صفحة القصة
أيـا انثى اما ان اوان الصدق ؟؟
اخبرينا من منكم بالثاني غدر
من منكم ارتدى ثوب البراءة
من الضحية ومن الجلاد ام تراه
غرام ومات فتحول الى انتقام
تبا تبا ايعقل اننا خدعنا ؟؟
#الغدر #الخيانة #الدراما #الحزن #الكوميديا #الاكشن #التشويق واخرا وليس اخرا #السفالة🔞
حدثك عن احلامي فأجبتني انها مستحيل وانا اقول لك انوثتك ستثبت لك العكس 💕❤
اسمعتم بالمزاد العلني؟؟ حسنا ومزاد العاهرات؟ طبعا لا اذن دعونا نرا المزاد على اصولها
اربطووو حزام الامـــان اننا سننطلق في رحلة الى 💣 مزاد العـــاهرات💣
فحي شعبي وبضبط فمدينة كازا درب سلطان كانت دار صباغتها مقشرة فيها طابقين السفلي والثاني
الطابق الثاني كان فيه شرجم محلول وبنت في 18 من عمرها مسترخية على السداري لي كان سرير ديالها غرفة بالية فيها سداري و ماريو بابو مهرس مراية او بالاصح نص مراية مهرسة فالحيط صور لمشاهير غربيين
كانت ناعسة على سريرها و ستيلو فيدها تترسم منزل الاحلام ديالها فالوراق الباليين شعرها الاسود كسواد الليل و شفايفها بارزين ظاهرين من وراء شعرها لي طايح على نص وجها عيونها سود و شفارها كثاف حجبانها كثاف و مقادين يديها بيضين و رطبين شادا ستيلو ودايرة الغلاقة فمها
____:شنو دابا ممممم لبيسين هاهوا و لطيراص مممم اه بيت لماما
منهمكة في طياة افكارها حتى كيقاطعها صوت من الاسفل صوت ماماها
____:شااااامة شااااامة هبطي خلاص مول زبل غادي يدوز ويخلي لينا طارو خانز هبطي
تأفأفات و ضربات بستيلو الارض
وقفات وشافت فالمراية لي قدامها
شامة : نوضي اشامة خرجي زبل انا خدامة عندك اووووف
لاحت عليها بينوار وجمعات شعرها وهزات صطل حطاتو فراس زنقة وهي راجعة لدار كتلاقى بسارة صحبتها وفنفس الوقت زميلتها فدراسة سارة بنت ف 19 من عمرها طايتها زوينة و مابيهاش
سارة : سلام زين شامة فين غابرة مني سالة العام ونتي غابرة
شامة: غير دار راك عارفة فاش سالينا الوطني عييت بغيت غير نرتاح
سارة : مزيان احبيبة، واش غدفعي لفاك؟
شامة: اه غادي ندير تصميم الازياء هذا كان حلمي مني كنت صغيرة
سارة : هههه اودي فهاد المغرب بلا متحلمي بزاف
شامة : متخافيش خاصني غير نقرا مزيان هد المجال زوين
سارة : اوى احبيبة الله يسر
شامة: فين غادة فهاد ليل؟
سارة : غير خارجة مع عمر
شامة:عمر ثاني راكي عارفها بزناز بعدي من زمر اصحبتي شي نهار يخرج عليك
سارة : هههههههه (ضحكة تقحبين) القلب مايشاور يلاه تشاو ازين
ضربات فيها و زادت شافت فيها شامة و كملات طريقها لدار.... لقات ماماها طيبات العشاء كان عبارة على المرقة
شامة : اووووف المرقة ثاني واش غير غادي نبقاو نمرقو
لطيفة (ماماها) : زيدي تگلسي امسخوطات مها تعشاي حمدي الله لقيتي المرقة و سقف يسترك ناس كيموتو بالبرد
شامة : الحمد لله، ولكن غير بصحة وراحة غنطلع نعس هد المرقة معنديش معاها
لطيفة : لي عجبك
طلعات شامة حيدات البينوار وخلات غير ضوني و شورط و رجعات طلقات سالفها شافت فالشرجم كان كيطل كيف عادتو وكيكمي و دخان خارج من نيفو عاطيه مظهر رجولي بمتياز هذا مصطفى ولد جيران وفنفس الوقت الحب ديال شامة هو مطلق وعندو بنت و سبب طلاق غير معروف
شامة :(حطات يدها على قلبها) وفي ليلة القدر سأتمناك قدري احححح اقلبي
شامة :(حطات يدها على قلبها) وفي ليلة القدر سأتمناك قدري احححح اقلبي حمارة ديك مراتو سمحات فيه بلا كلمة بلا جوج وخلات هد زين كامل طفات ضوء و گلسات تتشوف فيه مور الخامية فضلام
حتى دخل عاد شعلات ضوء و رجعات تتكتب فمذكرتها و تتخط لمستقبل ديالها..... حتى غفات
اصبحنا واصبح الملك لله 👑.....
حسات بشي يدين كيغطيوها كانت ماماها لطيفة كتغطيها
لطيفة: الله عليك ابنتي وقتاش غادي تكبري
شامة :(بصوت ناعس) نهار نتزوج بمصطفى
لطيفة: (جمعات معاها شحطى لطرمة) شكون هد مصطفى ابنت الحرام
شامة فاقت مفزوعة
شامة : مممصطفى شكون مصطفى انا مكنعرف حتى واحد بهاد سمية
لطيفة: غير قبيلات قلتي لي مصطفى تي دوي امسخوطة مها
شامة: والله يا ماما مكنعرف شي حد بهاد سمية وزايدون انا انا غير كنت كنضحك معاك ههاااهااا (ضحكة صفرة)
لطيفة: اوى الله يعميها ليك ديها فقرايتك راه هي لي تنفعك راه الا خطيتك انا مكاينش لي يسول فيك
دنيا و زمان هادي.... قاطعاتها شامة
شامة :(لاحت الغطاء ووقفات) نفس دسيك على صباح ثاني عااارفة بلي معندي حتى واحد بابا مات معنديش خوت والا متي غادي نتشرد وبلا بلا بلا بلا بلا بلا بلا......
لطيفة : مكتبغيش تسمعي الحقيقة حيت مرة ولكن ابنتي مبغيتش نموت ونخليك لذياب ياكلو فيك راك نتي بنتي لي نبيع لي قدام ولي ورايا على جالها (حضناتها) علاش كنضرب تمارا فضيور عباد الله و نجفف و نطيب و نسمع الهدرة عند لي يسوى ولي ميسواش غير باش نتي متعدبيش وتقراي و توصلي فين بغيتك تكوني
شامة :(بادلاتها العناق) سمحي لي اماما ولكن كنواعدك غادي نحقق جميع امنياتك ❤
لطيفة: غير هزي راسك وغادي نكون فرحانة الا شفتك وصلتي ودرتي خدمتك وراجلك ودارك الله يرضي على بنتي يلاه هبطي نفطرو قبل منمشي غتكون لالة ياقوت جات ليوم من سفر
شامة : ماما انا دابا فعطلة تبغي نمشي معاك نعاونك شوية؟
لطيفة :(شدات يدياتها و باستهم) هد اليدين ماشي ديال جفاف و الوسخ محدي على قيد الحياة عمري نخلي بنتي تمسح وسخ ناس يلاه هبطي تفطري معايا قبل منمشي
شامة : واخا اماما غير نجمع بيتي ونهبط
لطيفة: متعطليش يلاه هانة سبقتك..... هبطات لطيفة لتحت
شامة گلسات على سريرها....
شامة : سمحي لي اماما ولكن خاصني ضروري نعاونك ميمكنش نگلس بلا منعاونك بحتى حاجة ميمكنش
وقفات وجمعات بلاصتها شطبات بيتها و هبطات دخلات طواليط دارت روتينها اليومي و خرجات گلسات مع مها تيفطرو
شامة : ماما واخا نمشي معاك غير نشوف الفيلا وكيدايرة
لطيفة: لا.... قاطعاتها شامة
شامة : والله يا ماما منحط يدي فشي حاجة غير نشوف الفيلا و نشوف ناس لي لباس عليهم كيفاش عايشين عافاك والله حتى قنط من دار وكنبقى بوحدي
لطيفة: واخا ولكن بشرط
شامة: انا قابلة من دابا
لطيفة: متزعزعيش من الكوزينة
شامة : واخا....
لطيفة: يلاه سيري لبسي حوايجك
طارت عليها شامة تتبوس وتعنق
مشات تتجري طلعات بيتها جبدات كسيوى حد الركبة فالابيض و عنها صمطة فالخصر و شعرها خلاتو مطلوق و كونفيرسا فرجليها اما مكياج اصلا معندهاش .... هبطات لقات مها لبسات جلابتها و فيدها ساشية فيها حوايج ديال الخدمة سدو دارهم وشدو طاكسي لفيلات البيضاء لي خارج مدينة كازا.... مسافة قصيرة وصلو و هبطات لطيفة و شامة غير مبهورة فهادشي لي قدامها للحظة حسات بحالا قدام قصر السلطان سليمان 😂❤..... شدات ليها مها يديها و دارو من الباب الخلفي الخاص بالخدم
لطيفة: شوفي ابنتي هدا باب رزقنا و معيشتنا راه بزز باش لقيت هد الخدمة عنداك ابنتي گلسي حدايا نكمل خدمتي نرجعو لدارنا
شامة : كوني هانية اماما
دخلو ولقاو الخدم كاملين فالكوزينة شيفور وعامل الحديقة و الحارس ديال الباب و الخدمة المكلفة بالحاج حتى هي كاينة كيفطرو مجموعين
لطيفة: سلام عليكم
الكل : و عليكم السلام.
سلوى :(البنت المكلفة بالحاج) تعطلتي الطيفة ماشي من عوايدك... (سكتات فاش شافت شامة موراها)شكون هادي؟!
لطيفة: بنتي شامة جات معايا اليوم
سعيد :(شيفور ديال دار) مرحبا بشامة واش بصح بنتك وزينة عليك اخالتي لطيفة
شامة حسات بالحرج.... عبد النور (راجل كبيرة مكلف بالجردة) مرحبا بنتي اجي تفطري معانا....
لطيفة: غير بصحتكم فطرنا فدار عاد جينا انا غنمشي نبدل حوايجي بنتي شامة گلسي لهيه
مشات شامة گلسات على الكرسي لي كان فالواحد ركنة وكلهم عينيهم عليها تتحس بعينيهم غادي يختارقوها شي عجباتو شي جاه الحسد
سلوى: اوى اسعيد شفتك حلات ليك نوضي دابا غادي تفيق لالة غزلان غادي تبغي تمشي لصال
سعيد : هانا نايض، (شاف فشامة) بسلامة عليك اشامة
بتاسمات ليه شامة و خرج سلوى وقفات تبعاتو و سي عبد النور كيكملو ماكلتو
لطيفة : سي عبد نور كملتي نغسل الماعن نحط ليهم الفطور
عبد النور:الله يخلف ابنتي غير هزيهم نمشي نقاد شي وريدات
تم خارج... لطيفة: اوى على تباركت الله
شامة غير كتشوف فهاد تمارة لي كضرب مها دازت ساعتين وجد الفطور حطاتو فطرو و جمعات الماعن ثاني تغسلهم
شامة:ماما نعاونك تغسليهم؟؟؟
لطيفة: لا گلسي بلا متندميني حيت جبتك شدي الارض انا قربت نكمل نطلع نجفف البيوت لي لفوق.....
انا قربت نكمل نطلع نجفف البيوت لي لفوق... كملات لطيفة تغسال الماعن جابت الجفاف و مواد التنظيف و التعقيم و طلعات لفوق تجفف
شامة عيات بالگلوس شافت شي حوايج رقضاتهم مها فجافيل ديال الكوزينة
شامة : اوى صافي مبغيتيش نغسل ليك الماعن يلاه نصبن ليك غير هد الفوطات
وقفات شامة و جمعات شعرها على شكل ذيل حصان ودارت طبلية و بدات تتفركهم.....
🐺فالغرفة غالب عليها الطابع الاسود و النوافد مسدودة و خاميات بالاسود سرير قدو قد حلبة المصارعة باللون الابيض شاشة تلفاز شادا حيط كامل
و شخص على السرير دافن وجهو فالمخدة شوية بدا كيفيق من النوم حط يدو على الهاتف ديالو لي كان من نوع آيفون 📱 شاف ساعة 11:46
حط تيليفون وحط رجليها على الارض تمشا بخطوات ثابة لجهة الحمام دخل برك على زر و هو يبدا يتخوى الماء دخل تحت الماء و حط يدو على الحيط شعرو فازگ عضلاتو بارزين جسم رياضي بمتياز هز قرعة شامبان هادلتشلدز خوا منها و دارها لشعرو والماء هابط مع جسمو المنحوت
كمل دوش هز بينوار لبسو وخدا فرشاة اسنان غسل فمو و فيدو فوطة صغيرة مسح بيها شعرو و خرج من حمام 🚿..... خدا تيليفون ديالو ودوز ابيل
____:وي الو..... (كيدوي بالإنجليزية)
كمل هدرتو و حط تيليفونو و خدا زر تحكم خدم الشاشة ديال تلفاز مااااهذا هادي شاشة مراقبة كيبان كل جزء من القصر شاف الغرفة الخاصة بالاب ديالو كانت سلوى كتعطي ياكل شاف الجردة كان العم عبد النور كيقاد شي وريدات شاف عشيقتو او بالمعنى الاصح (عاهرتو) خارجة مع شيفور لطيفة تتجفف الدروج
يلاه بغا يمشي دريسينغ يلبس حوايجو وقف ورجع دار الكوزينة
_____:شكون هادي؟!
دخل دريسينغ لبس سروال اسود مع قميجة فالاسود و صباط فالاسود ساعة من نوع روليكس فالاسود و خرج هبط لقا لطيفة تتجفف غير شافتو وقفات
لطيفة:صباح الخير مسيو ذياب
ذياب : صباح نور شكون البنت لي فكوزينة؟!
لطيفة:(بتوتر) بنتي جبتها معايا بغات تجي معايا الا كان شي مشكل نسيفطها لدار اسيدي
ذياب : نووو نوت بروبليم غير سولت
لطيفة:واخا اسيدي
هبط ذياب و طلع فلوطو ديالو من نوع بورش فالاسود ايضا ذياب من عشاق اللون الاسود بتجاه الشركة ديالو...
اما شامة بقات تتصبن حتى كملاتهم نشراتهم فالشرجم ديال الكوزينة لي كان كيطل على الحديقة ورجعات حيدات طابلية
شامة : انا مجيتش باش نگلس نطلع نشوف الفوق كي داير
خرجات و طلعات كدور فالبيوت عندها زهر لطيفة طلعات لجناح الاخير تجفو..... دخلات الغرف كاملين بقات ليها غرفة وحدة كان ديال عشيقة ذياب غزلان شافت عرام ديال الحوايج وكلهم من ليمارك العالمية
ها زارا ها مروى ها مكياج كايلي جنير..... الخ... داكشي بحدو ثروة خدات شامة كسيوى فالغوز بيبي لونها المفضل حيدات حوايجها وهي تتلبس ملاحظاتش الكاميرات لي فالجنب كيصورو كولشي لبسات الكسوة و صايبات مكياج شي حوايج معرفاتهمش لاش كيصلاحو شافت راسها وبتاسمات
شامة : نهار ندير الفلوس و ندير مستقبلي غنشري اي حاجة تحرمت منها دابا هذا وعد على نفسي
بدات كتنقز و تلعب بشعرها شافت كسوى خرى جرباتهم كاملين.....
شامة:ناري تعطلت بلاتي نحيد هدشي ونهبط..... حيدات بالخف ولبسات حوايجها ومسحات وجها وخرجات تتجري هبطات لكوزينة لقات لطيفة مزال مهبطات گلسات جنب الشرجم كطل على الجردة
جنب الشرجم كطل على الجردة...
لطيفة:الا بغيتي خرجي لجردة كان عبد النور سيري ضوري حداه ولكن متمشيش شي قنت اخر
شامة:بصح شكرا اماما
خرجات كطير لقات عبد النور كيقاد شي وريدات
شامة:نعاونك
عبد النور: هههه جيتي ابنتي الخير لي ديريه في جيبي لي داك البرودوي ديال الحشرات شوفي شنو دارو لهاد لوريدات ذبلو مساكن
شامة : ههه واخا فيناهوما؟
عبد النور: راهم جنب الباب ديال الكوزينة
مشات جابتهم وگلسات تديرهم بطريقة لي علمها عبد النور
عبد النور:عرفتي ابنتي علاش كنديرو البرودوي لحشرات؟
شامة:باش تبقى الوردة عايشة
عبد النور: تماما، هادي سنة الحياة بحالنا حنى البشر الناس لي كيضرونا فحياتنا خاصنا ديما نخرجوهم من حياتنا حيت غير غادي يخليونا نذبلو ونموتو بحال هد الورداة
شامة: كلامك صحيح، عندك شي وليداة اعمي!!؟
عبد النور: عندي بنت مزوجه و ولد حتى هو مزوج و مراتي ماتت الله يرحمها وانا عايش غير فهاد البراكة شفتيها (كينعت ليها على واحد البيت صغير جنب باب الكوزينة)
شامة:معندكش دارك؟
عبد النور: ساكن فيها ولدي مع مراتو
شامة: اه مزيان اعمي
كملات شامة و ستافدات من عبد النور فمجال الطبيعة علمها كيفاش تقطع الاغصان الضارة باش متعاديش الخرين وكيفاش تنقي الورود. 🌹
حتى كتسمع صوت لطيفة كتغوت ليهم لغذاء..... حطات لطيفة الغذاء و دخل سعيد مشا گلس حدا شامة و بداو كياكلو تغذاو فجو هادئ قليل فين كيدوي شي واحد كل واحد ملهي فماكلتو
سلوى:وجدتي لسوب لحاج؟
لطيفة: اه هاهي هي ودواء
سعيد : شامة مالكي مكتاكليش كولي
شامة: شكرا اخويا كناكل
سعيد بردات ليه الماء فركابي فاش قالت ليه خويا 😂.... معاودش دوى كملو مكلتهم و كل واحد خرج يكمل خدمتو لطيفة حطات الغذاء لذياب وعشيقتو
🐺عند ذياب لي رجع من الشركة هبط من لوطو بكل ثقة ووقفتو الرجولية وريحتو سابقاه طلع لبيتو يبدل حوايجو.... دخل حيد لفيست و دخل يدوش خرج لبس سروال كيطما مع تيشورط نايكا و صندالة الصبع فرجلو شاف فكميرات المراقبة و رجع قبل 4 ساعات شنو وقع
ذياب هاكا داير حتى واحد فالفيلا معارف واش كاينين الكاميرات بستثناء ديالو هو الوحيد لي عارف تحسبا لشي حاجة شاف كولشي طبيعي حتى لقطة لي طلعات فيه شامة كدور فالبيوت
ذياب :(كيدوي بالإنجليزية ) شنو كدير هادي؟!
گلس كيتفرج فيها كيفاش كتشوف فالبيتو حتى دخلات لبيت غزلان
شافها تتهز وتحط فالحوايج شوية بدات كتنصل حوايجها تصدم من هد لطاي لي قدامو بياض جسمها و تكامل ديالو جبهتو كتصبب بالعرق شافها حتى رجعات لبسات حوايجها من بعد بدات كتماكي ابار فاش بدات كتلوز و كتنقز قدام المراية بقا كيضحك على تصرفاتها شوية وقفات كيتسناها اش غدير مشات وقفات مقابلة مع المرآة
هز ذياب الروموت وزاد فصوت
سمعها فاش قالت مني ندير مستقبلي والفلوس غنشري اي حاجة بغيتها
كمل حتى الاخير حتى خرجات عند عبد النور كتقاد معاه الجردة
ناض وقف و الابتسامة على شفايفو
ذياب : ممممم مثير للاهتمام بنت طموحة....
خرج وهبط لتحت
غير شافتو غزلان جات تتجري عندو تلاحت كتبوس فيه
غزلان بنت ف 27 من عمرها حياتها كاملة دوزاتها فعالم الوسخ و كل عام كتكون عشيقة لشي واحد وغالبا تيكونو رجال كبار فالعمر ولكن هي من نهار شافت ذياب و هي طايحة على زنفرها دارت المستحيل باش تقدر توصل ليه و فعلا وصلات ليه ولكن مقدراتش تمتالك قلبو وهو كيستخدمها غير لقضاء الاغراض الجنسية ديالو ويفرغ فيها الكبت ديالو لا غير..... وكلها بوطوكس و صدرها دايرة عليه عملية هو وطرمتها و دايرة الفيلتر لشفايفها يعني كلها مصنعة
غزلان :(كتعنقو) حبيبي توحشتك شوف شنو خديت
ذياب : شنو هدشي؟
غزلان: ممممم مفاجأة مور الغذاء غادي نوريها ليك واخا احبيبي
ذياب : امممم اوك
گلسو على الطابلة كياكلو ذياب تفكر لقاطت لي شاف فكميرات المراقبة جاه الفظول يشوفها مباشرة عيط على لطيفة.... لي جات فبلاصة
لطيفة:نعام اسيدي
ذياب: بنتك جيبيها
لطيفة:علاش اسيدي واش دارت شي حاجة... سكت ذياب وهو كيتفكر شداتو ضحكة .... ذياب:لا غير عيطي ليها
عيطات ليها لطيفة... دخلات شامة لصالة مونجي لي كانت فيها غزلان و ذياب لي كان كيحقق فيها و فكل جزء من جسدها وكيتخيلها عريانة بحال قبيلات
ذياب :حم حم فاش كتقراي؟ وشنو سميتك؟
شامة:هد العام غندفع لشعبة تصميم الازياء و سميتي شامة (قالتها بشوية)
ذياب:مزيان بون شونس خودي هادو (مد ليها مبلغ كبير من الفلوس)
هزات شامة راسها كتشوف فيدو و فغزلان لي كتشوف فيها بنص عين و تعابير وجها باينة كتمسخر عليها و مها غير ساكت اما شامة مرضاتش حسات بحالا كيصدق عليها الفلوس ولا كتسعاه
شامة :(بعدما جمعات قوتها) لا شكرا اسيدي
ذياب :(بأمر) قلت خوديهم اذن غادي تاخديهم
شامة:(شافت فمها لي كتقول ليها بعينيها خوديهم) واخا
مدات شامة يدها وخداتهم وهي محاملاش راسها
لطيفة دخلات تعتق الوضع
لطيفة: شكرا اسيدي ذياب الله يكثر خيرك
ذياب دار ليهم اشارة بيدو زعما صافي سيري
جرات لطيفة بنتها و خرجات من صالون و عيون غزلان متبعاهم
ذياب : جمعي عينيك عنداك يطيحو ليك
غزلان :(ابتسامة صفراء) هههيييههههيي حبيبي علاش عطيتيها دوك الفلوس ماشي بزاف على بنت صغيرة
ذياب :(فخاطرو) هههه بنت صغيرة ممرگتيش لطاي لي عندها گاع متتكسابيها نتي لي كلك عمليات تجميل
غزلان :هيييهووو فين سهيتي
ذياب :نودينغ، نتي مكيهمكش الامر نعطيها شحال ما بغيت
غزلان : هيهييي نووو بب غير قلت ليك وصافي متقلقش... خلاها بلاكة مجاوبهاش تغذاو و ووقفات غزلان شداتو من يدو وهزات ساشيات لي شراو و طلعاتو لفوق جناح ديالها
دخلات و جراتو
غزلان :سد عينيك بليز
ذياب:علاش؟
غزلان: بليز ابب
ذياب :اوك
غزلان:نحسب حد 3 حلهم
1⃣2⃣3⃣اووووبلا حلهم
حل ذياب عينيه كانو حوايج البيبي صغير
ذياب :(بملامح باردة)؟؟ شنو هدشي
غزلان:ليوم شداتني دوخة و مشيت دوزت قالو لي انا حاملة عندي شهر هههههههه فرحتي ياك
ذياب : غزلان واش كيبانو ليك الگرون فوق راسي؟
غزلان :(بعدم فهم) شنو كتقصد
ذياب : اولا.....
نخليهم و نمشيو جيهة خرى 💚
لطيفة:الله ياربي الله واش نتي حمقة علاش قلتي لا
شامة:ماما انا مجيتش نسعاه باش يلوح علي فلوسو (شداتهم ولاحتهم على ماماها) حنى ماشي سعاايا وهانا مشيت
خرجات شامة و لطيفة لبسات جلابتها بزربة تابعاها تتجري
لطيفة :شااااامة شااااامة بنتي بنتي وقفي وقفي عافاك ابنتي غير وقفي
شامة تتجري و لطيفة تابعاها من لور
شوية وقفات شامة سمعات صوت مها تقطع ضارت وياريتها مضارت كانت سارة ضربات مها
شامة:مااااااااماااااااا
رجعات تتجري تحنات على راسها حطاتو فوق ركبتها
شامة : ماما ماما فيقي ماما لمن تخليني ماما عافاك ماما بنت حداك متخلينيش عافاك لا هئ هئ هئ هئ هئ هئ هئ هئ هئ 💔💔
____:ختي اومبيلونس جايا دابا معرفتش كيفاش خرجات قدامي انا.... قاطعاتو شامة بنبرة باكية و حزينة
شامة :صااااافي سكت سكت سكت ماما غتكون بخير مغيوقع ليها والو انا متأكدة هئ هئ هئ هئ هئ ماما فيقي فيقي عفاك 💔💔💔😢
دازت 15 دقيقة جات لومبيلونس 🚑
وطلعو لطيفة وشامة غتحماق بالبكى......
🐺ذياب : اولا فاش كنمارس معاك جامي خويت فيك ثانية نتي عايشة معايا جميع تصرفاتك كنعرفهم الكلبة (قجها) مزال متولدش لي يضحك على ذياب آل سعودي سمعتي وااااش سمعتي باش ديري خطة مع طبيب يدير لي العملية ديال زرع الجنين فكرشك و تجي تقولي لي ولدي لا ياخانة انا ماشي غبي باش ضحكي علي ثالثا سالا وقتك يلاه من هنا 10 دقايق نرجع لقا باليزتك جمعتيها وقودي خرجي علي من داري قبل منسى عنداك يقوليك هد الدماغ الغبي عندك راه تقدري ضحكي علي.....
خرج ذياب وخلاها طايحة فالارض
.... عند شامة لي وصلو لصبيطار
دخلو ماماها لمستعجلات وهي كلها تترعد خايفة خايفة تخسر ماماها و سندها فدنيا تكات على الحيط و هي كتسترجع داكرتها اللور فاش قالت ليها انا مدايماش ليك 💔 فعلا مجرد تفكر ان ماماها تخليها غادي تحماق
بعد مرور ساعة خرج طبيب
طبيب :بنتي شنو علاقتك بهاد المرأة؟
شامة:انا بنتها مالها واش وقعات ليها شي حاجة
طبيب :عندها نزيف داخلي حاد و خصرات بزاف ديال دم خاصنا دم
شامة:انا نتبرع انا نعطيها
طبيب :اوك سيري مع الممرضة تاخد منك دم
مشات شامة خداو ليها دم.... بعد مرورو 16 دقيقة
طبيب : بنتي فيناهو باباك؟
شامة: مكاينش دابا شنو وقع ادكتور؟
طبيب : بنتي ماماك جاتها جلطة دماغية فقدات دم بزاف قدرنا نحبسو دم ولكن خاص ضروري دير العملية
شامة : شكاتسناو ديروها
طبيب : كدير 50 مليون
شامة: شنوووووووووو
طبيب :(بأسف) وي 50 مليون مبقاش قدامها بزاف ديال الوقت خاصك تزربي
شامة مقدراتش تجاوبو لسانها ثقال كيفاش 50 مليون منينها غتجبدها
غير الفم لي يجمعها...
شامة :(وقفات ومسحات دموعها) غادي نجيبها واخا نعرف نبيع راسي ونجيبها
تفكرات الفلوس لي عطاها ذياب شافت ساك ماماها كانو فيه حسباتهم كانو مليون شامة تصدمات حيت متوقعاتش يعطيها مليون كولها غير بوفوار وفرحات فنفس الوقت دابا بقات ليها 49 مليون تفكرات دارهم غتمشي ترهنها فالبنك
خدات ساكها وخرجات تتجري مشات اقرب بنك و حطات وراق دارهم يلاه جابت ليها 17 مليون
شامة : دابا بقات لي 32 مليون الله ياربي شنو غنبيع مزال... گلسات تتفكر
شامة:حوايج غنبيع صالة و الماعن ياربي يجيبو لي غير مليون ولا نص مليون... مشات تتجري لدارهم فطريقها تلاقات مع سارة
سارة : سلام شامة غبرتي
شامة : اختي واصلة في العظم
سارة :مالكي
شامة عاودات لي بلي مها دارت حادث وخاصها 32 مليون
سارة :(حاطا يدها على ذقنها) صرحة كاينة طريقة وحدة فين تاخدي هد 32 مليون
شامة : ولي هي؟
سارة : شوفي راه عمر يقدر يسلفك الفلوس ولكن..... (سكتات)
شامة : ولكن شنو؟؟
سارة : غادي يخصك تشطحي و تغني فالكازينو ديال المعلم ديالو لمدة عام
شامة : (سكتات شحال) انا موافقة
يلاه ديني عند عمر
سارة : واش متأكدة؟
شامة : كثر من اي وقت
سارة : واخا، يلاه غيكون عمر فديبو دابا
مشاو بتجاه ديبو......
عند دياب 🐺
كانت هابطة غزلان وفيدها باليزتها
وذياب شاد كافي فيدو و مجلة خاصة بالبورصا..... غزلان:(شافت فيه) انا درت داكشي باش تزوج بي ونولي مراتك انا عيييت منكون مجرد عاشقة انا كنبغيك كنبغيك نت بحال شي مرض وانا مريضة بيه ذياب انا راه مستعدة نموت الف مرة و منبعدش عليك
ذياب :(هز فيها عينيه) ساليتي؟ كملتي هد الدراما؟ يلاه دوري تقودي سيري خرجي
جرات غزلان باليزتها وخرجات
ذياب : (ضحك بتسهزاء) قالت ليه مراتي قحبة شابعة قلاوي تولي مراتي وام ولدي نووووسيبافغي
كمل قراءة فالمجلة....
👙مسافة طريق وصلو لديبو كان مظلم
سارة : عمر عممممممر عمر نت هنا
____:وي
سارة : عمر انا جبتلك صحبتي شامة بغات دوي معاك تسلفها
عمر:ممممممم مرحبا علاش لا شحال محتاجة؟
شامة:32 مليون
عمر: ممممم واخا (حل كوفر و جبد رزمة ديال الفلوس) هاهي 32 مليون
مليون ينطح مليون
مدات شامة يدها تهزها و حط عليهم يدو
عمر:نونونونو الغزالة مزال الحال اولا كنظن غتكون سارة قالت ليك شروط غادي تشطحي وتغني فالكازينو ديال المعلم ديالي و غادي توقعي على هد الكونطرادا (مد ليها ورقة)
شامة : واخة
خدات الورقة بلا متقراها و وقعاتها خدات الفلوس ودارتهم فصاكها
وخرجات تتجري
عمر : هههاااااهاااااااهاااااا غبية هد البنت معرفاتش راسها بلي باعت راسها رخيصة هههههههههه
سارة مشات حداه وعنقاتو
سارة : ههههه وشتي جبت ليك دجاجة بكامونها شحال غيطلع لي انا من هدشي احبيبي
عمر : نتي غير أمري احبيبة كولشي ديالك هههههههههه
شامة مشات تتجري لسبيطار وصلات دفعات الفلوس ديال العملية و بقات گالسة على اعصابها كتسنى بفارغ صبر يخرج طبيب
___:سلام... هزات شامة راسها شافت فيه كان ولد صغير
شامة :(ببتسامة) سلام شنو كدير هنا فيناهي ماماك؟
____:لهيه عند بابا قالت لي ماما غيقطعو ليه رجلو
شامة :(بقا فيها) الله يشافيه اولدي
___:انا سميتي وليد ونتي؟
شامة:شامة.... بتاسم الولد صغير
وليد : ماما سميتها حتى هي شامة
شامة : بصح...
وليد:اه واش حتى نتي تتبكي بزاف
؟.... ستغربات شامة من سؤال لي سولها وخصوصا هو ولد صغير
شامة:علاش هد سؤال...
وليد : حيت ماما تتبكي بزاف فاش كنسولها علاش تتبكي تتقول لي ليسميتهم شامة تيبكيو بزاف..... شامة ضحكها...
شامة:ههه اه عندها الحق
وليد : واش حتى نتي كتسناي باباك يقطعولو رجلو
شامة:لا ماما كدير عملية
وليد :(ناض وقف ومسح ليها دموعها) متبكيش غادي تكون بيخير وترجع ليك
شامة:(باستو) انشاء الله
وليد :غنمشي عند ماما بسلامة شامة
شامة:بسلامة.....
بقات مراقباه حتى ختفة الاثر ديالو من قدامها....
شامة:عفاك اماما متخلينيش عافاك
ساعات طوال دازت لتفتح بوابة غرفة العمليات
مشات شامة تتجري وقفات قدامو
شامة : ماما فاقت ياك العملية نجحات؟؟
الطبيب : تهذني ابنتي وكوني قوية هدشي لي غتسمعي كيطلب منك قوة كبيرة حنى درنا جهدنا للاسف تأخرنا شوية شيء لي خلا الخلاية ديالها متستاجبش لعلاج و للاسف ماتت في وسط العملية الله يصبرك 💔
كل كلمة كانت بمثابة سم لشامة لحد الان مزال مستوعبات هدرتو كيفاش ماماها دابا مغتبقاش معاها.... صافي عمرها مزال تسمع صوتها ولا نگيرها ولا ضحكتها
گلسات للارض كيفاش فنهار واحد تقلبات الاية كون ممشاتش معاها كون دابا ماماها حداها كيفاش هذا غير كابوس دابا غادي تحل عينيها وتسمع صوت ماماها أكيد هذا كابوس
هزات شامة يدها وخبطات خدها
لا هذا ماشي كابوس هادي حقيقة و دابا وقفات على كلام ماماها 💔....
شافت فالمستقبل المجهول شنو غدير دابا؟ دارهم صافي غير تنساها غادي تباع حيت معندها منين تجيب فلوس فكرات فالخدمة لي قال ليها عمر هذا املها الوحيد... وقفات ورجليها فاشلين عليها..... وقعات على ورقة تسمح ليهم يخرجو ماماها باش دفنها
و دخلات تشوفها لأخر مرة
شامة : ماما علاش وجهك شاحب علاش فمك ناشف وزرق ماما واش سخيتي بي ماما لمن خليتيني شكون غادي يخاف علي ماما علاش سمحتي في دابا علاش علاش...
كلام كلهب النيران على قلوب الناس
توادعات شامة مع ماماها خدات عقيق ماماها لي مكانش كيفارق رقبتها دارتو فعنقها وخرجات مشات لدار جمعات حوايجها عمرها كانت راضية على هد العيشة وعلى هد دار ولكن اليوم حسات ان هد دار تتساوي عندها الف قصر و قصر حيت كل جدار من هد دار شاهد على ذكريات طفولتها وعلى اي ليلة سهرات فالحفاظة شافت فالشرجم لي فبيتها
شامة: (كتلمس الخامية) دابا غتهناي مني مغنبقاش نتخبى موراك ونطل على مصطفى (تنهدات) آه مصطفى لي عمرو شاف جيهتي تكات على سريرها لأخر مرة
تشرق الشمس بداية ليوم جديد ☀و فرصة اخرى .... خدات باليزتها حطاتها حدا الباب حتى ترجع ليها
هبطات وخدات طاكسي ليوم غادي يدفنو ماماها كانت بوحدها هي وراجل لي كيحفر لماماها
شافت شامة فالمقبرة...
شامة : غادي نبقى ديما نزورك اماما كنتمنى تكوني راضية عليا
____:غذا الجلسة ديال شخص لي ضرب ماماك مغتحظريش
شافت شامة فراجل.... شامة : غادي نحظر....
رجعات لدارهم دخلات لبيت مها كانت ريحتها مجهدة شافت فالحيط صورة ماماها و باباها فاش يلاه تزوجو صوة بالابيض والاسود
شامة مشات تقابلات مع الصورة
شامة : لمن خليتوني دابا لمن بابا مشى قبل منقدر نشوفو و دابا نتي اماما علاش علاش.... حيدات شامة صورتهم ودارتها فصاكها و نعسات فسداري دماماها تتشم ريحتها فالمخدتها... حتى كتسمع صوت دقان
وقفات ومشات تحل.... كانت سارة
سارة : الله يعوض محبتها بصبر احبيبة
تلاحت عليها شامة عنقاتها ودموعها خانوها كانت محتاجة كتف تبكي عليه كانت محتاجة
سارة : غير سبري احبيبة، مهم سيفطني عندك عمر هو قال ليك تمشي عندو
شامة :(مسحات دموعها) واخا غنمشي.... ردات شامة الباب و مشات مع سارة لديبو مرة اخرى..... مسافة الطريق دخلو لقاو ضلام بحال اول نهار
سارة : عمرررر هاحنى جينا.... مع اخر حرف تشعل ضوء اول مرة شامة تشوف ديبو مزيان فيه تصاور ديال بزاف ديال البنات و فالجنب منصة و كراسة بزاف بحال المزاد العلني.....
سمعات صوت خطواتو عمرها حملاتو وعمرها غادي تحملو كيبان ليها كيف شيطان
عمر:مرحبا لالة شامة شفتك خديتي الفلوس وقلتي تهنيتي نسيتي بلي نتي راك بعتي لي راسك
شامة :(بعدم فهم) كيفاش بعت ليك راسي اش كتخربق
عمر : هااااهاااهااااهااااا مممممم من حقك من حقك اوى هاك الالة قراي
لاح ليها العقد لي سينات عليه قراتو كلما كتقراها كيوساعو عينيها كيفاش دابا هي باعت روحها وجسدها وراسها ب 32 مليون...
عمر:اوى الغزالة..... اجي
شدها و داها الجيهة الخلفية ديال ديبو لي كان جا فالخلاوات....
شامة حماتها لغوات وكظرب فيه ولكن والو.. لاحها على وجها و رد عليها الباب كان ظلام... عيات شامة مظرب فالباب ولكن والو لا حياة لمن تنادي عيات وگلسات تتسول راسها على مصيرها مع هد العصابة و هد البزناز... حتى كتسمع صوت شهقات جايا من نفس ديك الغرفة
شامة : شكون هنا شكون شكون هنا... لارد... قربات شامة متبعة صوت شهقات... حتى كتلمس بيديها جسد
جسد بنت صغيرة
شامة : شكون نتي
جاوباتها البنت بلغة ممفهوماش
شوية عاد رجعات دوات
____:(دوات البنت بالانجليزي) مفهمتش شنو قلتي
عاد دوات معاها شامة بالانجليزي
شامة : قلت ليك شكون نتي و شنو كديري هنا
____:انا كارينا من باكستان شراوني من المزاد لي تقام بالباكستان
شامة:حتى نتي، ولكن شكون جابك لهنا
كارينا_:معرفاش لي عارفة هو بابا باعني و شرواني الناس
شامة:وشنو غيوقع دابا
كارينا:يمكن غادي يعاودو يبيعونا
شامة:الله ياربي الله وليت بحال شي دمية تتعرض للبيع
كارينا : انا ولفت نولي مونيكة تباع فالمزادات (ضحكات ضحكة استهزاء)
شامة: بلاتي عندي فكرة مزيانة
كارينا:وشنو هي الفكرة؟
شامة:شوفي هادي
كارينا:خشبة؟
شامة:هد الخشبة غادي تفكني من هد الحبس اراي ودنيك (كحزات عندها كارينا) ....... صافي انا غنبدا غير تشوفي الباب تحل نفذي
كارينا:واخا
وقفات شامة و تنفسات
شامة: انبدا (بدات كضرب فالباب) عممممممر عممممممر المووووسخ الكلب الحمااااار اشماااااتا ازاااااامل (بدات شامة تتعاير غير من سمطة لتحت 😂)
عند عمر لي كان متكي على المكتب ديالو مع الباترون ديالو لي كان وجهو مخفي فالضلام غير دخان لي كيخرج من فمو ويدو لي شاد بيها سيگار و خاتم لي فصبعو (دلالة على انه مزوج)
عمر:اوووف هاهي بدات هد القحبة كتقلب على اخرتها
____:سير سكتها ضراتني فراسي هد القحبة
عمر:واخا هانا غادي بغيت غير وقتاش يجي هد المزاد نبيعوها خلاص
____:غذا المزاد
عمر:(بصدمة) كيفاش
____:الكليان وصلو وقررت نديرو غذا و شي بنات غذا غيوصلو من العربيات
عمر:ههااااهههاالهه مزيان مون شاف
وقف عمر و سعادتو مكتوصفش
هد العصابة كيف شفتو كيتاجرو فالبنات كيجيبو البنات على اساس غادي يخدمو من البوادي و العروبيات وكيبيعوهم كعاهرات و.... الخ
عمر :(كيحل الزنزانة لي فيها شامة و كارينا)
شامة: (شافت فكارينا و عطتها الاشارة) دااابا
طاح عمر فالارض معرف باش تبلى يلاه كان غيضرب شامة حتى نزلات عليه كارينا بضربة لراس
🍷فلاش باگ 🍷
شامة:هاد الخشبة غادي تشديها وترجعي مور الباب سمعتي غير يدخل ونعطيك الاشارة ضربيه متافقين
كارينا:اه صافي
🍷نهاية الفلاش باگ🍷
شامة:يلاه نهربو
خرجو البنات كيجريو وشامة شعرها كيطير مع كل خطوة كتجريها
وكارينا حتى هي تابعاها كيشوفو الضوء خارج الباب كأنه بصيص امل غادي يهنيهم من هد الوسخ لي فيه
حسات شامة بيد شاداها
شامة : كاااااارييييينااااااااا
ضارت كارينا شافتها تشدات
كارينا تمات بغات ترجع عندها ولكن منعاتها شامة
شامة:كاااارينا هربي هربي مترجعيش عنداك سيري سيري علمي البوليس سيرييييي اكارينا
كارينا : كنواعدك غادي نرجع
خرجات كارينا و ضارت شامة تشوف وجه لي شادها
شامة ضارت وهي تصدم
شامة: شنووووو نت
طاحت مغمية عليها بعد ما ضربها لعنقها و فقدات الوعي
خرج من ظلام و الوشم على عنقو على شكل إمرأة شاد السيگار فيدو
_____:مكنتش باغيك تشوفيني ولكن نتي لي بغيتي
عمر:مصطفى شديتيها القحبة كانت باغا تهرب تفو الله يلگيها ليهم الخرى هربات
اه كان مصطفى هو الزعيم ديال العصابة صدمة لي تلقاتها شامة كانت اقوى عمرها تخيلات مصطفى ولد جيرانهم لي كان حبها الاول غادي يصدق زعيم عصابة
🐺في مكان اخر
كان متكي على فراشوو
الحاج:ولدي ذياب الله الله شنو وقع مني تفكرتي باباك؟
ذياب:معرفتش حسيت بلي توحشتك وبغيت نشوفك
الحاج: مزيان اولدي
ذياب:بابا واش انا شخص ممزيانش
الحاج: عرفتي فاش كنتي صغير واحد نهار ديتك معايا لصيد كانت اول مرة فاش شفتيني قتلت غزال صغير غضبتي علي شهر و عمري نسا فاش كنتي معنقو و دموعك سايلين عقلتي على سؤال لي سولتيني؟
ذياب :(ضحك) كنت سولتك واش تبغي لي يقتل ليك ولدك كيفما قتلتي هد الغزال صغير لاب ديالو
الحاج: تأكدة انك غطلع انسان مزيان
ناض وقف ذياب وعطاه بظهر
ذياب:ولكن لي كيقتل ختو ماشي انسان مزيان
الحاج: هي ذارت ذنب وخلصاتو بحياتها
في مكان اخر.... ∆
خرجات كرينا كتجري من الديبو
كارينا:(دموعها على خدها) غادي نعتقك غا صبري صبري
مشات تتجري قاطعة طريق
شوية كتسمع صوت الكلاكصون ديال لوطو موراها ضارت وبوووووم
طاحت للارض ضرباتها سيارة
كرينا :(دم هابط من فمها) ششششاممممة
سدات عينيها وكتسمع غير صوت واحد كيقول عتقووونا البنت اتموت....
عند ذياب 🐺
خرج من الغرفة ديال الحاج و سد الباب... ذياب فعمر 16 سنة قتل ختو بالمسدس لي حطو ليه باه فيدو باش ينظف شرف عائلتهم
الحاج كان معروف فالمنطقة ديالهم وكان متسلم الزعامة و باش تهرب بنتو مع حبيبها لي رفض يزوجو ليها بمجرد انه ماشي من عائلة غنية خلاها تهرب معاها فاش لقاوهم مد سلاح لذياب وقتل ختو فش كبر ذياب وكان خاصو يشد الزعامة رفض وفضل يكمل ويأسس حياتو بعيد على عالم الزعامة وعالم الاعراف و خرج لاوروبا (داكشي علاش كيهدر بالإنجليزية بزاف) تربى تماك و اسس حياتو العملية تماك حتى نهار كيعرف بلي الحاج طاح وفافراش رجع يبقا بجنبو
خرج ذياب.... ومشا لبيتو دخل دوش ودوش خرج تفكر لطيفة مجاتش ماشي من عوايدها تغيب على خدمتها
دوز مكالمة لسلوى لي جات كطير
سلوى:مسيو ذياب عيطي لي
ذياب:وي لطيفة علاش مجاتش
سلوى:معرفتش اسيدي تيليفونها مطفي ومعاوداتش جات من داك نهار لي عطيتيهم الفلوس
ذياب:(بشك) شكون قاليك انا عطيتهم الفلوس؟
سلوى:(بثوتر) لالا دابا انا انا كنت دايزة من جنب الكوزينة شفت شامة و مها مدابزين بدون قصد سمعت بنتها كتقول ليها "مبغيتش فلوسو انا ماشي سعاية باش ناخد صدقة منو " صافي اسيدي هدشي لي كاين
ذياب: صافي خرجي...
سلوى:واخا اسيدي
گلس ذياب وبلا ميحس مشا لتسجيلات الكاميرا ديال داك نهار و رجع تفرج فتسجيلات لي بين لطيفة وبنتها شامة.... الى لحظة خروج لطيفة وهي تابعة بنتها توقف شريط
ذياب : بنت عنيدة ولكن طموحة
في مكان اخر....
كان ضلام وهي طايحة فالارض شعرها مغطي نص وجها حركات صبعاها على الارض عاونات راسها حتى ناضت من الارض شافت زنزانة مرة خرى.....
شامة :(بصوت باكي) مصطفى هئ هئ هئ هئ هئ هئ 😭😭😭😭علاش علاش اخر واحد كنت نشك فيه حقير مجرم الله يلعنك الحيوان تفو... بقات تتعاير فيه حتى شبعات شوية سمعت صوت خطوات جاي بتجاهها تحل الباب
عمر:(كان ملوي فاصمة على راسو) هاكي كولي على سلامتك غدا غادي نتهنا منك
شامة : شنو كتعني بهضرتك
عمر : هااااههههااااهاااا غذا مزاد العاهرات هاهاهاها وغدا غادي تباعي لي كيدفع كثر غادي يديك مممم بيني وبينك صرحة غتجيبي ثمن بنت زوينة لطاي بوووووم احححح غتجينا ثروة من وراك ازين هاكي كولي
خرج عمر و خلا شامة فالصدمة مكانتش متوقعة غادي يزربو
شامة :الله ينتاقم منكم اولاد القحاب الله ياخد فيكم الحق (خدات طبصيل ديال ليباط وضربات بيه الباب) هئ هئ هئ هئ هئ مجرمين الله يلگيها ليكم مجرمين
نعسات ودموعها شلال على خذها
اصبحنا واصبح الملك لله ❤
سمعات صوت فتح زنزانة جمعات رجليها عندها وحضنات راسها
تحل الباب ودخلو 7 دلبنات صغار يكون عمرهم مابين 16 ولا 18 عام
شافتهم شامة وتصدمات
دخلهم عمر
عمر : نسمع صوت شي وحدة غادي نقطع ليها لسانها مفهوووم؟
دخلو البنات و كل وحدة تتشوف فالخرى
شامة : شكون نتوما؟
وحدة من البنات: اختي انا لبارح جاو لضوارنا شي ناس قالو بلي خاصهم خدامة و غادي يخلصوها مزيان وبابا ميت ماما عطاتني ليهم شرط كل شهر يسيفطو ليها خلصتي و فاش جابوني شدني هد راجل من عندهم وسد لي عينيا معرفتش حتى وصلت لهنا عاد حلو لي عينيا وشفت هد البنات حتى هوما.... شامة فهمات انهم عصابة كبيرة ماشي غير عمر و مصطفى بقات ساهية تتشوف فيهم كلهم صغار لي بحالهم بلاصتهم فالمدرسة و بين والديهم ماشي كأثات و كدمى كيتباعو فالمزاد
دازت ساعات طوال على شامة بدات تتسمع صوت ضجيج و صوت ضحك عالي و بنادم بزاف خارج زنزانة لي كان بحال القبو شافت البوابة تحلات
عمر:يلاه اجي نتي
خدا وحدة من البنات.... وقفات شامة قربات الباب وكتسمع عمر كيغوت شكون يزيد شكووون يدز وكتسمع صوت المطرقة بحالا تقول فالمحكمة
صااااافي هاك اسيدي ولات ديالك
سمعات مرة خرى خطوات جايين باينة هو وقفات كتسناه يحل غير حل وشاف فيها
عمر : لالة شامة اجي اجي محدك زربانة تخرجي من هنا اجي نبالي بيك
شدها عمر من يدها و خرجها جرها موراه
دخلات شامة لقاعة او بالاصح مزاد العاهرات كيف كيسميه عمر
طلعها فوق المنصى شافت فالرجال لي گالسين على الكراسا شي ساعودي شي مغاربة شي من دول خرى بقات تتشوف ولمحات مصطفى متكي على الحيط و السيگار فيدو.... جات عينيها فعينو و كل نظرة منها كانت شمئزاز وحتقار حتاقراتو وكرهاتو شاف فيها وبتاسم بحالا كيستهزء بيها
بدا عمر كيعلن على ثمن ديال شامة
عمر : شامة 18 عام يلاه على بركة الله نبداو من 32 مليون الفوق شكون يلاه
تسمع صوت من الخلف "33مليون "
تسمع صوت اخر "36 مليون" وصوت اخر "40مليون" بداو كل واحد كيقول ثمن حتى وصلو ل 50 مليون
عمر : 50 مليون شكون يزيد شكووون يلاه شكووون مزال اخر فرصة 1 2
"60مليون".... تسمع صوت كان راجل زوين و مرتب يلاه دخل مع القاعة كولشي ضار كيشوف فيه
عمر:متأكد؟
____:وي 60 مليون
عمر : 60 مليون شكون يزيد شكووون يلاه 123 (ضرب بالمطرقة) مبروووووك(همس لشامة بودنها)
عمر : وطلعتي ساوية ثمن الالة شامة
هاهي ليك (دفعها لعندو)
شدها شخص من يدو
____:يلاه زيدي (جبد شيك كتب فيه 60 مليون ومدو لمصطفى لي شدو وعينيه على شامة لي مكانتش تتشوف فيه)
خرجو من ديبو والراجل لي مزال معرفات عليه شامة والو شاد فيدها وصلو لحدا واحد لوطو حل ليها الباب ودخلها وسد الباب وهي مزال ساكت فين غادي بيها وعلاش دفع هد ثمن كلو على قبلها ....دخل گلس مد ليها قرعة الماء
____:خودي شربي
شدات القرعة وشرباتها كاملة يوماين هادي مكلات ولا شربات شي حاجة
شاف فيها
____:فيك جوع؟
شامة:(هزات راسها بأه)
____:نوصلو لدار نعطيك تاكلي
مسافة طريق شافت شامة هد. طريق خارج المدينة وصل قدام فيلا صغيرة وخرجو دخلو لفيلا لي كانت زوينة بزاف بديكور اوروبي
زوينة بزاف بديكور اوروبي و الغريب مكانوش شاعلين ضوء بل الفيلا كاملا مضويا غير بالشموع والشمع من نوع لي كتكون ريحتو زوينة بزاف
____:دادا صفية دادا صفية
خرجات مراة كبيرة فالعمر من كوزينة
دادا صفية: ولدي معاد جيتي العشاء دابا نحطو
معاد: دادا صفية هادي شامة ضيفتي عافاك عطيها متلبس من دوك الحوايج لي جبت و عطيها تاكل ودوش
دادا صفية: واخا اولدي، يلاه معايا ابنتي
مشات معاها شامة
شامة :(فخاطرها) دابا سميتو معاد ولكن شفتو قاليها ضيفتي زعما ناوي يعاود في البيع؟!
دادا صفية: اجي ابنتي هاهو الحمام دوشي وها الحوايج مني تسالي اجي تعشاي
شامة:شكرا اخالتي
خدات شامة دوش حيدات داك العيا وخدات الساشيات فيهم الحوايج غير الغاليين و ماركات عالمية خدات كسوى فالاصفر و حد الفخاض و نشفات شعرها و شافت فالمراية
شامة: ماما توحشتك بزاف توحشت صوتك ونگيرك توحشت دارنا توحشت بيتي توحشت احلامي الصابقة كلامك صحيح غير خطيتيني رجعوني دمية كتباع وتشرا شفتي اماما رجعوني مونيكة 💔
طاحت دمعة سخونة على خدها
خرجات من البيت ومشات لكوزينة
دادا صفية: هاهي مكلتك ابنتي گلسي تاكلي
گلساات شامة تتاكل 48 ساعة مكلات فيها جوع بزاف كلات 2 طباصل ديال السفا و عاد حطات ليها دادا صفية طبصيل اخر ديال سباكيتي مع لصوص باللحم المفروم و كاس كولا مع 🍕بيتزا وحطات نفس طبصيل قدامها شامة سحاب ليها ديال دادا صفية.... شوية شافت معاد داخل لبس سروال كيطما ديال دار و تيشورط فالابيض
معاد:سلام عليكم (شاف فشامة وطول فيها شوفة) دادا عطيني كيطشوب
مدات ليه دادا صفية قرعة كيطشوب و حط شوية جنب طبصيلو و بدا كياكل وشامة حاضياه بنصف عين كياكل بطريقة متوازنة و متسمعش صوت فمو كياكل وفصمت صوت الماعين بوحدو لي كيتسمع دادا صفية تتغسلهم....
معاد:كنتمنى يكون بيتك عجبك
هزات فيه شامة عينيها زعما اشمن بيت
معاد:البيت لي دوشتي فيه بيتك
شامة: شكرا اسيدي
معاد:بلا ديك سيدي فقط معاد
شامة:واخا
وقف وحط فرشيطا ديالو و مسح فمو بمنديل
معاد:تصبحو على خير
ومشا طالع لبيتو
شافت فيه شامة و مفاهما والو عندها الف سؤال وسؤال فراسها...
شامة: دادا صفية
دادا صفية:نعام ابنتي
شامة: واش غير نتوما لي فافيلا
دادا صفية:انا ونتي و معاد
شامة:شكون اخر (سولات بلعاني بش تعطيها شي معلومة عليه)
دادا صفية: هد ساعة غير حنى لي كاينين
شامة:اه زعما سي معاد ممزوجش؟
دادا صفية: لا ابنتي
شامة: ممم تصبحي على خير ادادا
دادا صفية:تصبحي على خير ابنتي
خرجات شامة و فظولها غادي ياكلها
مشات لبيتها ولقات تيليفون ايفون فوق سريرها ستغربات شافت ورقة حداه (هذا ديالك) خداتو وكان صعيب عليها تفهم سيستيم ديالو ولكن كان معاد صايب ليها كولشي وحتى الويفي مطلوق فيه
دخلات اليوتيوب و بقات تتفرج فالافلام دارت فيلم البرتقالة المرة بالاخير بدات تتبكي
شامة: كان خاصني نكون بحالها مصطفى الله ياخد فيك الحق البزناز لخر تفو
شوية طاحت فبالها ماماها وبداو دموعها يهبطو كي شلال مسحات دموعها و بقات تتخربق فالتيلفون دخلات لمجلات مشهورين عالميا بدات تتقلب فيهم حتى كتصدم بصورت الشخص لي عطاها الفلوس (ذياب) لي كان خدامة عندو ماماها شافت سميتو الكاملة ذياب اوغلو ولد كاظم اوغلو بقات تتقرا الاخبار عليه وبلي هو محطم الارقام القياسية فالبورصا و بقات تتقرا اي خبر عليه معرفاتش علاش ولكن كان عندها فضول تعرف عليه المزيد و عندو لقب امير الليل (حيت ذياب عندو كازينوهات بزاف فارجاء العالم) بقات تتقرا شوية كتبات سميتو فاليوتيب طلعو ليها فيديوات ديالو فاللقاءات صحفية و بالمؤتمر و مراكز اخرى و فيديو وثائقي كيدوي فيه على راسو وصغرو واقرب ناس ليه وفاش وصلو لحظة اميرة احلامه بدا كيوصفها ليهم
شامة بقات غير كتشوف فيه كان زوين بزاف وهو كيدوي بالإنجليزية
شوية داتها عينيها ونعسات.....
في مكان اخر 🐺
ذياب :(كان ناعس على سريرو) وهو كيشوف مرة اخرى شرائط وفيديوهات شامة لي مسجلين فالكاميرات دخلهم لكمبيوتر ديالو كيتفرج فكل فيديو و خصوصا فيديوات لي كتعرى فيهم وتتنقز
ذياب :معرفتش شنو المميز فيك لي كيخليني نتشد ليك و نولي نعس على فيديوات ديالك...
وقف فيديو فلحظة كانت تتنقز بقا كيشوف فيها ضحكتها شعرها الاسود عيونها السود يديها فخاضها خصرها الخالة لي فوق بزولتها كولشي مثالي
نعس وهو كيتأمل صورتها
🖤في غرفة مضلم من غير شخص لي فلاطيراس و نصو الفوقاني عريان
معاد: غادي نخليه يندم غير ثيقي بي توحشتك بزاف (شاف فصورة لي فيدو)..... شوية تفكر شامة وكيفاش كانت كتاكل و شبه ليها و شعرها الاسود بحال شعرها تنهد و حط صورة و بدا كيشوف فسماء... شاف فالنافدة ديال بيتها
معاد:غتكون نعسات... دخل معاد من لاطيغاس و لبس بينوار ديال نعاس و هبط فالظلام وصل قدام بيتها حل الباب سمع صوت شي واحد. كيدوي شاف تيليفون فيدها وهي ناعسة خداه و سدو و حطو حداها وبقا ساهي فيها شحال
معاد :(فنفسو) حتى هي كانت تتنعس بنفس طريقتك
خرج وسد الباب طلع لبيتو و نعس
يا ترى ما السر وراء هذ الغموض ديال معاد.؟ وشنو بغى من شامة؟
اصبحنا واصبح الملك لله 🌤☀
فاقت شامة و مشات قضات روتينها اليومي دوشات خدات كسوى فالاسود و لبساتها و خرجات لقات دادا صفية حطات ليهم الفطور ومعاد گالس كيفطر وكيقرى الجريدة شافها وحط الجريدة و بدا كيفطر
شامة:صباح الخير
معاد:صباح نور تفضلي
گلسات شامة ولحد الان كيعاملها مزيان... كتاكل وطبعا عينيها عليه ودققات ملامحو لحية مطراصية وماشي كثيفة خفيفة شوية عيون فالعسلي حجبانو فالاسود شعرو فالاسود فيه خطوطا فالابيض (ستايل ديالو) و فرقبتو واشم سمية ولكن مقدراتش تقراها حيت متتبانش ليها مزيان... معاد لحظ شوفاتها وطلع الكول ديال قميجتو عاد عاقت براسها و تحنات على طبصيلها.... ناض وقف
معاد: تكملي فطورك طلعي عندي لمكتب ديالي
شامة:اوك
طلع بخطوات ثابة فالدرج
شامة:شنو غيكون باغي مني؟
كملات فطورها وطلعات شافت باب محلول مشات جيهتو كان المكتب ديالو دقات حتى سمعاتو قال ليها دخلي... دخلات وبقات تتشوف فالمكتب و صورة الكبيرة ديال ولد صغير طايح على ركابيه وماد يدو لمرأة مشات وخلاتو
معاد : عجباتك اللوحة؟
شامة:(ببتسامة) زوينة بزاف ومعبرة
ناض وقف معاد وقرب لجنبها
معاد: بصح اللوحة زوينة فراسك هد اللوحة غلا منك؟
شامة تقرصات بحالا كيقول ليها نتي رخيصة وهد اللوحة ساوية الثمن كثر منك
معاد:خديتها من معرض فباريس بقيمتك 100 مليون
شامة :(تصدمات من المبلغ ولكن مبيناتش) فعلا تستحق طابلو زوين
قربات للطابلو وشافت السمية ديال الرسام "الاخوة حسين"
معاد:على كل هذا ماشي موضوعنا مخسرتش عليك 60 مليون باش نجيبك وناقش معاك الرسم والفن اولا؟
شامة:بصح شنو غدير بي؟؟
معاد:هههههه كتعجبني عندك هد العفوية ديالك گلسي ندويو
گلسات شامة قدامو على الكرسي
معاد: انا عارف عليك كولشي تقدري تقول ابسط الاشياء عارفهم عليك مثلا كيفاش ماتت ماماك وشكون سبب كنضن كون معطاكش ذياب الفلوس مكنتيش غدابزي مع ماماك ومكانتش غادي تموت واش مباغاش نتناقمي لموت الام ديالك؟
شامة: هاهااااا واش كضحك علي؟
معاد:؟؟؟
شامة: نت خاصر فلوسك باش تجيبني وتقول لي سيري نتاقمي لمك؟ اش غتستافد نت؟
معاد: ممممم طلعتي ذكية اذن لعبو على المكشوف امدموزيل شامة
شامة:من الافضل
معاد: ذياب اوغلو هو المنافس ديالي فعالم الاعمال و فنفس الوقت هو نفس سبب فموت الام ديالك انا الهدف ديالي نقضي عليه و نتي غادي تخدميني وفنفس الوقت غادي تنتاقمي الام ديالك وتريحي ضميرك بالاضافة غادي تربحي حريتك مني تكمل خدمتك غادي تكوني حرة وغادي ترجعي لحياتك وغادي نعطيك مبلغ لي تبداي بيه حياتك
شامة : وعلاش انا بالضبط؟
معاد:حيت نتي ساهل عليك دخلي لدارو شيء الوحيد لي غديري غتمشي تلاقايه غادي تقولي ليه ماما ماتت انا جيت نخدم بلاصتها وكلمة من هنا وشوية ديال تبوحيط هانتي خدمتي عندو ومن بعد بغيتك توصليني بجميع تحركاتو و خاصك تكوني بحال ظل ديالو وتجيبي لي معلومات على السفقات ديالو بغيت نمسح سميتو من عالم البزنس بغيتو يولي نكرة سمعتي
شامة: متأكد الا نفذت متطلباتك غادي تخليني نمشي وناخد حريتي
معاد:وعد شرف
شامة:(وقفات ومدات ليه يدها) موافقة
معاد:مزيان مني وافقتي حيت كون رفضتي ثيقيني ممستعدش ندير الخير حاليا واخا غير نرجع نعاود فيك البيع (هذ الهدرة كانت بحال الخنجر على قلب شامة)
صافحها معاد وابتسامة النصر على وجهو
معاد:اول حاجة غادي تمشي عندو غادوي معاه و غتقولي ليه داكشي لي قلت ليك
شامة:واخا
خرجات شامة من عندو وهي فبالها هدف واحد وهو تحصل على حريتها وتبدا حياتها من جديد
لبسات كبوط على الكسوى لي كان لبسا و بوت فرجليها جاو فاللون ديال الكسوى وطلقات شعرها على كتافها وخرجات
خدات طاكسي لفيلا ديال ذياب هي عاقلة عليها مزيان و معمرها غادي تنسى البلاصة لي ضربات فيها مها وماتت 💔.... ساعة من الزمن وصلات هبطات وهي كتشوف فيها وكدير مقارنة بين اول نهار ودابا
نهار لول شامة البنت طموحة و الجامحة لي عندها حب الوصول و الاحلام ومع دابا شامة المونيكا لي كتباع وتشرى وخاصها تنفد باش تلقى حريتها ولا غادي تلقى مصير بشع من هذا تنفسات بعمق
شامة:نتي ليها اشامة كولشي غيكون مزيان
وصلات ودقات حل ليها عبد النور غير شوفة وحدة عرفها
عبد النور : بنتي شامة فين غبرتي و مك علاش مكتجيش واش وقع ليكم شي حاجة؟
شامة:ماما ماتت اعمي
عبد النور: شنووووووو كيفاش ماتت
شامة:دارت كسيدة
عبد النور: ان اله وان اليه راجعون الله يرحمها ابنتي و الله يصبرك ويعوض ربي فراقها بالصبر ابنتي كولنا ليها
شامة:(بأسف) الله يرحمها اعمي واش الباطرون بغيت نقول سي ذياب كاين فدار؟
عبد النور: اه ابنتي غيكون كيفطر
شامة:ممكن ندخل نشوفو
عبد النور:اه دخلي
شامة:شكرا
دخلات شامة وشافت فصالون تفكرات نهار عيط ليها وعطاها الفلوس نهار ماماها كتجفف هد الدروج بحالا غير البارح كولشي مزال قدام عينيها
دقات فالباب ديال صالا مونجي
ضار ذياب و شاف فيها
شامة:ممكن ندخل
ذياب :شكون نتي؟
شامة :(اواه نساني بزربة عادي غيكون كيعرف العيالات على قد شعر راسو) انا شامة بنت لطيفة
ذياب:(دار يكمل مكلتو بحالا ممسوقش ليها) مممم فيناهي مك؟
شامة:(عصبها) ماتت
ذياب سكت شوية عاد دوى
ذياب:الله يصبرك،
شامة:شكرا، بغيت ندوي معاك فواحد الموضوع
ذياب:وي مرحبا اجي تبعيني
دخل ذياب لمكتب ديالو ودخلات حتى هي
ذياب:سدي الباب
سدات الباب وجات گلسات
ذياب:انا گلت ليك گلسي؟
شامة:اه سمح لي
رجعات وقفات
ذياب:دابا ممكن تگلسي، شنو بغيتي
شامة:بغيت نخدم عندكم بلاصت ماما الا جات على خاطرك
ذياب : ههههااااهااااهههاااا
شامة:قلت شي حاجة كضحك؟
ذياب : موضوع مهم، كون قلتيها فش كنت كنفطر كون قلت ليك اه انا مكنرضش ناس المحتاجة ممكن تخدمي عندي بلاصت ماماك
شامة حسات براسها بحالا كتسعاه كرهات راسها وتصرفها و تمنات كون تشق الارض وتبلعها
ناض ذياب خارج.... شاف فيها مزال فبلاصتها
ذياب:ياكما بغيتي نعرض عليك تبداي تخدمي سيري عند سلوى توريك واجباتك غتباتي هنا ولا غتمشي لداركم
شامة:الا سمحتي لي بغيت نبقى هنا
ذياب:واخا، باش متخصريش فلوس الطوبيصات
خرج و خلاها كتقلى هو كيستهزء بيها
شامة:غير صبر هد ثروة لي عاجباك غنخليك گالس على ضس
وقفات و خرجات من البيرو ولقات سلوى يلاه هابطا من عند الحاج
سلوى:اه شامة سي ذياب قال لي غتخدمي بلاصت مك مهم الله يرحم ماماك ولكن خاصك تكوني قوية لبغيتي تعيشي اجي نوريك واجباتك كتعرفي طيبي؟
شامة:اه كنعرف نطيب
سلوى : مزيان تبعيني لكوزينة
مشات شامة مع سلوى توريها قائمة الاكل الاسبوعي و ماكلة ديال الحاج
.... عند ذياب
طلع لبيتو و دخل دوش وطلق عليه الماء بارد
ذياب:سمحي لي ولكن.... ضرب يدو مع الحيط حتى خرج الدم و بدا دم هابط مع الزليج لي فالدوش بحال شي لوحة دفنية
خرج من دوش بدل حوايجو ودار فاصمة ليدو....وخدم كاميرات المراقبة شاف الكوزينة وكبر الشاشة كانت كتعلمها سلوى شنو دير و تجفاف وتسياق و تخمال.... الخ
سلوى :فهمتي؟
شامة:اه فهمت، وبيتي فيناهي
سلوى: بيتك بجنب بيت الصابون مهم موسخة شوية كنصحك تنظفيها (قالتها بستهزاء) وحيت فيها الحشرات والعناكيب مهم نتي تعرفي
شامة:شكرا
مشات سلوى وشامة تتشوف فالكوزينة و جفاف لي فالسطل
شامة :ايييييه اميمتي كان عندك الحق نهار متي رجعت نمسح ونجفف ووليت خدامة
طاحت دمعها على خدودها الوردية
ومشات جيهت بيتها الجديد حلات الباب وهي تصدم كانت غرفة اقل ما يقال عليها مزبلة فيها اثاث قديم والتراب و شرجم مسدود لدرجة الرتيلا دايرا عشتها فقناتي دشرجم و العناكيب فسقف والطوبات وسراق زيتات جابت ليها ثقية والبيت شبه مخنوق
دخلات و هي سادة نيفها طلعات ريدو حتى دخل الهواء وشافت فالحيوطا موسخين و البيت حالتو حالة اولا خاصها تحيد هد الاثات القديم لي معرم ليها فوسط البيت
عيطات على عبد النور ومسكين جاب كروسة و جمع فيها گاع داكشي لبالي
و خرجو حيدات شامة جاكيطا و بوت وخلات غير كسوتها السوداء لي فوق ركبتها و بنص كمام جمعات شعرها على شكل كعكة مخربقة والگصيصا على جبينها
شامة:بسم الله
خدات صطل فيه جافيل ودارت ليگان ليديها وبدات تتمسح الحيوطا حتى رضاتهم كيشعلو و العرق هابط مع جبينها و الكسوى لصقات عليها وطبعا هدشي كامل تحت انظار ومراقبة ذياب ليها من كاميرات المراقبة
شافت السرير 🛏 لي كانت الغبرة مغطياه.... عيطات على عبد النور خرجو هو وسداري باش يتشمش فالجردة و شافت الماريو كان عندو باب واحد و فيها مراية كبيرة مسحاتها مزيان حتى رجعات تتشعل
و رجعات مرة اخرى خوات الماء وبدات تتحك بشيتا الارض حتى حكاتها و سيقاتها مزيان مسحات الماريو و شدات كراطة لوات عليها جفاف ووقفات على كرسي وبدات تتمسح القناتي بالجفاف حتى حيدات گاع العناكيب لي فالجنب.... وهبطات كتلطاقط انفاسها.... شافت فالغرفة كانت كتشعل عكس يلاه دخلات ليها
خدات طاصات صبايغ لي جاب ليها عبد النور و بدات تترسم على الحيط بعدما نشف (شامة فنانة فالرسم بحكم حلمها تولي مصممة أزياء) بدات تترسم عصافير كيطيرو بعيدا على الوطن مهاجرين كترسم بنت صغيرة و مها تتودعها بحال حالتها شوية رسمات رسمة كبيرة فيها بنت سادا ودنيها و دموع نازلين و ضايرين بيها ثعاليب و شوية رسمات قلب مهرس و ختماتها بورود و فراشات فوق سريرها جاو روسومات هائلة شامة خلات الغرفة تولي تشهاها تنعس فيها رجعات طلبات عبد النور يدخل ليها سرير... دخلو و قاداتو
عبد النور:تبارك الله عليك ابنتي فنانة صرحة مكرهتش تقادي لي تانا ديك البركاة ديالي ههههه
شامة:علاش لا نهار نكون مسالية نت لول اعمي عبد النور غنجي نزوقها كاملا.... بداو كيضحكو
عبد النور: الله يخليك ديما ضاحكة ابنتي ❤ شامة:امين اعمي شحال فساعة؟
عبد النور: يمكن ديك 12 علاش
شامة:ويلي تابعيني الغذاء غنمشي نطيبو دغيا
مشات شامة تتجري كوزينة
هبطات اللحم مع الخضرا والليمون و
عصرات الليمون و دارتو فثلاجة وردات اللحم فالكوكوط بش يطيب بزربا و رجعات دارت الخضراء فالكسرونة و بقات تتوجد المهلبية كتحلية فالغذاء.... طاب اللحم حطاتو وزوقاتو بالبرقوق و خدات الخضراء طحناتها وزادت معاها كيغي باش يكون مذاقها لذيذ و مشات تتجري حطات الغذاء لسي ذياب و وجدات بلاطو لحاج و حطات الغذاء ديالهم خاص بالخدامة.. فالكوزينة وقادات كولشي كانت ساعة 2
هبط ذياب وهو كيشم ريحت الاكل شهية من دروج هبط وگلس كياكل كلا كولشي،.... فعلا شامة فنانة فالرسم وطبخ.... وحتى الخدامة حمقاتهم الماكلا مسكين الحاج اول مرة ياكل الصوبا وميشبعش منها.....
كلا ذياب و طلع لبيتو جات شامة خدات الماعن غسلاتهم و شدات جفاف بين يديها و بدات تتمسح كوزينة و من بعد كولوار صالا مونجي عاد طلعات البيوت الفوق حتى وصلات لبيت ديال الحاج مكانتش سلوى كان بوحدو مسكين وسيروم معلق ليه وسارح فالطيراس
دخلات شامة غير شافها بتاسم
شامة:سلام عليكم الحاج انا شامة خدامة جديدة
الحاج : وعليكم السلام ابنتي مرحبا بيك
بدات شامة تتجفف وشادة الحديث مع الحاج و حتى هو عاجبو الحال وفرحان...
الحاج: مزوجة ابنتي؟
شامة:لا اعمي يلاه عندي 18 عام
الحاج: مزال صغيرة مالكي ابنتي على خدمة الديور
شامة:ماشي لخاطري
الحاج:الله يسهل عليك ابنتي
شامة:(رتاحات ليه) شكرا اعمي
كملات شامة تتجفاف بقات ليها بيتو بوحدها خرجات من عند الحاج و قصدات غرفتو قبل مدخل دقات
حتى سمعات الاذن عاد دخلات
ذياب:اه الخدامة جديدة جيتي تجففي دخلي دخلي
دخلات شامة متجاهلا هدرتو
بدات كتجفف وكتحنى كتكوز ليه وهو غير حاضي مؤخرتها صدرها حركاتها كولشي كيحمقو فيها
كملات شامة تتجفاف وبغات تخرج حتى كتسمع شي حاجة تهرسات ضارت لقات قرعة البارفان ديالو لي تهرسات
ذياب : مسحي هد زبل لي هنا
رجعات شامة وتحنات تتمسح شوية دخلات فيها جاجة وهي تغوت غير شاف ذياب دم تعصب و هبط عندها شد يدها وبدا كيمص ليها دم
شامة مصدومة من هد تغيير المفاجئ
اواه ياك غير قبيلات كيهينها علاش دابا ولا حنين معاها...؟!
ذياب:كضرك
شامة :لا صافي شكرا
ذياب: (عاد عاق على راسو) اوك مزيان...
جمعات داكشي فالجفاف وخواتو فسطل و خرجات وذياب متبع ليها العين غير خرجات ضرب المرايا بيدو حتى تهرسات و يدو كتنزف
شاف فيدو...
ذياب:حتى هي غتكون حسات بنفس الحريق..
خرجات من بيتو وهطبات اخيرا سالات مشات لغرفتها ورثبات حوايجها لي سيفطهم ليها معاد مع شيفور ديال طاكسي على اساس ولد جيرانهم مسخر ليها.... عندها دوش صغير فبيتها صيقاتو و نظفاتو مزيان ودخلات سداتو وبقات كدوش والباب ديال دوش شفاف....
دخل وسمع صوت رشاشة فالحمام مزال كدوش شاف فالبيت و شاف حوايجها لي حيداتهم فوق السرير كانو سوتيامات والكسوى وسترنغ ديالها و ديباغدو خدا ستيمات و بدا كيشمهم ريحتها كولشي بنين فيها خدا سوتيامات وخشاهم فجيبو وشاف خيالها فلحمام تبسم و هو كيمتاعن النظر فيها وخرج....
خرجات من الغرفة وشافت الحوايج الموسخين جمعاتهم بلا متعير نتباه بلي ناقصاها شي حاجة وحطاتهم فشبكة و هي لبسة بينوار جبدات كسوى فالابيض و دو بياس فالاسود
لبساتهم و جبدات سيشوار نشفات شعرها و دارت ليهم گنيرات بحال البنت صغيرة.... و گلسات تترسم فمذكرتها الجديدة لي عكس القديمة لي كانت عامرة بالاحلام الوردية ديالها وحبها لمصطفى لي طلع زعيم مافيا على قدو.... مذكرتها جديدة هي أنيستها و هي الوحيدة لي غادي تعاود ليها معاناتها.... كتبات فيها من نهار وقع الاكسيدون وماتت مها حتى نهار جات تخدم عند ذياب فالفيلا وكل احاسيسها وباش حسات والاهانة والحگرة والذل والمعانات لي صبحو رفقائها.... هزات ستيلو مني سالات وبدات كترسم ثوب زفافها او بالاحرى لغوب ديالها لي حبات ترسمها بيدها وزوقاتها من صدر بالفراشات و رسمات ابسط تفاصيلها حتى غفات....
رسمات ابسط تفاصيلها حتى غفات
في مكان اخر.... بدار معاد 🕯
لي كيف ديما الضلام وغير شمع لي كيضوي غرفتو.... ناض وقف و خرج بتجاه غرفة صغيرة حلها ودخل كانت مضلمة جبد بريكا من جيبو وشعل شمع لي كان فالغرفة و صورة كبيرة شادا الحيط ديال البيت كامل صورة بنت مبتاسمة و شعرها طاير فسماء وبتسامتها تتذوب الواحد ❤زوينة بحال شي اميرة وحاطا يديداتها على كريشتها مبتاسمة
معاد:مقدرتش نساك و نشوف بنت خرى مقدرتش لقا وحدة خرى من غيرك معرفتش ولكن نتي ساكناني والحرقة لي فقلبي مبغاتش طفى خيالك ديما تابعني مقادرش نساك مقادرش نسا ايامي معاك و اخر لحظاتي وانا بعيد كنشوفك كتمشي مني مقدرتش نحميك ولا نحمي ولدنا واش لهدرجة انهال؟ لهاد درجة انا مهووس بيك؟
حط راسو كيشوف صورتها وكيتأملها
وتعود به الذاكرة للوراء
🕯فلاش باگ🕯
قبل 15 سنوات
كانو وسط ساحة ديال القصر لي كان مبني بالحجر على شكل البناء التركي القديم طبعا عرفتو على من داوية قصر الزعيم (الحاج بابات ذياب)
الحاج:شد (حط ليه فيدو الصغيرة مسدس 🔫) يلاه تيري فيها اولدي نظف شرفنا لي وسخاتو هد الكلبة يلاه قتلها
ذياب:هئ هئ هئ هئ هئ هئ هئ لا منقدرش ابابا منقدرش انا منقدرش نقتل ختي
نهال :(طايحة فالارض ودم هابط مع رجليها) بابا عافاك لا ولدي غادي يموت غادي تقتل روحين ابابا روحين
الحاج:(بحدة) ذياب قتلها دابا يلااااااه(غوت بجهد).... مع اخر كلمة تسمع صوت اطلاق نار...طاح ذياب للارض وطاح معاه سلاح تسمع صوت ضحكات و اطلاق النار في السماء
ولكن حتى واحد مشاف شخص لي كان كيبكي لعجزو ينقد حبيبتو وولدو شخص لي كان كيتحرق وبركان وراهم
🕯نهاية الفلاش باگ🕯
وقف و طفا شمع و شاف فصورة لدقائق
معاد: عمري غادي نعرف طعم راحة حتى ناخد بثارك و بثا ولدي من عائلتك
خرج وسد الباب .....
🐺عند ذياب لي كان متكي على الارض و فيدو كأس من النبيد المخملي الاحمر و فاليد الاخرى سيگار و عينيه على شاشة كاميرات المراقبة كيشوف فبرائتها و كيف ناعسة بحال شي ملاك ابيض جغم من كأس ديالو على اثر يسكر و ينعس واخا شراب مبقاش كيگر فيه...
فاقت على صوت العصافير لي فجنب نافدتها شافت راسها نعسات و فيدها قلمها وتحت راسها مذكرتها هادي هي عادتها عمرها تبدلها.... تفكرات فاش كانت ماماها تتجي تغطيها و تفيقها كل صباح اشياء صغيرة بقيمة كبيرة شي حوايج لي غادي توحشهم بزاف...
سمعات صوت رنين الهاتف تفكرات بلي معاد مخلي ليها تيليفون و بلي ناسات متاصلاتش بيه.... جبدات تيليفونها من تحت مخدتها...
شامة:صباح نور
شيء لي صدم معاذ بصح كلمة صباح نور عادية ولكن هو مولف يسمعها من نهال شوية تخيل شامة هي نفسها نهال بتاسم وكمل...
معاد:صباحك مبروك كي صبحتي
شامة:وي الحمد لله سمح لي البارح مقدرتش...قاطعها معاذ
معاد : وصلاتني الخبار بلي عطاوك بيت و بقيت كتمسحيه و..... الخ
شامة:باش عرفتيها
معاد : عندي طرقي الخاصة مهم بغيتك اليوم تجيبي لي اخر صفقة دار ذياب غالبا غيكون حاطهم فالمكتب ديالو غدخلي غتقلبي على الملف مني تلقايه حطيه فبلاستيكا سوداء وحطيها خارج الفيلا فالبركاصة... مفهوم؟
شامة : واخا. ولكن مناقصة ديالاش بضبط
معاذ: مناقصة ديال شركة انتاج الصوف
شامة: واخا
قطعات وتنفسات بعمق هدي حريرة وهي لي دخلات ليها
يتبع...
