههه (قلباتها ضحك)
حمزة : شكرا بزاف حيت نتي فحياتي (باسها بوسة طويلة ويجوجهم مغمضين عينيهم)
لبست إلينا بودي بيض و سروال طاي هوت مع صبادري شعرها جمعاتو شفنجة مخربقة على صهد و نزلت مع دروج جارة لفاليز صغيرة ديالها تلاقات مع يزن فالضورة هاز تاهو فاليز ديالو
يزن : مكاين مايدار الإنسان هو لي يضبر على تيتيز
إلينا : على فكرة مغنقبلش بلي كانت .. خاصها ضروري تكون بحالك هاكة حلاوة و قشطة يعني ههه
يزن : تي را خوك هدا والله لا ما كانت تيتيزة بحالك لا خديتها
إلينا : يخليك ليلي
هيلين : دراري واجدين
يزن : واجدين الرجولة
إلينا : كتفاهمو بجوج غير فالخطط سبحان الله
هيلين : واخة مبغيتكش تمشي مي نعديو بيك اش نديرو .
يزن : هههه شفتي انا بيييس اند لوف غيعجبك الحال
إلينا : يالاه يالاه كيتسناونا
خرجو من باب لفيلا على جردة على المنظر ديال حمزة و أميمة.
إلينا : كيعجبني نشوفهم هاكة
هيلين : كيبغيو بعض بزاف على الله يبقاو هاكة ديما و ميجيش لي ينغص فرحهم
إلينا : ( تلفتت عندها بسرعة عارفة قصدها) الأم لي كتسمح فبنتها و كتمشي مغترجعش باش تحيي حب قديم سالة
يزن : احم .. وا لواليدة
وقفت أميمة كتقفقف حشمانة فيما حمزة بقا مسرح شحال فوق الكرسي تواني طويلة عاد وقف توجه عند إلينا
حمزة : نتي لكبيرة فيهم هادشي علاش نتي لي غتكوني مسؤولة عليهم و على راسك .
إلينا : (بإصغاء)كن هاني مغنخلي تا حاجة طرا لخويا ولا لختي
حمزة : هادي كارط كِيشي فيها لفلوس لي غيخصكم و زيد مزال ولا حتاجيتي لأي حاجة سيفطيلي ميساج غتكون عندك و فحاجة بغيتيني انا و ماماك علمينا فقط سوايع و نحضرو
إلينا : أوك
حمزة : لمودباس دكارط كيشي سيفطو ليك فميساج
أميمة : دار فطنجة را مكرية لعنوان ديالها را تا هو فميساج عندك .. ردو بالكم من البوطة سدوها مزيان ملي تبغيو تنعسو و ما تنعسو تا تأكدو من باب الدار بلي را مسدود
يزن : وتي را راجل غادي معاهم الواليدة
اميمة : (باستو) يرضي عليك
حمزة : يالاه انا غنوصلكم
إلينا : احم (شافت ف هيلين) بابا بغينا نمشيو فلكار
اميمة : علاش خليه يوصلكم
هيلين : بغيناها زعما تكون خرجة فشكل .. نجربو فيها كاع لي بغينا هه أولى اختي
حمزة : (بجدية ) إلينا واش متأكدة غادي تقدري تردي لبال لخوتك ولالا
شافت فهيلين تواني مباغاش تخسر ليها خاطرها واخة مترددة من هاد السفر
إلينا : (وعينيه عند هيلين لي كترجاها بعينيها) اه (غمضت عينيها و رجعت حلاتهم) متخافش ا بابا .. ايلا كانت غطرا ليهم شي حاجة كنفضل تجي فيا و ماشي فيهم
أميمة : كلكم مهمين عندنا ابنتي .
حمزة : (بدون زيادة فلهضرة) غنوصلكم لمحطة لكيران .. يالاه
بتاسمو لخواتات بجوج و سلمو على أميمة.. تحركو بجوج لوطو ركبو ..
كيوصي حمزة و يعاود على هيلين و يزن تا وصل لمحطة قطع ليهم و مشا معاهم تا لكار لقاه غيخرج كن تعطلو شوية كان تحرك
.. ركبو و شيرو عليه ب باي .. كانت وجهة معلومة مدينة طنجة .. ولكن شنو كيتسناهم فيها الله بوحدو لي عالم
هيلين :(غير تحرك الكار) يااااااس ياس ياس ياس .
إلينا: ههه فرحتي
هيلين : اخيراا هوووف (جبدت تجاكيط جينز لي لابسة حيداتها بقات غير بلبودي) عرفتي غنفرحو بزاف فهاد السفر عمرك غتنسايه انا كنواعدك بهادشي
إلينا : مزيان الالة لي درتيها انا معاك فيها
يزن : اش كديرو
هيلين : بداية الرحلة .. شنو غنديرو ملي نوصلو
إلينا : امم نعس
هيلين : اويلي على نعسو
إلينا : و شنو غنديرو را ليل
يزن : بغيتي نخرجو بليل
هيلين: كاينة حفلة ليوم ديال المغني السبليوني **** بلييز نمشيو
إلينا: (بحماس) واش بصح **** غيكون
هيلين : ايييه والله
إلينا : يزن غنمشيو
يزن : اوك نمشيو
بتاسمت إلينا فوجه هيلين و تلفتت لقدام متحمسة و على وجهها ابتسامة عريضة
كيعجبوها الأغاني الغربية كما أن صوتها زوين موهبة تا حد ماعرفها كتزاولها غير فلانسطا ديالها لي ممدخلة ليه تا حد من عائلتها ..
بزاف متبعينها على ود صوتها و زينها ..اهتمامها ديما كان لغنائها صوتها العذب و عائلتها ..فهي على علم بلي حمزة يستحيل يوافق تكون مغنية فيوم من الأيام
ساعات طويلة دازو كانت هي فايقة نوم مزارهاش مراقبة هيلين لي ناعسة و يزن لي فلكرسي وراهم
.. صونا تيلي فجيبها جبداتو بزربة باش متفيقش هيلين كان مراد .. ولد عمة حمزة ..صحاب و عشرة جامعاهم
.. كان تاهو واحد من العملاء السريين .. مبقاش عميل مدة طويلة هادي بسبب مرض السرطان تقطعات رجعو و ركب رجل اصطناعية و تماشى مع الحياة فريسطو كبير تعرف بيه هو و مرتو .. سماه تحت اسم " بيرلا "اسمها هي .
إلينا : عمو
بيرلا : هادي أنا
إلينا: ههه طاطا لاباس
بيرلا : لحمد لله باقين شادين طريق
الينا : اه هه باقين ما وصلنا
بيرلا : امم كيسلم عليكم مراد و ماماك و باباك جينا عندهم هاد لعشية تا سمعناكم مكينينش سافرتو
إلينا : دوماج كنت باغة نشوفكم توحشت عمو مراد
مراد : اري ندوي معاها
بيرلا : هه تا هو توحشك انا ندوزو ليك
مراد : زين لاباس عليك
إلينا : انا بخير و نتا
مراد : لحمد لله هي قولي لي مسافرة .. ناس كبرو
إلينا : زعما هههه
مراد : ردي لبال لخوتك لا خصاتك شي حاجة قوليهالي
إلينا : واخة
تقطع الإتصال رجعت تيلي لجيبها و سكتت مراقبة الطريق .. سويعات قلال و كانو فطنجة عروس الشمال
.. نزلو ليفاليز و توجهو لدار لي كرات ليهم أميمة و حمزة .. لقاو سيد كيتسنا .. وراهم كل حاجة فبلاصتها و نصارف بحالو .
هيلين : يالاه سربيو
إلينا : اجي هيلين شحال غنبقاو هنا
هيلين : سيمانة و نرجعو
إلينا: لا بزاف يوماين سيتو اصلا بابا وصانا زعما
هيلين : اويلي اصاحبتي
الينا : منقدرش نبقا كتر من هاكة ا هيلين غير سمحيلي
هيلين : اوف اوك
يزن : يالاه بزربة لبسو لحفلة
بالرجوع إلى روسيا ...ف أحد الغرف من لفيلا .. صوت الاهاااات و النفس الغير المنتطم مرتافع
زايا : (بروسية) ههه صافي عيت (بدلع وسيد مكينش هنا ) أدولف
أدولف : (خنزر فيها مكيعجبوش لحال تحبسو)
زايا: (سقلات خلاتو تا سالا )
أدولف : ( كينهج حط ظهرو على الناموسية)
زايا : (تكات جنب كتشوف فلحيتو) فاش كتفكر
أدولف : ( شاف فيها و تابع تفكيرو تا نطق) بغيت بيبي صغير
زايا: (فرحة و صدمة تخلطو عليها من ديما يا كيجيو على برا ولا كتشرب مانع الحمل لي كيعطيه ليها بيديه ولا ليبرا) قسم واش داوي بصح
ادولف: (خنزر فيها ) كنبان ليك كنضحك
زايا : احم .. همم وخا انجيبو احسن بيبي كيشبه لبباه (حطات يديها فوق يديه )
أدولف : (بجدية و تعاليم وجهو عادية مع حجبانو المكرونين)فوقاش ليبرا اتسالي المفعول ديالها
زايا: ههه زربان خاصنا نتسناو واحد شهرين
أدولف : ( بغا يجاوبها صونا تيليفونو شاف ساعة لقاها ربعة دصباح ناض هو و خيرو هكاك معري تماما) كنسمعك
ولاص : مسافرين ب تلاتة إلينا هيلين و يزن ل لمدينة بوحدهم وكارين دار
أدولف : راك عارف اش دير (بأمر ) تصرف (قطع مخلاهش فين يكمل مشا عندها )
زايا : شكون
أدولف : من امتا كتسوليني بحال هاد الاسئلة !؟
زايا: سمحلي (تقلقات وهبطات عينيها) غير كنبغي نسول و صافي
أدولف : زايا خلي لي بيناتنا يمشي كيف بغيت ولا
زايا : (قاطعتو) اوك أصلا أنا متأكدة بلي متقدر دير من ورايا تا وحدة لوقت و بسيف كتلقاه ليا
أدولف : (هي كدوي و هو كيلبس حوايجو تا ممل و شاف فيها ) عيطي على خدمة الغرف جيبي فراش الجديد و بدلي فراش الدار كامل
زايا : (لقلوبة خرجو من عينيها) بصح هه أوك
أدولف : بدلي الخدامة لي عندك ملي دخلت لدار معجباتنيش الريحة و الغبرة كتشم من بعيد
زايا : (حست بالعافية شعلت فيها بالاحراج) راني كنعاونها
أدولف : مبينش كاع حس وجود مرأة فالدار داكشي علاش جيبي خدامة أخرى لامكانوش قادينك جوج
زايا : (دوات غير عطاهاا بالظهر) هاد لبيبي بغيتي تجيبو حيت رافض فكرة الزواج و مدام ايميلي فغيبوبة و أكيد سينثيا باغة سلالة
أدولف : ( شاف فيها غير بجنب وجهو) لولد لي غتولدي غيكون عندو شخص واحد فحياتو و هو أنا ماشي إيميلي ولا سينثيا .. ملي تسالي ليبرا صوني ليا
زايا : يعني مغنبقاوش نتلقاو
ساطت بعصبية غير هز تيلي و زاد خارج من الدار
ركب سيارتو جاكوار لخرة و هز قرعة دلما كيشرب و يمسح عينيه مدة طويلة بقوة الإرهاق والتعب باش زارو الأرق كينعس فنهار ساعة ساعتين و تلاتة إلى طول بصعوبة كبيرة
بعد ما لبسو و تقادو خرجو كاملين دقة وحدة لمرح ..
حلت إلينا و يزن فمهم من شكل هيلين .. لبنت لي دخلت ماشي هي لي خرجت ..
كان شكلها غييير .. سرحت شعرها و مقوية لميكاب .. ملامحها زوينين .. و ربي عطاها حقها من زين ..
لحاجة لوحيدة لي خايبة فيها التقة فالنفس و الجمال لي وهبها الله... فاتنة على وجه الأرض.. هاكة قال يزن و هو كيطلعها و ينزلها
يزن : بوووومبا .. غتخرجي هاكة
هيلين : يااس ههه بنت واعرة
إلينا : (قاطعتها) مستحيل تخرجي هاكة
هيلين : علاش .. شنو فيها لا خرجت
إلينا: واش طليتي على وجهك فلمرايا .. شفتي لكسوة تالاش .
يزن : ولكن هاكة كتلبسو قدام بابا
إلينا : (طلعت و نزلت فهيلين بصبعها) هاكة
هيلين : متزيديش فيه
الينا : ما بقا والو و سليبك يبان لونو كي داير بقوة ما قصيرة لكسوة .. هيلين را
هيلين : (قاطعتها) والله لا بدلت هي لي انلبس
إلينا : متعيقيش .. راك مزيرة و حنا غير بوحدنا هنا
هيلين : خفتي حيت بنت زوينة عليك ههع و غنخطف الأنظار هاد ليلة
إلينا : اش هاد لهضرة كتقولي
يزن : من نيتك
هيلين : وا هي هادي ( ببتسامة عرفت راسها زبلتها) و صافي يالاه بليز انتعطلو
حركت إلينا راسها بلا حول ولا قوة إلا بالله و خرجت .. تبعها يزن و هيلين شدو طاكسي من قنت الزنقة و واخة يزن معاهم مخلاوش طانجاوة حقهم من الغميز و تلواط بطريقة فنية عليهم
.. طول طريق و هي مراقبة خوتها .. دايرة لي فجهدها باش دوز هاد يوماين على خير و ترجع لدارهم سالمة لا هي لا هوما
دقايق و كانو فالحفلة .. الرواج كتير و مع لحفلة حدا لبحر شي غادي شي جاي ..شدات فيديهم بحال ماماهم و كرزت عليهم باش ميتوضروش ليها تا وصلو لوسط لجمهور بحالهم كيتفرجو ..
مع الااغاني و صوت الغنا نسات الخصام و لا شنو وقع .. أهم حاجة تغني مع اقرب مغني غربس قريب لقلبها .. و هادي لحاجة لي كترتاح فيها ..
بعد الحفلة لي دامت فقط نصف ساعة تفرقت الجقلة عرفو بلي راهم جاو معطلين و لعرض كان خاص غير بليزير من المغني لجمهورو ..
يزن : فيا جوع و نعاس مضيعين لوقت على ود نص ساعة
إلينا : بالعكس لمهم شفناه هههه
هيلين : قوليها ليه فين كنتي تحلم تشوف **** فالمغرب را غير كتعجبو طنجة و عندو فيها فيلا و بار
إلينا : سي عارفة هههه ندوزو لماكدو ناخدو ما ناكلو و نطلعو لدار
يزن : شبان ليكم ف فيلم نشدو ستون
إلينا : نوووو بب بيت ننعس عييت
فطريق لاكورنيش لقاو KFC كل واحد خدا اش بغا ..طاكسي تاني وصلهم تا لقدام الدار ..
طلعو كيضحكو كل واحد دخل ماكلتو لبيتو .. لي بغا ينعس ينعس و لي بغا يتفرج فهو حر ..
حلت عينيها على الشمس ضاربة فوجهها .. حطت يديها على وجهها و بعد تواني فاقت كتكسل ..
دخلت لحمام غسلت و طرفت حالتها .. هزت دونتيفريز غسلات سنانها و خرجت لكوزينة كتقلب على متاكل لقات لخبز مكينش
.. تنهدت و قلبت الدورة لبيت خوتها لقاتهم مزال ناعسين كل واحد منشور فوق ناموسية .
إلينا : خاصني نوجد بزربة لفطور قبل ما يفيقو .. شنو نبدل ولا نبقا هاكة .. نمشي غا هاكة أكيد سيبيرماركيط قريب
نزلت لابسة غير كلاكيطة و بودي سماطي مع شورط توب قصير فوق الركبة مستيلي شعرها شفنجة خفيفة .. شفايفها متورمين مع يالاه فايقة
حلت باب الموبل على طموبيل اونفاص معاها .. شافو فيها و قلبو وجههم .. شافت فيهم مدة و قلبت خطاويها غادة و بشك كل مرة تلفت وراها كتلقاهم حاضينها
.. لمخير فيهم قد السخط لباب ميدخلوش .. حمدت الله داخلها ملي لقات حانوت قريب مدت ليه لفلوس و طلبت منو اش بغات
.. قلبت عينيها تاني لقات واحد منهم تابعها .. حركت رجليها بسيف الصرف مخداتوش ..
عارفة بلي باها عميل سري و اعدائو كبااار و آخر عمل قام بيه و خدا عليه الترقية استنزف وقت كبير منو ..
حلت باب الدار و سورتتها على نفس لوطو واقفة
~ : (بروسية شاف فيه) هي ؟
~ : لاا .. هادي الكبيرة (شاف فطوف د هيلين لي بين يدو) ولاص بغا هادي
شاف فطوف و هز عينيه تاني حرك راسو باوك و تلفتو بجوج فيما واحد واقف فقنت الزنقة و التاني فقنت الزنقة من جهة أخرى
صونا تيلي شاف فيه و هزو بزربة
~ :دار خاوية فيها غير هوما .. نهجمو من السطح ؟
~ : تسنا أمر مني
قطع و قلب الخط ديك الساعة ل ولاص لي لي جالس فكرسي قدام لابسين كيتسنا فلخبار لي غينقل ل أدولف .
ولاص : وي .
~ : باقين بتلاتة فدار
ولاص : جايين يخرجو ماشي يبقاو فدار
~ : فكرت زعما ندخلو عليهم من سطح مدام الدار خاوية
ولاص : من فوق سطح من تحت الأرض بغيت ليلة تكون هيلين لكناني بين يدي
~ : اوك أمرك
قطع هاد الأخير و رجع صونا تاني
~ : نصف ساعة لا منزلوش تصرف .. بدا الحساب من دبا
~ : اك
فدار الفوق كانت الأجواء عادية .. لقات إلينا هيلين و يزن فيقين كيلبسو .
هيلين : جبتي لخبز ؟
يزن : علاش جبتيه و حنا غنفطرو بارة
إلينا : (تفكرت شنو شافت ) من الاحسن نبركو
هيلين : ولااا اووف
يزن : بغينا نبدلو روتين زعما و راني بدلت كاع بقات ليا غا صبادري
إلينا: (تنهدت) اوك
ما هي قل من نصف ساعة كانو فلباب .. شافت إلينا فلوطو لي باقة غوبشت و دوزت لسانها على شفايفها .
هيلين : يالاه تي تكوانسيتي عند لباب
يزن : فين غنمشيو ليوم
هيلين : فين ما داونا رجلينا
إلينا: (و عينيها فلوطو ) يالاه نرجعو لدار حسن ا هيلين
هيلبن : علاش جينا نفوجو ولا ندخلو لدار من نيتك ديما كديري لينا هاد لبلانات مبغاش تمشي رجعي
مكانتش كتسمع كلام هيلين بالمرة عقلها غير مع لوطو و أصحابها لي خرجو كل واحد فيهم مسلح جايين جهتهم .. قلبت عينيها لشارع فين واقفين كيبانو ليها كل جوج جايين من قنت
إلينا : (دفعتهم و بزربة نطقت) هربووووووو بزربة
دورت هيلين عينيها كتقلب غير لمحتهم قاصدينها شدت ف يزن و عطات رجليها لريح فاتجاه الرجال
.. بتاسم واحد فيهم عند بالو غيشدوهم فاخر تانية دخلو ليه مع زنقة صغيرة
.. غوبشو و بداو سبان تابعينها فيما بقات إلينا وسط من عشرة ديال الرجال كتشوف فيهم و ملامح الخوف على وجهها
شافت نص فالرجال تبع هيلين و يزن تخلعات و سؤال فبالها قاتلها .. شنو بغاو منها و من خوتها ؟ .. طارت كتجري كتعافر مع واحد باش ميتبعهمش
مع ضار مع عطاها ب تصرفيقة .. رجعاتها ليه كروشي تا ضار و طاح الأرض شاد من فكو ...
وقفو الرجال كلهم دقة وحدة كيشوفو فيها و فواحد منهم طايح لارض ملي ضربتو مفاقش .
~ : (بروسية) اش درتي ا**** .
تقدم لعندها قاد يدو غيضربها .. شدات يدو و لواتها جوج مرات فلخوا قبل ما تخبطها مع رجليها تا سمع صوت التهراس
.. بمرفق يديها عطاتو لفم تا طوش الدم من فمو عاد لاحتو الأرض مغيب
.. وقفت كطلع الهوا بسيف لريتها و عينيها عندهم .. شحال قدها ضارب معاهم هي بنت بوحدها وسط هاد الكم الهائل ..
خضعات لرياضة كيك بوكسينغ و شحال من مرة ترينات هي و حمزة تا أنه مرات دربها هو بنفسو ..
هاد لمرة كانو جوج رجال دقة وحدة تهجمو عليها .. دقة فيا دقة فيك ..كلات لعصى ففمها و دم لي نزل من نيفها شوية ..
طاحو رجال بجوج فالأرض مغيبين و هي كتكحب بصوت مسموع من لقجة لي عطاها واحد فيهم
.. على غفلة حست بضو ضربها لراسها .. شدت من راسها و تلفتت كتشوف فواحد شاد من برة مغروسة فعنقها رمشت عينيها المدمعين و هي كتشوف فيه ببطئ
تخشات هيلين فباب الموبل فسفلي شادة من فم يزن حابساه باش ميدويش .
يزن : همممم ..هممم .
هيلين : (بهمس) سكت لا لقاونا غيقتلونا .
يزن : إلينا .. واش تسطيتي خليتيها ليهم و هربتي .
هيلين : الله الله درت فيه خير جريتو و دبا كيخرج عينيه.
يزن : عند بالي راها ورانا ملي قالت لينا هربو .
هيلين : هي لي بغات واش انا قلت ليها ديري فيها واعرة .
يزن : لا نتي بزاف فعلا .
~ : (بروسية) ولاص .. هربت هيلين و خوها
ولاص : (وقف خابط لبيرو) كييفاش (كيصفق)برافو إنجاز عضيم أدولف غيفرح بيك .
~ : (عرفو كيستهزأ بيه) ولاص راه خت.
ولاص :(قاطعو كارز على سنيه) قلب على هييلين ولا آخرتك را عارفها .. إلى رحمك أدولف انا منرحمكش .. هيليين تجي ليوم ل موسكو .. ليوم هي ليوم
~ : قلبنا تا عيينا و والو (شاف ف إلينا لي مغيبة) غنزيدو نقلبو من هنا ليل ..
ولاص : و لا ملقيتيش ؟
~ : إلينا معايا
ولاص : كيفاش معاك
~ : دافعات على خوتها .. هربتهم .. الآنسة محاربة ل
قطع عليه ولاص كيمسد فجبهتو و فنفس الوقت مدوز لخط لادولف
ولاص : كاين مشكل
أدولف : (يديه ورا ظهرو عينيه مراقبين التلج من النافذة) لي هو ؟
ولاص : هيلين
أدولف : اش دارت ****** ؟
ولاص : هربتها ختها هي و خوها .. و تناقشت مع رجال .. دبا شادينها هي
أدولف : قلتي هربتهم .. زيدو قلبو على هيلين .. فحالة ملقيتوهاش (سكت دقايق و هز حاجبو بهدوء) نرحبو ب إلينا
قطع ولاص لي دوز لخط تاني و شد فلاباراي لي فودنيه و ايد تانية فجيب سروال
ولاص : قلب عليها .. فحالة ملقيتوهاش جيبو إلينا
~ : تعليماتك وصلت .
وصلات لعشية ..طنجة فحالة طارئة .. كتف ~ الرجال كيقلبو فكل بلاصة .. كل شارع .. كل زنقة .. كل ريسطو ولا قهوة كأن الأرض بلعتهم
هيلين: خايفين بزااااف ا بابا فين وصلتو
حمزة : (بخوف ) قربنا.. كوني هانية رجال لي غيهزوكم جايين عندكم بلا ما تخافو و لبوليس تاهو كيقلب
هيلين : (بخوف ولو تنكر قلبها ضارها) و إلينا ا بابا
زير على لوطو هاد السؤال بالضبط مخوفو .. قلبو كيضرب بشكل هستيري و التوتر باين عليه ..
شدات فكتفو أميمة ملي سمعت صوت هيلين فلباف ديال لوطو .
حمزة : غنلقاها ردي لبال لخوك بيما وصلت انا قريب لدخلة ديال طنجة (قطع عليها و حط يدو على فكو) إلينا غابر ليها الاتر(ضرب ايدو مع لفولو) انا لي حماااار مسيفطهم انااا
زياد : حمزة تهدن غنلقاوها .. ممكن تكون مخبية تاهي بحالهم فشي بلاصة
حمزة :(شاف فيه مكشكش ) واش نتا كااامبو ولا بااغي تهندني .. ملي بقات بوحدها علاش معيطاتش ليا كيف دارت هيلييين .. بنتي ضااااعت قولها هااااكة و سكتنا
أميمة : عندو الحق .. إلينا باينة طرات ليها شي حاجة .
عض على شواربو و زير على لفولو زايد فالسرعة كيدوز على لباراجات ديال البوليس بلا ما يدويو معاه عارفين هو و شكون و العميد وصى عليه غير ساق لخبار لي وقع لبناتو
خنزر زياد فاميمة باش تسكت و تلفت كيشوف فحمزة تواني عاد قلب عينيه لقدام .. شاف لبلاكة ديال طنجة .
زياد :على سلامتكم ( حل لمجر لي قدامو كيجبد فسلاح و يعبئو بالقرطاس) شد .
حمزة : عندي واحد
زياد : زيدك واحد
شدو من عندو و دارو ورا ظهرو فيما زياد تبعو داير جوج ورا ظهرو و واحد فيديه
زياد : (قلب عنقو كيطرطقو مزير على لفردي ) كسيريييي راك قربتي لعنوان
حمزة : (غوت صاعر) نطير
اميمة :تهدنو (تلفتت وهي تشوف الواقي) نسيتو واقي الرصاص
حمزة : اري
مدتو ليه حشمانة هي سباب السفر من قلبها كتدعي ميطرا والو ل إلينا والا غتحط فموقف لا يحسد عليه
.. بعد الواقي لي دار كل من حمزة و زياد بلاصاو لوطو فلبلاصة لي سيفطات ليه هيلين فواتساب .. حل باب الموبل على استعداد
حمزة : هيلييين ... يزن ... هيلييييين
زياد : يزن .. يز
سكت ملي بانت ليه هيلين كطل بشوية من السفلي تحت دروج
هيلين : خالي
طلعت تجري عنقتو كتبكي .. فيما حمزة شد يزن كيبوس ليه راسو و راسها .
هيلين : بابااا إلينا هئ بقات هربتنا و بقات هي
يزن : قالت لينا هربو عند بالي تبعاتنا شدات فيا هيلين و خلاتها
هيلين : هي قالت لينا هربو
شاف حمزة فاميمة لي واقفة فباب الموبل .. عنقات ولادها بجوج عينيها عند حمزة لي مغمض عينيه
.. داز عليها كي الإعصار كيبخ الدم .. جبد تيلي من جيبو
حمزة : بغيت إذن باطلاق الرصاص .. منك و دبا
العميد : حمزة معندكش الحق .. نتا في حالة عطلة دبا
حمزة : (كرز على سنيه) متحاولش تختابر الأبوة ديالي .. انا أب قادر يقتل على ولادو و دبا بالضبط انا فحالة جنون لدرجة لي شديتو قدامي نقدر نقتلو بيدي و نشرب دمو
العميد : حمزة سمعني .. الرج
حمزة :(بعصبية قاطعو) بغيييييت اذن ولا عرف طنجة غتسبح فمياااااه الدم بسبااابك .. انا دويييت ونتا عارفني
العميد : (بعد دقايق ) انا غنتصرف .. تهدن .. حمزة .. سمعني .. تهدن الى بغيتي نلقاو إلينا ... كولشي كيقلب على إلينا مستحيل تخرج من طنجة .. راني أكدت لأمن المطارات .. و حتى تفتيش الطرقات خدام مكاينة حتى لوطو كدوز بلا ما تقلب
حمزة : بغيييييت بنتي ا سي العميد ولااا غنرتاكب جرم .. دير لي فجهدك لمهم بغيييت إلينا
رمشت شوية قبل ما تحل عينيها شوية .. حركت يديها شوية كتشوف فيهم مربوطين رجليها كذلك .. غير كتشوف مقادراش دوي ولا تحرك .. مبنجينها كليا ..
هزت عينيها فلمرايا لي قدامها كتشوف شخص جالس فلوطو داوي فتيلي بلغة مفهمت فيها والو
~ : (بالروسية) الأمر ازداد على حدو .. الطرقات كاع تحبسو .. حالة طوارئ كتعم طنجة .. غير البوليس كيضورو .
ولاص : (لاح لاباراي مزير على فكو ضاغط بقبضة يديه على لبيرو) صبر (دوز فديك اللحظة لابيل) لبوليس كيقلب و وحمزة فطنجة تاهو .. لا مجيناش دبا يقدرو يكشفونا
أدولف : ( حط سيكار فالطفاية و هز يديه كيمسح جناب فمو) تا قوة ما تقدر تغنيني على داكشي لي غندير لحمزة الكناني و عائلتو
ولاص : أدولف الوضع ماشي فصالحنا .. واش نعطي أمر يخليو سبيل إلينا ولا يجيبوها ؟
أدولف: (بصوت قوي دليل على عصبيتو) الأمر خاص بهيلين ماشي إلينا
ولاص : مدام حمزة كاين فطنجة أكيد تواصل ب هيلين و خوها .. أدولف كنضيعو الوقت و هو ماشي فصالحنا
أدولف : شنو كيبان ليك نتا (بتاسم ولاص عارف بلي تفكيرهم بجوج كيف كيف )
ولاص : عارف رأيي
أدولف : (بعد دقايق من التفكير) جيب إلينا
قطع معاه الخط دغيا تصرف ولاص .
ولاص : سمعتيه اش قال ياك
~ : وي أمرك
إلينا: (بصوت متقطع تعبان) ش..كون أدولف .. منين كتعرفو اسمائنا
ولاص : واش لبنت كتسمع (بعصبية روحو غتخرج) وااااش نتا غبي
~ : يالاه فاقت
إلينا : شكون نتا .. شباغي مني(غوتت لربي لي خلقها) عتقووووووني عتقوووووني
ولاص : سكتهاا .
~ : (بخوف لا ولاص يوصلها ل أدولف) أوك
ولاص : حقنها بإبرة ديال 24 ساعة.. فهمتيني
~ : واخة
قطع معاه و خشا يدو تا جبد برة بسرعة حركت راسها بلا و دموع نازلين من عينيها كتشوف فيه نزل و قلب دورة لعندها
إلينا: لااااا لااا عفااااك .. لاااااا(تنترت منو) لاااا بليييز بليييز كنطلبك كنترجاك
مفهم من كلامها غير ديك بلييز .. و واخة هكاك مرحمهاش ..دق لبرة فعنقها تواني و حطت راسها على لكوسان تاني غير عينيها لي كيضورو .
~ : ( بروسية مفاهمة والو من كلامو ) غير شوية و غتنعسي .. تكالماي و هنينا
عض حمزة على شواربو حدا لبوليس كيقلب هنا و لهيه بدون جدوى الطرق لي كتأدي لمطار كلهم محبوسين كيقلبونم مزيان عاد كيعطيهم أمر بالمرور .
حمزة : فين هاد لبنت فييين غنتسطا عرق فراسي غيطرطق
شاف فيه زياد فاهمو ماشي بالسهل عليه هادشي لي كيمر بيه ..
دقايق كانو فلفيلا .. دازت لوطو من ممر خاص تا لفين الطائرة الخاصة ..
هزها ~ بين يديه و حطها فيها .. و طلعو رجال تاهوما .. تصرف واحد منهم بالقيادة .. دقايق كانو فوق السما للوجهة روسيا
~ : (بابتسامة) حنا فطيارة خرجنا من المغرب (شاف فالينا) البضاعة معانا
ولاص : مزيان.. ملقيتوش مشاكل فطريق
~ : لا سمح لينا **** باش ندوزو بلا تفتيش
ولاص : برافو (قطع عليه و شاف فادولف) أدولف لبضاعة جاية
بتاسم من تحت لحيتو و قطع لابيل فيديو لي كان داير مع ولاص .. تقابل مع الثلج لي كينزل بغزارة .
أدولف: بداية عذابك ا إلينا اتبدا من هاد لحضة (بعد تفكير) حرب إلينا ضدي .
يتبع...
