صفحة القصة
قطعات وتنفسات بعمق هدي حريرة وهي لي دخلات ليها خرجات من بينها كتسلت وكتمشى على مشاط صباع رجليها خايفة بزاف..... طلعات فدروج بعدما تأكدا بلي كولشي باقي ناعس.. طلعات بالصمت بلا مدير الحس وصلات قدام المكتب و حلاتو و ردات الباب و دخلات بسرعة تتقلب بين الملفات ملقات تا حاجة شوية شافت شي كوفر تحت المكتب تحنات شافتو فيه كلمة السر...
سمعات شي صوت جاي جيهت المكتب ملقات فين تخبا تخشات تحت المكتب و سدات فمها بيدها...
دخل ذياب لمكتب ديالو كيشم شي ريحة من غير ريحتو بالمكتب ولقاه محلول هو عادة كيخليه مسدود...
دخل و گلس فالكرسي.... بينما شامة تحت المكتب كتشوف فرجليه وفين كيحركهم قلبها شوية ويوقف و خصوصا كلما قرب رجلو لجيهت فخاضها....
ذياب :(كيدوي فتيليفون) اه فهمت ممممم واخا لي بان ليك ديرو اوك مهم سيفط لي شي وحدة جديد لي قبل مليت منها بغيت وحدة جديدة واخا..
تقطع الخط وشامة تتسول فراسها شكون هد الجديد وشكون القديمة لي مل منها؟! شوية تفكرات الموقف لي هي فيه موقف لا تحسد عليه 💔
ذياب لصق مع الكرسي مبغاش ينوص وهي عييات متصبر شوية وتخنق....
اخيرا وقف و تم خارج وتسد المكتب والموصيبة سدو بساروت من برى
خرجات شامة وبدات تتلطاقت انفاسها....
شامة:كح كح كح كح (حلات شرجم كتشم الهواء) اووووف كون بقا غير دقيقة كنت غادي نموت ولكن شنو غندير دابا سد الباب بساروت منين غادي نخرج
بدات شامة تتقلب فالبيوت ذون فائدة معندها حتى مخرج الحل الوحيد هو نافدة وبعيد على الارض تكون بعلو شي 29 خطوة
شافت شامة حتى عيات و سدات عينيها ونقزات ولكن تلوات ليها رجليها... وقفات تتعرج وشعرها لصق فيه اوراق شجر و التراب
دخلات لفيلا تتعرج تلاقات مع دياب گالس رجل على رجل وشاد فيدو تيليفونو.... دازت من حداه
شامة:صباح نور
شاف فيها شوفة مطولة.....
ذياب:صباح الخير الفطور فيناهوا وشنو هد الحلا ومالك فرجليك مالكي واش كنتي كتصارعي فشي مصارعة؟
شامة: لا غير طحت
ذياب:اوك سيري ديري داكشي لي گلت ليك...
شامة : واخا
ذياب : نسيت مقلتش ليك بش ترسمي فخدمتك خاصك تجيبي شي وراق
شامة : بحالاش؟
ذياب : شهادة العزوبة و صور ليك و.... الخ
شامة:(هدشي كامل تقول غادي نتزوجو) وااخا اسيدي
ذياب : يلاه سيري
مشات شامة تتعرج لكوزينة خدات داكشي ديال الفطور قاداتو وحطات الفطور لخدمة دسي ذياب و دخلات تغسل حالتها وتعاود دوش....
كمل فطورو وطلع لبيتو
خدا بيسي لقا ايميل وصلو كانو صور بنات ختار وحدة وسيفطها...
وسيفطها.... رجع شاف فالملف لي فجنبو و بتاسم و شعل كميرات المراقبة كيتفرج شوية بقا كيضحك
ذياب : هههههههههه (ضحكة رجولية ممزوجة بالكبرياء)
غمزاتو باينين اول مرة يضحك بهاد طريقة ❤... وقف و بدا كيطل من نافدة ديال بيتو شوية شاف فسرير ديالو و بتاسم
ذياب : مبقا والو ونتواجهو....
بتاسم و هو متكي راسو على الحيط
شوية وصلاتو رسالة من نفس الايميل
شافها وبتاسم ورجع دخل دريسينغ يبدل حوايجو.... بينما عند شامة لي يلاه خرجات من دوش ولبسات كسيوى فالابيض حد الركبة و سنيديلا صيفية و جمعات شعرها على شكل ديل حصان و خلات زغيبات بجنب ودينها .. دارت گلوس مع ريسيل فقط.... خرجات لقاتهم فطرو و نصبات الغذاء و طلعات تجفف الغرف لي لفوق كيف عادتها وصلات غرفة الحاج و دخلات شاف فيها وبتاسم
الحاج : صباح الخير
شامة : صباح نور الحاج كي صبحتي
الحاج:مزيان ابنتي الله يعاونك
شامة:امين ❤...
الحاج: اجي ابنتي گلسي حدايا..
گلسات حداه و هو غير كيطلعها ويهبطها....
الحاج: كتشبهي لماماك وصوتك فكرني غير فواحد البنت كانت بريئة بحالك وحتى هد البريق نفسو لي فعينيك كان فعينيها.... ولكن تلاشا مع الوقت.
شامة : علاش شكون هادي؟
الحاج:الله يرحمها ابنتي كانت عزيزة على ذياب ختو صغيرة كانت سميتها نهال
شامة: الله يرحمها مهم انا غنمشي بسلامة
خرجات وتفكرات الوراق خاصها تاخدهم الا قالتها لمعاد بتأكيد ايسمعها خل ودنيها اللهما تحاول مرة اخرى.... دخلات كتسلت لمكتب بعدما حلاتو مشات لكوفر مرة اخرى بقات كتشوف كلمة سر تتكون من خمسة احرف بقات تتفكر والو شوية تفكرات هدرة الحاج ختو صغيرة نهال
N.H.A.L.E خمسة احرف عاودات كتبات سميتها وتفتح الكوفر تصدمات واش ممكن هد الانسان القاصح يصدق قلبو حنين لهد درجة بزاف
بقات كتقلب حتى لقات الملف ديال المناقصة وخداتو خرجات.....
خرجات و مشات تتجري لبيتها دارتو فبلاستيكا سوداء حطاتو فسطل القمامة.. وخرجاتو خواتو فبركاصة لي مقابلة مع لتيغاس ديال ذياب لي منتابهاتش ليه و هو كيطل
دياب:(حك لحيتو و هو كيتفحص كل جزء من جسمها)...
رجعات شامة تتجري دخلات لفيلا ومشات لبيتها شوية سمعات صوت شي حاجة تهراسات فالصالة مونجي
وقفات ومشات بتجاه صوت
كان ذياب عاطيها بظهر و كيطل من نافدة
ذياب: (مضارش بقا عاطيها بظهر) جمعي داك زاج
شامة كتافات تهز راسها بآه و طارت جابت جفاف تتجفف و تتجمع زاج شوية حسات بشي حاجة دخلات فيدها غوتات
شامة:اااااااي (كان شوية دم هابط من يدها)
ضار دياب شاف يدها كتنزف بدم وطرف ديال زاج مغروس فوسط يدها مشا بخطواة ثابتة بتجاهها
تحنى و شد يدها
ذياب : كظرك بزاف؟
شامة:(سهات فيه) اااه شوية
ذياب :(برررك بجهد على يدها) و دابا
غوتات شامة على حر جهدها حيت زاد ورك على زاج دخل ليها فيدها..
شامة : اي اي اي كيضرني عفاك بركة
ذياب:بركة (زاد وررررك بجهدددد)
شامة : اااااااااي اااااي بركة حرام عليك كضرني
ذياب زاد خشاها حتى قرب يغرسها كاملا فيدها ودم هابط
ذياب :(طلق يدها) متخافيش هذا الم صغير بزاف
شامة : (كتافات تبكي فصمت)
خلات داكشي لي فيدها و وقفات تتجري لبيتها
شامة:هئ هئ هئ هئ هئ هئ هئ هئ هئ هئ هئ هئ هئ مافيهاش هد سيد حمق ولا مختل عقلي....
بقات غير تتهرنن 💔وتبكي و تحاول تخرج ديك زاجة من يدها...
حتى خرجاتها و طلقات الماء على يدها وتتشوف فالمراية بقات تتشوف فوجها شحال هزات واحد قرعة ديال سائل غسيل و شيرات بها لمراية
شامة:الله ينتااااقم منك حقير حقير
وبدات تتسب و تشم غير بوحدها
ملاحظاتش الكاميرات لي كانو فوق راسها
عند ذياب...
لي كان كيشوف فيها من كاميرات و كيبتاسم
ذياب : كنكره الخيانة و الغدر
وقف و خرج من بيتو هبط وبزربة طلع فسيارتو ..
شامة بقات كتبكي فصمت شافت موراها بان ليها واحد السكين كانت كتنقي بيه الخضرة حطاتو على يدها يلاه بغات دوزو على يدها ولكن مقدراتش
لاحتو بدات تتبكي ..
شامة ديك البنت الطموحة القوية و الضعيفة من داخل
داخل ديالها بنت صغيرة ..
شامة: هئ هئ هئ علاش علاش ديما خاصني نكون طايحة فهاد الموقف علاش علاش
بقات تتبكي و تنخصص و هي حاسة بروحها غادي تخرج ..
مرة النهار وحلا المساء 🍂
دخل بهيبتو كيف العادة شاف العشاء فوق الطاولة بتاسم و شاف فشامة لي كانت تتحط العشاء
دياب مشا گلس و هي مكتشوفش فيه
دياب: صبي لي ويسكي
بلا متجاوبو هزات القرعة و خوات ليه و مداتها ليه و هو يشد يدها
شامة مزال مبغات طلع فيه عينيها كيخلعها شافت يدو شدات يدها عضات على شفايفها 💔
مقدرش يصبر وقف و شد الكاس حطو و جرها لعندو و دخل معاها فقبلة سااااخنة شيء لي خلا شامة مصدومة فيه
دفعها ووهو يرجع گلس حركة بسيطة منها خرجاتو على طوعو
شوية تسمع صوت كعب عالي
داخلا مع الفيلا ضورت شامة راسها و هي تبان ليها بنت زوينة بزااف و لطاي ديالها بوومبة شافت فيها و بتاسمات : سلاام انا كارو مرات ذياب
شامة تصدمات اويلي صدق مزوج و عندو مراتو شافت فيها وهي مزال مصدومة
ذياب: اجي احبيبة .
تمشات حتى حداه و گلسات فحجرو و هي محاوطة عنقو شاف فيها ذياب و بتاسم
ذياب: جيبي ليها طبسيلها
شامة هزات راسها باه
مشات لكوزينة و هي كلها تترعد معرفاتش علاش ولكن مستحيل يكون مزوج
حطات ليهم الطباصل و العشاء...
يلاه ضارت تمشي و هي تسمع صوتو
ذياب : جبتي دوك الوراق لي طلب منك
شامة: اه
ذياب : مزيان سيري جيبيهم
مشات شامة حلات خزانتها و هزاتهم
جابتهم ليه و مشات هو تعشاو و طلعو ينعسو
شامة لي فيها ممهنيها ....
مجاهاش نعاس خصوصا لقطة فاش قال ليها مراتي مبغاتش تحيد من قدامها...💔
وقفات و بقات كطل من شرجم
تفكرات مصطفى شحال كانت تتبغيه ولكن هو صدمها طلع بزناز و مرحمهاش باعها برخيص و معاد لي شراها ودابا كيلعب بيها كي الدمية لي بغات هو حريتها و صافي بغات تكون غير حرة و تهنا من هد العبودية لي ولات تتحس بها ...
طاحو دموعها فاش تفكرات دوك البنات مساكن لي تباعو ..كل وحدة وفين تبااعت..
لبسات بينوار قصير وخرجات تمشي كوزينة تشرب هزات كاس د ماء و عمراتو والضلام كولشي نااعس
خرجات و هي تتسمع صوت شي غوات
طلعات مع الدرج متبعة صوت
حتى شافت ضوء مزال شاعل
فبيتو
طلعات شافت ضوء مزال شاعل فبيتو
و شبه محلول
وقفات وهي حفيانة شافتو عريان و هي تحت منو وهو فوقها
وهي تتصدر صوت الاهات و تتغوت فش كيزيد فالوتيرة بلا متحس طاحو دموعها قلبها ضرها معرفاتش علاش ولكن متحملاتش المشهد مقدراتش قلبها كيتحرق شافتها تتحط يديها مور عنقو وتتجرو ليها قلبها بدا كيتقطع
ذياب كان متكي عليها حتى هز راسو شاف شي خيال فالحيط شاف انعكاسها فالمراية لي فالسقف بتاسم وهو كيشوفها تتبكي و يدها على فمها باش ميسمعوش صوت شهقاتها ...
دياب : كنبغيك ا كارو كنبغيك
شامة قلبها مع كل كلمة تتشعل فيه العافية بزربة رجعات تتجري و تبكي
دخلات ييتها و طاحت فوق سريرها تتبكي
شاامة: علااااش كنبكي علااااش اصلا شكون هو بنسبة لي فيقي اشامة فيقي واش حماقيتي شكون هذ ذياب گاع مكيشوف فيك ولكن هو باسني علاش باسني ولكن مزوج و كيبغي مراتو
علاش غادي نبكي على واحد اصلا ممصوقش لي ؟
نعسات و هي معنقة مخدتها...
💕في مكان اخر ...
كان متكي على كرسيه و فيدو سيجارة و الدخان طالع لسماء و كيسوط فهواء
عمر : مصطفى عرفت بلي راجل لي شراها مليونير و عندو شركات و عضو اساسي فمافيا روسيا منقدوووش عليه غير نساااها
مصطفى دفع البيرو وشاف فيه بنظارات كون كانو قرطاص كون قتلوه
مصطفى:(كيدوي من تحت سنانو) غادي تجيبها من تحت الارض مكيهمنيش سمعتي ؟
عمر : محدك كنتي باغيها علاش بعتيها فالمزاد
مصطفى: مااااشي سوووقك سمعتي مهم بغيتها ترجع لي ..
عمر : اووف هانا غادي
رجع گلس فوق الكرسي هد الايام كاملة و صورتها وهي واقفة محيداتش من عينيه نظارتها لي كانت عامرة بالاحتقار و الاشمئزاز مبغاوش يخرجو من قدامها...
وقف و تم خاارج...
🍂معاد توصل بالوراق ولكن مكانتش فيهم شي حاجة مهمة مجرد بنود و عقود وصافي ماشي شي حاجة لي غادي يقلبها سلاح ضدو ...
گلس كيشوف فصورتها مرة اخرى
معاد: غادي ناخد ليك حقك غير كوني هانية.
بتاسم و هز تيليفون بدا كيدوز صور شامة و هي تتسلت و فاش لحت زبل و هي كطل من شرجم
حط ليها رجال يراقبوها ...
هز تيليفون و دوز نمرتها...
شامة كانت ناعسة حتى تتسمع صوت تيليفون
شامة:(بصوت ناعس ) الو
معاد:نعستي
شامة: اه
معاد: هدشي منفعني فوالو حاولي تقلبي على شي حاجة خرى وبزربة راه معنديش الوقت
شامة : واخا
معاد: تصبحي على خير
شامة: وانت من اهلو ..
سدات و لاحت تيليفون ورجعات نعسااات..
💕اصبحنا واصبح الملك لله 💕
فاقت فصباح و عضامها ضارينها عينيها منفوخين بالبكا
دخلات للحمام و طلقات رشاشة
غسلات و لواتها المنشفة على شعرها و نصها
خرجات و لاحت الفوطة و بقات تتنشف شعرها ملاحظاتش
انه كان واقف موراها و عينيه غادي ياكلوها ...
ضوات راسها و هي تشوفو قدامها و شافت راسها عريانة و هو كيزيد بتجاهها وكل خطوة كيزيدها هي تترجع بلور...
شامة: شنو بغيتي
ذياب: مممم جيت نشوفك
شامة: شنو بغيتي تشوف في ذياب راني عريانة خرج لبس حوايجي
ذياب: ممممم اوك جيت على قبل وراق لي طلبت منك
شامة شاف فوق كوافوز بانو ليها الوراق اصلا كانت قاداتهم باش تعطيهم ليه خداتهم و هي تترعد مداتهم ليه شدهم و هو مبتاسم
ذياب: مممم مزيان مزيان مبقا قدما فات
شامة مفهمات والو تتحس بيه بحالا شي واحد غاامض بزااف💔...
خدا الوراق و خرج سد الباب
عااد تنفسات الصعداء حطات الفوطة و خدات حوايجها تتلبسهم...
لبساتهم و خرجات و جدات الفطور كيف كل نهار
و طلعت تتجمع البيوت و هي تفكر كلام معاد خاصها تبحث مزيان وتلقا شي معلومة تفيدها
دخلات المكتب ديالو وبدات تتقلب فيه...
ملقاتش شي حاجة مهمة لي غادي تعاونها او تفيدها تنهداات و خرجات ثاني..
كملات البيوت حتى وصلات لبيتو تفكرات ليلة لبارح طاحو دموعها
يلاه تتجمعها شافتها خارجة من حمام و عريانة ملبسااا والو وجسدها مغري مي ماشي كثر من شامة
شافت فيها شامة و كلها تتغلي معصبة بزاف
كارو: مممم حبيبة جيبي لي فطوري هنا و وجدي لي حمام
شامة كتافات تهز راسها بأه
خرجات و بدات تتقلدها
شامة: نيننينينينيني معوقة الخرى تفو كيدايرة اووف ياربي تصبرني بركة علي صدمت مصطفى و دابا قلبي مرة اخرى كيتصدم اووففف
قادات ليها البلاطو و طلعاتو ليها و دخلات توجد ليها الحمام
كارو من برا : انا غنمشي ندير رياضة شوية نطلع ندوش ديري لي ماء داافي و معاه الباندوش ديال الشكلاط..
شامة: واخا..
خرجات بلباسها السبورتيف
شامة: ناس يعيشو و يديرو الرياضة و يدوشو فليموزين اما نتي اشامة ضربي جفاف و تباعي كي المونيكاا تفو على حياة كي دايرة تفو...
بقات تتلعن حياتها و تحك داك البانيو عمراتو بالماء و دارت الباندوش وحطات فوطة جنبو
يلاه بغات تخرج وهي تلقاه موراها عريان لبس غير شورط...
شامة: سي ذياب سمح لي نخرج
يلاه بغات تخرج و هو يجرها جيهتو
ذياب: فين غادة
شامة: تتتحححتت
تتقولها و تترعد كلها تتفتف
شاف فيها و بتاسمة الابتساامة لي تتذوبها جرها و بلا مقدمات دخل معاها فقبلة لي بورشاتها
ذياب : ريحتك
شامة مبقاتش قادة دوي مبنجة همسات ليه : مالها
ذياب: تتسطيني
كالاها مع الحيط وفمو على عنقو طالع نازل فيه كيمص كل قنت وكل جزء فيه💕...
هابط مع عنقها حتى صدرها المبندر.
شاف فيها كيطلع و يهبط بسرعة و هي سادة عويناتها و تبوريشاا طالعة معاها ...
تبوريشاا طالعة معاها شوية شافتو ختافا حلات عينيها شافت قميجتها محلولة و الشقة ديال صدرها باينة عنقها فيه ريقو اذن هدشي حقيقي وماشي غير تتخيل...
سدات قميجة و شافتو عاود دخل طلعها و هبطها
ذياب: شنو مزال كديري هنا ؟ يلاه هبطي كملي خدمتك
شامة جاتها بحال شي تصرفيقة 💔 هد سيد حال و احوال مفهمات فيه والو شافتو دخل الجاكوزي و ترخى
ذياب بصوت عالي: ياااكما بغيتي العراضة باش تخرجي
شامة عاد عاقت على راسها و خرجات
ودموع فعينيها
شامة: هئ هئ هئ يبوسني و يسبني حقير
هبطات و هي تتهرنن شافت كارو رجعات و فيدها قريعة صغيرة ديال ماء و عرقاااانة بسباب رياضة
كارو : شامو وجدتي لي حمام؟
شامة: اه امدام
بتاسمات و دازت فيها و طلعات
مشات شامة للكوزينا تتكمل خدمتها...
🔥فمكان ثاني كان متكي على الكرسي و كولهم مجموعين على الطابلة
معاد: ممممم دابا خاصنا نديرو شي حاجة باش نقدرو ندخلو هد الحشد من الارهابيين للبلاد
بوص: تماما امعاد خاصنا طريقة دقيقة باش ميحسووش بيهم
معاد: طريقة وحدة لي غادي يمكن باش ندخلوهم هي دياب يوقع على الوراق ديال ويوانا باش يقدرو يدخلو بلا تفتيش فالهويات
البوص : هههههه كضحك علي دياب مستحيل يسيني ثانية خطر كبير علينا يعرف بعصابتنا
معاد: هههه وشكون قالك غادي نقولوها ليه عندي طريقتي باش نوصل ليه
بوص : هههههه تايق فيك نهار لول عرفتك تستاهل ثيقتي اذن خاصنا نحصلو على توقيعو فأقرب وقت
معاد : كون هاني (وقف وتم خاارج) دياب اجلا ام عاجلا غادي ينتهي و غادي يطيح بين يديااا
💕شامة نهار كامل و هي مخشية فالكوزينة طيب الغذاء و تجمع شقاء كولشي عليها حسات بيه موراها و يدو على ظهرها
شامة: سعيد
سعيد : شامة
شامة شافت فيه و مفاهمة والو : مالك
سعيد: بغيت ندوي معاك على انفراد
شامة: شنو بغيتي
سعيد: شامة عطيني فرصة علاش مبغيتيش تعطيني فرصة انا اول نهار جيتي مع لطيفة عجبتيني و بغيتك صرحة مكرهتش شي علاقة معاك
غادي نتزوج بيك مغتبقايش محتاجة لهاد الخدمة و تكرفيص انا غنخدم ونتي تبقاي فدار شبان ليك ؟
شامة شافت فيه و كلها تترعد : عفاك بعد مني
سعيد : علاش مالي انا ماشي راجل ؟
شامة: سعيد نت بحال خويا ماشي بزز مني نتزوج بيك عطيني تيساااع عفاك
دازت و خلاتوو واقف و هو شوية و غادي يفتارسها
سعيد: الا متزوجتش بيك مسميتيش سعيد
بتاسم و خرج ...
💕فمكان اخر
مصطفى: شنو عرفتي
عمر: راه عرفنا بلي داك معاد سيفط شامة تخدم خدامة فواحد الفيلا مولاها ملياااردير معرفناش سبب
مصطفى: ماشي مهم سبب مهم شامة ترجع لي ..دوي مع داك معاد قول ليه بغينا البنت و نرجعو ليه فلوسو
عمر:شنوووو 60 مليون كاملة
مصطفى: سوووقك؟
عمر: ولكن
مصطفى: ما والكين والو .
خرج عمر و هو حاقد على الوضع...
🔥في مكان اخر كانت ناعسة و الاجهزة طبية مضورا بيها و شخص مراقبها من مور نافدة : دابا ادكتور سيمانة و هي ناعسة واش مغاديش تفيق
دكتور: ضربة جاتها قوية ولكن متخافش غالبا قريبة تفيق ..
بتاسم و هو كيسمع هدرتو قريبة تفيق
❤❤
لبس حوايجو و شاف تيليفون كيصوني
ذياب: وي شنو درتو؟مممم صافي سالاو الاجراءات؟ اوك مزيان
شاف فيها خارجة من دوش
دياب: كارو واش جبتك دوشي و ديري رياضة ؟ ولا حاجة خراا
كارو: انا غادي ..قاطعها: كارو بلا متعصبيني
كارو : واخا صافي..
خرجات من كوزينا و فيدها سطل د نفايات خرجااتو و هو يشدها من يدها
سعيد: شامة بلا متقصحي راسك
شامة: سعيد طلق مني
سعيد: شامة شوفي انا (سمع صوتو وهو يطلق من يدها )
ذياب: الرومانسية فالخدمة معندنا منديرو بيها نتي كتخدمي هنا ماشي تتعشقي لي مع عشيقك دخلي لداخل و نت عندي معاك هدرة خرى
شامة جاتها الهضرة بحال سم على قلبها طاحو دموعها و دخلات دازت من حداه شد من يدها و همس فودنها
ذياب: نشوفك قريبة منو غادي نقتلك
شامة هزات راسها فيه و دموعها طايحين على خدو مفهماات والوو..
هد سيد دغياا كيتقلب💔
شافت فيه و هزات راسها بواخا...
دازت و شافت كارو واقفة تتطلع و تهبط فيهم ...
ذياب : تبعني نت
تبعو سعيد و طلعو لمكتب ديالو
ذياب: (لاح ليه ضرف ) هذا اجرك يمكن ليك تمشي
سعيد:ولكن علاش ؟ شنو درت؟
ذياب: حطيتي عليها يدك جوج مرات
سعيد : مفهمتش
ذياب: ليوم فصباح و قبيلات جوج مرات تتوقف عليها و هي تترفضك ؟ غادي نخليك هنا هههه مستحيل و دابا هز هد ضرف وخرج بلا منعاود هدرتي
سعيد: مسيو ديااب عافاك سمح لي راه هاز مي و با من هد الخدمة انا بغيتها للحلال ماشي نظحك عليها
ذياب:(بعصبية) قلت ليك خرج
شاف فيه عرفو مستحيل يعطيه فرصة خرج و هو صاااعر 💔
سعيد خدا ضرف و خرج و سد الباب موراه
ذياب شاف من نافدة
تفكر فاش شاف الكميرات فصبااح و فاش شدها مكرهش يهرسو ليه يدو و فور ما شافها ليوم حاصرها فضلام هبط بزربة ..
ذياب شاف فكارو دخلات : بقاي دقي عاد دخلي
كارو: سمح لي ولكن شنو علاقتك بديك شامة
ذياب: جبتك باش تبقاي تفرعي لي راسي و تبقاي تسوليني
بلاصت متفرعي لي مخي بهادشي نوضي ديري شي حاجة مفيدة
كارو: اه واخا..سمح لي
خرجات
كارو: هد شامة موراها سر كبير مافيهاش...
🍂كان گالس كيشوف صور ليها و هو يدخل
عمر: هذا هو عنوان الفيلا
مصطفى : مزيان يلاه
خرج و شدو طريق لفيلا عند معاد
سااعاات وصلو و دخلوو بعدما اذن ليهم معاد
مصطفى:(مد ليه يدو) لي نطولوه نقصرو قبل اي حاجة بغيت البنت و فلوسك يرجعو ليك
معاد گلس و حط رجل على رجل
معاد: ممممم فش كنشري شي حاجة مكنعاودش نرضها
مصطفى: المعنى؟
معاد: (لاح ليه شيك) معندي مندير بهاد 60 مليوم لي كيهمني البنت و هي دابا ملكي
مصطفى: البنت انا بعتها ليك اذن انا بغيت نرضها
معاد وقف و شاف فيه بحدة
معاد: قلت ليك مغاديش ترجعها دابا هي ولا ملكي مفهووم؟
مصطفى بقا كيشوف فيه بتحدي
مصطفى : غادي ترجع لي بزز ولا بخااطر
خرج و زدح الباب و معاد مزال محتافظ بنفس تعابير...
شامة كانت ناعسة ولبسا غير دوبياس ناعسة على كرشها...
شافت الباب تحل سدات عينيها..
ولكن سمعات صوتو
ذياب: عارفك مناعسااش
شامة حلات عينيها و طلعات الليزار غليها
شامة: شنو كدير فبيتي راك راجل مزوج
ذياب: ومن بعد
گلس حداها و هو لبس غير تيشورط و شورط حط يدو على عنقها و هو كيلعب بصباعو فوق شعرها ..
بتاسم وهو كيشوفها تترخى لمسة منو كترخيها كحزها عندو
ذياب: متحاوليش تلعبي معايا لعبي خايب و غادي نوريك وجهي الخايب
شامة حلات عينها و هي تتحس بكلماتو كي قرطاس على قلبها...
شامة: ذياب انا (قاطعها ) ششششش
جبدها و خشا فمو كيلثاهم شفايفها و كيلعب بصدرها و هي متجاوبة معاه
خلاتها حتى حس بها ترخات و بدا كيهبط يدو لطوطو نعسها على سرير وبدا كيلعب ليها فيه حس بيدو فزگات عرفها جابت بليزير ديالها بتاسم و نعس حداها طلعها فوقو
وشاف فوجها تفكر اول نهار جات لهنا وفاش شافها عريانة من داك نهار عرف راسو غادي تولي ليه
شاف فيها و هو كيتحسس شفايفها الوردية ..
بتاسم فاش شافها تتعض على شفايفها
شي حاجة مغرية بزااف بنسبة ليه
جبدها و خشا فمو فمها وبدا كيلعب بلساانو داخل لسانها...
نصل شورط ديالو و بقا صولو و حتى هي حل ليها سوتيانات ديالها و صدرها مدفق عليه..
شاف فيها وبتاسم ...رجع قلبها تحتو وهو فوقها
كيرضع ليها صدرها بحال شي بيبي صغير...
وهي مستمسعة بهاد المذاعباات...
شوية حساات بيه على طوطو ديالها طويل
شافت فيه فهمها شد يدها و هبط ليه غير حطات عليه يدها و هي طلع معاها تبوريشااا
ذياب: شششش تهدني دابا تولفي عليه
حخخخخ اذن كاين مزال الخير من هنا لقدام
شامة بقات ساكت و كتلعب بيه شوية هبط ليها بين رجليها فرقهم بان ليه طوطو بيض و شفايفو غوز
ذفن راسو بين فخاضها و هو كيمص شفايفو وكيلعب بلسانو فالبدر ديالها
وهي تتآوه وتتورك على سرير
تتحس بيه غادي يخرج ليها العقل
تتحس بيه غادي يخرج ليها العقل بحركاتو
شوية حس بيه سااارد بتاسم بنتصاار
ذياب: وقفي
وقفات وهي مطاوعاه تحت تخضيرو
نعس و هي فهماتو شنو بغا يوصل ليها تحنات عليه تتلعب بيه شوية بدات تتمصو كوجاك..خخخخ شامة خرجات ليها ميا خليفة مدارتهاش..
شوية تتحس بيه ولا حمر و عرقان
شدها و رجعها نعسها و فرق ليها رجليها وبدا كيلعب بيه فوق طوطو و كيديه ويجيبو بشوية .
حتى حس بيها تتهمس ليه
شامة: دخلو عفاك بركة
بتاسم و هو كيدخلو بشوية حتى حس بيه دخل نص وهي تتبنن بداك الوجع نشوة غالبة
بقا شوية بشوية حتى دخلو كامل خرجو وعاود دخلو بجهد شاف دم هابط بتاسم و باسها و بقا كيدخلو ويخرجو بجهد ..
وكيزيد فوثيرة حتى حس براسو جابو شد فيها و خشا فمو فالفمها و هي تتحس بيه كيخوي فيها ...داكشي سخون حطات يديها فوق ظهرو و هي مزيرا عليه ..
🍂كانت ناعسة حتى تتحس بيه مكاينش خرجات و هبطات تتشوف فين مشا حتى سمعات صوت شي اهات طلات من فتحة الباب وهي يبانو ليها ناعسين ضربات الحيط بيدها و طلعات للبيت ..
كارو لي لقاتو تتهرسو
كارو : قححححبة بقاااات كضوووور حتى طيحااتو ولكن بربي لكانت ليك قححححبة غادي نصفيها ليك على قبلو انا درت عملية تجميل باش نرجع لهاد دار بدلت سميتي من غزلان لكارز باش نقدر نرجع لدارو و نعس معاه هئ هئ هئ 😭😭😭😭😭😭
بقات تتهرس لي جات قدامها حتى طاحت من قوة الاعصاب
غزلان لبقيتو عاقلين عليها فاش جرا عليها ذياب
مشات دارت عميلية تجميل وجها و صوتها و
فاش عرفات ذياب طلب بنت خرى
طلبات مدير الوكالة بما انها تتعرفو و سيفطها ليه ...
🍂في مكان اخر كان متكي كيفكر فشي خطة لي يقدر رجعها بيها
مصطفى: عممررر عممررر خاصك تقلب عل شي بنت ثقة باش توصلي لي الاخباار
عمر : ههههه سارة
مصطفى:منيتك؟هاديك القحبة تشوفها شامة تقتلها
عمر: بصح اخر مرة باعتها لي ممممم دابا نشوف شي بنت لي نسيفطوها تجيب ليها الاخبار
مصطفى: بغتيها فأقرب وقت
عمر : كوون هاني ..
مصطفى: مني غادي نرجعها غنتزوج بها
عمر : متأكد
مصطفى: راها كتبغيني شريت دارهم و قلبت فبيتها شوف شنو لقيت
عمر:شنو داكشي
مصطفى: مذكرة ديالها عامرة غير بي عرفت بلي كانت تتجسس عليا من مور خاميتها كل ليلة هد البنت مستحيل نضيعها من بين يدياا
عمر: ممممم
مصطفى: اذن تحرك باش نقدرو نرضوها
عمر: وصافي اشاف راه وصيت على البنت غذا غتجي غنسيفطوها تماك
مصطفى: مزيان
🍂معاد كان فغرفتو كيف العادة كيشوف صورتها قدامو وضحكتها بينها و بين شامة شبه داخلي من غير خارجي بيناتهم روحهم النقية ..
بتاسم
معاد: كون ولدتي كون ولدنا كبرا ياك احبيبة
بقا شحال و وقف سد الغرفة وخرج
طلع بيتو شعل گارو ..
شامة فاقت و تتحس بيه محاوطها بيديه شاافت فيه ناعس زوين بزااف شافت فيه وبتاسمات حسات بشي حاجة بين فخاضها
عرفات بلي دم هذاك
عمرها تخيلات راسها غادي تفقد شرفها فالحرام طول عمرها تتخيل ليلة دخلتها مع راجلها عكس الواقع الحاضر...
شافت فيه معرفاتش منين تشدو
هو مزوج بنسبة ليها و بتأكيد مغاديش يبغي يتزوج بها دابا غيحسبها بحال شي عاهرة ديالو
ولكن على قبل حبها ليه مستعدة تحمل اي حاجة
حطات يدها على قلبو
شامة: كنتمنى شي نهار يكون قلبك كيدق لي بوحدي
باستو و رجعات تخشاات فيه و هي مزيرى عليه
طبعا كان كيسمع كولشي بتاسم فاش سمعها تتقول هد الهدرة..
زيرها ليه وبتااسم
💕حلات عويناتها وشاف البيت كولو بيض و سيروم معلق فيديها
شافتو نااعس على يدها حركاتها بشوية
كارينا: بغيت نشررب عفاك عطيني نششرربب
هز راسو و شاف فيها
بلاتي نجيب ليك تشربي
وقف و مشا عمر كاس و عطاها تشرب
كارينا: في جووع
وقف و تم خارج لقا ممرضة : عفاك وصيهيم يجيبو لي بلاطو ديال الماكلا لهنا
ممرضة:واخاا
دخل وشاف فيها : هاهوما غادي يجيبو ليك الماكلا ممكن تقولي لي شكون نتي و فيناهوما داركم
كارينا :(كدوي غير بالانجليزية) كارينا انا من خارج المغرب و ...قاطعها: نتي ماشي مغربية
كارينا : نوو انا باكستانية شكون نت و شنو سميتك وشنو كندير هنا و فيناهي شامة؟؟.. بتاسم و شاف فبراءتها : مممم مروان انا مغربي مي تربيت فأمريكا جيت عند صاحبي هنا فطريقي لدارو خرجتي فطريقي وضربتك بسيارتي مهم جبتك لهنا و دابا شي سيمانة ونتي نااعسة مهم بما انك فقتي يلاه نديك لداركم غادي يكونو خايفين عليك
كارينا: معنديش دارنا
مروان: كيفاش
كارينا: مهم عائلتي فباكستان
مروان: ومع من عايشة هنا ؟
كارينا شافت فالارض و نزلات راسها
مروان فهم بلي كاينة شي حاجة ..
مروان: عاودي لي (شد يدها) تيقي في نقدر نعاونك
كارينا شافت فيه و عويناتها مدمعين عاودات ليه كولشي و حتى نهار كانت غادي تباع مي شامة هرباتها و هي بقات تماك
مروان: عاقلة على ديك البلاصة فين كنتي محبوسة؟
كارينا: نو والله معقلتش
مروان: بلاتي فين ضربتك واش البلاصة قريبة منو؟
كارينا: معرفتش شحال جريت كنت كنجري بلا منوقف ...
مروان: انا ضابط مفوض فالفدرالية الامريكية
كارينا تخلعات خخخخ
مروان: هههه بلا متخافي مني مغاديش نأديك نتي كنتي ضحية وصافي مهم مزال عندنا ميدار اجي يلاه معايا من بعد غادي لقاو شي حل
كارينا دارت ليه براسها واخا
تحنى هزها ..و تم خارج بيها والممرضات شوية و يدوبو اراهن بحشوني خخخخ حتى مكرهوش يكونو بلاصتها شكون كره مع مروان شعر زعر عيون زورق فوورم وااااو ليزابودي اوووف بزاف ❤🔥نااار يا جدعات ...
بقات شادة مور عنقو و خاشية راسها فصدرو ...حاسة بالامان
هبطو و طلعها فلوطو و هو مزال هازها حطها و دار ليها حزام الامان و تم راكب و كسيراا...
شامة فاقت على لمساتو شافها تتكسل و قف و دار يديه فجيبو
ذياب: 100 درهم ولا 200 درهم؟
شامة : ههه مفهمتش ؟
ذياب : تتفضلي نقد ولا شيك ؟
شامة: ذياب شنو تتقصد
ذياب: خلاصك ؟
شامة حسات بسطل ديال الما تكب عليها ..
شامة: ششششنووو تتقصد
ذياب و قف و حط ليها شيك و خرج سد الباب و شامة مزال حالة فمها هادي ثاني مرة كيهينها
شافت شيك و قطعاتو ..
هئ هئ هي انا ماااشي عاهرة لا ماشي قحبة سمعتي مغاديش تشريني بفلوسك
مغاديش تشريني بفلوسك..
وقفاات و مشات لحمام شافت جسدها مقاداش توقف رجليها كيضروها ...و تحت كيحرقها شافت السرير فيه اثار دم بتاسمات بألم
شامة: على الاقل عطيت شرفي لشخص لي حسيت بالحب الحقيقي معاه ماما توحشتك منقدرش نبقا بعيدة عليك اماما ..
دخلات لدوش ...و..
اما هو دخل دوش حس براسو قصح معاها خصوصا بلي بغا يربيها ولكن ميقصحهاش
دوش و لبس حوايجو كيتفكر كل حركة و ليلة البارح لي كانت احسن ليلة بنسبة ليه اول مرة فحياتو تيحس بالحب ...فشي ممارسة
شاف فالكاميرات ..دخلات الحمام ..بتاسم ورجع هبط
سمع صوت لوطو .
شوية شافو داخل و فحظنو شي وحدة هازها
ذياب: مروان عاااش من شااافك
مروان: بغيت نعنقك ازامل مي دوماج درية ناعسة
ذياب: مممم شكون هادي
مروان: قصة طويلة مهم شي بيت نحطها فيه
ذياب شير ليه لبيت جنب غرفة شامة
مشا مروان غلط بغا يدخل غرفة لي نعت ليه دخل ديال شامة
شاف سرير فيه دم معرفتش حط كارينا و شاف الحمام محلول و ماء خارج من تحت الباب دفعو بانت ليه طايحة فالاض عريانة ويدها مضروبة و تتنزف
مروان: ذياااب
ذياب كان گالس حتى كيسمع صوت صاحبو
مشا بجرا عندو دخل شافو راجع بلور فهم بلي كاينة شي حاجة
دخل لقا الماء كيتكب عليها و يدها تتنزف
بسرعة دخل و هزها غطاها بليزار و هزها خرجها مروان سد الباب و تبعو
ذياب : مروان حل سيارتك
مشا كيجري حل سيارة و ركبو
دياب گلس لور و حاط راسها فحظنو و مزير على يدها باش يحبس نزيف...
شافو مروان من الزاجة: شكوون هادي اصاحبي و مالها على الانتحار
ذياب: سكت ازبي بلا قوة الهدرة زيد.فسرعة و سكتنا
مروان : واخا سيارتي ولات اسعاف ماشي بورش فااك
ذياب: مروان
مروان: الله يلعن بو مروان
خخخخخ تعصب سيد
وصلو للسبيطار لوا عليها ليزار و خدا جاكيط مروان غطا ليها كتافها عاد خرجو
من سيارة طلعها و بسرعة تجمعو عليهم
دياب:(موجه هدرتو لطبيب) الا ماتت ولا وقعات ليها شي حاجة قسما بالله حتى نقتلك و لحقك ليها...
داازو ساعات ..
وخرج طبيب : على سلامتها مهم راها بيخير دابا و لكن راه نفسيتها مدمرة بزاف عفاكم حاولو تبعدوها من مشاكل شوية واخا؟
دياب: صافي سير وقتاش غادي نخرجوها
طبيب: بعد متفيق
ذياب: واخاا
مشا طبيب كلس ذياب و مرجع راسو للخلف كون وقعات ليها شي حاجة كان غيموت
مروان: دابا قول لي شكون هادي
ذياب: خدامة
مروان: وهدشي كااااامل على قبل خدامة ؟ ذياب انا خوك وصاحبك مكاين لاش تخبي علي اولا لا ؟
ذياب : اووف من بعد نشرح ليك
مروان: قول هكا اما تقول لي خدامة عادية متددخلش لي العقل..
ذياب : ولي فدار شكون؟
مروان: ضربتها بسيارتي و مشكل ماشي مغربية عائلتها مكاينينش هنا و بزااف ديال حريق راس من بعد نعاود ليك ديطااي
دياب:اوك
دازو ساعات و فاقت شافت جنبها
شامة: حتى الانتحار منجحتش فيه كولشي انا فاشلة فيه
سمعات صوتو : وعمرك غادي تنجحي فشي حاجة محدك فهاد ضعف
شافت فيه جاي جيهتها ضورات وجها
شامة: ذياب
ذياب : شششش متخافيش راه غادي نخلص الكلنييك بفلوسك ديال البارح
شامة شافت فيها و عينيها كيف جغمة دم : ذياااااب خرج علي
ذياب : هههههههه فاش كتعصبي كتولي كيف اللبوؤة
شامة: ضحكك باااسل.
ذياب : مممم ياك
شامة: اه
ذياب : يلاه نخرجو مكنحملش سبيطارات
شامة: نخرج عريانة
ذياب: متخافيش ديجا وصيتهم يسيفطو لي حوايجك
شامة شافت فيه و مدات يدها
شامة : كتبغيني؟
بتاسم و تحنى لعندها
ذياب: كنبغيك فالفراش احبيبة
شاف فيها ديك الشوفة ناقصة
تمنات الارض تشق و تبلعها زيرات على ليزار شوية تفكر فاش قاليه طبيب مخاصهاش تعرض للضغط نفسي...مسح على راسو و شاف فيها ..: صافي بلا شي حركة مهم غنمشي لبسي حوايجك شوية نرجع
نخرجو
شامة:واخا..
خرج و لقا مروان متكي على الحيط : امضرا غنمشيو دابا؟
ذياب: صبر انمي تلبس حوايجها
مروان:اجي شفت سريرها فيه دم؟ ياكما لبارح طرطقتو البوشونة
ذياب: زير ازبي ممرگتيش؟
مروان:ههههه غير ضاحك مهم عاود لي قصتها
ذياب : فضول اصاحبي غيخرج عليك
مروان:مكيهمش مهم بغيت نعرف
ذياب:مهم .....
عاود ليها كوولشي
مروان: اذن هي داباا..
ذياب:تماما
مروان:وعلاش هد روينا كاملة
ذياب: نت عارفني كنكره الكدوب و الخيانة
مروان: ممممم باغي تربيها من جديد
ذياب : شي حاجة بحال هكاا
مروان: يلاه نهبطو نخلصو و نجيبو ليها شي حاجة باش تفطر
ذياب:مممم واخا يلاه
هبطو خلص دياب تكاليف سبيطار و هبطو كافيتيريا..
💕فاقت و هي تتكسل
كارينا:اوووف شحال رطب شحال هادي منعست بحال هكا
حطات يدها على سرير شافت يدها فيها دم
وقفات مخلوعة
كارينا:واااععععععع شهادشي
شافت الارض فيها دم حتى هيا طلات على الحمام لقاتو تا هو عامر بدم تأفأفات من داكشي و رجعات خرجات
تتضور فالصالة مشات كوزينة شافتها خاوية حيت صباح بكري مزال مفاقوش
خدات تفاحة و بدات تتكالها
خرجات كتقلب فصالون..
🍂فاقت كارو (غزلان) شافت وجها فمراية هزات ماسك الخياار و دارتو لوجها و دارت جوج خيارات فوق عينيها ونعساات
كارو بدات كضور حتى عياات طلعات مع دروج كضور شافت البيت محلول مشات ليه
دخلات تتضور شوية تتسمع صوت شخير
كارينا:ويلي شكون كيشخر بهاد الوحشية خخخخخ
دارت ووهي تشوفها وجها خضر و قنانفها من قوة الفلتر ولاو كي قنانف الجمل خخخخخ
كارينا:واااعععععع كائن فضائي كائن فضائي عتقوووني
مشات تتجري خرجات خخخخخخخ
غزلان فاقت مخلوعة وقفات تتجري شافت راسها فالمراية وهي تخلعع خخخخخخ
نسات بلي دارت الماسك
خخخخخخخخ علام هد كارينا هبطات تتجري لتحت دخلات بيت شامة و سداتها شافت الشرشف ديال السرير عامر بدم حيداتو و لحتو فطواليط حلات الخزانة لقات واحد اخر فرشااتو و جمعات البيت
دخلات الحمام وحلات القرقارة باش يدوز داك الماء لي مخلط بدم مسحات الحمام مزيان و غسلاتو و فراسها سؤال واحد منين جا هد دم كامل
كارينا: ياكما دبحو شي حولي هنا اويلي ميمتي ياكما كيدبحو البنات اصلا داك بو عضلات مرتاحيتش ليه واخا صرحة غززالل و زوين اححح
خخخخخ اختي كارينا توگضي معانا
اويلي على احححح وزوين خخخ
💕في مشفى
طلعو من كافيتيريا و ذياب هاز كابيتشينو و حلاوي فطبصيل باش تفطر
دخل حل الباب و هي تبان ليه البيت خاوية حط الماكلا و مشا لحمام كيدق
ذياب: شامة خرجي واش نتي لداخل؟؟شااامة
دفع الباب و دخل ملقا تا حاجة ...
تعصب فين غتكون مشات
قلب عليها كلينيك كااامل تعصب
طلع مكتب المدير
شافو ووقف
المدير:سي ذياب شششححب الخااطر
ذياب قجو و مروان كيحاول يهدنو
ذياب:فيينااااهيي شاامة؟
مدير:كح كح كح كح ططلللققق نننششوووففف كاااميييررااتتت
طلق منو بعدما كان غادي يخنقوو
قلبو فالكاميرات
وصلو للحظة خرج دياب شوية شافو شي واحد داخل مغطي وجهو دازو دقايق و خرج وهو حاط شامة فكروسة و دافعها وهي سخفانة
دياب هرس داك الكومبيوتر مبقا كيشوف تا حاجة قدامو زعزع گااع داكشي
ومروان غير تابعو كيشد فيه
مروان:وسي زبي تهدن شوية و صافي غادي لقاوها
ذياب: ووووووودااااهااااا وانا هنا كيفاش قدر وشكوووون هدا بربي حتى نشرب من دمو هو قاسها هزها حط عليها يدو بربي حتى ندفنو عاايش
مروان : غادي لقاوه
ذياب بقا شحال بسرعة خرج و تبعو مروان ركب سيارتو دوز مكالمة
ذياب: وي نت فينك مهم دوز كلينيك و شوف الكاميرات البنت لس تخطفات ليوم قبل غذا غادي تجبدها لي مفهووم؟
شخص:مفهوم مسيو ذياب
قطع و رما تيليفون لور
شاف فيه انور و هو معلي حاجب و مهبط لخر
مروان: مفهمتش ياك غير قبيلات تتسب فيها و مكتفوت حتى فرصة باش تهنيها اخويا نت حال واحوال
ذياب:مروان متزيدش تحط الملح على الجرح نت عااارف مزياااان شنو كاين
مروان: صافي اصاحبي تهدن
ذياب: شوفي دوك المخابرات دزبي واش ينفعونا فشي قلوة تحرك ازبي دير شي حاجة ونت لصق فزكي متنفع مضر قلاوي
مروان:حق الله ومكنت عراف هد البنت شنو تتعني ليك كون حويتك راني صابر
ذياب: بلا قوة فلسفتك دوز ابيل لدوك ولاد القحاب خلاص
مروان:بلاتي
دوز مروان ابيل و علمهم يتحركو...
ايييه الفلوس تتحرك كولشي اما المغرب و الفقر تعيا متصوني و تغوت و تبكي حتى حد ميديها فيك خلاصة القول لي معندو فلوس كلامو مسوس...خخخخخخ
جمعات كارينا بيت شامة و شافت الحوايج جاو قدها خدات سروال و كيطما بدلات حوايجها سمعات صوت شي تيليفون
قلبات فالبيت لقاتو مخشي فمخدة
هزاتها وجاوبات
كارينا:الو
معاد: شامة
كارينا:شامة!
معاد: شكون نتي
قطعات و حطات تيليفون
كارينا:معقول يكون كيعني شامة لي كنعرف انا زعما هي لا مستحيل
بقات كضور فالبيت ...
عند معاد ☘
معاد: مال هادي وفين شامة لا لالا هدشي بزاف
دوز ابيل لاحد الحراس لي مكلفو يراقب شامة و فنفس الوقت هو خدام فالفيلا ديال دياب
معاد: شنو وقع ليها..
خبرو الحارس بكولشي و بلي نايضة قيامة كيقلبو عليها..
معاد:لااااااا ميمكنننشششش شكوون خطفهاااا
گلس معاد و رجع شريط للخلف تفكر كلام مصطفى
معاد:دااااك زمال البزناز هو هو بتأكيد هو ولكن معرفتيش مع من طحتي
وقف ودار سوارت لوطو فجيبو خرج و تاجه للمقر
دخل وشاف فالجلاد يالو ماشي بوديگار هادو راه يسلخو الجلدة على العظم و ميحسو بوالو..
معاد: مصطفى غادي تجيبوه لي دااباا
هزو راسهم بأه .
خرجو و مشاو بتجاه ديبو ديالو...
🍃ذياب وصل للفيلا ودخل طلع لبيتو
لقا كارو (غزلان) متكيا شافتو و قفات تتجري لعندو دفعها وداز هز المسدس ديالو و خرج
كارو:اويلي مال هذا شكون عصبو وجهو مكيتفسرش
مروان مشا بيت شامة يشوف كارينا واش فاقت ..
لقاها متكيا تتاكل
مروان:هاي هاي هاي واخدة لي راحتك نتي لي جات معاك گالسة لي مع راسك تتاكلي
كارينا حشمات حطات بلاطو وشافت فيه : اجي تاكل معايا
مروان: اودي واش كرهت انا ..(سمع صوتو كيغوت عليه ) اوووف هانا مع هد زامل فين غنوصل نقلبو على شامة
كارينا :شااامة شكك...(مشا و سد الباب)اوووف ياربي واش نفسها شامة لي كنعرف ولا وحدة خرى راسي غادي ينفااجر مافيهاش .
بقات گالسة تتكمل مكلتها شافت مذكرة جنب راسها
هزاتها كارينا...ولكن مفهمات والو الاغلبية بالعربية قليل لي بالانجليزية غير عبارات خفاف
☘في مكان مضلم ☘
كانت مربوطة و عينيها مسدودين و حتى فمها و هو گالس على الكرسي و
وقف و مشا تجاهها شد وجها وبدا كيدوز صبااعو على فمها من فوق اللصقة
حيدها وبدا كيدوزهم على شفايفها منفوخين ورطيطبين...
بتاسم يلاه بغا يتحنى يبوسها وهو يسمع شي صوت
وقف بزربا خدا سكين و تم غادي جيهت الباب حلو بشوية وهو يشوف مشة صغيرة تتخربش فالباب تنفس و عاود سد الباب و حيد سكين
شاف فيها و شاف صدرها لي كان نصو باين شعرها طايح على كتافهاا..
هبطو عينيه مع رجليها بيضين و نقيين بتاسم ورجع دار ليها لصقة..
ورجع لبلاصتو گلس فوق الكرسي كيتمايل ...
وهو كيصفر صفير الموت (لحن الموت)
💕خرج من فيلا و مسدس مور ظهرو
ذياب: قدرو يشوفو رقم سيارة لي خطاتفها فيه و من دابا شوية غادي يسيفطو لي العنوان ديالها و ساعتها بربي و نعرف هد زامل لي خطفها حتى نگلسو على القرعة
مروان: هاااانااا ثاني على روبن هوود
ذياب:ماشي وقت ضحك هذا
مروان:سمح لي ولكن اخر مرة شفتك هكا كان ف...سكت مكملهاش
ذياب:ههههه فاش هربات من رعسان عادي غير كملها اسطوار قديمة و ماتت و مكتهمنيش
مروان: فراسك مزال معرفتش علاش هربات و ختافا ليها الاثار مبقاتش بانت
ذياب:حيت قتلتها
مروان:(بصدمة )شنوووووو
ذياب:كنكره الخيانة و الغدر و هي دارتوهم بجوج
مروان بقا مصدوم من هدرتو متسرطاتش ليها...
🍂السبب وراء كره ذياب الخيانة والغدر يعود ل 5 سنوات قبل
ذياب كان فعلاقة غرامية مع بنت عمو فداء لي باعتو برخيص تعاونات مع باباها باش يقدرو يضمروه و خلاتو تا نهار عرسهم و هربات و خدات ليه شي وراق لي وصاها عليهم باباها طبعا الوراق كانو مزورين حيت ذياب فأخر لحظة زورهم...شيء لي اكد ليه خيانتها...
لقاها واول حاجة دارها قتلها..
حيت بنسبة ليه لي كيخون وكيغضر عقابو الموت
خخخخخ ايييه ويعرف شامة اش دارت غادي يخشي فيها القراعي
💕بدات كتفيق عضامها كيضور تحتها خلاص قتلها بالوجع..
شامة: ذياااااب ذيااااب
كتقولها بشوية بحالا كتهمس
شوية تفكرات اخر حاجة فاش كانت كتبدل و شي حد حط ليها شي حاجة على نيفها حتى فقدات الوعي
بغات تنوض ولكن كلها مربوطة ضلامم بزااف بستثناء ضوء لي ساطع من واية لي فوق راسها
سمعات صوت تصفار
شامة:شكووون هنا هذا نت اذياب ياك نت شكووون نت
شافت صباطو فضلام ولكن مجهو مباينش ..
شامة:هئ هئ شكووون نت 😭😭😭😭😭😭😭
بدا كيضحك بهستيرية بحال شي حمق..
🍃وصلو لحي فقير هبط ذياب وتبعو مروان
مروان: فااااك شوف شحال من حي صفيح فين غادي نقلبو على هد شامة ديالك
ذياب : بليز عيرني سكوتك و هنيني ونت فيك الهدرة كثر من فاطمة التاويل
خخخخخ لا سمح لي هذا سطاج لخر..
مروان سكت و تبعو كيدخلو من قنت يخرجو من لخر و مروان غير تابع ذياب معارفش حتى فين غادي بيه
☘كان گالس فالديبو ديالو
عمر و فوق منو سارة كيرضع ليها صدرها خخخخ وضع مخل بالحياء
دفعو عليه الباب غير سمع صوت القرطاص و تخشاو هو وسارة تحت البيرو
سارة تتدخل بزازلها سوتيانات
سارة:اويلي اويلي شكون هادو اعميمير شكون هادو علاش هجمو علينا
عمر:شششش سكتي
سارة مكوزة و عاطياهم طرمتها
خخخخ اختي مع ديك الخرزة معندك فين تخبيها
مشاو نيشان ليهم عطاها واحد من دوك البوديگار واحد شحطة برجليها لطرمتها : انوضو تقودو اولاد القحاب البيتش لخرى فيناهو مصطفى؟
عمر شاف المجر بغا ياخد مسدس وهو يضربو لخر بقرطاسة ليدو حتى عمر:ااااااايييييييي مصطفى مكااينش مكااينش
زاد عطاها ضربة خرى لرجلو : دوي فيناهو مصطفى
عمر: من لبارح مرجعش قال لي عندو شي خدمة مهمة
شاف فيه و دار ليهم حركة يهزوه شاف فسارة لي شوية وتبول فسروالها
تيرا فالارض و هي تبدا تغوت : هههههه بشوية عليك
سارة تخشات تحت المكتب و هوما خرجو ..
خرجو عمر من الديبو ودور لمعاد: موون شااف ملقيتاش مصطفى ولكن جبنا ليك الكلب ديالو عمر
معاد: قلبو على داك بزناز فيما كان تحت الارض جبدوه فوق الارض جبدوه
قطع وبدا كيضرب فالكراسة
معاد: فااااك فاااك فااااك بربي ا مصطفى تقيس منها شعرة وحدة حتى نقتلك ابشع موت
جرب تقيسها
🍃دياب وصل لجنب احد المصانع المهجورة فحي صفيح
مروان:عااارت الله اش جينا نديرو هنا
ذياب:(شاف فيه و بتساامت نصر على وجهو) جيت ندي شي حاجة ديالي من هناا..
بداو كيتسلتو حتى وصلو لاحد نوافد المهرسة ديال المصنع طل دياب بان ليه صقيل ...
دارو من الجيهة الاخرى و نقز دياب تبعو مروان
ذياب :شششش بشوية
مروان دار ليه اوك برااسوو...
بقاو غاديين بشوية تيسمعو صوت صفير (لحن الموت)
مروان:تا مال هد خينة مأثر بزاف بجوكر خخخخخخخ
😂😂😂😂😂الهربة مع هد مروان
شاف فيه ذياب ديك الشوفة ديال ماشي وقت ضحك دابا فهمو و زم
شافوه عاطيهم بظهر و شامة فوق واحد الكرسي مكتفاا
ذياب: شوف غادي ندخل نت غادي تفك شامة و من بعد حسابي مع هد زامل بوحدو
مروان: صافي مشات
ذياب: عند 3 ندخلو
حسبو حد 3 ودفعو الباب
ضار شااف فيهم ولكن كاين قناع على وجهو
غير شافهم ودار السكين على رقبة شامة
ذياب:حيد حيد يدك عليه بربي و تقيسها حتى اخرتك على يدي
شاف ديال فمروان
مروان ضابط فالفدرالية الامريكيا هو مدرب على بحال هدشي و عارف كيفاش يتصرف مزيان فبحال هد الامور
جبد مسدس و تيراا ليه فجنب يدو
لقب مروان فأيامات العسكرية كانت القناص حيت بااارع بزااف فالتسديد و القنص
طلق الخاطف السكين و طاح ليه
بزربة ضربو دياب لرجلو بمسدس وطاح للارض مروان طلق مسدس ديالو وبدا كيفكها
وهي تتبكي و تغوت
شامة: 😭😭😭😭😭😭😭😭😭😭😭😭😭سربي عفاك سربي
مروان:ششششش تهدني
حل ليها و دياب تيحل ليها رجلها فكوها ووقفو يخرجو
مروان:وهذا شنو غادي نديرو معاه
ذياب:دابا رجالي غادي يجيو يديوها مزال غادي نعاقبو بطريقتي
مروان:فااااك مسدس ديالي خليتو ...(سمعو صوتو من موراهم) هاهوواا
ضارو وهوما يشوفوه مصوب على ذياب نطق و هو كيضحك:تشهد على روحك ليوم غادي تموت
ذياب واقف شامة شافتو غادي يتيري و هي طيح قدام ذياب ...
جات فيها رصاصة
بزربة شدو مروان قبل ميهرب حيد ليه الماسك على وجهو شافو دياب و هو مصدوم
ذياب: نتااااااااا
💕في مقر معاد قدامو عمر لي حيدو ليه صباعو كاملين بالاقاط و واحد من خدم ديالو شاد لسانو كيقطعو ليه
معاد: (كيلعب بمسدس) نتومااا معرفتوش مع من كتلعبوو راه سبااايدر (عنكبوت) هذا
عمر حل عينيه على جهدهم
كيفاش سبايدر لا ميكمنش
سبايدر المجرم المأجور قديما و احد اكبر رؤوس المافيا الروسيا حاضراا
عمر تصدم و صدمة قوية على وجهو
معاد فاش دخل فالاول للمافيا روسيا على شكل احد الاعضاء العاديين ولكن مع الوقت ربح ثيقة ديال اليد اليمنى ديال احد اعظم الروؤساء للمافيا
من بعد قتلو ولا هو بلاصتو معاد طمع كثر و كثر لدرجة قتل الزعيم وولا هو بلاصتو
معاد و البوص و بزاف ولاو هوما لي كيمشيو البورصا وسوق العالمياا على روؤس اصابعهم
يتبع..
