هنا جيت بالقصة المنتضرة لي تسينتوها شحال قصة يحيـــــى ومريــــــم❤ لكوبل الوحيد لي ماكملناش قصتهم فقصة الزعيم.

للتذكير لقصة ماشي جزء ثالت للزعيم📣.وتحت طلبكم لقصة تحطات دابة تحت عنوان مناسب لاحداتها :

🔥عــــــــــــــــذراء ساقــــــــــــــــطة🔥

لعنوان من اختيار الكاتبة :fatita el abbassi ..

والقصة غتكتب بقلمها واسلوبها كيف سبق ووضحت وطبعا بمساعدتي وأفكاري..ماغاتحسوش بالفرق الكاتبة عندها ماتقول وبهراتني بافكارها واسلوبها❤

ماغانحتاجش نشكر ليكم القصة حيت اتلقاو فيها كاع داكشي لي باغين عارفة ذوقكم مزيااااان 😌😌..من حب وعشق..وتفرشيخ وتجغديل...سفالة ودراماا وكوميدااا .بالمــــــــــــــــــــــــختصر القصة على ذوقكم 🔥

هنا غنشوفو قصة عذراء ساقطة وغنفهوو المغزى من هاد العنواان فاحدات سلسة ومشوقة وخاطفة للانفس ..قصة تستاهل تقراوهاا 

تقديـــــم 🔥

يُثرثونْ بِتِّرَهاتٍ قائلين :

نَقِّلْ فُؤَادَكَ حَيْثُ شِئْتَ من الهوى مَا الْحُبُّ إِلاَّ لِلْحَبِيبِ الْأَوَّلِ

كَمْ مَنْزِلٍ فِي الْأَرْضِ يَأْلَفُهُ الْفَتَى وَحَنِينُهُ أَبْدًا لِأَوَّلِ مَنْزِلِ🌸

بينما هي تلملم شتات الفؤاذ في بريق حب عذري قائلة: 

كذب الذين تحدثوا عن الهوى لا شك فيه للحبيب الأولِ

ما لي أحن إلى خراب مقفرِ درست معالمه كأن لم يوهل أرغب عن الحب القديم الأولِ وعليك بالمستأنف المستقبلِ

نقل فؤادك حيث شئت فلن ترى كهوى جديد أو كوصل مقبلِ🌸

مكيطفي العافية غا العافية.. ومكيبرد حر الجمرة غا جمرة قوى منها.. ومتخرجك من الضلمة غاظلمة مولف عليها.. هادا هو الحب يهزك من عين ويجرجرك في بحور.. بحور ظلام حايلة غارقة.. هي لي كانت غارفة فعشق مراهقة.. عشق كتاب لختها وولا قانون.. هي لي تهرست وجمعت شتاتها فحب آخر هرسها وجبرها الهارس.. ولكن واش حتا هي غتبغيه وتكون ليه فالحلال عشيقة ولا غتكون عافية تحت رمادو 🔥

تختلف الأقدار بما يشاء الخالق 🖤.. حتا القلب كيميل مع الرياح.. كيف معروف علي القلوب مياالة للقلوب المهتمة.. ولكن غريب تلقا قلوب مايلة لقلوب حاقدة وشاعلة بي حر الانتقام..قلوب كانت حنينة وضريفة والبساطة واخدة شكلها..ولكن الدنيا والحب القاصح خلاها تقصاح مع الزمان.. قلوب كانت نقية احتا ترمات بين ايدين واحد معندوش القلب..ولكن هادا هو الحب مكيشاور مكيعلم.. يقدر يبدل ديك للاقدار لكتختالف حسب مريدة الخالق.. تقدر تبدل وحوش لدراري صغار بين ايدين محبوبهم.. تقدر تبدل قلوب كحلة زحلة لحليب صافي.. وزيد تقدر تبدل قلوب كانت عاناة فحب قديم لقلوب هايمة فحب واصل لآخر الأوصال

كانو مجموعين فالجردة بعدما خداو صورة جمااعية مع بعضهم الرجال كيتناقشو فأمور البزنس كيف العادة اما البنات فغير كيشوفو ومرة مرة يقولو رأيهم تاهما 

عائشة كانت مخشية فحضن يوسف هادشي ديال الشركات بدات كتمل منو كتحس حققات فيه هدفها ووصلات للي بغات ... رفعات راسها فاش سمعات خوها حمحم بجدية ونطق بصوت مرتافع بعض الشيء 

عصام : عندي ليكم واحد الخبر 

الزاهية كانت جالسة حداه من جيهة ليمنا ودينيز من جيهة لاخرة : الله يسمعنا خبار الخير أولدي

عصام : اوا يا سيادنا مريم جاو فيها الخطاب

يوسف باستفهام أمر مريم كيهمو كيعتابرها بحال ختو خصوصا وعائشة بيناتهم : وشكون هادا كتعرفو

عصام : اه كنعرفو مزيان واحد من المعرفة القديمة.. راجل ميتعابش ومزيان غيديرها فعينيه وموافق يصبر عليها تاتكمل قرايتها كان حاضر هاد ليلة وشافها 

الزاهية : وبنتي باقا صغيرة انا باقي عليها حال الزواج

عصام : ودابا هو بغا غير يدوي فيها ويخطبها غيصبر عليها تاتسالي قرايتها 

فاتي :والشوار شوار مريم هاهيا جايا نيت 

كانت فجيهة لوخرا كدوي مع جون فالتفاصيل وكارلا كتشجعهم بانه هاد الخطوة لي غيديرو ما غيندموش عليها

مريم : دابا خليونا من هاد الموضوع يالله نجمعو معاهم

كارلا وجون؛ اك يالااا

مشاو كيقربو ليهم ومريم كتشوف انظار الكل عليها مع بعض الابتسامات.. عرفات القضية فيها إن

مريم : امالكم كتشوفو فيا اش كاين عوتاني

عصام : قريب انتهناو منك

مريم : كيفاش مفهمتش

الزاهية(جراتها لحضنها معنقاها)؛ بنتي تاهي كبرت وولاو يجيو فيها الخطاب

مريم(بصدمة مخرجة عينيها)؛ نعااااام

كان شاد كاس العصير فيدو وأكيد أحاذيثو مكتخلاش من الخدمة ليشادة ليه معضم أوقاتو.. واقف هو ومدير أعمالو كيخططو لصفقة جديدة.. و عينيه عليها منين جا منزلهمش فيما دور لبلاصة يتبعها بنظراتو ...كيشوف فيها كيفاش واقفة وقفتها وكيفاش كتهز ايديها كترد شعرها الطويل ورا ودنها..وديك الابتسامة لي مرة مرة كتبينها بثوثر وبطريقة طفولية كتلعب ليه على الوتر الحساس بحاليلا كتستافزو و كتخليه يهيم معاها

مدير الأعمال : صافي اناخدو من بين ايديهم هاد الصفقة بلا ميحسو

يحيى(بجمود) : خليها ليهم

مدير الأعمال : ولكن اسي يحيى راه فيها الأرباح بزاف تقريبا اتجي شي 700 مليار

يحيى(جغم من كاسو وعينيه باقين عليها) :انا عارف اش كندير.. خليها ليهم ولكن حنا انزلو ليهم الاسهم اخليوهم يندمو علاش دخلو لهاد الصفقة.. من بعد مغيبداوها هوما غيوحلو في الموارد وأكيد غيبغيو المساعدة وديك الساعة غنتدخلو حنا انسمسرو في الاسهم بشرط ناخد الصفقة.. يعني اناخد جوج فواحد

مدير الأعمال(ابتاسم لتفكير سيدو اللشيطاني.. وعمق افكارو لميقدر يفكر فيهم تاحد الا بمستواه) :واخا اسي يحيى

يحيى(عطاه كاسو) ؛شد هادا وغير سير دابا.. انا انشوف يوسف ونتبعك

نرجعو عند مريم

مريم : كيفاش الخطااب اماما اويلي

عصام:اه جاوك الخطاب.. واصلا نتي بديتي كتكبري وراه على ضمانتي راه ضريف غيعجبك

مريم فهاد اللحضة رجعات بذاكرتها اللور لتلاتة دلاحداث دازو عليها وعمرها تنساهم، نهار فاقت ولقات راسها عريانة ونهار عرفات راسها ماشي بنت ونهار طيحات لبي بي ..ودابة باغين يزوجوها داكشي لي خافت منو هاهي طاحت فيه ماتقدرش تخايل انهم عاقو بيها زادت تأكدات انه قرارها باش تزوج بجون في محلو وماخاصش تزيد تفكر فيه ولو ثانية.. رجعات بتركيزها لعائلتها كيهضرو غلى هاد الخطيب لي ماشي وقتو وشافتهم بداو كيقتانعو بكلام عصام حيت كيشكرو وبلا ماتحس نطقات : لا انا مموافقاش

عصام(هاز حواجبو) : وعلااش وتاتشوفيه بعدا شتك رفضتي قبل ماتعرفيه

مريم(شدات فايدين جون) : في الحقيقة جون جا معايا للمغرب غاعلى قبل هاد الموضوع

يوسف(قوس حجبانو) : كيفاش

مريم : اه انا وجون ناوين نتزوجو

عصام :كيفاش تزوجو شكا تخربقي كي درتو ليها

خنزر ليها فاليد لي شادة بيها يد جون دغية جمعات يديها عندها

مريم (سرطت ريقها كتحاول تدارك الموقف)؛ لا لا غير هو كان كيهتم بيا بزااف وكيبغيني ورغم انه مكانش مسلم وانه اجنبي عمرو دتر معايا شي تصرف ماشي هو هداك كان محتارمني وعلاقتنا بحدود وهو عارف عقليتنا حنا العرب كيف دايرة وحتارمها وجا قصدني نيشان للزواج اخويا ماطلب تاشي حاجة خايبة ..وحتا انا باغاه وباغا نتزوج بيه حيت كنتفاهمو وباغين بعضياتنا

سكتات وهي مزيرة على صبعانها وكتشوف ليه فعنيهزباغة تقنعو رجعات شافت فجون ورمشات بعنيها 

جون فهمها(نطق بدارجة معكلة كيف حفضاتو وعلماتو) ؛اه أ نا تالب راغب فيد بندكم ليا ألى سنة الله ورسول وأنا كنبكيها(انا طالب راغب فيد بنتكم ليا على سنة الله ورسوله وانا كنبغيها)

الزاهية(تبسمت فرحانة) :وشوف لك فورماطاتو المسخوطة ههه وتانا قلبي مرتااح من جيهة هاد الدري

عصام :ولكن..

عائشة(قاطعاتو)؛ صافي اخويا لاكانت هي ليبغاه علاش نعتارضو طريقهم

ورجعات شافت فمريم وقربات وشدات ليها فيديها كتشوف لسها وسط عنيها:ختي زواج ماشي لعب واش متأكدة واش هاد القرار من قلبك

مريم هزات راسها باه:اه اختي متأكدة راش شهور وانا كنفكر وصافي قلبي رتاح 

عصام(تنهد ساخط)؛ مافهمتش انا كيف درتي ليها..اش داك لشي مريكاني مالهم ولاد بلادك علاقل عربي بحالك بحالوو 

مريم:مافيها والو اخويا جون راه انسان مزيان ومحتارمني بزاف ومتفيه تاشي عيب لي يخليني نرفضو بفلوسو وبدارو وضريف وكيحتارمني شنو بغيتي كتر

عصام شاف فيوسف بمعنى شنو بان ليك

يوسف تنهد وشاف فمريم:القرار ديال هاد.البرهوشة بغاتو صافي تديه وحنا ماغانزيدوها غا الله يكمل بلخير وفوقما حتاجتنا تلقانا

عصام شاف فجون شحال ومسح على راسو كيفكر والزاهية كدوي:تانا ابنتي ماعندي مانقول ااسيد ماطلبش العيب قصد داركم ونتي باغاه 

عصام وعنيه على جون:بشروط

مريم؛ شمن شروط اخويا الله يهديك

عصام:زمي خلي الرجال يتفاهمو (دوا انجلش باش يفهمو جون) خاصك دخل الاسلام و..

جون(قطاعو بلهفة)؛ يعني موافقين اه اه انا دخلت الاسلام كنتسنا غا الشهادة والسمية الجديدة

عصام(تنهد)؛ اه وخاصك تخليها تاتكمل قرايتها و..

جون(عاود قاطعو بلهفة) :اه اه انا انوقف على قرايتها

عصام(خنزر) ؛وخليني غانهضر اصاحبي

جون حدر راسو معاودش هضر وكلشي ضحك 😂

عصام(قرب ليه وجرو من كتفو) :هادي هي أغلى مكنملك.. هادي بنتي انعرفك درتي معاها هاكا ولا هاكا نحر خويا.. ومنبغيكش زعما دير ليا داكشي ديال الحبيب وداكشي ديالكم لهيه.. مغتقرب ليها متقرب لك حتا ديرو لاكط خليك كيف كنتي معاها شاد تيقارك صافي .. وقرايتها وخدمتها اتكمل فيهم.. ومنزيدك غالله يكمل عليكم.. غدا انديرو خطبة رسمية قبل مترجعو

الزاهية من كثرة الفرحة طلقاتها بواحد الزغريتة هي ودينيز.. وجون تاهو من لهفتو وفرحتو بحالا كان عندو عيد اخيرا اتولي ليه محبوبتو.. تاهو بدا يقلد فيهم ويزغرت.. خلا كلشي كيضحك

_جون(شاف فمريم)؛ صافي أمريم دابا وليتي خطيبتي

كان جاي فتيجاهم بخطوات تابتين يديه فجيابو ونضرتو الحادة سابقاه من قبيلة وهو مراقبها .. وغير من الزغاريت فهم اش كين.. وكلمة خطيبتي بقات كتردد فأوقاع أطبالو

يحيى ليوقف على يوسف باش يسلم عليه.. حتا حضر لخبر مكانش منتاضرو.. هز حواجبو بزوج وهو كيشوف فيها وكيشوف فضحكتها.. حتا قاطعو يوسف

_يوسف:غادي

_يحيى(تلافت عندو بابتسامة خفيفة مكتبانش بزاف) ؛ يالله نخليك دابا ويترباو فعزك

_يوسف:شكرا ومرحبا بيك.. وضروري نعاودها فشي جلسة انا وياك بحال القديم

_يحيى:على الأكيد 

يلاه كان غادي حتا قاطعو صوتها الانثوي ليباقي فأذانو كانت تبعاتو 

_مريم(جاية بخطوات مسروعة)؛ وقف بلاتي.. (وقفات مقابلة معاه) :تسنا أخويا نجيب لك لافيست ديالك غتكون نشفات

يحيي غير هاز حابانو كيشوف فيها كيفاش كتستحمر فيه كيقول مع راسو شمن خويا .. اما هي مشات كتجري للداخل جايبة لافيست فايديها.. مشات كتقلب عليه لقاتو غادي خارج مع الباب ماتسناهاش

_مريم(غوتات) :هيييه بلاااتي

_يحيى(عاود تلافت بهدوء لقاها جايا بابتسامتها كتنهج)

_مريم(وقفات عليه ومدات ليه لافيست بابتسامة بريئة) :هاهيا نشفت.. وسمح ليا مرة خرى أخويا.. تصبح على خير

يحيى صااافي طلع ليه الدم من هاد الاستحمار لكدير ليه وهاد الاستفزاز خلا صبرو ينفذ وهاد البرود لي كتعاملو بيه بحاليلا ماكاتعرفوش .. جرها من ايديها لواحد القنت زدحها مع الحيط.. مقرب ليها انفاسهم الحارة لكتلهت مخالطة مع بعضها.. واعينهم اللاامعين مقابلين صدرها طالع نازل مافاهمة والووو 

_يحيى(بحدة) :لتاني مرة كتجي فطريقي.. وهاد المرة غنتشاااوفو بزااف أمريم ولاكنتي نتي نسيتيني(صغر عينيه) الشرايبي مكينساش ليام بيناتنا وانوريك هاد الاخوة لي بيناتنا فين كتحبس(كرز ليها على درعها) جيني نيشان شمن لعبة هادي عاود

عينيه تلقاءيا هبطو لشفايفها.. كان فطريقو الساعرة ليهم باش

يلتاههم كون متدخل صوت عصام لكينادي على ختو كيقلب عليها.. الشيء لي فيقها وخلاها ضربها معاه بواحد الصفعة صداها تردد فالمكان.. خلاه هو ملافت ومصدوم.. كيفااااش تجرآت وهزات ايديها على سيهم الشرايبي.. هادشي اكييييد مغيدوزش ومفيييه خير

_مريم(دفعاتو بكل قوتها)؛ شكااا تخرببق منين كتعرفنيييي

وكيفاش تجرأتي تحط يديك عليا وتقرب ليااا الحيوااااان ماحشمتييش خسارة خويا وراجل ختي ستاضفو حقير بحالك تفووو. 

دفعاتو ورجعات اللور كتنهج وكتشوف فيه بكل احتقار يلاه اتكمل كلامها ومعيورها وهي تسمع تاني صوت خوهاا تنهدات بالجهد ومشات وخلاتو مصدوم...صدمة لغتخرج ليها على حياتها واتكون سبب فتعاستها من هنا للقدام

مشات وخلاتو مصدوم صدمة لغتخرج ليها على حياتها وغتكون سبب فتعاستها

_مريم(غادا وكتسوط ومعااجبها حاال) :الحيوان لاخر اش كيسحب ليه راسو.. المكبوت

_عصام(كان واقف قدام لباب) :فين كنتي نتي

_مريم(شافت فيه وباقا مخنزرة)؛ غير هنا

_عصام:أماالك اش واقع

_مريم(تفكرات هضرتو نفضات أفكارها ودورات راسها بلا) :لا لا موقع والو

_عصام؛ ومالك مخنزرة ياكما شي حد قلقك ليا

_مريم:لا للا اخويا غير ضربت صباع رجلي مع واحد لقنت

_عصام(جرها عندو وهو غادي) :ديما مرفوعة (تنهد) واش باغاه أختي متأكدة

_مريم(كانت كتشوف فأحد الانوار لفجردة البعيييدة وساهية كتفكر فأشنو وقع ليها) ؛الصمت

_عصام(قاسها بصباع ايدو ليمعنقاها) :علاش مجاوبتينيش واش كينة شي حاجة انا معارفهاش اختي.. عاودي ليا

_مريم(كتحاول تدارك الوضع) :لا لا لا موقع والو انا بيخير اخويا متخافش(بابتسامة خفيفة) حنا باغين بعضياتنا وهو ضريف معايا فوق القياس وعمرووو آذاني ولا قرب ليا 

_عصام(تنهد وهز راسو بآه)؛اذن الله يكمل عليكم 

فقنت آخر كيتحتو بعاد شوي على العائلة.. العائلة ليكانت تفرقات مابين الرجال لي باقين في الجردة والنسا المجموعين في فالصالون كيخططو للفرح ديال غدا

_عائشة(متكية ليه على صدرو وكتلعب بايديه وسط ايديها) ؛ يوسف اش بانلك فهادشي

_بوسف(كيشم ليها فشعرها ليباقي كيذوبو) ؛امم فاش

_عائشة؛ هاد الخطبة المفاجئة زعما

_يوسف:بينة هو كيبغيها هادشي باين بعدا

_عائشة؛ اه هو باينة طاايح نييت ولكن معرفتش علاش كنحس بشي حاجة ماشي هي هاديك.. خاطري ممهنينيش

_يوسف (بابتسامة هبط ايدو لفخضها عصرو) :كتحسي كتحسي وحسي بيا شويا انا واخا غير لفوق بعدا

عائشة ابتاسمات عارفاه محروم هاد الأيام مسكين.. هزات راسها باش تدخل معاه فقبلة طويلة... كانت طالبة عليها.. نوعا ما قبلة شوق ولهفة كانو كيمصو شفايف بعضياتهم بلهفة كيبعدو ويرجعو فنفس الوقت وهوما عاجبهم الحال

دخلات كتلقاهم كيفصلو ويخيطو الزاهية واقفة وكتشوف واحد الجهة وكتعبر بايديها

_الزاهية:هوما غيدخلو من هاد الجهة وهنااا هنااا (كتشير لواحد المقعد) ايكون تركاب الخواتم.. اه والديدجي..

_مريم(قاطعاتها) :وااامااامااا واااامراااكش تي اشمن ديدجي اشمن دخلة راه غاااخطبة مالي غندير عرس.. بغيتها تكون غابيناتنا

_الزاهية:الله على بنيتي الله مالي طالباك من الزنقة ولا مالك فيت فك الزواج.. ان شاء الله الخطبة ادوووز معتبرة وانخليهم غااحاالين فامهم.. باش يعرفو بنات الزاهية اش داو وليمساق الخبار نسيقوه لبوه

_مريم:ولكن أماما..

_الزاهية(قاطعاتها) ؛مكين تاولكن صافي دويت عندي غاعوينة كنفرحش بيها زيدي تگلسي وقلبي على شي قفطان مع البنات فداك المشقوف وسكتي

تنهدات وخلاتها دير ليبغات.. عارفاها مغتراجعش فبحال هاد الأمور.. دازت ديك الليلة غير فتوجاد مبينهم والضحك طلعات للببت بدلات عليها وتخشات فبلاصتها كتفكر فأحدات ليلة حتى زصلات لاخر حدت مع داك الغريب لي بان الجملة ليقال ليها بقا صداها كيتردد وحتا فاش كتفكر كيفاش صفعاتو امكتزيد تفكر وتعض على شفايفها منين جاتها داك القوة ماكانتش هكاا .. معاودت لحتا واحد قالت يمكن غير غلط وهي متناسية كيفاش نادا ليها بسميتها.تنهدات وغمضات عنيها باش تنعس حتى جاو فبالها ملاميحو وانفاسو لي كانو كيحرقوها فداك ساع ريحتوو قربووو كلشي فيه حسات بتحساس فشكل تحساس بحاليلا فايت ليها عاشتوو خلا قربها يضرب بالجهد حتى ناضت جالسة كتلهت كتنعل شيطان من هاد الاحساس لي جاها . رجعات تكات كتنفض راسها من دوك الافكار وكتستاعد باش تنعس

نرجعو عند لبركان لهادئ ديالنا

قبل نصف ساعة

بقا واقف مصدوم وحتا وجهو مقدرش يضورو متحرك إلا فاش مشات وسمع شي سيارة ديزا من الطريق فيقاتو.. تلافت كيشوف بعيد وهو عينيه فلون غرق من لون الدم.. نفسو المشموتة كتحرق وتعذب وسط صدرو عالنة واحد الحرب جديدة.. سميتها حرب الانتقام..مكانش غيذوزها ليها.. مشا لسيارتو بخطوات تابتين لي يشوفو مايقولش كيحمل كاع داك الاعصاب فداخل ديالو كيبان كااالم مابيه والو وهو باغي يتفرگع خاصاه غاشي فتيلة.. ركب شعل گاروه لبدا كينتر منو بهمجية وديمارا للأوطيل بسرعة خيالية..هز تيليفونو كيتكلم مع مدير أعمالو وعنيه على طريق كيشوف بحدة مزير على لفولون .. كان باغي غير شي حاجة تبردو

_يحيى(بحدة) :من دابة ربع ساعة انكون فلوطيل قاد ليا هاد ليلة كيف لعادة

_مدير أعمالو فهم قصدو راه سنين وهو خدام معاه:واخا اسي يحيى

_يحيى قبل يقطع كمل كلامو:سمااع ..بغيتها كتشبه ليها 

مدير اعمالو:كيفاش

يحيى:وسميتها مريم

مدير اعمالو كيفهم كلامو على طااير وقبل ميجاوبو قطع عليه ولاح تيلي فالمقعد لاخر.. صدرو باقي كيطلع وكيهبط.. مادام هي ماشي بين ايديه دابا فغيحاول يفدي عصيبتو فشي وحدة تتشبه ليها حيت عارف راسو لتما بردش هاد لبركان يقدر دابة يمشي يجبدها من قلب دارهم ومايحسب حساب لتاشي حاجة ولي بغة يوقع يوقع..ولكن ماشي هاااكة كلشي كيجي بوقتووو وليام مازال بيناتهم 

كمل طريقو وهو كينثر من سيگارو وعينيه الحمرة على الطريق.. كيباان هااادئ ومكالمي.. ولكن كيف خلاوها خاف من الواد السكوتي ومتحطش رجلك فالبحر الزاگي.. داك الهدوء لكيسبق العواصف ضربتو مكتنوضش.. خطتو كترسم فخطاطة قبالتو.. خطة مشارك فيها الشيطان وولادو..وصل لاوطيل مورغان الكبير.. هبط من سيارتو رما سيگارو فالأرض وعفس عليه وهو هاز راسو كيتمشى بهيبتو ومشيتو ليزادتو روجولة...داخل ايديه فجيابو كان جناحو محجوز من قبل يكفي انه مشى لريسيبسيو خدا البطاقة وطلع لآخر جناح عبر سانسور... دخل لقاها موجودة اكيد كتسناه.. كانت لابسة وحدة من ليشوميز لي واصلين لنص فمؤخرتها.. معرية كتر ماساترة.. كانت غير خيوط فالأسود القامت فقطط.طلعها ونزلها مزيان تا وصل لوجها ركز فيه مزيان قوس حواجبو بحاليلا كيقارن بينهم نفس طول دشعر نفس لبوضية ملاميحهم قراب ولكن كاين فرق بينهم فين هي لبراءة لي كتبان فعنيها فين هي العفوية ديالها فيين..حبس تفكيرو فتش لقا راسو غرااق فتفكير فيها شاف فهادي لي قدامو وداك الابتسامة المغرية لي على وجهها كتقولو اجييي. . بلا هضرة بلا جوج تلاح عليها بحالل شي وحش جيعان وشاف الماكلة ولا بحال ديك حرب الثور الهائج ملي كيشوف الحمر.. أو بالأحرى بحال يحييى ملي غيشوف مريم ليشمتاتو واستحمراتو وزادت صرفقاتو... 

نهار جديد

صبح صباح جديد. معلون بديك الشميسة لخيوطها واصلين لعدة بيوت.. فحين أكيد مسالماش من الغيوم.. كان واقف بتخنزيرتو كيقاد صدافات لقاميجة ديالو وشافها كيفاش مرمية فوق النموسية باينة مهلوكة من بعد ليلة طويلة دازت عليها معاه مرات كان معاها حنين مرات كيتقلب وكتحس بيه باغي يقتلهاا وكيطفي لغضاب ديالو فيهااا.. هز الهاتف ديالو بجمود وتكلم مع مدير اعمالو..اكيد هو لكينقي بحاال هادد الأعمال

_يحيى:انا انخرج نرجع مالقاهاش هنا تكلف معاها بلباقي (قطع معاه الاتصال قبل ميوصلو الرد)

هزات راسها بصعوبة نعاس ولعية كلشي مخلط عليها من ليلة لي دوزاتها معاه.. هي مولفة بهادشي وكتعرف تعامل مع بحال هادشي ولكن هو حدهم ليهااا كان ايحمقها حتى كيخليها تستحلة وكيرجع تاني يزعزعهااا بممراستو الشرسة قفزات فاش زدح لباب من موراه وخرج

بااقا مشبحة فوق سريرها على كرشها رجليها مفتوحين وايد مرمية على كارلا والايد لوخرة طيحة من على سرير تاواحد مبغا يفيقها عارفينها كتنوض خاسرة.. كانو واقفين قدام باب البيت وحدة كتزعم فلخرة

_فاتي:دخلي اماما دخلي اويلي راه مغتاكلش

_الزاهية:هي لا خلتي نتي ابنتي.. هاه باغاها ابنت الحرام تفرق ليا راسي بحال ديك المرة

_دينيز:يااربي السلامة ونتوما دخلو راه خاص نمشيو للصالون دغيا

_يحييى(لبدورو كانوغادي تاشافهم مجمعين على الباب) :اش واقع مالكم

_دينيز(بابتسامة عريضة) لا لا واالو اخويا.. دخل فيق معاك مريم واه مبغاتش تفيق معانا لاعلا وعسا تفيق لك

_فاتي(خرجات عينيها) :لا لا (جراتها دينيز قارصاها قبل لا تنطق)

_دينيز:سكتي مال حباب طسيلتك

_فاتي:باغا تقتلي ليا راجلي ألمسخة عيطي على عصام

_دينيز:صافي ليعطا الله عطااه راه دخل

يحييى محني عندها كيحرك فيها بلطافة

_يحيى:مريم.. مريم فيقي راه مشا النهار

_مريم(كتقلب لجيهة لخرة وتمطمط ففمها) :هنننن

يحيى ابتاسم وقرب لكوافوز هز من فوقو واحد الكاس ديا الما وبدا كيرش شي قطاري على وجهها باش تفيق.. هي غير حسات بالما ناااضت قااافزة كتغوت بلا متحل عينيها

_مريم :واااالعااافية وااالعااالفية

كلشي كان مخرج عينيه ودينيز حابسة الضحكة..اما يحيى كيغوت وهي شادا ليه فلحيتو جاراه وراها كتجري فالبيت بلا متحل عينيها مزيان تشوف اش ديرا وكتغوت بالعافية العافية عتقو.. حتا طلع كلشي عندها كيجريو مفكها غا عصام

_مريم(بدات كترمش عينيها وكتستوعب الامر كيبان ليها شي غيتفرشخ بالضحك وشي كيشوف بصدمة... وجها حمار وهبطات راسها) :تنقووول لجدكم نفيق راسي

_كارلا (مخرجة عينيها) :جون منصحكش هه

_جون (كيدور راسو بلا وهو مخرج عينيه) :لقيتيني كنفكر ماباغيش نموت صغير

كلشي قلبها للضحك على فياق مريم المخربق.. مرة مرة كتجيها الحالة هه.. هبطو خلاوها تدوش وتلبس باش تمشي للصالون كيف آمرات الزاهية.. فحين ان الزاهية وشي بنات بقاو كيعاونو فالزينة وكيآمرو الخدمات مع ليگارد كيفاش يزيينو الجردة.. والرجال كذلك كل واحد خرج يقضي شغالو قبل متجي العشية..

داز الوقت بسرعة... هادا هو الوقت مكتحسش بيه حتا كيدوزو اعوام.. والعمر كيفلت.. كانت صغيرتهم وفنكوشتهم هاهي دابا صافي تاهي تخطبات وقريبة تزوج.. هابطة من الدروج مع عائشة جنبها هاد الأخيرة ليخاضت حوار طويل مع ختها متأكدة من قرارها وفي الأخير اقتانعات.. هابطة بقفطانها الأخضر الملكي المتكون من جوج طبقات.. مع بعض الزخرفات على شكل عروش بالصم الذهبي ومضمة مبينة صدرها فنفس اللون.. كانت بحاال شي جوهرة خضرا هابطة... كانت فعينين جون هي ديك الجوهرة االغاالية كوهينور(جوهرة ملكية) ليحصل عليها فآخرر المطاف.. كلشي مبتاسم كيشوفيها كيفاش هابطة وهي عينيها على ابتسامتهم وتيقتهم.. رغم ان ألف فكرة كضرب ليها فراسها ولكن من بعد هاد الفرحة لكتشوف فعينين حبابها مستحيييل تراجع.. الا لاكان شي حاجها مخبيها القدر معارفينهاش 😉

جالس كيشرب قهوتو فالريسطو ديال لأوطيل كيتسنا مكالمة

من عند مدير أعمالو.. يقول ليه فيها راه الوراق واجدين . كيشرب قهوتو وفنفس الوقت هاز الهاتف ديالو بين ايديه كيشوف آخر المستجدات في البورصة.. حتا كيطلع ليه خبر من إكسبرس في نوتيفيكاسيو.. كان غيتجاهلو كون ملمح الإسم.. كان خلا واحد من رجالو يديرو بحث على جون وعرفو بلي هو دابا صبح من رجال الاعمال الكبااار فأمريكا.. من ورا أملاك الأب ديالو الكثيرة ومجموعة شركات آرثر..بقااا كيحقق فملامح جون ماعرفش فين فيت ليه شاايفو.. اكيد ملامحو مغااربش عليه.. دخل للخبر الحصرية ليخلاتو يحط قهوتو من ايديه ويهز حواجبو.. العنوان بالخط العريض.. خطبة السيد جون آرثر.. والصورة كانت فيها مريم وهو كيركبو لخواتم للبعض بابتسامة خفيفة على شفايفها وهو الضحكة من الضرس حتالضرس.. وعائلة الزعيم مع كارلا دايرا ببيهم

ركب ليها الخاتم وهو فرحان هز ليها ايدها وباسها.. كيف هز راسو من عل ايدها لمح عصام من وراها هاز حاجبو بطريقة مرعبة.. خلا جون غكيدور فعينيه.. حتا هزهز ليه عصام راسو بابتسامة بمعنى مبروك عاد ارتاح هه.. كلشي بارك ليهم وفرح لفرحتهم

الزاهية(بالدموع عنقتها) :صافي كبرتي تانتي وأتخليني

_مريم (عنقاتها) :ششش أماما شش اتخليني نبكي.. انا معاك وصافي عفاك سكتي

_الزاهية (هزات راسها كتمسح فدموعها) :شوفي ابنتي الزواج ماشي لعب دراري صغار.. دابا كبرتي وتبارك الله عليك رزينة مطيحيش بقيمتنا وخلي راسنا مرفوع فيك

مريم هاد الكلمات كانت كافية تختارق جسمها وقلبها وروحها بطريقة مروعة وخلات دمعتها تهبط بلا متحس حتا جرها عصام عندو معنقها

_عصام:اففف مالكم ديرين گنازة شوفي هاد الگاوري ديالك كيف كيشوف عند بالو اتفسخي الخطبة.. صافي هاحنا انتهناو منك

_مريم(كتبكي على صدرو وهي كارزا عليه) :سمح سمحو ليا 😭

_عصام(كيطبطب عليها) :ششش صافي شش (باس ليها راسها)

دور وجهو لجون وهضر بجدية:تقت فك وعطيتك ختي.. ودرنا الخطبة واخا باك مكاينش عادرينو مريض الله يشافيه مايقدرش يجي يحضر للخطبة مازال نتجمعو معاه فالخير.. ومك الله يرحمهااا عتابرنا حنا عائلتك من اليوم.. جااحة وحدة هاد البنت ديرها فعينيك وصونها بحال نفسك..

_جون ابتاسم فرحان على كلام عصام.. تكلم تاهو بجدية :شرف ليا نكون واحد منكم وهدشي عمركم تندمو عليه..مريم فعينيا وفقلبي عمرها تشوف مني لخيب وليام توريكم

ختمو كلامهم بعناق رجولي وكلشي فرحان

هكاك دازت ديك الخطبة.. بأحاسيسها وأفراحها.. وفداك النهار كانت شهادة الإسلام وصلات لجون.. مع سميتو الجديدة ودينو الجديد.. "شـــــاهر آرثـــــــر" المسلم.. كلشي فرح ليه باعتناقو دين الحق.. مع فرحة الخطبة.. اكيد مع الوصايا والأمور ديال عصام ويوسف مع يحيى باش مينساش دابا هو مسلم ويزاف الأمور مخاصهمش يديرهم.. ومنهم شروط عصام داكشي ديال بويفراند معندهم ميديرو بيه

كان باقي كيتصفح الأخبار بلا ميحبس.. خبر يديك فخبر وكلهم كيقلب غلى اخبار للخطبة وهو كيشوفيهم بنوع من الغض.. سكرينا ليها شي صور كانت كتبان فيهم بوحدها وخلاهم عندو.. معرفش علاش دار هاد الحركة.. يمكن باش عمرووو ينسا داك الاستحمار وديك التصرفيقة ويرد صرفو.. محبس حتا وقف عليه مدير أعمالو

محمود :سي يحيى هالوراق واجدين

_يحيى (هز راسو من على تيل وهو كيشوف فالأمام فنقطة بعيييدة مخلي مدير اعمالو جنبو دون اعارتو اهتمام..حرك شفايفو للجنب بنصف ابتسامة خبيثة) :امم دابا غتزيان اللعبة ألالة مريم وسي شاهر

وقف خدا وراقو وشاف فمدير أعمالو بحدة تكلم

_يحيى:بغيت ملفها ملي تزادت حتالدابا.. بغيت نعرف حتا نمرة سباطها

مشا وخلاه وراه.. ودماغو خدااام كيبالني لداكشي لي جااي دابة ولات بحال شي اسهم من الاسهم دالبورصة خاص يؤبح هو فالاخير ..هكا عتابر مريم فهاد اللحضة

في مكان آخر بلد آخر.. متغاااير كليا على بلدنا الأم.. بلد مفيهش التقاليد والعادات ولكن فيه الحياة بكل ألوانها.. أمريكا بالضبط فلوس انجلس.. جالس فمكتبو وكيدور فكرسيه كيف العادة وفيديه شي وراق كيدوزهم بين صباعو.. كيقاطع تسليتو وخدمتو أحد الضباط

الحوار إنجليزي

..... : (دار التحية) الرائد إياد كيتسناك الجينيرال فمكتبو

_إياد(هزهز ليه براسو) :اوكي

دار ليه التحية وخرج خلاه واقف كيقاد فملفو بين ايديه.. وخرج متاجه لمكتب الجينيرال

_إياد(دار التحية) :الجينيرال طوماس

_الجينيرال (بابتسامة خفيفة وسط الشيب) :تفضل أ إياد

دخل بخطواتو المحسوبين.. وجلس فالكرسي ليقدام المكتب الكبير مقابل معاه

_إياد:كينة شي عملية جديدة؟

_الجينيرال:اه (مد ليه الملف) ألبرت ستيفن تاجر مخدرات ايطالي صغير ولكن دابا بدا كيوسع النطاق ديالو فنيو يورك بغيتك تحدو قبل لايتوسع كثر.. المعلومات كلهم فداك الملف.. غتبدا من ليكازينو وليبار الكبار تما فين رجالو كيفرقو ومن الافضل تعرف على شي مدمن يقدر يسوقك ليه.. المهم نت راك قد المسؤؤلية وانا كنثيق فك

_إياد(كان كيسمع بتركيز تام وفنفس الوقت كيقرا داك الملف لي قدامو) :يعني دابا غنتحول لنيو يورك

_الجينيرال (هزهز براسو) :اه اتلقا كلشي موجود.. (عطاه ضرف آخر) وراق تحويلك لمديرية نيويورك الرئيسية

_إياد( وقف وتبسم عارف هادي هي خدمتو كل مرة وفقنت واخا هادي أول مرة غيتحول.. دار ليه التحية) جينيرال

_الجينيرال (تبسم ليه) :انبقاو على تواصل أكيد.. هاد يومين عندك راحة المهمة اتبدا عندك تالبعد غدا بينما وجدتي راسك المهم الوقت ليغتسالي مهمتك واتبغي ترجع لهنا غترجع

خرج من بعد مخدا الضرفين بزوج.. مشا لمكتبو وبلا تعطال هز واحد الصندوق صغير كارطوني جمع فيه أوراقو وشي حويج آخرين.. خرج بابتسامتو كيف العادة وليداز من حداه كيلقي عليه التحية

إياد الشرايبي شاب في 27 من عمرو.. رائد في القوات الأمريكية.. مغربي الجنسية ولكن كابر في أمريكا.. شخصيتو مرحة بلا قياس ولكن في الخدمة مكيعرفش الضحك.. ذكي بزاف والدكاء ديالو هو ليوصلو لهاد المراتب العليا.. كيعرف يخطط بالتذقيق وعلى ايديه تحلو أكبر القضايا.. بالرغم من قصوحيتو في الخدمة ورجولتو المتبوتة إلا انه كيضحك بزاف وعزيز عليه الزهو كيف كنقولو.. كيتمتع بجسم رياضي.. وملامح فحمية.. عينين كحلين ميزيين نضرتو الحادة.. مع بشرة حنطية.. ولحية سودا خفيفة على دقنو.. وشعرو الأسود الرجولي زادو جمالية..

كيتمشى بثبات واصل لسيارتو المعتادة لامبرغيني سودا.. مبتاسم عارف اش كيتسناه فأمريكا.. توحش عائلتو لمشافهاش مدة خصوصا من بعد موت الأم ديالو

نرجعو لبلدنا الحبيب.. كان جالس فأحد المكاتب الكبار كيختم آخر الصفقات ليه هنا.. قبل ميرجع لأمريكا

..... (وقف مبتاسم وماد ايديه) :سي يحيى كيشرفنا نخدمو معاك

_يحيى(هو الآخر وقف.. مد ايديه تاهو مهزهز راسو بآه.. بجمود) :عارف

يلك بغا يخرج حتا اجاه اتصال من مدير أعمالو هز الهاتف ديالو ببحة

_يحيى:شي جديد

_محمود:الملف ديال الآنسة غيوصلك في الإيمايل دابا أسي يحيى

_يحيى:مم مزيان

_محمود:اه سي يحيى عندها طيارة ااغد ليه لأمريكا

_بحيي(باتسامة جانبية) :خلي طيارتي فنفس التوقيت

قطع وهو هاز كمية من المخططات الخبيثة لكتناوب على عقلو الماكر

_يحيى :بدينا اللعب

جالسن مجمعين في الجردة شادين تيليفوناتهم بين ايديهم.. كل وحدة شادة قنت فديك الجليسة المضلة.. فجأة كتلوح هاتفها من ايدها بزهق 

_كارلا:مريم يالله خرجيني ندورو افف مليت فالدار

_مريم ميلات راسها لعندها :ومالك كتنفخي اختي.. طلبيني 

_كارلا:وضفاااك كيفاش طلبيني غتنوضي ولا نوض انا 

_مريم(مخسرة ملامحها) :بفف ها حنا نايصين غا تهزي

طلعو لبيتهم لبسو عليهم كارلا لبسات سروال جينز بارد مبين مفاتنها مع ميني فونطر خيط فلغوز بارد.. جامعة شعرها الذهبي مخربق لفوق مع خصلات نازلين.. ومريم حتا هي تقريبا نفس لبسة مبدلين الآلوان.. سروال جينز كحل سليم عازل طرماحتها مزيان مع تريكو گري وجامعة شعرها لفوق مخلية جوج خصلات كيلعبو فوق وجهها.. لبسو ليسبادربي ديالهم غنفس لون تريكواتهم.. هزو ليساك ديالهم وخرجو من بعدما قالوها للزاهية

_كارلا (بابتسامة) :فين انمشيييو 

_مريم:اممم اش بان لجامع حسن التاني؟ 

_كارلا:انمشيو لمدينة الملاهي هي لولة اش سميتها نسيت 

_مريم:سندباد 

_كاارلا :اااه هاديك 

مشاو خداو سيارة من سيارات الدار كارلا لي ساكت .. ومريم كترشدها على طريق حيت هي ليعارفا طرقات كازا.. غادين محيحين بالموسيقى والشطيح.. فالنص الطريق لقاو الزحام بزااف والطريق عامرة هادشي عادي فعين الذياب أيام لويكاند.. وقفو وكل وحدة كتسوط فقنت 

_كارلا:افف انبقاو واحلين هنا.. شوفي ديك الزنقة لفجنب لاش كتخرج؟ 

_مريم:امم انشوف كيفاش نضربو منها الدورة بناقص انمشيو للجامع هو لول بعدا المدينة كتكون مخفة شوي على عين الذياب

_كارلا:غااامنبقاوش واقفين هنا 

داكشي ليكان خرجو من ديك الزنقة الصغيرة لخرجتهم لطريق الرجوع من تما خداو الطريق للمدينة بمساعدة جيبيئيس السيارة.. رجعو لحيحتهم وشطيحهم حتا وصلو للمسجد..من بعدما خلاو سيارتهم فلباركينج 

_كارلا(هازا راسها) :اووه كبيير (جرتها من ايدها) اجي ندخلو ليه

_مريم(وقفتها) :لا لا مغيخليوناش الحراس 

_كارلا :وعلااش 

_مريم:منقدرش ندخلو وحنا لابسين هاكا 

_كارلا:فاااك وغاعلمينا قبل منجيو 

_مريم:اجي ندورو غاهنا 

بقاو كيدورو وكيصورو فالجامع ويتصورو حداه وديرين لايف كيضحكووو وشادين مع ليكومونطير الكثااار 

من بعد داك الاتصال مشا ديريكت لواحد القهوة يشرب قهيوة يرد لمزاج.. عاد يكمل خدمتو.. جالس فطبلة بعييدة كل البعد جات فالقنت فالطبقة الفوقانية.. كان كيجغم من كاسو وعينيه على هاتفو كيتصفح الإيمايل ديالو وكيقرا الملف الخاص بيها.. حتا كطلع ليه نوتيفيكاسيو سميتها فلانسطا دايرا اونديغيكت.. بلا تعطال هبط لداك الاشعار ودخل كيشوف.. كتبان ليه كضحااك وكتجاوب ليكومونطير وأغلبهم ولاد أكيد بواحد العفوية.. وخصلاتها لمصدعينها قدام وجهها.. كتستفزو بديك الابتسامة وكتخليه يشعل وودنو كترجع ليه صدى ديك الصفعة.. ميل راسو كيشوف فيها لاخر مرة قبل يخرج مم داك لايف نضرات كتبان هادئة ولكن لعكس كان كيتوعد ليها بشلا حوايج خايبين وهز الهاتف ديالو كيتكلم مع أحد رجالو 

_يحيى:انرسل لك لوكاليزاسيو والصورة.. تبعها 

_الشخص:واخا اسي يحييى

قطع الإتصال وحول نضرتو لصورتها ليكان مسكرينيها.. باش ميحاولش ينسا اش دارت فيه 

_يحيى بهمس نطق سميتها بحدو:مريييم

عقلو بدا كيلعب بيه مرة.. وشيطانو مربع كيوسوس ليه بأخبث الخطط 

الضحكة على محياهم من لقنت حتا للقنت لاخر.. مشرگين فامهم وليدازو من حداه مخلينو معنز.. ومريم كطرجم لصحبتها تادوك الكلمات ديال التحرش(كلشي زعر. ولا غاالشعر.. شفت لگري وانا نجي كنجري😂).. المهم تاواحد ممخلي حقو ولكن ممسوقينش بلمرة.. تيتمشاو واخدين راحتهم.. ضربات ديك 8 كانو مزال فواحدة من ليماكدو كياكلو حتا كي صوني هاتف مريم

_جون:ميري فينك

_مريم:انا خارجة انا وكارلا احنا غنجيو ددابا

_كارلا(خطفات ليها تيل) :كيفاش قضيتك باغي دير فيها راجل حاكم زعما

_مريم(صغرات فيها الشوفة بهمس) :سوق مك

_جون:كارلااا دوزيلي مريم داابة

_كارلا(بابتسامة) سمحلي اجون ولكن غنقطع ماشي وقت لهضرة باااي..(قطعات عليه تيل وطفاتو دارتو فساكها)

_مريم:اري داك الطليفون هنا

_كارلا(بابتسامة) :لا خليه وسكتي

_مريم:اااري هنا

_كارلا:صافي غيبقا هي غيبقا.. يالله اصلا حنا انمشيو تالتما وهضرو

_مريم(عارفاها مغتهطيش ليها ساطت الهوا من فمها ووقفت هازا ساكها) هووف

شدو تاني بأجواء زوييين الاغانييي ولحيووح..مريم كتقلب غير فييت تلف الوقت وتنسى لي فااات..وترجع طاقتها الاجابية ..

_كارلا:هووووف انبقاو واحلين مع هاد الزبل وابغيت نمشي لطواليط

_مريم(كتفكر فالطرقان ليكانت كتخرج منهم هي وصحاباتها شي مرات فاش كانت هنا) :هانتي انزيدو واحد شوي وغنخرجو من واحد الطريق امم ولكن راه خاوية شوي راه اندوزو من وسط واحد لكدية

_كارلا:الالة ندوزو تامن وسط جهنم.. واللهما هاكا ولانبقا واحلة هنا انبول فسروالي.. واصلا بطموبيل دغية نفوتوها

زعمو البنات وسط داك الزحام لكيزحفو فيه السيارات تاوصلو لديك الطريق الصغيرة المختارة.. ومريم حيدات جيبيئس وبدات كتنعت لصحبتها فالطريق منين تدخل ومنين تخرج.. حتا وصلو لديك الخلا والقيفار.. كانت الطريق بدات كطيح فيها الظلمة شوي ومن عند الله غي دخلو لديك الطريق قلب مريامتنا تهز وتحط بحالا كيوسوس ليها بالقادم

للحضة وقفات السيارة وسط ديك الخلا.. وقوفها خلاهم غاكيبقلو فعينيهم والخوف بدا كيتسرب

_كارلا:اويلي ليسونس تقادا ومشكيييلة هادي

_مريم:هانتي عرفتي اشنو.. نتي بقاي هنا انا انهبط نقلب راه كين واحد لكاريان قريب من هنا

_كارلا :اك حضي راسك ومتعطليش عفاك

_مريم:سدي علك السيارة وهنينا

خرجات مسترجلة وسط ديك الخلا.. هازا فيدها ساكها وكتعبر ديك الطريق المرسومة

... :ختي نعاونك

_مريم(التافتت بسرعة كانت اتسخف) :بسم الله الرحمان الرحيم

.... (قرب ليها) :متخافي من والو أختي مالك خيفة قربي

_مريم(طلعاتو ونزلاتو بينة ولد الكاريان قالت يقدر يعاونها) :والو اخويا وقفات بينا طونبيل وكنقلب على ليسونس

.... :ااه ليسونس أجي نديك عند واحد المعلم راه كيبيع ليصونص

_مريم(هزات نفسها وقالت تغامر حسن متبقا واحلة.. تبسمات ليه) :واخا اخويا الله يجازيك بالخير

وتبعاتو كتمشة من موراه وحاضية جنابها خايفة وزاعمة فنفس الوقت ..تمشاو مسافة طويلة شوية 

حتى كيوصلو لواحد لبلاصة معروفة بلكريساج

كانو جالسين ب3 فواحد القنيتة هالي شاد ميكة عامرة بسيليسيون هالي كيفتخ فجوانو.. هالي كيقاد فسمطة عامرة حبات.. توقف عليهم عشيرهم وايدو عاامرة بهوتة تونسهم فليلتهم.فهمو لبلان بلا مايدوي. كلشي وقف مبتاسم

_مريم(تلافتت فهاداك مخلوووعة نييت) :ش ش ها د..

_الشمكار1 (قاطعها) :اهلللن بالتوووت نهاار كبييير هادا

مريم بدات كتبعد بلورانية كتحاول تهرب حتا شدوها من ايديها جارينها وسطها مدورينها..واحد فيهم جر ساكها كيقلب فيه ولخرين بداو كيقربو منها ويجروها من حوايجها كيشوفو اش تحتو واحد منهم مهبط ايديه لتحت باغي ينزل ليها السروال.صافي هنا قلبها وقف هي بلا والووو ولات كتشمأز من اي واحد كيقرب ليهااا عيات تدفع وتغوت ولكن كانو قوة او واخة هكاك مقاتلة معاهم كتقمش وتعض ومزيرة على حوايجهاا

شدها واحد مزيان حاكمهاا:وا قويفزة مع راسك اساطة

حط يديه على كرشها لعريانة وهي تجمعها معاه بركلة بلا ماتحس:مااااتقيسنيييييش

بقاو كيضحكوو عليه مارضاش:زمتاااتك اسااط نوض وا ورينا عيااقتك 

شاف فيها مخنزر داير اشارة لصاحابو يشدوها مزيان وتجمعو عليها تاني كي شي كلاب عطشانة جروها لواحد لبراكة بسيف عليهاا يكملو مابداو وياخدو لي بغااو بلا رحمة وصوت غواتهاا مسموووع بالجهد وماكاينش لي يفك 

زير ليها على شعرها بيديه لموسخين.جارها لعندوو متاجه لشفايفها حاكمها مزيان غمضات عنيها مع دمعة حارة نازلة من عنيها كتقول مع راسها كون غا جات لموت ومايوقعش هدشيي حتى كتشهق فاش يديه تنترات من شعرها بجهد وصوت زدييح ماقدراتش تحل عنيها طاحت فالارض كترجف غا بحدهااا

كان شاد الطريق فطموبيل ديالو سايك ومركز مع الافكار لي كدور فدماغو من ديما كلامو قليل وتفكيرو كتير كيبان هادئ ولكن هو فالاصل اعصار ماتوقعش شنو ممكن يجي منو..وسط افكارو جاه ميساج من طليفونو فتحو داك ساع تاجاتو صورة فيها هي وشنو واقع ليها فرسالة من داك المراقب كيسولو واش يتدخل. ؟ من حسن الحض كان قريب من تماك بلا هواه خدا لوكاليزاسيو ودقايق وكان تماك فالوقت المناسب وفدقيقة تسعين..داك المنضر لي شاف خلاه يصعر وبدا غا كيخلط لي جا قدامووو غا هو كافي باش يفركتو جقلة بلا مايدخلو رجالووو..هداك لي كان ناوي يبوس ويقيس ويخلي النوبة لصخابو ولا غارق فدمياتوو طتيح فالارض وكيطلبو باش يبعد عليه ومايعاودش..ولي بقاو ليه شي رجليين صحاح هرب بيهم كيمسح فدموو ..ولوخرين بعدو كيتفرجو من لبعييد..غير شافو داك سلاح لي مور ضهرو باقي تا ماحركووو تبخرو تاهومااا

يحيى عنيه تغمضوو اش جابها لهنااا وعلاياش كتقلب مزال تحنة لعندها كيشوفها مجموعة على راسها كي شي قطيطة وكترجف وكتنطق:ماتقربوش لياا

مابغاتش تفهم ليه هاد البنت شاف تاعية وقرب ليها ساخط عاض على سنانو(جرها من ايدها تاضربات فيه وهي كترعد ودموعها شلااال.. وباستهزاء) :كترخصي راسك لدرجة تلوحي راسك هنااا وسط للكلوشارة يديرو فيك مابغاو

_مريم(شافت ليه فعينيه وعينيها دامعين.هدا شكا يدير هنااا اخر واحد توقعاتو ..ضرها فيديها. دفعاتو من صدرو ولكن ماتململش) :ماتقيسنيييييش

ونهاارت كدفع فيه وتغوت الخووف والاعصاب والضغط لي عايشاه نفسيتها وهدشي لي وقع دابة وكلاموووو كلشي تخلط عليهاا :ماااتقيسنيييش ماشي سووووووقك لاش جااي لاااش بعدوو منييي كنكرررهكمم 

وبدات كضرب ليه فصدرووو وتغوت:كنرررهكمم بعاااااد بعاااد 

بقة غير كيشوف فيها..شافها ماغاتزكااش وهو يجمع معاها بصقلة كانت اطييح كوما جرهاش حاكمها بقات كتشوف فيه وكتلهت مقوصة حواجبها كلها عرقانة وعنيها جمرة شعرها مخبل صدرها طالع نازل عضات على سنانها ونطقات بحدة:ضر..بتيني

ماحساتش براسها تا رداات ضربتهاااا شكون هو لي يمد عليها يديه شكون هو لي يسبهااا ..وقبل يدير اي ردة فعل دفعاتو ومشات كتجري هاربة منووو ومن هاد البلاصة ومن كلشيي كتجري وتمسح فدموعهااا ماشافتش من موراها مازال لي عارفاه انه خاص تهرب ماهمها لا عاونها لا شكون هو ولا لاش جا اصلااا .

خلاتو فالشمتة كيبخ.. مقدرش يصبر وهز ايدو تالسما وضربها مع لحيط قدامو دور وجهو كيشوف لطريق لي مشات منهاا عاض على سنانو دمو كيغلييي مسح على راسوو مازال مااكتعرفو شكا يسوة ومازال ماجربات دقتووو واللعب ديالوو وكلشي بخلاصووو مضوبل ودابة تزادت تاهي فحسباتوو 

وقف عليه مدير اعمالو باللوطو نزل طاير:السي الشرايبي واش كلشي بخير

ماجاوبوش دفعو وركب فلوطوو وسد لباب وقبل يقلع نطق:شنو درتي 

محمود:كلفت واحد عمر ليهم طموبيل بليصانص

كسيراا داك ساع مخلي موراه لعجاج

محمود بقة كيشوف ويسوط وجبد طليفونو لواحد من رجال لي تكلف يعمر للبنات ليسانس:ماتحركش هاني جاي نمشيو بجوج

عند لبنات

كانت فطوموبيل راكبة واتموت بلخلعة تعطلات عليها وماعرفات مادير حتى كتشوفها جاية كتجري وحالتها حالة دغية بركات على لبوطون تحل طموبيل اوطوماتيكمو ..مريم ركبات كتلهت قلبها ايوقف

كرلا :فييين كنتي خلعتيني مالك شوفييي حاللتك شنوو وااقع..وشكون هدو لي حاو ضارو لينا ليسانس قالولي ماتحركيش هاهي جاية خلعونييي ..شنو واقع دوييي

مريم:قلعيييي بلا هضرة عفاااك ديماري نمشيو من لهنااااا برااكة عليااا

كارلا خافت دغية ديمارات وتحركوو من داك الحومة..مريم رجعات راسها اللور مخلية دموعها ينزلوو وداكشي كيتعاود فدماغهااا اشكالهم كيخلعوو وكيف بغاو يتكرفصو عليهااا كون داروهااا كانت اتنتاحر من موراها مافيهاااش..غمضات عنيها كتبكي بصمت ماعارفاش مال زهرها هكااا علاش ديما كطيح فبحال هاد الوسخ..جا فلالها هوو حلات عنيها دامعين كون ماتدخلش كون ماجاش شهقاات بالجهد كتمحي دوك الافكار من بالهاا بلعات ريقها اش جابو لتمااك فداك الوقت وعلاش قال داك الهضرة .تفكرات كيف غوتات عليه ونفاجرات فوجهوو وكيف ضرباتو لتاني مرة..ولكن هو صربها مامحقوش يقيسها تا واحد مامحقو يقيسهااا..هاد الضجيج كامل كان كيدور فدماغها غينفاجر.تنهدات تاني مابغات تفكر فوالوو ومااكايهمها لا هو لا غيروو صافي المهم خرجات منها سالمة ولباقي ماسوقهاش همسات بتعب:كارلا ندوزو للمول نبدل عليا هاد الحالة عاد ندخلو لدار

كرلا وعنيها على طريق مازل خايفة ومافاهمة والو:واخة وملي نوصلو اتعاوديلي كلشي

مريم كتافات بصمت

كرلا شافت فيها ومدات يديا شدات ليها فيديها:صافي هاني معاك 

مريم زيرات ليها على يديها بصمت كتشوف فطريق

(الجزء الأول غير كاملة لأسباب تجريبية)

لا يجب نشر هذا المحتوى للعموم