صفحة القصة
ذياب: نتااااااا
____:اه انا حگرتيني حيت شويفير سعيد الشيفور و نت حاط عليها العين حيت نت عندك الفلوس انا بغيتها للحلال اما نت باغيها غير عاهرة ليك (شاف فشامة) علاش اشامة انا راه باغيك لزواج نتي جيتي نتي ومك وانا كنفكر فيك بغيتك من كل قلبي نهار دخلتي لفيلا فرحت حست غتكوني قريبة لي و لكن نتي ...(سكت)
ذياب:(شاد شامة بين يديه) شامة شوفي في ماخافيش غادي تكوني بخير
شامة:(عويناتها كيتسدو ) ذياب ذياب مقادراش نتنفس مقادراش مخنوقة مقدراش
هزها ذياب بزربة انور ضور لرجالو جاو داوه و تبعو طول طريق و هو شاد يدها و كيدوز يدو على وجها وكيمسح دموعها ندم على اي لحظة هانها ولكن هي دارت علاش هي ولكن قلبو وعقلو فالحرب مقادرش يركز مخربق بزاف دماغو مبلوكي ....
رجعها ذياب لكلينيك دخلوها و هي كتنزم ضيعات بزاف ديال دم
دخلو لقاوهوم وجدو غرفة العمليا كان علمهم مروان
دخلوها و ذياب گالس برى
مروان: صافي اصاحبي غادي تكون بيخير
ذياب: هي عتقات حياتي هي ضحات براسها باش انا نكون عايش (شاف فيه و شد يدو) هي مفكراتش و ضحات بحياتها وخا انا كنت...سكت و دارو راسو بين يديه كيفكر اي حاجة متعلقة بيها...
مروان گلس و شاف فيه
مروان: نت صاحبي وخويا وكولشي اخر مرة شفتك بحال هكا تمنيت كون بقيتي كي كنتي و لكن فرحت فش عرفتك مغروم بفداء ولكن فاش غدراتك رجعتي داك شخص قاسي القلب و سليط وللاسف حب شامة مخلاكش ترجع كي كنتي بقيتي تتعاند وتحارب راسك قلبك بغاها و عقلك كيقولك العكس
نت معارفش اسبابها معارفش شنو خلاها دير اي حاجة ونت عاملتيها بطريقة (سكت ) ...مهم لي فات مات ميمكنش نرجو للوراء ونعاودو نصححو اخطأنا كون قدرنا كون كل واحد فينا صحح اخطاء لي دار حتى انا درت خطأ شحال هادي حتى انا ماشي معصوم من الخطأ ولكن...
(قاطعو الطبيب) سي دياب المريضة ضيعات بزاف ديال دم خاصنا دم و من الافضل شي واحد من عائلتها
ذياب: شنو فاصيلتها
طبيب: AB+
ذياب: صافي واخا انا غادي نوصي عليها خمس دقايق غادي تكون هنا
طبيب: بزربة عفاك المريضة كنفقدوها
ذياب:(شدو و زير عليه من الكول) كيفاش اش تتخرب اش غادي تفقد قسما بالله و يوقع ليها شي حاجة غادي ندفنك جنيها سمعتي
هد البنت مبغيتهاش تأدى
طبيب: (تفك من القبضة ديالو) انا غندير لي فجهدي ولكن رصاصة جاتها جنب قلبها
ذياب:هد الهدرة مكتهمنيش
ذياب:هد الهدرة مكتهمنيش مهم بغيت هد العملية تنجح
طبيب:واخا اسيدي
دخل و ذياب بقا گالس
مروان: انا غنمشي دار نشوف موصيبة ديالي شنو كدير
ذياب:اوك سير
مروان: الا وقعات شي حاجة علمني
ذياب:واخا
كارينا كانت گالسة فصالة حمقااتها الفيلا شافت سلوى هابطة من عند الحاج
سلوى: شنو كديري نتي هنا ؟وشكون نتي ؟
كارينا: انا ضيفة ديال مروان
سلوى: شكون هد مروان؟
كارينا: مووول هد الفيلا
سلوى:ههههههههههه اوى يا الحبيبة ياكما تتحلمي فعز الظهر
كارينا:مالكي تتفرنسي بنت ليك حمقة
سلوى: هد الفيلا ديال سي ذياااب الغزالا
كارينا: وانااا كنعرف مروااان هو مولااهااا
سلوى:(شداتها كدفعها تخرجها) سيري سيري راه باينة غالطة
يلاه اتخرجها حتى شافتو قدامها بالقلدة والجسم رياضي رافع حاجة و مهبط واحد ولا حاجة عاجباه خخخخ
سلوى: ( تخلطات ليها الف مع باء بقات حالا فمها)شششححب الخاااطرر
مروان شد يد كارينا و دخلها وخلاها مقموعة واقفة و حالة فمها : هادي ضيفتي وثانية انا مروان صاحب ذياب هو دابا فكلينيك وجدي شي حوايج لديك البنت لي خدام هنا شامة ياك مهم جمعي ليها حوايجها راها فكلينيك
نقزات كارينا : شكون شامة
مروان: خدامة هنا
كارينا:واش شامة البنت لي شعرها كحل و ماماها سميتها لطيفة ياكو كانت خدامة هنا
مروان شاف فسلوى : مها كانت سميتها لطيفة ياك؟
سلوى:اه راه ماتت
مروان ديجا عارف هدشي حيت عاودو ليه دياب.
شدها مروان من يدها و مشاو لبيت شامة و سلوى غير تتشوف
دخلووو وسد الباب :
مروان گلسها و گلس مقابل ليها: دابا غادي تقولي لي شنو علاقتك بشامة؟ومنين تتعرفيها؟ وكيفاش حتى كتعرفي عليها هدشي كامل؟
كارينا بقات شحال ساكت عاد دوات :
انا و شامة هي البنت لي قلت ليك هرباتني من مزاد العاهرات و يمكن حتى هي تباعت فيه ولا هربات ولكن فش هربت انا هي شدوها
مروان:شنووووو حتى هي كانت معاك تماك ؟
كارينا: اه وهي تتعرف هذاك لي كيكون فواجهة
مروان: اذن هي عندها علاقة مع العصابة
كارينا:لا حتى هي نصبو ليها فخ على معاودات لي
مروان:شنو
كارينا عاودات ليه فاش حتاجت الفلوس و طلباتهم من عمر و بلي غادي ترضهم بالفائدة ولكن العقد كان كينص بلي غتبيع راسها
مروان بقا مصدوم : دياب خاصو يعرف اه خاصو يعرف بهادشي
كارينا بقاات تتشوف فيه
اما هو خرج كيجري تلاقا مع سلوى يلاه بغات دوي معاه
كارينا : اويلي مالو خرج هكاا اووف
وقفات و خرجات
سلوى: ونتي غتگلسي هانا بلا حتى حاجة نوضي ديري شي حاجة
كارينا كلسات: اوى ختي انا ضيفة ماشي خدامة
شافت فيها سلوى ودازت
هبطات كارو (غزلان): شاااااااامة
ضارت كارينا تتشوف فيها : واااعععععععع الكائن الفضائي ديري تحويل
كارو:اش تتخوري نتي اجي قبيلات علاش جيتي لبيتي
كارينا: كنت غير كنقلب وصافي كنتسارى
كارو: كتساراي بان ليك غير قصاريات المحمدية؟
كارينا بقات غير كتشوف فيها..
كارو: وشكون جابك نتي
كارينا:صاحب سي ذياب
كارو:شكون هذا ثاني اووف فيما يلقا ذياب شي متشردين يجيبهم فاللول شامة و دابا نتي يخ يخ يخ كثرتو
كارينا:هييييه راني صابرة ليك مطلعيش فوق راسي و متعايريش لي صحبتي شامة
كارو: هاي هاي صااحبتك هانتي عتارفتي تتعرفي ديك المتشردة تا نتي تريكت المتشردات
كارينا تعصبات وقفات و مشات ليها
كارو كانت دايرة شعرها على شكل ذيل حصان خخخخ رجعاتو ليها كارينا ذيل حمار خخخخخ هبطاتو ليها كامل ريشااتها بالمزياان مخلات فيها غير لي نساتو : هاكي يا سفود العواشر تعايري لي صحبتي و تعايريني معاها غادي نوريك المتشردات شكايديرو اقليلت الحياء طحبة الخرى
خخخخخ مهم كارينا خلاتها غير تزاوگ كارو من نوع الفم سخون ودراع گاضي وكارينا تصبر نهار تفيض تصبنها خخخخخ
🔥🔥في مكان اخر و ديبو🔥🔥
كان قدامو طايح يديه مقطعين لسانو مقطع حيدو ليه سروال و جوج عوازة شادينو و جوج كيخشيو فيه القارعي من لور
معاد: مممم مزال مبغيتي تقول فناهو مصطفى
سمع صوت البوديگار: سيدي البنت راه وصل ليها ذياب و لكن تعرضات لاطلاق نار و راه فكلينيك ..
معاد قفز و شدو من الكول :
كيفاش ياكما ماتت
شاف فيه و بقا ساكت
معاد:دويييي القلاوي
سيدي راه الرصاصة جاتها جنب قلبها هي كانت تتحاول تعتق دياب و لي خطفها شيفور ديالو عرفت بلي سميتو سعيد راه كيديرو معاه تحقيق و رؤساء كبار غادي يدخلو فالقضية حيت ذياب وصا عليه يقضي عمرو كامل يتختخ فحباسات
وقف معاد و شاف فعمر : طلقو هد الزامل و قلبو لي على مصطفى و داك سعيد بغيتكم تسيفطو ليه شي واحد يصفيها ليه فالحبس
البوديگار :واخا اسيدي
داازو ساعات طوال بزاف على ذياب
شاف طبيب خرج : شنو درتو
شاف فيه طبيب وبتاسم : البنت قوية اسيدي بزاف وراه العملية تمت بنجاح و شوية غادي نخرجوها للغرفة العادية وتشوفها
بتاسم ذياب وگلس شوية شافو جاي كيجري جيهتو
مروان:(كيلهث) كي بقات
ذياب:(شاف فيه بستغراب) مالك على حالتك جيتي على رجليك
مروان: محدك كضحك هكا باينة ولات بيخير
ذياب: تماما شوية غادي يخرجوها
مروان گلس وشاف فيه : فراسك هد البنت دازت من ظروف صعاااب بزاااف
ذياب :(شاف فيه مطول) بحالاش؟
مروان: تبعات فمزاد العاهرات و تنصب عليها و شي بزناز هو لس باعها ولكن شكون شراها معرفتش و الاهم هي راه مجرد ضحية وصافي
ذياب وقف و ضار عطاه بظهرو :
انا هدشي كاااامل عارفو ماشي شي حاجة جديدة
مروان:كيفااش نت عارف كولشي ومزال تتعاملها بديك طريقة
ذياب:اصاحبي كنكره الغدر و الخيانة كون جات فالاول طلبات مني الفلوس
طبعا كنت غادي نعطيها ولكن هي شنو اوووف
ضار وشاف فيهم مخرجينها من المستعجلات
🍃خرج من ديبوو و ركب الفيراري ديالو فالاسود🍃
معاد:(دوز مكالمة لبوديگار ) غادي تحط شي واحد يراقبها مني تولي مزيان خرجوها بلا ميشوفها حتى وااحد سمعتي
قطع عليه الاتصال وشاف فتصويرتها
معاد: ماما كان عندها الحق الانقام مغادي يفيدني فوالو لي وقع وقع الا نتاقمت نهال مغادي ترجع لي هي وولدي ولكن غادي نبدا حياتي من جديد مع شامة
بتاسم و هو كيشوف صورتها
💕كان فبيتها و على سريرها و قدامو نفش النافدة و نفس الخامية💕 و مذكرات فيدو ..بتاسم وهو كيقراهم
مصطفى: مكنتش عارفك كتحسي بهاد الحب كامل تجاهي (بتاسم )
درت خطاء وضيعتك من يدي ولكن غادي نرجعك ..سمع شي غوات طل لقا سارة تتغوت طل عليها ولاح ليها سوارت باش طلع.
شافو سارة وطاحت عليه..
سارة: عمممر عمرر داوه داو جاو كيسولو عليك ولكن داو عمر حيت ملقاوكش
مصطفى: (دار يدو مور راسو و جبد گارو من يدو ) ممممم زامل ديال معاد بدا ينفد هههههه بدات اللعبة تزياان
🍂حلات عويناتها بان ليها واقف عاطيها بظهر
شامة شافتوو و بتاسمات : ذذيييااااب
سمع صوتها وضار شاف فيها قرب ليها و دوز يدو على وجهاا: ششش رتاحي يلاه خرجتي من العملية مكاين لاش تعذبي راسك فالهدرة
شامة هزات راسها بواخاا..
رجعات حطات راسها و شدات يدو و هو مقابل معاها...
كيشوف فيها و فعويناتها..
💕فالفيلا خخخخح كارو وقفات بعدما اكلت طرح ديال العصى طلعات لبيت و شافت وجها فالمراية كي المشا قمشااتها مزياان
كارو:هئ هئ هئ 😢😭والله يا الطحبة حتى نوريك شكون كارو الا مخليتك دفعي ثمن غالي ماشي غزلان هادي هئ هئ هئ
بقات تهرنن
اما كارينا دخلات البيت بردات قلبها و قلبنا خخخخخ
دخلات الدوش تخشات تحت رشاشة تتدير باندوش
وشعرها فازگ هابط مع ضهرها شعرها شقر
وصل للفيلا شاف جنابو ذياب طلب منو يجيب شي حوايج لشامة دخل لبيتها سمع صوت الدوش عرفها كدوش جمع شي حوايج فالصاك
وبغا يخرج وهو يشوفها خارج
وهو يشوفها خارجة شافت فيه قدامها وهي شبه عارية عقلتو على داك المشهد لي وقع بين شامة ودياب خخخخ هو نفسو لي وقع بين كارينا ومروان خخخ الا ان مروان ميزگلهاش بوعلام شد الريزو .خخخ.
شافها و حط صاك مشا تجاهها و هي غير كتشوف فيه
حط يدو على عنقها و مهبط صبعو حتى شقة ديال صدرها و هي ضربو بيدها
كارينا:حيد يدك
خخخخ الله يعز العيالات كيتك اشامة غير يبوسك تحلي ليه
مروان رافع حاجبو:ممممم زين كيحشم
كارينا: زين سنغل مش محجووز
بتاسم و ضحك
مروان:الا كان سنغل نحجزوه
كارينا شافت فيه و عضات على شفايفها
مروان: هد الحركة تتسالي معايا
كارينا:اينا حركة
مروان:نوريها ليك ؟
كارينا:اه
مروان:متأكدة باغا تشوفيها
كارينا:اه
معطلهاش تحنى عليها و خشا فمو فالفمها وبدا كيمص ليها شفايفها...و كيدوز لسانو عليهم
كارينا دفعاتو : واش محشمتيش غير حيت عتقتيني باغيني نتحل ليك؟
مروان مصدوم فيها عمر شي بنت رفظاتو بالعكس هوما لي كيتبعوه ويطيحو تحت رجليه...
ولكن مع كارينا مش هتقدر نفرض نفسك خخخخ
مروان هز صاك وخرج بلا كلمة بلا جوج
گلسات و شادة الفوطة عندها: ويلي ياكما قصحت معاه الهظرة اوووف سيد دار معايا زوين وانا كنتكبر و ندير فيها منعرف انجولينا جولي رااني غير كارينا 😕😕
وقفات و لبسات حوايجها
وبقات تتلعب فداك تيليفون محدو ديال شامة اشمن كود تقدر تكون دايرة ليه عيات متجرب فالكودات والو حتى واحد مصدق خخخ شامة دايرة شي كود بين مقود
وصل هبط من الفيراري ديالو و شاف جنابو هبط البوديگار من لوطو لي موراه
معاد: طلع شوف لي واش كاين شي حد الا كان شوف كي دير تصدرو ..
بوديگار راه راسو باه..
طلع و تابعو معاد شاف ذياب گالسة جنبها...
صونا ليه البوديگار: الو نت دياب هبط بغيت نشوفك تحت
ذياب مفهم والو خرج من بيت و خلاها ناعسة
دخل معاد و شافها لام راسو حيت هو لي سيفطها ليه شاف سلوكا و السيروم معلق ليها ..شد يدها وباسها
معاد: غير تولي بيخير غادي نديك من عندو كنواعدك نعوضك احبيبة غادي نسا كولشي الانتقام الثأر غير نتي تكوني معايا وفجني 💕...
بتاسم و بقا كيدوز يدو على شعرها اما هي كانت ناعسة تتحس بلمساتو على شعرها بتاسمات سحاب ليها ذياب
شاف تيليفونو كيصوني :وي شنو مممم طالع صافي اوك
تحنى بغا يبوسها ولكن حبس وخرج
خرج تخالف معاه فدروج
معاد: مممم ذياب يااا ذياب غادي نتلاقاو غير صبر و لكن من زهرك غادي نسا هدشي غير تكون شامة جنبي ..ضحك ضحكة شريرة و هبط..
طلع عندها مزال ناعسة ❤..
شوية دخل مروان وفيدو الحوايج حطهم ليه و حط ليه شوارما
و عصير لفوكا
شاف فيه ذياب: الزامل جايب لي لفوكا بغيتيني نحكو مع الحيط مثلا؟
مروان: وشامة لاش هنا؟؟
ذياب:منيتك نديرها هنا ؟
مروان:معاك ممكن ديرها فأي بلاصتك عقلتي فاش كويتي استادة ديال الماط فالقيسم خخخخخ
ذياب ضحك حتى بانو سنيناتو البويض
سمع صوتها : حتى الاستادة مخليتيهاش ؟
ضار شافها فايقا ومروان كيضحك : خههههه وتشوفي حتى بنت العساس مزگلهاش
شامة صغرات عويناتها فيه بتاسم و شاف فيها
مروان:مهم غادي نمشي لدار في نعاس و كول ليك راه من صباح مكليتي والو
ذياب:واخاا...
خرج مروان و خلاهم
ذياب:(شد يدها) خفتك تمشي
شامة شافت فيه و بتاسمات :هادي اول مرة تتقول شي حاجة بحال هكا
تحنى يبوسها و هو يسمع صوت الباب تحل ..
مروان:هههه سمحو لي نسيت جاكيطي حم حم العشاق ديالنا غير كملو شنو كنتو كديرو هاني غادي
خخخخخ لا مروان بزاف شير عليه ذياب بواحد المخدة جنبو و خرج سد الباب
شامة:هههههه بالمناسة شكون هذا؟
ذياب: هذا مروان صاحبي وخويا من طفولتي 💕...
شامة: ضريف
ذياب:عندي ليك مفاجأة فدار
شامة:بصح شناهية؟
ذياب: شي حاجة غادي تخليك تفرحي وصافي
بتاسماات...:💕مممم واخا
سكتات شوية و عاد عاودات شافت فيه : وكارو
ذياب:(ببتسامة)مالها؟
شامة: هي مراتك (قالتها بشوية )
ذياب:ومن بعد؟
شامة: زعما مغاديش ت...
ذياب:بلا متبقاي تفتفي قولي شنو كاين
شامة:(شدات ليه يدو) ذياب انا كنبغيك
تحنى لعندها و خشا راسها فعنقو وريحتو تتظرب فيها بحال مخدر
ذياب: مغيااارة ديالي
شامة: مممم من حقي نغار عليك
ذياب: واش عندك شي حاجة متقولي لي ؟
شامة:(بتوتر)شنو
ذياب رجع گلس و شد يدها و عينيه فعينيها: شامة كوني صريحة مرة وحدة فحياتك معايا
شامة سكتات تفكرات هدرات
معاد الا سكتات و نفدات هدرتو غادي تلقا حريتها...
شامة:لا معندي حتى حاجة مخبياها عليك (ببتسامة)
ذياب:متأكدة؟
شامة سكتات
وقف وطلق يدها..
وخرج خلاها غير كتشوف فيه
شامة: مالو
خرج وسد الباب شاف فكولوار ديال سبيطار..
ذياب: لالالالالالالالالا علاش علاش اشامة كلما عطيتك فرصة تترجعي تختاري طريق الكذوب و النفاق و الخداع كون كنتي واخا غير مرة وحدة صريحة معايا مكناش غادي نوصلو لهادشي
دخل للفيلا بانت ليه سلوى تتقرا شي كتاب
مروان:ممم في قلبي انثى عبرية زوينة هد رواية
سلوى رضات شعرها للور و شافت فيه ببتسامة: ممم كيعجبوك روايات
مروان گلس قدامها و حط رجل فوق رجل : عزيز علي الاثارة و الغموض
سلوى:ممم مثير للاهتمام فاش خدام؟
مروان:معاك مروان الفاضيلي ضابط الفدرالية الامريكياا
سلوى تقادات فالگلسة : شششنوووو
مروان: خخخخ تهدني متخافيش مغاديش نأديك ولا نسجنك
سلوى:ههه عارفة اصلا نتوما تتشدو غير المجرمين و لي كيديرو علاش انا مدرت والو
مروان:ممم محدك مدايرة والو علاش هد توتر والعرق لي على جبهتك؟
سلوى:(كتحل صدايف شوميز ديالها) غير صهد ز صافي
مروان:(برك على زر الفرفارة خخخخ) هانتي تفوهي لي مع راسك غتحسي براسك بحال فجزر المالديف ..
سلوى : ههه
مشافوش لالة كارينا لي تتغد هوما كيدويو بالعربية ومفاهمة والو فاش شافت سلوى تتحل صدايف شوميز تعصبات و بالاخص فاش شافت مروان كيضحك معاها
كارينا:حم حم بونسوااغ
مروان: وانا في ايدك اكسيسوار
كارينا:شنو
مروان عاق على راسو خخخخخ
مروان: بوونسواغ
كارينا: مممم شنو كديرو
مروان:شنو بنا ليك كنديرو
كارينا شافت صدر سلوى لي باين مروان شاف فين كتشوف وبتاسم منها يرض ليها صرف شوية
مروان: اه كنت مع السيدة الجميلة سلوى صرحة تبارك الله عليها سيدة محترمة و
قاطعاتو كارينا: ممممم محترمة بالزايد صرحة محمد صلاح يتنازل على اخلاقه لك يا فخر العرب
خخخخخخخخ مروان تشتت بالضحك
مروان: ههههههههههه تماما داكشي
كارينا:هههيييههيييي ضحكتيني بزاف
مروان كيمسح دموع : مهم نخليكم نمشي ندوش غذا غادي تجي شامة
كارينا:(بالفرحة) بصح بصح غذا غتحي صحبتي
مروان:(حط يدو على كتفها) اه غذا غادي يجيبها ذياب
كارينا بتاسمات ليه ...طلع لبيتو كيدوش
خنزرات فسلوى لي بادلاتها نفس النظارات
اما كارو(غزلان)مني وكلاتها كارينا العصى معاوداتش هبطاتت
🔥كانت فبيتها تتشوف وجها كلو مقموش ولحم وجها بدا يتحل بحال شي وحدة مشوهة
خدات تيليفونها ودوزات ابيل لطبيبها
كارو: الو شوف وقع لي واحد المشكل ولكن وجهي تضرر ولحم وجهي تحلل بزاااف
طبيب: مدام يلاه درنا ليك عملية تجميل و نتي عارفة مزال مكملات حتى اسبوع وخاصك ترضي البال لوجهك ولكن مهم خاصك تجي عندي باش نشوف فين كاين المشكل
كارو: واخا امسيو
قطعات وهي تتشوف فوجها ودعي فكارينا...خخخخ
ولكن الله يعطيها صحة خخخخخ
عيات متسنااه مني خرج معاودش دخل عندها
نعساات ...
كان فكافيتيريا شاد بيراا كيجغم منها بطريقة رجولية
شخصيتو فشكل والاهم قوي وذكي
جغم رشفة و رجع بذاكرتو للخلف من يوم يومو عندو بزاف ديال الاعداء
و لكن اكبر عدوو بنسبة ليه هو لي مراقب كل خطو كيخطيها و حاط عليها حراسة مشددة ولكن خاصو يطيحو بين يديه ماشي سااهل طيح معاد او السبايدر عالم الاجرام والمافيا الروسية سبايرد لي اكبر منظمة فدرالية مقداتش توصل ليه ...
شد دياب راسو اخر نهار شافو
💥قبل 4 سنوات💥
كان مربوط و دم سايل من راسو
هز راسو و شاف فيه
ذياب:ممعاااد (بصدمة)
معاد: اه معااد ولد الفلاح لي حگرتوه و قتلتو ليه حبيبتو و ولدو لي مزال متزاد
ذياب: هاديك ختي قبل متكون حبيبتك سمعتي
معاد: وان يكن مهم ليوم غادي نصفيها ليك ..جبد مسدس من ظهرو يلاه بغا يتير فيه حتى كيسمع صوت هولوكوبتر نازة فووق راسهم
كان مروان و معاه القناصة كل واحد مشير لصدر معاد لي بدورو حاط مسدس براس ذياب
معاد : هد المرة فلتي من يدياا ولكن غادي نرجع نخليك تندم
خرج معاد كيجري بينما هبط مروان فك ذياب و وقف
ذياب: السبااايدر هو نفو معاد
مروان:شنووو
ذياب:اخر حاجة كنت كنتوقعها
مروان: صرحة تصدمت
💥الحاضر💥
حط البيرا و رجع طلع لبيتها حلها وشافها كيف ناعسة من اول نهار شافها تشبت بيها من اول نهار شافها قلبو ضرب بجهد من اول نهار شافها كتبها بسميتوو💕...
قرب ليها وحط يدو شعرها الاسود مهبط يدو لوجها كيلعب فشفايفها و حناكها بصبعو
حس بالنعاس حط راسو على صدرها و يدو مشبكها مع يدها طبع قبلة على شفايفها و رجع ينعس...
🍃الفيلا
كارينا مجاهاش نعاس
خرجات كضور شافت غرفة صغيرة شاعل فيها ضوء فجريدة
خرجات و مشات ليها دقات و هو يحل ضربات ليها ريحت اللوبيا فوجها ريحتها بنينا بزااف شافت الكوكوط فوق البوطة و بتاسما
عبد النور:شكون نتي ابنتي
كارينا مفهمات والو حيت سلوى و كارو و مروان كلهم عارفين الانجليزية تتجيها ساهلة دوي معاهم اما عبد النور مسكين رجل كبير فالعمر مقاري معالم ...
كارينا بتاسمات و ملقات باش تجاوبو
عبد النور مسح على راسو ملقا ميقول : حم حم اكرام الضيف ابنتي دخلي تعشاي معايا
كارينا شافتو كيأشر ليها دخل
حتى هي زعمات دخلات و گلسات فوق واحد الكرسي
جبد جوج طباسل و كب ليها و ليه وعطاه كاس ديال اتاي
شافتو شداتو وبدات كدوق جاها داكشي بنين
فرمشة عين سرطاط گاع طبسيل و مداتو ليه يلاه بغا يحطو و هي تأشر ليه للكوكوط
بتاسم و عمر ليها طبسيل ثاني شداتو وبقات تاكل اصلا مكيقنعهاش داك العشاء خخخخ الخص و الخيار كي القنية
ضربات جوج طباصل ديال لوبيا و جوج كيسان د تاي
تگرعات و بقا كيموت عليها عبد النور بضحك وحتى هي بقات كضحك
شوية سمعو الباب تحل
مروان:هاي هاي هاي ناس يتعشاو باللوبيا و مروان ياكل الخص على قلبو ...
عبد النور: عاااش من شافك اولدي غبرتي و طولتي الغيبة
مروان:هههه اغير الخدمة اعمي عبد النور
شاف فكرينا لي عابسة مفاهمة والو : حم حم عمي عبد النور را خوي لي شي طبسيل الا خلات ليك هد الهيشة شي حاجة تماك
عبد النور:الخير موجود انا نخوي ليك اولدي
بقا كيخوي ليه عمر ليه طبسيل
شدو و بدا كياكل..
كارينا: شكون هد راجل امروان؟
مروان:هذا عمي عبد نور حارس وجغداني
كارينا:اه ضريف و كيعرف يطيب مزيان
مروان:ههههههههههه مضروبة على كرشك ازغبيااا..
بقات كضحك و هوما مجمعين مروان ضريف ومحبوب عند الكل...
🕷🕸شبكة السبايدر كل من يقوم بالتورط فيها قضيا عليه ..
هذا هو شعار معاد كل من دخل في مصيدته لقي حتفه
شد سهم و شير على صورة ذياب
معاد: يمكن نقوليك سالا وقتك
غذا غادي تموت ههههههههههه
كيضحك بشررر
أفعالك حطمت قلبي وملامح وجهي وكل شيء في داخلي هل ترى وجهي؟
وجهي اصبح شاحب يدي اصبحت باردة اصبحت مملة كثيرا قلبي يؤلمني افعالك دمرتني بالكامل ..🖤🥀
💕اصبح الصباح و غردت الطيور بسمها 💕
شامة:(كتكسل) ممممم
شافتو ناعس على صدرها ويدو مشبكا يدها..بتاسمات وهزات يدو باستها : كولشي غادي يتبدل وكولشي غادي يولي كي بغيت نت ديالي و غادي تبقا معايا كتبغيني و انا متأكدة
قالتها بطريقة سلسلة و همس بحالا كتهمس لراسها..
فاق على صوتها بتاسم بغا يبوسها و هو يتفكر كدوبها علاش علاش مبغاتش تصارحو
قد فراسو و شاف فيها مرة اخرى:
يلاه نوضي لبسي حوايجك غادي نمشيو مراتي كتسناني
شامة سمعات ديك مراتي كتسناني بحالا تخوا عليها الماء بارد...
شافت فيه ببرودة ووقفات دخلات لحمام لبسات حوايجها و خرجات شافتو متكي على الحيط و سااهي فالنافدة قربات ليه و حطات يدها على دراعو
ذياب: يلاه نمشيو
تقدماتو وهو تابعها
تمشاو للخارج...وبقاو شحال كيتسناو الاسنسور دخلو و تمو هابطين شوية علق الاسنسور و تزدح كانت اطيح و هو يشدها بقا ساهي فيها و حتى هي
قربها ليه و هو مزيد على خصرها و
قرب ليها وحط شفايفو على شفايفها
دخلو فقبلة ساخنة ...
💕فاقت و هي تفكر ليلت البارح
وضحكتو و طريقة هدرتو تواضع ديالو بتاسمات و هي تتفكر فش هزها
فش خرجو من بيت عبد نور كانو غاديين حتى تعكلات كارينا و شدها مروان وتم هازها لبيتها..
بتاسمات تفكرات شامة ليوم غادي تجي فرحات كثر ..جمعات البيت و بدلات حوايجها...
🍂حيد فمو من فمها فاش حسو بالاسنسور كيهبط
رجع قاد الكول ديال شوميز ديالو
خرجو من كلينيك شاف سيارتو شدها حيت مزال مقصحة شوية
ذياب:بقاي هنا غير نجيب لوطو
هزات راسها باه ..
يلاه بعد شوية و هو يشوف شي ضوء احمر فصدرو
ذياب فهم انه شي قناص بغا يتيري فيه
كانت واقفة تتشوفو وقف بغات تمشي عندو وهي توقف سيارة سوداء قدامها بزربة هزها و طلعوها وهي تبدا تغوت
شامة : ذيااااااااب ذياااااب
سمعها كتغوت وضار يمشي عندها وهو يتسمع صوت اطلاق نار
وطاح دياب فش شاف ضوء الاحمر على صدرو ...هز راسو شافها ختافات من قدامو وحتى سيارة
ذياب: لااااا شااااامة فاك فاك كان خاصني نتوقعها زااامل
دوز ابيل لمروان لي كان يلاه خرج من دوش ..
مروان: صباح الله هذا مالك مصبح علي ا هاد زامل
ذياب: سمع سمع بركة من ضحك شامة تخطفاات بزربا جيب لي سلاح ديالي و حرج من فيلا دابا تكون عندي امروان دابا ...
مروان: فاك واش هذ شامة كيتناوبو عليها يلاه كنرضوها كيخطفها واحد اخر شهاد العبث الو الو الوووو
شاف الاتصال تقطع : اه غير قطع نت كتعرف غير مروان اجي شامة تخطفات الحمد لله هد شامة مكيناش فأمريكا كون راني خدام غير معاها فاك ...
خخخخخخخخ لا بزاف هد مروان
لبس حوايجو و تم هابط حتى كيوقفو صوتها
كارينا:فين غادي
ضار شاف فيها حك راسو : صحبتك المصونة الهدف ديال اي خاطف تخطفات ثاني
كارينا: شنوووووو
مروان:هاهاها كي كتسمعي
كارينا: بلاتي بلاتي نجي معاك
مروان: يلاه زيدي نتي لي بقيتي تخطفي
كارينا :الله ينجيني
خخخخ طلعات تتجري لبسات حوايجها و هبطات
طلعو فالسيارة
🕸🕸سبايدر سبايدر العنكبوث موميت سبايدر سبايدر 🕸🕸
لحن كيتردد فأرجاء المصنع لحن موميت لحن بحال السم
في هده الحياة الطويلة سوف تواجه الكثير من الاقنعة و القليل من الوجوه
في هده الحياة الطويلة سوف تواجه الكثير من الحقد و القليل من الحب
في هده الحياة الطويلة سوف تواجه الكثير من الحزن و القليل من السعادة
لذلك احرص على اختياراتك الصحيحة...
💕فاقت و شافت الضلام
شامة: اي راااسي ذياب ذياااب
سمعات صوت التصفار كتعرفو مزيان هذا نفسو اللحن لي كانت كتسمع معاد كيغنيه
شامة:معاد
ضار الكرسي و على وجهو قناااع
وقف و يديه فجيبو لبس كوستيم اسود : سباااايدر
شامة شافت فيه و قلبها كيدق ف مئة..: معاد ياك ولكن علاش هدشي كامل ياك كنت كندير لي طلبتي مني علاش خطفتيني
عطاها بظهر و حيد القناع على وجهو : بدلت رأي ديالي انا شريتك ومن حقي ندير فيك لي بغيت وليوم تنازلت على فكرة و بغيتك غير نتي
ولي تجرأ يشوف فيك او يحاول يقيسك غادي تكون نهايتو على يدي
شامة مصدومة
شافت شاشة قدامها بحال سينيما خدمها و بقات كتفرج..
كان سعيد كيقطعوه طرف بطرف
شامة:(كتغوت و سادة عينيها) طفيه طفيه طفيه هئ هئ هئ 😭😭😭😭😭😭😭😭مبغيتش مبغيتش نشوفو مبغيتش هئ هئ هئ
معاد:هههههههههه هو تجرأ وحط عليك يدو تجرا وخطفك
هذا كان عقابو
شامة غير كتبكي : نت مريض ا معاد والله حتى مريض و خاصك داوى
معاد: هو لي مريضني سمعتي هو
شامة:شكون هو؟
معاد:ههههههه بات ذياب هو لي عدبني فحياتي و خدا لي حبيبتي وولدي و خلاني نولي مريض نفسي
شامة:الحاااج
معاد:ههههههههههه اشمن حاج هذاك وخا يطوف مكة المكرمة بأكملها مغاديش يغفر ليه الله ذنب لي دار
شامة:شنوو دار ليك
معاد:قتل ولدي و حبيبتي قتل لي عائلتي بابا ماما كوولشي حاول يقتلني ولكن انا بسبعة د رواح مغاديش نموت حتى نااخد روحو
شامة هزات راسها وهي تتشوف فيه بحال شي حمق فقد سيطرة على راسو
هز عنكبوت و حطو فوق يدو : شتي هد الحشرة واخا صغيرة ولكن كتقتل سمها قوي مرحبا بيك فالشبكة العنكبوت هههههه مع اخر حرف شعل ضوء و شامة مصدوم من الكم الهائل ديال العناكب اشكال و الوان و اصناف
☘وصلو لقدام كلينيك هبطو و هو يبان لي ذياب كيف البركان شويا و غادي ينفاجر حخخخخ
مروان:هانا على روميو خطفو ليك جولييت عاود ثاني حنى نقابلو ليك غير الاميرة ديالك
ذياب ضرب فيه و شد سلاح و طلع لوطو : لحق علي
مروان: علم شاف
شاف فكارينا و طلعو تبعوه
شاف فكارينا و طلعو تبعوه هو سايق بلا عقل و فودنو ليزيات كيسمع صوت الهاكرز لي كيدوي معاه
ذياب من بعد خطف شامة ولا كيتوقع يتعاود نفس البلان ولحسن الحظ دار ليها جهاز تتبع فحوايجها و فعلا صدق توقع ديالو صحيح
ذياب:وي فين قلتي اه خارج كازا مستودع مهجور اوك
تم سايق بسرعة جنونية لدرجة حتى اشارات المرور مبقاش كيتسوق ليهم
ذياب : لالالالالالالالالا متحاولش تقيسها هدشي كامل مني مني بسبابي
وصل و مروان و كارينا تابعينو من لور ولكن معطلين عليه
سي ذياب كيتمشى على البساط خخخخ اما مروان فكارينا تتخاف من سرعة الفائقة غادي كي الحلزون
مروان: شتي فأخر ياماتي وليت كي الحلزون شوفي شوفي غير شارف بو عكازة سبقنا و حنى مزال كنسوق على البيض اش داك تجي معايا اش داك ؟
كارينا:نيننينينين سكت سكت شوية ضريتيني فراسي واش عارف شحال من واحد كيموت فطريق شوف شوف
تبارك الله
شوف الشمس تمتع لي بالهواء
مروان: حتى يسولني ذياب فين كنت قولي ليه كنستمتع بالهواء ابنت ناس
كارينا: هانت شوفو راه طار الا سولك قوليه خسرات لي لوطو شتي شحال ساهلة
مروان:ههههههههههه واو والله مكنت عارف تتخصر لوطو
شوية وقفات ليهم لوطو
كارينا:اويلي مالها
مروان:بلاتي نشوف
هبط من لوطو و لقا دخان خارج منها
هبطات كارينا و تتشوف فيه : اويلي علاش دخان كيخرج منها واش خسرات ديال بصح ؟
مروان:لا لا غير لوطو كتكيف گارو واش مكتشوفيش بلي خسرات
اللهما اعطيني صبر سيدنا ايوب مع هد المخلوقة
ضور لاحد رجالو يجيب ليه لوطو خخخخخ اما كارينا ضربات طم
يتبع..
